വര പറയുന്നു

ഭാവങ്ങളുടെയും വികാരങ്ങളുടെയും ആവിഷ്കാരമാണ്​ ചിത്രകല. അത് മനസ്സിനെ ആഹ്ലാദത്തിന്റെ നെറുകയിലേ​ക്കെത്തിക്കും. ചിലസമയം പൊട്ടിച്ചിരിപ്പിക്കും. ചിലപ്പോൾ ഏ​റെ ചിന്തിപ്പിക്കും, കരയിക്കും... ആരെയും ചിരിപ്പിക്കുകയെന്നതാണ്​ യഥാർഥത്തിൽ കാർട്ടൂണിന്റെ മുഖ്യധർമം എന്നുപറയാം. സാമൂഹിക വിമർശനം പരിഹാസത്തിലൂടെ നിർവഹിക്കുകയെന്നതാണ്​ കാർട്ടൂണുകളെ ലോകത്തെവിടെയും പ്രിയങ്കരമാക്കുന്നത്​. ചിരിയും ചിന്തയും കൃത്യമായ അനുപാതത്തിൽ ലയിപ്പിച്ചെടുത്തതാണ്​ കാർട്ടൂണുകൾ. സാമൂഹിക വിമർശനത്തിന്​ ഇത്രയും ജനകീയമായൊരു മാധ്യമം വേറെയില്ല എന്നുതന്നെ പറയേണ്ടിവരും.

കാർട്ടൂണി​ന്റെ ഉത്ഭവകാലത്ത്​ അവ കലാരംഗത്തിന്റെ​ പുറത്തായിരുന്നു. ചിത്രകലയെ കാർട്ടൂണുകൾ നശിപ്പിക്കുമെന്നായിരുന്നു കലാസ്വാദകരുടെ വിശ്വാസം. ആദ്യകാലത്ത് വ്യക്തികേന്ദ്രീകൃതമായിരുന്ന കാർട്ടൂണുകൾ പിന്നീട് സമൂഹത്തിലേക്ക്​ ശ്രദ്ധ തിരിഞ്ഞപ്പോഴാണ്​ കാർട്ടൂൺ ശക്തിയുള്ള കലാപ്രസ്​ഥാനമായത്​. 1841ൽ ഹെൻട്രി മേഹ്യം 'പഞ്ച്​' കാർട്ടൂണിന്റെ ചരിത്രത്തിലെ തിളക്കമുള്ള സംഭാവനയായിരുന്നു. രാഷ്​ട്രീയ പരിഹാസമായിരുന്നു 'പഞ്ചി'ന്റെ സവിശേഷത.

വാക്കിലെ 'കാർട്ടൂൺ' ​

Carten എന്ന ഇറ്റാലിയൻ വാക്കിൽനിന്നോ Cartoo എന്ന ഫ്രഞ്ച്​ വാക്കിൽനിന്നോ ആവണം കാർട്ടൂൺ എന്ന ഇംഗ്ലീഷ്​ വാക്കിന്റെ ഉത്ഭവം എന്നാണ് കണ്ടെത്തൽ. കട്ടിക്കടലാസിൽ വരക്കുന്നതായിരുന്നു അന്ന് കാർട്ടൂൺ. ഇങ്ങനെയുള്ള ചിത്രമായതിനാലാണ് ഇതിന്​ കാർട്ടൂൺ എന്ന പേര്​ വന്നത്. അപൂർണമായ ചിത്രം എന്ന അർഥത്തിലാണ്​ അന്ന്​ 'കാർട്ടൂൺ' എന്ന്​ ഈ ചിത്രങ്ങളെ വിളിച്ചത്​.

ചരിത്രം

ചിത്രകലയിൽ പുതുമകൾ വരുത്തുന്നതി​െൻറ ഭാഗമായി ഇറ്റാലിയൻ ചിത്രകാരന്മാരാണ് അനാട്ടമിയിൽ വക്രീകരണവും അതിശയോക്തിയും കലർത്തി ചിത്രീകരിക്കാൻ ശ്രമിച്ചത്. ഇവയായിരുന്നു​ ആദ്യകാല കാർട്ടൂണുകൾ. ബ്രിട്ടീഷ്​ കാർട്ടൂണിസ്​റ്റായ വില്യം ഹെഗാർത്തിനെ (1697^1764) കാർട്ടൂൺ കലയുടെ പിതാവായി കണക്കാക്കുന്നു.

മലയാളവും കാർട്ടൂണുകളും

1914ൽ കൊല്ലത്ത്​ പ്രകാശിതമായ വിദൂഷകനിലാണ് ആദ്യ മലയാള കാർട്ടൂൺ പ്രത്യക്ഷപ്പെടുന്നത്. 1919ൽ ഒക്​ടോബർ ലക്കത്തിൽ 'മഹാക്ഷാമ' എന്ന കാർട്ടൂൺ ചിത്രീകരിച്ചിരുന്നു. എന്നാൽ, ഇത് ആരുടെ കാർട്ടൂണാണെന്ന് വ്യക്തമല്ല. കേരളം ലോകത്തിന്​ നൽകിയ സംഭാവനയാണ്​ കാർട്ടൂണിസ്​റ്റ്​ ശങ്കർ. ശ​േങ്കഴ്​സ്​ വീക്കിലിയിലും മറ്റു പ്രസിദ്ധീകരണത്തിലുമായി ശങ്കർ വരച്ച കാർട്ടൂണുകൾ ജവഹർലാൽ നെഹ്​റുവിനെപ്പോലുള്ള മഹാന്മാരുടെ പ്രശംസക്ക്​ പാത്രമായി. 1948 മുതൽ 1975 വരെയാണ്​ ശ​​േങ്കഴ്​സ്​ വീക്കിലി പ്രസിദ്ധീകരിച്ചത്​. മലയാളികളായ കാർട്ടൂണിസ്​റ്റുകളെ കണ്ടെത്തിയതും ശങ്കറായിരുന്നു. ചിൽഡ്രൻസ്​ ബുക്ക്​ ട്രസ്​റ്റി​െൻറ സ്​ഥാപകനായിരുന്നു ശങ്കർ. ശങ്കരൻകുട്ടി എന്ന 'കുട്ടി', ഒ.വി. വിജയൻ, അബു എബ്രഹാം തുടങ്ങിയവരെ ശങ്കർ കണ്ടെത്തിയതായിരുന്നു.

ഇന്ത്യൻ കാർട്ടൂൺ ചരിത്രത്തിലെ മികച്ച അധ്യായമാണ്​ ആർ.കെ. ലക്ഷ്​മണൻ. സഹോദരൻ ആർ.കെ. നാരായണ​െൻറ വിഖ്യാതമായ മാൽഗുഡി ഡേയ്​​സിന്​ വരച്ച കാർട്ടൂണുകളും കാരിക്കേച്ചറുകളും ലോകപ്രസിദ്ധമാണ്​.

പോക്കറ്റ്​ കാർട്ടൂണുകൾ

പത്രങ്ങളിൽ പ്രസിദ്ധീകരിക്കുന്ന ഒറ്റക്കോളം കാർട്ടൂണുകളാണ്​ പോക്കറ്റ്​ കാർട്ടൂണുകൾ. 1896ൽ 'ന്യൂയോർക്​ വേൾഡ്' ദിനപത്രത്തിൽ അടിച്ചുവന്ന 'yello kid' ആണ്​ ആദ്യ പോക്കറ്റ്​ കാർട്ടൂൺ.

​എഡിറ്റോറിയൽ കാർട്ടൂൺ

പത്രത്തി​െൻറ എഡി​റ്റോറിയൽ പേജിൽ പ്രത്യക്ഷപ്പെടുന്ന കാർട്ടൂൺ. സമകാലീന രാഷ്​ട്രീയ-സാമൂഹിക സംഭവങ്ങളാണ്​ എഡിറ്റോറിയൽ കാർട്ടൂണിലെ പ്രതിപാദ്യ വിഷയം.

സീരീസ്​ കാർട്ടൂൺ

ഏകദേശം എട്ടു കോളങ്ങളിലായി തുടർച്ചയായി വരുന്ന കാർട്ടൂണുകളാണ് സീരീസ് കാർട്ടൂൺ. കാർട്ടൂണിസ്​റ്റ്​ ടോംസ്​ വരച്ച കാർട്ടൂണായ 'ബോബനും മോളിയും' തുടർ കാർട്ടൂണിന് ഉദാഹരണമാണ്.

അനിമേഷൻ കാർട്ടൂൺ

മിക്കി മൗസ്​, ടോം ആൻഡ്​ ജെറി, ജങ്കിൾബുക്ക് ഇവയെല്ലാം നിങ്ങൾക്ക് ഇഷ്ടപ്പെട്ട കഥാപാത്രങ്ങളല്ലേ. ഇത്തരം ചിത്രങ്ങളെ അനിമേഷൻ കാർട്ടൂണുകളെന്നു വിളിക്കും. കാർട്ടൂണുകളിലെ ചലനരൂപമാണ് ഇവ. സിനിമയുടെ കണ്ടുപിടിത്തമാണ് ഈ ശാഖക്കും വഴിയൊരുക്കിയത്. അനിമ എന്ന ലാറ്റിൻ പദത്തിൽനിന്നാണ്​ അനിമേഷൻ ചിത്രങ്ങളുണ്ടായത്​.

കാരിക്കേച്ചർ

നിരവധി കാരിക്കേച്ചറുകൾ ചേരുന്നതാണ് ഒരു കാർട്ടൂൺ. ഒരു വ്യക്തിയുടെ പ്രത്യേകതകൾ എടുത്തുകാണിച്ച് നർമരസത്തിൽ വരക്കുന്നതിനെ കാരിക്കേച്ചർ എന്ന് പറയുന്നു. അതിശയോക്തി കലർത്തി പൊരുത്തക്കേടുകളെ വക്രീകരിച്ചും വരക്കുന്ന ചിത്രങ്ങളാണിവ. വ്യക്തിയുടെ ഹാസ്യാത്മകമായ ചിത്രീകരണമാണ്​ കാരിക്കേച്ചർ. വ്യക്തിയുടെ രൂപസാദൃശ്യങ്ങളെ വരകളിലൂടെ അവതരിപ്പിക്കു​േമ്പാഴാണ്​ കാരി​േക്കച്ചറുകൾ ഉണ്ടാവുന്നത്​. പതിനേഴാം നൂറ്റാണ്ടിൽ ഇറ്റലിയിലെ മോസിനി പ്രസിദ്ധീകരിച്ച 'ഡൈവേഴ്​സ്​ ഫിഗറിൽ' കാരിക്കേച്ചർ എന്ന പദം ഉപയോഗിച്ചിട്ടുണ്ട്​. ചിത്രകലയുടെ ദിവ്യപരിവേഷത്തെ കാർട്ടൂണും കാരിക്കേച്ചറുകളും മുടിക്കുമെന്നുമായിരുന്നു ആദ്യകാലത്ത്​ ചിത്രകലാസ്വാദകരുടെ വിശ്വാസം. അതുകൊണ്ടുതന്നെ ഇൗ കല ചിത്രകലയുടെ വേലിക്കെട്ടിന്​ പുറത്തായിരുന്നു. വ്യക്തിയുടെ ഹാസ്യചിത്രം എന്ന നിലയിൽ കാരിക്കേച്ചറുകൾ ആദ്യം വരച്ചത്​ അനിബേൽ കരാച്ചിയാണ്​.