പൊതുജനാരോഗ്യം തോൽക്കുന്നിടത്താണ് രോഗാതുരത കൂടുന്നത്

‘‘കേ​ര​ള​ത്തി​ൽ ചി​കി​ത്സാ സം​വി​ധാ​ന​ങ്ങ​ള​ല്ല അ​ടി​യ​ന്തര​മാ​യി ഇ​പ്പോ​ൾ മെ​ച്ച​പ്പെ​ടു​ത്തേ​ണ്ട​ത്, ആ​ദ്യം പൊ​തു​ജ​നാ​രോ​ഗ്യ​ത്തി​നാ​വ​ശ്യ​മാ​യ സാ​മൂ​ഹി​ക നി​ർ​ണ​യ ഘ​ട​ക​ങ്ങ​ൾ കു​റ്റ​മ​റ്റ​താ​ക്കു​ക, അ​തു​വ​ഴി രോ​ഗാ​തു​ര​ത (disease burden) കു​റ​ക്കു​ക’’യാണ്​ വേണ്ടതെന്ന്​ വാദിക്കുന്ന ലേഖകൻ നമ്മുടെ ആരോഗ്യരം​ഗത്തെ പ്രശ്​നങ്ങൾ എടുത്തുപറയുന്നു. 

എ​ല്ലാ പ്ര​വ​ർ​ത്ത​ന​ങ്ങ​ളും വ​ള​രെ ചി​ട്ട​യോ​ടെ ന​ട​ക്കു​ന്ന വി​ദേ​ശരാ​ജ്യ​ങ്ങ​ളി​ലെ ത്രി​ത​ല ആ​ശുപത്രി സം​വി​ധാ​ന​ങ്ങ​ൾ അ​തേ​പോ​ലെ ന​ട​പ്പാ​ക്കാ​ൻ നാം ​വെ​മ്പു​ക​യാ​ണ് -ആ​ശുപ​ത്രി സം​വി​ധാ​ന​ങ്ങ​ളു​ടെ ഇ​വി​ട​ത്തെ കു​റ്റ​ങ്ങ​ളും കു​റ​വു​ക​ളും ച​ർ​ച്ചചെ​യ്യു​ന്ന​തും ആ ​പ​ശ്ചാ​ത്ത​ല​ത്തി​ലാ​ണ്. അ​വി​ട​ങ്ങ​ളി​ൽ ശ​ക്ത​മാ​യ പ്രൈ​മ​റി ഹെ​ൽ​ത്ത് കെ​യ​റും റഫ​റ​ൽ സം​വി​ധാ​ന​വുമു​ണ്ട് എ​ന്ന​ത് നാം ​കാ​ണു​ന്നുപോ​ലു​മി​ല്ല.

വി​ക​സി​ത രാ​ജ്യ​ങ്ങ​ളി​ലെ ആ​ശുപ​ത്രി​ക​ളി​ൽ രോ​ഗി​ക​ളു​ടെ ബാ​ഹു​ല്യ​മി​ല്ല; ജ​ന​സം​ഖ്യ​യു​ടെ വ​ള​രെ കു​റ​ഞ്ഞ ഒ​രു ശ​ത​മാ​നം മാ​ത്ര​മേ ആ​ശുപ​ത്രി​ക​ളി​ലെ​ത്തു​ന്നു​ള്ളൂ. എ​ല്ലാ വി​ഭാ​ഗം ജ​ന​ങ്ങ​ളും ആ​വു​ന്ന​ത്ര കു​ടും​ബ ഡോ​ക്ട​ർ​മാ​രു​ടെ സ​ഹാ​യ​ത്തോ​ടെ ചി​കി​ത്സി​ക്കാ​നാ​ണ് അ​വി​ട​ങ്ങ​ളി​ൽ താ​ൽപ​ര്യ​പ്പെ​ടു​ന്ന​ത്.

അ​തും കൂ​ടാ​തെ രോ​ഗാ​തു​ര​ത (disease burden) ആ​ണെ​ങ്കി​ൽ വ​ള​രെ കു​റ​വാ​ണുതാ​നും, അ​തുകൊ​ണ്ട് മാ​ത്ര​മാ​ണ് അ​വ​ർ​ക്കു വ​ലി​യ ആ​ശുപ​ത്രി​ക​ൾ ചി​ട്ട​യാ​യി പ്ര​വ​ർ​ത്തി​പ്പി​ക്കാ​ൻ സാ​ധി​ക്കു​ന്ന​ത്. ഇ​വി​ടെ ആ​ശുപ​ത്രി​ക​ൾ രോ​ഗി​ക​ളു​ടെ ബാ​ഹു​ല്യംകൊ​ണ്ട് വീ​ർ​പ്പുമു​ട്ടു​ക​യാ​ണ്. ജ​ന​ങ്ങ​ളാ​ണെ​ങ്കി​ൽ ന​ല്ല പ്രാ​ഥ​മി​ക ആ​രോ​ഗ്യസം​വി​ധാ​നം ഇ​ല്ലാ​ത്ത​തി​നാ​ൽ എ​ല്ലാ ആ​രോ​ഗ്യ​പ്ര​ശ്‌​ന​ങ്ങ​ൾ​ക്കും വ​ലി​യ ആ​ശുപ​ത്രി​ക​ളി​ലേ​ക്കാ​ണ് പോ​വു​ന്ന​തും. ഇ​വി​ട​ത്തെ എ​ല്ലാ പ്ര​ശ്ന​ങ്ങ​ൾ​ക്കും കാ​ര​ണം ജ​ന​സം​ഖ്യ വ​ർ​ധന ആ​ണെ​ന്ന തെ​റ്റി​ദ്ധാ​ര​ണ​യാ​ണ് പ്ര​ശ്ന​ങ്ങ​ൾ കൂ​ടു​ത​ൽ വ​ഷ​ളാ​ക്കു​ന്ന​ത്. ജ​ന​സം​ഖ്യ വ​ർ​ധ​ന​യല്ല, മ​റി​ച്ച് രോ​ഗാ​തു​ര​ത കൂ​ടു​ന്ന​തും, പ്ര​ാഥ​മി​ക ചി​കി​ത്സാ സം​വി​ധാ​നം ശ​രി​യാംവ​ണ്ണം പ്ര​വ​ർ​ത്തി​പ്പി​ക്കാ​ത്ത​തും കു​റ്റ​മ​റ്റ​താ​ക്കാ​ത്ത​തും വ​ൻ​കി​ട സ്വ​

ക​ാര്യ ആ​ശുപ​ത്രി​ക​ളു​ടെ മാ​ർ​ക്ക​റ്റി​ങ് ത​ന്ത്ര​ങ്ങ​ളും എ​ല്ലാംകൂ​ടി കു​ഴ​ഞ്ഞുമ​റി​ഞ്ഞ ആ​രോ​ഗ്യമേ​ഖ​ല​യാ​ണ് ന​മു​ക്കു​ള്ള​ത്. ഇ​വി​ടത്തെ ആ​രോ​ഗ്യസം​വി​ധാ​നം ആ​ക​പ്പാ​ടെ മാ​റ്റി​ക്കൊ​ണ്ട് മാ​ത്ര​മേ ഇ​തി​നു പ​രി​ഹാ​ര​മു​ള്ളൂ.

പര​മ്പ​രാ​ഗ​ത രീ​തി​യി​ലു​ള്ള വ്യ​ക്തി​ഗ​ത ആ​രോ​ഗ്യസം​ര​ക്ഷ​ണ രീ​തി​ക​ളു​ടെ വ്യാ​പ​ന​വും ആ​ധു​നി​ക ചി​കി​ത്സാ സം​വി​ധാ​ന​ങ്ങ​ളു​ടെ വി​പു​ലീ​ക​ര​ണ​വുമ​ല്ല പൊ​തു​ജ​നാ​രോ​ഗ്യ​ പ്ര​വ​ർ​ത്ത​നമെ​ന്ന് നാം ​ഇ​നി​യെ​ങ്കി​ലും തി​രി​ച്ച​റി​യ​ണം. കേ​ര​ളം ഇ​ന്ന് നേ​രി​ടു​ന്ന ഒ​ട്ടുമി​ക്ക ആ​രോ​ഗ്യപ്ര​ശ്ന​ങ്ങ​ൾ​ക്കും പ്ര​ധാ​ന കാ​ര​ണം ഇ​നി​ പ​റ​യു​ന്ന​താ​ണ്; പൊ​തു​ജ​നാ​രോ​ഗ്യ​ത്തെ അ​റി​ഞ്ഞോ അ​റി​യാ​തെ​യോ പ​തി​റ്റാ​ണ്ടു​ക​ളോ​ളം അ​വ​ഗ​ണി​ച്ചു, രോ​ഗചി​കി​ത്സാ സം​വി​ധാ​ന​ങ്ങ​ൾ വ്യാ​പി​പ്പി​ക്ക​ൽ മാ​ത്ര​മാ​ണ് പ​ര​മ​പ്ര​ധാ​ന ആ​രോ​ഗ്യ​പ്ര​വ​ർ​ത്ത​നം എ​ന്ന കാ​ഴ്ച​പ്പാ​ട് വ​ന്നുചേ​ർ​ന്നു.​

രോ​ഗ​ങ്ങ​ളെ​ല്ലാം സ്വ​മേ​ധ​യാ അ​ല്ലെ​ങ്കി​ൽ സ്വാ​ഭാ​വി​ക​മാ​യി ഉ​ണ്ടാ​വു​ന്ന​താ​ണ് എ​ന്ന ധാ​ര​ണ​യാ​ണ് എ​ല്ലാ​വ​ർക്കും –അ​തു​കൊ​ണ്ടുത​ന്നെ ചി​കി​ത്സ കേ​ന്ദ്രീ​ക​രി​ച്ച ആ​രോ​ഗ്യപ്ര​വ​ർ​ത്ത​നം മാ​ത്ര​മേ ഇ​വി​ടെ ന​ട​ക്കു​ന്നു​ള്ളൂ. ചി​കി​ത്സ​യി​ൽത​ന്നെ ആ​ശുപ​ത്രി കേ​ന്ദ്രീ​കൃ​ത ത്രി​ത​ല ചി​കി​ത്സ​യും സൂപ്പ​ർ​സ്പെ​ഷാ​ലി​റ്റി ചി​കി​ത്സ​യും മാ​ത്രം മ​തി എ​ന്ന കാ​ഴ്ച​പ്പാ​ടാ​ണ്. യ​ഥാ​ർ​ഥ​ത്തി​ൽ പൊ​തു​ജ​നാ​രോ​ഗ്യ​വും ചി​കി​ത്സ​യും ത​മ്മി​ൽ ഒ​രു ബ​ന്ധ​വു​മി​ല്ല. പൊ​തു​ജ​നാ​രോ​ഗ്യം തോ​ൽ​ക്കു​ന്നി​ട​ത്താ​ണ് രോ​ഗാ​തു​ര​ത കൂ​ടു​ന്ന​തും, ചി​കി​ത്സാ സം​വി​ധാ​ന​ങ്ങ​ൾ കൂ​ടു​ത​ലാ​യി വേ​ണ്ടിവ​രു​ന്ന​തും.

കു​റ്റ​മ​റ്റ പൊ​തു​ജ​നാ​രോ​ഗ്യ​ത്തി​ന്റെ അ​ഭാ​വം കാ​ര​ണ​മാ​ണ് ചി​കി​ത്സാ സം​വി​ധാ​നം മെ​ച്ച​പ്പെ​ടു​ത്ത​ണം, വി​പു​ലീ​ക​രി​ക്ക​ണം, കൂ​ടു​ത​ൽ ആ​ശുപ​ത്രി​ക​ൾ വേ​ണം, കൂ​ടു​ത​ൽ മെ​ഡി​ക്ക​ൽ കോ​ള​ജു​ക​ൾ വേ​ണം എ​ന്ന വ​ലി​യ ചി​ന്ത​യും ഉ​റ​ക്കെ​യു​ള്ള മു​റ​വി​ളി​ക​ളും ഉ​ണ്ടാ​കു​ന്ന​തുത​ന്നെ. ബോ​ധ​പൂ​ർ​വ​മാ​യ സാ​മൂ​ഹിക ഇ​ട​പെ​ട​ലു​ക​ളി​ലൂ​ടെ, യ​ഥാ​ർ​ഥ പൊ​തു​ജ​നാ​രോ​ഗ്യ പ്ര​വ​ർ​ത്ത​ന​ങ്ങ​ൾ മെ​ച്ച​മാ​ക്കി രോ​ഗാ​തു​ര​ത കു​റ​ച്ചാ​ൽ മാ​ത്ര​മേ ചി​കി​ത്സാ സം​വി​ധാ​ന​ങ്ങ​ൾ​ക്കുപോ​ലും നി​ലനി​ൽ​ക്കാ​നാ​വൂ എ​ന്ന​താ​ണ് യാ​ഥാ​ർ​ഥ്യം.

എ​ന്നാ​ൽ, ആ​രോ​ഗ്യ​മേ​ഖ​ല മെ​ച്ച​പ്പെ​ടു​ത്ത​ണം എ​ന്ന് പ​റ​യു​ന്ന​വ​ർ പൊ​തു​ജ​നാ​രോ​ഗ്യ​വുംകൂ​ടി അ​തി​ൽ ഉ​ൾ​പ്പെ​ടു​ന്നു​ണ്ട് എ​ന്നുപോ​ലും മ​റ​ന്ന​തുപോ​ലെ​യാ​ണ് കാ​ര്യ​ങ്ങ​ളു​ടെ പോ​ക്ക്. ആ​ധു​നി​ക ചി​കി​ത്സാ മേ​ഖ​ല മ​റ്റു സം​സ്ഥാ​ന​ങ്ങ​ളെ അ​പേ​ക്ഷി​ച്ചു കേ​ര​ള​ത്തി​ൽ മെ​ച്ച​മാ​യ​തുകൊ​ണ്ട് വ​ള​രെ അ​ഹ​ങ്കാ​ര​ത്തോ​ടെ​യാ​ണ് നാം ​ഇ​പ്പോ​ൾ ആ​രോ​ഗ്യ​കാ​ര്യ​ങ്ങ​ളി​ൽ പെ​രു​മാ​റു​ന്ന​ത്.

എ​ന്നാ​ൽ, താ​ര​ത​മ്യേ​ന ഭേ​ദ​പ്പെ​ട്ട കേ​ര​ള​മ​ട​ക്കം ഇ​ന്ത്യ​യി​ലെ എ​ല്ലാ സം​സ്ഥാ​ന​ങ്ങ​ളി​ലും പൊ​തു​ജ​നാ​രോ​ഗ്യം പൂ​ർണ​മാ​യും അ​വ​ഗ​ണി​ക്ക​പ്പെ​ട്ട ഒ​രു അ​നാ​ഥ ശി​ശു​വി​നെ​പ്പോ​ലെ​യാ​ണ് എ​ന്ന​താ​ണ് സ​ത്യം. പൊ​തു​ജ​നാ​രോ​ഗ്യം മി​ക​വു​റ്റ​താ​ക്കാ​ൻ കെ​ൽപുള്ള, മ​റ്റു സം​സ്ഥാ​ന​ങ്ങ​ൾ​ക്കുകൂ​ടി മാ​തൃ​ക​യാ​വേ​ണ്ട കേ​ര​ളം, മ​റ്റു സം​സ്ഥാ​ന​ങ്ങ​ളെപ്പോ​ലെ ത​ന്നെ​യാ​ണ് ഇ​ക്കാ​ര്യ​ത്തി​ൽ പ്ര​വ​ർ​ത്തി​ക്കു​ന്ന​ത്. മാ​റി​മാ​റി വ​രു​ന്ന സ​ർ​ക്കാ​റുക​ളും കേ​ന്ദ്ര ഗ​വ​ണ്മെ​ന്റു​ക​ളും പൊ​തു​ജ​നാ​രോ​ഗ്യ​ത്തെ വി​ക​ല​മാ​യ കാ​ഴ്ച​പ്പാ​ടോ​ടെ​യാ​ണ് കാ​ണു​ന്ന​ത് എ​ന്ന​താ​ണ് യാ​ഥാ​ർ​ഥ്യം. അ​തി​നു പ്ര​ധാ​ന കാ​ര​ണം സ​ർ​ക്കാ​റു​ക​ൾ​ക്ക് ഉ​പ​ദേ​ശം കൊ​ടു​ക്കു​ന്ന​വ​ർ ത​ന്നെ​യാ​ണ്. സ​ർ​ക്കാ​ർ മേ​ഖ​ല​യി​ലെ ചി​കി​ത്സാ സം​വി​ധാ​ന​ങ്ങ​ൾ മെ​ച്ച​പ്പെ​ടു​ത്താ​ൻ കേ​ര​ള ഗ​വ​ണ്മെ​ന്റ് ന​ട​ത്തി​യ ഇ​ട​പെ​ട​ലു​ക​ൾ നാം ​മ​റ​ന്നുകൂ​ടാ താ​നും.

എ​ന്താ​ണ് പൊ​തു​ജ​നാ​രോ​ഗ്യം?

ആ​രോ​ഗ്യ​ത്തി​ന്റെ സാ​മൂ​ഹിക നി​ർ​ണ​യ ഘ​ട​ക​ങ്ങ​ളെ (social determinants of health) ഓ​രോ​ന്നാ​യി തി​രി​ച്ച​റി​ഞ്ഞ് അ​തി​ലു​ള്ള കു​റ്റ​ങ്ങ​ളും കു​റ​വു​ക​ളും പ​രി​ഹ​രി​ക്ക​ലാ​ണ് യ​ഥാ​ർ​ഥ പൊ​തു​ജ​നാ​രോ​ഗ്യ പ്ര​വ​ർ​ത്ത​നം. ഇ​വ​യു​ടെ അ​ഭാ​വ​ത്തി​ലാ​ണ് അ​ല്ലെ​ങ്കി​ൽ അ​വ​യു​ടെ അ​പ​ര്യാ​പ്ത​ത​ക​ളാ​ലാ​ണ് രോ​ഗ​ങ്ങ​ൾ ഉ​ണ്ടാ​കു​ന്ന​ത് എ​ന്ന് നാം ​തി​രി​ച്ച​റി​യ​ണം. ന​മ്മു​ടെ ശ്ര​ദ്ധ ഏ​റ്റ​വും കൂ​ടു​ത​ൽ മു​ൻഗ​ണ​ന​യോ​ടെ താ​ഴെ പ​റ​യു​ന്ന സാ​മൂ​ഹിക വി​ഷ​യ​ങ്ങ​ളി​ൽ ആ​വേ​ണ്ടി​യി​രി​ക്കു​ന്നു.

1. എ​ല്ലാ​വ​ർക്കും ശു​ദ്ധ​മാ​യ കു​ടി​വെ​ള്ളം ടാ​പ്പി​ലൂ​ടെ എ​ത്തി​ക്കു​ക (ഇ​ന്ത്യ​യെ​പ്പോ​ലെ സ​മ്പ​ത്തു​ള്ള എ​ല്ലാ രാ​ജ്യ​ങ്ങ​ളും ഇ​ത് എ​ത്ര​യോ ദ​ശാ​ബ്ദ​ങ്ങ​ൾ​ക്കു മു​മ്പേ ന​ട​പ്പാ​ക്കി​ക്ക​ഴി​ഞ്ഞു) –ജ​ല​ജ​ന്യരോ​ഗ​ങ്ങ​ളാ​യ ടൈ​ഫോ​യ്ഡ്, ഹെപ്പറ്റൈറ്റിസ് എ, കോ​ള​റ, ഡി​സെ​ന്റ​റി എന്നിവ മു​ഴു​വ​നാ​യും ഇ​തു​വ​ഴി ത​ട​യാം.

2. പ​രി​സ​ര ശു​ചി​ത്വം (environmental health), ഉ​റ​വി​ട​ത്തി​ൽത​ന്നെ മാ​ലി​ന്യം വേ​ർ​തി​രി​ക്ക​ൽ, ഉ​റ​വി​ട​ത്തി​ൽത​ന്നെ മാ​ലി​ന്യ സം​സ്ക​ര​ണം, എ​ല്ലാ​വ​ർക്കും വൃ​ത്തി​യു​ള്ള ശൗ​ചാ​ല​യ​ങ്ങ​ൾ, വെ​ള്ളം കെ​ട്ടി​നി​ൽ​ക്കാ​ത്ത ഓ​വു​ചാ​ലു​ക​ൾ എ​ല്ലാ​യി​ട​ങ്ങ​ളി​ലും ഉ​ണ്ടെ​ന്നു ഉ​റ​പ്പുവ​രു​ത്തു​ക –മ​ലേ​റി​യ, ഡെ​ങ്കി​പ്പ​നി, മ​ന്ത്, എ​ലി​പ്പ​നി, ജ​പ്പാ​ൻ ജ്വ​രം തു​ട​ങ്ങി​യ നി​ര​വ​ധി രോ​ഗ​ങ്ങ​ൾ ഇ​തു​വ​ഴി ത​ട​യാ​ൻ സാ​ധി​ക്കും.

3. എ​ല്ലാ​വ​ർക്കും പാ​ർ​പ്പി​ട സൗ​ക​ര്യമു​ണ്ടെ​ന്നു ഉ​റ​പ്പുവ​രു​ത്തു​ക (അ​തി​നുവേ​ണ്ട സാ​മ്പ​ത്തി​ക ന​യ​ങ്ങ​ൾ രൂ​പവത്ക​രി​ക്കു​ക) –വി​ഷാ​ദരോ​ഗംപോ​ലു​ള്ള മനോരോ​ഗ​ങ്ങ​ൾ​ക്ക് പ്ര​ധാ​ന കാ​ര​ണംത​ന്നെ കി​ട​ക്കാ​ൻ ഇ​ട​മി​ല്ലാ​ത്ത​തും പ​ലത​രം സാ​മ്പ​ത്തി​ക പ​രാ​ധീ​ന​ത​ക​ളു​മാ​ണ്.

4. സ​മീ​കൃ​താ​ഹാ​രം എ​ല്ലാ​വ​രും ക​ഴി​ക്കു​ന്നു​ണ്ടെ​ന്ന് ഉ​റ​പ്പുവ​രു​ത്തു​ക, അ​തി​നുവേ​ണ്ട അ​വ​ബോ​ധം പ്രാ​ഥ​മി​ക വി​ദ്യാ​ഭ്യാ​സ​ത്തി​ൽത​ന്നെ കൊ​ടു​ക്കു​ക, സ​മീ​കൃ​താ​ഹാ​ര​ത്തി​ന്റെ ഘ​ട​ക​ങ്ങ​ൾ സു​ല​ഭ​മാ​ക്കാ​ൻ വി​കേ​ന്ദ്രീ​കൃ​ത​മാ​യ ഇന്റഗ്രേറ്റഡ് കൃ​ഷിസ​മ്പ്ര​ദാ​യം വി​പു​ലീ​ക​രി​ക്കു​ക –ഇ​തു​വ​ഴി ത​ട​യാ​വു​ന്ന രോ​ഗ​ങ്ങ​ൾ നി​ര​വ​ധി​യാ​ണ്.

5. ജ​ന​ങ്ങ​ൾ എ​ല്ലാ​വ​രും തൊ​ഴി​ലി​ന്റെ ഭാ​ഗ​മാ​യോ അ​ല്ലാ​തെ​യോ അ​വ​ർപോ​ലും അ​റി​യാ​തെ നി​ത്യ​വും ശാ​രീ​രി​ക വ്യാ​യാ​മ​ങ്ങ​ൾ ചെ​യ്യുന്നു​ണ്ട് എ​ന്ന് ഉ​റ​പ്പുവ​രു​ത്തു​ക. അ​തി​നുവേ​ണ്ടി റോ​ഡു​ക​ളു​ടെ ര​ണ്ട് വ​ശ​വും ന​ട​പ്പാ​ത​ക​ൾ നി​ർ​മി​ക്കു​ക, സൈ​ക്കി​ൾ പാ​ത​ക​ൾ, കൂ​ടു​ത​ൽ ക​ളിസ്ഥ​ല​ങ്ങ​ൾ, പൊ​തുസ്ഥ​ല​ങ്ങ​ൾ നി​ർ​മി​ക്കു​ക. ഇ​തും ഒ​രു​പാ​ടു രോ​ഗ​ങ്ങ​ളെ ത​ട​യു​ക​യും മാ​ന​സി​ക, ശാ​രീ​രി​ക പി​രി​മു​റു​ക്ക​ങ്ങ​ൾ ഇ​ല്ലാ​താ​ക്കു​ക​യും ചെ​യ്യും.

6. ന​ല്ല പ്രാ​ഥ​മി​ക വി​ദ്യാ​ഭ്യാ​സം –മ​നു​ഷ്യ​ത്വ​മു​ള്ള സ​മൂ​ഹ​ത്തി​ലേ സാ​മൂ​ഹി​കാ​രോ​ഗ്യം എ​ന്ന കാ​ഴ്ച​പ്പാ​ട് വ​ള​രു​ക​യും നി​ലനി​ൽ​ക്കു​ക​യു​മു​ള്ളൂ –അ​തി​നു​ത​കു​ന്ന രീ​തി​യി​ൽ പ്രാ​ഥ​മി​ക വി​ദ്യാ​ഭ്യാ​സം പ​രി​ഷ്ക​രി​ക്ക​ണം, മ​താ​ധി​ഷ്ഠി​ത​മ​ല്ലാ​ത്ത പ്രാ​ഥ​മി​ക വി​ദ്യാ​ഭ്യാ​സം ന​ട​പ്പാ​ക്കു​ക എ​ന്ന​ത് പ​ര​മ​പ്ര​ധാ​ന​മാ​ണ്.

7. പ്രാ​ഥ​മി​കാ​രോ​ഗ്യ സം​ര​ക്ഷ​ണ​വും പ്രാ​ഥ​മി​ക ചി​കി​ത്സ​ക്കു​ള്ള സൗ​ക​ര്യ​ങ്ങ​ളും മെ​ച്ച​പ്പെ​ടു​ത്തു​ക –എ​ല്ലാ​വ​ർക്കും പ്രാ​പ്യ​മാ​യ കു​റ്റ​മ​റ്റ പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ൾ സ്‌​ഥാ​പി​ക്ക​ണം –സാ​മൂ​ഹി​കാ​രോ​ഗ്യ​ത്തി​ന്റെ​യും വ്യ​ക്തി​ഗ​ത ആ​രോ​ഗ്യ​ത്തി​ന്റെ​യും അ​ടി​സ്ഥാ​ന പാ​ഠ​ങ്ങ​ളും അ​തി​ലെ കു​റ്റ​ങ്ങ​ളും കു​റ​വു​ക​ളും ക​ണ്ടുപി​ടി​ച്ചു ജ​ന​ങ്ങ​ളെ ആ​രോ​ഗ്യ​മു​ള്ള വ്യ​ക്തി​ക​ളാ​യി നി​ലനി​ർ​ത്താ​നും രോ​ഗ​ങ്ങ​ൾ നേ​ര​ത്തേ ക​ണ്ടുപി​ടി​ക്കാ​നും ചി​കി​ത്സി​ക്കാ​നും ക​ഴി​വു​ള്ള ഡോ​ക്ട​ർ​മാരാ​യി​രി​ക്ക​ണം പ്രാ​ഥ​മി​ക ചി​കി​ത്സാ കേ​ന്ദ്ര​ങ്ങ​ളി​ൽ ഉ​ണ്ടാ​വേ​ണ്ട​ത്.

8. സാ​മ്പ​ത്തി​ക പ്ര​തി​സ​ന്ധി​ക​ളി​ൽനി​ന്ന് ജ​ന​ങ്ങ​ളെ ക​ര​ക​യ​റ്റാ​ൻ ഉ​ത​കു​ന്ന കു​റ്റ​മ​റ്റ സ​മ്പ​ദ്‌​വ്യ​വ​സ്ഥ ഉ​ണ്ടാ​ക​ണം. അ​ഴി​മ​തി​യി​ല്ലാ​ത്ത രാ​ഷ്ട്രീ​യപ്ര​വ​ർത്ത​നം ഇ​തി​ന് അ​നി​വാ​ര്യമാ​ണ്. രാ​ഷ്ട്രീ​യ​വും ആ​രോ​ഗ്യ​വും ത​മ്മി​ലു​ള്ള ബ​ന്ധം എ​ല്ലാ​വ​രും തി​രി​ച്ച​റി​യു​ക​യും സ​ർ​ക്കാ​റിന്റെ എ​ല്ലാ ഭ​ര​ണവി​ഭാ​ഗ​ത്തി​നും ആ​രോ​ഗ്യ​വു​മാ​യി ബ​ന്ധ​മു​ണ്ടെ​ന്നും മ​ന​സ്സിലാ​ക്ക​ണം.

9. അ​നി​യ​ന്ത്രി​ത​മാ​യ പ​ര​സ്യ​ങ്ങ​ളു​ടെ മാ​യാ​വ​ല​യ​ത്തി​ൽനി​ന്ന് ജ​ന​ങ്ങ​ളെ ര​ക്ഷ​പ്പെ​ടു​ത്ത​ണം –ഉ​പ​ഭോ​ഗ സം​സ്‍കാ​രം നി​യ​ന്ത്രി​ക്ക​പ്പെ​ട​ണം.

ചു​രു​ക്കിപ്പ​റ​ഞ്ഞാ​ൽ കേ​ര​ള​ത്തി​ൽ ചി​കി​ത്സാ സം​വി​ധാ​ന​ങ്ങള​ല്ല അ​ടി​യ​ന്തര​മാ​യി ഇ​പ്പോ​ൾ മെ​ച്ച​പ്പെ​ടു​ത്തേ​ണ്ട​ത്, ആ​ദ്യം പൊ​തു​ജ​നാ​രോ​ഗ്യ​ത്തി​നാ​വ​ശ്യ​മാ​യ സാ​മൂ​ഹി​ക നി​ർ​ണയ ഘ​ട​ക​ങ്ങ​ൾ കു​റ്റ​മ​റ്റ​താ​ക്കു​ക, അ​തു​വ​ഴി രോ​ഗാ​തു​ര​ത കു​റ​ക്കു​ക. അ​തി​നൊ​പ്പംത​ന്നെ പ്രാ​ഥ​മി​ക ചി​കി​ത്സാ സം​വി​ധാ​നം മെ​ച്ച​പ്പെ​ടു​ത്തു​ക; തൊ​ണ്ണൂ​റു ശ​ത​മാ​നം രോ​ഗ​ങ്ങ​ളും ന​ല്ല പ്രാ​ഥ​മി​ക ചി​കി​ത്സ സം​വി​ധാ​നം വ​ഴി പെ​രി​ഫെ​റി​യി​ൽ വെ​ച്ചുത​ന്നെ ചി​കി​ത്സി​ക്കാം –കു​ടും​ബാ​രോ​ഗ്യ​ത്തി​ൽ പ​രി​ശീ​ല​നം സി​ദ്ധി​ച്ച ഡോ​ക്ട​ർ​മാ​ർ എ​ല്ലാ പി.എച്ച്.സിക​ളി​ലും ഉ​ണ്ടെ​ങ്കി​ൽ അ​വ​ർ രോ​ഗ​ങ്ങ​ൾ വ​രാ​തെ നോ​ക്കി​യും, രോ​ഗ​ങ്ങ​ൾ നേ​ര​ത്തേ ക​ണ്ടു​പി​ടി​ച്ചും വ​ലി​യ ആ​ശുപത്രി​ക​ളി​ലെ രോ​ഗി​ക​ളു​ടെ ബാ​ഹു​ല്യം ഒ​ഴി​വാ​ക്കും.

അ​തു​കൊ​ണ്ട് കേ​ര​ളം ഇ​നി​യെ​ങ്കി​ലും ശ്ര​ദ്ധി​ക്കേ​ണ്ട​ത് പി.എച്ച്.സിക​ൾ മെ​ച്ച​പ്പെ​ടു​ത്താ​നാ​ണ്, എ​ന്നുവെ​ച്ചാ​ൽ അ​വി​ട​ങ്ങ​ളി​ലി​രി​ക്കു​ന്ന ഡോ​ക്ട​ർ​മാ​ർ അ​തി​നുവേ​ണ്ടി പ്ര​ത്യേ​ക പ​രി​ശീ​ല​നം കി​ട്ടി​യ​വ​രും പി.എച്ച്.സിക​ളി​ൽത​ന്നെ ജോ​ലി തു​ട​രാ​ൻ താ​ൽപ​ര്യ​മു​ള്ള​വ​രു​മാ​വ​ണം. മെ​ഡി​ക്ക​ൽ കോ​ള​ജു​ക​ളു​ടെ എ​ണ്ണ​വും എം​.ബി.​ബി.എ​സ് സീ​റ്റു​ക​ളും ഇ​നി​യും വ​ർധി​പ്പി​ക്ക​രു​ത്. എ​ല്ലാ മെ​ഡി​ക്ക​ൽ കോ​ള​ജു​ക​ളി​ലും ജി​ല്ല ആ​ശുപ​ത്രി​ക​ളി​ലും പി.എച്ച്.സിക​ളി​ൽ ജോ​ലിചെ​യ്യാ​ൻ താൽപ​ര്യ​മു​ള്ള എം.ബി.ബി.എസ് ഡോ​ക്ട​ർ​മാ​ർ​ക്കുവേ​ണ്ടി ര​ണ്ട് മു​ത​ൽ മൂ​ന്നു കൊ​ല്ല​ത്തെ പി.ജി പ​രി​ശീ​ല​നം ന​ൽ​ക​ണം. കൂ​ട്ട​ത്തി​ൽ അ​തി​ന് ഒ​രു ഡി​ഗ്രി​യും ന​ൽ​കി​യാ​ൽ അ​വ​ർ​ക്ക് കൂ​ടു​ത​ൽ താ​ൽപ​ര്യം ഉ​ണ്ടാ​വും. അ​ങ്ങ​നെ പ​രി​ശീ​ല​നം സി​ദ്ധി​ച്ച ഡോ​ക്ട​ർ​മാ​രെ ഉ​പ​യോ​ഗി​ച്ച് എ​ല്ലാ കു​ടും​ബ​ത്തി​നും എ​ല്ലാ വ്യ​ക്തി​ക​ൾ​ക്കും എ​ല്ലാ ആ​വ​ശ്യ​ങ്ങ​ൾ​ക്കും സ​മീ​പി​ക്കാ​ൻത​ര​ത്തി​ൽ കു​ടും​ബ ഡോ​ക്ട​ർ സം​വി​ധാ​നം ന​ട​പ്പാ​ക്ക​ണം. അ​തോ​ടൊ​പ്പംത​ന്നെ റഫ​റ​ൽ സം​വി​ധാ​നം ന​ട​പ്പാ​ക്ക​ണം. കു​ടും​ബ ഡോ​ക്ട​ർ​മാ​ർ റഫ​ർ ചെ​യ്യാ​തെ രോ​ഗി​ക​ൾ വ​ലി​യ ആ​ശുപ​ത്രി​ക​ളി​ലും മെ​ഡി​ക്ക​ൽ കോ​ള​ജു​ക​ളി​ലുമെ​ത്താ​തെ നോ​ക്കേ​ണ്ട​ത് അ​നി​വാ​ര്യ​ത​യാ​ണ്.

പൊ​തു​ജ​നാ​രോ​ഗ്യ​മാ​ണ് പ​ര​മ​പ്ര​ധാ​ന​മെ​ന്നും സൂ​പ്പ​ർ സ്​പെഷാലി​റ്റി ചി​കി​ത്സ​യെ​ക്കാ​ൾ പ്ര​ധാ​നം അ​ടി​സ്ഥാ​ന ചി​കി​ത്സാ സം​വി​ധാ​ന​ങ്ങ​ളാ​ണ് എ​ന്ന തി​രി​ച്ച​റി​വ് ജ​ന​ങ്ങ​ൾ​ക്കും ഡോ​ക്ട​ർ​മാ​ർ​ക്കും ഭ​ര​ണ​കർത്താ​ക്ക​ൾ​ക്കും ഉ​ണ്ടാ​വ​ണം. ഇ​വി​ടെ വേ​ണ്ട​തി​ല​ധി​കം ഡോ​ക്ട​ർ​മാ​രും ആ​രോ​ഗ്യ​പ്ര​വ​ർ​ത്ത​ക​രും ഇ​പ്പോ​ൾത​ന്നെയുണ്ട്. എ​ന്നാ​ൽ, എ​ല്ലാ​വ​രും സ്പെ​ഷ​ലി​സ്റ്റ് ആ​യ​തും രോ​ഗി​ക​ളെ​ല്ലാം അ​വ​രെ നേ​രി​ട്ട് അ​ന്വേ​ഷി​ച്ചു തേ​ടിപ്പോ​കു​ന്ന അ​വ​സ്ഥ​യാ​ണ് (ഡോ​ക്ട​ർ-​ഷോ​പ്പിങ്)​ എ​ല്ലാം ത​കി​ടംമ​റി​ച്ച​ത്. എം​.ബി.​ബി.എ​സ് ക​ഴി​ഞ്ഞ എ​ല്ലാ​വ​രും സ്പെ​ഷ​ലി​സ്റ്റ് ഡോ​ക്ട​ർമാ​രാ​യ​താ​ണ് ഡോ​ക്ട​ർ​മാ​രു​ടെ കു​റ​വു​ണ്ട് എ​ന്ന അ​വ​സ്ഥ ഉ​ണ്ടാ​ക്കാ​ൻ കാ​ര​ണം. ഡോ​ക്ട​ർ​മാ​രു​ണ്ട് എ​ന്നാ​ൽ ഡോ​ക്ട​ർ​മാ​രി​ല്ല എ​ന്ന നി​ല​യി​ലാ​ണ് കേ​ര​ളം ഇ​പ്പോ​ഴും. പി.എച്ച്.സിക​ളും ചെ​റി​യ സ്വ​കാ​ര്യ ക്ലി​നി​ക്കു​ക​ളും ന​ട​ത്തേ​ണ്ട​ത് സ്പെ​ഷ​ലി​സ്റ്റ് ഡോ​ക്ട​ർ​മാ​ര​ല്ല, മ​റി​ച്ച് പ​രി​ശീ​ല​നം സി​ദ്ധി​ച്ച കു​ടും​ബ ഡോ​ക്ട​ർ​മാ​രാ​വ​ണം എ​ന്ന് തീ​രു​മാ​നി​ക്ക​ണം. എം​.ബി.​ബി.എ​സ് പാ​സാ​യ ഉ​ട​നെ, പ്ര​ത്യേ​ക പ​രി​ശീ​ല​നം കി​ട്ടാ​തെ ഇ​ത്ത​രം ക്ലി​നി​ക്കു​ക​ൾ സ്വ​ത​ന്ത്ര​മാ​യി തു​ട​ങ്ങാ​ൻ അ​നു​വ​ദി​ക്കാ​നും പാ​ടി​ല്ല.

ഡോ​ക്ട​ർ​മാ​രു​ടെ കൂ​ട്ട​ത്തി​ൽ ഏ​റ്റ​വും വൈ​ദ​ഗ്ധ്യംവേ​ണ്ട മേ​ഖ​ല​യാ​ണ് ജ​ന​റ​ൽ പ്രാ​ക്ടിസ് അ​ല്ലെ​ങ്കി​ൽ ഫാ​മി​ലി പ്രാ​ക്ടി​സ് എ​ന്ന​ത്. ഇ​തൊ​രു ചി​ല്ല​റ ജോ​ലി​യ​ല്ല എ​ന്ന് തി​രി​ച്ച​റി​യ​ണം –ഒ​രു മ​ൾ​ട്ടി​സ്പെ​ഷലി​സ്റ്റ് ജോ​ലി​യാ​ണ്– അ​തു​കൊ​ണ്ട് ത​ന്നെ ന​ല്ല ക​ഴി​വും പ​രി​ച​യ​വുമു​ള്ള​വ​രാ​ണ് ഈ ​ഫാ​മി​ലി പ്രാ​ക്ടിസ് സ്പെ​ഷാ​ലി​റ്റി തി​ര​ഞ്ഞെ​ടു​ക്കേ​ണ്ട​ത്.

സൂപ്പ​ർ​ സ്പെ​ഷാ​ലി​റ്റി മേ​ഖ​ല അ​നു​ഭ​വി​ക്കു​ന്ന വെ​ല്ലു​വി​ളി​ക​ളി​ൽ ഏ​റ്റ​വും പ്രധാ​നം രോ​ഗി​ക​ളു​ടെ ബാ​ഹു​ല്യ​മാ​ണ് –അ​താ​ണെ​ങ്കി​ൽ പൊ​തു​ജ​നാ​രോ​ഗ്യം അ​വ​ഗ​ണി​ക്കു​ന്ന​തുകൊ​ണ്ടും ആ​വ​ശ്യ​ത്തി​ന് കു​ടും​ബ ഡോ​ക്ട​ർ​മാ​ർ ഇ​ല്ലാ​ത്ത​തുകൊ​ണ്ടും മാ​ത്ര​മാ​ണ്. എ​ല്ലാ പി.എച്ച്.സിക​ളി​ലും ചെ​റി​യ സ്വ​കാ​ര്യ ക്ലി​നി​ക്കു​ക​ളി​ലും പ​രി​ശീ​ല​നം ല​ഭി​ച്ച ക​ഴി​വു​ള്ള ജി​.പി ഡോ​ക്ട​ർ​മാ​ർ (കു​ടും​ബ ഡോ​ക്ട​ർ​മാ​ർ) ഉ​ണ്ടാ​യാ​ൽ വ​യ​നാ​ട് പോ​ലു​ള്ള ജി​ല്ല​ക​ളി​ൽപോ​ലും 90 ശ​ത​മാ​നം ആ​രോ​ഗ്യപ്ര​ശ്ന​ങ്ങ​ളും രോ​ഗചി​കി​ത്സ​യും പ​രി​ഹ​രി​ക്കാ​ൻ ക​ഴി​യും. ആ​ധു​നി​ക സൗ​ക​ര്യ​ങ്ങ​ളു​ടെ അ​ഭാ​വ​മ​ല്ല കേ​ര​ള​ത്തി​ന്റെ യ​ഥാ​ർ​ഥ പ്ര​ശ്നം –പൊ​തു​ജ​നാ​രോ​ഗ്യം, അ​ടി​സ്ഥാ​ന ചി​കി​ത്സാ സം​വി​ധാ​നം ഇ​വ​യി​ലെ പാ​ക​പ്പി​ഴ​ക​ളാ​ണ്.

പൊ​തു​ജ​നാ​രോ​ഗ്യം അ​വ​ഗ​ണി​ച്ച്, പൊ​തു​ജ​നാ​രോ​ഗ്യ​ത്തി​ന്റെ പേ​രി​ൽ നാ​ട് നീ​ളെ ആ​ധു​നി​ക ഹെ​ൽ​ത്ത് ക്ല​ബു​ക​ളും യോ​ഗകേ​ന്ദ്ര​ങ്ങ​ളും സ​മീ​കൃ​താ​ഹാ​ര​ത്തി​നു പ​ക​രം ഒ​റ്റ​മൂ​ലി​ക​ളും നു​ട്രാ​സൂ​ട്ടി​ക്ക​ൽ ഉ​ൽ​പാ​ദ​ന​വും കു​ടി​വെ​ള്ള​ത്തി​നാ​യി കു​പ്പിവെ​ള്ള​വും പ്രാ​ഥ​മി​ക വി​ദ്യാ​ഭ്യാ​സം ക​ച്ച​വ​ട​മാ​ക്കു​ക​യും പ്ര​ാഥ​മി​ക ചി​ക​ിത്സ ശാ​സ്ത്രീ​യ​മാ​ക്കാ​തെ ത്രി​ത​ല ചി​കി​ത്സ വ​ള​ർ​ത്തു​ന്ന​തും ഒ​ക്കെ​യാ​ണ് ന​മ്മു​ടെ ആ​രോ​ഗ്യ​മേ​ഖ​ല​യെ ത​ള​ർ​ത്തു​ന്ന​ത്. ആ​രോ​ഗ്യ കേ​ര​ള​ത്തി​നാ​യി ന​മു​ക്ക് ഒ​ന്നി​ക്കാം, കൂ​ട്ടാ​യി പ്ര​വ​ർ​ത്തി​ക്കാം.

=======

(കാലിക്കറ്റ് സ​ർ​വ​ക​ലാ​ശാ​ലയിൽ ഫാ​ക്ക​ൽ​റ്റി ഓ​ഫ് മെ​ഡി​സി​നിൽ മുൻ ഡീനും കോ​ഴി​ക്കോ​ട് മെ​ഡി​ക്ക​ൽ കോ​ള​ജ് മെ​ഡി​സി​ൻ വി​ഭാ​ഗം മു​ൻ മേ​ധാ​വിയുമാണ്​ ലേഖകൻ)