മെ​യ്​​ക്കാ​ട്​

ഒ​രു ന​ഗ​ര​വും വേ​റി​ട്ട തു​രു​ത്ത​ല്ല, ഒ​ന്നി​ന്റെ​യും. ന​ഗ​ര​വും ‘പു​റം​ലോ​ക’​വും വേ​ർ​തി​രി​ക്കു​ന്ന പ്ര​തീ​തിഛായ​ക​ളാ​ണ് വ​ഴി​തെ​റ്റി​ക്കു​ന്ന വ​ലി​യ നു​ണ. ഗ്രാ​മ​ങ്ങ​ളും ഹ​രി​താ​ഭ​യുംപോ​ലെ ന​ഗ​ര​ങ്ങ​ളും പ്ര​കൃ​തി​ജ​ന്യ പ്ര​ക്രി​യ​ക​ളു​ടെ ഇ​ഴ​ച്ച​ര​ടു​ക​ളി​ൽ​ത​ന്നെ. അ​വി​ടെ വേ​റി​ട്ട പു​ല​ർ​ച്ച​യൊ​ന്നു​മി​ല്ല, ജീ​വി​ത​ത്തി​ന്. ന​ഗ​ര-​ഗ്രാ​മ വ്യ​ത്യാ​സ​മൊ​ന്നു​മി​ല്ല​തി​ന്, കാ​ത​ലി​ൽ.

ന​ഗ​രം​ ഒ​രു​ നു​ണ, നാം​ ന​മ്മോ​ട് പ​റ​യു​ന്ന. നഗരം ഇ​ല്ലെ​ന്ന​ല്ല, ഉ​ള്ള​തി​ന്മേ​ലും പ​റ​യാം നു​ണ, ക​ല്ലുവെ​ച്ചും ​​െവ​ക്കാ​ണ്ടും.ന​ഗ​രനു​ണ​യു​ടെ കാ​മ്പ് ഒ​രു വി​ഭ​ജ​ന​ത്തി​ലാ​ണ്. ന​ഗ​ര​സ്ഥി​തി​യി​ൽ​നി​ന്ന് മ​നു​ഷ്യ​ജീ​വി​ത​ത്തെ വേ​ർ​പെടു​ത്തി കാ​ണു​ന്ന​തി​ൽ. ക​മ്പി​യും സി​മ​ന്റും ചി​ല്ലും ത​ടി​യുംകൊ​ണ്ടു​ള്ള വേ​ർ​പെ​ടു​ത്ത​ൽ ഒ​ന്ന്. ഭൂ​പ​ട​വും ആ​സൂ​ത്ര​ണ​വും ചു​റ്റു​വ​ട്ട നി​ർ​മി​തി​ക​ളുംകൊ​ണ്ട് മ​റ്റൊ​ന്ന്. മ​നു​ഷ്യ​യി​ടം, ശി​ഷ്ട​യി​ടം എ​ന്ന ദ്വ​ന്ദ്വം. മാ​ലി​ന്യ​വും ദീ​ന​വും, കാ​ടും മേ​ടും, ജ​ന്തു​ജാ​ല​വും കീ​ട​ജാ​ല​വും മ​നു​ഷ്യ​ന്റെ ഇ​ട​ത്തി​ന് പു​റ​ത്തെ​ന്നാ​ണ് ഭാ​വ​ന.

ഇ​ങ്ങ​നെ ഒ​ഴി​വ് ക​ൽ​പി​ക്കു​ന്ന​തി​നൊ​ക്കെ വി​ല​ക്കു​മു​ണ്ട് ന​ഗ​ര​ഭാ​വ​ന​യി​ൽ. കേ​വ​ല ഭാ​വ​ന​യ​ല്ലി​ത്. ചു​റ്റു​പ്ര​കൃ​തി മ​റ​ച്ചും മേ​ഖ​ല​ക​ളാ​യി പ​കു​ത്തും നീ​രി​ട​ങ്ങ​ൾ മൂ​ടി​യും ഭാ​വ​ന​യു​​ടെ ഭൗ​തി​ക​മൊ​രു​ങ്ങു​ന്നു. ന​ഗ​ര​ത്തെ​ക്കു​റി​ച്ച ക​ഥാ​ഖ്യാ​ന​ങ്ങ​ൾ അ​തി​നെ ആ​ന്ത​രീ​ക​രി​ക്കു​ന്നു. അ​ന​ന്ത​രം, ‘പു​തി​യ’ ന​ഗ​ര​ത്തി​നു​ള്ള സാ​ധ്യ​ത​ക​ളു​ടെ വി​ഭാ​വ​ന. മി​ക്ക ന​ഗ​ര​ങ്ങ​ൾ​ക്കു​മു​ണ്ട് ഈ ​ന​വാ​ന്ത​ര​ങ്ങ​ൾ –ദി​ല്ലി​ക്ക് ന്യൂ​ദി​ല്ലി, മും​ബൈ​ക്ക് ന​വി മും​ബൈ... പ​ക്ഷേ ‘പു​​റം​ലോ​കം’ എ​പ്പോ​ഴൊ​ക്കെ ന​ഗ​ര​ത്തെ തു​ള​ക്കു​ന്നോ, ഈ ​നു​ണ അ​നാ​വൃ​ത​മാ​കു​ന്നു. നേ​ര് സ്വ​യ​മു​റ​പ്പി​ക്കു​മ്പോ​ൾ മ​നു​ഷ്യ​ന്റെ നി​ർ​ണ​യ​ങ്ങ​ൾ ഊ​ർ​ന്നു​വീ​ഴു​ന്നു.

​നേ​രാ​ണ്, ന​ഗ​ര​ത്തി​നൊ​രു ദേ​ഹ​നേ​രു​ണ്ട്. ചു​റ്റി​ട​ങ്ങ​ളി​ൽ​നി​ന്ന് അ​തി​രി​ട്ട് മാ​റ്റി​യ ഭൗ​തി​ക രൂ​പം. അ​തി​പ്പോ ചു​റ്റു​മ​തി​ലാ​വാം, ഹ​രി​ത​വ​ല​യ​മാ​വാം, ജ​ല​രാ​ശി​യോ മ​ല​നി​ര​യോ, കു​റ​ഞ്ഞ​പ​ക്ഷം മൈ​ൽ​ക്കു​റ്റി​യെ​ങ്കി​ലു​മാ​വാം. വ​ൻ​ന​ഗ​ര​ങ്ങ​ൾ​ക്ക് ഉ​പ​ന​ഗ​രി​ക​ൾ ചു​റ്റി​ടു​മ്പോ​ഴും അ​വ​ക്ക് വേ​റെ​യാ​വും, ഭ​ര​ണ​വ്യ​വ​സ്ഥി​തി. കൊ​ച്ചി നോ​ക്കൂ– പൂ​ണി​ത്തു​റ വേ​റെ, ക​ള​മ​ശ്ശേ​രി വേ​റെ, വൈപ്പിൻ വേ​റെ. നാ​ളെ ഇ​നി കലൂരും വൈ​റ്റി​ല​യും വേ​റെ​യാ​കി​ലും അ​തി​ശ​യ​മി​ല്ല. ഭ​ര​ണ​സൗ​ക​ര്യം എ​ന്ന പേ​രി​ൽ ഇ​ടവി​ഭ​ജ​നം പു​ഷ്ടി​പ്പെ​ടു​ന്നു. എ​ന്നാ​ലും, സ്വ​യ​മി​ടു​ന്ന അ​തി​രു​ക​ൾ​ക്ക​പ്പു​റ​ത്തെ ഇ​ട​ങ്ങ​ളെ ആ​ശ്ര​യി​ച്ചാ​ണ് ന​ഗ​ര​മേ​തും പു​ല​രു​ക. അ​ന്നം, കു​ടി​നീ​ര്, മരുന്ന്​, ഇ​ന്ധ​നം, സാ​മ​ഗ്രി​ക​ൾ തൊ​ട്ട് പ​ണി​ക്കാ​രും വ​ണി​ക്കു​കളും വ​രെ ‘പു​റ​ത്തു’​നി​ന്ന് വേ​ണം. എ​ന്തി​നേ​റെ, സ്വ​ന്തം മാ​ലി​ന്യം ഏ​റ്റു​വാ​ങ്ങാ​ൻ ഏ​തു ന​ഗ​ര​ത്തി​നും വേ​ണം, പ​ര്യ​മ്പു​റ​ത്തൊ​രു ബ്ര​ഹ്മ​പു​രം. ഒ​രു ന​ഗ​ര​വും സ്വാ​ശ്ര​യ​മേ​ട​യ​ല്ല, നടിപ്പ്​ മ​റി​ച്ചാ​ണെ​ങ്കി​ലും.

ന​ഗ​ര​ത്തെ​ക്കു​റി​ച്ച സാ​മാ​ന്യ​ഭാ​വ​ന​ക്ക് മ​ർ​മ​ങ്ങ​ൾ മൂ​ന്നു​ണ്ട്. ഒ​ന്ന്, മ​നു​ഷ്യ​ർ ത​നി​ച്ചാ​ണ് ന​ഗ​രം നി​ർ​മി​ക്കു​ന്ന​തെ​ന്ന്. അ​തു​കൊ​ണ്ട് നാ​ഗ​രി​ക​ത മ​നു​ഷ്യ​ന്റെ മാ​ത്രം സാം​സ്കാ​രി​ക വൈ​ഭ​വ​മെ​ന്ന്. ര​ണ്ട്, ന​ഗ​ര​ത്തി​നും നാ​ഗ​രി​ക​ത​ക്കും ഒ​രു ബാ​ഹ്യ​ലോ​ക​മു​ണ്ടെ​ന്ന്– അ​നാ​ഗ​രി​ക​ത​യു​ടെ ഇ​ട​ങ്ങ​ൾ. മൂ​ന്ന്, ന​ഗ​രം അ​മൂ​ർ​ത്ത ഭാ​വ​രൂ​പി​യെ​ന്ന്, അ​തി​ന്റെ പ്ര​ത്യ​ക്ഷ​ങ്ങ​ൾ മാ​ത്ര​മാ​ണ് ഏ​തു ന​ഗ​ര​വു​മെ​ന്ന്. ഇ​വ മൂ​ന്നും പ​ര​സ്പ​രാ​ശ്രി​ത​ങ്ങ​ളാ​ണ്.

മും​ബൈ ന​ഗ​ര​ത്തി​ന്റെ പ്ര​ശ​സ്ത​മാ​യ ഇ​ട​ങ്ങ​ളി​ലൂ​ടൊ​ന്ന് ച​ലി​ക്ക​യേ വേ​ണ്ടൂ, ഭൂ​രാ​ശി എങ്ങ​നെ ‘ന​ഗ​ര​ത്തി​ന്’ രൂ​പ​മേ​കു​മെ​ന്ന് ഒ​റ്റ​നോ​ക്കി​ല​റി​യാം. കൊ​ങ്ക​ൺ​തീ​ര​ത്തെ 25 ദ്വീ​പു​ക​ളി​ലൊ​ന്നാ​ണ് മും​ബൈ. ഇ​തു​ത​ന്നെ ഏ​ഴു ചെ​റു​ദ്വീ​പു​ക​ളു​ടെ ക​ര​ക്കൂ​ട്ടം. തെ​ക്കേ​യ​റ്റ​ത്ത് കൊ​ളാ​ബ​യും ലോ​വ​ർ കൊ​ളാ​ബ​യും, വ​ട​ക്ക് മ​സ​ഗാ​വും വ​ർ​ളി​യും മാ​ഹി​മും പ​രേ​ലും, മ​ധ്യേ H ആ​കൃ​തി​യി​ൽ കൂ​ട്ട​ത്തി​ലേ​റ്റം വ​ലി​യ ദ്വീ​പ് – ബോം​ബെ. കാ​ലം 1661. പ​റ​ങ്കി​രാ​ജ​കു​മാ​രി കാ​ത​റി​നെ വേ​ൾ​ക്കാ​ൻ ബ്രി​ട്ടീ​ഷ് രാ​ജ​കു​മാ​ര​ൻ ചാ​ൾ​സ് ര​ണ്ടാ​മ​ന് സ്ത്രീ​ധ​ന​മാ​യി ഈ ​ദ്വീ​പു​ക​ളി​ൽ ഒ​രു പ​ങ്ക്. നൂ​റ്റാ​ണ്ടൊ​ന്നെ​ടു​ത്ത് മി​ച്ചംകൂ​ടി ക​വ​ർ​ന്നു, ശീ​മ​ക്കാ​ർ. ഹോ​ൺ​ബി വെ​ല്ലാ​ഡ് പ​ദ്ധ​തി വ​ഴി ഇ​തെ​ല്ലാം കൂ​ട്ടി​ച്ചേ​ർ​ത്ത് ഒ​രൊ​റ്റ ദ്വീ​പാ​ക്കു​ന്നു, 1782ൽ. (​വെ​ല്ലാ​ഡ് എ​ന്നാ​ൽ പ​റ​ങ്കി​യി​ൽ ‘തീ​രം തൊ​ട്ടു​പോ​കു​ന്ന തി​ട്ട​പാ​ത’). അ​ങ്ങനെയാണ് ഇ​ന്ന​ത്തെ ന​ഗ​ര​ത്തി​ന്റെ അ​സ്തി​വാ​രം.

അ​ത് മ​നു​ഷ്യ​ക്ക​ണ്ണി​ൽ. ഗേ​റ്റ്‍ വേ ഓഫ്​ ഇ​ന്ത്യ​യി​ൽ​നി​ന്ന് ഏ​ഷ്യാ​റ്റി​ക് ലൈ​ബ്ര​റി​യി​ലേ​ക്ക് പോ​കു​ന്നോ​ര​റി​യു​ന്നി​ല്ല, കൊ​ളാ​ബാ ദ്വീ​പി​ൽ​നി​ന്ന് ലോ​വ​ർ കൊ​ളാ​ബാ ദ്വീ​പി​ലേ​ക്കാ​ണ് ന​ട​ന്നു​ക​യ​റു​ന്ന​തെ​ന്ന്. 194 ച​തു​ര​ശ്ര കി​ലോ​മീ​റ്റ​റി​ൽ ക​യ​റി​യി​റ​ങ്ങി കി​ട​ക്കു​ന്ന ക​ട​ൽ​ഭൂ​വി​ന് ഇ​ട​ക്ക​ണ്ണി​ക​ളി​ട്ട് ച​മ​ച്ച​താ​ണീ താ​ണ നി​ല​മെ​ന്ന്. ‘താ​ണ​നി​ല​ത്തേ നീ​രോ​ടൂ’ –പ​ഴ​മൊ​ഴി ഇ​വി​ടെ പി​ഴ​ക്കു​ന്നു: നി​ല​മൊ​രു​ക്കി​യ ഓ​രോ ചു​വ​ടി​ലും നീ​രോ​ടി​യ​ത് പു​റ​ത്തേ​ക്കാ​ണ്– ക​ട​ലി​ലേ​ക്ക്. അ​ഥ​വാ ന​ഗ​ര​ത്തി​ന്റെ ഓ​രോ ത​നു​വും ക​ട​ലാ​ണ്. അ​താ​ണ് മും​ബൈ​യു​ടെ യ​ഥാ​ർ​ഥ ഭൂ​മി​ശാ​സ്ത്രം. ഇ​ത് ക​ട​ൽ​ഭൂ​വ​ല്ലാ​യി​രു​ന്നെ​ങ്കി​ൽ, അ​തി​ന്റെ അ​ടി​പ​ട​ലം പാ​റ​ക്കെ​ട്ട​ല്ലാ​യി​രു​ന്നെ​ങ്കി​ൽ ഈ ​ന​ഗ​ര​മി​ല്ല. പാ​റ​പ്പു​റ​ത്ത് പു​ര വാ​ഴി​ല്ലെ​ന്ന വേ​ദ​പു​സ്ത​ക​വാ​ക്യം ഇ​വി​ടെ പി​ഴ​ച്ചു​പെ​റ്റ​ത് പാ​ഴ്പു​ര​ക​ളെ​യ​ല്ല, മേ​ഘ​ചും​ബി​ക​ളെ. നൂ​റു​ക​ണ​ക്ക്. ച​തു​പ്പി​ന്റെ വി​ജ​ന​ത​യി​ൽ സ്ത്രീ​ധ​നം കി​ട്ടി​യ ദ്വീ​പ​ക്കൂ​ട്ടം സാ​യ്‍വി​ന്റെ കൈ​യി​ൽ ലോ​ക​ന​ഗ​ര​മാ​യെ​ന്ന് മ​നു​ഷ്യ​ച​രി​ത്രം പ​റ​യും. ശ​രി​ച്ച​രി​ത്രം, ആ ​ക​ഥ​ന​ത്തി​ൽ പ്രാ​ക്ത​ന ശി​ല​ക​ൾ തൊ​ട്ട് പ്രചണ്ഡസൂ​നാ​മി​കൾ വ​രെ ഉ​ൾ​പ്പെ​ടു​ം. ​അ​ത്ര​യും, ന​ഗ​രനു​ണ​യു​ടെ ഒ​ന്നാം​ഘ​ട​കത്തിന്​.

അ​ടു​ത്ത ര​ണ്ടു ഘ​ട​ക​ങ്ങ​ളി​ലേ​ക്ക് ന​യി​ക്കു​ക, മ​റ്റൊ​ന്നാ​ണ്. ഭൗ​മ​ശാ​സ്ത്ര സ​മ​യം, അ​തി​ന് ന​ഗ​ര​ത്ത​ച്ചി​ലു​ള്ള പ​ങ്ക്. മ​നു​ഷ്യ​കൃ​ത​മാ​യാ​ണ് നാം ​ന​ഗ​ര​വ​ത്ക​ര​ണ​ത്തെ കാ​ണു​ന്ന​ത് –പ്ര​കൃ​തി​യു​ടേ​തി​ൽ​നി​ന്ന് വേ​റി​ട്ട ക​ർ​മ​മാ​യി. ഓ​രോ ന​ഗ​ര​ത്തി​ന്റെ​യും സ​വി​ശേ​ഷ പ്ര​കൃ​തം ന​ഗ​ര​ങ്ങ​ൾ​ക്ക് പൊ​തു​വിൽ ക​ൽ​പി​ക്കു​ന്ന പ്ര​കൃ​ത​ത്തോ​ളം പ്ര​ധാ​ന​മ​ല്ലെ​ന്നു​ പ​റ​യും. ഈ ​ധാ​ര​ണാ​ബി​ന്ദു​വി​ലാ​ണ് ക​ട​ലി​നോ കാ​റ്റി​നോ മ​ല​ക​ൾ​ക്കോ ഒ​ന്നും ന​ഗ​ര​വ​ത്ക​ര​ണ​ത്തി​ൽ കാ​ര്യ​മി​ല്ലെ​ന്ന നു​ണ പി​റ​ക്കു​ന്ന​ത്. ഭൂ​മി​യു​ടെ സ്ഥ​ല​രാ​ശിപോ​ലെ മ​നു​ഷ്യേ​ത​ര​മാ​യ ക്രി​യ​ക​ളെ അ​ട​ങ്കം വി​ഗ​ണി​ക്കാ​ൻ അ​തി​ട​യാ​ക്കു​ന്നു. കൊച്ചി നോക്കൂ. വെറും ഏഴ്​ നൂറ്റാണ്ടു മുമ്പുവരെ ഇൗ നോക്കിൽ അവിടെ കാണുക നീലായം മാത്രം. 1341ലെ പ്രകൃതി താണ്ഡവത്തിൽ മുസ്​രിസ്​ തുറ അപ്പാടെ കടലെടുത്തു. പകരം കടൽ ​െവച്ചുനീട്ടിയതാണ്​ ​തൊട്ടിപ്പുറത്തെ കൊച്ചി. ആഴിനീരൊഴിഞ്ഞ്​ കരവെച്ചുവെച്ചുണ്ടായ ദ്വീപക്കൂട്ടം. ആ വയ്​പ്പ്​ പേരിലേ ഉണ്ടവിടെ –വൈപ്പിൻ. ഇപ്പഴേ

കൊച്ചി താഴ്​ന്നമരുന്നുണ്ട്​ അണുവിടെയായി കൊല്ലംതോറും. വച്ചു നീട്ടിയത്​ കടൽ തിരിച്ചെടുത്തെന്നും വരാം. എന്നിട്ടും കഥയറിയാതെ നമ്മൾ നഗരസൃഷ്​ടിയുടെ സ്​തുതി വീതിക്കുന്നു, പറങ്കികൾക്കും ശീമക്കാർക്കും പെരുമ്പടപ്പുകാർക്കുമൊക്കെ. ന​ഗ​ര​വ​ത്ക​ര​ണ​ത്തി​ന് ന​ഗ​ര​ത്തേ​ക്കാ​ൾ വി​പു​ല​മാ​യ മേ​ഖ​ല​ക​ളു​ണ്ട്. ഉ​ദാ​ഹ​ര​ണ​മാ​യി, ന​ഗ​ര​ത്തി​ന് കു​ടി​നീ​ര് വേ​ണം, ആ​ഹാ​ര​വും ഇ​ന്ധ​ന​വും വേ​ണം. സ്വ​ന്ത​മാ​യി അ​തു​ണ്ടാ​ക്കാ​ൻ ക​ഴി​യാ​ത്ത​തു​കൊ​ണ്ട് ചു​റ്റു​നി​ർ​മി​തി​ക​ൾ വ​ഴി ന​ഗ​രം പു​റ​ത്തോ​ട്ട് കൈ​നീ​ട്ടു​ന്നു: പ​ണം ത​രാം, ത്രാ​ണം ത​രൂ. (ഇ​ത്, ഗ്രാ​മ​ങ്ങ​ൾ​ക്കും ഇ​ന്ന് ബാ​ധ​കം). എ​ങ്കി​ൽ, ന​ഗ​രം അ​വ​സാ​നി​ക്കു​ന്ന​തെ​വി​ടെ? ത്രാ​ണ​മ​ർ​മ​ങ്ങ​ൾ ‘പു​റ​ത്താ’​ണെ​ങ്കി​ൽ.ന​ഗ​രാ​ന്ത​ര ക്രി​യ​ക​ൾ പ്ര​കൃ​തി​യെ മാ​റ്റി​പ്പ​ണി​യു​ക​യാ​ണോ? അ​തോ, പ്ര​കൃ​തി​യെ കൈ​കാ​ര്യംചെ​യ്യു​ന്ന​തി​ലെ മാ​റ്റ​ങ്ങ​ളു​ടെ ഉ​ൽ​പ​ന്ന​മോ ന​ഗ​രം?

ദേ​ബ​യാ​നി ഭ​ട്ടാ​ചാ​ര്യ​യു​ടെ പ​ഠ​ന​മു​ണ്ട്, കൊ​ൽ​ക്ക​ത്ത​യു​ടെ സൃ​ഷ്ടി​യെ​പ്പ​റ്റി (Empire and Ecology in the Bengal Delta). നീ​രും നി​ല​വും പ​രി​രം​ഭ​ണം ചെ​യ്യു​ന്ന അ​ഴി​പ്ര​ദേ​ശം. ‘കു​തി​ർ​ന്ന പ​രി​സ്ഥി​തി’​യു​ടെ നീ​രൂ​റ്റി ക​ര​യു​ണ്ടാ​ക്കി, കോ​ള​നി​ഭ​ര​ണ​കൂ​ടം അ​വി​ടെ കെ​ട്ടി​പ്പൊ​ക്കി​യ കോ​ൺ​ക്രീ​റ്റ് ന​ഗ​ര​മാ​ണ് ഇ​ന്ന​ത്തെ കൊ​ൽ​ക്ക​ത്ത.

നീ​രി​ൽ​നി​ന്ന് കരയെ പാ​ടേ വേ​റി​ട്ട സ്വ​ത്വ​മാ​യി ക​ണ​ക്കാ​ക്കു​ന്ന ഭൂ​നി​യ​മ​ങ്ങ​ളും അ​ന്നു​ണ്ടാ​ക്കി. അ​ങ്ങ​നെ പ​ല സ്വാ​ഭാ​വി​ക ജീ​വി​ത​ങ്ങ​ളു​ടെ​യും മ​നോ​നി​ല​ക​ളു​ടെ​യും അ​സ്ഥി​ത്ത​റ​മേ​ലാ​ണ് ന​ഗ​ര​ത്തി​ന്റെ നി​ൽ​പ്. അ​തി​ന്റെ ത​ർ​പ്പ​ണ​ബാ​ക്കി പോ​ലെ ഇ​ന്നും മ​ഴ​യൊ​ന്ന് ക​ന​ത്താ​ൽ മു​ങ്ങു​ന്നു, ന​ഗ​ര​കേ​ന്ദ്ര​ങ്ങ​ൾ പ​ല​തും. അ​തൊ​ന്നും കൊ​ൽ​ക്ക​ത്ത​യു​ടെ പു​ക​ഴു​ള്ള ച​രി​ത്ര​ത്തി​ലി​ല്ല. പ​രി​സ്ഥി​തി ച​രി​ത്ര​കാ​ര​ൻ വി​ല്യം​ ക്രോ​ന​ൻ സ​മാ​ന​മാ​യൊ​രു ഗോ​പ്യ​ച​രി​ത്രം ക​ണ്ടെ​ത്തു​ന്നു​ണ്ട്, ഷി​കാ​ഗോ ന​ഗ​ര​ത്തി​ൽ​നി​ന്ന് (Nature's Metropolis). ഷി​കാ​ഗോ​യു​ടെ ച​രി​ത്ര​ത്തി​ൽ മ​റ​വു​ചെ​യ്യ​പ്പെ​ട്ടി​രി​ക്ക​യാ​ണ് പ​ടി​ഞ്ഞാ​റ​ൻ അ​മേ​രി​ക്ക​യു​ടെ ജീ​വ​ച​രി​ത്രം. പു​റ​ത്ത്, താ​ഴ്വാ​ര​ങ്ങ​ളി​ൽ വ​ള​ർ​ത്തു​ന്ന കാ​ലി​ക​ളി​ൽനി​ന്നാ​ണ് ആ ​ന​ഗ​ര​ത്തി​ന് മാം​സ്യം കി​ട്ടു​ന്ന​ത്. കേ​വ​ല​മാ​യ ക്ര​യ​വി​ക്ര​യ​മ​ല്ലി​ത്. പ​ടി​ഞ്ഞാ​റ​ൻ അ​മേ​രി​ക്ക​യി​ലെ കൃ​ഷി​ക്ക​ള​ങ്ങ​ൾ പി​റ​ന്ന​തു​ത​ന്നെ ഷി​കാ​ഗോ​യി​ൽ പെ​രു​കു​ന്ന ന​ഗ​ര​ജ​ന​ത്തെ തീ​റ്റി​പ്പോ​റ്റാ​ൻ.

അ​തി​രു​ക​ൾ ഇ​ങ്ങ​നെ

മ​ങ്ങി​മ​ങ്ങി​പ്പോ​കു​ന്നു. ഒ​രു​വ​ശ​ത്ത്, നാ​ഗ​രി​ക ജീ​വി​ത​ത്തി​ന് വേ​ണ്ട​ത​ത്ര​യും പു​റ​ത്തു​നി​ന്ന് ശേ​ഖ​രി​ക്കു​ന്നു –മൊ​ബൈ​ൽ ഫോ​ണി​നു​ള്ള വി​ശേ​ഷ​ലോ​ഹ​ങ്ങ​ൾ തൊ​ട്ട് തീ​ൻ​മേ​ശ​യി​ലെ വിഭവചേ​രു​വ​ക​ൾ വ​രെ. മ​റു​വ​ശ​ത്ത്, ന​ഗ​ര​ത്തി​ന്റെ സ​മ​സ്ത നാ​ഡി​യും ക​വ​രു​ന്ന പ്ലാ​സ്റ്റി​ക് മാ​ലി​ന്യം-​മി​ഠാ​യി​പ്പൊ​തി തൊ​ട്ട് മ​രു​ന്നു​കൂ​ടു വ​രെ. ഭീ​ക​ര​വ്യാ​ളി​യാ​യി പ​ട​രു​ന്നു, ന​ഗ​ര​ത്തി​ന്റെ ആ​വ​ശ്യ​ങ്ങ​ളും അ​വ​ശി​ഷ്ട​ങ്ങ​ളും.​ ര​ണ്ടി​നും ന​ഗ​രേ​ത​ര ദേ​ശ​ങ്ങ​ൾ ചു​മ​ടു​താ​ങ്ങി​ക​ളാ​യി ക​ഴി​യു​ന്നു. സ​ങ്കീ​ർ​ണ​മാ​യൊ​രു ഗാ​ഢ​ബ​ന്ധ​മാ​ണ​ത്. ഭൗ​തി​കം മാ​ത്ര​മ​ല്ല, സാം​സ്കാ​രി​ക​വും രാ​ഷ്ട്രീ​യ​വു​മാ​ണ് ആ ​ബ​ന്ധ​ക്ക​ണ്ണി​ക​ൾ. അ​തു​കൊ​ണ്ടു​ത​ന്നെ ന​ഗ​രം​ ഒ​രി​ക്ക​ലു​മൊ​രു ഭ​ദ്ര​കോ​ശ​മ​ല്ല, ച​രടുക​ളു​ടെ കു​രു​ക്കു​പ​ട​ർ​പ്പാ​ണ്.

നേ​രു​ത​ന്നെ, എ​ല്ലാ​ത്ത​രം ആ​വാ​സ​മേ​ട​ക​ളും അ​ങ്ങ​നെ​ത്ത​ന്നെ. പ​ക്ഷേ, മ​നു​ഷ്യ​ഭാ​വ​ന​യി​ൽ ന​ഗ​ര​ത്തി​നൊ​രു അ​മി​ത​പ്രി​യം, അ​തി​പ്രാ​ധാ​ന്യം. കാ​ര​ണം അ​വി​ടം പ്ര​വൃ​ത്തി​ക​ളാ​ൽ സാ​ന്ദ്രം, ച​ടു​ലം. ആ​യി​ര​മാ​യി​രം സ​ഹ​ജീ​വി​ക​ളെ ക​ണ്ടു​മു​ട്ടാം. ന​വ​സൗ​ക​ര്യ​ങ്ങ​ളു​ടെ സു​ഖം നു​ക​രാം. മോ​ഹ​ങ്ങ​ൾ​ക്ക് ചി​റ​ക് ന​ൽ​കാം. മോ​ഹ​ഭം​ഗ​ങ്ങ​ൾ​ക്ക് മ​റ​യൊ​രു​ക്കാം, തി​ര​ക്കി​ലേ​ക്ക് സ്വ​യ​മെ​റി​ഞ്ഞ് കാ​ല​പ്ര​വാ​ഹ​ത്തി​ൽ മു​ങ്ങാം, കാ​ല​ഭ​യ​ത്തി​ന് നേ​ര​മി​ല്ലാ​ണ്ടാ​ക്കാം, അ​ങ്ങ​നെ​യ​ങ്ങ​നെ. മ​നു​ഷ്യ​നു​ള്ള ഏ​റ്റ​വും മി​ക​ച്ച ഇ​ട​മാ​യി ന​ഗ​ര​ത്തെ കാ​ണു​ന്നു.

അ​വി​ടെ​യാ​ണ് അ​മൂ​ർ​ത്ത​ത​യു​ടെ നു​ണ –ന​ഗ​ര​ജീ​വി​ത​മാ​ണ് മ​നു​ഷ്യസം​സ്കാ​ര​ത്തി​ന് പി​റ​വി​യേ​കി​യ​തെ​ന്ന്. ഈ ​ബി​ന്ദു​വി​ൽ പ്ര​കൃ​തി​യി​ൽ​നി​ന്നു​ള്ള വേ​റി​ട​ൽ ഭൗ​തി​ക​തക്ക​പ്പു​റ​മൊ​രു മാ​നം നേ​ടു​ന്നു. ഒ​ന്നൂ​ടൊ​ന്ന് ഓ​ർ​ത്തുനോ​ക്കൂ ന​ഗ​ര​ത്തെ. ക​ണ്ടി​ട്ടു​ള്ള ന​ഗ​ര​ങ്ങ​ളും ക​ണ്ടി​ട്ടി​ല്ലാ​ത്ത​വ​യും തമ്മിൽ ഭേ​ദ​പ്ര​ശ്നമില്ലാ​താ​വു​ന്ന നി​ല ഒ​ന്നു​ണ്ട്, മ​ന​സ്സി​ൽ. കാ​ര​ണം, ആ​ധു​നി​ക ന​ഗ​ര​ങ്ങ​ൾ സാം​സ്കാ​രി​ക ബിം​ബ​ങ്ങ​ളാ​യി മ​രു​വു​ന്നു​ണ്ട്, മ​ന​സ്സി​ൽ. തെ​രു​വു​ക​ൾ, കെ​ട്ടി​ട​ങ്ങ​ൾ, ആ​ളു​ക​ൾ ഒ​ക്കെ അ​മൂ​ർ​ത്ത​മാ​യ​ങ്ങ​നെ... നേ​രി​ല​റി​യു​മ്പോ​ൾ

പ​ക്ഷേ, അ​വ​യൊ​ക്കെ കൂ​ടു​ത​ൽ നി​ഷ്‍കൃ​ഷ്ട​മാ​വും, അ​മൂ​ർ​ത്തത കു​റ​ഞ്ഞു​വ​രും. ന​ഗ​ര​സ​ങ്ക​ൽ​പം മ​ന​സ്സി​ൽ വ​ര​ഞ്ഞ ചി​ത്ര​മ​ല്ല പ്രാ​യോ​ഗി​ക​മാ​യി ന​ഗ​ര​ജീ​വി​തം വ​രയു​ന്ന​തെ​ന്ന​റി​യും. ‘നഗരം ഒരാകസ്​മിക ഗോത്രം’ –ദസ്​തോവിസ്​കിയുടെ കണ്ണെത്ര കണിശം. പലേടത്തുനിന്നായി വന്നുപെടുന്ന പലർ നിത്യവൃത്തിയാൽ മേയ്​ക്കപ്പെടുന്ന ഇടം –മേയിൻ കാട്​. അത്​ ആ​ദ്യ​മേ പ​ക​രു​ക വ്യ​ഗ്ര​ത​യാ​വും. ജ​നാ​ര​ണ്യ​ത്തി​ലെ ഏ​കാ​കി​ത. അ​തു​മാ​യി മെ​ല്ലെ പ​രി​ച​യി​ക്കു​ന്ന​തോ​ടെ പി​ന്നെ പി​ടി​ച്ചു​നി​ൽ​പി​നു​ള്ള ത​ത്ര​ം. ക​രു​തി​യ​പോ​ലെ ഒ​ട്ടും ആ​യാ​സ​ര​ഹി​ത​മാ​വു​ന്നില്ല ചു​വ​ടു​ക​ൾ. ആ ​ചൂ​ട​റി​ഞ്ഞ് വ​രു​മ്പോ​ഴേ​ക്കും ന​ഗ​രം ആ​ളെ വി​ഴു​ങ്ങി​യി​രി​ക്കും, അ​തി​ന്റെ പ​തി​വു​ക​ളി​ലേ​ക്ക്, യാ​ന്ത്രി​ക​ത​യി​ലേ​ക്ക്. മ​ന​സ്സി​ലെ അ​മൂ​ർ​ത്ത​ത​യി​ൽ​നി​ന്ന് മൂ​ർ​ത്ത​ നേ​ര് മു​ഖ​പ​ടം ഒ​ന്നൊ​ന്നാ​യി ചി​ന്തി മു​ഖം കാ​ട്ടും. ഒ​രു ന​ഗ​ര​ത്തി​ന്റെ​യും സ്വ​ഭാ​വ​വും സം​സ്കാ​ര​വും അ​വി​ട​ത്തെ നി​ർ​മി​തി​ക​ള​ല്ല, ക​ൽ​പി​ത ഛായ​യു​മ​ല്ല; മനസ്സിലെ പ്ര​തിഛാ​യ​ക​ൾ പ്ര​തീ​തി മാ​ത്രം –ന​ഗ​രം മ​നു​ഷ്യ​നെ ബോ​ധ്യ​പ്പെ​ടു​ത്തും.

ഒ​രു ന​ഗ​ര​വും വേ​റി​ട്ട തു​രു​ത്ത​ല്ല, ഒ​ന്നി​ന്റെ​യും. ന​ഗ​ര​വും ‘പു​റം​ലോ​ക’​വും വേ​ർ​തി​രി​ക്കു​ന്ന പ്ര​തീ​തി ഛായ​ക​ളാ​ണ് വ​ഴി​തെ​റ്റി​ക്കു​ന്ന വ​ലി​യ നു​ണ. ഗ്രാ​മ​ങ്ങ​ളും ഹ​രി​താ​ഭ​യുംപോ​ലെ ന​ഗ​ര​ങ്ങ​ളും പ്ര​കൃ​തി​ജ​ന്യ പ്ര​ക്രി​യ​ക​ളു​ടെ ഇ​ഴ​ച്ച​ര​ടു​ക​ളി​ൽ​ത​ന്നെ. അ​വി​ടെ വേ​റി​ട്ട പു​ല​ർ​ച്ച​യൊ​ന്നു​മി​ല്ല, ജീ​വി​ത​ത്തി​ന്. ന​ഗ​ര-​ഗ്രാ​മ വ്യ​ത്യാ​സ​മൊ​ന്നു​മി​ല്ല​തി​ന്, കാ​ത​ലി​ൽ. വി​ക​സ​നം​ ഒ​രു​ക്കു​ന്നെ​ന്ന് വി​ചാ​രി​ക്ക​പ്പെ​ടു​ന്ന യ​ന്ത്ര​സാ​​ങ്കേ​തി​ക​ത്വ​വും ഈ ​ക​ർ​മ​വ്യൂ​ഹ​ത്തി​ലെ ക​ണ്ണി​യൊ​ന്ന് മാ​ത്രം. ഇ​ന്ന്, ജൈ​വ​ത​യോ​ടു​ള്ള ബ​ന്ധം മു​റി​ക്കു​ന്ന​തി​ലാ​ണ് ഈ ​ക​ണ്ണി​യു​ടെ കൈ. ​നാ​ളെ ഒ​രു​നാ​ൾ, മു​റി​ഞ്ഞ ക​ണ്ണി​ക​ൾ വി​ള​ക്കു​ന്ന സാ​​ങ്കേ​തി​ക​ത്വം വ​ന്നെ​ന്നു​വ​രാം. അ​തി​നും അ​വ​ശ്യം വേ​ണ്ട​ത്, ന​ഗ​രം വേ​റി​ട്ട ദ്വീ​പ​ക​മോ സം​സ്കൃ​തി​യു​ടെ അ​മൂ​ർ​ത്ത​നാ​ക​മോ അ​ല്ലെ​ന്ന തി​രി​ച്ച​റി​വ്. ഒ​രു ന​ഗ​ര​വും തീ​ർ​ത്ത​ത് മ​നു​ഷ്യ​ന​ല്ല. ആ ​ത​ച്ചി​ൽ പ​ങ്കു​കൊ​ണ്ട ചെ​റു മെ​യ്ക്കാ​ടു​കാ​ര​ൻ മാ​ത്ര​മാ​ണ​യാ​ൾ.

(തുടരും)