സഞ്ചാരികളെത്തുന്നുണ്ട്​; സൗകര്യങ്ങളൊരുക്കണം

അ​ടി​മാ​ലി: ഹൈ​റേ​ഞ്ചി​ലെ ടൂ​റി​സം വി​ക​സ​ന​ത്തി​ന് അ​ടി​സ്ഥാ​ന സൗ​ക​ര്യം ഒ​രു​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. ഒ​രി​ട​വേ​ള​ക്ക് ശേ​ഷ​മാ​ണ് ഹൈ​റേ​ഞ്ച് മേ​ഖ​ല​യി​ലെ ടൂ​റി​സ്റ്റ് കേ​ന്ദ്ര​ങ്ങ​ള്‍ വീ​ണ്ടും സ​ജീ​വ​മാ​യ​ത്. ഇ​തോ​ടെ​യാ​ണ്​ മ​ല​യോ​ര മേ​ഖ​ല​യി​ലെ ടൂ​റി​സം വി​ക​സ​ന​ത്തി​നു അ​ടി​സ്ഥാ​ന സൗ​ക​ര്യ​ങ്ങ​ള്‍ ഒ​രു​ക്ക​ണ​മെ​ന്ന ആ​വ​ശ്യം ശ​ക്ത​മാ​യ​ത്.

അ​ടി​മാ​ലി പ​ഞ്ചാ​യ​ത്തി​ലെ ചീ​യ​പ്പാ​റ, വാ​ള​റ, മാ​ങ്കു​ളം പ​ഞ്ചാ​യ​ത്തി​ലെ ആ​ന​ക്കു​ളം, ന​ക്ഷ​ത്ര​കു​ത്ത്, മൂ​ന്നാ​ര്‍, മാ​ട്ടു​പ്പെ​ട്ടി, ചി​ന്ന​ക്ക​നാ​ല്‍, ആ​ന​യി​റ​ങ്ക​ല്‍ തു​ട​ങ്ങി​യ സ്ഥ​ല​ങ്ങ​ളി​ലാ​ണു സ​ഞ്ചാ​രി​ക​ള്‍ കൂ​ടു​ത​ല്‍ എ​ത്തു​ന്ന​ത്. കേ​ര​ള​ത്തി​ലെ എ​ല്ലാ മേ​ഖ​ല​ങ്ങ​ളി​ല്‍നി​ന്നും മ​റ്റ് സം​സ്ഥാ​ന​ങ്ങ​ന​ളി​ൽ നി​ന്നു​മാ​ണ് എ​ത്തു​ന്ന​വ​രി​ൽ ഏ​റെ​യും. അ​തി​രാ​വി​ലെ​യും വൈ​കീ​ട്ടും ഉ​ണ്ടാ​കു​ന്ന കോ​ട​മ​ഞ്ഞും പ​ച്ച​വി​രി​ച്ച മൊ​ട്ട​കു​ന്നു​ക​ളും പു​ല്‍മേ​ടു​ക​ളു​മാ​ണു സ​ഞ്ചാ​രി​ക​ളെ മ​ല​യോ​ര​ത്തേ​ക്ക് ആ​ക​ര്‍ഷി​ക്കു​ന്ന​ത്. മ​ഴ നീ​ണ്ട് നി​ല്‍ക്കു​ന്ന​താ​ണ്​ ഹൈ​റേ​ഞ്ചി​ലെ പ​ച്ച​പ്പ് വ​ർ​ധി​ക്കാ​നും കൂ​ടു​ത​ൽ ആ​ക​ര്‍ഷ​ക​മാ​ക്കാ​നും കാ​ര​ണം. ഇ​തി​നു​പു​റ​മെ വി​വി​ധ വെ​ള്ള​ച്ചാ​ട്ട​ങ്ങ​ളും പു​ഴ​ക​ളും വ​ന്യ​ജീ​വി​ക​ളും വി​സ്മ​യ കാ​ഴ്ച​ക​ളാ​ണ്. അ​വ​ധി ദി​ന​ങ്ങ​ളി​ൽ യു​വാ​ക്ക​ളു​ടെ ഒ​ഴു​ക്കാ​ണു മ​ല​യോ​ര​ത്തേ​ക്ക്.

കാ​ര്‍ഷി​ക മേ​ഖ​ല​യി​ലെ ത​ക​ര്‍ച്ച​യി​ൽ​നി​ന്നു ക​ര​ക​യ​റാ​ൻ ശ്ര​മി​ക്കു​ന്ന മ​ല​യോ​ര ക​ര്‍ഷ​ക​ര്‍ക്ക് പു​ത്ത​ൻ ഉ​ണ​ര്‍വ് ന​ല്‍കു​ന്ന​താ​ണു ടൂ​റി​സം മേ​ഖ​ല​യി​ലെ കു​തി​പ്പ്. ഹൈ​റേ​ഞ്ച് മേ​ഖ​ല​യി​ലെ ഗ്രാ​മീ​ണ റോ​ഡു​ക​ളു​ടെ ത​ക​ര്‍ച്ച​യാ​ണു ടൂ​റി​സ​ത്തി​നു തി​രി​ച്ച​ടി​യാ​കു​ന്ന​ത്. മി​ക്ക ഗ്രാ​മീ​ണ റോ​ഡു​ക​ളും ത​ക​ര്‍ന്നു കി​ട​ക്കു​ന്ന​തി​നാ​ല്‍ വാ​ഹ​ന​യാ​ത്ര ദു​ഷ്‌​ക​ര​മാ​ണ്.

തു​ട​ര്‍ച്ച​യാ​യി പെ​യ്യു​ന്ന ക​ന​ത്ത മ​ഴ​യാ​ണു റോ​ഡു​ക​ളു​ടെ ത​ക​ര്‍ച്ച​ക്ക്​ കാ​ര​ണം. റോ​ഡു​ക​ൾ ഗ​താ​ഗ​ത​യോ​ഗ്യ​മാ​ക്കി​യാ​ല്‍ത​ന്നെ ടൂ​റി​സം മേ​ഖ​ല​ക്ക്​ ഏ​റെ ഗു​ണം ചെ​യ്യും. ഇ​ര​വി​കു​ളം നാ​ഷ​ന​ൽ പാ​ര്‍ക്ക്, ച​ന്ദ​ന​ക്കാ​ടു​ക​ളു​ടെ നാ​ടാ​യ മ​റ​യൂ​ർ, പ​ച്ച​ക്ക​റി​യു​ടെ ക​ല​വ​റ​യാ​യ വ​ട്ട​വ​ട, പ​ഴ​വ​ർ​ഗ​ങ്ങ​ളു​ടെ നാ​ടാ​യ കാ​ന്ത​ല്ലൂ​ർ, തോ​ട്ടം മേ​ഖ​ല​യി​ലെ ചി​ന്ന​ക്ക​നാ​ലും ദേ​വി​കു​ള​വും മൂ​ന്നാ​റും എ​ന്നി​വ​യൊ​ക്കെ സ​ഞ്ചാ​രി​ക​ള്‍ക്ക് ഹ​രം പ​ക​രു​ന്ന​താ​ണ്. ഇ​തി​ന് പു​റ​മെ​യാ​ണ് ജൈ​ല​വൈ​ദ്യു​തി നി​ല​യ​ങ്ങ​ളും അ​ണ​ക്കെ​ട്ടു​ക​ളും ന​ല്‍കു​ന്ന വി​സ​മ​ക്കാ​ഴ്ച​ക​ൾ.