ഒറ്റ ദിവസം, മൂന്നു രാജ്യങ്ങൾ
text_fieldsനേപ്പാളിലെ ധമക് എന്ന സ്ഥലത്തുനിന്ന് ഇന്ത്യൻ അതിർത്തിയിലേക്ക് കഷ്ടിച്ച് 35 കിലോ മീറ്ററേയുള്ളു. രാവിലെ ധമകിലെ ഹോട്ടൽ മുറിയിൽ ഉണർന്നെഴുന്നേൽക്കുേമ്പാൾ നേപ്പാൾ വിടുക എന്നതായിരുന്നു മനസ്സിൽ. രാവിലെ ഒമ്പതു മണിയോടെ പ്രഭാതഭക്ഷണവും കഴിഞ്ഞ് കെട്ടും ഭാണ്ഡവുമായിറങ്ങി. മിനി ബാഗിൽ ഫോേട്ടായും മറ്റ് ഡോക്യൂമെൻറുകളും ഫോേട്ടാസ്റ്റാറ്റുമൊക്കെ ഉണ്ടെന്ന് ഉറപ്പുവരുത്തി. ഭൂട്ടാനിലേക്ക് ഇന്ന് കടക്കാനാണ് ഉദ്ദേശിക്കുന്നത്. അവിടെ സമർപ്പിക്കാനുള്ള രേഖകളാണിത്. നേപ്പാൾ അതിർത്തി കടക്കുന്നതിനു മുമ്പായി കൈയിൽ അവശേഷിക്കുന്ന നേപ്പാളീസ് മണിയും കൂടി ചേർത്ത് ഫുൾ ടാങ്ക് പെട്രോൾ അടിച്ചു. ഇന്ത്യയിലെത്തിയാൽ കൊടും വിലയ്ക്ക് പെട്രോൾ അടിക്കുന്നത് ആലോചിക്കുേമ്പാൾ ആവുന്നത്ര ഇവിടുന്നു അടിക്കാൻ തോന്നും. നാട്ടിൽ പിന്നെയും പെട്രോളിനും ഡീസലിനും വില കുതിച്ചെന്നാണ് കേൾക്കുന്നത്.
ഇന്ത്യയിൽ എത്തിയ ശേഷം വേണം ഭൂട്ടാനിലേക്ക് കടക്കാൻ. ഇന്ത്യൻ അതിർത്തിയിലേക്ക് പ്രവേശിക്കുന്നതിനു മുമ്പായി ഒരു റെയിൽവേ േക്രാസ് കാണാം. ഞാൻ ചെല്ലുേമ്പാൾ കടന്നുപോകാനുള്ള ട്രെയിനിന് വഴിയൊരുക്കി റെയിൽവേ ക്രോസ് അടഞ്ഞുകിടക്കുകയാണ്. അതിനു സമീപം തിരക്കുപിടിച്ച കച്ചവടക്കാർ. തിക്കും തിരക്കും ആകെ ബഹളമയം. ലെവൽ ക്രോസും നീണ്ട ഒരു പാലവും കടന്ന് പശ്ചിമ ബംഗാൾ സംസ്ഥാനത്തേക്ക് പ്രവേശിച്ചു. ബംഗാളിലെ ഹൈവേയിലെ മിനുസമാർന്ന റോഡിലേക്ക് ബൈക്ക് എത്തിയേപ്പാൾ നേപ്പാളിലെ റോഡുകളുടെ ഫിനിഷിങ് പോരായ്മകൾ ബോധ്യമായി.
സിലിഗുരി പട്ടണത്തിലെത്തിയപ്പോൾ റോഡിലെ തിരക്കിൽ വാഹനങ്ങൾ അനക്കമറ്റു കിടക്കുകയാണ്. സൈക്കിൾ റിക്ഷകളും ഇലക്ട്രിക് റിക്ഷകളും എല്ലാം കൂടി തിക്കിതിരക്കി ഗാതഗതം തടസ്സമായിരിക്കുന്നു. ശരിക്കും ശ്വാസം മുട്ടുന്ന തിരക്ക്. മുന്നോട്ടു പിന്നോട്ടും പോകാനാകാതെ നടുറോഡിൽ അങ്ങനെ സ്തംഭിച്ചുനിൽക്കുേമ്പാഴാണ് വെയിലിെൻറ കാഠിന്യം മനസ്സിലായത്. പതിയെ മുന്നോട്ടു ചലിച്ച വാഹനങ്ങൾക്കൊപ്പം നിരങ്ങിനീങ്ങി ഒരുവിധം ബ്ലോക്കിൽനിന്നും ഞാൻ പുറത്തുകടന്നു.
![](https://www.madhyamam.com/sites/default/files/Street.jpg)
പാതയോട് ചേർന്ന പലയിടത്തും തേയിലത്തോട്ടങ്ങൾ കാണാം. നിരപ്പായ തേയിലത്തോട്ടങ്ങളാണ് എല്ലാം. റോഡിനോട് ചേർന്നുകിടക്കുന്ന വിധത്തിലാണ് തേയിലത്തോട്ടങ്ങൾ. തോട്ടത്തിലേക്കുള്ള പണിക്കാർ വെയിലിനെ ചെറുക്കാൻ കുടചൂടി റോഡിലൂടെ പോകുന്നുണ്ട്. ഇടതൂർന്ന മരങ്ങൾ നിറഞ്ഞ വനപ്രദേശം താണ്ടി പാലവും കടന്ന് അടുത്തുള്ള മലയിേലക്ക് പ്രവേശിച്ച് ചെറിയൊരു ചുരം കയറിയിറങ്ങി മറ്റൊരു പ്രദേശത്ത് എത്തിപ്പെട്ടു. അവിടെയും തേയിലത്തോട്ടങ്ങളും വനഭൂമികളും തന്നെ. തലേന്ന് തകർന്ന മൊബൈൽ ഫോണിനു ശേഷം ഹോൾഡറിൽ മറ്റൊരു
ഫോൺ വെക്കാൻ ധൈര്യം വന്നില്ല. ഇനിയൊരിക്കലും അതുപോലൊരു ദുരന്തം സംഭവിക്കാതിരിക്കാൻ വേറൊരു സംവിധാനം കൂടി തയാറ്റാക്കിയ ശേഷമേ ഇനി മാപ്പിെൻറ സഹായം യാത്രയിൽ ഉണ്ടാവൂ.
റോഡിെൻറ വശങ്ങളിലൂടെ നീങ്ങുന്ന സൈക്കളുകളോട ചേർന്ന് അവരുടെ വേഗതക്കനുസരിച്ച് വഴി ചോദിച്ചാണ് കൈ വീശിയും നന്ദി പറഞ്ഞും യാത്ര പോകുന്നത്. ഉച്ചയ്ക്ക് വഴിയരികിലെ തട്ടുകടയിൽനിന്നും ‘എഗ് ചൗമീൻ’ കഴിച്ചു. ബീഹാറിൽനിന്നും ബംഗാളിലേക്ക് കുടിയേറിയ ചെറുപ്പക്കാരനായിരുന്നു കടയുടമ. ബൈക്കിൽ കേരളത്തിൽനിന്നു വരുന്നു എന്നു കേട്ടപ്പോൾ മുതൽ അയാൾക്ക് വലിയ കാര്യമായി. അടുത്തുള്ള ഹോണ്ട സർവീസ് സെൻറർ എവിടെയാണെന്ന് അയാൾ പറഞ്ഞുതന്നതനുസരിച്ച് ഞാൻ അവിടേക്കു നീങ്ങി. ചെയീനും സ്പ്രോക്കറ്റും മാറ്റിയാൽ കൊള്ളാമെന്നുണ്ട്. 14,000 കിലോ മീറ്ററായി ഇതിനു മുമ്പ് ചെയിനും സ്പ്രോക്കറ്റും മാറ്റിയിട്ട്. പശ്ചിമ ബംഗാളിലെ ‘ബീർപാറ’ എന്ന ചെറുപട്ടണത്തിലെ ഹോണ്ട സർവീസ് സെൻററിൽനിന്നും സ്പ്രോക്കറ്റ് സെറ്റ് മാറ്റി.
![](https://www.madhyamam.com/sites/default/files/Bike_1.jpg)
സ്പ്രോക്കറ്റ് മാറ്റി ബൈക്ക് കിട്ടിയപ്പോഴേക്കും ഒന്നര മണിക്കൂർ കഴിഞ്ഞിരുന്നു. അഴിച്ചുവെച്ച ബാഗേജൊക്കെ വീണ്ടും കെട്ടി യാത്ര തുടരുേമ്പാൾ സമയം വൈകിട്ട് ആറു മണി. സ്പ്രോക്കറ്റ് മാറ്റിയപ്പോൾ തന്നെ യാത്ര ഒന്നുകൂടി സുഖകരമായപോലെ. ചെറിയ ശബ്ദമൊക്കെ പോയി ബൈക്ക് നല്ല സ്മൂത്തും പവർഫുള്ളുമായി. ഏതായാലും ഭൂട്ടാനിലേക്ക് കടക്കുന്നതിനു മുമ്പ് മാറ്റിയത് നന്നായി.
രാത്രിയോടടുത്തും പശ്ചിമ ബംഗാളിലെ ഭൂട്ടാനോട് ചേർന്ന ഇന്ത്യൻ അതിർത്തിക്കു സമീപം വഴിയരികിൽ ഇരുന്ന് മെഴുകുതിരി വെളിച്ചത്തിൽ സ്ത്രീകൾ പച്ചക്കറികളും മറ്റും കച്ചവടം ചെയ്യുന്നുണ്ടായിരുന്നു. പ്രദേശത്തെവിടെയും അപ്പോൾ വൈദ്യുതി ഉണ്ടായിരുന്നില്ല. കടകളിലെല്ലാം എമർജൻസി ലാമ്പുകളായിരുന്നു വെളിച്ചം പകർന്നിരുന്നത്. തിരക്കുപിടിച്ച അങ്ങാടികളാണ് ഭൂട്ടാനോട് ചേർന്ന ഇന്ത്യൻ അതിർത്തികളിൽ. ഭൂട്ടാനിലേക്കുള്ള ഗേറ്റ് കടന്നതോടെ തിരക്ക് അപ്രത്യക്ഷമായി. അതിർത്തി കടന്നാൽ വലിയ മാറ്റമാണ് അനുഭവപ്പെടുന്നത്. നല്ല റോഡുകൾ. മാലിന്യമുക്തമായ പ്രദേശങ്ങൾ. വൃത്തിയുള്ള കെട്ടിടങ്ങൾ. ഭൂട്ടാെൻറ അതിർത്തി പ്രദേശത്തുതന്നെ താമസം തരപ്പെടുത്തി. ക്ഷീണിതനായ ഞാൻ ചൂടുവെള്ളത്തിലെ കുളിയും കഴിഞ്ഞ് രാത്രി ഭക്ഷണവും കഴിച്ചുടനെ ഉറങ്ങിപ്പോയി.
രാവിലെ നേപ്പാളിൽ നിന്നു തുടങ്ങിയ യാത്രയാണ്. ഇന്ത്യ വഴി ഇപ്പോൾ ഭൂട്ടാനിലെത്തിയിരിക്കുന്നു. ഒരു ദിവസം, മൂന്നു രാജ്യങ്ങളിലൂടെ.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.