മനം നിറച്ച് മഴയാത്രക്ക് ഒരുങ്ങിക്കോളൂ

അ​തി​ര​പ്പി​ള്ളി: സം​സ്ഥാ​ന ടൂ​റി​സം വ​കു​പ്പി​ന്‍റെ കീ​ഴി​ൽ അ​തി​ര​പ്പി​ള്ളി, വാ​ഴ​ച്ചാ​ൽ, തു​മ്പൂ​ർ​മു​ഴി ഡി.​എം.​സി​യു​ടെ നേ​തൃ​ത്വ​ത്തി​ൽ മ​ഴ​യാ​ത്ര ഞാ​യ​റാ​ഴ്ച പു​ന​രാ​രം​ഭി​ക്കും. വി​നോ​ദ സ​ഞ്ചാ​രി​ക​ൾ​ക്ക് ആ​വേ​ശം പ​ക​ർ​ന്ന മ​ഴ​യാ​ത്ര വ​ർ​ഷ​ങ്ങ​ളാ​യി മു​ട​ങ്ങി കി​ട​ക്കു​ക​യാ​യി​രു​ന്നു. മ​ഴ​ക്കാ​ല​ത്തി​ന്റെ പ​ശ്ചാ​ത്ത​ല​ത്തി​ൽ വി​നോ​ദ സ​ഞ്ചാ​രി​ക​ൾ​ക്ക് ഹ​രി​ത മ​നോ​ഹ​ര​മാ​യ അ​തി​ര​പ്പി​ള്ളി കാ​ടു​ക​ൾ കാ​ണാ​നാ​ണ്​ മ​ഴ​യാ​ത്ര ഒ​രു​ക്കു​ന്ന​ത്.

2019ൽ ​ആ​രം​ഭി​ച്ച മ​ഴ​യാ​ത്ര വ​ൻ ഹി​റ്റാ​യി​രു​ന്നു. മ​ഴ​ക്കാ​ല​ത്ത് മാ​ത്രം കാ​ണാ​വു​ന്ന ചാ​ർ​പ്പ വെ​ള്ള​ച്ചാ​ട്ട​വും സ​ഞ്ചാ​രി​ക​ൾ​ക്ക് പ്ര​ത്യേ​ക അ​നു​ഭൂ​തി പ​ക​ർ​ന്നു. പെ​രി​ങ്ങ​ൽ​കു​ത്ത്, ഷോ​ള​യാ​ർ ഡാ​മു​ക​ൾ കാ​ണാ​നു​ള്ള അ​സു​ല​ഭ അ​വ​സ​രം കൂ​ടി​യാ​യി​രു​ന്നു.

ഈ ​പ​ദ്ധ​തി​യി​ൽ​നി​ന്നും ഒ​രു​ല​ക്ഷം രൂ​പ​യു​ടെ പ്ര​തി​ദി​ന വ​രു​മാ​നം ഉ​ണ്ടാ​യി​രു​ന്നു. 10 തൊ​ഴി​ലാ​ളി​ക​ൾ പ്ര​വ​ർ​ത്തി​ച്ചി​രു​ന്ന പ​ദ്ധ​തി കേ​ര​ള​ത്തി​ൽ ലാ​ഭ​ത്തി​ൽ പ്ര​വ​ർ​ത്തി​ച്ചി​രു​ന്ന സ്വ​ത​ന്ത്ര ടൂ​റി​സ്റ്റ് പ​ദ്ധ​തി​യാ​യി​രു​ന്നു.

ഞാ​യ​റാ​ഴ്ച രാ​വി​ലെ എ​ട്ടി​ന് ചാ​ല​ക്കു​ടി റ​സ്റ്റ് ഹൗ​സ് അ​ങ്ക​ണ​ത്തി​ൽ ആ​ദ്യ​ത്തെ സ​ർ​വി​സി​ന് സ​നീ​ഷ് കു​മാ​ർ ജോ​സ​ഫ് എം.​എ​ൽ.​എ ഫ്ലാ​ഗ് ഓ​ഫ് ചെ​യ്യും.

ജൂ​ലൈ മാ​സ​ത്തി​ലേ​ക്കാ​ണ് കൂ​ടു​ത​ൽ ബു​ക്കി​ങ്. രാ​വി​ലെ എ​ട്ടി​ന്​ ചാ​ല​ക്കു​ടി​യി​ൽ നി​ന്ന് പു​റ​പ്പെ​ട്ട് രാ​ത്രി എ​ട്ടി​ന്​ തി​രി​ച്ചെ​ത്തു​ം വി​ധ​മാ​ണ് യാ​ത്ര. തു​മ്പൂ​ർ​മു​ഴി, അ​തി​ര​പ്പി​ള്ളി, വാ​ഴ​ച്ചാ​ൽ, പെ​രി​ങ്ങ​ൽ​ക്കു​ത്ത്, ഷോ​ള​യാ​ർ എ​ന്നി​വി​ട​ങ്ങ​ൾ സ​ന്ദ​ർ​ശി​ക്കും. മ​ഴ യാ​ത്ര സ​ഞ്ചാ​രി​ക​ൾ​ക്ക് കു​ട​യും ഭ​ക്ഷ​ണ​വും ന​ൽ​കും. 1,500 രൂ​പ​യാ​ണ് ഒ​രാ​ൾ​ക്ക് നി​ര​ക്ക്. കൂ​ടു​ത​ൽ വി​വ​ര​ങ്ങ​ൾ​ക്ക് 9497069888,0480 2769888 എ​ന്നീ ന​മ്പ​റു​ക​ളി​ൽ ബ​ന്ധ​പ്പെ​ടാം.