അഞ്ച്​ ദിവസത്തിന്​ 10,000 രൂപ; കേരളത്തിലെ ഏഴ്​ സ്​ഥലങ്ങളിൽ 'വർക്ക്​ ഫ്രം ഹോട്ടൽ' പാക്കേജുമായി ​റെയിൽവേ

ഉൻമേഷദായകവും ശാന്തവുമായ അന്തരീക്ഷത്തിൽ ജോലി ചെയ്യാനുള്ള സൗകര്യവുമായി ഇന്ത്യൻ റെയി​ൽവേക്ക്​ കീഴിലെ ഐ‌.ആർ.‌സി.‌ടി.‌സി 'വർക്ക് ഫ്രം ഹോട്ടൽ' പാക്കേജ് ആരംഭിച്ചു. കേരളത്തിലാണ്​ ഇതി​െൻറ ആദ്യത്തെ പ്രവർത്തനം. വീട്ടിൽ നിന്നുള്ള ജോലി എന്നതിന് പകരം കേരളത്തിലെ മനോഹരമായ ഹോട്ടൽ മുറികളിൽ പ്രഫഷണലുകൾക്ക് ജോലി ചെയ്യാനുള്ള സൗകര്യമാണ്​ ഒരുക്കുന്നത്​.

ചുരുങ്ങിയത്​ അഞ്ച് രാത്രിയാണ്​​ താമസം. 10,126 രൂപ മുതലാണ്​ പാക്കേജ്​ തുടങ്ങുന്നത്​​​. അണുവിമുക്തമാക്കിയ മുറികൾ, മൂന്ന് നേരം ഭക്ഷണം, രണ്ട് തവണ ചായ / കോഫി, കോംപ്ലിമെൻററി വൈ-ഫൈ, വാഹനത്തിനുള്ള സുരക്ഷിതമായ പാർക്കിംഗ് സ്ഥലം, യാത്രാ ഇൻഷുറൻസ് എന്നിവയെല്ലാം ഇതിൽ ഉ​ൾപ്പെടുന്നു.

പ്രഫഷണലുകൾക്ക് കേരളത്തിലെ തങ്ങളുടെ പ്രിയപ്പെട്ട സ്​ഥലം 'വർക്ക് ഫ്രം ഹോട്ടൽ' സൗകര്യത്തിനായി തെരഞ്ഞെടുക്കാം. മൂന്നാർ, തേക്കടി, കുമരകം, മാരാരി (ആലപ്പുഴ), കോവളം, വയനാട്, കൊച്ചി എന്നിവിടങ്ങളിലെ ഹോട്ടലുകളിലാണ്​ ഇൗ സൗകര്യം ലഭിക്കുക. മറ്റ് സ്ഥലങ്ങളിലും സമാന പാക്കേജുകൾ തുടങ്ങുന്നത്​ ആലോചനയിലാണ്​.

ഇൗ ഹോട്ടലുകളിൽ കോവിഡ്​ സുരക്ഷാ മാനദണ്ഡങ്ങളും ഉയർന്ന നിലവാരമുള്ള ശുചിത്വവും പാലിക്കുന്നുണ്ടെന്ന്​ ​െഎ.ആർ.സി.ടി.സി അറിയിച്ചു. ഐ‌.ആർ.‌സി‌.ടി.‌സി വെബ്‌സൈറ്റ് അല്ലെങ്കിൽ ടൂറിസം ആപ്പ്​ ഉപയോഗിച്ച്​ പാക്കേജുകൾ ഓൺലൈനായി ബുക്ക് ചെയ്യാം. അതേസമയം, കോവിഡ്​ വ്യാപനം കണക്കിലെടുത്ത്​ പാക്കേജിൽ സൈറ്റ്​സീയിങ്​ ഉൾപ്പെടുത്തിയിട്ടില്ല.