ഡിസംബറില്‍ തുറക്കും; നാലാം ഉദ്​ഘാടനത്തിനൊരുങ്ങി സഹ്യദര്‍ശന്‍ പാര്‍ക്ക്

നെ​ടു​ങ്ക​ണ്ടം: മൂ​ന്ന് ഉ​ദ്ഘാ​ട​ന​ങ്ങ​ള്‍ക്ക് ശേ​ഷം അ​ട​ച്ചു പൂ​ട്ടി​യ സ​ഹ്യ​ദ​ര്‍ശ​ന്‍ പാ​ര്‍ക്ക് മ​റ്റൊ​രു ഉ​ദ്ഘാ​ട​നം കൂ​ടി ന​ട​ത്തി ഡി​സം​ബ​റി​ല്‍ പൊ​തു​ജ​ന​ങ്ങ​ള്‍ക്കാ​യി തു​റ​ന്നു കൊ​ടു​ക്കും. ഏ​റെ നാ​ള്‍ അ​നാ​ഥ​മാ​യി കി​ട​ന്ന പാ​ര്‍ക്കി​ല്‍ ന​വീ​ക​ര​ണ ജോ​ലി​ക​ൾ പു​രോ​ഗ​മി​ക്കു​ക​യാ​ണ്. 30 ല​ക്ഷം രൂ​പ മു​ട​ക്കി ശു​ചി​മു​റി​ക​ളും കു​ട്ടി​ക​ള്‍ക്കാ​യി ക​ളി ഉ​പ​ക​ര​ണ​ങ്ങ​ളും പാ​ര്‍ക്കി​ല്‍ ഒ​രു​ക്കി​യി​ട്ടു​ണ്ട്.

2010 ല്‍ ​സ്‌​കൂ​ള്‍ പാ​ര്‍ക്കും വാ​ന നി​രീ​ക്ഷ​ണ കേ​ന്ദ്ര​വും 2012 ല്‍ ​സ​ഹ്യ​ദ​ര്‍ശ​ന്‍ പാ​ര്‍ക്കു​മാ​ണ്​ നി​ർ​മി​ച്ച​ത്. പ​ല ത​വ​ണ ല​ക്ഷ​ങ്ങ​ള്‍ മു​ട​ക്കി അ​റ്റ​കു​റ്റ​പ്പ​ണി​ക​ള്‍ ന​ട​ത്തി. മൂ​ന്ന്​ ഉ​ദ്ഘാ​ട​നം ന​ട​ത്തി​യ ശേ​ഷ​മാ​ണ്​ വീ​ണ്ടും ല​ക്ഷ​ങ്ങ​ള്‍ മു​ട​ക്കി അ​ണി​യി​ച്ചൊ​രു​ക്കി​യി​രി​ക്കു​ന്ന​ത്. ര​ണ്ട് നി​ല​ക​ളി​ലാ​യി വാ​ച്ച്​ ട​വ​റും ദൂ​ര​ദ​ര്‍ശി​നി​യും സ്ഥാ​പി​ച്ചി​ട്ടു​ണ്ട്.

ക​ഴി​ഞ്ഞ ജ​നു​വ​രി​യി​ല്ലാ​ണ്​ നെ​ടു​ങ്ക​ണ്ടം പ​ഞ്ചാ​യ​ത്ത് 17 ല​ക്ഷം രൂ​പ മു​ട​ക്കി അ​റ്റ​കു​റ്റ​പ്പ​ണി​ക​ൾ ന​ട​ത്തി മോ​ടി​പി​ടി​പ്പി​ച്ച​ത്. മൂ​ന്നാ​മ​ത്തെ ഉ​ദ്ഘാ​ട​നും ന​ട​ത്തി​യ​തി​ന്​ പി​ന്നാ​ലെ അ​ട​ച്ച്​ പൂ​ട്ടു​ക​യാ​യി​രു​ന്നു. നെ​ടു​ങ്ക​ണ്ടം ടൗ​ണി​നോ​ട് ചേ​ര്‍ന്ന്​ ഗ​വ.​യു.​പി.​സ്‌​കൂ​ളി​നും ഗ​വ.​വൊ​ക്കേ​ഷ​ണ​ല്‍ ഹ​യ​ര്‍ സെ​ക്ക​ൻ​ഡ​റി സ്​​കൂ​ളി​നും ന​ടു​വി​ലാ​ണ് സ​ഹ്യ​ദ​ര്‍ശ​ൻ പാ​ര്‍ക്ക്. ​

2010 മെ​യ് 22 ന് ​നെ​ടു​ങ്ക​ണ്ടം ഗ്രാ​മ​പ​ഞ്ചാ​യ​ത്ത് നാ​ടി​ന് സ​മ​ര്‍പ്പി​ച്ച​താ​യി​രു​ന്നു സ്‌​കൂ​ള്‍ പാ​ര്‍ക്കും വാ​ന നി​രീ​ക്ഷ​ണ കേ​ന്ദ്ര​വും. 2012 ല്‍ ​മാ​റി വ​ന്ന പ​ഞ്ചാ​യ​ത്ത് ഭ​ര​ണ സ​മി​തി അ​ല്‍പ്പം പ​രി​ഷ്‌​ക്ക​രി​ച്ച് സ​ഹ്യ​ദ​ര്‍ശ​ന്‍ പാ​ര്‍ക്ക് എ​ന്ന പേ​രി​ട​ല്‍ ന​ട​ത്തി. വ​ലി​യ ആ​ഘോ​ഷ​മാ​യാ​ണ്​ ഓ​രോ ഉ​ദ്​​ഘാ​ട​ന​വും ന​ട​ത്തി​യ​ത്.

വി​നോ​ദ​സ​ഞ്ചാ​രി​ക​ള്‍ക്ക്​ പു​റ​മെ നെ​ടു​ങ്ക​ണ്ടം നി​വാ​സി​ക​ള്‍ക്ക് വി​ശ്ര​മി​ക്കാ​നും വി​ദ്യാ​ർ​ഥി​ക​ള്‍ ഉ​ള്‍പ്പെ​ടെ​യു​ള്ള​വ​ര്‍ക്ക് ആ​കാ​ശ കാ​ഴ്ച​ക​ള്‍ കാ​ണാ​നും അ​വ​സ​ര​മൊ​രു​ക്കി​യി​രു​ന്നു.