മ​ധു നു​ക​രാം, മ​ധു​ശ​ല​ഭ​ങ്ങ​ളു​ടെ മ​ണി​മാ​ളി​ക​യി​ൽ...

അ​ബ​ഹ: മ​ധു​ശ​ല​ഭ​ങ്ങ​ളു​ടെ മ​ണി​മാ​ളി​ക​യി​ൽ ചെ​ന്ന്​ മ​ധു​രം കി​നി​യും അ​നു​ഭ​വ​ങ്ങ​ൾ നു​ക​ര​ണോ? മ​ത്ത് പി​ടി​ക്കു​വോ​ളം തേ​ൻ പാ​നം ചെ​യ്യ​ണോ? പോ​രൂ അ​ബ​ഹ​യി​ലെ​ ‘ഹ​ണി ബീ​സ് ട​വ​റി’​ലേ​ക്ക്. ദ​ക്ഷി​ണ സൗ​ദി​യി​ലെ അ​ബ​ഹ​യി​ലൊ​രു മ​നോ​ഹ​ര​മാ​യ പൈ​തൃ​ക ഗ്രാ​മ​മു​ണ്ട്, റി​ജാ​ൽ അ​ൽ​മ. അ​വി​ടെ​യാ​ണ്​ ‘ഹ​ണി ബീ​സ് ട​വ​ർ’. മാ​യം ക​ല​രാ​ത്ത 39 ത​രം തേ​നു​ണ്ടി​വി​ടെ. അ​ബ​ഹ​യു​ടെ പ്ര​കൃ​തി സൗ​ന്ദ​ര്യ​വും സു​ഖ​ക​ര​മാ​യ കാ​ലാ​വ​സ്ഥ​യും ആ​സ്വ​ദി​ക്കാ​നെ​ത്തു​ന്ന വി​നോ​ദ സ​ഞ്ചാ​രി​ക​ളെ മാ​ടി​വി​ളി​ക്കു​ന്നു ഈ ​തേ​ൻ മ​ണി​മാ​ളി​ക.

അ​ധി​ക​മൊ​ന്നും കേ​ട്ടു​കേ​ൾ​വി​യി​ല്ലാ​തി​രു​ന്ന ഈ ​സ്ഥ​ല​ത്തെ കു​റി​ച്ച്​ കേ​ട്ട​റി​ഞ്ഞ്​ ഇ​പ്പോ​ൾ വി​നോ​ദ​സ​ഞ്ചാ​രി​ക​ൾ കാ​ര്യ​മാ​യെ​ത്തി തു​ട​ങ്ങി​യി​ട്ടു​ണ്ട്. പ്ര​ദേ​ശ​വാ​സി​ക​ളും അ​ടു​ത്ത​കാ​ല​ത്താ​ണ്​ ഇ​വി​ടേ​ക്ക്​ വ​ന്നു​തു​ട​ങ്ങി​യ​ത്. ഇ​വി​ടെ എ​ത്തു​ന്ന​വ​ർ​ക്ക് പ​ര​മ്പ​രാ​ഗ​ത തേ​ൻ ഉ​ൽ​പാ​ദ​ന രീ​തി​ക​ളെ​ക്കു​റി​ച്ച് അ​റി​യാ​നും ഗു​ണ​നി​ല​വാ​ര​ത്തി​നും സ്വാ​ദി​നും പേ​രു​കേ​ട്ട ശു​ദ്ധ​മാ​യ 39 ത​രം തേ​ൻ വാ​ങ്ങാ​നും അ​വ​സ​ര​മു​ണ്ട്.

ഹ​ണി ബീ​സ് ട​വ​ർ സ്ഥി​തി ചെ​യ്യു​ന്ന റി​ജാ​ൽ അ​ൽ​മ, വ്യ​തി​രി​ക്ത​മാ​യ ജി​ഞ്ച​ർ ബ്രെ​ഡ് ശൈ​ലി​യി​ലു​ള്ള വാ​സ്തു​വി​ദ്യ​ക്കും സ​മ്പ​ന്ന​മാ​യ സാം​സ്കാ​രി​ക പൈ​തൃ​ക​ത്തി​നും പേ​രു​കേ​ട്ട യു​നെ​സ്കോ​യു​ടെ ലോ​ക പൈ​തൃ​ക പ​ട്ടി​ക​യി​ൽ ഇ​ടം പി​ടി​ച്ച കേ​ന്ദ്ര​മാ​ണ്. പ്ര​ധാ​ന റോ​ഡി​ൽ​നി​ന്നും മാ​റി കു​റ​ച്ച് ദു​ർ​ഘ​ടം പി​ടി​ച്ച വ​ഴി​യി​ലൂ​ടെ ഓ​ഫ് റോ​ഡ് ഡ്രൈ​വ് ചെ​യ്ത്​ സ​ഞ്ച​രി​ക്ക​ണം ചെ​റി​യൊ​രു കു​ന്നി​ൻ മു​ക​ളി​ലു​ള്ള ‘ഹ​ണി ബീ​സ് ട​വ​റി’​ൽ എ​ത്താ​ൻ.

വാ​ഹ​നം പാ​ർ​ക്ക് ചെ​യ്ത്​ എ​തി​ർ​ദി​ശ​യി​ൽ സ്ഥി​തി ചെ​യ്യു​ന്ന ‘ഹ​ണി ബീ​സ് ട​വ​റി’​ലേ​ക്ക് ന​ട​ന്നേ പോ​കാ​നാ​വൂ. നി​ല​ത്ത്​ ക​ല്ലു​ക​ൾ പാ​കി, ഇ​രു​വ​ശ​വും പൂ​ച്ചെ​ടി​ക​ൾ​കൊ​ണ്ട് വേ​ലി തീ​ർ​ത്ത വ​ഴി​യി​ലൂ​ടെ മു​ന്നോ​ട്ട് നീ​ങ്ങു​മ്പോ​ൾ ബീ​സ് പൊ​ലീ​സി​ന്റെ കാ​റും അ​തി​നോ​ട് ചേ​ർ​ന്ന് തേ​നീ​ച്ച​ക​ളെ സം​ബ​ന്ധി​ച്ചു​ള്ള സെ​മി​നാ​ർ ന​ട​ത്തി​യി​രു​ന്ന പോ​ഡി​യ​വും കാ​ണാം.

മു​ക​ളി​ലേ​ക്ക് ക​യ​റി​ചെ​ല്ലു​മ്പോ​ൾ വെ​ള്ള​ത്തി​​ന്റെ ശ​ക്തി​യി​ൽ ക​റ​ങ്ങി​ക്കൊ​ണ്ടി​രി​ക്കു​ന്ന ത​ടി കൊ​ണ്ട് നി​ർ​മി​ച്ച വ​ലി​യ ച​ക്രം കാ​ണാം. അ​വി​ടെ​നി​ന്നും വ​ഴി ര​ണ്ടാ​യി പി​രി​യും. ഒ​ന്ന് ഉ​ൾ​ക്കാ​ട്ടി​ലേ​ക്കും മ​റ്റൊ​ന്ന് തേ​ൻ ഉ​ൽ​പാ​ദി​പ്പി​ക്കു​ന്ന വ്യ​വ​സാ​യ ശാ​ല​യി​ലേ​ക്കും.

ഉ​ൾ​ക്കാ​ട്ടി​ലേ​ക്ക് ത​ടി​പ്പാ​ലം വ​ഴി കു​റ​ച്ചു മാ​ത്ര​മെ പോ​കാ​ൻ ക​ഴി​യൂ. ഇ​ട​തൂ​ർ​ന്ന വൃ​ക്ഷ​ങ്ങ​ളി​ൽ വി​ള​ക്കു​ക​ളും അ​ല​ങ്കാ​ര വ​സ്തു​ക്ക​ളും മ​ണ്ണി​ലും ത​ടി​യി​ലും കൊ​ത്തി​യെ​ടു​ത്ത രൂ​പ​ങ്ങ​ളും സ്ഥാ​പി​ച്ചി​ട്ടു​ണ്ട്. പി​ൻ​വ​ശ​ത്ത് കു​റ്റി​ച്ചെ​ടി​ക​ളാ​ൽ സ​മ്പ​ന്ന​മാ​യ വ​ലി​യൊ​രു കു​ന്നാ​ണ്. ഫാ​ക്ട​റി​ക്കു​ള്ളി​ൽ ക​യ​റാ​ൻ ടി​ക്ക​റ്റ് എ​ടു​ക്ക​ണം. അ​വി​ടെ തേ​ൻ ശു​ദ്ധീ​ക​ര​ണ​ശാ​ല​യും 39 ത​രം തേ​നു​ക​ളു​ടെ പ്ര​ദ​ർ​ശ​ന​വും വി​ൽ​പ​ന​യു​മാ​ണു​ള്ള​ത്. എ​ല്ലാം ന​മു​ക്ക് രു​ചി​ച്ചു നോ​ക്കി​യി​ട്ട്​ ഇ​ഷ്​​ട​പ്പെ​ട്ടാ​ൽ മാ​ത്രം വാ​ങ്ങി​യാ​ൽ മ​തി.

അ​ബ​ഹ​യി​ൽ​നി​ന്ന് ഏ​ക​ദേ​ശം ഒ​ന്ന​ര മ​ണി​ക്കൂ​ർ യാ​ത്ര ചെ​യ്താ​ൽ എ​ത്ത​പ്പെ​ടു​ന്ന ഈ ​ഗ്രാ​മം പ​ച്ച​പ്പും പ്ര​കൃ​തി​ര​മ​ണീ​യ​മാ​യ മ​ല​ക​ളും കൊ​ണ്ട് ചു​റ്റ​പ്പെ​ട്ട​തി​നാ​ൽ പ്ര​കൃ​തി​സ്‌​നേ​ഹി​ക​ൾ​ക്കും ച​രി​ത്രാ​ന്വേ​ഷി​ക​ൾ​ക്കും വി​നോ​ദ സ​ഞ്ചാ​രി​ക​ൾ​ക്കും ഒ​രു​പോ​ലെ ഇ​ഷ്​​ട​പ്പെ​ടും.

തേ​ൻ ശു​ദ്ധീ​ക​ര​ണ​ശാ​ല മാ​ത്ര​മ​ല്ല അ​ബ​ഹ​യി​ൽ സ​ഞ്ചാ​രി​ക​ളെ കാ​ത്തി​രി​ക്കു​ന്ന കൗ​തു​കം. ഗ​ൾ​ഫ്​ മേ​ഖ​ല​യി​ലെ ഏ​റ്റ​വും ഉ​യ​രം കൂ​ടി​യ അ​ൽ സൗ​ദ കൊ​ടു​മു​ടി​യും മ​നോ​ഹ​ര​മാ​യ അ​സീ​ർ ദേ​ശീ​യ ഉ​ദ്യാ​ന​വും ഉ​ൾ​പ്പെ​ടെ അ​സീ​ർ മേ​ഖ​ല​യി​ലെ അ​തി​ശ​യ​ക​ര​മാ​യ പ്ര​കൃ​തി​ദൃ​ശ്യ​ങ്ങ​ൾ ന​മു​ക്ക്​ മു​ന്നി​ൽ വി​സ്​​മ​യ​ക്കാ​ഴ്​​ച​ക​ളൊ​രു​ക്കി കാ​ത്തി​രി​ക്കു​ക​യാ​ണ്, സ​ഞ്ചാ​രി​ക​ളെ ഇ​തി​ലേ... ഇ​തി​ലേ...