സൗന്ദര്യറാണിയായി കല്ലാർ വെള്ളച്ചാട്ടം

അ​ടി​മാ​ലി: ജ​ല​സ​മൃ​ദ്ധി​യാ​ൽ മ​നോ​ഹാ​രി​ത നി​റ​ച്ച് സ​ഞ്ചാ​രി​ക​ളു​ടെ മ​നം​ക​വ​രു​ക​യാ​ണ് ക​ല്ലാ​ർ വെ​ള്ള​ച്ചാ​ട്ടം. കൊ​ച്ചി-​ധ​നു​ഷ്കോ​ടി ദേ​ശീ​യ​പാ​ത​യി​ൽ ചീ​യ​പ്പാ​റ, വാ​ള​റ വെ​ള്ള​ച്ചാ​ട്ട​ങ്ങ​ൾ ക​ഴി​ഞ്ഞാ​ൽ കൂ​ടു​ത​ൽ സ​ഞ്ചാ​രി​ക​ൾ എ​ത്തു​ന്ന​ത്​ ക​ല്ലാ​റി​ലാ​ണ്.

ഉ​രു​ള​ൻ പാ​റ​ക്ക​ല്ലു​ക​ൾ​ക്കി​ട​യി​ലൂ​ടെ ആ​ർ​ത്ത​ല​ച്ചൊ​ഴു​കു​ന്ന പു​ഴ​യു​ടെ വ​ന്യ​ത​യാ​ണ് ഈ ​വെ​ള്ള​ച്ചാ​ട്ട​ത്തി​ന്‍റെ വ​ശ്യ​ത. ദേ​ശീ​യ​പാ​ത​യി​ലൂ​ടെ മൂ​ന്നാ​റി​ലേ​ക്ക് വ​രു​ന്ന​വ​ർ ക​ല്ലാ​ർ പാ​ല​ത്തി​ൽ​നി​ന്ന്​ ഈ ​മ​നോ​ഹാ​രി​ത ആ​സ്വ​ദി​ക്കു​ന്നു.

മ​ൺ​സൂ​ണി​ന്‍റെ ജ​ല​സ​മൃ​ദ്ധി​യൊ​ഴി​യു​ന്ന വേ​ന​ലി​ലും ഉ​രു​ള​ൻ പാ​റ​ക​ൾ​ക്കി​ട​യി​ലൂ​ടെ വ​ന്യ​ത കൈ​വി​ട്ട് ശാ​ന്ത​മാ​യി ഒ​ഴു​കി മു​തി​ര​പ്പു​ഴ​യി​ൽ സം​ഗ​മി​ക്കു​ന്ന ക​ല്ലാ​ർ പു​ഴ​യു​ടെ ഭാ​ഗ​മാ​ണ് ഈ ​വെ​ള്ള​ച്ചാ​ട്ടം. ക​ല്ലാ​ർ വെ​ള്ള​ച്ചാ​ട്ടം പൂ​ർ​ണ​മാ​യി വ​റ്റി​വ​ര​ളാ​റി​ല്ല എ​ന്ന​താ​ണ് പ്ര​ത്യേ​ക​ത.

വേ​ന​ൽ പി​ന്നി​ട്ട് വ​ർ​ഷ​മാ​യാ​ൽ രൂ​പ​ത്തി​ലും ഭാ​വ​ത്തി​ലും വെ​ള്ള​ച്ചാ​ട്ടം ക​ണ്ണി​ന് വി​രു​ന്നൊ​രു​ക്കും​വി​ധം മാ​റി​യി​ട്ടു​ണ്ടാ​കും. ആ​ർ​ത്ത​ല​ച്ച് നു​ര​ഞ്ഞൊ​ഴു​കി​യെ​ത്തു​ന്ന വെ​ള്ളം പു​തി​യ കാ​ഴ്ച​ക​ൾ തീ​ർ​ത്ത് പാ​ല​ത്തി​ന് കീ​ഴി​ലൂ​ടെ പി​ന്നെ​യു​മൊ​ഴു​കും. മ​ഴ​യും കു​ളി​രും ആ​സ്വ​ദി​ക്കാ​ൻ ധാ​രാ​ളം​പേ​രാ​ണ് ഇ​വി​ടെ​യെ​ത്തു​ന്ന​ത്.