മഹാരാഷ്​ട്രയിലെ തടാകം പിങ്ക്​ നിറമായതി​െൻറ കാരണം കണ്ടെത്തി ശാസ്​ത്രജ്​ഞർ

മുംബൈ: മഹാരാഷ്​ട്രയിലെ ലോണാർ തടാകം പിങ്ക്​ നിറമായതിന്​ പി​ന്നിലെ രഹസ്യം വെളിപ്പെടുത്തി ശാസ്​ത്രജ്​ഞർ. ഉപ്പുവെള്ളത്തിൽ അടങ്ങിയ പ്രത്യേകതരം ബാക്​ടീരിയകളുടെ സാന്നിധ്യമാണ്​ നിറവ്യത്യാസത്തിന്​ കാരണം. ഹാലോർക്കിയ എന്ന സൂക്ഷ്​മ ജീവിയാണ്​ ഈ തടാകത്തിലുള്ളത്​. ഇവ പിങ്ക്​ നിറത്തിലുള്ള ചായക്കൂട്ടുകൾ പുറപ്പെടുവിക്കുന്നു.

വെള്ളത്തി​​െൻറ നിറംമാറ്റം ശാസ്​ത്രജ്​ഞരടക്കമുള്ള ഒരുപാട്​ പേരിൽ ആകാംക്ഷ സൃഷ്​ടിച്ചിരുന്നു. തുടർന്ന്​ സംസ്​ഥാന വനം വകുപ്പ്​ വെള്ളം ശേഖരിച്ച്​ നാഗ്​പൂർ ആസ്​ഥാനമായുള്ള നാഷനൽ എൻവയോൺമ​െൻറൽ എൻജിനീയറിങ്​ റിസർച്ച്​ ഇൻസ്​റ്റിറ്റ്യൂട്ടിലും പുണെ അഗാർക്കർ റിസർച്ച്​ ഇൻസ്​റ്റിറ്റ്യൂട്ടിലും പരിശോധനക്ക്​ അയച്ചു. 

ഇവരുടെ പരിശോധനയിലാണ്​ കാരണം വ്യക്​തമായത്​. ഹാലോർക്കിയ എന്ന സൂക്ഷ്​മജീവി ഈ തടാകത്തിൽ ധാരളമുള്ളതായി ഇവർ കണ്ടെത്തി. ഇവ ഉൽപ്പാദിപ്പിക്കുന്ന ചായക്കൂട്ടുകൾ കാരണം തടാകത്തി​​െൻറ ഉപരിതലത്തിൽ പിങ്ക് നിറമുള്ള പാളി രൂപപ്പെടുകയാണ്​.

വെള്ളത്തി​​െൻറ പിങ്ക് നിറം ശാശ്വതമല്ലെന്നും ഇവർ കണ്ടെത്തി. പ്രദേശത്ത്​ മഴക്കാലം തുടങ്ങിയതോടെ പിങ്ക്​ നിറം മായുന്നതായും ശാസ്​ത്രജ്​ഞർ വ്യക്​തമാക്കുന്നു. ബുൾദാനയ ജില്ലയിലാണ്​ ഈ മനോഹര തടാകമുള്ളത്​. ആയിരക്കണക്കിന് വർഷങ്ങൾക്ക് മുമ്പ് ഉൽക്കാപതനത്തെ തുടർന്ന് രൂപംകൊണ്ടതാണീ തടാകം. 

കൃഷ്ണശിലയിൽ തീർക്കപ്പെട്ടതും ഉപ്പുവെള്ളം നിറഞ്ഞതുമായ തടാകമാണിത്​. ഇതിന്​ ചുറ്റും കനത്ത കാടാണ്​. ഈ കാടുകൾ നിരവധി പക്ഷിമൃഗാദികളാൽ സമ്പന്നമാണ്​. ലോണാർ തടാകം കാണാൻ നിരവധി​ പേരാണ്​ എത്താറ്​​. ഇതിന്​ മൂന്ന് കിലോമീറ്റർ അകലെ കമൽജ മാതാ ക്ഷേത്രവും ലോണാർ സരോവരവും കാണാം. മു​ംബൈയിൽനിന്ന്​ 500 കിലോമീറ്റർ ദൂരമുണ്ട്​ ഇവിടേക്ക്​.