സഞ്ചാരികൾ നിറഞ്ഞ്​ ‘പൂങ്കാവനം’

വെ​ട്ട​ത്തൂ​ർ: മേ​ഖ​ല​യു​ടെ വി​നോ​ദ​സ​ഞ്ചാ​ര വി​ക​സ​ന​സ്വ​പ്ന​ങ്ങ​ൾ​ക്ക്​ ചി​റ​കു​മു​ള​ക്കു​മെ​ന്ന പ്ര​തീ​ക്ഷ​യി​ൽ​ ഒ​രു​നാ​ട്​ കാ​ത്തി​രി​ക്കു​ന്നു. അ​വ​ധി​ദി​ന​ങ്ങ​ളി​ൽ കു​ടും​ബ​സ​മേ​തം നി​ര​വ​ധി സ​ഞ്ചാ​രി​ക​ളെ​ത്തു​ന്ന വെ​ട്ട​ത്തൂ​രി​ലെ പൂ​ങ്കാ​വ​നം അ​ണ​ക്കെ​ട്ട്​ പ്ര​ദേ​ശം വി​നോ​ദ​സ​ഞ്ചാ​ര കേ​ന്ദ്ര​മാ​ക്കു​മെ​ന്ന പ്ര​തീ​ക്ഷ​യി​ലാ​ണ്​​ നാ​ട്ടു​കാ​ർ. ഞാ​യ​റാ​ഴ്ച ദി​വ​സ​ങ്ങ​ളി​ൽ മാ​ത്രം ഏ​ക​ദേ​ശം ആ​യി​ര​ത്തി​ലേ​റെ പേ​രാ​ണ്​ ഇ​വി​ടം സ​ന്ദ​ർ​ശി​ക്കാ​നെ​ത്തു​ന്ന​ത്.

‘പൂ​ങ്കാ​വ​നം ജ​ന​കീ​യ ക​മ്മി​റ്റി’​യു​ടെ ​നേ​തൃ​ത്വ​ത്തി​ൽ ഇ​വി​ടെ ത​ണ​ൽ​മ​ര​ങ്ങ​ളും സൗ​ന്ദ​ര്യ​വ​ത്​​ക​ര​ണ​ത്തി​ന്‍റെ ഭാ​ഗ​മാ​യി ചെ​ടി​ക​ളും വെ​ച്ചു​പി​ടി​പ്പി​ക്കു​ന്നു​ണ്ട്. സം​സ്ഥാ​ന സ​ർ​ക്കാ​റി​ന്‍റെ അ​നു​മ​തി കി​ട്ടി​യാ​ൽ വി​നോ​ദ പാ​ർ​ക്കും ഓ​പ​ൺ ജിം​നേ​ഷ്യ​വും നി​ർ​മി​ക്കാ​നും ഒ​രു​ക്കം ന​ട​ക്കു​ന്നു​ണ്ട്. ഇ​തി​ന്​ വെ​ട്ട​ത്തൂ​ർ പ​ഞ്ചാ​യ​ത്ത്​ ഭ​ര​ണ​സ​മി​തി സ​ർ​ക്കാ​റി​ന്‍റെ അ​നു​മ​തി തേ​ടി​യി​ട്ടു​ണ്ട്. സ​ർ​ക്കാ​റി​ന്‍റെ ഭാ​ഗ​ത്തു​നി​ന്ന്​ അ​നു​കൂ​ല ന​ട​പ​ടി​ക​ളു​ണ്ടാ​യാ​ൽ ജി​ല്ല​യി​ലെ ഏ​ക അ​ണ​ക്കെ​ട്ടാ​യ പൂ​ങ്കാ​വ​നം വി​നോ​ദ​സ​ഞ്ചാ​ര​മേ​ഖ​ല​യി​ലേ​ക്ക്​ പു​തി​യ വാ​താ​യ​ന​ങ്ങ​ൾ തു​റ​ന്നി​ടും. ഡാ​മി​ലേ​ക്കു​ള്ള​ പ​ഴ​യ ച​വി​ട്ടു​പ​ടി​ക​ൾ ന​വീ​ക​രി​ക്കാ​നും ഹൈ​മാ​സ്റ്റ്​ ലൈ​റ്റ്​ സ്ഥാ​പി​ക്കാ​നും ഗ്രാ​മ​പ​ഞ്ചാ​യ​ത്ത്​ 4.16 ല​ക്ഷം രൂ​പ വ​ക​യി​രു​ത്തി​യി​ട്ടു​ണ്ടെ​ന്ന് പ്ര​സി​ഡ​ന്‍റ്​ സി.​എം. മു​സ്ത​ഫ പ​റ​ഞ്ഞു.

മൈ​ന​ർ ഇ​റി​ഗേ​ഷ​ൻ വ​കു​പ്പി​ന് അ​പേ​ക്ഷ ന​ൽ​കി​യി​ട്ടു​ണ്ടെ​ന്നും അ​നു​മ​തി ല​ഭി​ച്ചാ​ലു​ട​ൻ പ്ര​വൃ​ത്തി ആ​രം​ഭി​ക്കു​മെ​ന്നും വാ​ർ​ഡ് മെം​ബ​ർ ജ​ലീ​ൽ ക​ണ​ക്ക​പ്പി​ള്ള പ​റ​ഞ്ഞു. നി​ല​വി​ൽ ചെ​റു​കി​ട ജ​ല​സേ​ച​ന വ​കു​പ്പി​ന്‍റെ ഉ​ട​മ​സ്ഥ​ത​യി​ലാ​ണ് 24 ഏ​ക്ക​ർ വി​സ്തൃ​തി​യു​ള്ള ഈ ​പ്ര​ദേ​ശം. ഇ​ത്​ ഉ​പ​യോ​ഗ​പ്പെ​ടു​ത്തി വി​നോ​ദ​സ​ഞ്ചാ​ര​കേ​ന്ദ്ര​മാ​ക്കി വി​ക​സി​പ്പി​ക്ക​ണ​മെ​ന്ന ആ​വ​ശ്യ​വു​മാ​യി ജ​ന​കീ​യ കൂ​ട്ടാ​യ്മ രം​ഗ​ത്തു​ണ്ട്. വി​വി​ധ കൂ​ട്ടാ​യ്മ​ക​ളു​ടെ നേ​തൃ​ത്വ​ത്തി​ൽ പാ​റ​ക്കെ​ട്ടു​ക​ളി​ൽ ചി​ത്ര​ങ്ങ​ൾ വ​ര​ച്ച്​ മ​നോ​ഹ​ര​മാ​ക്കി​യി​ട്ടു​ണ്ട്. ക​ഴി​ഞ്ഞ ഒ​ക്​​ടോ​ബ​ർ ര​ണ്ടി​ന്​ ന​വ​കേ​ര​ളം മാ​ലി​ന്യ​മു​ക്തം പ​ദ്ധ​തി​യു​ടെ ഭാ​ഗ​മാ​യാ​ണ്​ ഡാം ​പ​രി​സ​ര​ത്ത്​ പ്ര​വ​ർ​ത്ത​നം ആ​രം​ഭി​ച്ച​ത്.