ഇ​ന്ത്യ​ൻ ഫു​ട്​​ബാ​ളി​ലെ മൂ​ല​മ​റ്റം പ​വ​ർ ഹൗ​സ്​

ഇ​ന്ത്യ​ൻ കാ​ൽ​പ​ന്തി​ൽ വി​സ്മ​യ​ങ്ങ​ൾ തീ​ർ​ത്ത എ​ൻ.​പി. പ്ര​ദീ​പ്​ ത​െ​ന്റ ജീ​വി​തം പ​റ​യു​ന്നു. ഫു​ട്​​ബാ​ളി​െ​ന്റ അ​വി​സ്മ​ര​ണീ​യ നി​മി​ഷ​ങ്ങ​ൾ പ​ങ്കു​വെ​ക്കു​ന്നു.

1983 ഏ​പ്രി​ൽ 28ന് ​ഇ​ടു​ക്കി ജി​ല്ല​യി​ലെ മൂ​ല​മ​റ്റ​ത്ത് ബി​ഷ​പ് വ​യ​ലി​ൽ ഹോ​സ്പി​റ്റ​ലി​ൽ ആ​ണ് എ​െ​ന്റ ജ​ന​നം. അ​ച്ഛ​ൻ പാ​പ്പ​ച്ച​ൻ അ​മ്മ സാ​വി​ത്രി. അ​ങ്ങ​നെ എ​ടു​ത്തു​പ​റ​യാ​ൻ മാ​ത്രം വ​ലി​യ പ്ര​ത്യേ​ക​ത​ക​ൾ ഒ​ന്നും​ത​ന്നെ അ​വ​കാ​ശ​പ്പെ​ടാ​നി​ല്ല. കു​ട്ടി​ക്കാ​ലം തൊ​ട്ടേ ഫു​ട്ബാ​ൾ എ​ന്ന് പ​റ​ഞ്ഞാ​ൽ ജീ​വ​നാ​യി​രു​ന്നു.​ വീ​ട്ടി​ൽ ആ​ർ​ക്കും എ​തി​ർ​പ്പൊ​ന്നും ഇ​ല്ലാ​യി​രു​ന്നു. ഇ​പ്പോ​ഴു​ള്ള പോ​ലെ ട​ർ​ഫു​ക​ളും അ​ക്കാ​ദ​മി​ക​ളും ഒ​ന്നും അ​ന്നി​ല്ല. ഇ​പ്പോ​ഴും ഇ​ടു​ക്കി ജി​ല്ല​യി​ൽ വി​ര​ലി​ൽ എ​ണ്ണാ​വു​ന്ന ട​ർ​ഫു​ക​ളേ​യു​ള്ളൂ.

പ​ഠി​ച്ച​ത്​ മൂ​ല​മ​റ്റം ഐ.​എ​ച്ച്.​ഇ.​പി സ്കൂ​ളി​ലും ഗ​വ​ൺ​മെ​ന്റ് സ്കൂ​ളി​ലും ആ​യി​രു​ന്നു. അ​വി​ടെ​നി​ന്നാ​ണ് ക​ളി​ച്ചു​തു​ട​ങ്ങി​യ​ത്. എ​ന്നും വൈ​കീ​ട്ട് ഗ്രൗ​ണ്ടി​ൽ ക​ളി​യു​ണ്ടാ​വും. ആ​ദ്യ​മൊ​ക്കെ ഞാ​ൻ കാ​ഴ്ച​ക്കാ​ര​നാ​യി​രു​ന്നു. പി​ന്നെ പ​തി​യ​പ്പ​തി​യെ ക​ളി​ച്ചു​തു​ട​ങ്ങി. മൂ​ല​മ​റ്റം വി​കാ​സ് ക്ല​ബ് ആ​ണ് എ​ന്നെ ഫു​ട്ബാ​ളി​ലേ​ക്കു കൊ​ണ്ടു​വ​രു​ന്ന​ത്.

ഇ​പ്പോ​ഴ​ത്തെ കെ.​എ​ഫ്.​എ പ്ര​സി​ഡ​ന്റ് കൂ​ടി​യാ​യ ടോം ​ജോ​സ് കു​ന്നേ​ൽ, സി.​എ​സ്. മാ​മ്മ​ൻ, പി.​ആ​ർ. ബി​ജു, മാ​ർ​ട്ടി​ൻ,ബി​ജു, ജി​മ്മി, രാ​ജേ​ഷ് ഗോ​ളി, പ്ര​സാ​ദ് ഗോ​ളി, സെ​ൽ​വ​ൻ, ഗ​ണേ​ഷ് സ​ർ, വ​ക്ക​ൻ ചേ​ട്ട​ൻ, ലൂ​ണ കു​ഞ്ച​ൻ, മ​ണി​ക​ണ്ഠ​ൻ, മു​രു​ഗ​ൻ കാ​ട്ടു (സു​രാ​പ്പി), ഗൈ​ൻ, ടോ​മി ഇ​വ​രൊ​ക്കെ ആ​യി​രു​ന്നു അ​ന്ന​ത്തെ എ​െ​ന്റ ഹീ​റോ​സ്.

ആ ​സ​മ​യ​ത്ത് വി​കാ​സ് ക്ല​ബ് ന​ട​ത്തി​വ​ന്നി​രു​ന്ന വി​കാ​സ് ഫു​ട്ബാ​ൾ മേ​ള​യൊ​ന്നും ഒ​രി​ക്ക​ലും മ​റ​ക്കാ​ൻ ക​ഴി​യി​ല്ല. അ​ന്ന് സ​ന്തോ​ഷ് ട്രോ​ഫി ഒ​ക്കെ ക​ളി​ച്ച് അ​ത്യാ​വ​ശ്യം പ്ര​ശ​സ്തി​യി​ൽ ഒ​ക്കെ നി​ൽ​ക്കു​ന്ന നാ​ട്ടു​കാ​ര​നാ​യ മാ​മ്മ​ൻ ചേ​ട്ട​നാ​യി​രു​ന്നു അ​ക്കാ​ല​ത്തെ എ​െ​ന്റ ഹീ​റോ. അ​ന്ന് പു​ള്ളി​യു​ടെ കൂ​ടെ ക​ളി​ക്കാ​ൻ വ​ന്നി​രു​ന്ന​ത് തി​രു​വ​ന​ന്ത​പു​ര​ത്തു​ള്ള കെ.​എ​സ്.​ഇ.​ബി പ്ല​യേ​ഴ്സ് ഒ​ക്കെ​യാ​യി​രു​ന്നു. അ​വ​രു​ടെ ഒ​ക്കെ ക​ളി ക​ണ്ട് അ​മ്പ​ര​ന്നു നി​ന്നി​ട്ടു​ണ്ട്.

മു​ൻ സ​ന്തോ​ഷ് ട്രോ​ഫി താ​ര​വും ഇ​പ്പോ​ൾ ഇ​ടു​ക്കി ജി​ല്ല ഫു​ട്ബാ​ൾ അ​സോ​സി​യേ​ഷ​ൻ പ്ര​സി​ഡ​ന്റു​മാ​യ സ​ലീം കു​ട്ടി സാ​റി​ന്റെ അ​ടു​ത്താ​ണ്​ ഞാ​ൻ പ​രി​ശീ​ല​ന​ത്തി​ന് പോ​യി​രു​ന്ന​ത്. അ​ദ്ദേ​ഹം ആ​ണെ​ങ്കി​ൽ ഫു​ട്ബാ​ളി​നു വേ​ണ്ടി ജീ​വി​തം മാ​റ്റി​വെ​ച്ച മ​നു​ഷ്യ​നും. അ​ങ്ങ​നെ​യൊ​രാ​ളു​ടെ അ​രി​കി​ൽ എ​ത്തി​പ്പെ​ടാ​ൻ ക​ഴി​ഞ്ഞ​തു​കൊ​ണ്ടാ​ണ് ഞാ​നെ​ന്ന ക​ളി​ക്കാ​ര​ൻ ഉ​ണ്ടാ​യ​ത്. ഏ​താ​ണ്ട് 20 കി​ലോ​മീ​റ്റ​റു​ക​ൾ ഉ​ണ്ടാ​വും മൂ​ല​മ​റ്റ​ത്തു​നി​ന്ന് തൊ​ടു​പു​ഴ​ക്ക്. എ​ന്നും പോ​യി വ​രു​ന്ന​തൊ​ന്നും അ​ത്ര എ​ളു​പ്പ​മാ​യി​രു​ന്നി​ല്ല. ആ ​സ​മ​യ​ത്തൊ​ക്കെ സ​ലീം കു​ട്ടി സാ​റൊ​ക്കെ ഒ​രു​പാ​ട് സ​ഹാ​യി​ച്ചി​ട്ടു​ണ്ട്.

2007 ൽ ​നെ​ഹ്റു ക​പ്പ് ഫൈ​ന​ലി​ൽ സി​റി​യ​ക്കെ​തി​രെ ഗോ​ൾ നേ​ടി​യ എ​ൻ.​പി. പ്ര​ദീ​പി​ന്റെ ആ​ഘോ​ഷം

അ​ന്നെ​ല്ലാം കൂ​ടെ എ​ന്തി​നും ക​ട്ട​ക്ക് നി​ൽ​ക്കു​ന്ന കു​റെ കൂ​ട്ടു​കാ​ർ ഉ​ണ്ടാ​യി​രു​ന്നു. അ​ന്ന​ത്തെ എ​െ​ന്റ സ​മ്പാ​ദ്യ​വും അ​വ​രൊ​ക്കെ​ത്ത​ന്നെ​യാ​യി​രു​ന്നു. ബി​നോ​യ്, നി​സാം, ഷി​ഹാ​ബ്, അ​ന​സ്, ജെ​യ്സ​ൺ, ഭാ​സി, സി​ജു ഇ​വ​രൊ​ക്കെ അ​വ​രി​ൽ ചി​ല​രാ​ണ്. നാ​ട്ടി​ൽ പോ​വു​മ്പോ​ഴൊ​ക്കെ ഞ​ങ്ങ​ൾ ഒ​ത്തു​കൂ​ടാ​റു​ണ്ട്.

മൂ​ല​മ​റ്റം വി​കാ​സ് ക്ല​ബ്, യൂ​നി​റ്റി സോ​ക്ക​ർ ക്ല​ബ്, ഈ ​ര​ണ്ട് ക്ല​ബു​ക​ളും ഫു​ട്ബാ​ൾ ജീ​വി​ത​ത്തി​ൽ നി​ർ​ണാ​യ​ക പ​ങ്കു​വ​ഹി​ച്ചി​ട്ടു​ള്ള ക്ല​ബു​ക​ളാ​ണ്. ഞാ​നെ​ന്ന ക​ളി​ക്കാ​ര​നെ ആ​ദ്യ​മാ​യി വി​ശ്വ​സി​ച്ച​ത് അ​വ​രാ​ണ്. അ​ന്നൊ​ക്കെ എ​ല്ലാ ജി​ല്ല​ക​ളി​ലും സ​മ്മ​ർ കോ​ച്ചി​ങ് ക്യാ​മ്പു​ക​ൾ ന​ട​ക്കാ​റു​ണ്ട്. ഓ​രോ ജി​ല്ല​യി​ൽ​നി​ന്നും ര​ണ്ടു​പേ​ർ​ക്ക് ആ ​ക്യാ​മ്പി​ലേ​ക്ക് പ്ര​വേ​ശ​നം ന​ൽ​കി​യി​രു​ന്നു.

അ​ണ്ട​ർ -14 ത​ല​ത്തി​ൽ ഇ​ടു​ക്കി ജി​ല്ല​യി​ൽ​നി​ന്ന് സെ​ല​ക്ഷ​ൻ കി​ട്ടി​യ ര​ണ്ട് ക​ളി​ക്കാ​രി​ൽ ഒ​രാ​ൾ ഞാ​നാ​യി​രു​ന്നു. തി​രു​വ​ന​ന്ത​പു​ര​ത്ത് ന​ട​ന്ന ക്യാ​മ്പി​ൽ അ​ണ്ട​ർ-14 ത​ല​ത്തി​ൽ ടാ​റ്റാ ഫു​ട്ബാ​ൾ അ​ക്കാ​ദ​മി​ക്കെ​തി​രെ​യാ​ണ് ​പ്ര​ഫ​ഷ​ന​ൽ​ത​ല​ത്തി​ൽ ആ​ദ്യ​മാ​യി ബൂ​ട്ട​ണി​ഞ്ഞ​ത്. സ്വ​ന്ത​മാ​യി ഒ​രു ബൂ​ട്ടൊ​ക്കെ അ​ന്നൊ​ക്കെ സ​ത്യം​പ​റ​ഞ്ഞാ​ൽ സ്വ​പ്നം​കാ​ണാ​ൻ​പോ​ലും പ​റ്റി​ല്ല. പ​ക്ഷേ, അ​മ്മ എ​ങ്ങ​നെ​യോ പൈ​സ സ്വ​രു​ക്കൂ​ട്ടി വെ​ച്ച് ആ​ദ്യ​മാ​യി ബൂ​ട്ട് വാ​ങ്ങി​ത്ത​ന്നു. ഇ​ന്നും അ​തോ​ർ​ക്കു​മ്പോ​ൾ ക​ണ്ണു​ക​ൾ നി​റ​യും.

പി​ന്നീ​ട് ഇ​ടു​ക്കി ജി​ല്ല​യു​ടെ അ​ണ്ട​ർ-16 ജി​ല്ല ടീ​മി​ലേ​ക്ക് എ​നി​ക്ക് സെ​ല​ക്ഷ​ൻ കി​ട്ടി. ജി​ല്ല ടീ​മി​നു വേ​ണ്ടി സെ​മി​ഫൈ​ന​ൽ വ​രെ​യു​ള്ള മ​ത്സ​ര​ങ്ങ​ളി​ൽ ന​ന്നാ​യി ക​ളി​ക്കാ​ൻ ക​ഴി​ഞ്ഞു. അ​ത് ക​ഴി​ഞ്ഞ് ഇ​ടു​ക്കി ജി​ല്ല​യു​ടെ അ​ണ്ട​ർ-21 ത​ല​ത്തി​ൽ ഫൈ​ന​ൽ വ​രെ​ എ​ത്താ​നേ പ​റ്റി​യു​ള്ളൂ. ആ​ദ്യ​മാ​യി ഒ​രു ടൂ​ർ​ണ​മെ​ന്റി​ലെ മി​ക​ച്ച താ​ര​മാ​വു​ന്ന​ത് ആ ​സ​മ​യ​ത്താ​ണ്.

എൻ.പി. പ്രദീപ് കളിക്കളത്തിൽ

അ​ന്ന് കൂ​ടെ ക​ളി​ച്ചി​രു​ന്ന പ​ല​രും കേ​ര​ള​ത്തി​നു വേ​ണ്ടി സ​ബ് ജൂ​നി​യ​ർ​ത​ല​ത്തി​ൽ ഒ​ക്കെ മ​ത്സ​രി​ച്ചി​രു​ന്നു. എ​നി​ക്ക് പ​ക്ഷേ, ക​ളി​ക്കാ​ൻ ക​ഴി​ഞ്ഞി​രു​ന്നി​ല്ല. പ്രീ​ഡി​ഗ്രി​ക്ക് ഞാ​ൻ കേ​ര​ള​വ​ർ​മ കോ​ള​ജി​ൽ ആ​യി​രു​ന്നു. ആ​വ​ശ്യ​ത്തി​ല​ധി​കം യൂ​നി​വേ​ഴ്സി​റ്റി താ​ര​ങ്ങ​ൾ അ​ന്നും അ​വി​ടെ​യു​ണ്ടാ​യി​രു​ന്നു. അ​തു​കൊ​ണ്ടു​ത​ന്നെ കോ​ള​ജ് ടീ​മി​ലൊ​ന്നും ഞാ​ൻ ക​ളി​ച്ചി​ട്ടി​ല്ല. പി​ന്നെ ഞാ​ൻ വീ​ണ്ടും നാ​ട്ടി​ലെ​ത്തി പ്ര​ദീ​പ് വി​കാ​സ് ക്ല​ബി​നൊ​പ്പം ക​ളി​ക്കാ​ൻ തു​ട​ങ്ങി. ആ ​വ​ർ​ഷം ന​ട​ന്ന വി​കാ​സ് ഫു​ട്ബാ​ൾ മേ​ള​യി​ൽ ക​ളി​ക്കാ​ൻ ബൂ​ട്ട് വാ​ങ്ങി ന​ൽ​കി​യ​ത് സി.​എ​സ്. മാ​മ്മ​െ​ന്റ സ​ഹോ​ദ​ര​ൻ ആ​യ ബി​ല്ലി ആ​യി​രു​ന്നു.

ആ ​വ​ർ​ഷ​മാ​ണ് സി.​എ​സ്. മാ​മ്മ​ൻ ചേ​ട്ട​ൻ എ​ന്നെ കെ.​എ​സ്.​ഇ.​ബി​യു​ടെ ട്ര​യ​ൽ​സി​നു വി​ളി​ക്കു​ന്ന​ത്. 10 ദി​വ​സ​ത്തോ​ളം ആ ​ടീ​മി​ന്റെ കൂ​ടെ​യാ​യി​രു​ന്നു. മാ​മ്മ​ൻ ചേ​ട്ട​െ​ന്റ കൂ​ടെ​യാ​ണ് താ​മ​സി​ച്ച​തൊ​ക്കെ. അ​ടു​ത്ത വ​ർ​ഷം എ​ന്നോ​ട് കെ.​എ​സ്.​ഇ.​ബി​യി​ൽ ഗെ​സ്റ്റ് ആ​യി സൈ​ൻ ചെ​യ്യാ​ൻ അ​വ​ർ പ​റ​ഞ്ഞു. അ​ന്ന് കെ.​എ​സ്.​ഇ.​ബി കോ​ച്ച് ആ​യ ജാ​ഫ​ർ സാ​റും ഭ​ര​ത​ൻ സാ​റു​മെ​ല്ലാം എ​ന്റെ വ​ള​ർ​ച്ച​യി​ൽ പ്ര​ധാ​ന പ​ങ്കു​വ​ഹി​ച്ച​വ​രാ​ണ്.

17 വ​യ​സ്സു​ള്ള​പ്പോ​ഴാ​ണ് അ​ണ്ട​ർ 21 കേ​ര​ള ക്യാ​മ്പി​ലേ​ക്ക് സെ​ല​ക്ഷ​ൻ കി​ട്ടു​ന്ന​ത്. ഇ​ടു​ക്കി ജി​ല്ല അ​ണ്ട​ർ 14, 16, 19 ടീ​മു​ക​ൾ​ക്ക് വേ​ണ്ടി ക​ളി​ച്ചി​ട്ടു​ണ്ടെ​ങ്കി​ലും ആ​ദ്യ​മാ​യി കേ​ര​ള​ത്തി​നു വേ​ണ്ടി ക​ളി​ച്ച​ത് അ​ണ്ട​ർ 21 ടീ​മി​ലാ​യി​രു​ന്നു. ആ ​സ​മ​യ​ത്താ​ണ് എ​സ്.​ബി.​ടി പു​തി​യ താ​ര​ങ്ങ​ൾ​ക്കാ​യി സെ​ല​ക്ഷ​ൻ ട്ര​യ​ൽ​സ്‌ ന​ട​ത്തു​ന്ന​ത്.

അ​ന്ന​ത്തെ കോ​ച്ച് ന​ജീ​ബ് സാ​റി​ന്റെ നേ​തൃ​ത്വ​ത്തി​ൽ ന​ട​ത്തി​യ ട്ര​യ​ൽ​സി​ൽ നാ​ട്ടു​കാ​ര​നാ​യ സ​നു​ഷ് രാ​ജ് അ​ട​ക്ക​മു​ള്ള ആ​റു താ​ര​ങ്ങ​ൾ​ക്ക് സെ​ല​ക്ഷ​ൻ ല​ഭി​ച്ചു. അ​ന്ന് ഭ​ര​ത​ൻ സാ​റാ​ണ് എ​ന്നെ​യും​കൂ​ടി അ​വ​രു​ടെ കൂ​ടെ കൂ​ട്ടാ​ൻ ന​ജീ​ബ് സാ​റി​നോ​ട് പ​റ​ഞ്ഞ​ത്. അ​ങ്ങ​നെ​യാ​ണ് സ്റ്റേ​റ്റ് ബാ​ങ്ക് ടീ​മി​ൽ ഞാ​ൻ സൈ​ൻ ചെ​യ്യു​ന്ന​ത്. ആ​രാ​ധ​ന​യോ​ടെ ക​ണ്ടി​രു​ന്ന ആ​സി​ഫ് സ​ഹീ​ർ, ഇ​ഗ്നേ​ഷ്യ​സ് സി​ൽ​വ​സ്റ്റ​ർ, സാ​ബി​ർ, ഹ​കീം തു​ട​ങ്ങി​യ ആ ​കാ​ല​ഘ​ട്ട​ത്തി​ലെ താ​ര​രാ​ജാ​ക്ക​ന്മാ​രു​ടെ കൂ​ടെ പ്രാ​ക്ടീ​സ് ചെ​യ്യാ​ൻ അ​വ​സ​രം ല​ഭി​ച്ച​ത് ഫു​ട്ബാ​ൾ ജീ​വി​ത​ത്തി​ലെ ഏ​റ്റ​വും വ​ലി​യ ഭാ​ഗ്യ​ങ്ങ​ളി​ൽ ഒ​ന്നാ​ണ്.

സ്റ്റേ​റ്റ് ബാ​ങ്കി​ൽ ജോ​യി​ൻചെ​യ്ത സ​മ​യ​ത്താ​ണ്​ മും​ബൈ സ​ന്തോ​ഷ് ട്രോ​ഫി ന​ട​ന്ന​ത്. സ​ന്തോ​ഷ് ട്രോ​ഫി ക്യാ​മ്പി​ൽ ഞാ​ൻ ഉ​ണ്ടാ​യി​രു​ന്നു​വെ​ങ്കി​ലും ടീ​മി​ൽ ഇ​ല്ലാ​യി​രു​ന്നു. ആ ​സ​മ​യ​ത്താ​ണ് 2001ൽ ​മു​ൻ​കാ​ല കെ.​എ​ഫ്.​എ സെ​ക്ര​ട്ട​റി സു​ഗു​ണ​ൻ സാ​ർ ബാം​ഗ്ലൂ​രി​ൽ അ​ണ്ട​ർ-19 ഇ​ന്ത്യ​ൻ ടീ​മി​ന്റെ ട്ര​യ​ൽ​സി​ൽ പ​ങ്കെ​ടു​ക്കാ​ൻ ഞാ​ൻ ഉ​ൾ​പ്പെ​ടെ​യു​ള്ള ഏ​ഴം​ഗ സം​ഘ​ത്തെ പ​റ​ഞ്ഞു​വി​ടു​ന്ന​ത്. അ​ന്ന് കേ​ര​ള​ത്തി​ൽ​നി​ന്നു പോ​യ ഏ​ഴു​പേ​രി​ൽ​നി​ന്ന് എ​നി​ക്ക് മാ​ത്ര​മാ​ണ് ഇ​ന്ത്യ​ൻ അ​ണ്ട​ർ-19 ക്യാ​മ്പി​ലേ​ക്ക് സെ​ല​ക്ഷ​ൻ ല​ഭി​ച്ച​ത്. കേ​ര​ള​ത്തി​ൽ​നി​ന്ന് കോ​ഴി​ക്കോ​ട്ടു​കാ​ര​നാ​യ ശി​വ​ദ​ത്ത് റോ​ണി​യും അ​പ്പോ​ൾ ടീ​മി​ൽ ഉ​ണ്ടാ​യി​രു​ന്നു. ഇ​ന്ത്യ​ൻ ക്യാ​മ്പി​ൽ സ​തീ​ഷ് മാ​മ, സു​ബ്ര​താ​പോ​ൾ, ന​ബി, സു​ഭാ​ഷ് ച​ക്ര​വ​ർ​ത്തി തു​ട​ങ്ങി​യ താ​ര​ങ്ങ​ളോ​ടൊ​പ്പം ക​ൽ​ക്ക​ത്ത​യി​ൽ ന​ട​ന്ന എ.​എ​ഫ്.​സി ക്വാ​ളി​ഫൈ മാ​ച്ചി​ൽ ഞ​ങ്ങ​ൾ ഖ​ത്ത​റി​ൽ ന​ട​ന്ന എ.​എ​ഫ്.​സി ക​പ്പി​ന് യോ​ഗ്യ​ത നേ​ടി. കൊ​ൽ​ക്ക​ത്ത​യി​ലും ഇ​ന്ത്യ​ൻ അ​ണ്ട​ർ-19 ടീ​മി​നു വേ​ണ്ടി ഞാ​ൻ മ​ത്സ​രി​ക്കു​ക​യും ന​ല്ല രീ​തി​യി​ൽ ക​ളി​ക്കാ​ൻ ക​ഴി​യു​ക​യുംചെ​യ്തു.

2000 -2003 കാ​ല​ഘ​ട്ട​ത്തി​ൽ സ്റ്റേ​റ്റ് ബാ​ങ്ക് ടീ​മി​നു​വേ​ണ്ടി ഐ ​ലീ​ഗ് സെ​ക്ക​ൻ​ഡ് ഡി​വി​ഷ​നി​ൽ മി​ക​ച്ച പ്ര​ക​ട​നം ന​ട​ത്താ​ൻ ക​ഴി​ഞ്ഞു. ര​ണ്ടു​വ​ർ​ഷം തു​ട​ർ​ച്ച​യാ​യി ക​ളി​ക്കാ​ൻ ക​ഴി​യു​ക​യും, മൂ​ന്നാം വ​ർ​ഷം ഐ ​ലീ​ഗ് ക്വാ​ളി​ഫൈ ചെ​യ്യു​ക​യുംചെ​യ്തു. 2002ൽ ​ആം​ഗ്ൾ ഇ​ഞ്ചു​റി മൂ​ലം എ​നി​ക്ക് സ​ന്തോ​ഷ് ട്രോ​ഫി ക്യാ​മ്പി​ലേ​ക്ക് സെ​ല​ക്ഷ​ൻ കി​ട്ടി​യി​ല്ല. ആ ​സ​മ​യ​ത്ത് ഞാ​ൻ അ​ണ്ണാ​മ​ലൈ യൂ​നി​വേ​ഴ്സി​റ്റി​ക്കു വേ​ണ്ടി ക​ളി​ക്കു​ന്നു​ണ്ടാ​യി​രു​ന്നു. ഇ​ന്റ​ർ യൂ​നി​വേ​ഴ്സി​റ്റി സൗ​ത്ത് സോ​ൺ ചാ​മ്പ്യ​ൻ​ഷി​പ്പി​ൽ എം.​ജി യൂ​നി​വേ​ഴ്സി​റ്റി​യെ പ​രാ​ജ​യ​പ്പെ​ടു​ത്തി ക്വാ​ളി​ഫൈ നേ​ടി​ക്കൊ​ടു​ത്ത​തി​ൽ ടീ​മി​നു​വേ​ണ്ടി ര​ണ്ട് ഗോ​ളും ഞാ​ൻ അ​ടി​ച്ചു.

സുഹൃത്തുക്കൾക്കൊപ്പം

2003ൽ ​അ​ണ്ണാ​മ​ലൈ യൂ​നി​വേ​ഴ്സി​റ്റി ആ​യി​രു​ന്നു ഓ​ൾ ഇ​ന്ത്യ യൂ​നി​വേ​ഴ്സി​റ്റി ടൂ​ർ​ണ​മെ​ന്റി​ൽ സൗ​ത്ത് സോ​ൺ ചാ​മ്പ്യ​ന്മാ​ർ. ഓ​ൾ ഇ​ന്ത്യ ഇ​ന്റ​ർ യൂ​നി​വേ​ഴ്സി​റ്റി ചാ​മ്പ്യ​ൻ​ഷി​പ്പി​ൽ അ​ണ്ണാ​മ​ലൈ യൂ​നി​വേ​ഴ്സി​റ്റി ഫൈ​ന​ലി​ൽ പ​രാ​ജ​യ​പ്പെ​ട്ടു. അ​തി​നു മു​മ്പു​ള്ള മ​ത്സ​ര​ങ്ങ​ളി​ൽ ര​ണ്ട് കാ​ർ​ഡ് കി​ട്ടി​യ​തു​കൊ​ണ്ട് എ​നി​ക്ക് ഫൈ​ന​ൽ ക​ളി​ക്കാ​ൻ ക​ഴി​ഞ്ഞി​ല്ല. ഫൈ​ന​ൽ ക​ളി​ക്കാ​ൻ പ​റ്റി​യി​ല്ലെ​ങ്കി​ലും ടൂ​ർ​ണ​മെ​ന്റി​ലെ മി​ക​ച്ച താ​രം ആ​വാ​നു​ള്ള ഭാ​ഗ്യം എ​നി​ക്കു​ണ്ടാ​യി. 2004ലെ ​സ​ന്തോ​ഷ് ട്രോ​ഫി​യി​ലാ​ണ് ഞാ​ൻ ആ​ദ്യ​മാ​യി കേ​ര​ള​ത്തി​നുവേ​ണ്ടി ക​ളി​ച്ച​ത്. അ​ന്നും എ​നി​ക്ക് ഫൈ​ന​ലി​ൽ ക​ളി​ക്കാ​ൻ ക​ഴി​ഞ്ഞി​ല്ല.

ഏ​റ്റ​വും വ​ലി​യ ആ​ഗ്ര​ഹ​ങ്ങ​ളി​ൽ ഒ​ന്നാ​യി​രു​ന്നു ഐ.​എം. വി​ജ​യേ​ട്ട​െ​ന്റ കൂ​ടെ ക​ളി​ക്കു​ക എ​ന്നു​ള്ള​ത്. 2005 സ​ന്തോ​ഷ് ട്രോ​ഫി​യി​ൽ അ​ദ്ദേ​ഹ​ത്തി​ന്റെ കൂ​ടെ ക​ളി​ക്കാ​ൻ എ​നി​ക്ക് അ​വ​സ​രം ല​ഭി​ച്ചു. അ​ന്നാ​ണ് കേ​ര​ള​ത്തി​നുവേ​ണ്ടി ഞാ​ൻ ആ​ദ്യ​മാ​യി ഗോ​ൾ നേ​ടു​ന്ന​ത്. മ​ധ്യ​പ്ര​ദേ​ശി​നെ​തി​രെ ആ​യി​രു​ന്നു ആ​ദ്യ​ഗോ​ൾ. സെ​മി​ഫൈ​ന​ലി​ൽ ന​മ്മ​ൾ മ​ഹാ​രാ​ഷ്ട്ര​യോ​ട് പ​രാ​ജ​യ​പ്പെ​ട്ടി​രു​ന്നു.

കേ​ര​ള​ത്തി​നുവേ​ണ്ടി നാ​ലു​ത​വ​ണ (2004, 2005, 2006, 2008) സ​ന്തോ​ഷ് ട്രോ​ഫി ക​ളി​ക്കാ​ൻ എ​നി​ക്ക് അ​വ​സ​രം ഉ​ണ്ടാ​യി​ട്ടു​ണ്ട്. 2008ൽ ​കോ​യ​മ്പ​ത്തൂ​രി​ൽ ന​ട​ന്ന സ​ന്തോ​ഷ് ട്രോ​ഫി​യി​ൽ കേ​ര​ള​ത്തി​ന്റെ ക്യാ​പ്റ്റ​ൻ ഞാ​നാ​യി​രു​ന്നു. 2013ൽ ​കേ​ര​ള​ത്തി​ൽ ന​ട​ന്ന സ​ന്തോ​ഷ് ട്രോ​ഫി​യി​ൽ മ​ഹാ​രാ​ഷ്ട്ര​യു​ടെ ക്യാ​പ്റ്റ​നാ​യി. 2004ൽ ​എ​സ്.​ബി.​ടി​യി​ൽ ക​ളി​ക്കു​ന്ന സ​മ​യ​ത്ത് ഇ​ന്ത്യ​ൻ സീ​നി​യ​ർ ടീ​മി​ലേ​ക്ക് സെ​ല​ക്ഷ​ൻ കി​ട്ടി​യി​രു​ന്നു. 2005ൽ ​എ.​എ​ഫ്.​സി ച​ല​ഞ്ച് ക​പ്പി​െ​ന്റ ആ​ദ്യ എ​ഡി​ഷ​ൻ ബം​ഗ്ലാ​ദേ​ശി​ൽ ന​ട​ന്ന​പ്പോ​ൾ ഞാ​നാ​യി​രു​ന്നു ക്യാ​പ്റ്റ​ൻ. ആ​ദ്യ​മാ​യി ക്യാ​പ്റ്റ​െ​ന്റ ആം ​ബാ​ൻ​ഡ​ണി​ഞ്ഞ് മ​ത്സ​ര​ത്തി​നി​റ​ങ്ങി​യ​ത് ഇ​ന്നും എ​ന്റെ ക​ൺ​മു​ന്നി​ലു​ണ്ട്. അ​ന്ന് കൂ​ടെ ക​ളി​ച്ച മ​ല​യാ​ളി​ക​ളാ​യി​രു​ന്നു തൃ​ശൂ​ർ​കാ​ര​നാ​യ റി​നോ ആ​ന്റോ​യും വ​യ​നാ​ട്ടു​കാ​ര​നാ​യ ഷ​ഫീ​ക്കും.

അ​ണ്ട​ർ-23 ക്യാ​പ്റ്റ​നാ​യ സ​മ​യ​ത്തൊ​ക്കെ ടീ​മി​നു​വേ​ണ്ടി ന​ല്ല പ്ര​ക​ട​നം കാ​ഴ്ച​വെ​ക്കാ​ൻ സാ​ധി​ച്ചി​ട്ടു​ണ്ട്. അ​ങ്ങ​നെ​യാ​ണ് ഇ​ന്ത്യ​ൻ സീ​നി​യ​ർ ടീം ​കോ​ച്ച് ന​ഈ​മു​ദ്ദീ​ൻ സാ​ർ ഇ​ന്ത്യ​ൻ സീ​നി​യ​ർ ടീ​മി​ലേ​ക്ക് ക്ഷ​ണി​ക്കു​ന്ന​ത്. അ​ദ്ദേ​ഹ​ത്തി​ന്റെ കീ​ഴി​ലാ​ണ് ഞാ​ൻ ആ​ദ്യ​മാ​യി ഇ​ന്ത്യ​ൻ സീ​നി​യ​ർ ടീ​മി​നു​വേ​ണ്ടി ബൂ​ട്ട് അ​ണി​ഞ്ഞ​ത്. പാ​ല​ക്കാ​ട്ടു​കാ​ര​നാ​യ അ​ബ്ദു​ൽ ഹ​കീ​മും അ​ന്ന് ടീ​മി​ൽ ഉ​ണ്ടാ​യി​രു​ന്നു. പാ​കി​സ്താ​നു​മാ​യി ന​ട​ന്ന സൗ​ഹൃ​ദമ​ത്സ​രം ആ​യി​രു​ന്നു ഇ​ന്ത്യ​ൻ ജ​ഴ്സി​യി​ൽ സീ​നി​യ​ർ ടീ​മി​നു വേ​ണ്ടി എ​െ​ന്റ ആ​ദ്യ പ്ര​ക​ട​നം. ഇ​പ്പോ​ഴ​ത്തെ ഇ​ന്ത്യ​ൻ ക്യാ​പ്റ്റ​ൻ സു​നി​ൽ ഛേത്രി​യു​ടെ ആ​ദ്യ മ​ത്സ​ര​വും അ​തു​ത​ന്നെ. ആ ​വ​ർ​ഷം​ത​ന്നെ ഫി​ജി​യി​ൽ ന​ട​ന്ന അ​ണ്ട​ർ 23 സൗ​ഹൃ​ദ മ​ത്സ​ര​ത്തി​ലും ഞ​ങ്ങ​ൾ ഒ​രു​മി​ച്ച് ക​ളി​ച്ചി​രു​ന്നു.

2005 -2006 കാ​ല​ഘ​ട്ട​ത്തി​ലാ​ണ് ഇ​ന്ത്യ ന​ഈ​മു​ദ്ദീ​ൻ കോ​ച്ചി​െ​ന്റ കീ​ഴി​ൽ ജ​പ്പാ​നി​ൽ ന​ട​ന്ന ലോ​ക​ക​പ്പ് യോ​ഗ്യ​ത മ​ത്സ​ര​ത്തി​ൽ പ​ങ്കെ​ടു​ക്കു​ന്ന​ത്. അ​ന്ന് ജ​പ്പാ​നോ​ടും യ​മ​നോ​ടും തോ​റ്റ് ന​മ്മ​ൾ പു​റ​ത്താ​യി. ഇ​ന്ത്യ​ൻ ടീ​മി​െ​ന്റ പ​രി​ശീ​ല​ക സ്ഥാ​നം ഏ​റ്റെ​ടു​ക്കാ​ൻ ബോ​ബ് ഹൂ​ട്ട​ൻ എ​ത്തു​ന്ന​ത് ആ ​സ​മ​യ​ത്താ​ണ്. എ​ന്നെ ഒ​രു മി​ക​ച്ച ക​ളി​ക്കാ​ര​ൻ ആ​ക്കി മാ​റ്റി​യ​തി​ൽ അ​ദ്ദേ​ഹ​ത്തി​ന് വ​ലി​യ സ്ഥാ​ന​മു​ണ്ട്.

നെ​ഹ്‌​റു ക​പ്പ്‌ ഫു​ട്ബാ​ൾ ആ​ണ് ഫു​ട്ബാ​ൾ ജീ​വി​ത​ത്തി​ലെ ഏ​റ്റ​വും വ​ലി​യ വ​ഴി​ത്തി​രി​വ്. 2007ൽ ​നെ​ഹ്റു ക​പ്പി​ന് ത​യാ​റെ​ടു​ക്കു​ന്ന സ​മ​യ​ത്ത് ജൂ​ലൈ 28നാ​ണ് എ​ന്റെ അ​ച്ഛ​െ​ന്റ മ​ര​ണം. ആ ​സ​മ​യ​ത്ത് ഞാ​ൻ ഇ​ന്ത്യ​ൻ ടീ​മി​നൊ​പ്പം പോ​ർ​ചു​ഗ​ലി​ൽ ആ​യി​രു​ന്നു. അ​വ​സാ​ന​ത്തെ ര​ണ്ട് പ​രി​ശീ​ല​ന മ​ത്സ​ര​ങ്ങ​ളി​ൽ പ​ങ്കെ​ടു​ക്കാ​തെ നാ​ട്ടി​ലേ​ക്ക് മ​ട​ങ്ങേ​ണ്ടി​വ​ന്നു. എ​ന്നാ​ൽ, നെ​ഹ്റു ക​പ്പ് തു​ട​ങ്ങാ​ൻ അ​ധി​കം ദി​വ​സ​ങ്ങ​ൾ ഇ​ല്ലാ​തി​രു​ന്ന​തു​കൊ​ണ്ടു​ത​ന്നെ 10 ദി​വ​സ​ത്തി​ന​കം ഇ​ന്ത്യ​ൻ ക്യാ​മ്പി​ലേ​ക്ക് തി​രി​കെ പോ​വേ​ണ്ടിവ​ന്നു. മാ​ന​സി​ക​മാ​യി ആ​കെ ത​ക​ർ​ന്നു​പോ​യ സ​മ​യ​മാ​യി​രു​ന്നു അ​ത്. അ​ന്നെ​ന്നെ വി​ളി​ച്ച് ആ​ശ്വ​സി​പ്പി​ച്ച് ആ​ത്മ​വി​ശ്വാ​സം ന​ൽ​കി​യ​ത് മു​ൻ ഇ​ന്ത്യ​ൻ താ​രം ല​യ​ണ​ൽ ചേ​ട്ട​ൻ ആ​യി​രു​ന്നു. നെ​ഹ്റു ക​പ്പി​ൽ ഇ​ന്ത്യ​യു​ടെ ആ​ദ്യ​ത്തെ​യും അ​വ​സാ​ന​ത്തെ​യും ഗോ​ൾ എ​െ​ന്റ വ​ക ആ​യി​രു​ന്നു. കം​ബോ​ഡി​യ​ക്കെ​തി​രെ ആ​യി​രു​ന്നു ആ​ദ്യ​ത്തെ ഗോ​ൾ.

ക​ലാ​ശ​പ്പോ​രാ​ട്ട​ത്തി​ൽ സി​റി​യ ആ​യി​രു​ന്നു ഇ​ന്ത്യ​യു​ടെ എ​തി​രാ​ളി​ക​ൾ. ഗാ​ല​റി​യി​ൽ മു​ഴു​വ​ൻ ‘ഇ​ന്ത്യ ഇ​ന്ത്യ’ എ​ന്ന ആ​ര​വം മു​ഴ​ങ്ങു​ന്ന​ത് ഞ​ങ്ങ​ൾ​ക്ക് കേ​ൾ​ക്കാം. സി​റി​യ​ൻ ബോ​ക്സി​നു​ള്ളി​ൽ സു​നി​ൽ ഛേത്രി ​ഹെ​ഡ് ചെ​യ്ത പ​ന്ത് ബൈച്യുങ് ബൂ​ട്ടി​യ​യി​ലൂ​ടെ നേ​രെ ബോ​ക്സി​ന് പു​റ​ത്തു​ള്ള എ​നി​ക്കാ​ണ് കി​ട്ടു​ന്ന​ത്. ര​ണ്ട് പ്ര​തി​രോ​ധ താ​ര​ങ്ങ​ളു​ടെ​യും ഗോ​ളി​യു​ടെ​യും കാ​ലു​ക​ൾ​ക്കി​ട​യി​ലൂ​ടെ​യാ​ണ് ഞാ​ൻ ആ ​ഗോ​ള​ടി​ച്ച​ത്.

സ​ത്യം പ​റ​ഞ്ഞാ​ൽ ആ ​നി​മി​ഷം ഒ​രു​വേ​ള ഹൃ​ദ​യം നി​ല​ച്ചു​പോ​വു​മോ എ​ന്ന് ഞാ​ൻ ഭ​യ​ന്നു​പോ​യി. ക​ളി​യു​ടെ 43ാം മി​നി​റ്റി​ലാ​ണ് ഗോ​ള​ടി​ച്ച​ത്. ഇ​ന്ത്യ​ൻ ഫു​ട്ബാ​ളി​െ​ന്റ ച​രി​ത്ര​ത്തി​ലാ​ദ്യ​മാ​യി നെ​ഹ്റു ക​പ്പ് ഇ​ന്ത്യ​ക്ക് നേ​ടി​ക്കൊ​ടു​ക്കാ​ൻ ക​ഴി​ഞ്ഞ​തി​ൽ അ​ഭി​മാ​ന​മു​ണ്ട്. പി​റ്റേ​ന്ന് പ​ത്ര​ത്തി​ലൊ​ക്കെ ഒ​രു​പാ​ട് വാ​ർ​ത്ത​ക​ളൊ​ക്കെ വ​ന്നി​രു​ന്നു. ടീം ​മു​ഴു​വ​ൻ ആ​ഘോ​ഷ​ത്തി​ലാ​യി​രു​ന്നു ആ ​രാ​ത്രി. എ​നി​ക്ക് പ​ക്ഷേ, അ​ന്നു​റ​ങ്ങാ​ൻ ക​ഴി​ഞ്ഞി​ല്ല. ഗോ​ള​ടി​ച്ച​തി​നു ശേ​ഷം ഗ്രൗ​ണ്ടി​ൽ ഞാ​ൻ സ്ലൈ​ഡി​ങ് സെ​ലി​ബ്രേ​ഷ​ൻ ന​ട​ത്തി​യി​രു​ന്നു. അ​തി​െ​ന്റ ബാ​ക്കി​യാ​യി ര​ണ്ട് കാ​ൽമു​ട്ടു​ക​ളു​ടെ​യും തൊ​ലി​യു​രി​ഞ്ഞുപോ​യി.

2009ലും ​സി​റി​യ​യെ തോ​ൽ​പി​ച്ച് കി​രീ​ടം നി​ല​നി​ർ​ത്തു​മ്പോ​ൾ ഞാ​ൻ ആ​ദ്യ​മാ​യും അ​വ​സാ​ന​മാ​യും ഒ​രു മാ​ഗ​സി​നു വേ​ണ്ടി അ​ഭി​മു​ഖം ന​ൽ​കി​യ​ത് നാ​ട്ടി​ലെ​ത്ത​ന്നെ മു​ട്ടം പോ​ളിടെ​ക്നി​ക് കോ​ള​ജി​നു വേ​ണ്ടി​യാ​യി​രു​ന്നു. നെ​ഹ്റു ക​പ്പ് ജ​യി​ച്ചു​വ​ന്ന എ​നി​ക്ക് നാ​ട്ടി​ലും വീ​ട്ടി​ലു​മൊ​ക്കെ ന​ല്ല സ്വീ​ക​ര​ണ​മാ​യി​രു​ന്നു.

എൻ.പി. പ്രദീപ് മുത്തശ്ശിക്കൊപ്പം,ഹോക്കി താരം പി.ആർ. ശ്രീജേഷിനും മുഹമ്മദ് റാഫിക്കുമൊപ്പം

പി​ന്നെ 2008ൽ ​ഇ​ന്ത്യ എ.​എ​ഫ്.​സി ച​ല​ഞ്ച് ക​പ്പ് വി​ജ​യി​ച്ചു. നീ​ണ്ട 23 വ​ർ​ഷ​ത്തെ കാ​ത്തി​രി​പ്പി​ന് വി​രാ​മം​കു​റി​ച്ച് ന​മ്മ​ൾ ഏ​ഷ്യ ക​പ്പി​ന് യോ​ഗ്യ​ത നേ​ടി. ഹൈ​ദ​രാ​ബാ​ദി​ൽ ന​ട​ന്നു​വ​ന്നി​രു​ന്ന മ​ത്സ​ര​ത്തി​െ​ന്റ ഫൈ​ന​ൽ ന​ട​ന്ന​ത് ഡ​ൽ​ഹി​യി​ലാ​യി​രു​ന്നു. മ​ഴ കാ​ര​ണം ഡ​ൽ​ഹി​യി​ൽ ന​ട​ത്തി​യ മ​ത്സ​ര​ത്തി​ൽ ഇ​ന്ത്യ ത​ജി​കി​സ്താ​നെ ഒ​ന്നി​നെ​തി​രെ നാ​ല് ഗോ​ളു​ക​ൾ​ക്ക് പ​രാ​ജ​യ​പ്പെ​ടു​ത്തി​യാ​ണ് ഏ​ഷ്യ ക​പ്പ് യോ​ഗ്യ​ത ഉ​റ​പ്പി​ക്കു​ന്ന​ത്. 2011ൽ ​ഖ​ത്ത​റി​ൽ ന​ട​ന്ന ഏ​ഷ്യ ക​പ്പി​ൽ ന​മ്മ​ൾ തോ​റ്റു​പോ​യെ​ങ്കി​ലും ടൂ​ർ​ണ​മെ​ന്റി​ൽ ഉ​ട​നീ​ളം ന​ല്ല രീ​തി​യി​ൽ ക​ളി​ക്കാ​നു​ള്ള അ​വ​സ​രം ല​ഭി​ച്ചു.

എ​സ്.​ബി.​ടി, മ​ഹീന്ദ്ര യു​നൈ​റ്റ​ഡ്, മോ​ഹ​ന്‍ബ​ഗാ​ൻ, വി​വ കേ​ര​ള, മും​ബൈ എ​ഫ്‌.​സി -അ​ങ്ങ​നെ ഒ​രു​വി​ധം എ​ല്ലാ ക്ല​ബു​ക​ളി​ലും എ​ല്ലാ ഏ​ജ് കാ​റ്റ​ഗ​റി​ക​ളി​ലും ഫു​ള്‍ ബാ​ക്കാ​യും വി​ങ് ബാ​ക്കാ​യും ഡി​ഫ​ന്‍സി​വ്- അ​റ്റാ​ക്കി​ങ് മി​ഡ് ഫീ​ൽ​ഡ​റാ​യും ഫോ​ര്‍വേ​ഡാ​യും ഒ​ക്കെ ഞാ​ൻ ക​ളി​ച്ചി​ട്ടു​ണ്ട്. അ​ണ്ട​ർ -23 ടീ​മി​ന് വേ​ണ്ടി സാ​ഫ് ഗെ​യിം​സി​ൽ സെ​മി ഫൈ​ന​ൽ മ​ത്സ​ര​ത്തി​ൽ ഭൂ​ട്ടാ​നെ​തി​രെ 40 വാ​ര അ​ക​ല​ത്തി​ൽ​നി​ന്ന് ഞാ​ൻ ഒ​രു ലോ​ങ് റേ​ഞ്ച​ർ ഗോ​ൾ നേ​ടി​യി​രു​ന്നു. അ​തു​പോ​ലെ ഇ​ന്ത്യ​ൻ സീ​നി​യ​ർ ടീ​മി​നു​വേ​ണ്ടി പാ​കി​സ്താ​നെ​തി​രെ നേ​ടി​യ ഗോ​ളും സ്വ​കാ​ര്യ സ​ന്തോ​ഷ​ങ്ങ​ളാ​ണ്.

2005 -2006 കാ​ല​ഘ​ട്ട​ത്തി​ലാ​ണ് ഞാ​ൻ എ​സ്.​ബി.​ടി വി​ട്ട് മ​ഹീ​ന്ദ്ര യു​നൈ​റ്റ​ഡി​ലേ​ക്ക് പോ​വു​ന്ന​ത്. ആ ​സ​മ​യ​ത്ത് ഐ ​ലീ​ഗ് ഉ​ൾ​പ്പെ​ടെ​യു​ള്ള പ്ര​ഫ​ഷ​ന​ൽ ടൂ​ർ​ണ​മെ​ന്റു​ക​ളി​ലെ പ്ര​ക​ട​ന​ത്തി​െ​ന്റ അ​ടി​സ്ഥാ​ന​ത്തി​ൽ ആ​യി​രു​ന്നു കൂ​ടു​ത​ലും ദേ​ശീ​യ ടീ​മി​ലേ​ക്കു​ള്ള സെ​ല​ക്ഷ​നൊ​ക്കെ. അ​ങ്ങ​നെ​യാ​ണ് ഞാ​ൻ എ​സ്.​ബി.​ടി വി​ടു​ന്ന​ത്. ഐ ​ലീ​ഗ് ക​ളി​ച്ചു​കൊ​ണ്ടി​രി​ക്കു​ന്ന സ​മ​യ​ത്ത് പ​ല ക്ല​ബു​ക​ളി​ൽ​നി​ന്നും എ​നി​ക്ക് ഓ​ഫ​റു​ക​ൾ വ​ന്നി​രു​ന്നു. മ​ഹീന്ദ്ര യു​നൈ​റ്റ​ഡി​നുവേ​ണ്ടി മു​ഹ​മ്മ​ദ് റാ​ഫി​യും ഞാ​നും ഒ​രു​മി​ച്ചാ​ണ് സൈ​ൻ ചെ​യ്ത​ത്. ഡെ​റി​ക് പെ​രേ​ര ആ​യി​രു​ന്നു കോ​ച്ച്. ഞ​ങ്ങ​ൾ മ​ഹീന്ദ്ര​ക്ക് വേ​ണ്ടി ക​ളി​ച്ച സ​മ​യ​ത്ത് ര​ണ്ടു​ത​വ​ണ ഐ.​എ​ഫ്.​എ ഷീ​ൽ​ഡ് നേ​ടാ​ൻ ക​ഴി​ഞ്ഞി​ട്ടു​ണ്ട്. ഡ്യൂ​റ​ൻ​ഡ് ക​പ്പും നേ​ടി​യി​ട്ടു​ണ്ട്. അ​ക്കാ​ല​ത്ത് മും​ബൈ ലീ​ഗി​ലെ സ്ഥി​രം ചാ​മ്പ്യ​ന്മാ​ർ മ​ഹീന്ദ്ര യു​നൈ​റ്റ​ഡ് ആ​യി​രു​ന്നു.

2010ൽ ​ശ്രീ​ല​ങ്ക​യും മാ​ൽ​ഡ​വി​സും ആ​തി​ഥേ​യ​ത്വം വ​ഹി​ച്ച സാ​ഫ് ക​പ്പി​ൽ ഇ​ന്ത്യ മി​ക​ച്ച പ്ര​ക​ട​നം കാ​ഴ്ച വെ​ച്ചെ​ങ്കി​ലും ഫൈ​ന​ലി​ൽ ഇ​ന്ത്യ ഒ​രു ഗോ​ളി​ന് മാ​ൽ​ഡ​വി​സി​നോ​ട് പ​രാ​ജ​യ​പ്പെ​ട്ടു. 2011 ൽ ​ഏ​ഷ്യ ക​പ്പി​ന് ശേ​ഷ​മാ​ണ് ഞാ​ൻ വി​വാ കേ​ര​ള​യി​ൽ ജോ​യി​ൻ ചെ​യ്യു​ന്ന​ത്. നാ​ലു​മാ​സ​മാ​ണ് ഞാ​ൻ അ​വി​ടെ ക​ളി​ച്ച​ത്. പി​ന്നീ​ട് മോ​ഹ​ൻ​ബ​ഗാ​ൻ ക്ല​ബി​ലേ​ക്ക് മാ​റി. അ​വി​ടെ എ​െ​ന്റ കൂ​ടെ ഉ​ണ്ടാ​യി​രു​ന്ന​വ​രാ​ണ് ധ​ന​രാ​ജും സു​നി​ൽ ഛേത്രി​യു​മെ​ല്ലാം. പി​ന്നീ​ട് ഞാ​ൻ മും​ബൈ ടൈ​ഗേ​ഴ്സ് ടീ​മി​ൽ ജോ​യി​ൻചെ​യ്തു. ഐ.​എ​സ്.​എ​ൽ ക​രാ​റൊ​പ്പി​ട്ടു. മും​ബൈ എ​ഫ്.​സി​ക്ക് വേ​ണ്ടി ക​ളി​ച്ച സ​മ​യ​ത്താ​ണ് എ​നി​ക്ക് പ​രി​ക്ക് പ​റ്റു​ന്ന​ത്. തു​ട​ർ​ന്ന് ഞാ​ൻ നാ​ട്ടി​ലേ​ക്ക് തി​രി​ച്ചു​വ​ന്നു. പി​ന്നീ​ട് 2014 -15 സീ​സ​ൺ ചെ​ന്നൈ​യി​ൻ എ​ഫ്.​സി​ക്കു​വേ​ണ്ടി ക​രാ​ർ ഒ​പ്പി​ട്ടു. ചെ​ന്നൈ​യു​ടെ ആ​ദ്യ ഇ​ല​വ​നി​ൽ ഞാ​ൻ ഉ​ണ്ടാ​യി​രു​ന്നു എ​ങ്കി​ലും പ​രി​ശീ​ല​ന മ​ത്സ​ര​ത്തി​നി​ട​യി​ൽ വീ​ണ്ടും പ​രി​ക്ക് വി​ല്ല​നാ​യ​തു​കൊ​ണ്ട് തു​ട​ർ​ന്ന് എ​നി​ക്ക് ഐ.​എ​സ്.​എ​ൽ ക​ളി​ക്കാ​ൻ സാ​ധി​ച്ചി​ല്ല.

പ​രി​ക്ക് മാ​റി തി​രി​ച്ചെ​ത്തി​യ ഞാ​ൻ മും​ബൈ ടീ​മി​നു​വേ​ണ്ടി ഐ ​ലീ​ഗി​ൽ ക്യാ​പ്റ്റ​നാ​യി​രു​ന്നു. 2017ൽ ​ചെ​ന്നൈ ക്ല​ബാ​യ ഹി​ന്ദു​സ്ഥാ​ൻ ടീ​മി​നു വേ​ണ്ടി​യും ക​ളി​ച്ചു. തു​ട​ർ​ന്ന് ക​ണ്ണൂ​രി​ലെ ജിം​ഖാ​ന ക്ല​ബി​നു വേ​ണ്ടി​യും, ക​ണ്ണൂ​ർ സ്പി​രി​റ്റഡ് യൂ​ത്ത് ടീ​മി​നു വേ​ണ്ടി​യും ക​ളി​ച്ചു. ആ ​സ​മ​യ​ത്തൊ​ന്നും ഞാ​ൻ ജോ​ലി​ക്കുവേ​ണ്ടി അ​പേ​ക്ഷി​ച്ചി​രു​ന്നി​ല്ല. ഇ​പ്പോ​ൾ ഞാ​ൻ റി​ക്വ​സ്റ്റ് കൊ​ടു​ത്തി​ട്ട് കു​റ​ച്ചു നാ​ളു​ക​ളാ​യി. എ​ന്താ​ണ് തീ​രു​മാ​നം എ​ന്ന​തൊ​ന്നും അ​റി​യി​ല്ല. ജൂ​നി​യ​ർ ത​ല​ത്തി​ലും സീ​നി​യ​ർ ത​ല​ത്തി​ലും ജി.​വി. രാ​ജ അ​വാ​ർ​ഡ് ക​ര​സ്ഥ​മാ​ക്കി​യി​ട്ടു​ണ്ട്. 2008ൽ ​വി.​പി. സ​ത്യ​ൻ സാ​റി​ന്റെ പേ​രി​ൽ ന​ൽ​കാ​റു​ള്ള കെ​സ്‌​പാ അ​വാ​ർ​ഡും കി​ട്ടി​യി​ട്ടു​ണ്ട്.

ഓ​ർ​മ​വെ​ച്ച നാ​ൾ മു​ത​ൽ തു​ട​ങ്ങി​യ ഫു​ട്ബാ​ൾ ജീ​വി​ത​ത്തി​ൽ പ​ല​ഘ​ട്ട​ങ്ങ​ളി​ലാ​യി കൈ​പി​ടി​ച്ചു​യ​ർ​ത്തി​യ​വ​രാ​ണ് സ​ലീം കു​ട്ടി അ​ണ്ണ​ൻ, ഭ​ര​ത​ൻ സാ​ർ, ന​ജീ​ബ് സാ​ർ, ജാ​ഫ​ർ സാ​ർ, ചാ​ത്തു​ണ്ണി സാ​ർ, പീ​താം​ബ​ര​ൻ സാ​ർ, വി.​പി. ഷാ​ജി സാ​ർ, ന​ഈ​മു​ദ്ദീ​ൻ സാ​ർ, ബോ​ബ് ഹ്യൂ​ട്ട​ൻ, സു​ഖി​ന്ദ​ർ സി​ങ്, ടെ​റി​ക് പെ​രേ​ര, ടോ​മി കു​ന്ന​ൻ, ഐ.​എം. വി​ജ​യ​ൻ -ഇ​വ​രോ​ടൊ​ക്കെ എ​നി​ക്കെ​ന്നും ക​ട​പ്പാ​ടു​ണ്ട്.

കുടുംബത്തോടൊപ്പം

ഓ​ർ​മ ഉ​ള്ള​പ്പോ മു​ത​ൽ ഇ​പ്പോ​ഴും മൂ​ല​മ​റ്റം ഗ്രൗ​ണ്ടി​ൽ എ​ത്തു​മ്പോ​ൾ ഞാ​ൻ കാ​ണു​ന്ന ഒ​രേ​യൊ​രു മു​ഖമാ​ണ് ഗ​ണേ​ഷ് ചേ​ട്ട​ൻ. 2008ലാ​യി​രു​ന്നു വി​വാ​ഹം. ഭാ​ര്യ ബ്യൂ​ള. മ​ക​ള്‍: ആ​ന്‍ ജെ​റി​ക്ക. മ​ക​ൻ: ആ​ദം ജെ​റാ​ർ​ഡ്. എ​നി​ക്കേ​റ്റ​വും ഇ​ഷ്ട​പ്പെ​ട്ട ക​ളി​ക്കാ​ര​െ​ന്റ പേ​രാ​ണ് മ​ക്ക​ൾ​ക്ക് ഞാ​നി​ട്ട​ത്. ഇ​പ്പോ​ൾ ക​ണ്ണൂ​രി​ലാ​ണ് താ​മ​സം. ഇ​വി​ടെ NP 7 എ​ന്ന പേ​രി​ൽ ഒ​രു ട​ർ​ഫ് ന​ട​ത്തി​വ​രു​ന്നു. ഞാ​നി​പ്പോ​ഴും ഇ​ട​ക്ക് മൂ​ല​മ​റ്റ​ത്തി​നു പോ​വാ​റു​ണ്ട്. അ​മ്മ​യും ര​ണ്ട് സ​ഹോ​ദ​രി​മാ​രും അ​വി​ടെ​യാ​ണ് താ​മ​സം.