51ാമ​ത് കടുവ സ​ങ്കേതമായി മേഘമലയെ പ്ര​ഖ്യാ​പി​ച്ചു

കു​മ​ളി: പെ​രി​യാ​ർ ക​ടു​വ സ​ങ്കേ​ത​ത്തോ​ട് ചേ​ർ​ന്നു​കി​ട​ക്കു​ന്ന ത​മി​ഴ്​​നാ​ട്​ തേ​നി ജി​ല്ല​യി​ലെ മേ​ഘ​മ​ല വ​ന്യ​ജീ​വി സ​ങ്കേ​തം രാ​ജ്യ​ത്തെ 51ാമ​ത് ക​ടു​വ സ​ങ്കേ​ത​മാ​യി കേ​ന്ദ്ര സ​ർ​ക്കാ​ർ പ്ര​ഖ്യാ​പി​ച്ചു. മേ​ഘ​മ​ല വ​ന്യ​ജീ​വി സ​ങ്കേ​ത​വും ഇ​തി​നോ​ട് ചേ​ർ​ന്ന ശ്രീ​വ​ല്ലി​പു​ത്തൂ​ർ ചാ​മ്പ​ൽ അ​ണ്ണാ​ൻ സം​ര​ക്ഷ​ണ കേ​ന്ദ്ര​വും ചേ​ർ​ത്താ​ണ് പു​തി​യ ക​ടു​വ സം​ര​ക്ഷ​ണ കേ​ന്ദ്രം നി​ല​വി​ൽ വ​ന്ന​ത്.

626 ച​തു​ര​ശ്ര​കി​ലോ​മീ​റ്റ​റാ​ണ് വി​സ്തൃ​തി. പ്ര​ദേ​ശം ക​ടു​വ സ​ങ്കേ​ത​മാ​യ​തോ​ടെ വ​ന​മേ​ഖ​ല​ക്ക്​ ന​ടു​വി​ലു​ള്ള സ്വ​കാ​ര്യ ക​മ്പ​നി​യു​ടെ തേ​യി​ല​ത്തോ​ട്ടം സം​ബ​ന്ധി​ച്ച് ത​മി​ഴ്നാ​ട് വ​നം വ​കു​പ്പി​ന് നി​ർ​ണാ​യ​ക തീ​രു​മാ​ന​മെ​ടു​ക്കേ​ണ്ടി വ​രും. മേ​ഘ​മ​ല വ​ന്യ​ജീ​വി സ​ങ്കേ​തം, ക​ടു​വ സം​ര​ക്ഷ​ണ കേ​ന്ദ്ര​മാ​ക്ക​ണ​മെ​ന്ന് 10 വ​ർ​ഷ​മാ​യി വി​വി​ധ സം​ഘ​ട​ന​ക​ളും ത​മി​ഴ്നാ​ട് വ​നം വ​കു​പ്പും ആ​വ​ശ്യ​പ്പെ​ട്ടി​രു​ന്ന​താ​ണ്. മേ​ഘ​മ​ല ക​ടു​വ സ​ങ്കേ​ത​മാ​യി മാ​റി​യ​ത് പെ​രി​യാ​ർ ക​ടു​വ സം​ര​ക്ഷ​ണ കേ​ന്ദ്ര​ത്തി​ന് ഗു​ണ​ക​ര​മാ​കു​മെ​ന്നാ​ണ് വി​ല​യി​രു​ത്ത​ൽ. മു​മ്പ് എ​ട്ട്​ ക​ടു​വ​ക​ൾ ഉ​ണ്ടാ​യി​രു​ന്ന മേ​ഘ​മ​ല​യി​ൽ 2018ലെ ​സെ​ൻ​സ​സ് പ്ര​കാ​രം 11 പെ​ൺ​ക​ടു​വ​ക​ളെ​യും മൂ​ന്ന്​ ആ​ൺ​ക​ടു​വ​ക​ളെ​യും ക​ണ്ടെ​ത്തി​യ​താ​യാ​ണ് വി​വ​രം.

ക​ടു​വ​ക​ളു​ടെ വാ​സ​സ്ഥ​ല​മാ​യ പ്ര​ദേ​ശ​ത്ത് ആ​ന, പു​ലി, മ്ലാ​വ്, കേ​ഴ​മാ​ൻ മു​ത​ൽ ക​രി​ങ്കു​ര​ങ്ങു​വ​രെ എ​ല്ലാ ജീ​വി​ക​ളെ​യും ക​ണ​ക്കെ​ടു​പ്പി​ൽ ക​ണ്ടെ​ത്തി​യി​രു​ന്നു. 2008ലാ​ണ് മേ​ഘ​മ​ല വ​ന്യ​ജീ​വി സ​ങ്കേ​തം നി​ല​വി​ൽ വ​ന്ന​ത്. പെ​രി​യാ​ർ ക​ടു​വ സ​ങ്കേ​ത​ത്തോ​ടു ചേ​ർ​ന്ന മേ​ഘ​മ​ല​യി​ൽ തു​ട​ർ​ച്ച​യാ​യി ക​ടു​വ​യു​ടെ സാ​ന്നി​ധ്യം വ്യ​ക്ത​മാ​യ​തോ​ടെ ദേ​ശീ​യ ക​ടു​വ സം​ര​ക്ഷ​ണ അ​തോ​റി​റ്റി പ​ഠ​നം ന​ട​ത്തി കേ​ന്ദ്ര​സ​ർ​ക്കാ​റി​ന് റി​പ്പോ​ർ​ട്ട് ന​ൽ​കി.

ഇ​ത​നു​സ​രി​ച്ച് ജ​നു​വ​രി മൂ​ന്നി​നാ​ണ് കേ​ന്ദ്ര വ​നം-​പ​രി​സ്ഥി​തി മ​ന്ത്രാ​ല​യം മേ​ഘ​മ​ല-​ശ്രീ​വ​ല്ലി​പു​ത്തൂ​ർ പ്ര​ദേ​ശം കൂ​ട്ടി​ച്ചേ​ർ​ത്ത് ക​ടു​വ സ​ങ്കേ​ത​മാ​യി ഉ​ത്ത​ര​വി​റ​ക്കി​യ​ത്. ഇ​തു​സം​ബ​ന്ധി​ച്ച ഔ​ദ്യോ​ഗി​ക അ​റി​യി​പ്പ് ക​ഴി​ഞ്ഞ ദി​വ​സ​മാ​ണ് ത​മി​ഴ്നാ​ട് സ​ർ​ക്കാ​റി​നു ല​ഭി​ച്ച​ത്. പു​തി​യ ക​ടു​വ സ​ങ്കേ​തം നി​ല​വി​ൽ വ​ന്ന​തോ​ടെ പെ​രി​യാ​ർ-​മേ​ഘ​മ​ല ഒ​ട്ടാ​കെ 1551 ച.​കി.​മീ. കാ​ടാ​ണ് ക​ടു​വ​ക​ളു​ടെ ആ​വാ​സ-​സം​ര​ക്ഷ​ണ കേ​ന്ദ്ര​മാ​യി മാ​റി​യ​ത്.