പ്രേ​ത ടൂ​റി​നു​ണ്ടോ?

എ​ത്ര പേ​ടി​യു​ണ്ടെ​ങ്കി​ലും പ്രേ​ത​ക​ഥ​ക​ൾ കേ​ൾ​ക്കാ​ൻ ന​മു​ക്ക് ഇ​ഷ്ടം ത​ന്നെ​യാ​ണ്. അ​തൊ​രു ത്രി​ല്ലാ​ണ്. അ​തേ ത്രി​ല്ലി​ന്റെ ഒ​രു ​പ്രോ ​വേ​ർ​ഷ​നാ​ണ് ഗോ​സ്റ്റ് ടൂ​റി​സം. റു​മാ​നി​യ​യി​ലെ കാ​ർ​പാ​ത്യ​ൻ മ​ല​നി​ര​ക​ളി​ൽ ചോ​ര​യൂ​റ്റി​ക്കു​ടി​ക്കു​ന്ന ഡ്രാ​ക്കു​ള​ പ്ര​ഭു​വി​ന്റെ കോ​ട്ട മാ​ത്ര​മ​ല്ല, ലോ​ക​ത്ത​ങ്ങോ​ളം ഒ​ട്ടേ​റെ നി​ഗൂ​ഢ നാ​ടു​ക​ളും കെ​ട്ടി​ട​ങ്ങ​ളു​മെ​ല്ലാം ഇ​ന്ന് ഗോ​സ്റ്റ് ടൂ​റി​സം എ​ന്ന പാ​രാ​നോ​ർ​മ​ൽ ടൂ​റി​സം അ​ഥ​വാ പ്രേ​ത​സ​ഞ്ചാ​ര​ത്തി​ന്റെ ഇ​ഷ്ട കേ​ന്ദ്ര​ങ്ങ​ളാ​ണ്. ഭ​യം സൃ​ഷ്ടി​ച്ച കൗ​തു​ക​വു​മാ​യി ആ​ളു​ക​ൾ ഇ​ത്ത​രം പ്രേ​ത​ന​ഗ​ര​ങ്ങ​ൾ സ​ഞ്ച​രി​ച്ച്, സാ​ഹ​സി​ക​ത​യു​ടെ പു​തി​യ ഭാ​വ​ങ്ങ​ൾ ആ​സ്വ​ദി​ക്കു​ന്ന​ത് ഇ​ന്ന് വ​ർ​ധി​ച്ചി​രി​ക്കു​ന്നു.

എ​ന്താ​ണ് പാ​രാ​നോ​ർ​മ​ൽ ടൂ​റി​സം ​?

അ​ജ്ഞാ​ത​മാ​യ​തി​നെ​ക്കു​റി​ച്ചു​ള്ള കൗ​തു​ക​ത്തി​ൽ, നി​ഗൂ​ഢ​ത​ക​ള്‍ നി​റ​ഞ്ഞി​രി​ക്കു​ന്ന സ്ഥ​ലം സ​ന്ദ​ര്‍ശി​ക്കു​ന്ന​താ​ണ് പാ​രാ​നോ​ർ​മ​ൽ ടൂ​റി​സം. അ​സാ​ധാ​ര​ണ​മാ​യ വീ​ടു​ക​ൾ, അ​ല്ലെ​ങ്കി​ൽ ഉ​പേ​ക്ഷി​ക്ക​പ്പെ​ട്ട പ​ട്ട​ണ​ങ്ങ​ൾ പോ​ലു​ള്ള​വ സ​ന്ദ​ശി​ക്കു​ക​യും ഇ​വി​ട​ങ്ങ​ളി​ൽ രാ​ത്രി താ​മ​സി​ക്കു​ന്ന​തു​മെ​ല്ലാം ഇ​തി​ന്റെ ഭാ​ഗ​മാ​ണ്. ഗോ​സ്റ്റ് ടൂ​റി​സം പ​ണ്ടു​തൊ​ട്ടേ​യു​ണ്ട്. വാ​ണി​ജ്യ സം​രം​ഭ​മെ​ന്ന നി​ല​യി​ല്‍ 20ാം നൂ​റ്റാ​ണ്ടി​ന്റെ അ​വ​സാ​ന​ത്തി​ലാ​ണ് ശ്ര​ദ്ധ നേ​ടാ​ന്‍ തു​ട​ങ്ങി​യ​ത്. ഈ ​ടൂ​റു​ക​ള്‍ പ​ല​പ്പോ​ഴും കോ​ട്ട​ക​ള്‍, ജ​യി​ലു​ക​ള്‍, സെ​മി​ത്തേ​രി​ക​ള്‍ തു​ട​ങ്ങി​യ സ്ഥ​ല​ങ്ങ​ളി​ലേ​ക്കാ​ണ് ഉ​ണ്ടാ​വാ​റ്. അ​ന്ധ​വി​ശ്വാ​സ​ത്തെ പ്രോ​ത്സാ​ഹി​പ്പി​ക്കു​ക​യ​ല്ല, അ​ത്ത​രം വി​ശ്വാ​സ​ങ്ങ​ളു​ടെ പൊ​ള്ള​ത്തം നീ​ക്കി ശാ​സ്ത്രീ​യ​മാ​യി കാ​ര്യ​ങ്ങ​ൾ മ​ന​സ്സി​ലാ​ക്കു​ക​യാ​ണ് പാ​രാ​നോ​ർ​മ​ൽ ടൂ​റി​സ​ത്തി​ന്റെ ഒ​രു ല​ക്ഷ്യ​മെ​ന്ന് ഈ ​രം​ഗ​ത്തു​ള്ള​വ​ർ പ​റ​യു​ന്നു. അ​മേ​രി​ക്ക​യി​ലും യു.​കെ​യി​ലു​മാ​ണ് പാ​രാ​നോ​ർ​മ​ൽ ടൂ​റി​സ​ത്തി​ന് ഏ​റെ പ്ര​ചാ​രം. അ​മേ​രി​ക്ക​യി​ലെ കോ​ള​റാ​ഡോ​യി​ലെ സ്റ്റാ​ൻ​ലി ഹോ​ട്ട​ൽ പാ​രാ​നോ​ർ​മ​ൽ ടൂ​റി​സ​ത്തി​ന് പേ​രു​കേ​ട്ട​താ​ണ്.

സ്റ്റീ​ഫ​ൻ കി​ങ്ങി​ന്റെ ‘ദ ​ഷൈ​നി​ങ്’ എ​ന്ന പു​സ്ത​ക​ത്തി​ന്റെ പ്ര​ചോ​ദ​ന​മു​ൾ​ക്കൊ​ണ്ടാ​ണ് ഇ​തു പ​ണി​ക​ഴി​പ്പി​ച്ചി​ട്ടു​ള്ള​ത്. യു.​കെ​യി​ലെ നോ​ർ​ത്ത് ബെ​ർ​ലാ​ൻ​ഡി​ലെ ചി​ല്ലി​ങ്ഹാം കാ​സി​ലാ​ണ് മ​റ്റൊ​രു പ്ര​ധാ​ന പാ​രാ​നോ​ർ​മ​ൽ ടൂ​റി​സം സ്പോ​ട്ട്.

ഇ​ന്ത്യ​യി​ൽ പാ​രാ​നോ​ർ​മ​ൽ ടൂ​റി​സം

രാ​ജ​സ്ഥാ​നി​ലെ ബാ​ഗ്ര ഫോ​ർ​ട്ട്, കു​ൽ​ധാ​ര വി​ല്ലേ​ജ്, കു​ർ​സോ​ങ് ഡോ ​ഹി​ൽ എ​ന്നി​വ പാ​രാ​നോ​ർ​മ​ൽ സാ​ഹ​സി​ക​രു​ടെ പ​ട്ടി​ക​യി​ൽ​പെ​ട്ട സ്ഥ​ല​ങ്ങ​ളാ​ണ്. പ​ടി​ഞ്ഞാ​റ​ൻ രാ​ജ്യ​ങ്ങ​ളു​മാ​യി താ​ര​ത​മ്യ​പ്പെ​ടു​ത്തു​മ്പോ​ൾ ഇ​ന്ത്യ​യി​ലെ ഈ ടൂ​റി​സം വി​ക​സി​ച്ചു​വ​രു​ന്ന​തേ​യു​ള്ളൂ. പ്രാ​ദേ​ശി​ക ഐ​തി​ഹ്യ​ങ്ങ​ൾ, പു​രാ​ണ, ആ​ത്മീ​യ ആ​ചാ​ര​ങ്ങ​ൾ എ​ന്നി​വ​യു​ടെ സ​മ്പ​ന്ന​മാ​യ പാ​ര​മ്പ​ര്യ​മു​ള്ള ഗ്രാ​മീ​ണ ഇ​ന്ത്യ​യി​ൽ ഇ​തി​ന് ഏ​റെ സാ​ധ്യ​ത​യു​ണ്ട്. കേ​ര​ള​ത്തി​ലെ തെ​യ്യ​വും അ​തു​പോ​ലെ മ​റ്റു പ്ര​ദേ​ശ​ങ്ങ​ളി​ലെ കോ​ല​ങ്ങ​ളും ഇ​ത്ത​രം ടൂ​റി​സം സ​ർ​ക്യൂ​ട്ടി​ൽ പെ​ടു​ത്താ​വു​ന്ന​താ​ണ്.