സഞ്ചാരികൾ മുഖം തിരിച്ച് വടകര സാന്‍ഡ്ബാങ്ക്സ്; എങ്ങുമെത്താതെ വികസന പ്രവർത്തനങ്ങൾ

വ​ട​ക​ര: താ​ലൂ​ക്കി​ലെ പ്ര​ധാ​ന ടൂ​റി​സം കേ​ന്ദ്ര​മാ​യ സാ​ൻ​ഡ്ബാ​ങ്ക്സി​നോ​ട് ടൂ​റി​സ്റ്റു​ക​ൾ മു​ഖം തി​രി​ക്കു​ന്നു. ദി​നം​പ്ര​തി നൂ​റു ക​ണ​ക്കി​ന് വി​നോ​ദ സ​ഞ്ചാ​രി​ക​ളെ​ത്തി​ച്ചേ​രു​ന്ന സാ​ന്‍ഡ്ബാ​ങ്ക്സി​നെ മി​ക​ച്ച നി​ല​വാ​ര​ത്തി​ലെ​ത്തി​ക്കാ​ൻ ക​ഴി​യാ​തെ പോ​യ​താ​ണ് സാ​ൻ​ഡ്ബാ​ങ്ക്സ് നോ​ക്കു​കു​ത്തി​യാ​യി മാ​റാ​നി​ട​യാ​ക്കു​ന്ന​ത്. കോ​ടി​ക​ൾ ചെ​ല​വ​ഴി​ച്ച് ന​ട​പ്പാ​ക്കി​യ നി​ർ​മാ​ണ പ്ര​വ​ർ​ത്ത​ന​ങ്ങ​ളി​ൽ അ​ഴി​മ​തി ആ​ക്ഷേ​പ​വും കെ​ടു​കാ​ര്യ​സ്ഥ​ത​യും നി​റ​യു​മ്പോ​ൾ സാ​ൻ​ഡ്ബാ​ങ്ക്സ് നാ​ഥ​നി​ല്ലാ​ത്ത അ​വ​സ്ഥ​യി​ലാ​ണ്.

ടൂ​റി​സം വ​കു​പ്പും വ​ട​ക​ര മു​നി​സി​പ്പാ​ലി​റ്റി​യും സാ​ൻ​ഡ്ബാ​ങ്ക്സി​ന്റ ദു​ര​വ​സ്ഥ ക​ണ്ടി​ല്ലെ​ന്ന് ന​ടി​ക്കു​ക​യാ​ണ്. ടൂ​റി​സം കേ​ന്ദ്ര​ത്തി​ന്റെ പ​ല ഭാ​ഗ​ങ്ങ​ളും പു​ല്ലു​മൂ​ടി​യി​ട്ടു​ണ്ട്. നേ​ര​ത്തെ ന​ട​ത്തി​യ വി​ക​സ​ന പ്ര​വൃ​ത്തി​ക​ള്‍ തു​ട​ര്‍ പ​രി​പാ​ല​ന​മി​ല്ലാ​ത്ത​തി​നാ​ലാ​ണ് പ​ല​തും ന​ശി​ച്ചു കൊ​ണ്ടി​രി​ക്കു​ന്ന​ത്.

ബീ​ച്ചി​നോ​ട് ചേ​ര്‍ന്ന് ടൈ​ലു​ക​ള്‍ പാ​കു​ക​യും ഇ​രി​പ്പി​ട​ങ്ങ​ള്‍ സ്ഥാ​പി​ക്കു​ക​യും ചെ​യ്ത​താ​ണ് പ്ര​ധാ​ന വി​ക​സ​ന പ്ര​വൃ​ത്തി. ല​ഘു ഭ​ക്ഷ​ണ വി​ത​ര​ണ​ത്തി​നു​ള്ള സ്റ്റാ​ൾ അ​ട​ഞ്ഞ് കി​ട​ക്കു​ക​യാ​ണ്. പു​തു​താ​യി നി​ർ​മി​ച്ച റ​സ്റ്റാ​റ​ന്റ് തു​റ​ന്ന് കൊ​ടു​ക്കാ​ൻ ക​ഴി​ഞ്ഞി​ട്ടി​ല്ല. ഇ​തി​നോ​ട് ചേ​ർ​ന്ന് കി​ട​ക്കു​ന്ന ബോ​ട്ട് ജെ​ട്ടി ത​ക​ർ​ന്നു കി​ട​ക്കു​ക​യാ​ണ്.

ക​ട​ലും പു​ഴ​യും ചേ​രു​ന്ന ഭാ​ഗം അ​താ​ണ് വ​ട​ക​ര സാ​ൻ​ഡ്ബാ​ങ്ക്സ്. നീ​ണ്ടു​കി​ട​ക്കു​ന്ന ക​ട​ൽ​തീ​രം, ഇ​വി​ടെ​നി​ന്നും സാ​യാ​ഹ്ന സൂ​ര്യ​നെ ക​ണ്‍നി​റ​യെ കാ​ണാം. സോ​ളാ​ര്‍ വി​ള​ക്കു​ക​ളും ക​ല്ലി​ല്‍ തീ​ര്‍ത്ത ഇ​രി​പ്പി​ട​ങ്ങ​ളും മ​നോ​ഹ​ര​മാ​യ ക​ട​ൽ​തീ​ര​ത്തി​ന് ശോ​ഭ പ​ക​രു​ന്ന​താ​ണ്.

എ​ന്നാ​ൽ വി​നോ​ദ സ​ഞ്ചാ​ര മേ​ഖ​ല​യു​ടെ കു​തി​പ്പി​നെ കു​റി​ച്ച് വാ​തോ​രാ​തെ സം​സാ​രി​ക്കു​ന്ന​വ​ർ സാ​ൻ​ഡ്ബാ​ങ്ക്സി​നെ വി​സ്മ​രി​ക്കു​ക​യാ​ണ്.