കായലിൽ ചീറിപ്പാഞ്ഞ്​ സ്പീഡ് ​ബോട്ടുകൾ; അനുമതിയില്ലാതെ ശിക്കാരവള്ളങ്ങളും

ആ​ല​പ്പു​ഴ: കാ​യ​ലു​ക​ളി​ൽ അ​നു​മ​തി​യി​ല്ലാ​തെ സ്​​പീ​ഡ്​ ബോ​ട്ടു​ക​ൾ ചീ​റി​പ്പാ​യു​ന്നു. ഇ​തി​നൊ​പ്പം ശി​ക്കാ​ര​വ​ള്ള​ങ്ങ​ളും. വേ​മ്പ​നാ​ട്ടു​കാ​യ​ൽ, പു​ന്ന​മ​ട​ക്കാ​യ​ൽ, ത​ണ്ണീ​ർ​മു​ക്കം, കു​മ​ര​കം അ​ട​ക്ക​മു​ള്ള പ്ര​ദേ​ശ​ങ്ങ​ളി​ലാ​ണ്​​ സാ​ഹ​സി​ക സ​ഞ്ചാ​ര​ത്തി​ന്‍റെ പേ​രി​ൽ സ്പീ​ഡ്​ ബോ​ട്ടു​ക​ൾ ത​ല​ങ്ങും വി​ല​ങ്ങും പാ​യു​ന്ന​ത്. സ്​​പീ​ഡ്​ ബോ​ട്ടു​ക​ളോ​ടു​ള്ള സ​ഞ്ചാ​രി​ക​ളു​ടെ പ്രി​യം വ​ർ​ധി​ച്ച​തോ​ടെ സു​ര​ക്ഷ ഉ​റ​പ്പാ​ക്കു​ന്ന ലൈ​ഫ്​ ജാ​ക്ക​റ്റ്​​പോ​ലു​മി​ല്ലാ​തെ​യാ​ണ്​ പ​ല​പ്പോ​ഴും യാ​ത്ര. പ​ല​തി​ലും ക്ര​മ​ത്തി​ല​ധി​കം ആ​ളു​ക​ളെ ക​യ​റ്റു​ന്നു​മു​ണ്ട്.​ സാ​ധാ​ര​ണ ബോ​ട്ടു​ക​ളെ​ക്കാ​ൾ മൂ​ന്നി​ര​ട്ടി വേ​ഗ​ത്തി​ലാ​ണ്​ ഇ​വ​യു​ടെ സ​ഞ്ചാ​രം. സു​ര​ക്ഷാ​കാ​ര്യ​ത്തി​ൽ വ​ലി​യ വീ​ഴ്ച​യു​ള്ള​താ​യാ​ണ്​ ആ​ക്ഷേ​പം.

തു​റ​മു​ഖ ഓ​ഫി​സി​ന്‍റെ ക​ണ​ക്കി​ൽ ജി​ല്ല​യി​ൽ 131 സ്​​പീ​ഡ്​ ബോ​ട്ടു​ക​ളാ​ണ്​ ര​ജി​സ്റ്റ​ർ ചെ​യ്തി​ട്ടു​ള്ള​ത്. ഇ​തി​ൽ ഭൂ​രി​ഭാ​ഗ​വും കു​ട്ട​നാ​ട്​ അ​ട​ക്കം ഒ​റ്റ​പ്പെ​ട്ട സ്ഥ​ല​ങ്ങ​ളി​ൽ സ്വ​കാ​ര്യ​ആ​വ​ശ്യ​ങ്ങ​ൾ​ക്കു​വേ​ണ്ടി​യാ​ണ്​ ഉ​പ​യോ​ഗി​ക്കു​ന്ന​ത്. വ്യ​വ​സാ​യി​ക അ​ടി​സ്ഥാ​ന​ത്തി​ൽ ഓ​ടു​ന്ന സ്പീ​ഡ്​ ബോ​ട്ടു​ക​ൾ പ​രി​ശോ​ധ​ന​യി​ൽ​നി​ന്ന്​ ഒ​ഴി​വാ​ക്ക​പ്പെ​ടു​ക​യാ​ണ്​ പ​തി​വ്​. സ​ഞ്ചാ​രി​ക​ൾ ഏ​റെ​യെ​ത്തു​ന്ന സീ​സ​ണി​ൽ ലൈ​സ​ൻ​സും രേ​ഖ​ക​ളി​ലു​മി​ല്ലാ​തെ ശി​ക്കാ​ര​വ​ള്ള​ങ്ങ​ളും കാ​യ​ലി​ൽ നി​റ​യും.

പു​തി​യ ജ​ല​യാ​ന​ങ്ങ​ൾ​ക്ക് ലൈ​സ​ൻ​സ് ന​ൽ​കേ​ണ്ടെ​ന്ന തു​റ​മു​ഖ വ​കു​പ്പി​ന്റെ നി​ർ​ദേ​ശം നി​ല​നി​ൽ​ക്കെ​യാ​ണി​ത്. ലൈ​സ​ൻ​സി​നാ​യി തു​റ​മു​ഖ ഓ​ഫി​സി​ൽ 150 അ​പേ​ക്ഷ​ക​ളാ​ണ്​ കെ​ട്ടി​ക്കി​ട​ക്കു​ന്ന​ത്. 2010ൽ ​കേ​ര​ള ഇ​ൻ​ലാ​ൻ​ഡ് വെ​സ​ൽ നി​യ​മം പ്രാ​ബ​ല്യ​ത്തി​ൽ​വ​ന്ന​തോ​ടെ​യാ​ണ് ക​നാ​ൽ ലൈ​സ​ൻ​സ് നി​ർ​ത്ത​ലാ​ക്കി​യ​ത്. കൂ​ടു​ത​ൽ വ​ള്ള​ങ്ങ​ൾ​ക്ക് ലൈ​സ​ൻ​സ് കൊ​ടു​ത്താ​ൽ ജ​ല​മ​ലി​നീ​ക​ര​ണം കൂ​ടു​മെ​ന്ന നി​ഗ​മ​ന​ത്തി​യാ​യി​രു​ന്നു ഇ​ത്. 428 ശി​ക്കാ​ര​വ​ള്ള​ങ്ങ​ൾ​ക്കാ​ണ് തു​റ​മു​ഖ​വ​കു​പ്പി​ന്റെ അ​നു​മ​തി​യു​ള്ള​ത്. അ​ന​ധി​കൃ​ത​മാ​യി ഓ​ടു​ന്ന​ത്​ ഇ​തി​ന്‍റെ ഇ​ര​ട്ടി​യോ​ള​മാ​ണ്. പ​രി​ശോ​ധ​ന ന​ട​ത്തേ​ണ്ട ടൂ​റി​സം പൊ​ലീ​സി​ന്​ കാ​ര്യ​മാ​യി ഒ​ന്നും ചെ​യ്യാ​നാ​കു​ന്നു​മി​ല്ല.

സുരക്ഷിതമല്ലാത്ത കായൽ യാത്ര

വേ​മ്പ​നാ​ട്ടു​കാ​യ​ലി​ൽ ഹൗ​സ്​​ബോ​ട്ട്​ അ​പ​ക​ട​ങ്ങ​ൾ ദി​നം​പ്ര​തി വ​ർ​ധി​ച്ചി​ട്ടും അ​ധി​കൃ​ത​ർ​ക്ക്​ അ​ന​ക്ക​മി​ല്ല. അ​ടു​ത്തി​ടെ ര​ണ്ടി​ട​ത്താ​ണ്​ ഹൗ​സ്​​ബോ​ട്ട്​ മു​ങ്ങി​യ​ത്. ​ഇ​തി​ൽ ഒ​രെ​ണ്ണം ഓ​ട്ടം​ക​ഴി​ഞ്ഞ്​ നി​ർ​ത്തി​യി​ട്ട സ​മ​യ​ത്താ​യ​തി​നാ​ൽ ആ​ള​പാ​യ​മു​ണ്ടാ​യി​ല്ല. ത​മി​ഴ്​​നാ​ട്ടി​ൽ​നി​ന്നു​ള്ള ഏ​ഴം​ഗ വി​നോ​ദ​സ​ഞ്ചാ​രി​ക​ൾ സ​ഞ്ച​രി​ച്ച ബോ​ട്ട്​ മു​ങ്ങി മൂ​ന്നു​​പേ​ർ പ​രി​ക്കു​ക​ളോ​ടെ​യാ​ണ്​ ര​ക്ഷ​പ്പെ​ട്ട​ത്. ഇ​തി​നൊ​പ്പം ഹൗ​സ്​​ബോ​ട്ടി​ൽ​നി​ന്ന്​ വീ​ണു​മ​രി​ച്ച​വ​ർ മൂ​ന്നു​പേ​രാ​ണ്. ഇ​തി​ലൊ​രാ​ൾ ര​ക്ഷാ​പ്ര​വ​ർ​ത്ത​ന​ത്തി​ന്​ എ​ത്തി​യ​താ​യി​രു​ന്നു.

അ​പ​ക​ട​വും മ​ര​ണ​വും ആ​വ​ർ​ത്തി​ച്ച സാ​ഹ​ച​ര്യ​ത്തി​ൽ തു​റ​മു​ഖ​വ​കു​പ്പും ടൂ​റി​സം പൊ​ലീ​സും​ രേ​ഖ​ക​ളി​ല്ലാ​തെ സ​വാ​രി ന​ട​ത്തു​ന്ന ബോ​ട്ടു​ക​ൾ ക​ണ്ടെ​ത്തി​യെ​ങ്കി​ലും തു​ട​ർ​ന​ട​പ​ടി ക​ട​ലാ​സി​ൽ ഒ​തു​ങ്ങി. സ​ഞ്ചാ​രി​ക​ൾ​ക്ക്​ സു​ര​ക്ഷ ഒ​രു​ക്ക​ണ​​മെ​ന്ന തു​റ​മു​ഖ​വ​കു​പ്പ്​ നി​ർ​ദേ​ശം പാ​ലി​ക്കാ​ൻ ബോ​ട്ട്​ ഉ​ട​മ​ക​ൾ ത​യാ​റാ​കാ​ത്ത​താ​ണ്​ അ​പ​ക​ടം വ​ർ​ധി​ക്കാ​ൻ കാ​ര​ണം. വേ​മ്പ​നാ​ട്ടു​ കാ​യ​ലി​ൽ അ​ന​ധി​കൃ​ത​മാ​യി ഓ​ടു​ന്ന 1800 ഹൗ​സ്​​ബോ​ട്ടു​ക​ൾ ഉ​ണ്ടെ​ന്നാ​ണ്​ ക​ണ​ക്ക്. ആ​ല​പ്പു​ഴ പോ​ർ​ട്ട്​ ഓ​ഫി​സി​ൽ ര​ജി​സ്​​റ്റ​ർ ചെ​യ്​​തി​ട്ടു​ള്ള​ത്​​ 800 എ​ണ്ണം മാ​ത്ര​മാ​ണ്.