സൗ​ഹൃ​ദ വ​ണ്ടി​യി​ലൊ​രു റോ​ഡ് യാ​ത്ര

ദോ​ഹ: ഖ​ത്ത​റി​ൽ തു​ട​ങ്ങി 30 ദി​വ​സം​കൊ​ണ്ട്​ 22 രാ​ജ്യ​ങ്ങ​ൾ സ​ഞ്ച​രി​ച്ച ഒ​രു ല​ണ്ട​ൻ യാ​ത്ര. ര​ണ്ട്​ വ​ൻ​ക​ര​ക​ളി​ലാ​യി 12,000ത്തി​ലേ​റെ കി​ലോ​മീ​റ്റ​ർ ദൂ​രം ത​ങ്ങ​ളു​ടെ ലാ​ൻ​ഡ്​ ക്രൂ​യി​സ​റി​ൽ ഓ​ടി​ത്തീ​ർ​ത്ത നാ​ലു പ്ര​വാ​സി മ​ല​യാ​ളി​ക​ൾ. യാ​ത്ര​ക​ളി​ലൂ​ടെ ദൃ​ഢ​മാ​യ സൗ​ഹൃ​ദം​കൊ​ണ്ട്​ ഏ​വ​രെ​യും അ​തി​ശ​യി​പ്പി​ച്ച​വ​രാ​ണ്​ അ​വ​ർ നാ​ലു​പേ​ർ.

കോ​ഴി​ക്കോ​ട്​ മേ​പ്പ​യൂ​രി​ന​ടു​ത്ത്​ പാ​ല​ച്ചു​വ​ട്​ സ്വ​ദേ​ശി മ​ഷ്​​കൂ​ർ, പേ​രാ​​മ്പ്ര ചാ​ലി​ക്ക​ര​യി​ൽ നി​ന്നു​ള്ള ഷെ​റി​ൽ, കൂ​രാ​ച്ചു​ണ്ട്​ സ്വ​ദേ​ശി ഫ​താ​ഹ്, കോ​ഴി​​ക്കോ​ട്​ ഫ​റോ​ക്ക്​ സ്വ​ദേ​ശി അം​ജ​ദ്​ എ​ന്നി​വ​ർ. ക​ഴി​ഞ്ഞ ജൂ​ൺ എ​ട്ടി​ന്​ ഖ​ത്ത​റി​ൽ തു​ട​ങ്ങി ജൂ​ലൈ​ ആ​ദ്യ വാ​ര​ത്തി​ൽ ല​ണ്ട​നി​ൽ അ​വ​സാ​നി​പ്പി​ച്ച ഒ​രു മാ​സം നീ​ണ്ട മാ​ര​ത്ത​ൺ റോ​ഡ്​ യാ​ത്ര​യു​ടെ ത്രി​ല്ലി​ലാ​ണ്​ ഈ ​സൗ​ഹൃ​ദ സം​ഘം.

തൊ​ഴി​ൽ തേ​ടി പ്ര​വാ​സ മ​ണ്ണി​ലെ​ത്തി യാ​ത്ര​യോ​ടു​ള്ള ഇ​ഷ്​​ട​ത്തി​ൽ കൂ​ട്ടു​ചേ​ർ​ന്ന​താ​ണ്​ ഇ​വ​രു​ടെ സൗ​ഹൃ​ദം. ഖ​ത്ത​റി​ൽ ഫി​നാ​ൻ​സ്​ മേ​ഖ​ല​യി​ൽ ജോ​ലി ചെ​യ്യു​ന്ന ഷെ​റി​ലി​ന്റെ വാ​ക്കി​ൽ പ​റ​ഞ്ഞാ​ൽ ഓ​രോ വ​ർ​ഷ​വും ജോ​ലി​ചെ​യ്​​തു​ണ്ടാ​ക്കു​ന്ന വ​രു​മാ​ന​ത്തി​ൽ ഒ​രു വി​ഹി​തം ലോ​കം ചു​റ്റാ​നു​ള്ള നീ​ക്കി​യി​രി​പ്പാ​ണ്. കൈ​യി​ൽ പ​ണ​മാ​കു​ന്ന​തി​ന്​ മു​​മ്പേ അ​ടു​ത്ത യാ​ത്ര​ക്കു​ള്ള പ്ലാ​നി​ങ്​ തു​ട​ങ്ങും.

രാ​ജ്യ​ങ്ങ​ളും റൂ​ട്ടും യാ​ത്ര തീ​യ​തി​യു​മാ​യാ​ൽ ലോ​ക​യാ​ത്ര​ക്ക്​ തു​ട​ക്ക​മാ​യി. ലോ​ക​ത്തി​ന്റെ പ​ല ഭാ​ഗ​ങ്ങ​ൾ സ​ഞ്ച​രി​ച്ച്​ തീ​രു​മ്പോ​ൾ ഓ​രോ​ന്നും പു​തി​യ അ​നു​ഭ​വ​മാ​യി മാ​റു​ന്നു​വെ​ന്ന്​ മ​ഷ്​​കൂ​റും ഷെ​റി​ലും ഒ​രേ ശ​ബ്​​ദ​ത്തി​ൽ പ​റ​യു​ന്നു. സ​ന്ദ​ർ​ശി​ക്കു​ന്ന നാ​ടു​ക​ളി​ലെ സം​സ്​​കാ​ര​ങ്ങ​ൾ പ​ഠി​ച്ചും പ​ല മ​നു​ഷ്യ​രു​മാ​യി സൗ​ഹൃ​ദം സ്ഥാ​പി​ച്ചും യാ​ത്ര അ​വ​സാ​നി​ക്കു​മ്പോ​ഴേ​ക്കും അ​ത് മ​റ്റൊ​രു യാ​ത്ര​ക്കു​ള്ള ഊ​ർ​ജ​മാ​യി മാ​റു​ന്നു.

ലാ​ൽ ജോ​സ്​ ന​ൽ​കി​യ ആ​വേ​ശം

ച​ല​ച്ചി​ത്ര സം​വി​ധാ​യ​ക​നും സ​ഞ്ചാ​ര​പ്രി​യ​നു​മാ​യ ലാ​ൽ ജോ​സും മാ​ധ്യ​മ​പ്ര​വ​ർ​ത്ത​ക​ൻ ബൈ​ജു എ​ൻ. നാ​യ​രും കേ​ര​ള​ത്തി​ൽ​നി​ന്ന് ല​ണ്ട​നി​ലേ​ക്ക്​ റോ​ഡു മാ​ർ​ഗം ന​ട​ത്തി​യ യാ​ത്ര​യാ​യി​രു​ന്നു ത​ങ്ങ​ളു​ടെ ല​ണ്ട​ൻ യാ​ത്ര​ക്കും പ്ര​ചോ​ദ​ന​മാ​യ​തെ​ന്ന്​ മ​ഷ്​​കൂ​ർ പ​റ​യു​ന്നു. ക​ഴി​ഞ്ഞ വ​ർ​ഷം അ​വ​സാ​ന​മാ​ണ്​ മ​ഷ്​​കൂ​ർ സു​ഹൃ​ത്ത്​ ഷെ​റി​ലി​നോ​ട് ‘ഖ​ത്ത​ർ ടു ​ല​ണ്ട​ൻ’ റോ​ഡ്​ ട്രി​പ്​ എ​ന്ന ആ​ശ​യം പ​ങ്കു​വെ​ക്കു​ന്ന​ത്. അ​ടു​ത്ത ദി​വ​സം മു​ത​ൽ ഇ​രു​വ​രും യാ​ത്ര​ക്കു​ള്ള പ്രാ​രം​ഭ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു. ന​ല്ലൊ​രു വാ​ഹ​ന​മാ​യി​രു​ന്നു ആ​ദ്യ ല​ക്ഷ്യം.

വി​വി​ധ ഭൂ​പ്ര​ദേ​ശ​ങ്ങ​ൾ ക​ട​ന്നു​പോ​കു​ന്ന യാ​ത്ര​ക്കാ​യി ലാ​ൻ​ഡ്​ ക്രൂ​യി​സ​ർ​ത​ന്നെ സ്വ​ന്ത​മാ​ക്കി. പി​ന്നെ റൂ​ട്ട്​ മാ​പ്പും വി​സ ന​ട​പ​ടി​ക​ളും ഉ​ൾ​പ്പെ​​ടെ പ്ലാ​നി​ങ്​ ദി​ന​ങ്ങ​ൾ. ബ​ജ​റ്റും ഷെ​ഡ്യൂ​ളും ആ​യ​തോ​​ടെ നാ​ലു​പേ​രു​ടെ ല​ണ്ട​ൻ യാ​ത്ര​ക്ക്​ തു​ട​ക്ക​മാ​വു​ക​യാ​യി. മ​ഷ്​​കൂ​റും ഷെ​റി​ലും ഖ​ത്ത​റി​ൽ​നി​ന്ന് വാ​ഹ​ന​വു​മാ​യി നേ​രെ സൗ​ദി വ​ഴി യു.​എ.​ഇ​യി​ലേ​ക്ക്. അ​വി​ടെ​നി​ന്ന്​ കാ​ർ ക​ട​ൽ​മാ​ർ​ഗം ഇ​റാ​നി​ലെ​ത്തി​ച്ചാ​യി യാ​ത്ര​യു​ടെ തു​ട​ർ​ച്ച.

യു.​എ.​ഇ​യി​ൽ പ്ര​വാ​സി​യാ​യ ഫ​താ​ഹ്​ ഇ​റാ​നി​ൽ വെ​ച്ചാ​യി​രു​ന്നു സം​ഘ​ത്തി​നൊ​പ്പം ചേ​ർ​ന്ന​ത്. അ​ർ​മീ​നി​യ, ജോ​ർ​ജി​യ വ​ഴി തു​ർ​ക്കി​യ​യി​ലെ​ത്തി​യ​തി​നു പി​ന്നാ​ലെ നാ​ലാ​മ​നാ​യി അം​ജ​ദും ഒ​പ്പം ചേ​ർ​ന്നു. ശേ​ഷം ഗ്രീ​സ്, ബ​ൾ​ഗേ​റി​യ, റു​മേ​നി​യ വ​ഴി യാ​ത്ര തു​ട​ർ​ന്നു. യാ​ത്ര​ക്കി​ട​യി​ൽ ഇ​റാ​നി​ൽ നാ​ലും തു​ർ​ക്കി​യ​യി​ൽ അ​ഞ്ചും ദി​വ​സ​മാ​ണ്​ ഓ​ടി​ത്തീ​ർ​ത്ത​ത്.

എ​ന്നാ​ൽ, ഒ​രു ദി​വ​സം​കൊ​ണ്ട്​ യൂ​റോ​പ്പി​ലെ നാ​ല്​ രാ​ജ്യ​ങ്ങ​ൾ വ​രെ ഓ​ടി​ത്തീ​ർ​ത്ത അ​നു​ഭ​വ​വു​മു​ണ്ട്. കൃ​ത്യ​മാ​യ ഷെ​ഡ്യൂ​ളി​ൽ​ത​ന്നെ സ​ഞ്ചാ​രം. അ​തി​ർ​ത്തി​ക​ളി​ലെ ചെ​ക്ക്​ പോ​സ്​​റ്റു​ക​ളി​ൽ പ്ര​തീ​ക്ഷി​ച്ച​തി​നേ​ക്കാ​ൾ സ​മ​യം ചെ​ല​വാ​കു​​മ്പോ​ൾ അ​ത്​ ഓ​ടി​പ്പി​ടി​ക്കും. ഹോ​ട്ട​ലു​ക​ളി​ൽ വി​ശ്ര​മി​ച്ചും പ്ര​ധാ​ന സ്ഥ​ല​ങ്ങ​ൾ ക​ണ്ടും ത​ദ്ദേ​ശീ​യ​രു​മാ​യി കൂ​ട്ടു​ചേ​ർ​ന്നും നീ​ണ്ടു​നി​ന്ന യാ​ത്ര​ക​ൾ. ഒ​ടു​വി​ൽ ജൂ​ലൈ​ അ​ഞ്ചി​നാ​യി​രു​ന്നു സം​ഘം ല​ക്ഷ്യ​സ്ഥാ​ന​മാ​യ ല​ണ്ട​നി​ൽ പ്ര​വേ​ശി​ച്ച​ത്. അ​വി​ടെ ര​ണ്ടു ദി​വ​സം ക​റ​ങ്ങി ച​രി​ത്ര​യാ​ത്ര പൂ​ർ​ത്തി​യാ​ക്കി നാ​ലു​പേ​രും നാ​ലു വ​ഴി​യി​ൽ ത​ങ്ങ​ളു​ടെ ഇ​ട​ങ്ങ​ളി​ലേ​ക്കും മ​ട​ങ്ങി. ഇ​നി അ​ടു​ത്ത യാ​ത്ര​ക്കു​ള്ള പ്ലാ​നു​ക​ൾ.

യാ​ത്ര​യാ​ണ് ജീ​വി​തം

ഓ​രോ വ​ർ​ഷം പി​റ​ക്കും​മു​​മ്പേ ബ​ക്ക​റ്റ്​ ലി​സ്​​റ്റി​ൽ അ​ടു​ത്ത ല​ക്ഷ്യ​സ്ഥാ​നം കു​റി​ച്ചാ​ണ്​ മ​ഷ്​​കൂ​റും ഷെ​റി​ലും ക​ല​ണ്ട​ർ മ​റി​ച്ചി​ടു​ന്ന​ത്. അ​ങ്ങ​നെ ഇ​രു​വ​രും ചു​രു​ങ്ങി​യ വ​ർ​ഷ​ത്തി​നു​ള്ളി​ൽ യാ​ത്ര ചെ​യ്​​തു​ തീ​ർ​ത്ത​ത്​ ഡ​സ​ൻ ക​ണ​ക്കി​ന്​ രാ​ജ്യ​ങ്ങ​ളാ​ണ്. ഷെ​റി​ൽ ഇ​തി​ന​കം 40 രാ​ജ്യ​ങ്ങ​ൾ സ​ന്ദ​ർ​ശി​ച്ചു. മ​ഷ്​​കൂ​ർ 35 രാ​ജ്യ​ങ്ങ​ളും. ക​ഴി​ഞ്ഞ വ​ർ​ഷ​മാ​യി​രു​ന്നു ഇ​വ​രു​ടെ അ​മേ​രി​ക്ക​ൻ യാ​ത്ര. ല​ക്ഷ്യ​സ്ഥാ​ന​ത്തെ​ത്തി ​കാ​ർ വാ​ട​ക​ക്കെ​ടു​ത്താ​ണ്​ അ​വി​ട​ങ്ങ​ളി​ലെ യാ​ത്ര. ഈ ​യാ​ത്ര​ക​ൾ​ക്കൊ​രു മാ​റ്റം എ​ന്ന നി​ല​യി​ലാ​ണ്​ ഇ​ത്ത​വ​ണ ദോ​ഹ ടു ​ല​ണ്ട​ൻ യാ​ത്ര തി​ര​ഞ്ഞെ​ടു​ത്ത്​ വി​ജ​യി​പ്പി​ച്ച​ത്.