വാർഷിക നിറവിൽ ടൂറിസം പാക്കേജ് സർവിസ്​

പ​ത്ത​നം​തി​ട്ട: സ​ഞ്ചാ​രി​ക​ളു​ടെ മ​നം​ക​വ​ർ​ന്ന്​ മു​​ന്നേ​റു​ന്ന കെ.​എ​സ്.​ആ​ർ.​ടി.​സി​യു​ടെ ഗ​വി ടൂ​റി​സം പാ​ക്കേ​ജ് ഒ​രു വ​ർ​ഷം പൂ​ർ​ത്തി​യാ​ക്കി. ക​ഴി​ഞ്ഞ വ​ർ​ഷം ഡി​സം​ബ​ർ ഒ​ന്നി​ന് മ​ന്ത്രി വീ​ണാ ജോ​ർ​ജ് ഉ​ദ്ഘാ​ട​നം ചെ​യ്ത ഗ​വി ജം​ഗി​ൾ സ​ഫാ​രി​യി​ൽ ഇ​തു​വ​രെ 750 യാ​ത്ര​ക​ൾ ന​ട​ത്തി.

കോ​ട​മ​ഞ്ഞി​ൽ പു​ത​ച്ച ഗ​വി കാ​ഴ്ച​ക​ൾ ക​ണ്ട്, കാ​ടി​ന്റെ മ​നോ​ഹാ​രി​ത ആ​സ്വ​ദി​ച്ച് കാ​ട് തൊ​ട്ട​റി​ഞ്ഞ് നൂ​റി​ല​ധി​കം കി​ലോ​മീ​റ്റ​ർ നീ​ളു​ന്ന കാ​ന​ന​യാ​ത്ര​യാ​ണ് കെ.​എ​സ്.​ആ​ർ.​ടി.​സി ഒ​രു​ക്കു​ന്ന​ത്. വി​വി​ധ വ്യു ​പോ​യ​ന്റു​ക​ളി​ൽ നി​റു​ത്തി​യാ​ണ് യാ​ത്ര. കെ.​എ​സ്.​ഇ.​ബി​യു​ടെ കീ​ഴി​ലു​ള്ള അ​ഞ്ച് ഡാ​മു​ക​ളു​ണ്ട് ഈ ​കാ​ന​ന​പാ​ത​യോ​ര​ങ്ങ​ളി​ൽ. മൂ​ഴി​യാ​ർ, ക​ക്കി, ആ​ന​ത്തോ​ട്, കൊ​ച്ചു​പ​മ്പ, ഗ​വി തു​ട​ങ്ങി​യ ഡാ​മു​ക​ൾ സ​ന്ദ​ർ​ശി​ച്ച് വ​ള്ള​ക്ക​ട​വ്, വ​ണ്ടി​പ്പെ​രി​യാ​ർ വ​ഴി പ​രു​ന്തും​പാ​റ സ​ന്ദ​ർ​ശി​ച്ച് തി​രി​കെ പ​ത്ത​നം​തി​ട്ട​യി​ൽ എ​ത്താം. കൊ​ച്ചു പ​മ്പ​യി​ൽ ബോ​ട്ടി​ങ്​ ഏ​ർ​പ്പെ​ടു​ത്തി​യി​ട്ടു​ണ്ട്.

ളാ​ഹ, പ്ലാ​പ്പ​ള്ളി, ആ​ങ്ങ​മു​ഴി, മൂ​ഴി​യാ​ർ ക​ക്കി, ആ​ന​ത്തോ​ട്, കൊ​ച്ചു പ​മ്പ, ഗ​വി വ​ഴി​യാ​ണ് യാ​ത്ര. പ​രി​ച​യ​സ​മ്പ​ന്ന​രാ​യ ജീ​വ​ന​ക്കാ​രെ​യാ​ണ് യാ​ത്ര​യി​ൽ പ​ത്ത​നം​തി​ട്ട​യി​ൽ​നി​ന്ന് കെ.​എ​സ്.​ആ​ർ.​ടി.​സി നി​യോ​ഗി​ക്കു​ന്ന​ത്. ഇ​വ​രു​ടെ ഗ​വി യാ​ത്ര​യെ​ക്കു​റി​ച്ച അ​നു​ഭ​വ​സ​മ്പ​ത്ത് യാ​ത്ര​ക്കാ​ർ​ക്ക് പു​തി​യ അ​റി​വു​ക​ൾ പ​ക​രും.

ഇ​നി ച​രി​ത്ര സ്മാ​ര​ക​ങ്ങ​ളി​ലേ​ക്ക്

വി​നോ​ദ​സ​ഞ്ചാ​ര യാ​ത്ര വി​ജ​യ​മാ​യ സാ​ഹ​ച​ര്യ​ത്തി​ൽ ജി​ല്ല​യി​ലെ ച​രി​ത്ര സ്മാ​ര​ക കേ​ന്ദ്ര​ങ്ങ​ൾ ഉ​ൾ​പ്പെ​ടു​ത്തി പു​തി​യ യാ​ത്ര​ക​ൾ സം​ഘ​ടി​പ്പി​ക്കാ​ൻ ഒ​രു​ങ്ങു​ക​യാ​ണ് ബ​ജ​റ്റ് ടൂ​റി​സം സെ​ല്ലെ​ന്ന്​ ഡി.​ടി.​ഒ തോ​മ​സ് മാ​ത്യു പ​റ​ഞ്ഞു. ഇ​തി​നാ​യി ച​രി​ത്ര സ്മാ​ര​ക​ങ്ങ​ളു​ടെ പ​ട്ടി​ക ത​യാ​റാ​ക്കി​വ​രു​ന്നു. ഇ​വി​ട​ങ്ങ​ളി​ലേ​ക്കു​ള്ള യാ​ത്ര​ക​ൾ ഉ​ട​നെ ആ​രം​ഭി​ക്കും. കോ​ന്നി ആ​ന​ക്കൂ​ടും അ​ട​വി കു​ട്ട​വ​ഞ്ചി സ​വാ​രി​യും ചേ​ർ​ന്ന യാ​ത്ര​യും ആ​റ​ന്മു​ള വ​ള്ള​സ​ദ്യ ഉ​ൾ​പ്പെ​ടു​ത്തി പ​ഞ്ച​പാ​ണ്ഡ​വ ക്ഷേ​ത്ര ദ​ർ​ശ​ന യാ​ത്ര​യും ല​ക്ഷ്യ​മി​ടു​ന്നു​ണ്ട്.