മരണം മുന്നിൽ തൊട്ടൊരു ജല്ലി​ക്കെട്ട് കാഴ്​ച

രാകിമിനുക്കി മൂർച്ച പെരുപ്പിച്ച കൊടുവാളു കണക്കെ ചീറിവരുന്ന കാളക്കൊമ്പുകൾ കണ്ട്​ ഒരു നിമിഷം സ്​തംഭിച്ചുപ ോയി. ജല്ലിക്കെട്ടാണെന്നും ഫോ​ട്ടോ എടുക്കാൻ വന്നതാണെന്നുമൊക്കെ ആ ഒരു നിമിഷം ഞാൻ മറന്നുപോയിരുന്നു. അതുകെ ാണ്ടുതന്നെ മുക്രയിട്ട്​ പാഞ്ഞടുത്ത ആ കാളക്കൂറ്റൻ ഞങ്ങളിരുന്ന ഗാലറിയടക്കം കുത്തിമറിച്ച നിമിഷത്തെ ഒരു ക്ലിക് കിലൊതുക്കാൻ എനിക്കാവാതെ പോയി. എടുത്ത പടങ്ങളെക്കാൾ ഒരു ഫോ​ട്ടോഗ്രാഫർ എടുക്കാനാവാതെ പോയ പടങ്ങളുടെ പേരിൽ എ ത്രമേൽ സങ്കടപ്പെടുമെന്ന്​ തൊട്ടടുത്ത നിമിഷം എനിക്ക്​ അനുഭവപ്പെട്ടു.

വന്യമൃഗങ്ങളുമായി കൊടുംകാട്ടിൽ മു ഖാമുഖം നിന്ന്​ ഫോ​ട്ടോ എടുത്ത നിരവധി സന്ദർഭങ്ങൾ ജീവിതത്തിൽ ഉണ്ടായിട്ടുണ്ട്​. അതെല്ലാം വെളിച്ചം അരിച്ചുവീഴ ുന്ന കാട്ടുപച്ചകൾക്ക്​ നടുവിൽ ആ മൃഗവും ഞാനും കാമറയും മാത്രം മേളിച്ചൊരു ഏകാന്തതയായിരുന്നു. അ​പ്പോഴൊന്നും ഭ യം അരികത്തുകൂടി പോലും വന്നിട്ടില്ല. മറിച്ച്​ അടിമുടി പതഞ്ഞുകയറിയ ആവേശം മാത്രമായിരുന്നു. കാട്ടിനുള്ളിൽ അതി​​ െൻറ എല്ലാ സ്വച്ഛതകളോടും വിഹാരിക്കുന്നൊരു മൃഗത്തെ അതി​​െൻറ ആവാസവ്യവസ്​ഥയിൽ നേർക്കുനേർ നിന്ന്​ പകർത്താൻ കഴ ിയുന്നതിനേക്കാൾ വലിയൊരു ത്രിൽ ഒരു ഫോ​ട്ടോഗ്രാഫർക്ക്​ വേറേയില്ല. എന്നിട്ടും, പതിനായിരക്കണക്കിന്​ മനുഷ്യർ ക്ക്​ നടുവിൽ ചുട്ടുപുകയുന്ന പകൽവെളിച്ചത്തിൽ കാടിന്​ പകരാൻ കഴിയാത്തൊരു പേടി വന്ന്​ എന്നെ പുതച്ചു.

ജല്ലി​ക്കെട്ട് ​ വിവാദമാകുന്നതിന്​ മുമ്പുതൊ​ട്ടേ വലിയൊരാഗ്രഹമായിരുന്നു അത്​ കണ്ട്​ പകർത്തുക എന്നത്​. പലപ്പോഴും നടക്കാതെ പോയൊരാഗ്രഹം. അങ്ങനെയാണ്​ കോയമ്പത്തൂരിനടുത്ത്​ എൽ.ആൻഡ്​ ടി റോഡ്​ ബൈപാസിനടുത്ത്​ നടക്കുന്ന ജല്ലിക്കെട്ട്​ കാണാൻ പുറപ്പെട്ടത്​. തമിഴ്​നാട്​ അതിർത്തി കടന്ന്​ കുറച്ചുദൂരം മുന്നോട്ട്​​ പോയപ്പോൾ തന്നെ പൊലീസ് വാഹനങ്ങളെ നിയന്ത്രിക്കാൻ തുടങ്ങിയിരുന്നു. കാണാനെത്തുന്നവരെക്കാൾ കൂടുതൽ പൊലീസുകാർ. മുൻകാല അനുഭവങ്ങളായിരിക്കണം കർശന നിയന്ത്രണങ്ങൾ ഏർപ്പെടുത്താൻ കാരണം.

മനൂപ്​ ചന്ദ്രൻ

ജല്ലിക്കെട്ട്​ നടക്കുന്ന സ്​ഥലത്തിനും ഏതാണ്ട്​ രണ്ട്​ കിലോ മീറ്റർ ദൂരെ വെച്ചുതന്നെ വാഹനങ്ങൾ തടഞ്ഞു. പിന്നെ നടന്നുവേണം അവിടമെത്താൻ. നടന്ന്​ ഏതാണ്ട്​ 500 മീറ്റർ അകലെയെത്തിയപ്പോൾ റോഡിനിരുവശവും ബാരിക്കേഡ​ുകൾ കൊണ്ട്​ ആളുകളെ നിയന്ത്രിക്കുന്നത്​ കണ്ടു. അവിടെ വ​െ​രയാണ്​ ബൈക്കുകൾക്കും ​ പ്രവേശനമുണ്ടായിരുന്നുള്ളൂ.

പക്ഷേ, കാളക്കൂറ്റൻമാരുമായി വരുന്ന വാഹനങ്ങൾക്ക് ​നിയന്ത്രണങ്ങളൊന്നുമില്ല. ലോറികളിലും ട്രക്കുകളിലുമെല്ലാമായി പടുകൂറ്റൻ കാളകളെ കൊണ്ടുവന്നിറക്കുന്നുണ്ട്​. എണ്ണ മിനുപ്പിൽ ​െവയിലേറ്റ്​ തിളങ്ങുന്ന കൂറ്റൻമാർ. മുക്കുകയറിലൂടെ നുരഞ്ഞൊഴുകുന്ന പത അവയുടെ ഉള്ളിൽ ആളിക്കത്തുന്ന ആദിമമായ പകയുടെ വീറ്​ വിളിച്ചുപറയുന്നുണ്ട്​. വലിയ മൈതാനമാണ്​ ജല്ലിക്കെട്ട്​ വേദി. ഇരുമ്പ്​ പൈപ്പുകളും ഗർഡറുകളും കൊണ്ട്​ ഏതാണ്ട്​ 250 മീറ്റർ നീളത്തിൽ വേദി പ്രത്യേകം കെട്ടിത്തിരിച്ചിരുന്നു. ചുവപ്പുരാശി പരന്ന ആ മണ്ണിലേക്കാണ്​ കാളകൾ കുതികുതിച്ചെത്തുന്നത്​. കർക്കശമായ നിയ​ന്ത്രണം. എവിടെയും പൊലീസുകാർ.

ഇരുമ്പ്​ പൈപ്പുകൾ കൊണ്ട്​ കെട്ടിത്തിരിച്ച ആ നെട്ടായത്തിൽനിന്ന്​ ഒന്നര മീറ്റർ ഗ്യാപ്പിട്ട്​ പലക കൊണ്ട്​ മറ്റൊരു മറ കൂടി കെട്ടിയിരുന്നു. അതും കഴിഞ്ഞ്​ മൂന്നര മീറ്റർ അകലത്തിലായിട്ടാണ്​ ഗാലറി കെട്ടിയിരുന്നത്​. പരക്കം പാഞ്ഞെത്തുന്ന കാളകളുടെ ആക്രമണം കാണികൾക്ക്​ ഏൽക്കാതിരിക്കാനുള്ള മുൻകരുതലാണ്​ അ​തെല്ലാം. ആയിരത്തോളം കാളകളുണ്ടായിരുന്നു. അതിലേറെ കാഴ്​ചക്കാരും. ജല്ലിക്കെട്ട്​ നിരോധിക്കാൻ സുപ്രീം കോടതി ഉത്തരവിട്ടപ്പോൾ എന്തുകൊണ്ടാണ്​ തമിഴ്​ ജനത തെരുവിലിറങ്ങിയതെന്ന്​ ആ മൈതാനത്തെ ആവേശം കണ്ട​പ്പോൾ ബോധ്യമായി.

പ്രത്യേകം തയാറാക്കിയ കൂട്ടിനുള്ളിൽനിന്ന്​ മൈതാനത്തേക്ക്​ തുറന്നുവിടുന്ന കാളകൾ. അതിനെ മെരുക്കാൻ പിന്നാ​െല കുതിക്കുന്ന മനുഷ്യർ. ഗ്രീക്ക്​ പുരാണങ്ങളിൽ കേട്ടിട്ടുള്ള മനുഷ്യനും മൃഗങ്ങളും തമ്മിലെ പോര്​ നൂറ്റാണ്ടുകൾ കടന്ന്​ കൺമുന്നിൽ വന്നുനിൽക്കുന്നു. വലിപ്പവും കരുത്തും ഇഴചേർന്ന കാളകൾ ഒന്നിനു പിന്നാലെ ഒന്നായി മൈതാനത്തേക്കിറങ്ങി വരുന്നു. അവറ്റകളെ പിടിക്കാൻ മുതുകിലെ കൂന്തയിൽ പിടിച്ചുതൂങ്ങുന്ന മനുഷ്യർ. ചിലർ പൊഴിഞ്ഞു താഴെ വീഴുന്നു. ചിലർക്കു നേരെ കാളകൾ ആക്രമണത്തിന്​ മുതിരുന്നു..

ചവിട്ടും കുത്തുമേറ്റ്​ വീഴുന്ന മനുഷ്യർക്ക്​ പ്രഥമ ശുശ്രൂഷ നൽകാനും ആശുപത്രിയിലെത്തിക്കാനും ആംബുലൻസും മെഡിക്കൽ സംഘവും തയാറായി നിൽപ്പുണ്ട്​. ഏറെ പ്രാകൃതമായ ഒരു യുദ്ധത്തിന് മൗനസാക്ഷികളാകുന്ന അനുഭവം.

പെ​ട്ടെന്നാണ്​ കറുകറുത്ത ഒരു കാള മരണവെപ്രാളത്തോടെ ​ ഞങ്ങൾ ഇരുന്ന ഗാലറിക്കരികിലേക്ക്​ പാഞ്ഞുവന്നത്​. അതിനെ പിടിച്ചുപൂട്ടാൻ കുറെപ്പേർ പിന്നാലെ. അവരെയൊക്കെ കുത്തിയെറിഞ്ഞ്​ അത്​ ഗാലറിക്കുനേരേ പാഞ്ഞടുത്തു. മൂർച്ചയേറിയ അതി​​െൻറ കൊമ്പുകൾ ഞങ്ങളുടെ നെഞ്ചുനോക്കി വരുന്നതുപോലെയാണ്​ എനിക്കപ്പോൾ തോന്നിയത്​. കാണികൾക്കുനേരേ പാഞ്ഞുവരാതിരിക്കാനുള്ള സുരക്ഷാകവചങ്ങളെ പുല്ലുപോലെ തട്ടിത്തെറുപ്പിച്ച്​ കാള ഞങ്ങളിരുന്ന ഗാലറിയുടെ താഴെത്തട്ട്​ ഇടിച്ചു തെറുപ്പിച്ചു.

മുക്രയിടുന്ന അതി​​െൻറ മൂക്കിൽനിന്നും വായിൽനിന്നും നുരയും പതയും ചീറിത്തെറിച്ചു. ആ ഇടിയുടെ ആഘാതത്തിൽ പലകകൾ അടിത്തറ പൊളിഞ്ഞ​ കെട്ടിടം കണക്കെ തഴേക്ക്​ കൂപ്പുകുത്തി. അതിനടിയിൽ കാളയുണ്ടായിരുന്നു. അതി​​െൻറ കൊമ്പിലേക്ക്​ ഭാഗ്യം കൊണ്ടാണ്​ വീഴാതിരുന്നത്​. സംഭവത്തിനിടെ ചില ഉടലുകളിലൂടെ കാളയുടെ കൊമ്പ്​ കയറിയിറങ്ങി. ചോരപ്പൂക്കൾ ചിതറുന്നതും ആന്തരികാവയവങ്ങൾ മുറിവേറ്റ്​ പുറത്തേക്ക്​ തുറിക്കുന്നതും കണ്ട്​ തരിച്ചുനിന്നുപോയി.

കാട്ടിൽ കയറിയപ്പോഴും കാട്ടുതീ കെടുത്താനിറങ്ങിയപ്പോഴും പ്രളയത്തിലിറങ്ങിയപ്പോഴ​ുമൊന്നുമില്ലാത്ത വിറയൽ എ​​െൻറ ശരീരത്തെ പിടിച്ചുലച്ചു. ഒരു നിമിഷം കാമറയെക്കുറിച്ച്​ ഞാൻ ഓർത്തില്ല. പടമെടുക്കാനാണ്​ വന്നതെന്ന കാര്യം മറന്നുപോയി. എ​​െൻറ കാമറയിൽ അപ്പോൾ ഒരു ടെലി ലെൻസായിരുന്നു. അത്​ മാറ്റി വൈഡ് ലെൻസിടാൻ ആ ആക്രമണത്തിനിടയിൽ കഴിയാതെ പോയി.

ഒരുഗ്രൻ ഫ്രെയിം നഷ്​ടമായ സങ്കടം പിന്നീട്​ എന്നെ പിടികൂടാനിരിക്കുകയായിരുന്നു. കാളപ്പോരി​​െൻറ പല പല ദൃശ്യങ്ങൾ ഒപ്പിയെടുത്തെങ്കിലും പകർത്താനാവാതെ പോയ ആ ദൃശ്യം വല്ലാതെ സങ്കടപ്പെടുത്തിക്കളഞ്ഞു. ജീവനും മരണത്തിനുമിടയിലെ ഒരു നിമിഷം ഫോ​ട്ടോഗ്രാഫർക്ക്​ വളരെ വിലപ്പെട്ടതാണല്ലോ. സാധാരണ ജല്ലിക്കെട്ടിൽ ടി.വിയും ഫ്രിഡ്​ജും ​െമാബൈൽ ഫോണുമൊക്കെയാണ്​ സമ്മാനമെന്ന്​ കേട്ടിരുന്നു. പക്ഷേ, കോയമ്പത്തൂരിലെ ഈ ജല്ലിക്കെട്ടിൽ ഒന്നാം സമ്മാനർഹനെ കാത്തിരുന്നത്​ ഒരു ഫ്ലാറ്റ്​ തന്നെയായിരുന്നു. വാസ്​തവത്തിൽ സമ്മാനത്തിനൊന്നും ജല്ലി​ക്കെട്ടിൽ വലിയ പ്രാധാന്യമൊന്നുമില്ല.

മത്സരത്തിൽ കാഴ്​ചവെക്കുന്ന വീര്യമാണ്​ പ്രധാനം. അവിടെ മൂന്നുപേർ മരിക്കുകയും നൂറുകണക്കിന്​ ആളുകൾക്ക്​ പരിക്കേൽക്കുകയും ചെയ്​തെന്ന്​ ചില പൊലീസുകാർ തന്നെ ഞങ്ങളോട്​ പറയുകയുണ്ടായി. ജല്ലിക്കെട്ടിൽ മരിക്കുന്നവരുടെ ചിത്രങ്ങൾ മഹായുദ്ധങ്ങളിൽ വീരമൃത്യു വരിച്ച സൈനികരുടേത്​​ പോലെ പുഷ്​പാലംകൃതമായി വീടുകളുടെ ചുമരുകളിൽ തൂങ്ങുമത്രെ. കാളക്കൊമ്പിലെ മരണപ്പിടച്ചിലിൽ ഒടുങ്ങിയ ഒന്നിലേറെപ്പേരുള്ള വീടുകളുമുണ്ട്​ തമിഴ്​നാട്ടിൽ.

ജീവിതത്തിൽ ഒരിക്കലും മറക്കാനാവാത്ത അനുഭവമാണ്​ ഈ തമി​ഴ്​ മണ്ണിൽനിന്ന്​ കിട്ടിയത്​. മരണം മുന്നിൽ കാണുന്ന മറ്റൊരു മത്സരം ഇന്ത്യയിൽ എന്നല്ല, ചിലപ്പോൾ ലോകത്തിൽ തന്നെ ജല്ലിക്കട്ടുപോലെ വേറെയുണ്ടാവില്ല. എന്നിട്ടും ഓരോ വർഷവും അതി​​െൻറ വീറും വാശിയും പെരുമയും കത്തിപ്പടർന്നുകൊണ്ടേയിരിക്കുന്നു. തമിഴ​​െൻറ ഉള്ളിൽ കെടാത്ത വീറായി ജല്ലി​െക്കട്ട്​ എങ്ങനെയാണ്​ ജ്വലിച്ചുനിൽക്കുന്നതെന്ന വിസ്​മയിപ്പിക്കുന്ന തിരിച്ചറിവായിരുന്നു കോയമ്പത്തൂരിലെ ജല്ലി​ക്കെട്ട്​.