ദീപാവലിയിൽ തിളങ്ങി; വിനോദസഞ്ചാര കേന്ദ്രങ്ങൾ

തൊ​ടു​പു​ഴ: ദീ​പാ​വ​ലി​യോ​ട​നു​ബ​ന്ധി​ച്ച് കി​ട്ടി​യ ര​ണ്ട് അ​വ​ധി​ക​ൾ ആ​ഘോ​ഷ​മാ​ക്കാ​ൻ സ​ഞ്ചാ​രി​ക​ൾ എ​ത്തി​യ​തോ​ടെ ജി​ല്ല​യി​ലെ ടൂ​റി​സ്റ്റ് കേ​ന്ദ്ര​ങ്ങ​ളും റി​സോ​ർ​ട്ടു​ക​ളും നി​റ​ഞ്ഞു.

മൂ​ന്നാ​റും തേ​ക്ക​ടി​യും രാ​മ​ക്ക​ൽ​മേ​ടും വാ​ഗ​മ​ണ്ണു​മ​ട​ക്ക​മു​ള്ള കേ​ന്ദ്ര​ങ്ങ​ളി​ൽ ക​ഴി​ഞ്ഞ ദി​വ​സ​ങ്ങ​ളി​ൽ വ​ലി​യ തി​ര​ക്കാ​ണ് അ​നു​ഭ​വ​പ്പെ​ട്ട​ത്. നാ​ല്പ​തി​നാ​യി​ര​ത്തി​ലേ​റെ പേ​രാ​ണ് ര​ണ്ട് ദി​വ​സ​ങ്ങ​ളി​ൽ ഡി.​ടി.​പി.​സി​യു​ടെ കേ​ന്ദ്ര​ങ്ങ​ൾ മാ​ത്രം സ​ന്ദ​ർ​ശി​ച്ച​ത്. ശ​നി​യാ​ഴ്ച​യാ​ണ് കൂ​ടു​ത​ൽ പേ​രെ​ത്തി​യ​ത് -20,514. മ​ല​യാ​ളി​ക​ൾ​ക്ക് പു​റ​മെ ത​മി​ഴ്‌​നാ​ട്, ക​ർ​ണാ​ട​ക, മ​ഹാ​രാ​ഷ്ട്ര എ​ന്നി​വി​ട​ങ്ങ​ളി​ൽ​നി​ന്നു​ള്ള​വ​രും ഇ​ടു​ക്കി​യു​ടെ സൗ​ന്ദ​ര്യം ആ​സ്വ​ദി​ക്കാ​ൻ എ​ത്തി.

മൂ​ന്നാ​ർ, വാ​ഗ​മ​ൺ, തേ​ക്ക​ടി എ​ന്നി​വി​ട​ങ്ങ​ളി​ൽ വി​ര​ലി​ലെ​ണ്ണാ​വു​ന്ന ഹോ​ട്ട​ലു​ക​ളും റി​സോ​ർ​ട്ടു​ക​ളും മാ​ത്ര​മാ​ണ് ഒ​ഴി​വു​ണ്ടാ​യി​രു​ന്ന​ത്. ചി​ല്ലു​പാ​ലം വ​ന്ന​തോ​ടെ അ​വ​ധി ദി​വ​സ​ങ്ങ​ളി​ലെ​ല്ലാം വാ​ഗ​മ​ൺ സ​ഞ്ചാ​രി​ക​ളെ​ക്കൊ​ണ്ട് നി​റ​ഞ്ഞു​ക​വി​യു​ക​യാ​ണ്. ദീ​പാ​വ​ലി അ​വ​ധി​ക്കും കൂ​ടു​ത​ൽ സ​ഞ്ചാ​രി​ക​ളെ​ത്തി​യ​ത് വാ​ഗ​മ​ണ്ണി​ലാ​ണ്. ശ​നി​യാ​ഴ്ച 6756ഉം ​ഞാ​യ​റാ​ഴ്ച 5043 പേ​രു​മാ​ണ് മൊ​ട്ട​ക്കു​ന്നി​ന്റെ സൗ​ന്ദ​ര്യം ആ​സ്വ​ദി​ക്കാ​നെ​ത്തി​യ​ത്.

അ​ഡ്വ​ഞ്ച​റി​ൽ പാ​ർ​ക്കി​ലും തി​ര​ക്കു​ണ്ട്. ശ​നി​യാ​ഴ്ച 7659ഉം ​ഞാ​യ​റാ​ഴ്ച 6806 പേ​രു​മാ​ണെ​ത്തി​യ​ത്. വാ​ഗ​മ​ണ്ണി​ൽ എ​ത്തു​ന്ന​വ​രി​ലേ​റെ​യും പാ​ഞ്ചാ​ല​മേ​ട്ടി​ലും പോ​കാ​റു​ണ്ട്. മൂ​വാ​യി​ര​ത്തോ​ളം സ​ഞ്ചാ​രി​ക​ളാ​ണ് ര​ണ്ടു​ദി​വ​സ​ങ്ങ​ളി​ലാ​യി പാ​ഞ്ചാ​ല​മേ​ട്ടി​ലെ​ത്തി​യ​ത്. അ​ടി​മാ​ലി- മൂ​ന്നാ​ർ റോ​ഡ്, കു​മ​ളി-​തേ​ക്ക​ടി റോ​ഡ്, കോ​ട്ട​യം-​വാ​ഗ​മ​ൺ റോ​ഡ് എ​ന്നി​വി​ട​ങ്ങ​ളി​ൽ വ​ലി​യ ഗ​താ​ഗ​ത​ക്കു​രു​ക്കാ​ണ് അ​നു​ഭ​വ​പ്പെ​ട്ട​ത്.

എ​ന്നാ​ൽ, ഉ​ച്ച​ക്കു​ശേ​ഷ​മെ​ത്തി​യ ഇ​ടി​യോ​ടു​കൂ​ടി​യ മ​ഴ സ​ഞ്ചാ​രി​ക​ളെ വ​ല​ച്ചെ​ങ്കി​ലും വി​നോ​ദ​കേ​ന്ദ്ര​ങ്ങ​ളി​ലെ ഉ​ണ​ർ​വ് അ​നു​ബ​ന്ധ മേ​ഖ​ല​ക​ളും പ്ര​തീ​ക്ഷ​യോ​ടെ​യാ​ണ് കാ​ണു​ന്ന​ത്. ദീ​പാ​വ​ലി ദി​ന​ത്തി​ലാ​ണ്​ ടൂ​റി​സം​ കേ​ന്ദ്ര​ങ്ങ​ളി​ൽ വ​ലി​യ തി​ര​ക്ക്​ അ​നു​ഭ​വ​പ്പെ​ട്ട​​ത്. മാ​ട്ടു​പ്പെ​ട്ടി -580, രാ​മ​ക്ക​ൽ​മേ​ട് -2285, അ​രു​വി​ക്കു​ഴി -247, എ​സ്.​എ​ൻ പു​രം -1151, വാ​ഗ​മ​ൺ മൊ​ട്ട​ക്കു​ന്ന് -5043, വാ​ഗ​മ​ൺ പാ​ർ​ക്ക് -6806, പാ​ഞ്ചാ​ലി​മേ​ട് -1428, ഇ​ടു​ക്കി ഹി​ൽ​വ്യൂ പാ​ർ​ക്ക് -622, മൂ​ന്നാ​ർ ബൊ​ട്ടാ​ണി​ക്ക​ൽ ഗാ​ർ​ഡ​ൻ - 1778 എ​ന്നി​ങ്ങ​നെ​യാ​ണ്​ ജി​ല്ല​യി​ലെ വി​വി​ധ കേ​ന്ദ്ര​ങ്ങ​ളി​ൽ എ​ത്തി​യ സ​ഞ്ചാ​രി​ക​ളു​ടെ എ​ണ്ണം.

സ​ഞ്ചാ​രി​ക​ളെ വ​ര​വേ​ൽ​ക്കു​ന്ന​ത് കീ​റ​ച്ചാ​ക്കും നീ​ല​പ്പ​ട​ുത​യും

മൂ​ന്നാ​ർ: രാ​ജ്യാ​ന്ത​ര വി​നോ​ദ​സ​ഞ്ചാ​ര കേ​ന്ദ്ര​മെ​ന്ന ഖ്യാ​തി​യു​ണ്ടെ​ങ്കി​ലും മൂ​ന്നാ​ർ പ​ട്ട​ണ​ത്തി​ൽ സ​ഞ്ചാ​രി​ക​ളെ വ​ര​വേ​ൽ​ക്കു​ന്ന​ത് കീ​റ​ച്ചാ​ക്കും നീ​ല​പ്പ​ട​ത​യും. പാ​ത​യോ​ര​ങ്ങ​ളി​ലെ വ​ഴി​വാ​ണി​ഭ​ക്കാ​രു​ടെ വി​ൽ​പ​ന ഷെ​ഡു​ക​ളാ​ണ് സ​ഞ്ചാ​രി​ക​ൾ​ക്ക് അ​രോ​ച​ക​മാ​കു​ന്ന​ത്.

പ​ഴ​യ മൂ​ന്നാ​ർ ഹെ​ഡ് വ​ർ​ക്സ് ഡാം ​മു​ത​ൽ ടൗ​ൺ വ​രെ​യും മ​റ​യൂ​ർ, മാ​ട്ടു​പ്പെ​ട്ടി റോ​ഡു​ക​ളി​ലും ഇ​ത്ത​ര​ത്തി​ൽ ഒ​ട്ടേ​റെ ഷെ​ഡു​ക​ളു​ണ്ട്. ന​ട​പ്പാ​ത​ക​ളും പാ​ത​യോ​ര​ങ്ങ​ളും പ​ടു​ത ഷെ​ഡു​ക​ൾ കൊ​ണ്ട് നി​റ​ഞ്ഞി​രി​ക്കു​ന്നു. ച​ർ​ച്ചി​ൽ പാ​ല​ത്തി​ന്റെ ഇ​രു​പ്ര​വേ​ശ​ന ക​വാ​ട​വും പ​ച്ച​ക്ക​റി​ച്ച​ന്ത​യു​ടെ എ​തി​ർ​വ​ശ​ത്തെ ന​ട​പ്പാ​ത​യും കാ​ൽ​ന​ട അ​സാ​ധ്യ​മാ​കും​വി​ധം വ​ഴി​വാ​ണി​ഭ​ക്കാ​ർ കൈ​യ​ട​ക്കി​യി​രി​ക്കു​ന്നു.

പ​ച്ച​ക്ക​റി​ച്ച​ന്ത​ക്ക്​ മു​ന്നി​ൽ റോ​ഡി​ന് വീ​തി കു​റ​വാ​ണ്. ഇ​ത്​ വ​ഴി​വാ​ണി​ഭ​ക്കാ​ർ കൈ​യ​ട​ക്കി​യ​തോ​ടെ ജീ​വ​ൻ കൈ​യി​ലെ​ടു​ത്താ​ണ് ഇ​തി​ലൂ​ടെ ന​ട​ക്കു​ന്ന​ത്. ക​ച്ച​വ​ട​ക്കാ​ർ പ​ച്ച​ക്ക​റി സൂ​ക്ഷി​ക്കു​ന്ന​തും ന​ട​പ്പാ​ത​യി​ലാ​ണ്.

മൊ​ട്ട​ക്കു​ന്നു​ക​ളും തേ​യി​ല​ത്തോ​ട്ട​ങ്ങ​ളും പു​ൽ​മേ​ടു​ക​ളും മൂ​ന്നാ​റി​നെ ഹ​രി​താ​ഭ​മാ​ക്കു​ന്നു​ണ്ടെ​ങ്കി​ലും ടൗ​ണി​ലെ പ​ടു​ത ഷെ​ഡു​ക​ൾ ആ ​മ​നോ​ഹാ​രി​ത​യു​ടെ മാ​റ്റ് കു​റ​ക്കു​ന്നു. ന​ട​പ്പാ​ത​ക​ളും പാ​ത​യോ​ര​ങ്ങ​ളും കൈ​യേ​റി​യു​ള്ള ഷെ​ഡു​കെ​ട്ട​ലും വ​ഴി​വാ​ണി​ഭ​വും ത​ട​യാ​ൻ പ​ഞ്ചാ​യ​ത്തും ക​ർ​ശ​ന ന​ട​പ​ടി സ്വീ​ക​രി​ക്കു​ന്നി​ല്ല.