വി​സ്മ​ക്കാ​ഴ്ച​ക​ളു​മാ​യി ക​യാ​ക്കി​ങ്​

അ​ജ്മാ​ന്‍റെ വി​സ്മ​യ​ക്കാ​ഴ്ച്ച​ക​ളി​ല്‍ ഏ​റെ പ്ര​ധാ​ന​പ്പെ​ട്ട​താ​ണ് സ്വാ​ഭാ​വി​ക ആ​വാ​സ വ്യ​വ​സ്ഥ​ക​ൾ ആ​സ്വ​ദി​ക്കു​ന്ന​തി​നാ​യി നി​ര്‍മ്മി​ക്ക​പ്പെ​ട്ട ഇ​ക്കോ - ടു​റി​സം പ​ദ്ധ​തി കേ​ന്ദ്ര​മാ​യ അ​ജ്മാ​ന്‍ അ​ല്‍ സോ​റ. പ​ത്തു ല​ക്ഷം ച​തു​ര​ശ്ര മീ​റ്റ​റി​ല​ധി​കം വി​സ്തൃ​തി​യു​ള്ള ക​ണ്ട​ല്‍കാ​ട് ചു​റ്റും മ​നോ​ഹ​ര​മാ​യ ജാ​ലാ​ശ​യം. ഇ​തി​നി​ട​യി​ലൂ​ടെ ചെ​റു​തോ​ണി​യി​ല്‍ സ്വ​യം തു​ഴ​ഞ്ഞ് ഒ​രു സാ​ഹ​സി​ക യാ​ത്ര. വി​നോ​ദ സ​ഞ്ചാ​രി​ക​ള്‍ക്ക് വി​സ്മ​യി​പ്പി​ക്കു​ന്ന അ​നു​ഭൂ​തി പ​ക​ര്‍ന്നു ന​ല്‍കു​ന്ന ഇ​ട​മാ​ണി​ത്.

കു​ട്ടി​ക​ളും കു​ടും​ബ​വു​മാ​യി ഇ​വി​ടെ​യെ​ത്തി ക​ണ്ട​ല്‍കാ​ടു​ക​ള്‍ക്കി​ട​യി​ലൂ​ടെ​യു​ള്ള ഒ​രി​ക്ക​ലെ​ങ്കി​ലും യാ​ത്ര ചെ​യ്ത​വ​ര്‍ക്ക് മ​റ​ക്കാ​നാ​കാ​ത്ത അ​നു​ഭ​വം സ​മ്മാ​നി​ക്കു​ക​യാ​ണ് അ​ല്‍ സോ​റ​യി​ലെ ഈ ​ചെ​റു​തോ​ണി യാ​ത്ര.ഗ്രേ​റ്റ​ർ ഫ്ല​മിം​ഗോ, ഓ​സ്പ്രേ, ഹെ​റോ​ൺ​സ്, മ​ഡ്‌​സ്‌​കി​പ്പേ​ഴ്‌​സ് തു​ട​ങ്ങി 100 ല​ധി​കം ഇ​ന​ങ്ങ​ളു​ടെ ആ​വാ​സ കേ​ന്ദ്ര​മാ​ണ് അ​ൽ സോ​റ നേ​ച്ച​ർ റി​സ​ർ​വ്. വി​ദ്യാ​ര്‍ഥി​ക​ള്‍ അ​ട​ക്ക​മു​ള്ള​വ​ര്‍ക്ക് വൈ​ജ്ഞാ​നി​ക ഉ​ല്ലാ​സം ഉ​ദ്ദേ​ശി​ച്ച് ഇ​വി​ടെ എ​ത്തു​ന്ന​വ​രു​ണ്ട്‌. മു​ൻ പ​രി​ച​യ​മി​ല്ലാ​ത്ത​വ​ര്‍ക്കും ഇ​വി​ടെ​യെ​ത്തി സാ​ഹ​സി​ക യാ​ത്ര ആ​സ്വ​ദി​ക്കാം.

യാ​ത്ര ചെ​യ്യു​ന്ന​തി​ന് മു​മ്പ്​ പൂ​ര്‍ണ്ണ വി​വ​ര​ങ്ങ​ള​ട​ങ്ങു​ന്ന ര​ജി​സ്ട്രേ​ഷ​ന്‍ ആ​വ​ശ്യ​മാ​ണ്‌. യാ​ത്ര​ക്കാ​രു​ടെ സു​ര​ക്ഷ മു​ന്‍ നി​ര്‍ത്തി സു​ര​ക്ഷാ ജാ​ക്ക​റ്റ് അ​ട​ക്ക​മു​ള്ള​വ ന​ല്‍കു​ന്നു​ണ്ട്. ഒ​രു ദ​ശ​ല​ക്ഷം ച​തു​ര​ശ്ര മീ​റ്റ​റി​ല​ധി​ക​മു​ള്ള പ്ര​കൃ​തി​ദ​ത്ത ത​ണ്ണീ​ർ​ത്ത​ട​ത്തി​ലൂ​ടെ​യു​ള്ള യാ​ത്ര​യി​ല്‍ വി​ത്യ​സ്ത​ങ്ങ​ളാ​യ പ​ക്ഷി​ക​ളെ കാ​ണാ​നും ക​ഴി​യും. 6000 വ​ർ​ഷം പ​ഴ​ക്ക​മു​ള്ള ഈ ​ക​ണ്ട​ൽ​ക്കാ​ടു​ക​ൾ ഹ​രി​താ​ഭ​മാ​യ ഒ​രു അ​നു​ഭ​വ​മാ​ണ്.മൂ​ർ​ച്ച​യു​ള്ള ഇ​ത്തി​ളു​ക​ളി​ല്‍ നി​ന്ന് പ​രി​ര​ക്ഷി​ക്കു​ന്ന​തി​ന് വാ​ട്ട​ർ ഷൂ​സ് അ​ല്ലെ​ങ്കി​ൽ പ​ഴ​യ പ​രി​ശീ​ല​ന ഷൂ​ക​ൾ പോ​ലു​ള്ള​വ ക​രു​ത​ണം. കു​ടി​വെ​ള്ളം, തൊ​പ്പി, സ​ണ്‍ ഗ്ലാ​സ് തു​ട​ങ്ങി​യ​വ ക​രു​തു​ന്ന​ത് ന​ല്ല​താ​യി​രി​ക്കു​മെ​ന്ന് നി​ര്‍ദേ​ശി​ക്കു​ന്നു​ണ്ട്.

പ്ര​കൃ​തി​യു​ടെ ശ്വാ​സ​കോ​ശ​മാ​യ ക​ണ്ട​ല്‍ക്കാ​ടു​ക​ല്‍ക്കി​ട​യി​ലൂ​ടെ​യു​ള്ള ഈ ​യാ​ത്ര ഏ​തൊ​രു സ​ഞ്ചാ​രി​ക്കും പു​ത്ത​ന്‍ അ​നു​ഭ​വ​മാ​യി​രി​ക്കും സ​മ്മാ​നി​ക്കു​ക. പ​ക്ഷി നി​രീ​ക്ഷ​ക​ര്‍ക്കും വി​ദ്യാ​ര്‍ഥി​ക​ള്‍ക്കും ഏ​റെ പ്ര​യോ​ജ​ന​പ്പെ​ടും അ​ജ്മാ​നി​ലെ ഈ ​ചെ​റു​തോ​ണി യാ​ത്ര.