‘‘മുസ്‍ലിം ലീഗ് പറയുന്നതല്ല പരിഹാര മാർഗം’’

മു​സ്​​ലിം ലീ​ഗി​നോ​ട്​ തു​ട​ക്കം​ മു​ത​ലേ ശ​ക്ത​മാ​യ എ​തി​ർ​പ്പ്​ പ്ര​ക​ടി​പ്പി​ച്ച നേ​താ​വാ​ണ്​  ടി.​കെ. ഹം​സ. ഇ​ട​തു​പാ​ള​യ​ത്തി​ലെ​ത്തു​ന്ന​തി​ന് മു​മ്പും ലീ​ഗ്​ വി​മ​ർ​ശ​ക​നാ​യി​രു​ന്നു അ​ദ്ദേ​ഹം. ഇ​പ്പോ​ഴ​ത്തെ ലീ​ഗി​​ന്റെ ന​യ​വും ന​ട​പ​ടി​ക​ളും ഗു​ണ​ക​ര​മ​ല്ലെ​ന്ന്​ വ്യ​ക്ത​മാ​ക്കി അ​ദ്ദേ​ഹം ത​​ന്റെ ത​ന​തു​ശൈ​ലി​യി​ൽ വി​മ​ർ​ശ​നം അ​ഴി​ച്ചു​വി​ടു​ന്നു. 

മു​സ്‍ലിം ലീ​ഗി​ന്റെ പ്ലീ​ന​റി സ​മ്മേ​ള​നം വ​ലി​യ ആ​ഘോ​ഷ​മാ​യി​ത​ന്നെ​യാ​ണ് ന​ട​ന്ന​തും സ​മാ​പി​ച്ച​തും. പ​ക്ഷേ, സ​മ്മേ​ള​ന​ത്തോ​ടെ മു​സ്‍ലിം ലീ​ഗി​ന്റെ ന​യ​പ​രി​പാ​ടി​ക​ളി​ൽ വ​രു​ന്ന മാ​റ്റ​മെ​ന്താ​ണെ​ന്ന​താ​ണ് നാം ​ച​ർ​ച്ച ചെ​യ്യേ​ണ്ട​ത്. ഇ​ന്ത്യ മു​ഴു​വ​ൻ പ്ര​വ​ർ​ത്ത​നം വ്യാ​പി​പ്പി​ക്കു​മെ​ന്നും കേ​ന്ദ്ര​ത്തി​ലെ ബി.​ജെ.​പി സ​ർ​ക്കാ​റി​നെ​തി​രെ ദേ​ശീ​യ ബ​ദ​ലി​ന് ശ്ര​മി​ക്കു​മെ​ന്നും മു​സ്‍ലിം ജ​ന​വി​ഭാ​ഗ​ത്തെ രാ​ജ്യ​വ്യാ​പ​ക​മാ​യി സം​ഘ​ടി​പ്പി​ക്കു​മെ​ന്നു​മാ​ണ് ലീ​ഗ് വ​ലി​യ പ്ര​ഖ്യാ​പ​ന​മാ​യി പു​റ​ത്തു​വി​ട്ടി​രി​ക്കു​ന്ന​ത്. എ​ന്നാ​ൽ, സ്വ​ന്തം സ്വാ​ധീ​ന​വും ശ​ക്തി​യും മ​ന​സ്സി​ലാ​ക്കാ​തെ​യാ​ണ് ഇ​ത്ത​രം അ​വ​കാ​ശ​വാ​ദ​ങ്ങ​ളു​മാ​യി അ​വ​ർ രം​ഗ​ത്തി​റ​ങ്ങു​ന്ന​െ​ത​ന്ന് പ​റ​യാ​തെ നി​ർ​വാ​ഹ​മി​ല്ല. എ​ന്താ​ണ് തെ​ക്ക​ൻ കേ​ര​ള​ത്തി​ൽ ലീ​ഗി​ന്റെ സ്വാ​ധീ​നം? കേ​ര​ള​ത്തി​ൽ​പോ​ലും വ​ലി​യ സ്വാ​ധീ​ന​മി​ല്ലാ​ത്ത ലീ​ഗാ​ണ് ദേ​ശീ​യ​ത​ല​ത്തി​ൽ സ്വാ​ധീ​നം വ​ർ​ധി​പ്പി​ക്കാ​ൻ ന​ട​ക്കു​ന്ന​ത്. ഇ​ന്ന​ത്തെ ദേ​ശീ​യ രാ​ഷ്ട്രീ​യ​ത്തി​ന്റെ അ​വ​സ്ഥ എ​ന്താ​ണെ​ന്ന​തി​ൽ ലീ​ഗി​ന് എ​ത്ര​മാ​ത്രം ബോ​ധ്യ​മു​ണ്ടെ​ന്ന് സം​ശ​യി​ക്ക​ത്ത​ക്ക വി​ധ​ത്തി​ലാ​ണ് അ​വ​രു​ടെ പ്ര​ഖ്യാ​പ​നം.

സം​ഘ്പ​രി​വാ​ർ നേ​തൃ​ത്വം ന​ൽ​കു​ന്ന കേ​ന്ദ്ര സ​ർ​ക്കാ​റി​നെ​തി​രെ​യു​ള്ള ഏ​ത് പോ​രാ​ട്ട​വും രാ​ജ്യ​ത്തെ മ​തേ​ത​ര ക​ക്ഷി​ക​ളു​ടെ കൂ​ട്ടാ​യ്മ​യി​ലാ​ണ് ന​ട​ക്കേ​ണ്ട​ത്. ഇ​ക്കാ​ര്യ​ത്തി​ൽ പ​ക്ഷേ, ലീ​ഗി​ന്റെ മു​ഖ്യ സ​ഖ്യ​ക​ക്ഷി​യാ​യ കോ​ൺ​ഗ്ര​സി​ന്റെ നി​ല​പാ​ട് എ​ന്താ​ണ്? കോ​ൺ​ഗ്ര​സ് ഇ​പ്പോ​ഴും സ്വ​പ്ന​ലോ​ക​ത്താ​ണ് എ​ന്ന് പ​റ​യേ​ണ്ടി​വ​രും. ത​ങ്ങ​ളാ​ണ് ബി.​ജെ.​പി​യെ നേ​രി​ടാ​ൻ കെ​ൽ​പു​ള്ള ഏ​ക പാ​ർ​ട്ടി​യെ​ന്ന കോ​ൺ​ഗ്ര​സി​ന്റെ ചി​ന്ത രാ​ജ്യ​ത്തി​ന് ഗു​ണ​ക​ര​മ​ല്ല. ബി.​ജെ.​പി​ക്കെ​തി​രാ​യ പോ​രാ​ട്ട​ത്തി​ൽ വി​ട്ടു​വീ​ഴ്ച​യി​ല്ലാ​തെ പൊ​രു​താ​ൻ ആ​ദ്യം വേ​ണ്ട​ത് ആ​ർ.​എ​സ്.​എ​സി​നെ​തി​രെ​യു​ള്ള നി​ല​പാ​ടാ​ണ്. ആ​ർ.​എ​സ്.​എ​സി​നോ​ട് ഒ​രു എ​തി​ർ​പ്പു​മി​ല്ലാ​ത്ത​തി​നാ​ലാ​ണ് കോ​ൺ​ഗ്ര​സ് നേ​താ​ക്ക​ൾ അ​നു​ദി​നം ബി.​ജെ.​പി​യി​ലേ​ക്ക് ചേ​ക്കേ​റു​ന്ന​ത്. ആ​ന്ധ്ര​പ്ര​ദേ​ശ് മു​ൻ മു​ഖ്യ​മ​ന്ത്രി​യാ​ണ് ഏ​റ്റ​വു​മൊ​ടു​വി​ൽ ബി.​ജെ.​പി​യി​ൽ ചേ​രു​മെ​ന്ന തീ​രു​മാ​ന​മ​റി​യി​ച്ചി​രി​ക്കു​ന്ന​ത്. ഈ ​കോ​ൺ​ഗ്ര​സി​നെ ‘വി​ശ്വ​സി​ച്ചാ’​ണ് ലീ​ഗ് ന്യൂ​ന​പ​ക്ഷ സ​മു​ദാ​യ​ത്തെ സം​ര​ക്ഷി​ക്കു​മെ​ന്ന പ്ര​ഖ്യാ​പ​ന​വു​മാ​യി ന​ട​ക്കു​ന്ന​ത്.

സ്വാ​ത​ന്ത്ര്യ​ത്തി​ന് മു​മ്പു​ത​ന്നെ മു​സ്‍ലിം ലീ​ഗ് രാ​ഷ്ട്രീ​യ പാ​ർ​ട്ടി​യാ​ണ്. പ​ക്ഷേ, അ​തി​ന്റെ അ​ടി​സ്ഥാ​ന​വും വി​കാ​ര​വും ല​ക്ഷ്യ​വു​മെ​ല്ലാം അ​ന്നേ മ​ത​പ​ര​മാ​ണെ​ന്നു മാ​ത്രം. മ​ത​പ​ര​മാ​യ വി​കാ​ര​ത്തി​ന്റെ അ​ടി​സ്ഥാ​ന​ത്തി​ൽ ആ ​വി​ശ്വാ​സ ആ​ദ​ർ​ശ​ങ്ങ​ളെ ഉ​യ​ർ​ത്തി​പ്പി​ടി​ച്ച് പ്ര​വ​ർ​ത്തി​ച്ച് ആ​ളു​ക​ളെ സം​ഘ​ടി​പ്പി​ക്കു​ക​യെ​ന്ന​താ​ണ് അ​വ​ർ ല​ക്ഷ്യ​മി​ട്ട​ത്. ആ ​ല​ക്ഷ്യം പാ​കി​സ്താ​ന്റെ രൂ​പ​വ​ത്ക​ര​ണ​ത്തോ​ടെ നി​റ​വേ​റ്റ​പ്പെ​ട്ടെ​ന്ന് പ​റ​യാം. പാ​കി​സ്താ​ൻ എ​ന്ന രാ​ഷ്ട്ര​വും സ്വ​ന്ത​മാ​ക്കി അ​വ​ർ പോ​യി. ലീ​ഗി​ൽ നേ​താ​ക്ക​ളും അ​ണി​ക​ളു​മാ​യി​രു​ന്ന വ​ലി​യൊ​രു വി​ഭാ​ഗം പാ​കി​സ്താ​നി​ലേ​ക്ക് പോ​യി. ഇ​ന്ത്യ​യി​ൽ അ​വ​ശേ​ഷി​ച്ചി​രു​ന്ന​വ​രി​ൽ പ്ര​മു​ഖ തോ​ൽ വ്യാ​പാ​രി​യാ​യി​രു​ന്ന ഇ​സ്മാ​ഈ​ൽ സാ​ഹി​ബി​നെ പ്ര​സി​ഡ​ന്റാ​ക്കി അ​ഖി​ലേ​ന്ത്യ ക​മ്മി​റ്റി​യു​ണ്ടാ​ക്കി. അ​തി​നു​ശേ​ഷം ലീ​ഗ് ഇ​ന്ത്യ​യി​ൽ പ​റ​ഞ്ഞി​രു​ന്ന​ത്, മു​സ്‍ലിം സ​മു​ദാ​യ​ത്തി​ന്റെ ആ​വ​ശ്യ​ങ്ങ​ൾ സ​ർ​ക്കാ​റി​ന്റെ ശ്ര​ദ്ധ​യി​ൽ​പെ​ടു​ത്താ​നും അ​വ​കാ​ശ​ങ്ങ​ൾ നേ​ടി​യെ​ടു​ക്കാ​നും പ്ര​വ​ർ​ത്തി​ക്കു​ക​യാ​ണ് ല​ക്ഷ്യ​മെ​ന്നാ​ണ്.

ചെ​ന്നൈയിൽ സംഘടിപ്പിച്ച മുസ്‍ലിം ലീഗ് 75ാം വാർഷിക സ​മ്മേ​ള​ന​ത്തി​നെത്തിയ ജനാവലിയെ സാദിഖലി ശിഹാബ് തങ്ങളും പി.കെ. കുഞ്ഞാലിക്കുട്ടിയും അഭിവാദ്യം ചെയ്യുന്നു

എ​ന്നാ​ൽ, ചെ​ന്നൈ പ്ലീ​ന​റി സ​മ്മേ​ള​ന​ത്തി​ൽ ലീ​ഗി​ന്റെ പ്ര​ഖ്യാ​പ​നം കേ​ട്ട​പ്പോ​ൾ മ​ന​സ്സി​ലാ​യ​ത് പ​ഴ​യ ലീ​ഗ് പു​നഃ​സ്ഥാ​പി​ക്കാ​നു​ള്ള ശ്ര​മ​മാ​ണെ​ന്നാ​ണ്. അ​താ​യ​ത് രാ​ജ്യം മു​ഴു​വ​ൻ മു​സ് ലിം ​ജ​ന​വി​ഭാ​ഗം സം​ഘ​ടി​ക്ക​ണ​മെ​ന്നും രാ​ഷ്ട്രീ​യ അ​ധി​കാ​രം സ്ഥാ​പി​ക്കാ​ൻ പ്ര​യ​ത്നി​ക്ക​ണ​മെ​ന്നു​മു​ള്ള പ്ര​ഖ്യാ​പ​ന​മാ​ണ് ചെ​ന്നൈ​യി​ൽ മു​ഴ​ങ്ങി​യ​ത്. ഈ ​ആ​ഹ്വാ​നം ഒ​രു ബ​ഹു​സ്വ​ര സ​മൂ​ഹ​ത്തി​ൽ ദൂ​ര​വ്യാ​പ​ക പ്ര​ത്യാ​ഘാ​ത​മു​ണ്ടാ​ക്കും. കാ​ര​ണം, മ​ത​പ​ര​മാ​യി ത​ന്നെ​യാ​ണ് എ​ല്ലാ​വ​രും സം​ഘ​ടി​ക്കേ​ണ്ട​തെ​ന്ന ചി​ന്ത​ക്ക് ബ​ല​മേ​കു​ന്ന​താ​ണ് ലീ​ഗി​ന്റെ ഈ ​തീ​രു​മാ​നം. സം​ഘ്പ​രി​വാ​റി​ന്റെ നി​ല​പാ​ടു​ക​ൾ​ക്ക് വ​ള​മേ​കു​ന്ന നി​ല​പാ​ടു​ക​ൾ ആ​രും സ്വീ​ക​രി​ക്ക​രു​തെ​ന്നാ​ണ് മ​ത​നി​ര​പേ​ക്ഷ ഭാ​ഗ​ത്തു​ള്ള​വ​ർ പ​റ​യു​ന്ന​ത്. ബി.​ജെ.​പി​യോ​ട് അ​ക​ലം പാ​ലി​ക്കു​ന്ന പ​ല​രും ലീ​ഗി​ന്റെ ഈ ​നി​ല​പാ​ട് മാ​റ്റ​ത്തോ​ടെ ബി.​ജെ.​പി​യു​മാ​യി കൂ​ടു​ത​ൽ അ​ടു​ക്കാ​ൻ ഇ​ട​വ​രു​ത്തും. ഈ​യൊ​രു ആ​ശ​ങ്ക ഞാ​ൻ ലീ​ഗ് നേ​താ​ക്ക​ളു​മാ​യി ത​ന്നെ പ​ങ്ക് വെ​ക്കു​ന്നു​മു​ണ്ട്. ഇ​ത്ത​രം പ്ര​ഖ്യാ​പ​ന​ങ്ങ​ളി​ലൂ​ടെ ലീ​ഗി​ന് നേ​ട്ട​മു​ണ്ടാ​കി​ല്ല എ​ന്ന് മാ​ത്ര​മ​ല്ല, എ​തി​രാ​ളി​ക​ൾ​ക്ക് ഗു​ണ​ക​ര​മാ​കു​ക​യും ചെ​യ്യും.

ചെ​റു​പ്പ​കാ​ലം മു​ത​ൽ​ത​ന്നെ ഞാ​ൻ ലീ​ഗി​നോ​ട് അ​ക​ലം പാ​ലി​ക്കാ​ൻ കാ​ര​ണം ഒ​രു മ​തേ​ത​ര രാ​ജ്യ​ത്ത് ഇ​ത്ത​ര​മൊ​രു ആ​ശ​യ​ത്തി​ന് പ്ര​സ​ക്തി​യി​ല്ലെ​ന്ന​തി​നാ​ലാ​ണ്. ലീ​ഗി​ന്റെ രൂ​പ​വ​ത്ക​ര​ണം​പോ​ലും ഇ​ത്ത​ര​ത്തി​ൽ മ​നു​ഷ്യ​രെ ഭി​ന്നി​പ്പി​ക്കാ​നു​ള്ള ബ്രി​ട്ടീ​ഷ് ന​യ​ത്തി​ന്റെ ഭാ​ഗ​മാ​യാ​ണെ​ന്ന് പ​റ​യാം. 1857ലെ ​ഒ​ന്നാം സ്വാ​ത​ന്ത്ര്യ​സ​മ​ര​ത്തി​ൽ എ​ല്ലാ വി​ഭാ​ഗം ജ​ന​ങ്ങ​ളും മ​ത​ജാ​തി ചേ​രി​തി​രി​വി​ല്ലാ​തെ ഒ​റ്റ​ക്കെ​ട്ടാ​യാ​ണ് അ​ണി​നി​ര​ന്ന​ത്. ഇ​തോ​ടെ ബ്രി​ട്ടീ​ഷു​കാ​ർ ഒ​രു കാ​ര്യം മ​ന​സ്സി​ലാ​ക്കി. ഇ​നി​യും ഇ​ന്ത്യ​യി​ൽ തു​ട​ര​ണ​മെ​ങ്കി​ൽ ജ​ന​ങ്ങ​ളെ മ​ത​പ​ര​മാ​യി ഭി​ന്നി​പ്പി​ക്ക​ണ​മെ​ന്ന​ത്. ഇ​തി​നാ​യി ഓ​രോ മ​ത​വി​ഭാ​ഗ​ങ്ങ​ളെ​യും അ​വ​ർ പ​ര​മാ​വ​ധി ഉ​പ​യോ​ഗ​പ്പെ​ടു​ത്തി. അ​ന്ത​മാ​ൻ ജ​യി​ലി​ൽ ക​ഴി​ഞ്ഞി​രു​ന്ന സ​വ​ർ​ക്ക​ർ മാ​പ്പ് എ​ഴു​തി ന​ൽ​കി തി​രി​ച്ചെ​ത്തി​യ​തും ഹി​ന്ദു മ​ഹാ​സ​ഭ​യു​ടെ രൂ​പ​വ​ത്ക​ര​ണ​വു​മെ​ല്ലാം ഇ​തി​ന്റെ ബാ​ക്കി​പ​ത്ര​മാ​ണ്. മു​സ്‍ലിം ലീ​ഗു​ണ്ടാ​കു​ന്ന​തും ഇ​ത്ത​ര​ത്തി​ലു​ള്ള ഭി​ന്നി​പ്പി​ക്ക​ൽ ന​യ​ത്തി​ന്റെ തു​ട​ർ​ച്ച​യാ​യാ​ണ്. ആ ​ലീ​ഗ് ബ്രി​ട്ടീ​ഷു​കാ​ർ​ക്കു​വേ​ണ്ടി പ്ര​ചാ​ര​ണം​വ​രെ ന​ട​ത്തി​യി​ട്ടു​ണ്ടെ​ന്ന​താ​ണ് വാ​സ്ത​വം. ‘‘അ​തു​കൊ​ണ്ട് വേ​ണ്ട ജ​ന​ങ്ങ​ളെ സ്വ​യ​രാ​ജ്യം’’ എ​ന്ന വ​രി​ക​ൾ പാ​ടി​ന​ട​ന്ന​വ​രാ​ണ് ലീ​ഗു​കാ​ർ. അ​ന്ന​ത്തെ ലീ​ഗ​ല്ല, ഇ​ന്ന​ത്തെ ലീ​ഗ് എ​ന്ന അ​വ​രു​ടെ വാ​ദ​ത്തി​ൽ വ​ലി​യ ക​ഴ​മ്പി​ല്ല. കാ​ര​ണം, പി​താ​മ​ഹ​ൻ ഒ​ന്നു​ത​ന്നെ​യാ​ണ്.

പ​ണ്ട​ത്തേ​തി​ൽ​നി​ന്ന് അ​പേ​ക്ഷി​ച്ച് വി​ദ്യാ​ഭ്യാ​സ​പ​ര​മാ​യും സാം​സ്കാ​രി​ക​പ​ര​മാ​യും വ​ള​രെ ഉ​ന്ന​തി​യി​ലാ​ണ് കേ​ര​ള​ത്തി​ലെ മു​സ്‍ലിം ജ​ന​വി​ഭാ​ഗം. മു​സ്‍ലിം സ്ത്രീ​ക​ൾ വി​ദ്യാ​ഭ്യാ​സ​രം​ഗ​ത്ത് ഏ​റെ മു​ന്നേ​റി​ക്ക​ഴി​ഞ്ഞു. ഈ ​യാ​ഥാ​ർ​ഥ്യം മ​ന​സ്സി​ലാ​ക്കാ​തെ​യാ​ണ് ലീ​ഗി​ന്റെ പോ​ക്ക്. അ​താ​യ​ത് ലോ​ക​ത്തെ​യും രാ​ജ്യ​ത്തെ​യും രാ​ഷ്ട്രീ​യ സാ​ഹ​ച​ര്യം കൃ​ത്യ​മാ​യി മ​ന​സ്സി​ലാ​ക്കു​ന്ന ജ​ന​ങ്ങ​ളെ തെ​റ്റി​ദ്ധ​രി​പ്പി​ക്കാ​ൻ ആ​ർ​ക്കും സാ​ധി​ക്കി​ല്ല. ഭ​ര​ണ​മി​ല്ലെ​ങ്കി​ൽ പി​ടി​ച്ചു​നി​ൽ​ക്കാ​നാ​കി​ല്ലെ​ന്ന യാ​ഥാ​ർ​ഥ്യ​മ​റി​യാ​വു​ന്ന ലീ​ഗ് നേ​താ​ക്ക​ൾ തെ​റ്റി​ദ്ധ​രി​പ്പി​ക്കു​ന്ന പ്ര​ഖ്യാ​പ​ന​ങ്ങ​ളു​മാ​യി അ​ണി​ക​ളെ പി​ടി​ച്ചു​നി​ർ​ത്താ​ൻ ശ്ര​മി​ക്കു​ന്ന കാ​ഴ്ച​യാ​ണ് കാ​ണു​ന്ന​ത്.

ചെ​ന്നൈ​യി​ൽ ന​ട​ന്ന പ്ലീ​ന​റി സ​മ്മേ​ള​ന​ത്തി​ൽ പ​ങ്കെ​ടു​ത്ത​തെ​ല്ലാം മ​ല​പ്പു​റ​ത്തും കോ​ഴി​ക്കോ​ട്ടു​മു​ള്ള നേ​താ​ക്ക​ളും പ്ര​വ​ർ​ത്ത​ക​രു​മാ​ണ്. ഈ ​സ​മ്മേ​ള​നം ഇ​വി​ടെ സം​ഘ​ടി​പ്പി​ക്കാ​വു​ന്ന​ത​ല്ലേ​യു​ള്ളൂ. ത​മി​ഴ്നാ​ട്ടി​ൽ എ​ന്ത് സ്വാ​ധീ​ന​മാ​ണ് ലീ​ഗി​നു​ള്ള​തെ​ന്ന് ന​മു​ക്കെ​ല്ലാ​വ​ർ​ക്കു​മ​റി​യാം. അ​ഖി​ലേ​ന്ത്യ പ്ര​സി​ഡ​ന്റ് ഖാ​ദ​ർ മൊ​യ്തീ​ൻ ഡി.​എം.​കെ ടി​ക്ക​റ്റി​ലാ​ണ് ലോ​ക്സ​ഭ​യി​ലെ​ത്തി​യ​ത്. വെ​ല്ലൂ​ർ മ​ണ്ഡ​ല​ത്തി​ൽ​നി​ന്ന് ഡി.​എം.​കെ​യു​ടെ കാ​രു​ണ്യ​ത്തി​ൽ ലോ​ക്സ​ഭ​യി​ലെ​ത്തി​യ പ്ര​സി​ഡ​ന്റു​ള്ള പാ​ർ​ട്ടി​യാ​ണ് ഇ​ന്ന് ദേ​ശീ​യ​രാ​ഷ്ട്രീ​യ​ത്തി​ൽ ച​ല​ന​മു​ണ്ടാ​ക്കാ​ൻ ഇ​റ​ങ്ങി​പ്പു​റ​പ്പെ​ടു​ന്ന​ത്. ഇ​ത് ഓ​ർ​ക്കാ​ൻ കാ​ര​ണം ഞാ​ൻ അം​ഗ​മാ​യ പാ​ർ​ല​മെ​ന്റി​ലാ​ണ് ഖാ​ദ​ർ മൊ​യ്തീ​ൻ ഡി.​എം.​കെ ടി​ക്ക​റ്റി​ൽ മെം​ബ​റാ​യി ഇ​രു​ന്നി​രു​ന്ന​ത്. ചി​ല നേ​താ​ക്ക​ൾ​ക്ക് കാ​ലാ​കാ​ല​ങ്ങ​ളി​ൽ നേ​തൃ​പ​ദ​വി കൈ​യാ​ളാ​നു​ള്ള ഒ​രു അ​വ​സ​ര​മെ​ന്ന​തി​ൽ​നി​ന്ന് ലീ​ഗ് ഇ​ന്നും ഒ​രി​ഞ്ച് പോ​ലും മു​ന്നോ​ട്ടു പോ​യി​ട്ടി​ല്ല. ഏ​ത് സ​മ്മേ​ള​ന​ശേ​ഷ​വും ലീ​ഗി​ൽ എ​ക്കാ​ല​വും ഒ​രേ നേ​തൃ​ത്വ​മാ​ണ്. തി​രു​വാ​യ്ക്ക് എ​തി​ർ​വാ​യി​ല്ലെ​ന്ന രീ​തി​ക്ക് മാ​റ്റ​മി​ല്ലാ​തെ എ​ങ്ങ​നെ​യാ​ണ് ഒ​രു പാ​ർ​ട്ടി മു​ന്നോ​ട്ടു പോ​വു​ക? പു​തി​യ ത​ല​മു​റ​യി​ലെ ചെ​റു​പ്പ​ക്കാ​ർ​ക്ക് നേ​തൃ​രം​ഗ​ത്തേ​ക്ക് ക​ട​ന്നു​വ​രാ​ൻ അ​വ​സ​ര​മൊ​രു​ക്കാ​തെ ഒ​രു പാ​ർ​ട്ടി​ക്കും ഇ​നി മു​ന്നോ​ട്ടു​പോ​കാ​നാ​കി​ല്ല.

മുസ്‍ലിം ലീഗ് 75ാം വാർഷിക സ​മ്മേ​ള​ന​ത്തി​നെത്തിയ തമിഴ്നാട് മുഖ്യമന്ത്രി എം.കെ. സ്റ്റാലിനെ സാദിഖലി ശിഹാബ് തങ്ങൾ സ്വീകരിക്കുന്നു. മുസ്‍ലിം ലീഗ് ദേശീയ പ്രസിഡന്റ് ഖാ​ദ​ർ മൊ​യ്തീ​ൻ സമീപം

സി.​പി.​എം സം​സ്ഥാ​ന സ​മ്മേ​ള​ന​വും പ്ലീ​ന​വും പാ​ർ​ട്ടി കോ​ൺ​ഗ്ര​സും കൃ​ത്യ​മാ​യ ഇ​ട​വേ​ള​ക​ളി​ൽ ചേ​രു​മ്പോ​ഴെ​ല്ലാം സം​ഘ​ട​നാ​പ​ര​വും താ​ത്ത്വി​ക​വു​മാ​യ കാ​ര്യ​ങ്ങ​ളി​ൽ കൂ​ടു​ത​ൽ പ​രി​ഷ്ക​ര​ണ​ത്തി​നാ​യാ​ണ് ശ്ര​മി​ക്കാ​റു​ള്ള​ത്. അ​തു​വ​ഴി ഭാ​വി​പ്ര​വ​ർ​ത്ത​ന​ത്തി​ൽ മാ​റ്റം​വ​രു​ത്താ​റു​ണ്ട്. ഇ​തു​പോ​ലെ​ത​ന്നെ​യാ​ണ് കൂ​ടു​ത​ൽ ചെ​റു​പ്പ​ക്കാ​രെ ക​മ്മി​റ്റി​ക​ളി​ൽ ഉ​ൾ​പ്പെ​ടു​ത്തു​ക എ​ന്ന​തി​ന് സി.​പി.​എം ന​ൽ​കു​ന്ന പ്രാ​ധാ​ന്യം. രാ​ഷ്ട്രീ​യ പാ​ർ​ട്ടി​ക​ളു​ടെ പ്ര​വ​ർ​ത്ത​ന​ത്തി​ൽ കാ​ലോ​ചി​ത മാ​റ്റം വ​ര​ണ​മെ​ങ്കി​ൽ തീ​രു​മാ​ന​ങ്ങ​ളെ​ടു​ക്കു​ന്ന ക​മ്മി​റ്റി​ക​ളി​ൽ പു​തി​യ ത​ല​മു​റ​യു​ടെ ചി​ന്ത​ക​ൾ പ്ര​തി​ഫ​ലി​ക്ക​ണം. അ​തി​നു​ള്ള സ​ന്ന​ദ്ധ​ത​യാ​ണ് ലീ​ഗ് കാ​ണി​ക്കേ​ണ്ടി​യി​രു​ന്ന​ത്. പ​ക്ഷേ, അ​ത്ത​രം തീ​രു​മാ​ന​മെ​ടു​ക്കു​മ്പോ​ൾ സ്വ​ന്തം അ​ധി​കാ​ര സ്ഥാ​ന​ങ്ങ​ൾ കൈ​വി​ട്ടു​പോ​കു​മ​ല്ലോ​യെ​ന്ന ചി​ന്ത​യാ​ണ് അ​വ​രു​ടെ നേ​താ​ക്ക​ളെ ന​യി​ക്കു​ന്ന​ത്. ഇ​തോ​ടൊ​പ്പം ചേ​ർ​ത്ത് പ​റ​യേ​ണ്ട​താ​ണ് ത​ങ്ങ​ൾ കു​ടും​ബ​ത്തെ ഉ​പ​യോ​ഗ​പ്പെ​ടു​ത്തി കാ​ര്യ​സാ​ധ്യം ന​ട​ത്തു​ന്ന രീ​തി​യും.

മു​സ്‍ലിം ലീ​ഗി​ന്റെ നി​ല​പാ​ടു​ക​ളി​ലെ വൈ​രു​ധ്യം തു​റ​ന്നു​കാ​ട്ടാ​ൻ പ​ര​മാ​വ​ധി വേ​ദി​ക​ൾ പ്ര​യോ​ജ​ന​പ്പെ​ടു​ത്തി​യ ഒ​രു വ്യ​ക്തി​യെ​ന്ന നി​ല​യി​ൽ ലീ​ഗി​ന്റെ ദൗ​ർ​ബ​ല്യം ഞാ​ൻ തി​രി​ച്ച​റി​ഞ്ഞി​ട്ടു​ണ്ട്. മ​തം രാ​ഷ്ട്രീ​യ​ത്തി​ന് ഉ​പ​യോ​ഗി​ക്കു​ന്ന അ​വ​രു​ടെ ന​യ​ത്തി​ന്റെ അ​പ​ക​ടം തു​റ​ന്നു​കാ​ട്ടി​യ​തി​ന് എ​ക്കാ​ല​വും എ​ന്നെ തോ​ൽ​പി​ക്കാ​ൻ പ​ര​മാ​വ​ധി നോ​ക്കി​യ​വ​രാ​ണ് ലീ​ഗ് നേ​തൃ​ത്വം. പ​ക്ഷേ, ജ​നം ഒ​രി​ക്ക​ലും എ​ന്നെ കൈ​വി​ട്ടി​ല്ല. ഞാ​ൻ മ​ത്സ​രി​ച്ച തെ​ര​ഞ്ഞെ​ടു​പ്പു​ക​ളി​ലെ​ല്ലാം ലീ​ഗ് എ​നി​ക്കെ​തി​രെ പ​ല​വി​ധ ആ​യു​ധ​ങ്ങ​ളാ​ണ് പ്ര​യോ​ഗി​ച്ച​ത്. ലീ​ഗി​നേ​റ്റ തോ​ൽ​വി​ക​ൾ പ​ല​തു​ണ്ടെ​ങ്കി​ലും മ​ഞ്ചേ​രി ലോ​ക്സ​ഭ മ​ണ്ഡ​ല​ത്തി​ൽ ഏ​റ്റ തി​രി​ച്ച​ടി അ​വ​ർ​ക്ക് താ​ങ്ങാ​വു​ന്ന​തി​ലു​മ​പ്പു​റ​മാ​യി​രു​ന്നു. ആ ​തോ​ൽ​വി​യി​ൽ ന​ടു​ങ്ങി​യ ലീ​ഗ് മ​ഞ്ചേ​രി ലോ​ക്സ​ഭ മ​ണ്ഡ​ലം​ത​ന്നെ പി​ന്നീ​ട് ഇ​ല്ലാ​താ​ക്കാ​ൻ പ്ര​വ​ർ​ത്തി​ച്ചു. ലീ​ഗി​ന് സ്വാ​ധീ​ന​മു​ള്ള നി​യ​മ​സ​ഭ മ​ണ്ഡ​ല​ങ്ങ​ൾ കൂ​ട്ടി​ച്ചേ​ർ​ത്ത് മ​ല​പ്പു​റം മ​ണ്ഡ​ല​മാ​ക്കി അ​വ​ർ ത​ങ്ങ​ളു​ടെ ഭാ​വി സു​ര​ക്ഷി​ത​മാ​ക്കി. ലീ​ഗി​ന്റെ കോ​ട്ട​ക​ൾ ത​ക​രി​ല്ലെ​ന്ന​ത് വെ​റും കെ​ട്ടു​ക​ഥ​യാ​ണെ​ന്ന് തെ​ളി​ഞ്ഞ​തോ​ടെ പി​ന്നീ​ടും അ​വ​ർ​ക്ക് തി​രി​ച്ച​ടി​ക​ൾ നേ​രി​ട്ടു.

പാ​വ​പ്പെ​ട്ട മു​സ​ൽ​മാ​നോ​ട് ലീ​ഗി​ന് എ​ന്ത് പ്ര​തി​ബ​ദ്ധ​ത​യാ​ണു​ള്ള​തെ​ന്ന് അ​വ​ർ​ത​ന്നെ സ്വ​യം ആ​ലോ​ചി​ക്ക​ണം. ജാ​തി​യോ മ​ത​മോ നോ​ക്കാ​തെ പാ​വ​പ്പെ​ട്ട എ​ല്ലാ​വ​ർ​ക്കും പെ​ൻ​ഷ​ൻ ന​ട​പ്പാ​ക്കി​യ​ത് ഇ​ട​ത് സ​ർ​ക്കാ​റാ​ണ്. കൃ​ഷി​ഭൂ​മി കൃ​ഷി​ക്കാ​ര​ന് എ​ന്ന് ഖു​ർ​ആ​നി​ലു​ണ്ട്. അ​തു​ത​ന്നെ​യാ​ണ് കാ​ൾ മാ​ർ​ക്സും പ​റ​ഞ്ഞ​ത്. മു​സ് ലിം ​സ​മു​ദാ​യ​ത്തി​ലെ സാ​ധാ​ര​ണ​ക്കാ​രോ​ട് പ്ര​തി​ബ​ദ്ധ​ത​യു​ണ്ടെ​ങ്കി​ൽ ലീ​ഗ് അ​വ​ർ​ക്കാ​യി ത​ങ്ങ​ളു​ടെ ഭ​ര​ണ​കാ​ല​ത്ത് പ്ര​വ​ർ​ത്തി​ച്ചാ​ണ് മാ​തൃ​ക കാ​ണി​ക്കേ​ണ്ടി​യി​രു​ന്ന​ത്. ത​ങ്ങ​ളു​ടെ നി​ല​പാ​ടു​ക​ളി​ൽ എ​ന്ത് പു​തി​യ മാ​റ്റ​മാ​ണ് കൊ​ണ്ടു​വ​രു​ക​യെ​ന്ന് അ​വ​ർ വ്യ​ക്ത​മാ​ക്കാ​ത്തി​ട​ത്തോ​ളം പ്ലീ​ന​റി എ​ന്ന​ല്ല അ​വ​രു​ടെ എ​ല്ലാ സ​മ്മേ​ള​ന​ങ്ങ​ളും കേ​വ​ല​മൊ​രു സ​മ്മേ​ള​നം മാ​ത്ര​മാ​യി അ​വ​ശേ​ഷി​ക്കും.