മൂന്നാറിൽ വീണ്ടും തീവണ്ടിയുടെ ചൂളംവിളി ഉയരും; കോവിഡാനന്തര ടൂറിസം മാര്‍ക്കറ്റിങ്ങിന് 100 കോടി

തിരുവനന്തപുരം: സംസ്​ഥാനത്തിന്‍റെ ടൂറിസം രംഗത്ത്​ കുതിപ്പേകാൻ ഉതകുന്ന വിവിധ പ്രഖ്യാപനങ്ങളാണ്​ ബജറ്റിൽ ധനമന്ത്രി തോമസ്​ ഐസക്ക്​ പ്രഖ്യാപിച്ചത്​. അതിൽ ഏറ്റവും പ്രധാനപ്പെട്ടത്​​ മൂന്നാറിൽ പൈതൃക തീവണ്ടി സർവിസ്​ ആരംഭിക്കുന്നതാണ്​​. ഇതുമായി സഹകരിക്കാനും ഭൂമി വിട്ടുനൽകാനും ടാറ്റ കമ്പനി താൽപര്യം അറിയിച്ചിട്ടുണ്ടെന്ന്​ ബജറ്റ് അവതരണത്തിൽ മന്ത്രി വ്യക്തമാക്കി. കഴിഞ്ഞ ബജറ്റിലും ഇതുമായി ബന്ധപ്പെട്ട്​ പ്രഖ്യാപനം ഉണ്ടായിരുന്നു.

പൈതൃക തീവണ്ടി സർവിസ്​ ആരംഭിക്കുന്നത്​ സംബന്ധിച്ച്​ കഴിഞ്ഞ ഒക്​ടോബറിൽ ഇവിടെ പരിശോധനകളും നടന്നു. മൂന്നാറിൽ വിസ്മയത്തി​​െൻറ ചൂളംവിളിയുമായി കൂകിപ്പായുകയും 1924ലെ പ്രളയത്തില്‍ തകര്‍ന്നടിയുകയും ചെയ്ത കുണ്ടളവാലി ട്രെയിൻ സർവിസ് പുനര്‍നിർമിക്കുന്ന​ ശ്രമങ്ങള്‍ക്ക് കുതിപ്പേകിയായിരുന്നു രണ്ടാംഘട്ട പരിശോധന​.

ടൂറിസം വികസനം ലക്ഷ്യമിട്ട്​ നടത്തുന്ന സ്വപ്‌നപദ്ധതിയുടെ പ്രാഥമിക പരിശോധന 2019 ജൂണ്‍ 21നാണ്​ ആദ്യമായി നടന്നത്​. മുമ്പ്​ റെയിൽവേ സ്​റ്റേഷന്‍ ആയിരുന്ന പിന്നീട് കെ.ഡി.എച്ച്.പി ഓഫിസായി മാറിയ റീജനല്‍ ഓഫിസ് മുതല്‍ മാട്ടുപ്പെട്ടി വരെ നിർദിഷ്​ട പാതയിലാണ് പരിശോധന നടന്നിട്ടുള്ളത്​.

ബ്രിട്ടീഷ് ഭരണകാലത്ത് മൂന്നാറില്‍ കൊളുന്ത്, ഭക്ഷണവസ്തുക്കള്‍, കെട്ടിട നിർമാണ സാമഗ്രികള്‍ എന്നിവ എത്തിക്കാൻ ഇംഗ്ലീഷുകാരുടെ നേതൃത്വത്തിലാണ്​ ട്രെയിൻ സർവിസ് നടപ്പിലാക്കിയത്. ആദ്യം മോണോ റെയിലായും പിന്നീട് ആവി എൻജിൻ ഘടിപ്പിച്ചും ഓടിയ ട്രെയിന്‍ സർവിസ് 1924ലെ പ്രളയത്തിൽ തകർന്നടിയുകയായിരുന്നു. ജില്ല ടൂറിസം വകുപ്പി​ന്‍റെ ആശയമാണ് മൂന്നാറില്‍ പൈതൃക തീവണ്ടി സർവിസ്​ എന്ന ആലോചനകള്‍ക്ക് വീണ്ടും തുടക്കം കുറിച്ചത്.

തിരുവനന്തപുരത്തും കോഴിക്കോടും പൈതൃക പദ്ധതി നടപ്പാക്കാനുള്ള തീരുമാനമാണ് ബജറ്റിലെ​​ മറ്റൊരു പ്രധാന പ്രഖ്യാപനം. മുസിരിസ്, ആലപ്പുഴ, തലശ്ശേരി പൈതൃക പദ്ധതികൾക്ക് പുറമേയാണ് തിരുവനന്തപുരത്തും കോഴിക്കോടും പദ്ധതി നടപ്പാക്കുന്നത്. പൈതൃക പദ്ധതിക്ക് ബജറ്റിൽ 40 കോടി അനുവദിച്ചു. തിരുവനന്തപുരത്തിനായി 10 കോടി അധികവ​ും അനുവദിച്ചു.

കോവിഡാനന്തര ടൂറിസം മാര്‍ക്കറ്റിങ്ങിന്​ 100 കോടി രൂപയാണ്​ അനുവദിച്ചത്​. ടൂറിസം മാര്‍ക്കറ്റിങ്ങിനായി അനുവദിക്കുന്ന എക്കാലത്തെയും വലിയ തുകയാണിത്​. ഇതുവഴി വിദേശികളെയടക്കം കേരളത്തിലേക്ക്​ കൂടുതൽ ആകർഷിപ്പിക്കാനാവുമെന്നാണ്​ പ്രതീക്ഷ.

മൂ​​ന്നാ​​റി​​ൽ കെ.​​എ​​സ്.​​ആ​​ർ.​​ടി.​​സി ബ​​സ്​​​സ്​​​റ്റാ​​ൻ​​ഡി​െൻറ മൂ​​ന്നേ​​ക്ക​​റി​​ൽ 100 മു​​റി​​ക​​ളും ഡോ​​ർ​​മെ​​റ്റ​​റി​​ക​​ളു​​മു​​ള്ള കെ.​​ടി.​​ഡി.​​സി ബ​​ജ​​റ്റ് ഹോ​​ട്ട​​ൽ 100 കോ​​ടി രൂ​​പ ചെ​​ല​​വി​​ൽ സ്ഥാ​​പി​​ക്കും.

മൂ​​ന്നാ​​ർ ബൊ​​ട്ടാ​​ണി​​ക്ക​​ൽ ഗാ​​ർ​​ഡ​െൻറ വി​​പു​​ലീ​​ക​​ര​​ണം, ഫാം ​​ടൂ​​റി​​സം, ഹൈ​​ഡ​​ൽ ടൂ​​റി​​സം എ​​ന്നി​​വ​​യാ​​ണ് മ​​റ്റു പ്ര​​ധാ​​ന​​പ്പെ​​ട്ട ടൂ​​റി​​സം പ​​ദ്ധ​​തി​​ക​​ൾ.

മറ്റു പ്രഖ്യാപനങ്ങൾ

• കേരള വിനോദ സഞ്ചാരി തൊഴിലാളി ക്ഷേമനിധി ബോര്‍ഡ് ആരംഭിക്കും.
  
• കൊച്ചി ബിനാലക്ക് ഏഴ്​ കോടി.
  
• ബിനാലയുടെ ആലപ്പുഴ ആഗോള ചിത്രപ്രദർശനത്തിന് രണ്ട്​ കോടി.
  
• മുസിരിസിലേക്ക് വിദ്യാർഥികൾക്കുള്ള പഠനടൂറുകൾ പ്രോത്സാഹിപ്പിക്കാൻ അഞ്ച്​ കോടി രൂപ.
  
• ഇക്കോ ടൂറിസം പ്രോത്സാഹനത്തിന് മൂന്ന്​ കോടി രൂപ.
  
• ചാമ്പ്യൻസ് ബോട്ട് ലീഗിന് 20 കോടി രൂപ.
• കെ.ടി.ഡി.സിയിലെ ജീവനക്കാര്‍ക്ക് ശമ്പളം നല്‍കാന്‍ 35 കോടി രൂപ.
• ടൂറിസം മേഖലയുടെ പുനരുദ്ധാരണത്തിനായി 25 കോടി രൂപ അധികമായി ലഭ്യമാക്കും.
• നിലവിലെ ടൂറിസ്റ്റ് കേന്ദ്രങ്ങളുടെ പശ്ചാത്തല വികസനത്തിനായി 117 കോടി രൂപ.