ദിനോസറുകൾക്കും മുമ്പേ​ ഈ ഇത്തിരിക്കുഞ്ഞൻമാർ

കണ്ടാൽ ചെറുതാണെങ്കിലും വീട്​ വൃത്തികേടക്കാനും വീട്ടിലുള്ളവരുടെ സമാധാനംകളയാനും പാറ്റകൾ ധാരാളം മതി. പാത്രങ്ങളിലും ഷെൽഫുകളിലും കയറി ഇറങ്ങുന്നതിനൊപ്പം അസുഖങ്ങൾ പരത്താനും ഇൗ പാറ്റകൾ കാരണമാവാറുണ്ട്​. Cockroach എന്നാണ്​ ഇൗ ഷഡ്​പദത്തി​െൻറ ഇംഗ്ലീഷ്​ നാമം.

തെക്കൻ കേരളത്തിൽ പാറ്റ എന്നറിയപ്പെടുന്ന ഇവ വടക്കൻ കേരളത്തിൽ എത്തു​േമ്പാൾ കൂറ ആയി മാറുന്നു. പാറ്റകൾക്കും കൗതുകങ്ങൾ ഏറെയുണ്ട്​. ഇവയുടെ പൂർവികർ ദിനോസറുകൾക്കും മുമ്പ്​ ജീവിച്ചിരുന്നു എന്നാണ്​ പഠനങ്ങൾ കണ്ടെത്തിയിരിക്കുന്നത്​. ഏതാണ്ട്​ 140 മില്യൺ വർഷങ്ങൾക്കുമുമ്പ്​ ആണത്രെ ഇവയുടെ ജനനം.

ഏതു പരിതസ്​ഥിതിയിലും തകരാ​െത പിടിച്ചുനിൽക്കാൻ കഴിവുള്ള ഇൗ ജീവിയുടെ പൂർവികർ പാലിയോസോയിക്​ -മെസോയിക്​ കാലഘട്ടങ്ങൾക്കിടയിലായിരുന്നു ജീവിച്ചിരുന്നത്​. ഭൂമിയിൽ ഇന്ന്​ കാണുന്ന വൻകരകളെല്ലാം ഒരു കാലത്ത്​ ഒറ്റ വൻകര ആയിരുന്നു. പാൻജിയ എന്നായിരുന്നു ഇൗ വൻകരയുടെ പേര്​. പിന്നീട്​ ഇത്​ പിളർന്ന്​ മാറി. ഇവയുടെ പിളർപ്പിനോടൊപ്പം പാറ്റകളും വിവിധ പ്രദേശങ്ങളിലേക്ക്​ സഞ്ചരിച്ചു തുടങ്ങി. ഇൗ ഒരു സഞ്ചാരം പാറ്റകളുടെ പുതിയ സ്​പീഷീസുകൾക്ക്​ ജന്മം നൽകാൻ കാരണമായി.

ആദ്യകാലത്ത്​ 3.5 ഇഞ്ച്​ ആയിരുന്നു ഇവയുടെ ശരീരവലുപ്പം. എന്നാൽ ഇന്ന്​ കാണുന്ന പാറ്റകൾക്ക്​ ശരാശരി 1.5 ഇഞ്ച്​ വലുപ്പമാണുള്ളത്​. ഉഷ്​ണ മേഖലാ പ്രദേശങ്ങളിൽ ഇന്നും വലുപ്പമേറിയ പാറ്റകളെ കാണപ്പെടാറുണ്ട്​.

അസാധാരണമായ ഗതിവേഗം ആർജിക്കാനും ഏറ്റവും പ്രയാസം പിടിച്ച വിടവുകളിലൂടെ കടന്നുപോകാനും കഴിയുന്ന ഇവക്ക്,​ സ്വന്തം ശരീരത്തി​െൻറ അമ്പതിരട്ടി ശക്​തിയിൽ ചവയ്​ക്കാനുള്ള ശേഷിയുണ്ട്​. മനുഷ്യരേക്കാൾ അഞ്ചിരട്ടി ബലമുള്ള താടിയെല്ലുകളാണ്​ ഇവയെ കടുപ്പമേറിയ വസ്​തുക്കളെ പോലും ചവച്ചരയ്​ക്കാൻ സഹായിക്കുന്നത്​.

കൈയ്​റ്റിൻ എന്ന രാസവസ്​തുവിനാൽ നിർമിക്ക​െ​പ്പട്ട ഇവയുടെ അസ്​ഥികൂടം ശരീരത്തിനു പുറത്താണ്​ സ്​ഥിതിചെയ്യുന്നത്​.