വ​ര​ണ്ടുപോ​കാ​ത്ത ഇ​ട​ങ്ങ​ൾ

മ​ണി​ലാ​ൽ ര​ച​ന​യും സം​വി​ധാ​ന​വും നി​ർ​വഹി​ച്ച ‘ഭാരതപുഴ’ കാണുന്നു. ന​ളി​നി ജ​മീ​ല​യു​മാ​യി ദീ​ർ​ഘ​കാ​ല​ത്തെ പ​രി​ച​യമു​ള്ള സം​വി​ധാ​യ​ക​ൻ, അ​വ​രു​ടെ അ​നു​ഭ​വ​ങ്ങ​ളു​ടെ സ്വാ​ധീ​നം കൂ​ടി ‘ഭാരതപുഴ’യു​ടെ ര​ച​ന​യി​ൽ കാ​ണാ​ൻ ക​ഴി​യു​െമന്ന് ലേഖിക നിരീക്ഷിക്കുന്നു..

‘‘എ​നി​ക്ക് മു​ഖ​മി​ല്ല/ ഹൃ​ദ​യ​മി​ല്ല/ ആ​ത്മാ​വി​ല്ല/ എ​നി​ക്കു​ണ്ട്/ ര​ണ്ടു മു​ല​ക​ൾ.’’ പ്ര​സി​ദ്ധ​മാ​യ ഈ ​ത​മി​ഴ് പെ​ൺ​ക​വി​താ​ശ​ക​ലം അ​റി​യാ​തെ പ​ല​വ​ട്ടം മ​ന​സ്സി​ലൂ​ടെ മി​ന്നിമാ​ഞ്ഞു പൊ​യ്ക്കൊണ്ടി​രു​ന്നു, മ​ണി​ലാ​ൽ ര​ച​ന​യും സം​വി​ധാ​ന​വും നി​ർ​വഹി​ച്ച ‘ഭാരതപുഴ’ ക​ണ്ടുകൊ​ണ്ടി​രു​ന്ന​പ്പോ​ൾ.

‘‘ക​ല്യാ​ണം ക​ഴി​ഞ്ഞ​തി​ൽ പി​ന്നെ/പു​ഴ ഏ​തു​വ​രെ പോ​കു​ന്നു,/ കാ​ട്ടി​ത്ത​രൂ എ​ന്നു ഞാ​ൻ ‘അ​വ​രോ’​ടു​ ചോ​ദി​ച്ചു.../അ​മ്പ​തു​മൈ​ല​പ്പു​റം പു​ഴ​യു​ടെ വ​ഴി​യി​ൽ/ ഒ​ര​ണ​ക്കെ​ട്ട് കാ​ട്ടി​ത്ത​ന്നു/ഇ​തു​വ​രെ​യേ എ​നി​ക്കും അ​റി​യൂ എ​ന്നു​പ​റ​ഞ്ഞു/ എ​ന്നാ​ലും ആ​റു പൊ​യ്ക്കൊ​ണ്ടി​രു​ന്നു/ ഞാ​നോ ചി​രി​ച്ചു​കൊ​ണ്ടി​രു​ന്നു...’’

ത​മി​ഴി​ലെ പ്ര​ശ​സ്ത​ ക​വി സു​ഗ​ന്ധി സു​ബ്ര​ഹ്മ​ണ്യ​ത്തി​ന്റെ വ​രി​ക​ൾ ഇ​തോ​ടു​കൂ​ടി കൂ​ട്ടിവാ​യി​ക്കാ​ം. സ്ത്രീ​ക​ൾ ത​ങ്ങ​ളു​ടെ വീ​ക്ഷ​ണ​ങ്ങ​ളും അ​ഭി​ലാ​ഷ​ങ്ങ​ളും സാ​ഹി​ത്യ​ത്തി​ൽ മ​റ​യി​ല്ലാ​തെ തു​റ​ന്നുപ​റ​യാ​ൻ തു​ട​ങ്ങി​യി​ട്ട് അ​ധി​ക കാ​ല​മാ​യി​ട്ടി​ല്ല. സാ​ഹി​ത്യ​ത്തെ​ക്കാ​ൾ ഈ ​വി​ഷ​യസ​മീ​പ​ന​ത്തി​ൽ ഏ​റെ ചെ​റു​പ്പ​മാ​ണ് ദൃ​ശ്യ​ക​ലാ മാ​ധ്യ​മ​ങ്ങ​ൾ​ക്ക്. സ്ത്രീ ​സ്വ​ത്വ​ത്തെ വീ​ടും കു​ടും​ബാ​ധി​ഷ്ഠി​ത​മാ​യ കെ​ട്ടു​പാ​ടു​ക​ളും അ​ധി​കാ​ര വ്യ​വ​സ്ഥി​തി​യു​മാ​യി ബ​ന്ധ​പ്പെ​ടു​ത്തി മാ​ത്ര​മേ സി​നി​മ​ക​ളി​ൽ കൈ​കാ​ര്യംചെ​യ്യാ​റു​ള്ളൂ. കു​ടും​ബ​ത്തി​ൽനി​ന്നും പു​റ​ത്തു​ള്ള ചി​ല വ്യ​ക്തിബ​ന്ധ​ങ്ങ​ളി​ലേ​ക്കും യാ​ത്ര, സു​ഹൃ​ത്തു​ക്ക​ൾ, ഇ​ഷ്ടാ​നു​സ​ര​ണം തി​ര​ഞ്ഞെ​ടു​ക്കു​ന്ന ഭ​ക്ഷ​ണ​പാ​നീ​യ​ങ്ങ​ൾ, പു​തി​യ കാ​ഴ്ച​ക​ൾ ഇ​വ​യെ​ല്ലാം സ്ത്രീ​യെ കു​ടും​ബ​ത്തി​ൽനി​ന്നു പു​റ​ത്താ​ക്കു​ക​യും സ്ത്രീലൈം​ഗി​ക​ത​യെ മാ​ത്രം അ​ട​യാ​ള​പ്പെ​ടു​ത്തു​ന്ന രീ​തി​യി​ൽ ഭാ​ഷ​യി​ൽ രൂ​പ​പ്പെ​ട്ടി​രി​ക്കു​ന്ന ചി​ല പ​ദ​ങ്ങ​ളി​ലേ​ക്ക് അ​വ​ളെ ചു​രു​ക്കു​ക​യും ചെ​യ്യു​ന്നു.

പു​രു​ഷ​ൻ കു​ടും​ബ​ത്തി​ൽനി​ന്നും എ​പ്പോ​ൾ വേ​ണ​മെ​ങ്കി​ലും പു​റ​ത്തേ​ക്കു വ​രു​ക​യും തി​രി​കെ വൈ​ഷ​മ്യ​മി​ല്ലാ​തെ സ്വ​യം പ്ര​വേ​ശ​നം സാ​ധ്യ​മാ​ക്കു​ക​യും ചെ​യ്യും. സ്ത്രീ​യെ സം​ബ​ന്ധി​ച്ച് അ​ത്ത​രം ഒ​രു പു​റ​ത്തേ​ക്കുപോ​ക​ൽ പി​ന്നീ​ട് പു​നഃപ്ര​വേ​ശ​നം സാ​ധ്യ​മാ​കാ​ത്ത ത​ര​ത്തി​ൽ സ​മൂ​ഹ​ത്തി​ന്റെ വി​ചാ​ര​ണ​ക​ൾ നേ​രി​ടേ​ണ്ട ഒ​രു അ​വ​സ്ഥ​യി​ലേ​ക്ക് അ​വ​ളെ എ​ത്തി​ക്കു​ന്നു. സു​ഗ​ന്ധി സു​ബ്ര​ഹ്മ​ണ്യ​ത്തി​ന്റെ ക​വി​ത​യി​ലേ​തു​പോ​ലെ അ​വ​ൾ​ക്ക് വീ​ട്ടി​ൽ ഇ​രു​ന്ന് ന​ദി​യു​ടെ ഒ​ഴു​ക്ക് കാ​ണേ​ണ്ടി​വ​രും. പ​ക്ഷേ, സ​മൂ​ഹ​ത്തി​ന്റെ വി​ധി​വി​ല​ക്കു​ക​ൾ​ക്ക് അ​പ്പു​റം ഭാ​വ​നാ​ത്മ​ക​മാ​യി ആ ​ച​ങ്ങ​ല​ക്കെ​ട്ടു​ക​ൾ അ​വ​ൾ നി​ർ​ദാ​ക്ഷി​ണ്യം ത​ക​ർ​ത്തെ​റി​യു​ക​യും ചെ​യ്യും.

ഭാരതപ്പുഴ വ​ര​ണ്ടുപോ​യ ന​ദി​യാ​ണ്. മ​ല​യാ​ള​ക്ക​ര​യു​ടെ ഹൃ​ദ​യ​ത്തെ തൊ​ട്ടു​ണ​ർ​ത്തി​യ കി​നാ​ക്കാ​ല​ങ്ങ​ൾ​ക്ക് ഭൂ​മി​ക​യാ​യ​വ​ൾ. ക​വി​ക​ളെ​യും ക​ലാ​കാ​ര​ന്മാ​രെ​യും ത​ന്റെ മ​ണ​ൽ​ത്തി​ട്ട​യി​ൽ രാ​ത്രിസ​ഞ്ചാ​ര​ത്തി​ന് ക്ഷ​ണി​ച്ച​വ​ൾ. അ​വ​ളു​ടെ വി​ശാ​ല​മാ​യ പു​ളി​ന​വും നി​റ​ഞ്ഞൊ​ഴു​കു​ന്ന ത​ണ്ണീ​രും ക​ല്ലി​നെ​പ്പോ​ലും ക​വി​യാ​ക്കി മാ​റ്റാ​ൻ ത്രാ​ണി​യു​ള്ള​താ​യി​രു​ന്നു. കാ​ലാ​ന്ത​ര​ത്തി​ൽ നീ​ര് വ​റ്റി ശു​ഷ്കി​ച്ച് മ​ണ​ൽ​ത്തി​ട്ട​ക​ളും ച​ളി​ക്കു​ണ്ടു​ക​ളും മാ​ത്ര​മാ​യി തെ​ളി​ഞ്ഞുനി​ൽ​ക്കു​ന്ന, മാ​റ് കാ​ണി​ച്ച് വേ​ന​ലി​ൽ കി​ത​ച്ചൊ​ഴു​കു​ന്ന അ​വ​ൾ ദു​രമൂ​ത്ത മ​നു​ഷ്യ​രെ​ക്കു​റി​ച്ച് പ​റ​യാ​തെ പ​റ​യു​ന്നു​ണ്ട്.

സു​ഗ​ന്ധി വ​ര​ണ്ടുപോ​യ​വ​ള​ല്ല. യൗ​വ​ന​ത്തി​ന്റെ തീ​ക്ഷ്ണ​ദാ​ഹ​ങ്ങ​ളും മോ​ഹ​ഭം​ഗ​ങ്ങ​ളു​ടെ ക​ന​ൽ​ക്ക​ട്ട​ക​ളും സ​ഫ​ല​മാ​കാ​ത്ത പ്ര​ണ​യസ്വ​പ്ന​ങ്ങ​ളും പി​ഞ്ചി​ലേ നു​ള്ളി​യെ​ടു​ത്ത ബാ​ല്യ​ത്തി​ന്റെ നൊ​മ്പ​ര​ങ്ങ​ളും ഉ​ള്ളി​ൽ പേ​റു​ന്ന​വ​ളാ​ണ്. അ​വ​ൾ​ക്ക് ലോ​ക​ത്തെ അ​റി​യാം. മ​നു​ഷ്യ​രെ അ​റി​യാം. പു​രു​ഷ​നെ അ​റി​യാം. ത​ന്നെ കെ​ണി​യി​ൽപെ​ടു​ത്തി​യ ലോ​ക​ത്തോ​ട് വ​ലി​യ പ്ര​തി​കാ​ര​ ചി​ന്ത​ക​ൾ ഒ​ന്നു​മി​ല്ലാ​തെ ഒ​ഴു​ക്കി​നൊ​ത്ത് നീ​ന്തു​ക​യാ​ണ​വ​ൾ. താ​ൻ ക​ണ്ടു​മു​ട്ടു​ന്ന ഓ​രോ മ​നു​ഷ്യ​നെയും ഒ​രു രാ​ത്രി​യു​ടെ മാ​ത്രം ക​ണ​ക്കി​ൽപെ​ടു​ത്താ​തെ ചി​ല​പ്പോ​ഴെ​ങ്കി​ലും ഓ​ർ​ക്കു​ന്നു​ണ്ട​വ​ൾ.

മ​ല​യാ​ള​ത്തി​ൽ ചലനം സൃ​ഷ്ടി​ച്ച കൃതിയാ​യി​രു​ന്നു ന​ളി​നി ജ​മീ​ല​യു​ടെ ‘ഒ​രു ലൈം​ഗി​ക തൊ​ഴി​ലാ​ളി​യു​ടെ ആ​ത്മ​ക​ഥ’. ഒ​മ്പ​തു വ​യ​സ്സു മു​ത​ൽ ജോ​ലി​ക്ക് പോ​യി തു​ട​ങ്ങി​യ​താ​ണ് ന​ളി​നി ജ​മീ​ല. ഓ​ട്ടു​ക​മ്പ​നി​യി​ലും മ​ണ്ണു​മ​ട​യി​ലും ബാ​ല​വേ​ല ചെ​യ്ത കാ​ല​വും അ​ക്കാ​ല​ത്ത് നേ​രി​ട്ട പീ​ഡ​നശ്ര​മ​ങ്ങ​ളും അ​വ​ർ വി​വ​രി​ക്കു​ന്നു​ണ്ട്. ന​ളി​നി ജ​മീ​ല​യു​മാ​യി ദീ​ർ​ഘ​കാ​ല​ത്തെ പ​രി​ച​യമു​ണ്ട് സം​വി​ധാ​യ​ക​ൻ മ​ണി​ലാ​ലി​ന്. അ​വ​രു​ടെ അ​നു​ഭ​വ​ങ്ങ​ളു​ടെ സ്വാ​ധീ​നം കൂ​ടി ‘ഭാരതപുഴ’യു​ടെ ര​ച​ന​യി​ൽ കാ​ണാ​ൻ ക​ഴി​യും. സു​ഗ​ന്ധി ഏ​റെ സ്നേ​ഹ​ത്തോ​ടെ സ​മീ​പി​ക്കു​ന്ന ഡോ​ക്ട​ർ (ശ്രീ​ജി​ത്ത് ര​വി അ​വ​ത​രി​പ്പി​ക്കു​ന്ന ക​ഥാ​പാ​ത്രം) ന​ളി​നി ജ​മീ​ല​യു​ടെ അ​നു​ഭ​വ ക​ഥ​ന​ങ്ങ​ളി​ലെ പു​ന​ത്തി​ൽ കു​ഞ്ഞ​ബ്ദു​ള്ള​യെ ഓ​ർ​മി​പ്പി​ക്കു​ന്നു​ണ്ട്.

രാ​ത്രിസ​ഞ്ചാ​ര​ങ്ങ​ൾ​ക്ക് അ​ക​മ്പ​ടി സേ​വി​ക്കു​ന്ന ഷാ​ബു​വും വീ​ൽചെ​യ​റി​ലി​രു​ന്ന് മ​ടിപി​ടി​ച്ച് ജീ​വി​തം ത​ള്ളിനീ​ക്കു​ന്ന എ​ഴു​ത്തു​കാ​ര​നും, അ​വ​ളു​ടെ ഭാ​വ​ങ്ങ​ളെ ശി​ൽ​പ​മാ​ക്കാ​ൻ വെ​മ്പു​ന്ന ശി​ൽപി​യും അ​വ​ളു​ടെ ഇ​ഷ്ട​ങ്ങ​ളെ ചോ​ദ്യംചെ​യ്യു​ന്നി​ല്ല. എ​ന്നാ​ൽ, വെ​റിപി​ടി​ച്ച പു​രു​ഷ​ന്റെ ആ​ർ​ത്തി​യി​ൽനി​ന്ന് അ​വ​ളെ സം​ര​ക്ഷി​ക്കാ​ൻ അ​വ​ർ​ക്കാ​ർ​ക്കും സാ​ധി​ക്കു​ന്നു​മി​ല്ല.

മണിലാൽ

തൃ​ശൂ​ർ റൗ​ണ്ടി​ലെ രാ​ത്രിജീ​വി​ത​ത്തെ അ​ട​യാ​ള​പ്പെ​ടു​ത്തു​മ്പോ​ൾ പ്ര​ക​ടി​പ്പി​ക്കു​ന്ന സൂ​ക്ഷ്മ​ത സി​നി​മ​യും ജീ​വി​ത​വും ഒ​ന്നാ​ണെ​ന്ന തോ​ന്ന​ലു​ണ്ടാ​ക്കു​ന്നു​ണ്ട്. യ​ഥാ​ർ​ഥ ജീ​വി​തം/​യ​ഥാ​ർ​ഥ മ​നു​ഷ്യ​ർ മ​റ​നീ​ക്കി പു​റ​ത്തുവ​രു​ന്ന​ത് രാ​ത്രി​യി​ലാ​ണെ​ന്ന യാ​ഥാ​ർ​ഥ്യം പ​ല സ​ന്ദ​ർ​ഭ​ങ്ങ​ളി​ലൂ​ടെ സി​നി​മ അ​ടി​വ​ര​യി​ട്ടു​റ​പ്പി​ക്കു​ന്നു. വ്യാ​ജ വാ​ഗ്ദാ​ന​ങ്ങ​ളി​ലൂ​ടെ സു​ഗ​ന്ധി​യു​ടെ സ​ർ​വ വി​ശ്വാ​സ​വും ആ​ർ​ജിച്ചെ​ടു​ക്കു​ന്ന കി​ട​പ്പ​റ​ക്കൂ​ട്ടു​കാ​ര​ൻ (ഇ​ർ​ഷാ​ദ് അ​ലി​യു​ടെ ക​ഥാ​പാ​ത്രം) പ​ക​ൽസ​മ​യ​ത്ത് കു​ല പു​രു​ഷ​നാ​യി, അ​വ​ളു​മാ​യി ഒരു മു​ൻ​പ​രി​ച​യ​വു​മി​ല്ലെ​ന്ന ഭാ​വ​ത്തി​ൽ ഭാ​ര്യ​യും മ​ക്ക​ളു​മൊ​ത്ത് ന​ട​ന്നുനീ​ങ്ങു​ന്ന​തു കാ​ണാം.

‘‘ഈ ​ലോ​ക​ത്തെ ന​ന്നാ​ക്കാ​ൻ എ​ല്ലാ ദി​വ​സ​വും സ​ടകു​ട​ഞ്ഞെ​ഴു​ന്നേ​ൽ​ക്ക​ണ​മെ​ന്ന് തോ​ന്നും. അ​പ്പോ​ഴേ​ക്കും ദാ ​അ​വ​ൻ വ​രും, മ​ടി’’ എ​ന്ന് ത​ന്ന​ത്താ​ൻ പ​രി​ഹ​സി​ക്കു​ന്ന സ​മ്പ​ന്ന​നാ​യ എ​ഴു​ത്തു​കാ​ര​ൻ പ്രി​വി​ലേ​ജ്ഡ് പു​രു​ഷ​ന്മാ​രു​ടെ പ്ര​തി​നി​ധി​യാ​ണ്. എ​ഴു​ന്നേ​റ്റു ന​ട​ക്കാ​ൻ മ​ടി​യാ​ണെ​ങ്കി​ലും തീ​റ്റ​ക്കും കു​ടി​ക്കും സെ​ക്സി​നും മ​ടി​യി​ല്ലാ​ത്ത, ലോ​ഭ​മി​ല്ലാ​തെ അ​തി​ര​റ്റ് അ​വ​യെ​ല്ലാം ആ​സ്വ​ദി​ക്കു​ക​യും ഈ ​ലോ​ക​ത്തി​ന്റെ പോ​ക്കി​ൽ ഉ​ത്ക​ണ്ഠ നി​ല​നി​ർ​ത്തു​ക​യും ചെ​യ്യു​ന്ന മ​ധ്യ​വ​ർ​ഗ-അ​തി​സ​മ്പ​ന്ന​രു​ടെ ഒ​രു നീ​ണ്ടനി​ര​യാ​ണ് സ​മൂ​ഹജീ​വി​ത​ത്തി​ന്റെ താ​ക്കോ​ൽസ്ഥാ​നം കൈ​യാ​ളു​ന്ന​തെ​ന്നും കാ​ണാം. ‘‘ഞാ​നൊ​രു പു​രു​ഷ​ന​ല്ലേ? ക​ഥപ​റ​യു​മ്പോ​ൾ ഇ​ത്തി​രി എ​രി​വും പു​ളി​യു​മൊ​ക്കെ വേ​ണ​മ​ല്ലോ’’ എ​ന്ന് ലൈം​ഗി​ക​ത​യെ എ​ഴു​ത്തി​നു​ള്ള പ​ശ്ചാ​ത്ത​ല​മാ​ക്കു​ന്ന അ​യാ​ളു​ടെ പെ​രു​മാ​റ്റം മാ​ന്യ​തവി​ടാ​ത്ത രീ​തി​യി​ലാ​ണെ​ന്ന​തും ശ്ര​ദ്ധേ​യ​മാ​ണ്.

പി​ന്നീ​ട് കാ​ണു​ന്ന ശി​ൽപി​യു​ടെ ക​ണ്ണു​ക​ളും കാ​മാ​തു​ര​മ​ല്ല, ത​ന്റെ ശി​ൽപ​ത്തി​ന്റെ പൂ​ർ​ണ​ത​യി​ലാ​ണ് അ​യാ​ളു​ടെ ശ്ര​ദ്ധ മു​ഴു​വ​നും. ദേ​വ​ത​യോ അ​പ്സ​ര​സ്സോ ആ​യി മാ​റു​ന്ന ആ ​ശി​ൽപം ഭ​ക്തി​ക്കും ആ​രാ​ധ​ന​ക്കും പാ​ത്ര​മാ​കു​മ്പോ​ൾ ആ ​ശി​ൽപത്തി​ന് മോ​ഡ​ലാ​യ​വ​ൾ ഒ​ന്ന് വെ​ളി​യി​ലേ​ക്കി​റ​ങ്ങാ​ൻ ന​ഗ​ര​ത്തി​ന്റെ വെ​ളി​മ്പ​റ​മ്പു​ക​ളി​ലും ഇ​രു​ണ്ട കോ​ണു​ക​ളി​ലും രാ​ത്രി​യാ​കാ​ൻ വേ​ണ്ടി കാ​ത്തി​രി​ക്കു​ക​യാ​യി​രി​ക്കും. നി​യ​മ​പാ​ല​ക​രും സ​ദാ​ചാ​ര പൊലീസും പൊ​തു​ ഇ​ട​ങ്ങ​ളി​ൽ അ​വ​ളെ അ​സ്പൃ​ശ്യ​യാ​ക്കു​ന്നു. ഇ​വ​രി​ൽ പ​ല​രും സൂ​ര്യ​ൻ ഉ​റ​ക്ക​ത്തി​ലാ​കു​മ്പോ​ൾ അ​വ​ളെ തേ​ടി​യെ​ത്തു​ക​യും ചെ​യ്യും.

ചേ​ത​മി​ല്ലാ​ത്ത കാ​ര്യ​മാ​യി ക​ണ്ട് പ​ള്ളി​മ​ണി​യൊ​ച്ച കേ​ൾ​ക്കു​മ്പോ​ൾ കു​രി​ശു വ​ര​ക്കുന്ന സു​ഗ​ന്ധി ഇ​ട​ക്കെ​പ്പോ​ഴോ ഇ​ട​യി​ള​ക്ക​ങ്ങ​ളാ​ൽ കു​മ്പ​സാ​രി​ക്കാ​ൻ ഒ​രു വൈ​ദി​ക​ന്റെ സ​മീ​പ​ത്തെ​ത്തു​ന്നു​ണ്ട്. എ​ന്താ​ണ് ജോ​ലി​യെ​ന്ന അ​ച്ച​ന്റെ ചോ​ദ്യ​ത്തി​ന് സെ​ക്സ് വ​ർ​ക്ക് ആ​ണെ​ന്ന് പ​റ​യു​മ്പോ​ൾ അ​ങ്ങ​നെ​യും ഒ​ന്നു​ണ്ടോ എ​ന്ന് അ​ച്ച​ൻ അ​ത്ഭു​ത​പ്പെ​ടു​ന്നു. അ​ഭി​സാ​രി​ക എ​ന്നും കു​ല​ട​യെ​ന്നും വി​ശേ​ഷി​പ്പി​ക്ക​പ്പെ​ടു​ന്ന സ്ത്രീ​ക​ൾ സ​മൂ​ഹ​ത്തി​ന്റെ ചി​ല ആ​വ​ശ്യ​ങ്ങ​ളു​ടെ ഇ​ര​ക​ൾകൂ​ടി​യാ​ണെ​ന്ന് പി​ന്നീ​ടു​ള്ള അ​ച്ച​ന്റെ സം​ഭാ​ഷ​ണ​ങ്ങ​ൾ തെ​ളി​യി​ക്കു​ന്നു​ണ്ട്.

‘‘പ​ക​ൽ മാ​റി രാ​ത്രി ആ​കു​ന്നി​ടം എ​ല്ലാം എ​ന്റെ ഇ​ട​വ​ക. നേ​ർ​വ​ഴി തേ​ടാ​ത്ത​വ​രെ​ല്ലാം എ​ന്റെ കു​ഞ്ഞാ​ടു​ക​ളാണ്’’ എ​ന്ന സു​ഗ​ന്ധി​യു​ടെ വാ​ക്കു​ക​ൾ ചി​ന്ത​നീ​യ​മാ​ണ്. നീ ​ലോ​കം അ​റി​ഞ്ഞ​വ​ളാ​ണെ​ന്നും സ​ദാ​ചാ​രം നി​ന്നി​ലൂ​ടെ മാ​ത്രം സം​ര​ക്ഷി​ക്ക​പ്പെ​ടേ​ണ്ട ഒ​ന്ന​ല്ല എ​ന്നും അ​ച്ച​ൻ പ​റ​യു​മ്പോ​ൾ മ​നു​ഷ്യ​ൻ ഉ​ണ്ടാ​യ കാ​ലം മു​ത​ൽ നി​ല​നി​ൽ​ക്കു​ന്ന ചി​ല സ​ങ്ക​ൽപങ്ങ​ളു​ടെ പൊ​ളി​​െച്ച​ഴു​ത്തു കൂ​ടി ന​ട​ക്കു​ന്ന​താ​യി അ​റി​യാ​ൻ സാ​ധി​ക്കു​ന്നു.

സി​ജി പ്ര​ദീ​പ്

‘‘തി​ര​സ്കാ​ര​ങ്ങ​ളേ​ക്കാ​ൾ ഭ​യാ​ന​ക​മാ​യി ഈ ​ലോ​ക​ത്ത് എ​ന്താ​ണു​ള്ള​ത്?’’ ജോ​സേ​ട്ട​ന്റെ നാ​ട​ക ക്യാ​മ്പ് സു​ഗ​ന്ധി​യെ അ​വ​ളു​ടെ ന​ഷ്ട​പ്പെ​ട്ടു​പോ​യ ഭൂ​ത​കാ​ല​ങ്ങ​ളെ ഓ​ർ​മി​പ്പി​ക്കു​ന്നു​ണ്ട്. ഏ​തൊ​രു തൊ​ഴി​ലി​ലും ഇ​ഷ്ടാ​നി​ഷ്ട​ങ്ങ​ൾ പ്ര​ധാ​ന​മാ​ണ്. സ്വേ​ച്ഛ​യാ തി​ര​ഞ്ഞെ​ടു​ത്ത​ത​ല്ലെ​ങ്കി​ലും ഒ​രു ലൈം​ഗി​ക തൊ​ഴി​ലാ​ളി എ​ല്ലാ​വ​രു​ടെ​യും ഇ​ച്ഛ​ക​ൾ​ക്ക് വ​ഴ​ങ്ങു​ന്ന​വ​ള​ല്ലെ​ന്ന് അ​വ​ൾ പ​ല​വ​ട്ടം തെ​ളി​യി​ക്കു​ന്നു​ണ്ട്. ഒ​രു ത​ടി​മി​ല്ലി​ൽ മ​ദ്യ​പ​നാ​യ ഒ​രു​ത്ത​നു മു​ന്നി​ൽ വ​ഴ​ങ്ങാ​ൻ നി​ൽ​ക്കാ​തെ ഇ​റ​ങ്ങി​പ്പോ​കു​ന്ന സു​ഗ​ന്ധി ത​ന്റെ പു​റ​കെ ന​ട​ന്നു ശ​ല്യംചെ​യ്യു​ന്ന ച​ന്ദ്ര​നെ ഭ​യ​ന്ന് രാ​ത്രി ഓ​ടി ഒ​ളി​ക്കാ​ൻ ശ്ര​മി​ക്കു​ന്നു​ണ്ട്.

‘‘അ​വ​റ്റോ​ള് മോ​ത്തേ​ക്കുപോ​ലും നോ​ക്കാ​റി​ല്ല. വ​ല്ലാ​ത്തൊ​രു വെ​പ്രാ​ളാ...’’ പു​രു​ഷ​ന്റെ ര​ഹ​സ്യ​യി​ട​ങ്ങ​ളി​ലെ ലൈം​ഗി​ക താ​ൽ​പ​ര്യ​ങ്ങ​ളെ​ക്കു​റി​ച്ച് ഒ​രു ട്രാ​ൻ​സ്ജെ​ൻ​ഡ​ർ സം​സാ​രി​ക്കു​ന്ന​തും പു​രു​ഷ​ന്മാ​രേ​ക്കാ​ൾ സ്നേ​ഹ​ത്തോ​ടെ സ്ത്രീ​യു​ടെ സാ​മീ​പ്യം ആ​ഗ്ര​ഹി​ക്കു​ന്ന അ​വ​ളു​ടെ വാ​ക്കു​ക​ളും ലൈം​ഗി​ക​ത​യെ കു​റി​ച്ചു​ള്ള വി​ഭി​ന്ന കാ​ഴ്ച​പ്പാ​ടു​ക​ൾ പ​ങ്കു​വെക്കുന്ന​താ​ണ്.

‘‘ഇ​വി​ട​ത്തെ ജീ​വി​ത​മൊ​ക്കെ മ​ടു​ക്കു​മ്പം ന​മു​ക്ക് സ​ട​കു​ട​ഞ്ഞ് എ​ഴു​ന്നേ​ൽ​ക്കാ​ൻ തോ​ന്നും. അ​പ്പോ​ൾ മീ​ശ പി​രി​ച്ചെ​ഴു​ന്നേ​ൽ​ക്കു​ന്ന​താ​ണ് ഈ ​പു​ലി​ക്ക​ളി’’, തൃ​ശൂ​രി​ന്റെ സാം​സ്കാ​രി​ക ഔ​ന്ന​ത്യ​ത്തെ​ക്കു​റി​ച്ച് സം​സാ​രി​ക്കു​ന്ന സാം​സ്കാ​രി​കപ്ര​വ​ർ​ത്ത​ക​ൻ ചി​ല പൊ​ള്ള​ത്ത​ര​ങ്ങ​ളെ കൂ​ടി വെ​ളി​വാ​ക്കു​ന്നു. കാ​ര്യ​മാ​യ പ​ണി​യൊ​ന്നും എ​ടു​ക്കാ​ൻ താ​ൽപര്യ​പ്പെ​ടാ​തെ കൂ​ടു​ത​ൽ സ​മ​യ​വും മ​ടിപി​ടി​ച്ചു​റ​ങ്ങു​ന്ന ഷാ​ബു പ​ണം ക​ടം മേ​ടി​ച്ചി​ട്ടാ​ണ് പു​ലി​ക്കളി​ക്ക് പോ​കു​ന്ന​ത്. കെ​ട്ടു​കാ​ഴ്ച​ക​ൾ​ക്ക് മ​റ്റൊ​രു ഉ​ദാ​ഹ​ര​ണംപോ​ലെ അ​യാ​ൾ പു​ലി​യാ​യി കെ​ട്ടി​യാ​ടു​മ്പോ​ൾ ച​ന്ദ്ര​ന്റെ ആ​ക്ര​മ​ണം ഭ​യ​ന്ന് സു​ഗ​ന്ധി നെ​ട്ടോ​ട്ട​മോ​ടു​ക​യാ​യി​രു​ന്നു. മ​ണ്ണും പെ​ണ്ണും ആ​ർ​ത്തിമൂ​ത്ത ചി​ല​ർ​ക്കു മു​ന്നി​ൽ ഒ​ന്നാ​യി​ത്തീ​രു​ന്ന കാ​ഴ്ച​ക്ക് സി​നി​മ പ​ല​പ്പോ​ഴാ​യി സാ​ക്ഷ്യം​വ​ഹി​ക്കു​ന്നു​ണ്ട്. ‘ശീ​ലാ​ബ​തി’യി​ൽ വി​ണ്ടു​കീ​റി​യ ശീ​ലാ​ബ​തി​യു​ടെ ദേ​ഹം മ​ണ്ണി​നൊ​പ്പം വി​ണ്ടുകീ​റി ഒ​ന്നാ​കു​ന്ന​തുപോ​ലെ സു​ഗ​ന്ധി​യും ക​ഠി​ന​മാ​യ ഒ​രു വ്യ​ഥ​യി​ലൂ​ടെ ക​ട​ന്നുപോ​വു​ക​യാ​ണ്.

‘‘ന​ഗ​രം വെ​റിപൂ​ണ്ട ഒ​രു പു​രു​ഷ​നാ​ണ്. ശ​മ​നം വ​രാ​ത്ത ആ​ർ​ത്തി​യോ​ടെ അ​തെ​ന്നെ പൊ​തി​യു​ന്നു’’ എ​ന്ന സു​ഗ​ന്ധി​യു​ടെ വാ​ക്കു​ക​ൾ ഭാരതപ്പുഴ​യു​മാ​യി അ​വ​ൾ​ക്ക് താ​ദാ​ത്മ്യം ന​ൽ​കു​ന്നു​ണ്ട്.

‘ഭാരതപുഴ’യു​ടെ പ്ര​ധാ​ന സ​വി​ശേ​ഷ​ത​ക​ളി​ൽ ഒ​ന്ന് സി​നി​മ​യു​ടെ തീ​മു​മാ​യി ബ​ന്ധ​പ്പെ​ട്ട ഒ​രു​പാ​ട് ഹോ​ട്ട് സീ​നു​ക​ൾ​ക്ക് സാ​ധ്യ​ത​യു​ണ്ടാ​യി​രു​ന്നി​ട്ടും അ​ത്ത​രം രം​ഗ​ങ്ങ​ൾ സം​വി​ധാ​യ​ക​ൻ ഒ​ഴി​വാ​ക്കി എ​ന്ന​താ​ണ്. ഒ​രു ചും​ബ​ന​രം​ഗ​മോ ആ​ലിം​ഗ​നരം​ഗ​മോ പോ​ലും ഇ​ത്ത​ര​മൊ​രു വി​ഷ​യം കൈ​കാ​ര്യം ചെ​യ്യു​ന്ന സി​നി​മ​യി​ൽ കാ​ണാ​ൻ സാ​ധി​ക്കു​ന്നി​ല്ല എ​ന്നു​ള്ള​ത് ‘ഭാരതപുഴ’ പു​രു​ഷ​ക്കാ​ഴ്ച​ക​ളെ തൃ​പ്തി​പ്പെ​ടു​ത്താ​ൻ ല​ക്ഷ്യംവെ​ക്കു​ന്നി​ല്ല എ​ന്ന് വ്യ​ക്ത​മാ​ക്കു​ന്ന​താ​ണ്. ഈ ​സി​നി​മ​യി​ലെ വ​സ്ത്രാ​ല​ങ്കാ​ര​ത്തി​ന് കേ​ര​ള ച​ല​ച്ചി​ത്ര അ​ക്കാ​ദ​മി അ​വാ​ർ​ഡ് ന​ളി​നി ജ​മീ​ല​ക്ക് ല​ഭി​ക്കു​ക​യു​ണ്ടാ​യി.

നാ​യി​ക​യാ​യ സു​ഗ​ന്ധി​യു​ടെ വ​സ്ത്ര​ധാ​ര​ണം ഒ​രു​ത​ര​ത്തി​ലും അ​വ​ൾ ഒ​രു സെ​ക്സ് വ​ർ​ക്ക​റാ​ണെ​ന്ന് രേ​ഖ​പ്പെ​ടു​ത്തു​ന്നേ ഇ​ല്ല. ബാ​ഗും തോ​ളി​ൽ തൂ​ക്കി വ​ള​രെ സാ​ധാ​ര​ണ​ക്കാ​രി​യാ​യി സാ​രി​യു​ടു​ത്ത് പു​റ​ത്തേ​ക്ക് പോ​കു​ന്ന അ​വ​ൾ ക​ടു​ത്ത മേ​ക്ക​പ്പ് പോ​ലും ഉ​പ​യോ​ഗി​ക്കു​ന്നി​ല്ല. സ്ത്രീ​ക​ളൊ​രു​മി​ച്ച് കൂ​ടു​ന്ന ഒ​രു ആ​ന​ന്ദവേ​ള പ്ര​ദ​ർ​ശി​പ്പി​ക്കു​ന്ന ഒ​രു സീ​നി​ൽ ന​ളി​നി ജ​മീ​ല പ്ര​ത്യ​ക്ഷ​പ്പെ​ടു​ന്നു​മു​ണ്ട്. നാ​യി​ക​യാ​യ സു​ഗ​ന്ധി​യു​ടെ ക​ണ്ണു​ക​ളാ​ണ് പ​ല സീ​നു​ക​ളി​ലും കൂ​ടു​ത​ൽ സം​സാ​രി​ച്ച​ത്. മി​ക​ച്ച അ​ഭി​ന​യ​ത്തി​ന് സു​ഗ​ന്ധി​യി​ലൂ​ടെ സി​ജി പ്ര​ദീ​പി​ന് സം​സ്ഥാ​ന പു​ര​സ്കാ​രം ല​ഭി​ക്കു​ക​യു​മു​ണ്ടാ​യി.