പ്ര​കൃ​തി​ര​മ​ണീ​യ​മാ​യ പാ​ണി​യേ​ലി പോ​ര്

അ​ധി​ക​മാ​രും ക​ട​ന്നു ചെ​ല്ലാ​ത്തൊ​രു ഇ​ട​ത്തി​ലേ​ക്കാ​യി​രു​ന്നു ക​ഴി​ഞ്ഞ ദി​വ​സ​ങ്ങ​ളി​ലെ യാ​ത്ര. കേ​ര​ള ടൂ​റി​സം/വ​നം വ​കു​പ്പു​ക​ൾ പ്ര​ത്യേ​ക പ​രി​ഗ​ണ​ന​യോ​ടെ സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന ‘പാ​ണി​യേ​ലി പോ​ര്’ കാ​ണാ​ൻ. സ്ഥ​ല​പ്പേ​രു പോ​ലെ ത​ന്നെ ഏ​റെ ആ​ക​ർ​ഷ​ക​മാ​ണ് ഈ ​വ​ന​പ്ര​ദേ​ശ​വും ചി​ന്നി​ച്ചി​ത​റി​യൊ​ഴു​കു​ന്ന പെ​രി​യാ​റി​ന്‍റെ സൗ​ന്ദ​ര്യ​വും.

തൃ​ശൂ​രി​ൽനി​ന്നും ഏ​ക​ദേ​ശം ര​ണ്ടു മ​ണി​ക്കൂ​ർ കാ​റി​ൽ സ​ഞ്ച​രി​ച്ചാ​ൽ എ​റ​ണാ​കു​ളം ജി​ല്ല​യി​ൽ സ്ഥി​തി ചെ​യ്യു​ന്ന പോ​രി​ന്‍റെ പ്ര​വേ​ശ​ന ക​വാ​ട​ത്തി​ലെ​ത്തി​ച്ചേ​രും. അ​വി​ടെ നി​ന്നും ഏ​ക​ദേ​ശം ഒ​ന്ന​ര കി​ലോ​മീ​റ്റ​ർ ദൂ​രം വ​ന​ത്തി​നു​ള്ളി​ലൂ​ടെ പെ​രി​യാ​ർ ന​ദി​യു​ടെ തീ​ര​ത്തു​കൂ​ടെ ന​ട​ന്നാ​ൽ പോ​രി​ന്ന​ടു​ത്തെ​ത്താം. മ​നോ​ഹ​ര​മാ​യ ഒ​രു നീ​ണ്ട പ​ക​ൽ​യാ​ത്ര! കൂ​വ​പ്പ​ടി ബ്ലോക്ക് പ​ഞ്ചാ​യ​ത്തി​ലെ വേ​ങ്ങൂ​ർ ഗ്രാ​മ​പ​ഞ്ചാ​യ​ത്തി​ൽ പെ​രി​യാ​ർ ന​ദി​യി​ലാ​ണ് പോ​ര് സ്ഥി​തി ചെ​യ്യു​ന്ന​ത്. പാ​റ​ക്കെ​ട്ടു​ക​ൾ നി​റ​ഞ്ഞ പെ​രി​യാ​ർ ന​ദി​യും അ​തി​ലെ ചെ​റി​യ തു​രു​ത്തു​ക​ളും വെ​ള്ള​ച്ചാ​ട്ട​വും ക​ല്ലോ​ടി​കു​ഴി​ക​ളും ഇ​വി​ടു​ത്തെ പ്ര​ധാ​ന ഘ​ട​ക​ങ്ങ​ളാ​ണ്.

കു​ടും​ബാം​ഗ​ങ്ങ​ളു​മാ​യും സു​ഹൃ​ത്തു​ക്ക​ളു​മാ​യും സ​മ​യം ചെ​ല​വ​ഴി​ക്കാ​ൻ പ​റ്റി​യ സ്ഥ​ലം. മു​തി​ർ​ന്ന​വ​ർ​ക്കും കു​ട്ടി​ക​ൾ​ക്കും വെ​ള്ള​ത്തി​ൽ ക​ളി​ക്കാ​നും, കു​ളി​ക്കാ​നും പ​ച്ച​പ്പും ത​ണ​ലും ത​ന്ന് പ്ര​കൃ​തി​യാ​ൽ അ​നു​ഗ്ര​ഹീ​ത​മാ​യ പ്ര​ദേ​ശം. ഏ​തു ഋ​തു​ക്ക​ളി​ലും ക​ള​ക​ളാ​ര​വം പ​ര​ത്തി തെ​ളി​നീ​രി​നാ​ൽ ഒ​ഴു​കി​ക്കൊ​ണ്ടി​രി​ക്കു​ന്ന പെ​രി​യാ​റി​ന്‍റെ തീ​രം. സ​ന്ദ​ർ​ശ​ക​ർ​ക്കാ​യി പു​ഴ​യോ​ര​ത്തോ​ട് ചേ​ർ​ന്ന് ഇ​രി​പ്പി​ട​ങ്ങ​ളും ക​ളി​സ്ഥ​ല​ങ്ങ​ളും കാ​വ​ൽ​മാ​ട​ങ്ങ​ളും ഒ​രു​ക്കി കാ​ത്തി​രി​ക്കു​ന്നു.

പാ​റ​ക്കൂ​ട്ട​ങ്ങ​ൾ മൂ​ലം പെ​രി​യാ​റി​ന്‍റെ ഇ​വി​ട​ത്തെ ഒ​ഴു​ക്കി​ന് പ്ര​കൃ​തി​ദ​ത്ത​മാ​യി ഉ​ണ്ടാ​യ ത​ട​സ്സ​ങ്ങ​ൾ മൂ​ലം പു​ഴ പ​ല കൈ​വ​ഴി​ക​ളാ​യി തി​രി​ഞ്ഞ് മൂ​ന്ന് ഇ​ട​ങ്ങ​ളി​ൽ നി​ന്നും ഒ​ഴു​കി​യെ​ത്തി ഒ​ന്നാ​യി​ച്ചേ​രു​ന്ന സ്ഥ​ല​മാ​ണ് പാ​ണി​യേ​ലി പോ​ര്. പാ​റ​ക്കൂ​ട്ട​ങ്ങ​ൾ​ക്ക് തൊ​ട്ടു​മു​മ്പ് വ​രെ ആ​ഴ​വും വീ​തി​യു​മു​ള്ള പെ​രി​യാ​ർ വ​ലി​യ പാ​റ​ക​ളി​ലെ ചി​ല ഇ​ടു​ങ്ങി​യ വി​ള്ള​ലു​ക​ളി​ലൂ​ടെ ഒ​ഴു​കാ​നും, ആ​ഴം കു​റ​ഞ്ഞ പാ​റ​ക​ൾ​ക്ക് മു​ക​ളി​ലൂ​ടെ ഒ​ഴു​കാ​നും നി​ർ​ബ​ന്ധി​ത​മാ​കു​ന്നു, ഇ​ത് വെ​ള്ള​പ്പാ​ച്ച​ലി​ന്‍റെ വേ​ഗ​ത വ​ർ​ദ്ധി​പ്പി​ക്കു​ക​യും വ​ലി​യ പ്ര​ക്ഷു​ബ്ധ​ത സൃ​ഷ്ടി​ക്കു​ക​യും ചെ​യ്യു​ന്നു. എ​ന്നി​രു​ന്നാ​ലും ഈ ​പ്ര​ക്ഷു​ബ്ധ​ത ഉ​പ​രി​ത​ല​ത്തി​ൽ ദൃ​ശ്യ​മാ​കി​ല്ല. പോ​ര് എ​ന്ന വാ​ക്കി​ന്‍റെ കൃ​ത്യ​മാ​യ അ​ർ​ഥ​ത്തി​ൽ ഒ​രു വെ​ള്ള​ച്ചാ​ട്ട ല​ക്ഷ്യ​സ്ഥാ​ന​മി​ല്ലെ​ങ്കി​ലും, വെ​ള്ള​വും ഒ​ഴു​ക്കും പാ​റ​ക​ളും ചു​റ്റു​പാ​ടു​മു​ള്ള പ​ച്ച​പ്പും ചേ​ർ​ന്ന് പാ​ണി​യേ​ലി പോ​രി​നെ മ​നോ​ഹ​ര​മാ​ക്കു​ന്നു​ണ്ട്.

പെ​രു​മ്പാ​വൂ​രി​ൽ നി​ന്ന് 20 കി​ലോ​മീ​റ്റ​ർ അ​ക​ലെ മ​ല​യാ​റ്റൂ​ർ വ​ന​മേ​ഖ​ല​യോ​ട് ചേ​ർ​ന്ന് സ്ഥി​തി ചെ​യ്യു​ന്ന ഈ ​സ്ഥ​ല​ത്തി​ന് സ​ന്ദ​ർ​ശ​ക​രെ വി​സ്മ​യി​പ്പി​ക്കു​ന്ന ഒ​രു ഭാ​വ​മാ​ണ്. മു​ന്നോ​ട്ടു ഒ​ഴു​കു​ന്ന വെ​ള്ളം സ​മീ​പ​ത്തെ വ​ന​ത്തി​ലെ പ​ക്ഷി​ക​ളു​ടെ ചി​ല​ച്ച​ക​ളോ​ടൊ​പ്പം ഒ​രു സിം​ഫ​ണി ഉ​ണ്ടാ​ക്കു​ന്നു. പ്ര​കൃ​തി​യു​ടെ മ​ഹ​ത്വ​ത്തെ സ്നേ​ഹി​ക്കു​ന്ന​വ​ർ​ക്ക് ഇ​ത് തീ​ർ​ച്ച​യാ​യും ഒ​രു വ​ശീ​ക​ര​ണ സ്ഥ​ല​മാ​ണ്. ആ​ന, മാ​ൻ, കാ​ട്ടു​പോ​ത്ത് തു​ട​ങ്ങി ധാ​രാ​ളം വ​ന്യ മൃ​ഗ​ങ്ങ​ളും വി​വി​ധ ത​രം പ​ക്ഷി​ക​ളും ഉ​ൾ​ക്കാ​ടു​ക​ളി​ൽ നി​ന്നും ഇ​വി​ടെ​ക്ക് ഇ​റ​ങ്ങി വ​രാ​റു​ണ്ടു.

വ​ഴു​വ​ഴു​പ്പു​ള്ള പാ​റ​ക​ൾ​ക്ക് മു​ക​ളി​ലൂ​ടെ ന​ട​ക്കു​മ്പോ​ഴും, ഒ​ഴു​ക്കു​ള്ള ഇ​ട​ങ്ങ​ളി​ൽ കു​ളി​ക്കാ​നും ക​ളി​ക്കാ​നും ഇ​റ​ങ്ങു​മ്പോ​ഴും ന​മ്മ​ൾ ഏ​റെ ശ്ര​ദ്ധി​ക്കേ​ണ്ട​തു​ണ്ട്. നി​ര​വ​ധി അ​പ​ക​ട മ​ര​ണ​ങ്ങ​ൾ ഈ ​പ്ര​ദേ​ശ​ത്ത് ഉ​ണ്ടാ​യി​ട്ടു​ള്ള​തി​നാ​ൽ ഇ​വി​ടം സ​ന്ദ​ർ​ശി​ക്കു​മ്പോ​ൾ അ​തീ​വ ജാ​ഗ്ര​ത പാ​ലി​ക്ക​ണം. ക​ഴി​ഞ്ഞ ര​ണ്ട്​ പ​തി​റ്റാ​ണ്ടി​നി​ടെ ഏ​ക​ദേ​ശം 90 ലേ​റെ മ​ര​ണ​ങ്ങ​ളാ​ണ് ഈ ​വി​നോ​ദ​സ​ഞ്ചാ​ര കേ​ന്ദ്ര​ത്തി​ൽ സം​ഭ​വി​ച്ച​ത​ത്രെ! വ​ഴു​തി വീ​ണ് ത​ല​ക്കും കൈ​കാ​ലു​ക​ൾ​ക്കും സാ​ര​മാ​യി പ​രി​ക്കു​ക​ൾ സം​ഭ​വി​ക്കു​ന്ന കേ​സു​ക​ളും സാ​ധാ​ര​ണ​യാ​യി​രു​ന്നു.

എ​ന്നാ​ൽ, നി​ല​വി​ൽ വി​നോ​ദ​സ​ഞ്ചാ​രി​ക​ളു​ടെ സു​ര​ക്ഷ ഉ​റ​പ്പാ​ക്കു​ന്ന​തി​നാ​യി ന​മ്മു​ടെ ടൂ​റി​സം വ​കു​പ്പ് മു​ന്ന​റി​യി​പ്പ് ബോ​ർ​ഡു​ക​ളും ‘വ​ന സം​ര​ക്ഷ​ണ സ​മ​തി’​യു​ടെ ലോ​ക്ക​ൽ ഗാ​ർ​ഡു​ക​ളെ​യും ധാ​രാ​ളം വി​ന്യ​സി​ച്ചി​ട്ടു​ള്ള​തി​നാ​ൽ സു​ര​ക്ഷ​യും ശു​ചി​ത്വ​വും കൃ​ത്യ​മാ​യി പ​രി​പാ​ലി​ക്ക​പ്പെ​ടു​ന്ന ഈ ​എ​ക്കോ ടൂ​റി​സ്റ്റ് കേ​ന്ദ്രം വൈ​കി​ട്ട് അ​ഞ്ചു മ​ണി വ​രെ മാ​ത്ര​മാ​ണ് സ​ഞ്ചാ​രി​ക​ൾ​ക്കാ​യി തു​റ​ന്ന് കൊ​ടു​ക്കു​ന്ന​ത്. വാ​ഹ​ന പാ​ർ​ക്കി​ങ്ങി​നും പ്ര​വേ​ശ​ന​ത്തി​നും ചെ​റി​യ തു​ക ഈ​ടാ​ക്കു​ന്നു.

ഇ​തു​വ​ഴി പോ​കാം

പെ​രു​മ്പാ​വൂ​രി​ൽ നി​ന്ന്‌ കു​റു​പ്പം​പ​ടി, മ​ന​യ്‌​ക്ക​പ്പ​ടി, വേ​ങ്ങൂ​ർ, കൊ​മ്പ​നാ​ട്‌, ക്രാ​രി​യേ​ലി തെ​ക്കേ​ക്ക​വ​ല എ​ന്നീ സ്‌​ഥ​ല​ങ്ങ​ളി​ലൂ​ടെ സ​ഞ്ച​രി​ച്ച് പാ​ണി​യേ​ലി​യി​ലെ​ത്തി​ച്ചേ​രാം. വ​നം വ​കു​പ്പി​ന്‍റെ കൗ​ണ്ട​റി​ൽ നി​ന്ന്‌ പാ​സ് മൂ​ല​മാ​ണ് ഇ​വി​ടെ പ്ര​വേ​ശ​നം അ​നു​വ​ദി​ച്ചി​രി​ക്കു​ന്ന​ത്. സ​മീ​പ​ത്താ​യു​ള്ള വ​നം വ​കു​പ്പ് ചെ​ക്ക് പോ​സ്റ്റ് വ​രെ​യാ​ണ് വാ​ഹ​ന​ങ്ങ​ൾ​ക്കു പ്ര​വേ​ശ​നം. കോ​ത​മം​ഗ​ല​ത്തു​നി​ന്നും ഓ​ട​ക്കാ​ലി​യി​ൽ നി​ന്നു​തി​രി​ഞ്ഞ് ഓ​ട​ക്കാ​ലി​ക​വ​ല​യി​ലൂ​ടെ മേ​യ​ക്ക​പ്പാ​ല​യെ​ത്താം. ഇ​വി​ടെ നി​ന്ന് ഏ​ക​ദേ​ശം നാ​ലു കി​ലോ​മീ​റ്റ​ർ സ​ഞ്ച​രി​ച്ച് പാ​ണീ​യേ​ലി​പോ​രി​ൽ എ​ത്താം.