പറന്നുയരുന്നതും തിരിച്ചിറങ്ങുന്നതും ഒരേ എയർപോർട്ടിൽ; ലക്ഷ്യമില്ലാത്ത വിമാനങ്ങളിൽ ഇടിച്ചുകയറി യാത്രക്കാർ

കോവിഡ് കാലം​ നമ്മുടെ യാത്രാരീതികളെ എത്രത്തോളം മാറ്റിമറിച്ചു എന്നതി​െൻറ പുതിയ ഉദാഹരണമാണ്​ ആകാശലോകത്തുനിന്ന്​ ഉയർന്നുവരുന്ന വാർത്തകൾ. മിക്ക ആളുകളും വിമാന യാത്ര കൊണ്ട്​ ഉദ്ദേശിക്കുന്നത്​ ഒരു സ്​ഥലത്തുനിന്ന്​ ലക്ഷ്യസ്​ഥാനത്തേക്ക്​ കഴിയുന്നത്ര വേഗത്തിൽ എത്തുക എന്നതാണ്​​. എന്നാൽ, കോവിഡ്​ വന്നതോടെ എല്ലാവർക്കും യാത്രകൾ പരിമിതപ്പെടുത്തേണ്ടി വന്നു.

വിദൂര സ്​ഥലങ്ങള​ിലെ കാഴ്​ചകൾ മാത്രമല്ല, ആകാശത്തിലൂടെയുള്ള യാത്രക​ളും പലർക്കും പകൽസ്വപനമായി. ഇത്തരക്കാരെ ഉദ്ദേശിച്ച്​ പുതിയ യാത്രാപദ്ധതികൾ ആവിഷ്​കരിച്ചിരിക്കുകയാണ്​ വിവിധ വിമാന കമ്പനികൾ. 'flights to nowhere' അതായത്​ എങ്ങോ​ട്ടെന്നില്ലാത്ത യാത്ര എന്നാണ്​ ഇതിന്​ പേരിട്ടിരിക്കുന്നത്​. ​യാത്ര ചെയ്യാൻ മാത്രമായുള്ള ഒരു വിമാന യാത്ര.

പുതിയ പദ്ധതി എത്രമാത്രം ജനപ്രിയമാണെന്ന് തെളിയിച്ചിരിക്കുകയാണ്​ ആസ്​ട്രേലിയയിലെ ക്വാണ്ടാസ് എയർലൈൻസ്​. ആകാശത്തിലൂടെയുള്ള ഏഴ്​ മണിക്കൂർ യാത്രയുടെ 134 ടിക്കറ്റുകൾ 10 മിനിറ്റ്​ കൊണ്ടാണ്​ വിറ്റുപോയത്​. 41,000 രൂപ മുതൽ രണ്ട്​ ലക്ഷം രൂപ വരെയാണ്​ ടിക്കറ്റ്​ നിരക്ക്​ എന്ന്​ കേൾക്കു​േമ്പാൾ പലരും മൂക്കത്ത്​ വിരൽവെച്ചുപോകും.

ഭൂമിയിൽനിന്ന്​ പറന്നുയരാനും വിമാനത്തി​െൻറ കിളിവാതിലിലൂടെ കാഴ്​ചകൾ കാണാനും യാത്രക്കാർ അത്രയും ആവേശത്തോടെ കാത്തിരിക്കുകയാണെന്നതി​െൻറ തെളിവാണിതെന്ന്​​ വിമാന കമ്പനി അധികൃതർ പറയുന്നു. ക്വാണ്ടാസി​െൻറ ചരിത്രത്തിൽ ഏറ്റവും വേഗത്തിൽ വിറ്റഴിക്കപ്പെടുന്ന ടിക്കറ്റുകളാണ്​ ഇവയെന്ന്​ എയർലൈൻ സി.ഇ.ഒ അലൻ ജോയ്‌സ് പറഞ്ഞു. ആളുകൾക്ക് യാത്രയും പറക്കലി​െൻറ അനുഭവവും നഷ്​ടപ്പെടുന്നു. ലോക്​ഡൗൺ കാലം ഇനിയും നീണ്ടുപോവുകയാണെങ്കിൽ ഇത്തരം സർവിസുകൾ കൂടുതൽ നടത്തുമെന്നും അദ്ദേഹം പറഞ്ഞു.

ഒക്ടോബർ 10ന് സിഡ്​നിയിൽനിന്ന്​ ആരംഭിക്കുന്ന സർവിസ്​ ക്വീൻസ്‌ലാൻഡ്​, ഗോൾഡ് കോസ്​റ്റ്​, ന്യൂ സൗത്ത് വെയിൽസ് തുടങ്ങിയ മനോഹരമായ നാടുകൾക്ക്​ മുകളിലൂടെ പറക്കും. സിഡ്‌നി തുറമുഖം, ഗ്രേറ്റ് ബാരിയർ റീഫ് എന്നിവയുൾപ്പെടെയുള്ള പ്രശസ്തമായ കേന്ദ്രങ്ങൾ യാത്രക്കാർക്ക്​ കാണാനാകും. ഇതിനെല്ലാം പുറമെ ഒരു അപ്രതീക്ഷിത താരത്തി​െൻറ നേതൃത്വത്തിലെ വിനോദ പരിപാടികളും വിമാനത്തിലുണ്ടാകും.

ആസ്​ട്രേലിയയിൽ മാത്രമല്ല, ഏഷ്യയിലെ വിവിധ വിമാനകമ്പനികളും ഇത്തരത്തിൽ ലക്ഷ്യമില്ലാത്ത വിമാന സർവിസ്​ നടത്തുന്നുണ്ട്​. തായ്​വാനി​െല ഇ.വി.എ, ജപ്പാനിലെ ആൾ നിപ്പോൺ എയർവേഴ്​സ്​, സിംഗപ്പൂർ എയർലൈൻസ്​ എന്നിവയെല്ലാം ഇത്തരം സർവിസുമായി രംഗത്തുവന്ന്​ കഴിഞ്ഞു​. സെപ്റ്റംബർ 19ന് തായ്‌പേയ് വിമാനത്താവളത്തിൽനിന്ന് പുറപ്പെടുന്ന വിമാനം 120 തായ്‌വാൻ വിനോദ സഞ്ചാരികൾക്ക് ദക്ഷിണ കൊറിയയുടെ ജെജു ദ്വീപ് ആകാശത്തുനിന്ന് കാണാൻ അവസരം നൽകും.