വിനോദസഞ്ചാരികളെ സ്വീകരിക്കാൻ കരിമ്പുഴ വന്യജീവി സങ്കേതം ഒരുങ്ങുന്നു

ക​രു​ളാ​യി: വി​നോ​ദ​സ​ഞ്ചാ​രി​ക​ളെ സ്വീ​ക​രി​ക്കാ​നൊ​രു​ങ്ങി ക​രി​മ്പു​ഴ വ​ന്യ​ജീ​വി സ​ങ്കേ​തം. നെ​ടു​ങ്ക​യ​ത്താ​ണ് ജി​ല്ല​യി​ലെ ഏ​ക വ​ന്യ​ജീ​വി സ​ങ്കേ​ത​മാ​യ ക​രി​മ്പു​ഴ വ​ന്യ​ജീ​വി സ​ങ്കേ​ത​ത്തി​ന്റെ വി​വി​ധ പ​ദ്ധ​തി​ക​ൾ പു​രോ​ഗ​മി​ക്കു​ന്ന​ത്. 1.25 കോ​ടി​യോ​ളം രൂ​പ​യു​ടെ ഇ​ക്കോ ടൂ​റി​സം വി​ക​സ​ന പ​ദ്ധ​തി​യു​ടെ പ്ര​വ​ര്‍ത്ത​ന​ങ്ങ​ളാ​ണ് ഇ​വി​ടെ അ​ന്തി​മ​ഘ​ട്ട​ത്തി​ൽ എ​ത്തി​നി​ൽ​ക്കു​ന്ന​ത്. ചെ​റു​പു​ഴ​യി​ലെ നെ​ടു​ങ്ക​യം ഫോ​റ​സ്റ്റ് ചെ​ക്ക്‌ പോ​സ്റ്റി​നോ​ട് ചേ​ര്‍ന്ന് പ്ര​വേ​ശ​ന ക​വാ​ട നി​ര്‍മാ​ണം മു​ത​ലാ​ണ് ന​വീ​ക​ര​ണം ആ​രം​ഭി​ക്കു​ന്ന​ത്.

പ്ര​കൃ​തി​ദ​ത്ത മാ​തൃ​ക​യി​ൽ രൂ​പ​ക​ൽ​പ​ന ചെ​യ്ത മ​നോ​ഹ​ര ക​വാ​ട​മാ​യി​രി​ക്കും സ​ഞ്ചാ​രി​ക​ളെ സ്വാ​ഗ​തം ചെ​യ്യു​ക. നി​ര്‍മാ​ണം ഏ​ക​ദേ​ശം പൂ​ര്‍ത്തീ​ക​രി​ച്ചു. കൂ​ടാ​തെ, കു​ട്ടി​ക​ള്‍ക്കു​ള്ള ഉ​ദ്യാ​ന നി​ര്‍മാ​ണ​വും അ​ന്തി​മ​ഘ​ട്ട​ത്തി​ലാ​ണ്. നാ​ശോ​ന്മു​ഖ​മാ​യി കി​ട​ന്നി​രു​ന്ന ബ്രി​ട്ടീ​ഷ് എ​ൻ​ജി​നീ​യ​ര്‍ ഡോ​സ​ൺ സാ​യി​പ്പി​ന്റെ ശ​വ​കു​ടീ​ര​വും പു​തു​ക്കി​പ്പ​ണി​തി​ട്ടു​ണ്ട്. ഡോ​ര്‍മി​റ്റ​റി​ക​ളു​ടെ​യും അ​മി​നി​റ്റി സെ​ന്റ​റി​ന്റെ​യും നി​ര്‍മാ​ണ​വും പു​രോ​ഗ​മി​ക്കു​ക​യാ​ണ്. ന​ട​പ്പാ​ത, ഇ​രി​പ്പി​ടം, പു​ഴ​യോ​രം സൗ​ന്ദ​ര്യ​വ​ത്ക​ര​ണം, സ​ഞ്ചാ​രി​ക​ള്‍ക്ക് ആ​വ​ശ്യ​മാ​യ അ​ടി​സ്ഥാ​ന സൗ​ക​ര്യ​ങ്ങ​ളൊ​രു​ക്ക​ല്‍ എ​ന്നി​വ ന​ട​ക്കാ​നു​ണ്ട്. ഇ​വ കൂ​ടാ​തെ മാ​ഞ്ചീ​രി​യി​ല്‍ കാ​ട്ടാ​ന ആ​ക്ര​മ​ണ​ത്തി​ല്‍ മ​ര​ണ​മ​ട​ഞ്ഞ ചോ​ല​നാ​യ്ക്ക മൂ​പ്പ​ൻ മാ​ത​ന്‍, ഭാ​ര്യ ക​രി​ക്ക, വ​ള​ര്‍ത്തു​നാ​യ് എ​ന്നി​വ​യു​ടെ ശി​ല്‍പ​ങ്ങ​ള്‍ നെ​ടു​ങ്ക​യം ഉ​ദ്യാ​ന​ത്തി​ലും ഡോ​സ​ൺ സാ​യി​പ്പി​ന്റെ ശി​ല്‍പം പ്ര​വേ​ശ​ന ക​വാ​ട​ത്തി​ലും സ്ഥാ​പി​ക്കും. മ​റ്റു ശി​ൽ​ങ്ങ​ളു​ടെ​യും നി​ര്‍മാ​ണം പൂ​ര്‍ത്തീ​ക​രി​ച്ചി​ട്ടു​ണ്ടെ​ങ്കി​ലും ഉ​ദ്ഘാ​ട​ന​ത്തോ​ട​നു​ബ​ന്ധി​ച്ചാ​യി​രി​ക്കും സ്ഥാ​പി​ക്കു​ക. 2023 പു​തു​വ​ര്‍ഷ​ത്തോ​ടെ ക​രി​മ്പു​ഴ വ​ന്യ​ജീ​വി സ​ങ്കേ​ത​ത്തി​ന്റെ പു​തി​യ മു​ഖ​മാ​യി നെ​ടു​ങ്ക​യം മാ​റും.