ചങ്ങരത്ത് പക്ഷികളുടെ ചിറകടിയൊച്ച നിലയ്ക്കുന്നില്ല: പ്ര​ദേ​ശ​ത്ത് കണ്ടെത്തിയത്​ 210ഓ​ളം ഇ​നം പ​ക്ഷി​ക​ളെ

അ​രൂ​ർ (ആലപ്പുഴ): വി​വി​ധ ദേ​ശ​ങ്ങ​ളി​ലെ പ​ക്ഷി​ക​ളു​ടെ ഇ​ഷ്​​ട​താ​വ​ള​മാ​യി ച​ങ്ങ​രം പാ​ട​ശേ​ഖ​രം മാ​റി​യി​ട്ട് വ​ർ​ഷ​ങ്ങ​ളാ​യി. പ​ക്ഷി​സ​ങ്കേ​ത​മാ​ക്ക​ണ​മെ​ന്ന ആ​വ​ശ്യ​ത്തി​നും നാ​ളു​ക​ളു​ടെ പ​ഴ​ക്ക​മു​ണ്ട്. കോ​ടം​തു​രു​ത്ത്, പ​ട്ട​ണ​ക്കാ​ട് പ​ഞ്ചാ​യ​ത്തു​ക​ളി​ലാ​യി 250 ഏ​ക്ക​റോ​ളം വി​സ്തൃ​ത​മാ​യ നെ​ൽ​പാ​ട​ങ്ങ​ളി​ൽ വ്യാ​പി​ച്ചു​കി​ട​ക്കു​ന്ന​താ​ണ്​ ച​ങ്ങ​രം, പ​ള്ളി​ത്തോ​ട് ത​ണ്ണീ​ർ​ത്ത​ടം. ക​ട​ലി​ന് അ​ധി​കം ദൂ​രെ​യ​ല്ലാ​തെ മ​നു​ഷ്യ​വാ​സം കു​റ​ഞ്ഞ ഈ ​സ്ഥ​ല​ത്ത് പ​ക്ഷി​ക​ൾ അ​വ​രു​ടെ സ്വൈ​ര വി​ഹാ​ര​ത്തി​ന് ഇ​ടം കാ​ണു​ന്നു. കൊ​യ്ത്തു ക​ഴി​ഞ്ഞ്​ നി​ലം വ​റ്റി​ത്തു​ട​ങ്ങു​ന്ന​തോ​ടെ സൂ​ക്ഷ്മ​ജീ​വി​ക​ൾ, ചെ​റു​പ്രാ​ണി​ക​ൾ ചെ​റു​മീ​നു​ക​ൾ തു​ട​ങ്ങി​യ​വ​യെ ഭ​ക്ഷി​ക്കാ​ൻ കി​ലോ​മീ​റ്റ​റു​ക​ൾ താ​ണ്ടി വി​വി​ധ ഇ​നം പ​ക്ഷി​ക​ൾ ഇ​വി​ടെ എ​ത്താ​റു​ണ്ട്. തീ​റ്റ​യോ​ടൊ​പ്പം ഇ​ഷ്​​ട​പ്പെ​ട്ട കാ​ലാ​വ​സ്ഥ​യും ഇ​വ​യെ ആ​ക​ർ​ഷി​ക്കു​ന്നു.

ലോ​ക സ​ഞ്ചാ​ര ഭൂ​പ​ട​ത്തി​ൽ ച​ങ്ങ​ര​ത്തി​ന് പ്ര​ത്യേ​ക സ്ഥാ​ന​മു​ണ്ട്. വി​ഖ്യാ​ത​രാ​യ പ​ല പ​ക്ഷി​നി​രീ​ക്ഷ​ക​രും ഇ​വി​ടെ വ​ന്ന​ണ​യു​ന്ന നൂ​റു​ക​ണ​ക്കി​ന് പ​ക്ഷി​ക​ളെ​ക്കു​റി​ച്ച് പ​ഠി​ച്ചി​ട്ടു​ണ്ട്. 2014ൽ ​സ്വീ​ഡി​ഷ് പ​ക്ഷി​ശാ​സ്ത്ര​ജ്ഞ​നാ​യ ക്രി​സ്​​റ്റീ​ൻ ഓ​ർ​സ​ൺ ദേ​ശാ​ട​ന പ​ക്ഷി​ക​ളെ കു​റി​ച്ച് പ​ഠ​നം ന​ട​ത്തു​ക​യും പ്ര​ദേ​ശ​ത്തെ യു​വാ​ക്ക​ളു​ടെ കൂ​ട്ടാ​യ്മ രൂ​പ​വ​ത്​​ക​രി​ച്ച്​ പ​ക്ഷി​ക​ളെ എ​ങ്ങ​നെ തി​രി​ച്ച​റി​യാ​മെ​ന്ന് പ​രി​ശീ​ലി​പ്പി​ച്ച​തോ​ടെ​യാ​ണ് ച​ങ്ങ​രം കൂ​ടു​ത​ൽ ശ്ര​ദ്ധ​യാ​ക​ർ​ഷി​ക്കാ​ൻ തു​ട​ങ്ങി​യ​ത്. പ​ക്ഷി​ശാ​സ്ത്ര​ജ്ഞ​ർ ഈ ​പ്ര​ദേ​ശ​ത്ത് 210ഓ​ളം ഇ​നം പ​ക്ഷി​ക​ളെ ക​ണ്ടെ​ത്തി​യി​ട്ടു​ണ്ട്.

സ​ർ​ക്കാ​ർ പ​ച്ച​ക്കൊ​ടി കാ​ട്ടി​യാ​ൽ പ​ക്ഷി​സ​ങ്കേ​തം എ​ന്ന പ​ദ​വി കൈ​വ​രി​ക്കാ​നാ​കും. എ.​എം ആ​രി​ഫ് എം.​എ​ൽ.​എ ആ​യി​രി​ക്കെ പ​ക്ഷി​ക​ളെ നി​രീ​ക്ഷി​ക്കു​ന്ന​തി​ന് ട​വ​ർ നി​ർ​മി​ക്കാ​ൻ​ ചി​ല ശ്ര​മ​ങ്ങ​ൾ ന​ട​ത്തി​യി​രു​ന്നു. പ​ക്ഷി​ക​ളെ വെ​ടി​വെ​ച്ചും കെ​ണി​യി​ൽ പെ​ടു​ത്തി​യും പി​ടി​ച്ച് ഷാ​പ്പു​ക​ളി​ലും ഹോ​ട്ട​ലു​ക​ളി​ലും വി​ൽ​ക്കു​ന്ന സം​ഘം ഇ​വി​ടെ പ്ര​വ​ർ​ത്തി​ച്ചി​രു​ന്നു. എ​ന്നാ​ൽ, ബേ​ർ​ഡ്സ് ഓ​ഫ് ഏ​ഴു​പു​ന്ന എ​ന്ന സം​ഘ​ട​ന​യു​ടെ നി​ര​ന്ത​ര ഇ​ട​പെ​ട​ലാ​ണ്​ ഇ​തി​ന്​ മാ​റ്റം ഉ​ണ്ടാ​ക്കി​യ​ത്.

വേ​മ്പ​നാ​ട് ആ​വാ​സ​വ്യ​വ​സ്ഥ​യി​ൽ കു​മ​ര​കം പ​ക്ഷി​സ​ങ്കേ​ത​ത്തോ​ട് ചേ​ർ​ന്ന് കി​ട​ക്കു​ന്ന പ്ര​ദേ​ശ​ത്തെ സം​ര​ക്ഷി​ക്കാ​ൻ 'സ​ങ്കേ​തം' പ​ദ​വി ല​ഭി​ച്ചാ​ൽ ക​ഴി​യു​മെ​ന്നാ​ണ്​ കേ​ര​ള വ​നം വ​ന്യ​ജീ​വി വ​കു​പ്പി​െൻറ സോ​ഷ്യ​ൽ ഫോ​റ​സ്ട്രി വി​ഭാ​ഗ​ത്തി​െൻറ വി​ല​യി​രു​ത്ത​ൽ. 'ബേ​ർ​ഡ്സ് ഓ​ഫ് എ​ഴു​പു​ന്ന' ച​ങ്ങ​ര​ത്തെ പ​ക്ഷി​സ​ങ്കേ​ത​മാ​ക്കി മാ​റ്റു​ന്ന​തി​നാ​യി അ​ധി​കാ​രി​ക​ളെ സ​മീ​പി​ച്ചി​ട്ടു​ണ്ട്. വി​നോ​ദ​സ​ഞ്ചാ​രി​ക​ളെ ഏ​റെ ആ​ക​ർ​ഷി​ക്കു​ന്ന ഇ​ട​മാ​യി ഇ​വി​ട​ത്തെ മാ​റ്റാ​ൻ ടൂ​റി​സം പ്ര​മോ​ഷ​ൻ കൗ​ൺ​സി​ൽ അ​ധി​കൃ​ത​രും ശ്ര​മി​ക്കു​ന്നു​ണ്ട്.