ഹിന്ദുകുഷ് മേഖലയിൽ 5.8 തീവ്രതയിൽ ഭൂചലനം; ഉത്തരേന്ത്യയിലും പ്രകമ്പനം

ന്യൂഡൽഹി: അഫ്ഗാനിസ്ഥാനിലെ ഹിന്ദുകുഷ് പർവതമേഖലയിൽ റിക്ടർ സ്കെയിലിൽ 5.8 തീവ്രത രേഖപ്പെടുത്തിയ ഭൂചലനം. ജമ്മു കശ്മീർ, പഞ്ചാബ്, ഡൽഹി തുടങ്ങി ഉത്തരേന്ത്യൻ മേഖലകളിൽ പ്രകമ്പനം അനുഭവപ്പെട്ടു. നാശനഷ്ടങ്ങളൊന്നും റിപ്പോർട്ട് ചെയ്തിട്ടില്ല.

ഇന്ത്യൻ സമയം രാത്രി 9.31ഓടെയാണ് ഭൂചലനമെന്ന് ദേശീയ ഭൂകമ്പ നിരീക്ഷണ കേന്ദ്രം അറിയിച്ചു. 181 കി.മീ ആഴത്തിലാണ് ഭൂചലനത്തിന്‍റെ പ്രഭവ കേന്ദ്രം.