സഞ്ചാരികളെ മികച്ച രീതിയിൽ സ്വാഗതം ചെയ്​ത നാട്​​; കേരളത്തിന്​ വീണ്ടും അവാർഡ്​

ഇന്ത്യയിൽ സഞ്ചാരികളെ മികച്ച രീതിയിൽ സ്വാഗതം ചെയ്​ത പ്രദേശത്തിനുള്ള അവാർഡ്​ വീണ്ടും കേരളത്തിന്​. അന്താരാഷ്​ട്ര ട്രാവൽ ആൻഡ്​ ടൂറിസം പ്ലാറ്റ്​​േഫാമായ booking.com ന്‍റെ ട്രാവലേഴ്​സ്​ ചോയ്​സ്​ അവാർഡിനാണ്​ കേരളം അർഹമായത്​. തുടർച്ചയായ മൂന്നാം വർഷമാണ്​ സംസ്​ഥാനം ഈ നേട്ടം സ്വന്തമാക്കുന്നത്​. കേരളത്തിന്​ പിറകിൽ രാജസ്​താൻ, ഗോവ, കർണാടക, തമിഴ്​നാട്​ എന്നിവയാണുള്ളത്​.

മികച്ച രീതിയിൽ സഞ്ചാരികളെ സ്വാഗതം ചെയ്​ത ഡെസ്റ്റിനേഷനുകളുടെ പട്ടികയിൽ മാരാരിക്കുളവും തേക്കടിയും ആദ്യത്തെ അഞ്ചിൽ സ്ഥാനം പിടിച്ചു. പാലോം (ഗോവ), അഗോണ്ട (ഗോവ), ജയ്​സാൽമീർ (രാജസ്​താൻ) എന്നിവയാണ്​ മറ്റു സ്​ഥലങ്ങൾ​.

വിനോദസഞ്ചാര മേഖലയുടെ വളർച്ചക്ക്​ സംസ്ഥാന സർക്കാർ നടത്തുന്ന ഇടപെടലുകളും മലയാളികളുടെയാകെ ഊഷ്മളമായ ആതിഥേയ മനോഭാവവുമാണ് കേരളത്തിന്​ വീണ്ടും അംഗീകരം നേടിക്കൊടുത്തത്​.