കോ​ട​മ​ഞ്ഞും പ്ര​കൃ​തി​ഭം​ഗി​യും; ദൃ​ശ്യ​വി​രു​ന്നൊരുക്കി മു​ണ്ട​ന്മ​ല

തൊ​ടു​പു​ഴ: ടൂ​റി​സം രം​ഗ​ത്ത്​ ഒ​ട്ടേ​റെ സാ​ധ്യ​ത​ക​ൾ തു​റ​ന്നി​ടു​ക​യാ​ണ്​ മു​ണ്ട​ന്മ​ല. ക​ണ്ണെ​ത്താ ദൂ​ര​ത്തോ​ളം കോ​ട​മ​ഞ്ഞി​ന്‍റെ ഭം​ഗി​യാ​ണ്​ മു​ണ്ട​ന്മ​ല​യി​ലെ ആ​ക​ർ​ഷ​ണീ​യത. മ​ഞ്ഞ്​​ മാ​റി പ്ര​കൃ​തി തെ​ളി​യു​മ്പോ​ഴും അ​തി​മ​നോ​ഹ​ര ദൃ​ശ്യ​വി​രു​ന്നാ​കു​ന്നു. തൊ​ടു​പു​ഴ-​വ​ഴി​ത്ത​ല റൂ​ട്ടി​ല്‍ വാ​ഴ​പ്പ​ള്ളി​യി​ല്‍നി​ന്ന്​ 1.7 കി​ലോ​മീ​റ്റ​ര്‍ യാ​ത്ര ചെ​യ്താ​ല്‍ മു​ണ്ട​ന്മ​ല​യി​ലെ​ത്താം.

തൊ​ടു​പു​ഴ​യി​ല്‍നി​ന്ന്​ ഏ​ഴു കി​ലോ​മീ​റ്റ​ര്‍. വ​ണ്ണ​പ്പു​റം പ​ഞ്ചാ​യ​ത്തി​ലെ കോ​ട്ട​പ്പാ​റ​ക്ക്​ സ​മാ​ന​മാ​യ കാ​ഴ്ച​ക​ളാ​ണ് സ​ഞ്ചാ​രി​ക​ളെ സ്വാ​ഗ​തം ചെ​യ്യു​ന്ന​ത്. മൂ​വാ​റ്റു​പു​ഴ മ​ണി​യ​ന്ത്രം മ​ല വ​രെ നീ​ണ്ടു​കി​ട​ക്കു​ന്ന മ​ഞ്ഞി​ൻ പ​ര​വ​താ​നി കാ​ഴ്ച​ക്കാ​രു​ടെ മ​നം കു​ളി​ർ​പ്പി​ക്കും. ഇ​വി​ടേ​ക്ക്​ കൂ​ടു​ത​ല്‍ സ​ന്ദ​ര്‍ശ​ക​രെ ആ​ക​ര്‍ഷി​ക്കാ​ന്‍ മ​ണ​ക്കാ​ട്​ പ​ഞ്ചാ​യ​ത്ത് പ​ദ്ധ​തി ആ​വി​ഷ്ക​രി​ച്ചു വ​രു​ക​യാ​ണ്.

നി​ല​വി​ൽ തൊ​ടു​പു​ഴ ബ്ലോ​ക്ക് പ​ഞ്ചാ​യ​ത്ത് ത​യാ​റാ​ക്കി​യ പ​വി​ലി​യ​ന്‍ മാ​ത്ര​മാ​ണ് അ​ടി​സ്ഥാ​ന സൗ​ക​ര്യം. പ​വി​ലി​യ​നി​ല്‍ ദൂ​ര​ദ​ര്‍ശി​നി​യും ഇ​രി​പ്പി​ട​വും സ്ഥാ​പി​ച്ചി​ട്ടു​ണ്ട്. 14 ല​ക്ഷം രൂ​പ​യു​ടെ പ​ദ്ധ​തി​യാ​ണ് ബ്ലോ​ക്ക് പ​ഞ്ചാ​യ​ത്ത് ന​ട​പ്പാ​ക്കി​യ​ത്. താ​ഴ്‌​വാ​ര​ത്തു​നി​ന്ന്​ മ​ല​മു​ക​ളി​ല്‍ എ​ത്താ​ന്‍ ഇ​ടു​ക്കി പാ​ക്കേ​ജി​ല്‍ ഉ​ള്‍പ്പെ​ടു​ത്തി നി​ര്‍മി​ച്ച ടാ​റി​ങ്ങ്​ റോ​ഡു​മു​ണ്ട്. കൂ​ടു​ത​ല്‍ സൗ​ക​ര്യ​ങ്ങ​ള്‍ ഒ​രു​ക്കി​യാ​ല്‍ സ​ന്ദ​ര്‍ശ​ക​രു​ടെ എ​ണ്ണം കൂ​ടു​മെ​ന്ന്​ നാ​ട്ടു​കാ​ര്‍ പ​റ​യു​ന്നു. ഇ​തി​നാ​യി പു​തി​യ പ​ദ്ധ​തി ത​യാ​റാ​ക്കി പ​ഞ്ചാ​യ​ത്ത് അ​ധി​കൃ​ത​ര്‍ സ​ര്‍ക്കാ​റി​ന്​ സ​മ​ര്‍പ്പി​ച്ചി​ട്ടു​ണ്ട്.