മു​ത്തു​ക​ളു​ടെ നാ​ട്ടി​ൽ

ഒ​രു വി​നോ​ദ​യാ​ത്രാ​സം​ഘ​ത്തോ​ടൊ​പ്പം ചേ​ർ​ന്നാ​യി​രു​ന്നു ഞങ്ങളുടെ ഹൈ​ദ​രാ​ബാ​ദ്​ യാ​ത്ര. ഷൊ​ർ​ണൂ​രി​ൽ നി​ന്ന്​ ഉ​ച്ച​ക്ക്​ ശ​ബ​രി ട്രെ​യി​ൻ ക​യ​റുമ്പോൾ കു​ടും​ബ​ങ്ങ​ളും കു​ട്ടി​ക​ളു​മൊ​ക്കെ​യാ​യി വി​വി​ധ ​നാടുകളിൽ നി​ന്ന്​ ഒ​ത്തു​കൂ​ടി​യ 77 പേ​രു​ണ്ടാ​യി​രു​ന്നു ഞങ്ങളുടെ സംഘത്തിൽ. കോ​യ​മ്പ​ത്തൂ​രും സേ​ല​വും തി​രു​പ്പൂ​രും പി​ന്നി​ട്ട്​ ​ട്രെ​യി​ൻ കൂ​കി പാ​യുമ്പോൾ ചു​ക​ന്ന മു​ള​കു​പാ​ട​ങ്ങ​ളും പ​രു​ത്തി​കൃ​ഷി​കളും പ​ക​ൽ​കാ​ഴ്​​ച​ക​ളാ​യി. പി​റ്റേ​ന്ന്​ ഉ​ച്ച​ക്ക് ശേ​ഷം ര​ണ്ട​ര​ക്ക് ഹൈ​ദ​രാ​ബാ​ദ് ഡെ​ക്കാ​നി​ൽ ട്രെ​യി​നി​റ​ങ്ങി. വലിയൊരു മിനി ബസുമായി ടൂ​ർ ഓ​പ​റേ​റ്റ​ർ​മാ​രാ​യ മു​സ​ദ്ദി​ഖും മു​ജീ​ബു​റ​ഹ്മാ​നും ഞങ്ങളെ സ്വീ​ക​രി​ക്കാ​നു​ണ്ടാ​യി​രു​ന്നു. അ​വി​ടെ നി​ന്ന് താ​മ​സി​ക്കു​ന്ന ഹോ​ട്ട​ലി​ലേ​ക്ക്. വി​ശ്ര​മ​ത്തി​നു ശേ​ഷം നാ​ലു മ​ണി​യോ​ടെ ആ​ദ്യ ​ദി​ന​ത്തി​ലെ ക​റക്ക​ത്തി​നി​റ​ങ്ങി. ഹൈ​ദ​ര​ബാ​ദി​ന്  മു​ത്തു​ക​ളു​ടെ ന​ഗ​രം എ​ന്ന് പേ​ര് വ​രാ​ൻ കാ​ര​ണം ഹൈ​ദ​ര​ബാ​ദി​ൽ നി​ന്നു 74 കി​ലോ​മീ​റ്റ​ർ അ​ക​ല​ത്തി​ലു​ള്ള ച​ന്ദ​ൻ​പേ​ട്ട് ആ​ണ്. ഇ​വി​ടെ​യാ​ണ് വൈ​വി​ധ്യ​മാ​ർ​ന്ന രീ​തി​യി​ൽ മു​ത്തു​ക​ൾ രൂ​പ​പ്പെ​ടു​ത്തു​ന്ന​ത്.

ഹു​സൈ​ൻ സാ​ഗ​ർ ഹൈ​രാ​ബാ​ദി​ലെ കാ​ഴ്ച​ക​ൾ അ​ധി​ക​വും ഹു​സൈ​ൻ സാ​ഗ​ർ ത​ടാ​ക​ത്തെ ചു​റ്റി​പ്പ​റ്റി​യാ​ണ്. ഹൃ​ദ​യ രൂ​പ​ത്തി​ൽ നി​ർ​മി​ത​മാ​യ ത​ടാ​ക​മാ​ണി​ത്. 1563ൽ ​ഖു​തു​ബ് ഷാ​ഹി രാ​ജ​വം​ശ​ത്തി​ലെ അ​ഞ്ചാ​മ​നാ​യ ഇ​ബ്രാ​ഹിം ഖു​ലി ഖു​തു​ബ് 5.7 കി​ലോ​മീ​റ്റ​ർ ചു​റ്റ​ള​വി​ൽ സ്ഥാ​പി​ച്ച​താ​ണ് ത​ടാ​കം. 32 അ​ടി ആ​ഴ​മു​ള്ള ഇ​ത് ഹൈ​ദ​രാ​ബാ​ദി​നെ​യും സെ​ക്ക​ന്ത​രാ​ബാ​ദി​നെ​യും ഇ​ര​ട്ട​ന​ഗ​ര​ങ്ങ​ളാ​യി വേ​ർ​തി​രി​ക്കു​ന്നു. ത​ടാ​ക​ത്തി​ലെ ഏ​റ്റ​വും ആ​ക​ർ​ഷ​കം മ​ധ്യ​ത്തി​ൽ സ്ഥി​തി ചെ​യ്യു​ന്ന 1992ൽ ​സ്ഥാ​പി​ച്ച ഗൗ​ത​മ ബു​ദ്ധ​െ​ൻ​റ ഏ​ക​ശി​ല പ്ര​തി​മ​യാ​ണ്. 18 മീ​റ്റ​ർ ഉ​യ​ര​മു​ള്ള പ്ര​തി​മ​യു​ടെ ഭാ​രം 450 ട​ണ്ണാ​ണ്. ലും​ബി​നി പാ​ർ​ക്കി​ൽ നി​ന്ന് ഹു​സൈ​ൻ സാ​ഗ​റി​ലൂ​ടെ​യു​ള്ള ബോ​ട്ട് സ​ർ​വി​സി​ലൂ​ടെ പ്ര​തി​മ​ക്ക​ടു​ത്തെ​ത്താം.

എ​ൻ.​ടി.​ആ​ർ. ഗാ​ർ​ഡ​ൻ ആ​ദ്യ​യാ​ത്ര ഹു​സൈ​ൻ സാ​ഗ​റിൻെറ ചാ​ര​ത്തെ എ​ൻ.​ടി.​ആ​ർ. ഗാ​ർ​ഡ​നി​ലേ​ക്കാ​യി​രു​ന്നു. 36 ഏ​ക്ക​ർ സ്ഥ​ല​ത്ത് ന​ഗ​ര ഹൃ​ദ​യ​ത്തി​ലാ​ണ് പൂ​ന്തോ​ട്ടം. അ​ക​ത്ത് ക​ട​ന്നാ​ൽ കാ​ണാ​നേ​റെ. ന​ട​ന്ന് കാ​ണു​ന്നവർക്ക് ക്ഷീ​ണി​ക്കാ​തി​രി​ക്കാ​നും സ​മ​യം ലാ​ഭി​ക്കാ​നും ഒ​രു കൊ​ച്ചു ട്രെ​യി​നു​ണ്ട് ഇ​വി​ടെ. 20 രൂ​പ കൊ​ടു​ത്ത് അ​തി​ൽ ക​യ​റി​യാ​ൽ പൂ​ന്തോ​ട്ട​ത്തിൻെറ ഏ​താ​ണ്ടെ​ല്ലാ ഭാ​ഗ​ത്തു കൂ​ടെ​യും കൂ​കി​പ്പാ​ഞ്ഞ് കാ​ഴ്ച​ക​ൾ കാണാം. ഞ​ങ്ങ​ൾ കു​റ​ച്ചു പേ​ർ ട്രെ​യി​നി​ൽ ക​യ​റി ചു​റ്റി​ക്ക​ണ്ടു. പി​ന്നീ​ട് ന​ട​ന്നും ശേ​ഷി​ച്ച സ്ഥ​ല​ങ്ങ​ൾ ക​ണ്ടു. പു​റ​ത്തി​റ​ങ്ങി​യ​പ്പോ​ഴുണ്ട് ബ​സ് പു​റ​പ്പെ​ടു​ന്നു. ഓ​ടി​ക്ക​യ​റി. ​

 

ലേ​സ​ർ ഷോ
​പി​ന്നെ എ​ത്തി​യ​ത്​ ലും​ബി​നി പാ​ർ​ക്കി​ലെ ലേ​സ​ർ ഷോ​യി​ലേ​ക്ക്. അ​വി​ടെ ആ​ളെ​ത്തി​ത്തു​ട​ങ്ങു​ന്നേ​യു​ള്ളൂ. ടി​ക്ക​റ്റെ​ടു​ത്തി​രു​ന്നു. പാ​ട്ടു​ക​ൾ ഒ​ഴു​കു​ന്നു. അ​തി​ൽ മ​ല​യാ​ളം പാ​ട്ടു​ക​ളു​മു​ണ്ട്. കു​റ​ച്ചു ക​ഴി​ഞ്ഞ​പ്പോ​ൾ ഗാ​ല​റി ഏ​താ​ണ്ട് നി​റ​ഞ്ഞു. ഷോ ​തു​ട​ങ്ങി. ഇ​ന്ത്യ​യി​ലെ ആ​ദ്യ​ത്തെ മ​ൾ​ട്ടി മീ​ഡി​യ ഫൗ​ണ്ടേ​ഷ​ൻ ഷോ ​എ​ന്നാ​ണ് ഇ​ത​റി​യ​പ്പെ​ടു​ന്ന​ത്. ഇ​തി​ൽ ഹൈ​ദ​രാ​ബാ​ദി​െ​ൻ​റ ഭൂ​ത-​വ​ർ​ത്ത​മാ​ന- ഭാ​വി കാ​ണി​ക്കു​ന്നു. 30 മി​നി​റ്റ് നീ​ണ്ടു നി​ൽ​ക്കു​ന്ന ഷോ ​ദി​വ​സ​വും വൈ​കീ​ട്ട് 7.15നും 8.30​മാ​ണു​ള്ള​ത്. നേ​ർ​ത്ത ജ​ല​ധാ​ര​യി​ൽ പ്രൊ​ജ​ക്ട​ർ ഉ​പ​യോ​ഗി​ച്ച് കാ​ണി​ക്കു​ന്ന ഈ ​ഷോ ചി​ല​പ്പോ​ഴൊ​ക്കെ അ​ദ്ഭു​ത​പ്പെ​ടു​ത്തു​ന്ന​തും ര​സ​ക​ര​വു​മാ​ണ്.
ഹു​സൈ​ൻ സാ​ഗ​റി​ന​രി​കെ 7.5 ഏ​ക്ക​ർ ചു​റ്റ​ള​വി​ൽ സ്ഥി​തി ചെ​യ്യു​ന്ന ന​ഗ​ര പൂ​ന്തോ​ട്ട​മാ​ണ് 1994 ൽ ​സ്ഥാ​പി​ച്ച ലും​ബി​നി പാ​ർ​ക്ക്. നേ​പ്പാ​ളി​ലെ ബു​ദ്ധ​ക്ഷേ​ത്ര​സ​മു​ച്ച​യ​ങ്ങ​ളു​ടെ പേ​രാ​ണ്​ ലും​ബി​നി. 2007 ആ​ഗ​സ്റ്റ് 25ന് 42 ​പേ​ർ കൊ​ല്ല​പ്പെ​ടു​ക​യും 54 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്ത ര​ണ്ടി​ട​ത്ത് ന​ട​ന്ന ബോം​ബ്‌ സ്ഫോ​ട​ന​ങ്ങ​ളി​ൽ ഒ​ന്ന് ഇ​വി​ടെ​യാ​യി​രു​ന്നു. അ​തി​ന് ശേ​ഷം ഇ​വി​ട​ത്തെ എ​ല്ലാ ടൂ​റി​സ്റ്റ് കേ​ന്ദ്ര​ങ്ങ​ളി​ലും മെ​റ്റ​ൽ ഡി​റ്റ​ക്ട​ർ ഉ​പ​യോ​ഗി​ച്ച്​ ക​ർ​ശ​ന പ​രി​ശോ​ധ​ന​യി​ലൂ​ടെ​യാ​ണ് ക​ട​ത്തി​വി​ടു​ന്ന​ത്.

 ഗോ​ൽ​ക്ക​ണ്ട കോ​ട്ട

 ര​ണ്ടാം ദി​നം നേ​ര​ത്തെ ഗോ​ൽ​ക്ക​ണ്ട കൊ​ട്ടാ​ര​ത്തി​ലേ​ക്ക് പു​റ​പ്പെ​ട്ടു. ഹൈ​ദ​രാ​ബാ​ദിൻെറ ഹൃ​ദ​യ​ഭാ​ഗം പി​ന്നി​ട്ട്  11 കി.​മീ. യാ​ത്ര ചെ​യ്ത് ഗോ​ൽ​ക്ക​ണ്ട ഫോ​ർ​ട്ടി​ലെ​ത്തി. കോ​ട്ട ചു​റ്റി കാ​ണാ​ൻ ഒ​ന്നു​ര​ണ്ട് മ​ണി​ക്കൂ​ർ എ​ടു​ക്കും. ക​വാ​ട​ത്തി​ൽ ത​ന്നെ കോ​ട്ട​യു​ടെ ച​രി​ത്ര​ങ്ങ​ളും സം​ഭ​വ​ങ്ങ​ളു​മെ​ഴു​തി​യി​രി​ക്കു​ന്നു. ഗോ​ൽ​ക്ക​ണ്ട കു​ത്തു​ബ് ഷാ​ഹി രാ​ജ​വം​ശ​ത്തി​െ​ൻ​റ കേ​ന്ദ്ര​മാ​യി​രു​ന്നു. ശ​രി​ക്കും അ​റി​യ​പ്പെ​ട്ടി​രു​ന്ന​ത് മ​ങ്ക​ൽ എ​ന്നാ​യി​രു​ന്നു. ഗോ​ൽ​ക്ക​ണ്ട ആ​ദ്യം സ്ഥാ​പി​ച്ച​ത് കാ​ക്കാ​ത്തി​യ രാ​ജ​വം​ശ​മാ​ണ്. 11 കി​ലോ​മീ​റ്റ​ർ ചു​റ്റ​ള​വി​ൽ 486 അ​ടി ഉ​യ​ര​ത്തി​ലു​ള്ള ഗ്രാ​നൈ​റ്റ് മ​ല​യാ​ണ് കൊ​ട്ടാ​രം. 1590ൽ ​ത​ല​സ്ഥാ​നം ഹൈ​ദ​രാ​ബാ​ദി​ലേ​ക്ക് മാ​റ്റു​ന്ന​ത് വ​രെ ഇ​വി​ട​മാ​യി​രു​ന്നു ഖു​ത്തു​ബ് ഷാ​ഹി രാ​ജ​വം​ശ​ത്തി​െ​ൻ​റ ആ​സ്ഥാ​നം. കോ​ഹി​നൂ​ര​ട​ക്ക​മു​ള്ള ര​ത്ന​ങ്ങ​ളു​ടെ ക​ല​വ​റ കൂ​ടി​യാ​യി​രു​ന്നു കോ​ട്ട. ഗോ​ൽ​ക്ക​ണ്ട ര​ത്ന​ങ്ങ​ളു​ടെ ന​ഗ​രം എ​ന്നു​കൂ​ടി അ​റി​യ​പ്പെ​ട്ടി​രു​ന്നു. ഒ​രു കാ​ല​ത്ത് ര​ത്ന​ങ്ങ​ളു​ടെ​യും മു​ത്തു​ക​ളു​ടെ​യും വ്യാ​പാ​ര കേ​ന്ദ്ര​മാ​യി​രു​ന്നു ഇ​വി​ടം. ഇ​വി​ട​ത്തെ ഗു​ണ്ടൂ​ർ ജി​ല്ല​യി​ലെ കൊ​ല്ലൂ​രി​ൽ അ​നേ​കം ര​ത്ന​ഖ​നി​ക​ളു​ണ്ടാ​യി​രു​ന്നു. വ്യ​ത്യ​സ്ത​മാ​യ നാ​ല് കോ​ട്ട​ക​ളു​ൾ​ക്കൊ​ള്ളു​ന്ന​താ​ണ് ഗോ​ൽ​ക്ക​ണ്ട ഫോ​ർ​ട്ട്. എ​ട്ട് ക​വാ​ട​ങ്ങ​ളാ​ണ് കോ​ട്ട​ക്കു​ള്ള​ത്. അ​തി​ൽ പ്ര​ധാ​നം കോ​ട്ട​യു​ടെ കി​ഴ​ക്കു​ഭാ​ഗ​ത്തെ ബാ​ല ഹ​സാ​രി ക​വാ​ട​മാ​ണ്. ഓ​രോ കൊ​ട്ടാ​ര​ങ്ങ​ളും അ​ന്ത​പു​ര​ങ്ങ​ളാ​ലും ഹാ​ളു​ക​ളാ​ലും ക്ഷേ​ത്ര​ങ്ങ​ളും പ​ള്ളി​ക​ളാ​ലും ഗോ​പു​ര- പ​ന്തി​ക​ളാ​ലും സ​മൃ​ദ്ധ​മാ​യി​രു​ന്നു. അ​ദ്ഭു​ത​പ്പെ​ടു​ത്തു​ന്ന​തും വി​സ്മ​യ​ക​ര​വു​മാ​ണ് അ​തി​െ​ൻ​റ നി​ർ​മി​തി​ക​ൾ. ഇ​ന്ന​തി​െ​ൻ​റ അ​വ​ശി​ഷ്ട​ങ്ങ​ളൊ​ക്കെ കാ​ണാം. വ​ഴി​യി​ൽ വ​ലി​യ കു​ള​ങ്ങ​ൾ പോ​ലു​ള്ള കു​ഴി​ക​ൾ വ​റ്റാ​റാ​യി കി​ട​ക്കു​ന്നു. അ​തി​ൽ നി​റ​യെ പ്ലാ​സ്റ്റി​ക് മാ​ലി​ന്യ​ങ്ങ​ളും കു​പ്പി​ക​ളും. സം​ര​ക്ഷ​ണ​ത്തി​െ​ൻ​റ കാ​ര്യ​ത്തി​ൽ ശ്ര​ദ്ധ​യി​ല്ലെ​ന്ന് തോ​ന്നി.
സാ​ല​ർ ജ​ങ്​ മ്യൂ​സി​യം

 പി​ന്നീ​ട് ഞ​ങ്ങ​ൾ എ​ത്തി​യത് ദാ​റു ശി​ഫ​യി​ലെ സാ​ല​ർ ജ​ങ്​​ മ്യൂ​സി​യ​ത്തി​ലാ​ണ്. സാ​ല​ർ ജ​ങ്​​​ രാ​ജ​കു​ടും​ബ​ത്തി​െ​ൻ​റ വ​സ്തു​ക്ക​ളാ​ണ് ഇ​വി​ടെ പ്ര​ദ​ർ​ശി​പ്പി​ച്ചി​ട്ടു​ള്ള​ത്. ന​വാ​ബ് മി​ർ യൂ​സ​ഫ് അ​ലി​ഖാ​ൻ സാ​ല​ർ ജ​ങ്​​​ മൂ​ന്നാ​മ​െ​ൻ​റ ശേ​ഖ​ര​മാ​ണ് ഇ​തി​ല​ധി​ക​വും. ലോ​ക​ത്തെ വി​വി​ധ രാ​ജ്യ​ങ്ങ​ളി​ലെ വി​വി​ധ ത​ര​ത്തി​ലെ ഘ​ടി​കാ​ര​ങ്ങ​ളും ഖു​ർ​ആ​ൻ ക​ല​ക്ഷ​ൻ​സു​മൊ​ക്കെ ഇ​വി​ട​ത്തെ പ്ര​ത്യേ​ക​ത​യാ​ണ്. കൂ​ടാ​തെ ഇ​ര​ട്ട പ്ര​തി​മ​യും, സു​താ​ര്യ​മാ​യ തു​ണി​കൊ​ണ്ട് മു​ഖം മ​റ​ച്ച് നി​ൽ​ക്കു​ന്ന പോ​ലെ മു​ഴു​വ​നാ​യി മാ​ർ​ബി​ളി​ൽ തീ​ർ​ത്ത റ​ബേ​ക്ക​യു​ടെ പ്ര​തി​മ​യും ഒ​ക്കെ ആ​ക​ർ​ഷ​ക​ങ്ങ​ളാ​ണ്.

എ​ല്ലാം ക​ൺ​കു​ളി​ർ​ക്കെ ക​ണ്ട് ഇ​റ​ങ്ങി. അ​ക​ത്ത് ത​ന്നെ​യു​ള്ള ഭ​ക്ഷ​ണ​ശാ​ല​യി​ൽ ഭ​ക്ഷ​ണം കി​ട്ടു​മെ​ന്ന് പ​റ​ഞ്ഞ​ത​നു​സ​രി​ച്ച് ഞ​ങ്ങ​ൾ ചെ​ന്ന​പ്പോ​ൾ ഉ​ച്ച​ക്ക് ര​ണ്ട് മ​ണി​യാ​യ​പ്പോ​ഴേ​ക്കും തീ​ർ​ന്നി​രു​ന്നു. പി​ന്നീ​ട് മ്യൂ​സി​യ​ത്തി​ന് പു​റ​ത്തി​റ​ങ്ങി. കു​റ​ച്ചു ന​ട​ന്ന​പ്പോ​ൾ ത​ണ്ണി​മ​ത്ത​ൻ മു​റി​ച്ച് പീ​സാ​ക്കി ഐ​സി​ലി​ട്ട് ഉ​പ്പി​ലി​ട്ട​ത് ചെ​റു പ്ലെ​യി​റ്റു​ക​ളി​ൽ വി​ൽ​ക്കു​ന്ന​ത് ക​ണ്ടു. ഒ​രു പ്ല​യി​റ്റി​ന് 10 രൂ​പ. ര​ണ്ട് പ്ലെ​യി​റ്റ് വീ​തം ക​ഴി​ച്ച​പ്പോ​ൾ വി​ശ​പ്പ​ക​ന്നു. ദാ​ഹ​വും മാ​റി. പി​ന്നീ​ട് ചൗ​വ​ൽ മ​ഹ​ല്ലി​ന​ടു​ത്തേ​ക്ക്. അ​വി​ടെ ഭേ​ദ​പ്പെ​ട്ട ഒ​രു ഹോ​ട്ട​ലി​ൽ ഉ​ച്ച​ഭ​ക്ഷ​ണ​ത്തി​ന്. അ​പ്പോ​ഴേ​ക്കും മൂ​ന്ന്​ മ​ണി​യാ​യി. മ​ട്ട​ൺ ബി​രി​യാ​ണി ഓ​ർ​ഡ​ർ ചെ​യ്തു. ഒ​ന്നി​ന് 90 രൂ​പ. ക​ഷ​ണ​ങ്ങ​ൾ കു​റ​വാ​ണെ​ങ്കി​ലും ചോ​റ് ധാ​രാ​ളം. രു​ചി​യു​മു​ണ്ട്.

ചൗ ​മ​ഹ​ൽ
 ക​ഴി​ച്ചി​റ​ങ്ങി നേ​രെ മ​ഹ​ല്ലി​ലേ​ക്ക്. ഇ​വി​ടെ​യും കു​റെ പ​ട​ക്കോ​പ്പു​ക​ളും രാ​ജ​കീ​യ വ​സ്ത്ര​ങ്ങ​ളും സൂ​ക്ഷി​ച്ചി​രി​ക്കു​ന്നു. 45 ഏ​ക്ക​ർ ചു​റ്റ​ള​വി​ൽ സ്ഥി​തി ചെ​യ്യു​ന്ന ചൗ ​മ​ഹ​ൽ പാ​ല​സ് (നാ​ല് കൊ​ട്ടാ​ര​ങ്ങ​ൾ ) നൈ​സാ​മു​മാ​രു​ടെ ഔ​ദ്യോ​ഗി​ക വ​സ​തി​യാ​യി​രു​ന്നു. നൈ​സാം ജ​ർ​മ​നി​യി​ൽ പോ​യ​പ്പോ​ൾ വാ​ങ്ങി​യ റോ​ൾ​സ് റോ​യ്സ് കാ​റു​ക​ളും ഇ​വി​ടെ സൂ​ക്ഷി​പ്പാ​യു​ണ്ട്. പു​റ​ത്ത് പു​ൽ​ത്ത​കി​ടി​യി​ൽ ഏ​താ​ണ്ടെ​ല്ലാ​വ​രും നി​ന്ന് ഗ്രൂ​പ്പ് ഫോ​ട്ടോ​യെ​ടു​ത്തു. പി​ന്നെ ചാ​ർ​മി​നാ​റി​ലേ​ക്ക്. ഒ​ന്നി​ച്ച് ടി​ക്ക​റ്റെ​ടു​ത്ത് മു​ക​ളി​ൽ ക​യ​റി. 1591ൽ ​മു​ഹ​മ്മ​ദ് ഖു​ലി ഖു​ത്തു​ബ് ഷാ ​പേ​ർ​ഷ്യ​ൻ വാ​സ്തു​ശി​ൽ​പ രീ​തി​യി​ൽ നി​ർ​മി​ച്ച​താ​ണ് ഹൈ​ദ​രാ​ബാ​ദി​െ​ൻ​റ ഈ ​അ​ട​യാ​ളം. ന​ഗ​ര​ത്തി​ൽ പ​ട​ർ​ന്നു പി​ടി​ച്ച പ്ലേ​ഗ് ശ​മി​ക്കാ​ൻ ദൈ​വ​ത്തി​ന് സ​മ​ർ​പ്പി​ച്ച​താ​ണ് ചാ​ർ​മി​നാ​ർ എ​ന്നൊ​രു ക​ഥ​യു​ണ്ട്. മു​ക​ളി​ൽ ക​യ​റി​യാ​ൽ തൊ​ട്ട​ടു​ത്തു​ള്ള മ​ക്ക മ​സ്ജി​ദി​െ​ൻ​റ വി​ശാ​ല​ത കാ​ണാം.

മ​ക്ക മ​സ്ജി​ദ്
അ​ടു​ത്ത​താ​യി പോ​യ​ത് മ​ക്ക മ​സ്ജി​ദി​ലേ​ക്ക് ത​ന്നെ. പ​രി​സ​ര​ങ്ങ​ളി​ലാ​കെ വ​ഴി​യോ​ര ക​ച്ച​വ​ട​ങ്ങ​ൾ. അ​വ​യി​ൽ പ​ഴ​ങ്ങ​ളും ഫാ​ൻ​സി ഇ​ന​ങ്ങ​ളു​മു​ണ്ട്. വെ​റു​തെ വി​ല ചോ​ദി​ച്ചു ന​ട​ന്നു. പി​ന്നെ വാ​ങ്ങാ​മെ​ന്ന് വി​ചാ​രി​ച്ചു. ചെ​റി​യ പ്ലാ​സ്റ്റി​ക്ക് ക​വ​റു​ക​ളി​ൽ സൗ​ജ​ന്യ കു​ടി​വെ​ള്ള വി​ത​ര​ണം. ചി​ല​ർ അ​ത് വാ​ങ്ങി കു​ടി​ച്ചു. പി​ന്നീ​ട് മ​സ്ജി​ദിൻെറ മു​റ്റ​ത്ത്. മ​ക്ക​ത്തു​നി​ന്ന് മ​ണ്ണ് കൊ​ണ്ടു​വ​ന്ന് ചു​ട്ടെ​ടു​ത്ത ഇ​ഷ്ടി​ക​യി​ൽ തീ​ർ​ത്ത​താ​ണ് പ്ര​ധാ​ന ക​വാ​ടം. മ​ക്ക മ​സ്ജി​ദ് ചു​റ്റി​ക്ക​ണ്ട് കൂ​ടെ​യു​ള്ള​വ​രെ കാ​ത്തി​രു​ന്നു.

സ്​​നോ വേ​ൾ​ഡ്​
 2004ൽ ​ര​ണ്ട് ഏ​ക്ക​റി​ൽ സ്ഥാ​പി​ച്ചി​ട്ടു​ള്ള ഈ ​അ​മ്യൂ​സ്മെ​ൻ​റ് പാ​ർ​ക്ക് പൂ​ജ്യം ഡി​ഗ്രി സെ​ൻ​റീ​ഗ്രേ​ഡി​ലാ​ണു​ള്ള​ത്. ഒ​രേ സ​മ​യം 300 പേ​രെ ഉ​ൾ​ക്കൊ​ള്ളാ​ൻ ഇ​തി​നാ​കും. അ​വി​ടെ​യെ​ത്തി​യ​പ്പോ​ൾ രാ​ത്രി​യാ​യി​രു​ന്നു. 400 രൂ​പ ടി​ക്ക​റ്റി​ൽ ഓ​രോ​രു​ത്ത​രും ഹി​മ​പ്ര​തി​രോ​ധ വ​സ്ത്ര​ങ്ങ​ള​ണി​ഞ്ഞ് അ​ക​ത്തു ക​ട​ന്നു. ശ​രി​ക്കും ഒ​രു മ​ഞ്ഞു​ലോ​കം പോ​ലെ. ക​ശ്​​മീ​രി​ൽ പോ​യ​പ്പോ​ൾ സോ​ണാ​മാ​ർ​ഗി​ലെ മ​ഞ്ഞു​മ​ല​യി​ൽ ചെ​ന്നു​പെ​ട്ട​തു പോ​ല​ത്തെ അ​നു​ഭ​വം. ഫു​ട്ബാ​ൾ ത​ട്ടി​ക്ക​ളി​ച്ചും മ​ഞ്ഞ് പ​ര​സ്പ​രം വാ​രി​യെ​റി​ഞ്ഞും എ​ല്ലാ​വ​രും ആ​സ്വ​ദി​ക്കു​ന്നു. അ​ത് കാ​മ​റ​യി​ൽ പ​ക​ർ​ത്തു​ന്നു. ഒ​രു മ​ണി​ക്കൂ​റോ​ളം ചെ​ല​വ​ഴി​ച്ച് പു​റ​ത്തി​റ​ങ്ങി. ചൂ​ടാ​ക്കാ​ൻ ഓ​രോ ചാ​യ കു​ടി​ച്ചു. നേ​രെ യൂ​ത്ത് ഹോ​സ്റ്റ​ലി​ലേ​ക്ക്. അ​വി​ടെ നി​ന്ന് ഭ​ക്ഷ​ണം ക​ഴി​ച്ച് മു​റി​യി​ലേ​ക്ക്. കു​ളി​ച്ച് പ്രാ​ർ​ഥി​ച്ച് ക്ഷീ​ണം കാ​ര​ണം വേ​ഗ​മു​റ​ങ്ങി.

രാ​മോ​ജി ഫി​ലിം സി​റ്റി
മൂ​ന്നാം ദി​വ​സം. ഇ​ന്ന് യാ​ത്ര രാ​മോ​ജി ഫി​ലിം സി​റ്റി​യി​ലേ​ക്ക്. 25 കി​ലോ​മീ​റ്റ​റോ​ളം യാ​ത്ര ചെ​യ്ത് അ​വി​ടെ​യെ​ത്തി. നി​ര​വ​ധി ഇ​ന്ത്യ​ൻ സി​നി​മ​ക​ൾ​ക്ക് സെ​റ്റൊ​രു​ക്കു​ന്നു​വെ​ന്ന​താ​ണ് ഫി​ലിം സി​റ്റി​യു​ടെ പ്ര​ത്യേ​ക​ത. അ​ക​ത്ത് ക​ട​ന്ന് അ​വ​രു​ടെ പ്ര​ത്യേ​ക ബ​സി​ൽ ചു​റ്റി​ക്കാ​ണ​ൽ ആ​രം​ഭി​ച്ചു. ഒ​രു​പാ​ട് ഹി​റ്റ് മ​ല​യാ​ള ചി​ത്ര​ങ്ങ​ൾ ഇ​വി​ടെ ചി​ത്രീ​ക​രി​ച്ചി​ട്ടു​ണ്ട്. മീ​ശ മാ​ധ​വ​ൻ, ക​ല്യാ​ണ​രാ​മ​ൻ മു​ത​ൽ ടേ​ക് ഓ​ഫ് വ​രെ അ​തി​ലു​ണ്ട്. ഞ​ങ്ങ​ൾ ചെ​ന്നി​റ​ങ്ങി​യ​പ്പോ​ൾ സ്വാ​ഗ​ത പ​രി​പാ​ടി അ​വ​സാ​ന​മാ​യി​രി​ക്കു​ന്നു. ക​ഴി​ഞ്ഞ​തോ​ടെ വീ​ണ്ടും ബ​സി​ൽ ക​യ​റി. ഇ​റ​ങ്ങി​യും ക​ണ്ടും ക​യ​റി​യും വി​ശ്ര​മി​ച്ചും ക​ണ്ടു തീ​ർ​ത്തു. തീ​ർ​ത്തു എ​ന്ന് പ​റ​ഞ്ഞു കൂ​ട. ഇ​നി​യും ബാ​ക്കി​വെ​ച്ച് വൈ​കു​ന്നേ​ര​ത്തോ​ടെ തി​രി​കെ പോ​രേ​ണ്ടി വ​ന്നു. 1100 രൂ​പ കൊ​ടു​ത്ത് അ​ക​ത്തു ക​ട​ന്നാ​ൽ ഭ​ക്ഷ​ണ​ത്തി​നൊ​ഴി​കെ പി​ന്നെ പ​ണം കൊ​ടു​ക്കേ​ണ്ട. ഭ​ക്ഷ​ണ​ത്തി​ന് ഇ​ര​ട്ടി​യും മൂ​ന്നി​ര​ട്ടി​യു​മൊ​ക്കെ വി​ല​യു​ള്ളൂ​വെ​ന്നേ​യു​ള്ളൂ. ചാ​യ​ക്ക് 20 രൂ​പ​യാ​ണ്. പു​റ​ത്തു നി​ന്നു​ള്ള ഭ​ക്ഷ​ണ​ങ്ങ​ൾ അ​ക​ത്ത് ക​ട​ത്താ​നും പാ​ടി​ല്ല.

ഫി​ലിം സി​റ്റി​യി​ൽ നി​ന്ന് തി​രി​ച്ച് പോ​ര​വേ ശ​ക്ത​മാ​യ ഇ​ടി​യും മ​ഴ​യും. റോ​ഡി​ലൊ​ക്കെ വെ​ള്ളം. മു​റി​യി​ൽ രാ​ത്രി ഏഴു മ​ണി​യോ​ടെ താമസസ്ഥലത്ത് എത്തി. ഇ​നി​യും ഹൈ​ദ​രാ​ബാ​ദ് ധം ​ബി​രി​യാ​ണി ക​ഴി​ച്ചി​ട്ടി​ല്ല, ഹൈ​ദ​രാ​ബാ​ദി​െ​ൻ​റ പ്ര​േ​ത്യ​ക​ത​യാ​യ ക​റാ​ച്ചി ബി​സ്​​ക്ക​റ്റ്​ വാ​ങ്ങി​യി​ട്ടു​മി​ല്ല. താ​മ​സ സ്ഥ​ല​ത്തി​ന​ടു​ത്തു​ള്ള ഗ്രേ​റ്റ് ബ​ർ​ച്ചി ഹോ​ട്ട​ലി​ൽ നി​ന്ന്​ ബി​രി​യാ​ണി​ ക​ഴി​ച്ചു. ബി​സ്​​ക്ക​റ്റി​ന്​ ഒാ​ർ​ഡ​ർ ന​ല​കി. പി​റ്റേ​ന്ന് രാ​വി​ലെ ത​ന്നെ തി​രി​കെ വ​രാ​ൻ ഒ​രു​ക്ക​ങ്ങ​ൾ തു​ട​ങ്ങി. ഓ​ർ​ഡ​ർ കൊ​ടു​ത്ത ക​റാ​ച്ചി ബി​സ്ക്ക​റ്റ് ബേ​ക്ക​റി​ക്കാ​ർ റെ​യി​ൽ​വേ സ്‌​റ്റേ​ഷ​നി​ലെ​ത്തി​ച്ചു​ത​ന്നു. 11.15ഓ​ടെ ട്രെ​യി​ൻ പു​റ​പ്പെ​ട്ടു. യാ​ത്ര​യു​ടെ ര​സ​വും കൂ​ടി​ച്ചേ​ര​ലു​മൊ​ക്കെ തി​രി​കെ​യു​ള്ള ട്രെ​യി​ൻ യാ​ത്ര​യി​ലാ​യി​രു​ന്നു. പാ​ടി​യും പ​റ​ഞ്ഞും പ​ല​തും വാ​ങ്ങി പ​കു​ത്തു ന​ൽ​കി​യും അ​വി​സ്മ​ര​ണീ​യ​മാ​ക്കി. കാ​ണാ​ൻ ഇ​നി​യും നെ​ഹ്റു സു​വോ​ള​ജി​ക്ക​ൽ പാ​ർ​ക്ക്, ഖു​തു​ബ് ഷാ​ഹി ശ​വ​കു​ടീ​ര​ങ്ങ​ൾ, ബി​ർ​ല മ​ന്ദി​ർ തു​ട​ങ്ങി കു​റെ സ്​​ഥ​ല​ങ്ങ​ൾ ബാ​ക്കി​വെ​ച്ച് വീ​ണ്ടും വ​രാ​മെ​ന്ന പ്ര​തീ​ക്ഷ​യോ​ടെ ഹൈ​ദ​രാ​ബാ​ദി​നോ​ട് വി​ട​ചൊ​ല്ലി.