കു​തി​ക്ക​ട്ടെ വി​നോ​ദ​സ​ഞ്ചാ​രം; ആ​ഭ്യ​ന്ത​ര ടൂ​റി​സം വ​ള​ർ​ത്താ​ൻ ഡി.​ടി.​പി.​സി

മ​ല​പ്പു​റം: ജി​ല്ല​യി​ൽ വി​നോ​ദ​സ​ഞ്ചാ​ര മേ​ഖ​ല പ്രോ​ത്സാ​ഹി​പ്പി​ക്കാ​ൻ പ​ദ്ധ​തി​യു​മാ​യി ജി​ല്ല ടൂ​റി​സം പ്രൊ​മോ​ഷ​ൻ കൗ​ൺ​സി​ൽ (ഡി.​ടി.​പി.​സി). കോ​ള​ജു​ക​ളി​ൽ ടൂ​റി​സം ക്ല​ബു​ക​ൾ രൂ​പ​വ​ത്ക​രി​ച്ച് വി​ദ്യാ​ർ​ഥി​ക​ൾ വ​ഴി​യാ​ണ് പ്രാ​ദേ​ശി​ക ടൂ​റി​സം വി​ക​സി​പ്പി​ക്കാ​ൻ ഒ​രു​ങ്ങു​ന്ന​ത്. ജി​ല്ല​യി​ൽ ആ​ദ്യ​ഘ​ട്ട​ത്തി​ൽ 39 കോ​ള​ജു​ക​ളി​ൽ സം​സ്ഥാ​ന ടൂ​റി​സം വ​കു​പ്പി​ന്റെ നേ​തൃ​ത്വ​ത്തി​ൽ ടൂ​റി​സം ക്ല​ബു​ക​ൾ രൂ​പ​വ​ത്ക​രി​ക്കും. ജി​ല്ല​യി​ലെ 39 കോ​ള​ജു​ക​ൾ​ക്കും ടൂ​റി​സം ക്ല​ബ് രൂ​പ​വ​ത്ക​രി​ക്കാ​ൻ പ്രാ​ഥ​മി​ക അ​നു​മ​തി ടൂ​റി​സം വ​കു​പ്പ് ന​ൽ​കി.

ര​ണ്ടാം​ഘ​ട്ട​ത്തി​ൽ കോ​ള​ജു​ക​ളു​ടെ കോ​ഴ്സു​ക​ളും അ​ക്കാ​ദ​മി​ക നി​ല​വാ​ര​വും ടൂ​റി​സം വ​കു​പ്പ് കൃ​ത്യ​മാ​യി പ​രി​ശോ​ധി​ക്കും. ഇ​ത് പൂ​ർ​ത്തീ​ക​രി​ച്ചാ​ൽ മൂ​ന്നാം ഘ​ട്ട​ത്തി​ൽ വി​ദ്യാ​ർ​ഥി​ക​ളു​ടെ വി​വ​ര​ങ്ങ​ൾ അ​ട​ക്കം ടൂ​റി​സം വ​കു​പ്പ് അ​നു​വ​ദി​ക്കു​ന്ന വെ​ബ് സൈ​റ്റി​ൽ അ​പ് ലോ​ഡ് ചെ​യ്യ​ണം. ഇ​തോ​ടെ കോ​ള​ജു​ക​ളി​ൽ ടൂ​റി​സം ക്ല​ബു​ക​ൾ കോ​ള​ജ് ത​ല​ങ്ങ​ളി​ൽ യാ​ഥാ​ർ​ഥ്യ​മാ​കും. 50 പേ​ർ​ക്കാ​ണ് ഒ​രു കോ​ള​ജി​ലെ ടൂ​റി​സം ക്ല​ബി​ൽ ഉ​ൾ​പ്പെ​ടാ​നാ​കു​ക. ര​ണ്ടു​വ​ർ​ഷം ഒ​രു വി​ദ്യാ​ർ​ഥി​ക്ക് ക്ല​ബി​ൽ അം​ഗ​ത്വ​മു​ണ്ടാ​കും. ക്ല​ബു​ക​ൾ​ക്ക് ഓ​രോ ടൂ​റി​സം കേ​ന്ദ്ര​ങ്ങ​ൾ മേ​ൽ​നോ​ട്ട​ത്തി​നാ​യി ഡി.​ടി.​പി.​സി അ​നു​വ​ദി​ക്കും. ഈ ​കേ​ന്ദ്ര​ങ്ങ​ളു​ടെ പ​രി​പാ​ല​നം, മേ​ൽ​നോ​ട്ടം, ശു​ചീ​ക​ര​ണം, മാ​ലി​ന്യ സം​സ്ക​ര​ണം അ​ട​ക്ക​മു​ള്ള ചു​മ​ത​ല​ക​ൾ ക്ല​ബു​ക​ൾ വ​ഹി​ക്ക​ണം.

ഒ​ക്ടോ​ബ​ർ മു​ത​ൽ ടൂ​റി​സം യ​ജ്ഞം

ഒ​ക്ടോ​ബ​ർ മു​ത​ൽ ഡി.​ടി.​പി.​സി ടൂ​റി​സം ക്ല​ബു​ക​ളു​മാ​യി സ​ഹ​ക​രി​ച്ച് ഒ​രു മാ​സം നീ​ളു​ന്ന ടൂ​റി​സം യ​ജ്ഞം ന​ട​ത്തും. ടൂ​റി​സം ക്ല​ബി​ലെ വി​ദ്യാ​ർ​ഥി​ക​ളെ പ്ര​യോ​ജ​ന​പ്പെ​ടു​ത്തി വി​നോ​ദ സ​ഞ്ചാ​ര മേ​ഖ​ല​യി​ൽ മാ​ലി​ന്യ​മു​ക്ത​മാ​ക്ക​ൽ, പ​രി​പാ​ല​ന ജോ​ലി​ക​ൾ, ഓ​ൺ​ലൈ​ൻ പ്ര​ചാ​ര​ണം തു​ട​ങ്ങി​യ പ​രി​പാ​ടി​ക​ളാ​ണ് ന​ട​ക്കു​ക. ഇ​തു​വ​ഴി ജി​ല്ല​യി​ലെ ടൂ​റി​സം മേ​ഖ​ല കൂ​ടു​ത​ൽ ജ​ന​കീ​യ​മാ​ക്കു​ക​യാ​ണ് ല​ക്ഷ്യം. ഓ​രോ കേ​ന്ദ്ര​ങ്ങ​ൾ​ക്കും ആ​വ​ശ്യ​മാ​യ പ്ര​ചാ​ര​ണ​വും പി​ന്തു​ണ​യും ന​ൽ​കി​യാ​ൽ മാ​ത്ര​മേ മേ​ഖ​ല​യെ ഉ​യ​ർ​ത്താ​നാ​കൂ​വെ​ന്നാ​ണ് അ​ധി​കൃ​ത​രു​ടെ വി​ല​യി​രു​ത്ത​ൽ.

നി​ല​വി​ലെ കേ​ന്ദ്ര​ങ്ങ​ൾ മി​ക​ച്ച​താ​കും

ഡി.​ടി.​പി.​സി​ക്ക് കീ​ഴി​ലു​ള്ള പ​ടി​ഞ്ഞാ​റെ​ക്ക​ര ബീ​ച്ച്, തി​രൂ​ർ ടൂ​റി​സം പ​ദ്ധ​തി, ഒ​ട്ടും​പു​റം ബീ​ച്ച്, ബീ​യം കാ​യ​ൽ, ബീ​യം പാ​ലം, മി​നി പ​മ്പ, കു​റ്റി​പ്പു​റം നി​ള​യോ​രം പാ​ർ​ക്ക്, കോ​ട്ട​ക്കു​ന്ന്, ക​ല​ക്ട​റേ​റ്റ് ശാ​ന്തി​തീ​രം, വ​ണ്ടൂ​ർ ടൗ​ൺ സ്ക്വ​യ​ർ, കേ​ര​ള​കു​ണ്ട്, ആ​ഢ്യ​ൻ​പാ​റ, ക​രു​വാ​ര​കു​ണ്ട്, ച​മ്ര​വ​ട്ടം സ്നേ​ഹ​പാ​ത എ​ന്നി​വി​ട​ങ്ങ​ൾ മ​നോ​ഹ​ര​മാ​ക്കാ​നാ​ണ് തീ​രു​മാ​നം. കൂ​ടാ​തെ ടൂ​റി​സം ക്ല​ബു​ക​ൾ ക​ണ്ടെ​ത്തു​ന്ന പു​തി​യ കേ​ന്ദ്ര​ങ്ങ​ളും ഡി.​ടി.​പി.​സി അ​ത​ത് ത​ദ്ദേ​ശ സ്ഥാ​പ​ന​വു​മാ​യി സ​ഹ​ക​രി​പ്പി​ച്ച് പ​രി​പോ​ഷി​പ്പി​ക്കാ​നും പ​ദ്ധ​തി​യു​ണ്ട്.

അ​റി​വ് പ​ക​രു​ന്ന ടൂ​റി​സ​വും

ജി​ല്ല​യി​ലെ ച​രി​ത്ര -സാം​സ്കാ​രി​ക -സാ​മൂ​ഹി​ക ത​ല​ങ്ങ​ളി​ലു​മാ​യി ബ​ന്ധ​പ്പെ​ട്ട് കി​ട​ക്കു​ന്ന സ്ഥ​ല​ങ്ങ​ള്‍ ക്രോ​ഡീ​ക​രി​ച്ച് അ​റി​വ് പ​ക​രു​ന്ന ടൂ​റി​സം സാ​ധ്യ​ത​ക​ളും അ​ധി​കൃ​ത​ർ പ്ര​യോ​ജ​ന​പ്പെ​ടു​ത്തും. ഈ ​മേ​ഖ​ല​ക​ളെ ടൂ​റി​സം ഭൂ​പ​ട​ത്തി​ല്‍ ഉ​ള്‍പ്പെ​ടു​ത്തു​ന്ന​തി​നൊ​പ്പം സ​ഞ്ചാ​രി​ക​ള്‍ക്ക് പൂ​ര്‍ണ വി​വ​ര​ങ്ങ​ൾ പ​ക​ര്‍ന്ന് ന​ല്‍കു​ന്ന​താ​കും സം​വി​ധാ​നം. ഓ​രോ വി​നോ​ദ സ​ഞ്ചാ​ര മേ​ഖ​ല​യി​ലും പ്ര​ദേ​ശ​ത്തെ ച​രി​ത്ര -സാം​സ്കാ​രി​ക -സാ​മൂ​ഹി​ക രം​ഗ​ത്തെ പ്ര​മു​ഖ​ര്‍ എ​ന്നി​വ​രു​ടെ വി​വ​ര​ങ്ങ​ള്‍ ഉ​ള്‍പ്പെ​ടു​ത്തും. കൂ​ടാ​തെ പ്രാ​ദേ​ശി​ക ഉ​ൽ​പ​ന്ന​ങ്ങ​ളു​ടെ വി​പ​ണ​ന സാ​ധ്യ​ത​കൂ​ടി മു​ന്നി​ല്‍ ക​ണ്ടാ​കും ന​ട​പ്പാ​ക്കു​ക. ഇ​ക്കോ ടൂ​റി​സ​ത്തി​നും പ്രാ​മു​ഖ്യ​മു​ണ്ടാ​കും.