സ്വാ​ത​ന്ത്ര്യ​ത്തി​ന്റെ നാ​നാ​ർ​ഥ​ങ്ങ​ൾ

വി​ദ്വേ​ഷ​പ്ര​സം​ഗ​ങ്ങ​ൾ അ​ഭി​പ്രാ​യസ്വാ​ത​ന്ത്ര്യ​ത്തി​ന്റെ പ​രി​ധി​യി​ൽ വ​രി​ല്ലെ​ന്ന വാ​ദം ജ​സ്റ്റി​സ് കെ.​എം. ജോ​സ​ഫ് അം​ഗീ​ക​രി​ച്ച​ത​ുകൊ​ണ്ടാ​ണ് ഇ​ത്ത​രം കേ​സു​ക​ളി​ൽ എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്യ​ണ​മെ​ന്ന് ആ ​ ​െബ​ഞ്ച് ഉ​ത്ത​ര​വി​ട്ട​ത്. ശ​ക്ത​വും സു​ധീ​ര​വു​മാ​യ ഒ​രു നീ​തി​ന്യാ​യ ഇ​ട​പെ​ട​ലാ​ണ് ഇ​ക്കാ​ര്യ​ത്തി​ൽ കെ.​എം. ജോ​സ​ഫ് അ​ധ്യ​ക്ഷ​നാ​യ ​െബ​ഞ്ചി​ൽ​നി​ന്നും ഉ​ണ്ടാ​യ​ത് –അഭിപ്രായ സ്വാതന്ത്ര്യത്തി​ന്റെ വിവിധ വ്യവഹാര തലങ്ങൾ പരിശോധിക്കുന്നു.

അ​ഭി​പ്രാ​യസ്വാ​ത​ന്ത്ര്യ​ത്തി​ന്റെ ര​ണ്ടു വി​രു​ദ്ധ വ​ശ​ങ്ങ​ൾ ത​മ്മി​ലു​ള്ള സം​ഘ​ർ​ഷ​ത്തി​ന് വി​വി​ധ കേ​സു​ക​ളി​ലൂ​ടെ സു​പ്രീം​കോ​ട​തി വേ​ദി​യാ​യി. ഇ​ന്ത്യ​ൻ ശി​ക്ഷാ നി​യ​മ​ത്തി​ലെ 124 എ ​വ​കു​പ്പ് രാ​ജ്യ​ദ്രോ​ഹ​ക്കു​റ്റം (sedition) സം​ബ​ന്ധി​ച്ച​താ​ണ്. ഭ​ര​ണ​കൂ​ട​ത്തി​​െന​തി​രാ​യ എ​ന്തു വി​മ​ർ​ശ​ന​ത്തെ​യും രാ​ജ്യ​ദ്രോ​ഹ​ക്കു​റ്റ​മാ​യി വ്യാ​ഖ്യാ​നി​ച്ച് വി​മ​ർ​ശ​ക​ർ​ക്കെ​തി​രെ ക്രി​മി​ന​ൽ കേ​സ് എ​ടു​ക്കാം എ​ന്ന സ​മീ​പ​ന​ത്തോ​ടെ​യാ​ണ് പ​ല​പ്പോ​ഴും ഈ ​നി​യ​മ​ത്തെ സ​ർ​ക്കാ​റു​ക​ൾ ഉ​പ​യോ​ഗി​ച്ച​ത്. നി​യ​മ​വ്യ​വ​സ്ഥ സ്ഥൂ​ല​വും അ​വ്യ​ക്ത​വു​മാ​യി​രു​ന്നു​വെ​ന്ന​ത് ഇ​ത്ത​ര​ത്തി​ലു​ള്ള ഭ​ര​ണ​കൂ​ടാ​സ​ക്തി​ക്ക് ശ​ക്തിപ​ക​ർ​ന്നു. ഈ ​നി​യ​മ​ത്തി​ന്റെ ഭ​ര​ണ​ഘ​ട​നാ​പ​ര​മാ​യ സാ​ധു​ത സു​പ്രീം​കോ​ട​തി മു​മ്പാ​കെ പ​തി​റ്റാ​ണ്ടു​ക​ൾ​ക്കു​ മു​മ്പേ ചോ​ദ്യംചെ​യ്യ​പ്പെ​ട്ട​താ​ണ്.

ബ്രി​ട്ടീ​ഷു​കാ​ർ ഗാ​ന്ധി​ജി​യെ​യും ബാ​ല​ഗം​ഗാ​ധ​ര​ തി​ല​ക​നെ​യും ഭ​ഗ​ത് സിങ്ങി​നെ​യും ലാ​ലാ​ല​ജ്പ​ത് റാ​യി​യെയും അ​ര​ബി​ന്ദോ​വി​നെ​യു​ം മൗ​ലാ​ന മു​ഹ​മ്മ​ദ് അ​ലി​യെ​യും ആ​നി​ബ​സ​ന്റി​നെ​യും അ​ബുൽക​ലാം ആ​സാ​ദി​നെ​യും മ​റ്റും വി​ചാ​ര​ണചെ​യ്ത കു​പ്ര​സി​ദ്ധ​മാ​യ വ​കു​പ്പ്. എ​ന്നാ​ൽ, ഈ ​വ​കു​പ്പ് സാ​ധു​വാ​ണെ​ന്ന് നി​ർ​ഭാ​ഗ്യ​വ​ശാ​ൽ സു​പ്രീം​കോ​ട​തി 1962ലെ ​കേ​ദാ​ർ​നാ​ഥ് സിങ് കേ​സി​ൽ വി​ധി പ​റ​ഞ്ഞു. അ​ങ്ങ​നെ കൊ​ളോ​ണി​യ​ൽ നി​യ​മ​വ്യ​വ​സ്ഥ​ക്ക് സ്വാ​ത​ന്ത്ര്യാ​ന​ന്ത​ര ഇ​ന്ത്യ​യു​ടെ പ​ര​മോ​ന്ന​ത കോ​ട​തി ത​ന്നെ സാ​ധൂ​ക​ര​ണം ന​ൽ​കി.

ഈ ​വി​ധി പു​നഃ​പ​രി​ശോ​ധി​ച്ചു​കൊ​ണ്ട് ശി​ക്ഷാ​നി​യ​മ​ത്തി​ലെ 124 എ ​വ​കു​പ്പ് റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ടു​കൊ​ണ്ടു​ള്ള ഒ​രുകൂ​ട്ടം ഹ​ര​ജി​ക​ളാ​ണ് സു​പ്രീം​കോ​ട​തി​യി​ൽ എ​ത്തി​യ​ത്. പ്ര​മു​ഖ മാ​ധ്യ​മപ്ര​വ​ർ​ത്ത​ക​നാ​യ ശ​ശി​കു​മാ​റി​നു​വേ​ണ്ടി​യാ​ണ് ഞാ​ൻ ഹാ​ജ​രാ​യ​ത്.

എ​ന്നാ​ൽ, അ​ഭി​പ്രാ​യസ്വാ​ത​ന്ത്ര്യ​ത്തി​ന്റെ പ​രി​ധി​യി​ൽ വി​ദ്വേ​ഷപ്ര​സം​ഗ​ങ്ങ​ൾ ഉ​ൾ​പ്പെ​ടു​ക​യി​ല്ലെ​ന്ന് വാ​ദി​ക്കു​ന്ന ഹ​ര​ജി​ക​ളും ഏതാ​ണ്ടി​തേ കാ​ല​ത്തു​ത​ന്നെ സു​പ്രീം​കോ​ട​തി​യു​ടെ മ​റ്റു ചി​ല ബെ​ഞ്ചു​ക​ൾ പ​രിഗ​ണി​ക്കു​ക​യു​ണ്ടാ​യി. ഈ ​വി​ഭാ​ഗം കേ​സു​ക​ളി​ൽ വി​ദ്വേ​ഷപ്ര​സം​ഗ​ത്തി​നെ​തി​രെ ഞാ​ൻ വാ​ദി​ച്ച​തും ശ​ശി​കു​മാ​റി​ന​ുവേ​ണ്ടി​ത്ത​ന്നെ​യാ​യി​രു​ന്നു. സ​മീ​പ​കാ​ല​ത്താ​യി ഭ​ര​ണ​ഘ​ട​ന​യി​ലെ 19 (1) എ ​അ​നുഛേ​ദം അ​നു​ശാ​സി​ക്കു​ന്ന അ​ഭി​പ്രാ​യസ്വാ​ത​ന്ത്ര്യ​ത്തി​ന്റെ ഭി​ന്ന​ത​ല​ങ്ങ​ൾ നീ​തി​ന്യാ​യ പ​രി​ശോ​ധ​ന​ക്കു വി​ധേ​യ​മാ​യ വ്യ​വ​ഹാ​ര​ങ്ങ​ളാ​യി​രു​ന്നു ഇ​വ. ചീ​ഫ് ജ​സ്റ്റിസ് ര​മ​ണ മു​ത​ൽ ചീ​ഫ് ജ​സ്റ്റി​സ് ച​ന്ദ്ര​ചൂ​ഡ് വ​രെ​യു​ള്ള​വ​രു​ടെ ​െബ​ഞ്ചു​ക​ളി​ൽ സ്വാ​ത​ന്ത്ര്യ​ത്തി​ന്റെ നാ​നാ​ർഥ​ങ്ങ​ൾ ഈ ​വ​ക കേ​സു​ക​ളി​ലൂ​ടെ ഉ​ന്ന​യി​ക്ക​പ്പെ​ട്ടു.

രാ​ജ്യ​ദ്രോ​ഹ​ക്കു​റ്റ​ത്തി​നെ​തി​രാ​യ വ​ാദ​ങ്ങ​ൾ പ്ര​ഥ​മ​ദൃ​ഷ്ട്യാ കോ​ട​തി അം​ഗീ​ക​രി​ച്ചു. ചീ​ഫ് ജ​സ്റ്റി​സ് ര​മ​ണ​യു​ടെ ​െബ​ഞ്ച് 2022 മേ​യ് 11ന് ​ഈ വ്യ​വ​സ്ഥ പ്ര​യോ​ഗി​ക്കു​ന്ന​ത് ഫ​ല​ത്തി​ൽ സ​സ്​​പെ​ൻഡ് ചെ​യ്തു​കൊ​ണ്ട് ഇ​ട​ക്കാ​ല ഉ​ത്ത​ര​വി​റ​ക്കി. 1962ലെ ​ഭ​ര​ണ​ഘ​ട​നാ​ ​െബ​ഞ്ച് വി​ധി​ക്കു​ശേ​ഷം, സ്വാ​ത​ന്ത്ര്യ​ത്തി​ന്റെ പു​തി​യ ശ​ര​വേ​ഗ​ങ്ങ​ൾ ലോ​ക​ത്ത് പ​ല​യി​ട​ത്തും ഉ​യ​ർ​ന്നു​വ​ന്ന​ത് ഇ​ന്ത്യ​ൻ സു​പ്രീം​കോ​ട​തി​ക്ക് കാ​ണാ​തി​രി​ക്കാ​നാ​വു​മാ​യി​രു​ന്നി​ല്ല. എ​ന്തി​ന​ധി​കം, രാ​ജ്യ​ദ്രോ​ഹ​ക്കു​റ്റം സം​ബ​ന്ധി​ച്ച് ശി​ക്ഷാ നി​യ​മ​വ്യ​വ​സ്ഥ​യു​ടെ പ്ര​ഭ​വ​കേ​ന്ദ്ര​മാ​യി​രു​ന്ന ബ്രി​ട്ട​ൻപോ​ലും 2010ൽ ​എ​ടു​ത്തു​ക​ള​ഞ്ഞ ഈ ​നി​യ​മ​ത്തെ അ​ല​ങ്കാ​ര​മാ​യി കൊ​ണ്ടു​ന​ട​ക്കു​ന്ന​താ​ണ് യ​ഥാ​ർ​ഥ​ത്തി​ൽ രാ​ജ്യ​ദ്രോ​ഹ​മെ​ന്ന് പ​ല​രും ചി​ന്തി​ക്കാ​ൻ തു​ട​ങ്ങി! ന്യൂ​സി​ല​ൻഡ്, അ​മേ​രി​ക്ക, കാ​ന​ഡ, ആ​സ്ട്രേലിയ എ​ന്നി​വി​ട​ങ്ങ​ളി​ൽ സ​മാ​ന​വ്യ​വ​സ്ഥ​ക​ൾ എ​ടു​ത്തു​ക​ള​യു​ക​യോ ഉ​പ​യോ​ഗി​ക്കാ​തി​രി​ക്കു​ക​യോ ചെ​യ്തു. എ​ന്നാ​ൽ, ഇ​ന്ത്യ​യി​ലാ​ക​ട്ടെ 124 എ ​വ​കു​പ്പു​പ​യോ​ഗി​ച്ചാ​ണ് ബി​നാ​യ​ക് സെ​ൻ മു​ത​ൽ ഉ​മ​ർ ഖാ​ലി​ദ് വ​രെ​യു​ള്ള​വ​രെ സ​ർ​ക്കാ​ർ വേ​ട്ട​യാ​ടി​യ​ത്.

മോ​ദി ഭ​ര​ണ​കാ​ല​ത്ത് രാ​ജ്യ​ദ്രോ​ഹ​ക്കു​റ്റം ഉ​പ​യോ​ഗി​ച്ച് സ്വ​ത​ന്ത്ര വി​മ​ർ​ശ​ന​ങ്ങ​ളെ​യും വി​മ​ർ​ശ​ക​രെ​യും ഭ​ര​ണ​കൂ​ടം അ​ട​ക്കി​യി​രു​ത്താ​ൻ ശ്ര​മി​ച്ച​തി​ന് എ​ത്ര​യോ ഉ​ദാ​ഹ​ര​ണ​ങ്ങ​ൾ ഉ​ണ്ടാ​യി. ഇ​ങ്ങ​നെ രാ​ജ്യ​ദ്രോ​ഹ​ക്കു​റ്റം​ ചു​മ​ത്ത​പ്പെ​ട്ട സ്വ​ത​ന്ത്ര​ ബു​ദ്ധിജീ​വി​ക​ളു​ടെ​യും ആ​ക്ടി​വി​സ്റ്റു​ക​ളു​ടെ​യും സാമാ​ന്യം നീ​ണ്ട ഒ​രു പ​ട്ടി​ക ത​ന്നെ ശ​ശി​കു​മാ​റി​നു​വേ​ണ്ടി സു​പ്രീം​കോ​ട​തി​യി​ൽ സ​മ​ർ​പ്പി​ച്ചു. രാ​ജ്യ​ദ്രോ​ഹ​ക്കു​റ്റ​ത്തി​ന്റെ കാ​ര്യ​ത്തി​ൽ ആ​ത്യ​ന്തി​ക​മാ​യി ശി​ക്ഷാ​വി​ധി​ക​ൾ വ​രു​ന്ന​ത് തു​ലോം കു​റ​വാ​ണെ​ങ്കി​ലും കു​റ്റാ​രോ​പ​ണ​ത്തി​ൽ വെ​ച്ചു​തു​ട​ങ്ങു​ന്ന നി​യ​മ​ന​ട​പ​ടി​ക​ൾ ത​ന്നെ ശി​ക്ഷ​യാ​യി മാ​റു​ന്നു​വെ​ന്ന​താ​ണ് രാ​ഷ്ട്ര​ത്തി​ന്റെ അ​നു​ഭ​വം. ഈ ​വാ​ദം ചീ​ഫ് ജ​സ്റ്റി​സ് ര​മ​ണ​യ​ട​ങ്ങു​ന്ന ബെ​ഞ്ചി​ന് ബോ​ധ്യ​പ്പെ​ട്ട​തു​കൊ​ണ്ടാ​ണ് വ്യ​വ​സ്ഥ​യു​ടെ പ്ര​യോ​ഗം ഫ​ല​ത്തി​ൽ സ​സ്​​പെ​ൻഡ് ചെ​യ്തു​കൊ​ണ്ട് കോ​ട​തി ഉ​ത്ത​ര​വി​ട്ട​ത്.

പി​ന്നീ​ട് ചീ​ഫ് ജ​സ്റ്റി​സ് ച​ന്ദ്ര​ചൂ​ഡി​ന്റെ ​ ​െബ​ഞ്ചി​ൽ കേ​സ് എ​ത്തി​യ​പ്പോ​ഴും ഹ​ര​ജി​ക്കാ​ർ​ക്ക​നു​കൂ​ല​മാ​യ നി​ല​പാ​ടാ​ണ് കോ​ട​തി സ്വീ​ക​രി​ച്ച​ത്. കേ​ദാ​ർ​നാ​ഥ് കേ​സി​ലെ വി​ധി (1962) ശ​രി​യ​ല്ലെ​ന്ന് പ്ര​ഥ​മ​ദൃ​ഷ്ട്യാ തോ​ന്നു​ന്ന​താ​യി സൂ​ചിപ്പിച്ച കോ​ട​തി വി​ഷ​യം ഉ​യ​ർ​ന്ന ​െബ​ഞ്ച് പ​രി​ഗ​ണി​ക്ക​ണ​മെ​ന്നു പ​റ​ഞ്ഞു. നി​യ​മ​വ്യ​വ​സ്ഥ​യു​ടെ തു​ട​ർ​ന്നു​ള്ള പ്ര​യോ​ഗ​ത്തി​ന് കോ​ട​തി​ക​ൾ ത​ട​യി​ടു​ക​യോ നി​ബ​ന്ധ​ന​ക​ൾ വെ​ക്കു​ക​യോ ചെ​യ്തു എ​ന്ന​ത് ഈ ​വ്യ​വ​സ്ഥ​യു​ടെ അ​ടി​സ്ഥാ​ന​ത്തി​ൽ ഇ​ന്ത്യ​യി​ൽ ആ​രം​ഭി​ച്ച പ്രോ​സി​ക്യൂ​ഷ​നു​ക​ളെ ഇ​ല്ലാ​താ​ക്കു​ന്നി​ല്ല. അ​താ​യ​ത് ഇ​തി​ന​കം തു​ടങ്ങി​വെ​ച്ച രാ​ജ്യ​ദ്രോ​ഹ​ക്കേ​സു​ക​ൾ മ​ര​വി​പ്പി​ക്ക​പ്പെ​ട്ട അ​വ​സ്ഥ​യി​ലാ​ണെ​ങ്കി​ലും അ​നി​ശ്ചി​ത​മാ​യി തു​ട​രു​ന്ന അ​വ​സ്ഥ​യു​ണ്ട്. അ​തി​നാ​ൽ​ത​ന്നെ ഒ​രു ഉ​യ​ർ​ന്ന ​െബ​ഞ്ച് ഈ ​വി​ഷ​യ​ത്തി​ൽ അ​ടി​യ​ന്തര​മാ​യി വാ​ദം കേ​ൾ​ക്ക​ണം എ​ന്ന് ഞാ​ൻ ചീ​ഫ് ജ​സ്റ്റി​സ് ച​ന്ദ്ര​ചൂ​ഡി​ന്റെ ​െബ​ഞ്ച് മു​മ്പാ​കെ സൂ​ചി​പ്പി​ച്ചു. ഈ ​കേ​സി​ലെ അ​ന്തി​മ​വാ​ദം​ ഒ​രു വി​ശാ​ല ​െബ​ഞ്ചി​നു​ മു​മ്പാ​കെ ന​ട​ക്കാ​നി​രി​ക്കു​ന്നു.

വി​ദ്വേ​ഷ​പ്ര​സം​ഗ​ങ്ങ​ൾ അ​ഭി​പ്രാ​യസ്വാ​ത​ന്ത്ര്യ​ത്തി​ന്റെ പ​രി​ധി​യി​ൽ വ​രി​ല്ലെ​ന്ന വാ​ദം ജ​സ്റ്റി​സ് കെ.​എം. ജോ​സ​ഫ് അം​ഗീ​ക​രി​ച്ച​ത​ുകൊ​ണ്ടാ​ണ് ഇ​ത്ത​രം കേ​സു​ക​ളി​ൽ എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്യ​ണ​മെ​ന്ന് ആ ​ ​െബ​ഞ്ച് ഉ​ത്ത​ര​വി​ട്ട​ത്. ശ​ക്ത​വും സു​ധീ​ര​വു​മാ​യ ഒ​രു നീ​തി​ന്യാ​യ ഇ​ട​പെ​ട​ലാ​ണ് ഇ​ക്കാ​ര്യ​ത്തി​ൽ കെ.​എം. ജോ​സ​ഫ് അ​ധ്യ​ക്ഷ​നാ​യ ​െബ​ഞ്ചി​ൽ​നി​ന്നും ഉ​ണ്ടാ​യ​ത്.

ഒ​ന്നോ​ർ​ത്താ​ൽ, മ​റ്റൊ​രു കാ​ല​ത്തെ എ​ച്ച്.​ആ​ർ. ഖ​ന്ന​യാ​യി​രു​ന്നു, ജ​സ്റ്റി​സ് ജോ​സ​ഫ്. അ​ടി​യ​ന്തരാ​വ​സ്ഥ​യി​ലും മൗ​ല​ികാ​വ​കാ​ശ​ങ്ങ​ൾ മ​ര​വി​പ്പി​ക്ക​പ്പെ​ടു​ക​യി​ല്ലെ​ന്ന് ജ​സ്റ്റി​സ് ഖ​ന്ന വി​യോ​ജ​ന​വി​ധി​യി​ൽ എ​ഴു​തി​യ​പ്പോ​ൾ അ​ദ്ദേ​ഹ​ത്തി​ന് അ​ർ​ഹ​ത​പ്പെ​ട്ട ചീ​ഫ് ജ​സ്റ്റി​സ് പ​ദ​വി​യാ​ണ് ന​ഷ്ട​പ്പെ​ട്ട​ത്. അ​തു​പ​ക്ഷേ, അ​ദ്ദേ​ഹ​ത്തെ ച​രി​ത്ര​ത്തി​ന്റെ സിം​ഹാ​സ​ന​ങ്ങ​ളി​ലേ​ക്കു​യ​ർ​ത്തി. ജ​ന​മ​ന​സ്സി​ലാ​ണ് ഇ​ത്ത​രം നീ​തി​ബോ​ധ​മു​ള്ള​വ​രു​ടെ നി​ത്യ​സാ​ന്നി​ധ്യം കു​ടി​കൊ​ള്ളു​ക. ഏ​തെ​ങ്കി​ലും വി​യോ​ജ​നവി​ധ​ിയി​ലൂടെ​യ​ല്ല, ജ​സ്റ്റി​സ് ജോ​സ​ഫ് ശ്ര​ദ്ധേ​യ​നാ​യ​തെ​ന്ന​ത് സ​ത്യംത​ന്നെ. എ​ന്നാ​ൽ, വി​ദ്വേ​ഷ​പ്ര​സം​ഗ​ങ്ങ​ൾ​ക്കെ​തി​രെ അ​ദ്ദേ​ഹം കോ​ട​തി​യി​ൽ​വെ​ച്ച് വാ​ക്കാ​ലും ഉ​ത്ത​ര​വി​ലൂ​ടെ​യും ന​ട​ത്തി​യ പ്ര​ഖ്യാ​പ​ന​ങ്ങ​ൾ ച​രി​ത്ര​ത്തി​​ന്റെ ര​ജ​ത​രേ​ഖ​ക​ളാ​ണ്.

പ്ര​ധാ​ന​മ​ന്ത്രി​പോ​ലും രാ​ജ്യ​ത്തെ നി​യ​മ​ങ്ങ​ൾ​ക്ക് അ​തീ​ത​ന​ല്ല എ​ന്ന് ജ​സ്റ്റി​സ് ജോ​സ​ഫ് തു​റ​ന്ന​ടി​ച്ചു. അ​ന്യ​ഥാ, ആ​ർ​ക്കും എ​തി​ർ​ക്കാ​നാ​കാ​ത്ത​താ​ണീ പ്ര​സ്താ​വ​ന. എ​ന്നാ​ൽ, 2023 ഏ​പ്രി​ൽ മാ​സ​ത്തി​ൽ ഇ​ത്ത​ര​മൊ​രു പ്ര​സ്താ​വ​ന ന​ട​ത്തു​ന്ന​ത് വ​ലി​യൊ​രു ധീ​ര​ത​യാ​യി വ്യ​ാഖ്യാ​നി​ക്ക​പ്പെ​ടു​ന്ന വി​ധ​ത്തി​ൽ സു​പ്രീം​കോ​ട​തി​യും രാ​ജ്യ​വും മാ​റി​ക്ക​ഴി​ഞ്ഞി​രു​ന്നു! വി​ദ്വേ​ഷ പ്ര​സം​ഗ​ങ്ങ​ൾ സം​ബ​ന്ധി​ച്ച കേ​സ് കേ​ൾ​ക്കു​ന്ന​തി​നി​ട​യി​ൽ ജ​സ്റ്റി​സ് ജോ​സ​ഫ് അ​ത് ത​ട​യു​ന്ന​തി​നു​ള്ള നി​ർ​ദേ​ശ​ങ്ങ​ൾ സ​മ​ർ​പ്പി​ക്കാ​ൻ അ​ഭി​ഭാ​ഷ​ക​രോ​ട് ആ​വ​ശ്യ​പ്പെ​ട്ടു. അ​തി​നി​ടെ, വി​ദ്വേ​ഷ​പ്ര​സം​ഗ​ത്തി​നെ​തി​​െര ക​രു​ത​ൽ ത​ടങ്കൽ പ്ര​യോ​ഗി​ക്കു​ന്ന​ത് ഗു​ണംചെ​യ്യു​മോ എ​ന്ന നി​ല​യി​ലും ച​ർ​ച്ച​ക​ൾ ഉ​ണ്ടാ​യി.

എ​നി​ക്ക് ഈ ​അ​ഭി​പ്രാ​യ​ത്തോ​ട് യോ​ജി​പ്പി​ല്ലാ​യി​രു​ന്നു. അ​ന്യ​ഥാ പ​ക്ഷ​പാ​ത​പ​ര​മാ​യും നീ​തി​ര​ഹി​ത​വു​മാ​യും പ്ര​വ​ർ​ത്തി​ക്കു​ന്ന ഒ​രു ഭ​ര​ണ​കൂ​ടം, അ​തി​ന്റെ എ​തി​രാ​ളി​ക​ൾ ന​ട​ത്തു​ന്ന വി​മ​ർ​ശ​ന​ത്തെ​പ്പോ​ലും വി​ദ്വേ​ഷപ്ര​സം​ഗ​മാ​യി വ്യാ​ഖ്യാ​നി​ച്ച് ജ​യി​ലി​ലി​ടു​ന്ന ഒ​രു അ​വ​സ്ഥ കോ​ട​തി​യു​ത്ത​ര​വി​ലൂ​ടെ ഉ​ണ്ടാ​ക്കാ​ൻ പാ​ടി​ല്ലെ​ന്ന് ഞാ​ൻ ജ​സ്റ്റി​സ് ജോ​സ​ഫി​ന്റെ ​െബ​ഞ്ചു മു​മ്പാ​കെ ശ​ശി​കു​മാ​റി​നു​വേ​ണ്ടി ബോ​ധി​പ്പി​ച്ചു. മാ​ധ്യ​മ​രം​ഗ​ത്തെ അ​തി​കാ​യ​നാ​യ​ എ​ന്റെ ക​ക്ഷി​ ശ​ശി​കു​മാ​റി​നും നി​യ​മം അ​ഭി​പ്രാ​യസ്വാ​ത​ന്ത്ര്യ​ത്തി​നെ​തി​രെ ആ​യു​ധ​മാ​കാ​ൻ പാ​ടി​ല്ലെ​ന്ന് നി​ഷ്ക​ർ​ഷ​യു​ണ്ടാ​യി​രു​ന്നു. വി​ദ്വേ​ഷ​പ്ര​സം​ഗം ന​ട​ക്കു​ന്നു​വെ​ന്ന​ത് സെ​ൻ​സ​ർ​ഷി​പ്പി​നു​ള്ള ന്യാ​യീ​ക​ര​ണ​മാ​കാ​ൻ പാ​ടി​ല്ലെ​ന്ന് വാ​ദി​ക്കു​ന്ന ന്യൂ​യോ​ർക് ലോ​ സ്കൂ​ളി​ലെ നാ​ദി​ൻ സ്ട്രോ​സ​ണി​ന്റെ (Nadine strossen) ‘ഹെ​യ്റ്റ്’ (Hate) എ​ന്ന പു​സ്ത​ക​ത്തി​ന്റെ പ്ര​മേ​യ​ത്തി​ലേ​ക്ക് ഞാ​ൻ ജ​സ്റ്റി​സ് ജോ​സ​ഫി​ന്റെ ശ്ര​ദ്ധ​ക്ഷ​ണി​ച്ചു.

വി​ദ്വേ​ഷ​ഭാ​ഷ​ണ​ത്തെ ​െച​റു​ക്കേ​ണ്ട​ത് കൂ​ടു​ത​ൽ സ്വ​ത​ന്ത്ര ഭാ​ഷ​ണ​ത്തി​ലൂ​ടെ​യാ​ണ്, അ​ല്ലാ​തെ സെ​ൻ​സ​ർ​ഷി​പ്പി​ലൂ​ടെ​യ​ല്ല എ​ന്ന സ്ട്രോ​സ​​ണി​ന്റെ ആ​ശ​യം അ​മേ​രി​ക്ക​ൻ നി​യ​മ​പ​ശ്ചാ​ത്ത​ല​ത്തി​ൽ മാ​ത്ര​മ​ല്ല, ലി​ബ​റ​ൽ ജ​നാ​ധി​പ​ത്യ​ങ്ങ​ളി​ലാ​കെ ച​ർ​ച്ചചെ​യ്യേ​ണ്ട കാ​ര്യ​മാ​ണെ​ന്ന് ഞാ​ൻ പ​റ​ഞ്ഞു. ഏ​തു​നി​ല​ക്കും, ക​രു​ത​ൽ ത​ട​ങ്ക​ൽ എ​ന്ന ആ​ശ​യ​ം വി​ദ്വേ​ഷപ്ര​സം​ഗ​ത്തി​നു​ള്ള​ പ​രി​ഹാ​ര​മ​ല്ല എ​ന്ന അ​ഭി​പ്രാ​യ​ത്തോ​ട് കോ​ട​തി​യും ആ​ത്യ​ന്തി​ക​മാ​യി യോ​ജി​ച്ചു. രാ​ജ്യ​ദ്രോ​ഹ വി​രു​ദ്ധ വ്യ​വ​സ്ഥ മു​ത​ൽ തീ​വ്ര​വാ​ദ​വി​രു​ദ്ധ വ്യ​വ​സ്ഥ​ വ​രെ​യു​ള്ള​ നി​യ​മ​ങ്ങ​ളു​ടെ ദു​രു​പ​യോ​ഗം സൃ​ഷ്ടി​ച്ച ദു​ര​വ​സ്ഥ​യെ​ക്കു​റി​ച്ചു​ള്ള ഒ​രു ഓ​ർ​മ​പ്പെ​ടു​ത്ത​ൽ കോ​ട​തി​മു​റി​യി​ലെ ഈ ​സം​വാ​ദ​ത്തെ അ​ർ​ഥ​പൂ​ർ​ണ​മാ​ക്കി. ‘വെ​ർ​ഡി​ക്ടം’ എ​ന്ന ഡി​ജി​റ്റ​ൽ ജേ​ണ​ൽ ഈ ​സം​വാ​ദ​ത്തി​ന്റെ ചു​രു​ക്കം റി​പ്പോ​ർ​ട്ട് ചെ​യ്ത​താ​യി ഓ​ർ​ക്കു​ന്നു.

2013ൽ സു​പ്രീം​കോ​ട​തി​യി​ൽ ഞാ​ൻ പ്രാ​ക്ടിസ് തു​ട​ങ്ങ​ു​മ്പോ​ൾ ജ​സ്റ്റി​സ് സ​ദാ​ശി​വ​മാ​യി​രു​ന്നു ചീ​ഫ് ജ​സ്റ്റി​സ്. പി​ന്നീ​ട് ജ​സ്റ്റി​സു​മാ​രാ​യ ലോ​ധ, എ​ച്ച്.​എ​ൽ. ദ​ത്ത്, ടി.​എ​സ്. താ​ക്കു​ർ, ജ​ഗ​ദീ​ഷ് സിങ് കേ​ഹാ​ർ, ദീ​പ​ക് മി​ശ്ര, ര​ഞ​്ജ​ൻ​ ഗോ​ഗോയ്, എ​സ്.​എ. ബോ​ബ്ഡെ, എ​ൻ.​വി. ര​മ​ണ, യു.​യു. ല​ളി​ത്, ഡി.​വൈ. ച​ന്ദ്ര​ചൂ​ഡ്, സ​ഞ്ജീ​വ് ഖ​ന്ന എ​ന്നി​വ​ർ ചീ​ഫ് ജ​സ്റ്റി​സു​മാ​രാ​യി വ​ന്നു. ഇ​വ​രു​ടെ​യെ​ല്ലാം കോ​ട​തി​യി​ൽ പോ​കാ​ൻ ക​ഴി​ഞ്ഞു​വെ​ന്ന​ത് പ​തി​റ്റാ​ണ്ടു​ ക​ട​ന്ന സു​പ്രീം​കോ​ട​തി​യി​ലെ തൊ​ഴി​ല​നു​ഭ​വ​ങ്ങ​ളെ സ​ചേ​ത​ന​മാ​ക്കി​ത്തീ​ർ​ത്തു. അ​തി​നി​ടെ ‘റീ ​തി​ങ്കി​ങ് ജു​ഡീ​ഷ്യ​ൽ റി​ഫോം​സ്’ എ​ന്ന പു​സ്ത​ക​ത്തി​ൽ മ​തി​പ്പു​ രേ​ഖ​പ്പെ​ടു​ത്തി​ക്കൊ​ണ്ടു​ള്ള ഒ​രു പ്ര​ശം​സാ​പ​ത്രം ജ​സ്റ്റി​സ് ബോ​ബ്ഡെ എ​നി​ക്ക് സ​മ്മാ​നി​ച്ചു. പു​സ്ത​ക​മെ​ഴു​തു​ന്ന അ​ഭി​ഭാ​ഷ​ക​ർ​ക്ക് ഇ​ത്ത​രം പ്ര​ശം​സാ​പ​ത്ര​ങ്ങ​ൾ എ​ത്തി​ച്ചു​കൊ​ടു​ക്കാ​ൻ മു​ൻ​കൈ​യെ​ടു​ക്കു​ന്ന​ത് സു​പ്രീം​കോ​ട​തി ബാ​ർ അ​സോ​സി​യേ​ഷ​ൻ ത​ന്നെ​യാ​ണ്. മ​റ്റ് ബാ​ർ അ​സോ​സി​യേ​ഷ​നു​ക​ൾ​ക്ക് സ്വീ​ക​രി​ക്കാ​വു​ന്ന ഒ​രു സാം​സ്കാ​രി​ക​മാ​തൃ​ക കൂ​ടി​യാ​ണി​ത് എ​ന്നാ​ണെ​ന്റെ പ​ക്ഷം!

ചീ​ഫ് ജ​സ്റ്റി​സു​മാ​ർ ഏ​റെ​യു​ണ്ടാ​യി​രു​ന്നു​വെ​ങ്കി​ലും ജ​സ്റ്റി​സ് ച​ന്ദ്ര​ചൂ​ഡ് മു​മ്പാ​കെ​യാ​യി​രി​ക്ക​ണം ഞാ​ൻ ഏ​റ്റ​വും കൂ​ടു​ത​ൽ ഹാ​ജ​രാ​യ​തും വ​ാദി​ച്ച​തും. സ്വാ​ത​ന്ത്ര്യ​വു​മാ​യി ബ​ന്ധ​പ്പെ​ട്ട കേ​സു​ക​ളി​ൽ അ​ദ്ദേ​ഹം എ​ടു​ത്ത നി​ല​പാ​ടു​ക​ൾ നീ​തി​യു​ക്ത​വു​മാ​യി​രു​ന്നു. എ​ന്നാ​ൽ, ചീ​ഫ് ജ​സ്റ്റി​സാ​യ​ശേ​ഷം കേ​സു​ക​ൾ ​െബ​ഞ്ചി​ലേ​ക്ക് അ​ലോ​ട്ട് ചെ​യ്യു​ന്ന​തി​നു​ള്ള അ​ധി​കാ​രം അ​ദ്ദേ​ഹ​ത്തി​ന് ല​ഭി​ച്ചി​ട്ടും ഇ​ന്ത്യ​യി​ലെ രാ​ഷ്ട്രീയ ത​ട​വു​കാ​രു​ടെ മോ​ച​ന​ത്തി​ന് വ​ഴി​യൊ​രു​ക്കു​ന്ന ഒ​രു ലി​ബ​റ​ൽ സ​മീ​പ​നം സു​പ്രീം​കോ​ട​തി​യു​ടെ ഭാ​ഗ​ത്തു​നി​ന്നും ഉ​ണ്ടാ​യി​ല്ല. ഇ​ന്ത്യ​യി​ലെ രാ​ഷ്ട്രീയ ത​ട​വു​കാ​രു​ടെ ജ​യി​ൽ​വാ​സ​ത്തെ ഒ​രു പ്ര​ത്യേ​ക വി​ഷ​യ​മെ​ന്ന നി​ല​യി​ൽ അ​ഭി​സം​ബോ​ധ​ന ചെ​യ്യേ​ണ്ട​തി​ന്റെ ആ​വ​ശ്യ​ക​ത​യെ​ക്കു​റി​ച്ച് ‘ഹി​ന്ദു’​വി​ൽ ഞാ​നെ​ഴു​തി​യി​രു​ന്നു. ഇ​ന്ത്യ​യി​ലെ ലി​ബ​റ​ൽ ബു​ദ്ധി​ജീ​വി​ക​ളു​ടെ സ​ഫ​ലീ​ക​രി​ക്ക​പ്പെ​ടാ​ത്ത ഇ​ത്ത​രം മോ​ഹ​ങ്ങ​ൾ സ്റ്റാ​ൻ സ്വാ​മി​യു​​െട​യും ജി.​എ​ൻ. സാ​യി​ബാ​ബ​യു​ടെ​യും മ​ര​ണ​ത്തി​ലൂ​ടെ നി​ത്യ​ദുഃ​ഖ​ത്തി​ന്റെ ശേ​ഷി​പ്പാ​യി​ത്തീ​ർ​ന്നു.

സ്വാ​ത​ന്ത്ര്യ​ത്തി​ന്റെ പ്ര​ശ്ന​ങ്ങ​ൾ ജീ​വി​ത​ത്തി​ന്റെ ഭി​ന്നമേ​ഖ​ല​ക​ളി​ൽ ഭി​ന്നരൂ​പ​ത്തി​ലാ​ണ് പ്ര​ത്യ​ക്ഷ​പ്പെ​ടു​ക. അ​ർ​ണ​ബ് ഗോ​സ്വാ​മി​ക്ക് ജാ​മ്യം ന​ൽ​കി​യ ചീ​ഫ് ജ​സ്റ്റി​സ് ച​ന്ദ്ര​ചൂ​ഡ് ഭീ​മാ-കൊറേഗാവ് കേ​സി​ലെ ഭി​ന്ന വി​ധി​യി​ലൂടെ​യും സ്വാ​ത​ന്ത്ര്യ​ത്തി​ന്റെ പ​ക്ഷ​ത്തു​നി​ന്നു. എ​ന്നാ​ൽ, പി​ൽ​ക്കാ​ല​ത്ത് ഉ​മ​ർ ഖാ​ലി​ദ് മു​ത​ൽ നി​ര​വ​ധി​യാ​ളു​ക​ൾ ഭ​ര​ണ​കൂ​ട​ത്തി​ന്റെ നീ​തി​ര​ഹി​ത​മാ​യ അ​ടി​ച്ച​മ​ർ​ത്ത​ലി​ന് വി​ധേ​യ​രാ​യ​പ്പോ​ൾ ലോ​ക​ത്തെ ഏ​റ്റ​വും ശ​ക്ത​മാ​യ സു​പ്രീം​കോ​ട​തി നി​സ്സ​ഹാ​യ​മാ​യി എ​ന്ന​ത് ചീ​ഫ് ജസ്റ്റി​സ് ച​ന്ദ്ര​ചൂ​ഡി​ന്റെ കാ​ല​ഘ​ട്ട​ത്തി​ൽ ഇ​രു​ൾ​ വീ​ഴ്ത്തി​യി​രി​ക്കു​ന്നു. ത​ട​വ​റ​യി​ലെ ഇ​രു​ൾ കോ​ട​തി​ക​ളി​ലേ​ക്കു​കൂ​ടി പ​ര​ന്നാ​ൽ പി​ന്നെ, ജ​നാ​ധി​പ​ത്യ​ത്തി​ൽ വെ​ളി​ച്ചം എ​വി​ടെ​യാ​ണ്? ഭീ​മ-കൊറേഗാവ് കേ​സി​ൽ ഇ​പ്പോ​ഴും ജ​യി​ലി​ൽ ക​ഴി​യു​ന്ന ബു​ദ്ധി​ജീ​വി​ക​ളും ആ​ക്ടി​വി​സ്റ്റു​ക​ളും ലോ​ക​ത്തോ​ട് ചോ​ദി​ക്കു​ന്ന​ത് ഇ​തേ ചോ​ദ്യ​മാ​ണ്.

ബാ​ബ​രി​ മ​സ്ജി​ദി​നെ​തി​രെ ന​ട​ന്ന രീ​തി​യി​ലു​ള്ള അ​തി​ക്ര​മ​ങ്ങ​ൾ രാ​ജ്യ​ത്ത് ആ​വ​ർ​ത്തി​ക്ക​പ്പെ​ട​രു​ത് എ​ന്ന് നി​യ​മനി​ർ​മാ​താ​ക്ക​ൾ ആ​ഗ്ര​ഹി​ച്ച​തി​നാ​ലാ​ണ് 1991ൽ ​പാ​ർ​ല​മെ​ന്റ്, ആ​രാ​ധ​നാ​ല​യ സം​ര​ക്ഷ​ണ നി​യ​മം പാ​സാ​ക്കി​യ​ത്. അ​യോ​ധ്യാ ​കേ​സി​ൽ സു​പ്രീം​കോ​ട​തി പു​റ​പ്പെ​ടു​വി​ച്ച വി​ധി ബാ​ബ​രി​ മ​സ്ജി​ദ് നി​യ​മ​വി​രു​ദ്ധ​മാ​യാ​ണ് ത​ക​ർ​ക്ക​പ്പെ​ട്ട​ത് എ​ന്ന് വ്യ​ക്ത​മാ​ക്കു​ന്നു. എ​ന്നി​ട്ടും പ​ള്ളി നി​ല​നി​ന്നി​ട​ത്ത് അ​മ്പ​ലം പ​ണി​യാ​ൻ കോ​ട​തി ഒ​രു ‘മ​തേ​ത​ര ഭ​ര​ണ​കൂ​ട’ത്തി​ന് അ​നു​വാ​ദം ന​ൽ​കി. മ​തേ​ത​ര ഭ​ര​ണ​കൂ​ടം എ​ന്നു പ​റ​ഞ്ഞ​ത് ഭ​ര​ണ​ഘ​ട​നാ​പ​ര​മാ​യ അ​ർ​ഥ​ത്തി​ലാ​ണ്. യാ​ഥാ​ർ​ഥ്യം മ​റ്റൊ​ന്നാ​ണ്. 2019ൽ ​അ​യോ​ധ്യ​ കേ​സി​ൽ വി​ധി പ​റ​യു​മ്പോ​ഴേ​ക്കും ന​മ്മു​ടേ​ത് ഭൂ​രി​പ​ക്ഷ​വാ​ദ​ത്തി​ലും​ വം​ശീ​യ​ത​യി​ലും അ​ധി​ഷ്ഠി​ത​മാ​യ തെ​ര​ഞ്ഞെ​ടു​ക്ക​പ്പെ​ട്ട സേ​ച്ഛ്വാ​ധി​പ​ത്യ​മാ​യി മാ​റി​ക്ക​ഴി​ഞ്ഞി​രു​ന്നു. ഈ ​പ്ര​തി​ലോ​മ​ക​ര​മാ​യ വി​ധി​യി​ൽപോ​ലും 1991ലെ ​ആ​രാ​ധ​നാ​ല​യ സം​ര​ക്ഷ​ണ നി​യ​മ​ത്തെ​ക്കു​റി​ച്ച് ​നല്ല വാ​ക്കു​ക​ൾ മാ​ത്ര​മേ സു​പ്രീം​കോ​ട​തി പ​റ​ഞ്ഞു​ള്ളൂ. ഈ ​നി​യ​മം ച​രി​ത്ര​ത്തി​ന്റെ മു​ൻ​ക​രു​ത​ലാ​ണെ​ന്നും രാ​ജ്യ​ത്തി​ന്റെ​യും ജ​ന​ങ്ങ​ളു​ടെ​യും ച​രി​ത്ര​ത്തി​ൽ​നി​ന്നും പാ​ഠ​ങ്ങ​ൾ ഉ​ൾ​ക്കൊ​ള്ളു​ന്ന​താ​ണെ​ന്നും ഭാ​വി​യി​ലേ​ക്ക് സു​ര​ക്ഷി​ത​രാ​യി ന​ട​ക്കു​വാ​ൻ ഒ​രു ജ​ന​ത​യെ സ​ഹാ​യി​ക്കു​ന്ന​താ​ണെ​ന്നും മ​റ്റും സു​പ്രീം​കോ​ട​തി പ​റ​ഞ്ഞു.

പി​ന്നീ​ട് ഗ്യാൻ​വാപി​ പ​ള്ളി​യു​ടെ കേ​സി​ൽ, ഈ ​അ​ഞ്ചം​ഗ ​െബ​ഞ്ചി​ന്റെ വി​ധി​യി​ലെ 1991ലെ ​നി​യ​മ​ത്തെ സ​ംബ​ന്ധി​ച്ച ക​ണ്ടെ​ത്ത​ലു​ക​ളെ​പ്പോ​ലും ജ​സ്റ്റി​സ് ചന്ദ്ര​ചൂ​ഡ് ഉ​ൾ​പ്പെ​ട്ട അം​ഗ​ബ​ലം കു​റ​ഞ്ഞ ​െബ​ഞ്ച് അ​ട്ടി​മ​റി​ച്ചു​വെ​ന്ന​ത് ഒ​രു നീതിന്യാ​യ ദു​ര​ന്ത​മാ​ണ് സൃ​ഷ്ടി​ച്ച​ത്. അ​താ​ക​ട്ടെ ഒ​രു രാ​ഷ്ട്ര​ത്തി​ന്റെ, ജ​ന​ത​യു​ടെ ദു​ര​ന്ത​മാ​യി​ത്തീ​ർ​ന്നു. ഗ്യാ​ൻ​വാ​പി പ​ള്ളി​യി​ൽ ശി​വ​ലിം​ഗം തേ​ടി​യു​ള്ള സ​ർ​വേ ന​ട​ത്താ​ൻ ഉ​ത്ത​ര​വി​ട്ട അ​ല​ഹ​ബാ​ദ് ഹൈ​കോ​ട​തി​ വി​ധി 1991ലെ ​വി​ധി​ക്കെ​തി​രാ​യി​ട്ടും ജ​സ്റ്റി​സ് ച​ന്ദ്ര​ചൂ​ഡ്, താ​ൻ​ത​ന്നെ ഉ​ൾ​പ്പെ​ട്ട അ​ഞ്ചം​ഗ ​െബ​ഞ്ചി​ന്റെയും നി​യ​മ​ത്തി​ന്റെ​യും അ​നു​ശാ​സ​ന​ത്തെ ലം​ഘി​ച്ചു; അ​ല​ഹ​ബാ​ദ് വി​ധി​യെ ശ​രി​വെ​ച്ചു. പി​ന്നീ​ട് രാ​ജ്യ​ത്ത് പ​ലേ​ട​ത്തും ഭൂ​രി​പ​ക്ഷ​വാ​ദി​ക​ൾ ഭൂ​ത​കാ​ലം ചി​ക​ഞ്ഞു​കൊ​ണ്ട് ന്യൂ​ന​പ​ക്ഷ​ങ്ങ​ളു​​െ​ട ആ​രാ​ധ​നാ​ല​യ​ങ്ങ​ൾ​ക്ക് നേ​രെ തി​രി​ഞ്ഞു. സം​ഭാ​ൽ പ​ള്ളി​യി​ലെ സ​ർ​വേ​യി​ൽ ര​ക്ത​ക്ക​റ പൂ​ണ്ടു. മ​നു​ഷ്യ​ർ വെ​ടി​യേ​റ്റു മ​രി​ച്ചു​വീ​ണു.

ചീ​ഫ് ജ​സ്റ്റി​സ് ച​​ന്ദ്ര​ചൂ​ഡ് വി​ര​മി​ച്ച സ​ന്ദ​ർ​ഭ​ത്തി​ൽ അ​ദ്ദേ​ഹ​ത്തി​ന്റെ കാ​ല​ഘ​ട്ട​ത്തെ​ക്കു​റി​ച്ച് ലേ​ഖ​ന​മെ​ഴു​താ​ൻ ന്യൂ ​ഇ​ന്ത്യ​ൻ എ​ക്സ്പ്ര​സി​ലെ അ​മി​താ​വ സ​ന്യാ​ൾ​ എ​ന്നോ​ട് ആ​വ​ശ്യ​പ്പെ​ട്ടി​രു​ന്നു. ചീ​ഫ് ജ​സ്റ്റി​സ് ച​ന്ദ്ര​ചൂ​ഡി​നെ​ക്കു​റി​ച്ച് പ​റ​യാ​ൻ ഏ​റെ ന​ല്ല കാ​ര്യ​ങ്ങ​ൾ ഉ​ണ്ടാ​യി​രു​ന്നു. അ​ദ്ദേ​ഹം സു​പ്രീം​കോ​ട​തി​യെ ഡ​ൽ​ഹി​യി​ൽ​നി​ന്നും മോ​ചി​പ്പി​ച്ച് ഇ​ന്ത്യ​യു​ടെ സു​പ്രീം​കോ​ട​തി​യാ​ക്കി. ഇ​ന്ത്യ​ൻ കോ​ട​തി​ക​ളി​ലെ ഡി​ജി​റ്റൽ വി​പ്ല​വം കേ​വ​ലം​ സാ​​ങ്കേ​തി​കം മാ​ത്ര​മാ​യി​രു​ന്നി​ല്ല; സാ​രാം​ശ​ത്തി​ൽത​ന്നെ അ​ത് കോ​ട​തി​ക​ളെ ജ​നാ​ധി​പ​ത്യ​വ​ത്ക​രി​ച്ചു. ഓ​ൺ​ലൈ​ൻ കോ​ട​തി​ക​ൾ പ്ര​യോ​ഗ​ത്തി​ൽ വ​ന്ന​തോ​ടെ ഇ​ന്ത്യ​യു​ടെ​യെ​ന്ന​ല്ല ലോ​ക​ത്തി​ന്റെ ത​ന്നെ ഏ​തു ഭാ​ഗ​ത്തു​നി​ന്നും അ​ഭി​ഭാ​ഷ​ക​ർ​ക്ക് സു​പ്രീം​കോ​ട​തി​യി​ലും ഹൈ​കോ​ട​തി​ക​ളി​ലും മ​റ്റ് കോ​ട​തി​ക​ളി​ലും വാ​ദി​ക്കാ​ൻ ക​ഴി​യു​ന്ന സാ​ഹ​ച​ര്യ​മു​ണ്ടാ​യി.

അ​തു​പോ​ലെ ത​ത്സ​മ​യ സം​പ്രേ​ഷ​ണ​ത്തി​ലൂടെ കോ​ട​തി ന​ട​പ​ടി​ക​ൾ സാ​ധാ​ര​ണ​ക്കാ​രു​ടെ ഭ​വ​ന​ങ്ങ​ളി​ൽ​നി​ന്നും വീ​ക്ഷി​ക്കാ​വു​ന്ന പാ​ക​ത്തി​ലാ​യി. സ്വ​ത​ന്ത്ര ഇ​ന്ത്യ​യി​ൽ ഉ​ണ്ടാ​യ ഏ​റ്റ​വും വ​ലി​യ​ നീ​തി​ന്യാ​യ വി​പ്ല​വ​മാ​ണ് 2019ന് ​ശേ​ഷം യ​ാഥാ​ർ​ഥ്യ​മാ​യ​ത്. സു​പ്രീം​കോ​ട​തി​യു​ടെ ഇ-​ക​മ്മി​റ്റി ചെ​യ​ർ​മാ​ൻ എ​ന്ന നി​ല​യി​ലും പി​ന്നീ​ട് ചീ​ഫ് ജ​സ്റ്റി​സ് എ​ന്ന നി​ല​യി​ലും ജ​സ്റ്റി​സ് ച​ന്ദ്ര​ചൂ​ഡ് ഈ ​നേ​ട്ട​ങ്ങൾ കൈ​വ​രി​ച്ച​ത് ഡ​ൽ​ഹി കേ​ന്ദ്രീ​ക​രി​ച്ചു​ള്ള ലോ​ബി​ക​ളു​ടെ എ​തി​ർപ്പു​ക​ളെ നേ​രി​ട്ടു​കൊ​ണ്ടാ​യി​രു​ന്നു. ഇ​ന്ത്യ​യി​ലെ ല​ക്ഷ​ക്ക​ണ​ക്കി​ന് വ​രു​ന്ന സാ​ധാ​ര​ണ​ക്കാ​രെ​യും അ​ഭി​ഭാ​ഷ​ക​രെ​യും കോ​ട​തി​യു​മാ​യി അ​ടു​പ്പി​ച്ച ഇത്ത​രം പ്ര​വ​ർ​ത്ത​ന​ങ്ങ​ൾ നി​യ​മ​രം​ഗ​ത്തെ കു​ലീ​ന​വ​ത്കര​ണ​ത്തി​​െന​തി​രാ​യ അ​ർഥവ​ത്താ​യ പോ​രാ​ട്ട​ങ്ങ​ൾകൂ​ടി​യാ​യി​രു​ന്നു.

പു​ട്ട​സ്വാ​മി കേസിൽ സ്വ​കാ​ര്യ​ത മൗ​ലി​കാ​വ​കാ​ശ​മാ​ണെ​ന്ന് പ്ര​ഖ്യാ​പി​ച്ച​പ്പോ​ൾ, മീ​ഡി​യവ​ൺ​ കേ​സി​ൽ മാ​ധ്യ​മ​സ്വാ​ത​ന്ത്ര്യം ഉ​യ​ർ​ത്തി​പ്പി​ടി​ച്ച​പ്പോ​ൾ, ഉ​ത്ത​ർ​പ്ര​ദേ​ശി​ലെ മ​ദ്റ​സ നി​യ​മ​ത്തെ ശ​രി​വെ​ച്ച​പ്പോ​ൾ, ഇ​ല​ക്ട​റ​ൽ ബോ​ണ്ടു​ക​ൾ ഭ​ര​ണ​ഘ​ട​നാ​വി​രു​ദ്ധ​മാ​ണെ​ന്ന് പ്ര​ഖ്യാ​പി​ച്ച​പ്പോ​ൾ ജ​സ്റ്റി​സ് ച​ന്ദ്ര​ചൂ​ഡ് മ​നു​ഷ്യ​സ്വാ​ത​ന്ത്ര്യത്തി​ന്റെ ഭി​ന്ന​ത​ല​ങ്ങ​ളെ​യാ​ണ് വ്യ​ക്ത​മാ​ക്കി​യ​ത്. ഞാ​ൻ ഹാ​ജ​രാ​യ ജോ​സ​ഫ് ഷൈ​ൻ കേ​സി​ൽ അ​ദ്ദേ​ഹം ലിം​ഗ​സ​മ​ത്വ​ത്തി​നും വ്യ​ക്തി​ക​ളു​ടെ സ്വച്ഛന്ദ​ത​ക്കും അ​ടി​വ​ര​യി​ട്ടു. കേ​ര​ള​ത്തി​ൽനി​ന്നു​ള്ള ആ​യു​ർ​വേ​ദ സ​ഹ​ക​ര​ണ​സം​ഘ​ത്തി​ന്റെ കേ​സി​ൽ ടെ​ൻ​ഡ​ർ ന​ട​പ​ടി കൂ​ടാ​തെ കേ​ന്ദ്ര​സ​ർ​ക്കാ​ർ സ​്ഥാ​പ​ന​ത്തി​ൽ​നി​ന്നു​മാ​ത്രം ആ​യു​ർ​വേ​ദ മ​രു​ന്നു​ക​ൾ വാ​ങ്ങു​ന്ന ഉ​ത്ത​ർ​പ്ര​ദേ​ശി​ലെ സ​ർ​ക്കാ​ർ സ​മ്പ്ര​ദാ​യ​ത്തി​ന് അ​ദ്ദേ​ഹ​വും ഹി​മാ​ കോ​ഹ്‍ലി​യും അ​ട​ങ്ങി​യ ​െബ​ഞ്ച് പ​രി​സ​മാ​പ്തി കു​റി​ച്ചു. അ​ത് വാ​ണി​ജ്യ​മേ​ഖ​ല​യി​ലെ വ്യാ​പാ​ര​സ്വാ​ത​ന്ത്ര്യത്തി​ന്റെ പ്ര​ഖ്യാ​പ​ന​മാ​യി​രു​ന്നു. അ​ലീ​ഗ​ഢ് സ​ർ​വ​ക​ലാ​ശാ​ല​യു​ടെ ന്യൂ​ന​പ​ക്ഷ പ​ദ​വി സം​ബ​ന്ധി​ച്ച വി​ധി​യി​ൽ അ​ദ്ദേ​ഹം ന്യൂ​ന​പ​ക്ഷ സ്വാ​ത​ന്ത്ര്യ​ത്തി​ന് നീ​തി​ന്യാ​യപ​ര​മാ​യ അം​ഗീ​കാ​രം ന​ൽ​കി.

ഒ​രേസ​മ​യം വി​പ്ലവ​ക​രവും വൈ​രു​ധ്യ​ങ്ങ​ൾ നി​റ​ഞ്ഞതുമാ​യ ഒ​രു നീ​തി​ന്യാ​യ ജീ​വി​ത​മാ​യി​രു​ന്നു ച​ന്ദ്ര​ചൂ​ഡി​ന്റേ​ത്. കശ്മീ​ർ, ഗ്യാ​ൻ​വാ​പി വി​ധി​ക​ൾ നി​രാ​ശ​പ്പെ​ടു​ത്തു​ന്ന​വ​യാ​യി​രു​ന്നു. ഭ​ര​ണ​കൂ​ട രാ​ഷ്ട്രീ​യ​ത്തി​ന്റെ അ​സു​ഖ​ക​ര​മാ​യ ഭ​വ​ന​സ​ന്ദ​ർ​ശ​ന​ങ്ങ​ളെ പ്ര​തി​രോ​ധി​ക്കാ​നാ​കാ​തെ അ​ദ്ദേ​ഹം ചി​ല​പ്പോ​ൾ ദു​ർ​ബ​ല​നാ​യി. രാ​ഷ്ട്രീ​യാ​ധി​കാ​ര​ത്തി​ന്റെ ധാ​ർ​ഷ്ട്യ​ത്തി​നും ഔ​ദ്ധ​ത്യ​ത്തി​നും മു​ന്നി​ൽ നീ​തി​ന്യാ​യ​രം​ഗ​ത്തെ ഈ ​സൗ​മ്യ മ​നു​ഷ്യ​ൻ പ​ത​റി​പ്പോ​യ​പ്പോ​ൾ ​അ​ദ്ദേ​ഹ​ത്തി​ന് ന​ഷ്ട​മാ​യ​ത്‍ ലി​ബ​റ​ലു​ക​ളും പു​രോ​ഗ​മ​ന​വാ​ദി​ക​ളും അ​ട​ങ്ങി​യ ഒ​രു ബൗ​ദ്ധി​ക നി​യോ​ജ​ക​മ​ണ്ഡ​ലംകൂ​ടി​യാ​യ​ിരുന്നു. ഇ​തൊ​​ന്നും പ​ക്ഷേ, അ​ദ്ദേ​ഹം ഇ​ന്ത്യ​ൻ നീ​തി​ന്യാ​യ​രം​ഗ​ത്തി​നും സ്വാ​ത​ന്ത്ര്യബോ​ധ​ത്തി​നും ന​ൽ​കി​യ സ​മാ​ന​ത​ക​ൾ ഇ​ല്ലാ​ത്ത സം​ഭാ​വ​ന​ക​ളെ വി​സ്മ​രി​ക്കാ​നോ നി​രാ​ക​രി​ക്കാ​നോ ഉ​ള്ള കാ​ര​ണ​ങ്ങ​ള​ല്ല.

കാ​വ്യ​ശാ​സ്ത്രം, നാ​ട്യ​ശാ​സ്ത്രം, രാ​ഷ്ട്രീ​യം, ത​ത്ത്വ​ചി​ന്ത എ​ന്നി​വ​ക്കു​ പു​റ​മെ അ​രി​സ്റ്റോ​ട്ടി​ൽ ജീ​വ​ശാ​സ്ത്ര​ശാ​ഖ​ക്കു​കൂ​ടി ശു​ഭാ​രം​ഭം​ കു​റി​ച്ച​തി​നെ​ക്കു​റി​ച്ച് വി​ൽ​ഡുറ​ന്റ് ത​ന്റെ ‘സ്റ്റോ​റി ഓ​ഫ് ഫി​​േലാ​സ​ഫി​’യി​ൽ എ​ഴു​തി​യി​ട്ടു​ണ്ട്. ജീ​വ​ശാ​സ്ത്രം എ​ന്ന ശാ​ഖ ആ​രം​ഭി​ച്ച അ​രി​സ്റ്റോ​ട്ടി​ലി​ന്റെ ​മ​ഹ​ത്ത്വം വി​വ​രി​ച്ച വി​ൽ​ഡു​റ​ന്റ് ആ ​ശാ​സ്ത്രശാ​ഖ​യി​ൽ അ​​ദ്ദേഹം വി​ളി​ച്ചുപ​റ​ഞ്ഞ ബാ​ലി​ശ​മാ​യ പി​ഴ​വു​ക​ളെ​യും ഓ​ർ​ത്തെ​ടു​ക്കു​ന്നു​ണ്ട്. എ​ന്നി​ട്ട​ദ്ദേഹം​ എ​ഴു​തി: ശ​രി​യാ​ണ്. ജീ​വ​ശാ​സ്ത്ര​മെ​ന്ന ശാ​സ്ത്രശാ​ഖ​ക്ക് അ​ടി​ത്ത​റ​യി​ടു​ന്ന ഒ​രു മ​നു​ഷ്യ​ന് വ​രു​ത്താ​വു​ന്ന​ത്ര​യും പി​ശ​കു​ക​ൾ അ​രി​സ്റ്റോ​ട്ടി​ൽ വ​രു​ത്തി​യി​ട്ടു​ണ്ട്!

ഇ​ന്ത്യ​ൻ നീ​തി​ന്യാ​യ വ്യ​വ​സ്ഥ​യി​ൽ അ​ടി​സ്ഥാ​ന​പ​ര​മാ​യ മാ​റ്റ​ങ്ങ​ൾ വ​രു​ത്തു​ക​യും സ്വാ​ത​ന്ത്ര്യ​ബോ​ധ​ത്തി​ന് പു​തി​യ ത​രം​ഗ​ദൈ​ർ​ഘ്യ​ങ്ങ​ൾ സ​മ്മാ​നി​ക്കു​ക​യും ചെ​യ്ത ജ​സ്റ്റി​സ് ച​ന്ദ്ര​ചൂ​ഡി​നു​ വ​ന്ന പി​ഴ​വു​ക​ൾ വി​ൽഡുറ​ന്റ് കാ​ണി​ച്ച സൗ​മ​ന​സ്യം അ​ർ​ഹി​ക്കു​ന്ന വി​ധ​ത്തി​ലാ​ണെ​ന്നു പ​റ​ഞ്ഞു​കൊ​ണ്ടാ​ണ് ഞാ​ൻ എ​ന്റെ ന്യൂ ​ഇ​ന്ത്യ​ൻ എ​ക്സ്പ്ര​സ് ലേ​ഖ​നം അ​വ​സാ​നി​പ്പി​ച്ച​ത്. ഈ ​അ​ധ്യാ​യ​വും അ​ങ്ങ​നെ​ത്ത​ന്നെ അ​വ​സാ​നി​പ്പി​ക്ക​ട്ടെ!

(തു​​​ട​​​രും)

​