കേരള ടൂറിസത്തെ അഭിനന്ദിച്ച് ആനന്ദ് മഹീന്ദ്ര; വയനാട്ടിലെ 'എൻ ഊരു' ഗ്രാമത്തിന് പ്രശംസ

ന്യൂഡൽഹി: കേരള ടൂറിസത്തെ അഭിനന്ദിച്ച് വ്യവസായിയും മഹീന്ദ്ര ഗ്രൂപ്പ് ചെയർമാനുമായ ആനന്ദ് മഹീന്ദ്ര. ജൂലൈ 19നാണ് ഇതുസംബന്ധിച്ച പോസ്റ്റ് ആനന്ദ് മഹീന്ദ്ര ട്വിറ്ററിലിട്ടത്. എൻ ഊര് ഗ്രാമത്തി​ന്റെ 57 സെക്കൻഡ് ദൈർഘ്യമുള്ള വിഡിയോ ഷെയർ ചെയ്താണ് കുറിപ്പ്.

ഇത് വള​രെ മനോഹരമായിരിക്കുന്നു. കേരള ടൂറിസത്തിന് അഭിനന്ദനങ്ങൾ. ഈ ഗ്രാമത്തിന്റെ ആർക്കിടെക്ചർ ഡിസൈൻ മനോഹരമാണ്. എത്ര ലളിതമായാണ് ഗ്രാമം ഒരുക്കിയിരിക്കുന്ന​തെന്നും ആനന്ദ് മഹീന്ദ്ര ട്വിറ്ററിൽ കുറിച്ചു. ജൂൺ നാലിനാണ് എൻ ഊരു ഗ്രാമം വയനാട്ടിലെ വൈത്തിരിയിൽ തുറന്നത്.

പ്രദേശത്തെ ആദിവാസി ഗോത്ര വിഭാഗങ്ങളാണ് പദ്ധതിയുടെ മേൽനോട്ടം വഹിക്കുന്നത്. നേരത്തെ ലോകത്ത് കണ്ടിരിക്കേണ്ട 50 സ്ഥലങ്ങളുടെ പട്ടികയിൽ ടൈം മാസിക കേരളത്തേയും ഉൾപ്പെടുത്തിയിരുന്നു.