ഹിമാലയൻ യാത്രാ വിവരണവുമായി ആൻ്റണി വർഗ്ഗീസ്; 'വാബി - സാബി' പുറത്തിറങ്ങി

മലയാളത്തിന്‍റെ യുവതാരം ആൻ്റണി വർഗ്ഗീസും കൂട്ടരും നടത്തിയ ഹിമാചൽ യാത്രാ വിവരണവുമായി എത്തിയ "വാബി - സാബി"യുടെ ആദ്യ എപ്പിസോഡ് പുറത്തിറങ്ങി. ക്രിയേട്ടീവ് ഡിസൈനര്‍ ആയ സാനി യാസ് എഴുതി, സംവിധാനം ചെയ്ത മലയാളത്തിലെ ഈ വേറിട്ട യാത്രവിവരണം അവതരണം കൊണ്ട് മനോഹരമാണ്.

പത്തു ദിവസത്തോളം നീണ്ട യാത്രയിലെടുത്ത നുറുങ്ങു വീഡിയോകൾ ഒരു യാത്രാ വിവരണം പോലെ എഡിറ്റ്‌ ചെയ്ത് തയ്യാറാക്കിയ പന്ത്രണ്ടു മിനിട്ടോളം ദൈർഘ്യമുള്ളതാണ് വാബി സബിയിലെ ആദ്യത്തെ എപ്പിസോഡ്​. ഹിമാചൽ പ്രദേശിലെ കൽക്കയെ കുറിച്ചുള്ള വിവരണമാണ്​ വിഡിയോയിൽ ഉൾപ്പെടുത്തിയിരിക്കുന്നത്​.

വൈശാഖ് സി. വടക്കേവീട്, സഫ സാനി എന്നിവര്‍ ചേർന്ന് നിർമിച്ചിരിക്കുന്ന യാത്രാവിവരണത്തിൻ്റെ സംഗീതം സുമേഷ് സോമസുന്ദർ ആണ്. വരികള്‍ എഴുതിയിരിക്കുന്നത് സോനു കുര്യൻ. റിയാസ് മുഹമ്മദ് ആണ് എഡിറ്റിംഗ് നിര്‍വ്വഹിച്ചിരിക്കുന്നത്. ഛായാഗ്രഹണം- രാഹുൽ ഓസ്. ഡ്രോൺ- സൽമാൻ യാസ് . വിവരണം- ഷഹനീര്‍ ബാബു. വാർത്ത പ്രചരണം- പി.ശിവപ്രസാദ്