ചാർധാം യാത്രക്കുള്ള ഒരുക്കങ്ങൾ ഏപ്രിൽ 30ന്​ മുമ്പ്​ പൂർത്തിയാക്കുമെന്ന്​ ഉത്തരാഖണ്ഡ്​ മുഖ്യമന്ത്രി

ഡെറാഡൂൺ: ചാർധാം യാത്രക്കുള്ള ഒരുക്കങ്ങൾ ഏപ്രിൽ30ന്​ മുമ്പ്​ പൂർത്തിയാക്കാൻ ഉത്തരാഖണ്ഡ്​ മുഖ്യമന്ത്രി തീർഥ്​ സിങ്​ റാവത്തിന്‍റെ നിർദേശം. ഒരുക്കങ്ങളിൽ ഒരു വിട്ടുവീഴ്ചയും പാടില്ലെന്നും ഏത്രയും പെ​ട്ടെന്ന്​ നിർമാണ പ്രവർത്തനങ്ങൾ പൂർത്തിയാക്കണമെന്നും മുഖ്യമന്ത്രി ഉത്തരവിട്ടിട്ടുണ്ട്​.

ചാർധാം യാത്രക്ക്​ മുമ്പായി റോഡ്​ നിർമാണം പൂർത്തിയാക്കും. പ്രവർത്തനങ്ങളുടെ ഗുണ​േമന്മയിൽ ഒരു വിട്ടുവീഴ്ചയും ഉണ്ടാവില്ല. കുടിവെള്ളം, ശൗചാലയം, വിശ്രമകേന്ദ്രങ്ങൾ തുടങ്ങിയവയെല്ലാം തീർഥാടകർക്കായി ഒരുക്കും. ഈ വർഷവും ഹെലികോപ്​ടർ സർവീസ്​ ഉണ്ടാവുമെന്നും അതിന്‍റെ ടിക്കറ്റ്​ വിതരണത്തിൽ സുതാര്യത ഉറപ്പാക്കുമെന്നും മുഖ്യമന്ത്രിയുടെ ഓഫീസ്​ അറിയിച്ചു.

ഹെലി അംബുലൻസ്​, ഓക്​സിജൻ പാർലറുകൾ, വെന്‍റിലേറ്ററുകൾ എന്നിവ ഒരുക്കുമെന്നും തീർഥ്​ സിങ്​ റാവത്ത്​ പറഞ്ഞു. മെയ്​ 15ഓടെയാണ്​ ചാർധാം യാത്രക്ക്​ തുടക്കമാവുന്നത്​. ഉത്തരാഖണ്ഡിലെ ബദ്രിനാഥ്​, കേദാർനാഥ്​, ഗംഗോത്രി, യമുനോത്രി തുടങ്ങിയ ക്ഷേത്രങ്ങളിലേക്കുള്ള യാത്രയാണ്​ ചാർധാം.