ഇന്ത്യയിൽനിന്നുള്ള യാത്രാ​ വിമാനങ്ങളുടെ വിലക്ക്​ നീക്കി യൂറോപ്യൻ രാജ്യം

കോവിഡ്​ രൂക്ഷമായ സാഹചര്യത്തിൽ ഇന്ത്യയിൽനിന്നുള്ള യാത്രാ വിമാനങ്ങൾക്ക്​ വിലക്കേർപ്പെടുത്തിയിരിക്കുകയാണ്​ ഭൂരിഭാഗം രാജ്യങ്ങളും. എന്നാൽ, നിയന്ത്രണങ്ങളോടെ ഇന്ത്യയിൽനിന്നുള്ള യാത്രക്കാർക്ക്​ വരാൻ അനുമതി നൽകിയിരിക്കുകയാണ്​ നെതർലാൻഡ്​​. മധ്യ അമേരിക്ക, തെക്കേ അമേരിക്ക, ദക്ഷിണാഫ്രിക്ക എന്നിവിടങ്ങളിൽ നിന്നുള്ള വിമാനങ്ങളുടെ വിലക്കും നീക്കിയിട്ടുണ്ട്​.

ഈ പ്രദേശങ്ങളിൽ നിന്നുള്ള യാത്രക്കാർ ജൂൺ ഒന്ന്​ മുതൽ​ നെതർലാൻഡിലേക്ക് വീണ്ടും വരാൻ തുടങ്ങി. അതേസമയം, പുറപ്പെടുന്നതിന് മുമ്പ് ലഭിച്ച കോവിഡ്​ നെഗറ്റീവ് സർട്ടിഫിക്കറ്റ്​ നിർബന്ധമാണ്​. കൂടാതെ ക്വാറ​ൈൻറനിലും കഴിയണം.

അതേസമയം, കോവിഡ്​ സ്ഥിതി ഇതുവരെ മെച്ചപ്പെടാത്ത രാജ്യങ്ങളിൽ നിന്നുള്ള​ യൂറോപ്യൻ യൂനിയൻ ഇതര യാത്രക്കാർക്ക് ഇ.യുവിൻെറ നിരോധനം ഇപ്പോഴും നിലവിലുണ്ട്. എന്നാൽ, യൂറോപ്യൻ യൂനിയൻ നിവാസികളുടെ കുടുംബാംഗങ്ങൾ, വിദ്യാർത്ഥികൾ, ബിസിനസ്​ യാത്രക്കാർ എന്നിവർ ഇതിൽനിന്ന്​ ഒഴിവാണ്​​.

നിലവിൽ നെതർലാൻഡിൽ വരുന്നവർക്ക്​ 10 ദിവസമാണ്​ ക്വാറ​ൈൻറനിൽ കഴിയേണ്ടത്​. അതേസമയം, അഞ്ച് ദിവസത്തിന് ശേഷം ടെസ്​റ്റ്​ നടത്തി നെഗറ്റീവായാൽ പുറത്തിറങ്ങാം​. എന്നാൽ, കോവിഡ്​ തീവ്രതയേറിയ ഇന്ത്യ, അർജൻറീന, ബ്രസീൽ, ബഹ്‌റൈൻ, ദക്ഷിണാഫ്രിക്ക തുടങ്ങിയ രാജ്യങ്ങളിൽനിന്ന് വരുന്നവർ 10 ദിവസവും ക്വാറ​ൈൻറനിൽ കഴിയണമെന്നാണ്​ റിപ്പോർട്ടുകൾ പറയുന്നത്​.