പ്ര​ള​യ​കാ​ല​ത്തെ വി​ദ്വേ​ഷ​ച്ചൂ​ണ്ട​ക​ൾ

അ​ടു​ത്തൊ​ന്നും ക​ണ്ടി​ട്ടി​ല്ലാ​ത്ത​ത്ര ക​ന​ത്ത മ​ഴ​യാ​ണ് ക​ഴി​ഞ്ഞ മാ​സം അ​സ​മി​ൽ പെ​യ്ത​ത്. 121 വ​ർ​ഷ​ത്തി​ലാ​ദ്യ​മാ​യാ​ണ​ത്രെ ജൂ​ണി​ൽ 858 മി.​മീ​റ്റ​ർ വ​ർ​ഷ​പാ​തം; ഇ​തി​നു മു​മ്പ് 1966ൽ 789.5 ​മി.​മീ. വ​രെ എ​ത്തി​യി​രു​ന്നു.

അ​ടു​ത്ത​കാ​ല​ത്താ​യി ആ​സൂ​ത്ര​ണ​മി​ല്ലാ​ത്ത നി​ർ​മാ​ണ​വും അ​ണ​ക്കെ​ട്ടു​ക​ളു​ടെ അ​ശാ​സ്ത്രീ​യ​ത​യും ചേ​ർ​ന്ന്, ​ചെ​റി​യ​തോ​തി​ലു​ള്ള മ​ഴ​പോ​ലും പ​​ലേ​ട​ത്തും പ്ര​ള​യം സൃ​ഷ്ടി​ക്കു​ന്നു. വീ​ടു​ക​ളി​ൽ വെ​ള്ളം ക​യ​റു​ന്നു. ഇ​ത്ത​വ​ണ​ത്തെ മ​ഴ സ​ക​ല ക​ണ​ക്കു​കൂ​ട്ട​ലു​ക​ൾ​ക്കും അ​പ്പു​റ​ത്താ​യി.

സി​ൽ​ച്ചാ​ർ പ​ട്ട​ണ​ത്തെ വെ​ള്ളപ്പൊ​ക്ക​ത്തി​ൽ​നി​ന്ന് ര​ക്ഷ​പ്പെ​ടു​ത്തു​ന്ന​തി​ൽ വ​ലി​യ സ​ഹാ​യ​മാ​ണ് മ​ഹി​ഷ ത​ടാ​കം ന​ൽ​കു​ന്ന​ത്. ബ​റാ​ക് ന​ദി നി​റ​ഞ്ഞാ​ൽ ക​വി​ഞ്ഞൊ​ഴു​കു​ക ത​ടാ​ക​ത്തി​ലേ​ക്കാ​ണ്. അ​തു​കൊ​ണ്ട് സി​ൽ​ച്ചാ​ർ വ​ൻ പ്ര​ള​യ​ത്തി​ൽ​നി​ന്ന് സു​ര​ക്ഷി​ത​മാ​ണ്.

ന​ദി പെ​ട്ടെ​ന്ന് ക​ര​ക​വി​​ഞ്ഞൊ​ഴു​കു​ന്ന​ത് ത​ട​യാ​ൻ അ​തി​നും ത​ടാ​ക​ത്തി​നു​മി​ട​ക്ക് ഒ​രു താ​ൽ​ക്കാ​ലി​ക ചി​റ​യു​ണ്ട്. ബേ​ത്തു​ക​ണ്ടി എ​ന്ന ഈ ​ചി​റ​യി​ൽ, ശാ​സ്ത്രീ​യ​മാ​യി നീ​രൊ​ഴു​ക്ക് ക്ര​മ​പ്പെ​ടു​ത്തു​ന്ന രീ​തി​യി​ൽ ചാ​ലു​ക​ൾ കീ​റാ​ത്ത​ത് കു​റെ കൊ​ല്ല​ങ്ങ​ളാ​യി പ്ര​ശ്ന​മു​ണ്ടാ​ക്കു​ന്നു. ഇ​തു​മൂ​ലം വ​ർ​ഷ​കാ​ല​ത്ത് അ​നേ​കം വീ​ടു​ക​ളി​ൽ വെ​ള്ളം ക​യ​റു​ന്നു. അ​തി​വ​ർ​ഷ​ത്തോ​ടെ കാ​ര്യ​ങ്ങ​ൾ പി​ടി​വി​ട്ട​തു​പോ​ലെ​യാ​കും.

ഇ​ത്ത​വ​ണ മ​ഴ​ക്കാ​ലം തു​ട​ങ്ങി​യ​പ്പോ​ഴേ ജ​ന​ങ്ങ​ൾ അ​ധി​കൃ​ത​ർ​ക്കു മു​മ്പാ​കെ പ​രാ​തി ന​ൽ​കി​ത്തു​ട​ങ്ങി. മൂ​ന്നു​നാ​ലു ത​വ​ണ ഇ​തി​നെ​പ്പ​റ്റി വാ​ർ​ത്ത​ക​ൾത​ന്നെ വ​ന്നു. മേ​യി​ൽ, വെ​ള്ള​ത്തി​ൽ മു​ങ്ങാ​റാ​യ വീ​ടു​ക​ളി​ലെ താ​മ​സ​ക്കാ​ർ നി​വൃ​ത്തി​യി​ല്ലാ​തെ ചി​റ​ക്കു​ള്ളി​ലൂ​ടെ ചെ​റി​യ ചാ​ലു​ക​ൾ കീ​റി വീ​ട്ടു​പ​രി​സ​ര​ത്തെ വെ​ള്ളം ന​ദി​യി​ലേ​ക്കൊ​ഴു​ക്കി.

അ​തി​വ​ർ​ഷ​മു​ണ്ടാ​ക്കി​യ പ്ര​ള​യ​ത്തോ​ടൊ​പ്പം ഈ ​നീ​രൊ​ഴു​ക്കു​കൂ​ടി ആ​യ​പ്പോ​ൾ പ്ര​ശ്നം രൂ​ക്ഷ​മാ​യി. സി​ൽ​ച്ചാ​ർ പ​ട്ട​ണ​ത്തി​ൽ കു​റെ​യേ​റെ സ്ഥ​ല​ങ്ങ​ൾ വെ​ള്ള​ത്തി​ൽ മു​ങ്ങി.

പ്ര​ശ്ന​മാ​യ​തോ​ടെ കു​റ്റം മു​ഴു​വ​ൻ ചാ​ലു​കീ​റി​യ വീ​ട്ടു​കാ​രു​ടെ ചു​മ​ലി​ലി​ട്ടു അ​ധി​കൃ​ത​ർ (നീ​രൊ​ഴു​ക്ക് ക്ര​മീ​ക​രി​ക്കാ​ൻ 2015ൽ ​ഒ​രു ത​ട​യ​ണ​യു​ടെ നി​ർ​മാ​ണം തു​ട​ങ്ങി​യി​രു​ന്നു. പ​ക്ഷേ, ക​രാ​റു​കാ​ർ​ക്ക് പ​ണം കൊ​ടു​ക്കാ​ത്ത​തി​നാ​ൽ അ​വ​ർ പാ​തി​വ​ഴി​യി​ലി​ട്ട് പോ​യി. ആ ​പ്ര​തീ​ക്ഷ​യും നാ​ട്ടു​കാ​ർ​ക്ക് ന​ഷ്ട​പ്പെ​ട്ടി​രു​ന്നു. വീ​ട്ടി​ലെ വെ​ള്ളം ഒ​ഴി​വാ​ക്കാ​ൻ വേ​റെ മാ​ർ​ഗ​മി​ല്ലാ​തെ​വ​ന്നു.)

മു​ഖ്യ​മ​ന്ത്രി ഹി​മ​ന്ത ബി​ശ്വ ശ​ർ​മ ആ​ദ്യ​മേ പ​റ​ഞ്ഞു​വെ​ച്ചു: ''കു​റെ കു​ഴ​പ്പ​ക്കാ​ർ ചെ​യ്ത​താ​ണി​ത്. മ​നു​ഷ്യ​നി​ർ​മി​ത​മാ​ണ് ഈ ​പ്ര​ള​യം.''

ഇ​ത്ര മ​തി​യാ​യി​രു​ന്നു, ത​ക്കം പാ​ർ​ത്തി​രു​ന്ന വ​ർ​ഗീ​യ മാ​ധ്യ​മ​ങ്ങ​ൾ​ക്ക്. കാ​ര​ണം വെ​ള്ളം ക​യ​റി​യ​തും അ​തി​നെ ചാ​ലു​കീ​റി വ​ഴി​തി​രി​ക്കാ​ൻ നി​ർ​ബ​ന്ധി​ത​രാ​യ​തും അ​പ​ര സ​മു​ദാ​യ​ക്കാ​രാ​യി​രു​ന്നു.

സു​ദ​ർ​ശ​ൻ ന്യൂ​സ്, വ​ൺ ഇ​ന്ത്യ എ​ന്നി​വ ഉ​ട​നെ പു​തി​യ 'ജി​ഹാ​ദ്' ക​ണ്ടെ​ത്തി: 'പ്ര​ള​യ ജി​ഹാ​ദ്'. സ​മൂ​ഹമാ​ധ്യ​മ​ങ്ങ​ളി​ലെ സേ​വ​ക​ർ അ​ത് ന​ന്നാ​യി പ്ര​ച​രി​പ്പി​ച്ചു. പ്ര​ച​രി​പ്പി​ച്ച​വ​രി​ൽ കു​റെ മാ​ധ്യ​മ​പ്ര​വ​ർ​ത്ത​ക​രും ഉ​ൾ​പ്പെ​ട്ടു: ഗൗ​ര​വ് സാ​വ​ന്ത് (ഇ​ന്ത്യ ടു​​​ഡേ മാ​നേ​ജി​ങ് എ​ഡി​റ്റ​ർ), അ​ഭി​ജി​ത് മ​ജും​ദാ​ർ, ഹി​മാ​ൻ​ഷു ഝാ (​ലൈ​വ് ഹി​ന്ദു​സ്താ​ൻ) എ​ന്നി​വ​ർ ഉ​ദാ​ഹ​ര​ണം. ന്യൂ​സ് എ​ക്സ് ചാ​ന​ൽ അ​സ​മി​ലെ പ്ര​ള​യ ജി​ഹാ​ദി​നെ​പ്പ​റ്റി അ​ന്തി​ച്ച​ർ​ച്ച സം​ഘ​ടി​പ്പി​ച്ചു.

പു​റ​ത്ത് ഇ​ത്ത​രം വ​ർ​ഗീ​യ പ്ര​ചാ​ര​ണ​ങ്ങ​ൾ പൊ​ടി​പൊ​ടി​ക്കു​മ്പോ​ഴും സി​ൽ​ച്ചാ​ർ പ്ര​ദേ​ശ​ത്തു​കാ​ർ​ക്ക് എ​ന്താ​ണ് സം​ഭ​വി​ച്ച​തെ​ന്ന് അ​റി​യാ​മാ​യി​രു​ന്നു. സ​മാ​ധാ​നാ​ന്ത​രീ​ക്ഷം ത​ക​ർ​ക്കാ​ൻ ബാ​ഹ്യ​ശ​ക്തി​ക​ൾ ന​ട​ത്തു​ന്ന ശ്ര​മ​ങ്ങ​ളെ പൊ​ലീ​സും നേ​രി​ട്ടു. ക​ച്ചാ​ർ പൊ​ലീ​സ് സൂ​പ്ര​ണ്ട് ര​മ​ൺ​ദീ​പ് കൗ​ർ ധി​ല്ല​ൻ വ​ർ​ഗീ​യ പ്ര​ചാ​ര​ണ​ങ്ങ​ൾ ത​ള്ളി. അ​വ​രു​ടെ പ്ര​സ്താ​വ​ന​യി​ൽ​നി​ന്ന്: ''വാ​ട്സ്ആ​പ് ഗ്രൂ​പ്പു​ക​ൾ, വെ​ബ് മാ​ധ്യ​മ​ങ്ങ​ൾ, പ്രാ​ദേ​ശി​ക-​ദേ​ശീ​യ ചാ​ന​ലു​ക​ൾ എ​ന്നി​വ​യി​ലെ പ്ര​ചാ​ര​ണം ശ്ര​ദ്ധ​യി​ൽ​പ്പെ​ട്ടു. സാ​മു​ദ​ായി​ക സ്വ​ഭാ​വ​മേ ഇ​ല്ലാ​ത്ത ഒ​ന്നാ​ണ് ഈ ​സം​ഭ​വം.''

പൊ​ലീ​സി​ന്റെ നേ​രി​ട്ടു​ള്ള അ​ന്വേ​ഷ​ണ​ത്തി​നു പു​റ​മെ, ആ​ൾ​ട്ട് ന്യൂ​സ്, ലോ​ജി​ക്ക​ൽ ഇ​ന്ത്യ​ൻ തു​ട​ങ്ങി​യ​വ ന​ട​ത്തി​യ വ​സ്തു​താ പ​രി​ശോ​ധ​ന​യും വെ​ളി​പ്പെ​ടു​ത്തി​യ​ത്, ഇ​ല്ലാ​ത്ത വ​ർ​ഗീ​യ​ത ചാ​ന​ലു​ക​ളും ഓ​ൺ​ലൈ​ൻ മാ​ധ്യ​മ​ങ്ങ​ളും പ​ര​ത്തി എ​ന്നാ​ണ്.

യു.​പി​യി​ലും കേ​ര​ള​ത്തി​ലും

നീ​ച​മാ​യ വ്യാ​ജ പ്ര​ചാ​ര​ണ​ങ്ങ​ളു​ടെ മ​റ്റൊ​രു ഉ​ദാ​ഹ​ര​ണം ഉ​ത്ത​ർ​പ്ര​ദേ​ശി​ലെ ക​സ്ഗ​ഞ്ചി​ൽനി​ന്ന്.

വി​വാ​ഹ​വാ​ഗ്ദാ​നം ന​ൽ​കി ത​ന്നെ പീ​ഡി​പ്പി​ച്ചെ​ന്നു പ​റ​ഞ്ഞ് ഒ​രു യു​വ​തി വ്യാ​പാ​രി​യാ​യ യു​വാ​വി​നെ​തി​രെ പൊലീ​സി​ൽ പ​രാ​തി​പ്പെ​ടു​ന്നു. പ്രി​ൻ​സ് ഖു​റൈ​ശി എ​ന്ന യു​വ വ്യാ​പാ​രി​ക്കെ​തി​രെ പൊ​ലീ​സ് കേ​സെ​ടു​ക്കു​ന്നു -ഇ​ത് ജൂ​ലൈ 16ന്.

​പ​രാ​തി​ക്കാ​രി​യോ​ട് പൊ​ലീ​സ് വൈ​ദ്യ​പ​രി​ശോ​ധ​ന​ക്കെ​ത്താ​ൻ ആ​വ​ശ്യ​പ്പെ​ടു​ന്നു. അ​വ​ർ വി​സ​മ്മ​തി​ച്ച​പ്പോ​ൾ പൊ​ലീ​സ് പ​റ​യു​ന്നു, ''കേ​സ് മു​ന്നോ​ട്ടുകൊ​ണ്ടു​പോ​കാ​ൻ വൈ​ദ്യ​പ​രി​ശോ​ധ​ന നി​ർ​ബ​ന്ധ​മാ​ണ്. പ​രാ​തി തെ​റ്റാ​ണെ​ന്ന് തെ​ളി​ഞ്ഞാ​ൽ നി​ങ്ങ​ൾ​ക്കെ​തി​രെ​യാ​കും കേ​സ്.''

യു​വ​തി അ​തോ​ടെ കാ​ര്യം തു​റ​ന്നു പ​റ​യു​ന്നു: ''പ​റ​ഞ്ഞ​ത് ക​ള്ള​മാ​ണ്. ര​ണ്ടു​പേ​ർ ആ​വ​ശ്യ​പ്പെ​ട്ട പ്ര​കാ​ര​മാ​ണ് പ​രാ​തി ന​ൽ​കി​യ​ത്. പ​രാ​തി​യി​ലെ സം​ഭ​വം ഉ​ണ്ടാ​യി​ട്ടി​ല്ല.''

പൊ​ലീ​സ് യു​വ​തി​യെ മ​ജി​സ്ട്രേ​റ്റി​നു മു​ന്നി​ൽ ഹാ​ജ​രാ​ക്കി. മ​ജി​സ്ട്രേ​റ്റി​നു രേ​ഖാ​മൂ​ലം ന​ൽ​കി​യ പ്ര​സ്താ​വ​ന​യി​ൽ അ​വ​ർ പ​റ​ഞ്ഞു: ''അ​മ​ൻ ചൗ​ഹാ​ൻ, ആ​കാ​ശ് സോ​ള​ങ്കി എ​ന്നീ ര​ണ്ടു​പേ​ർ കാ​ശ് ത​ന്ന് പ​റ​യി​ച്ച​താ​ണ് അ​ത്. ഇ​തി​ൽ ചൗ​ഹാ​ൻ എ​ന്ന​യാ​ൾ ബി.​ജെ.​പി യു​വ​ജ​ന വി​ഭാ​ഗ​ത്തി​ന്റെ ജി​ല്ലാ നേ​താ​വാ​ണെ​ന്ന് സ്വ​യം പ​രി​ച​യ​പ്പെ​ടു​ത്തി​യ ആ​ളാ​ണ്.''

ബി.​ജെ.​പി ജി​ല്ലാ പ്ര​സി​ഡ​ന്റ് കെ.​പി. സി​ങ് പ​റ​ഞ്ഞ​ത്, ചൗ​ഹാ​നെ പാ​ർ​ട്ടി പു​റ​ത്താ​ക്കി​യി​ട്ടു​ണ്ട് എ​ന്നാ​ണ്. ഈ ​ക​ള്ള​ക്കേ​സി​ൽ ബി.​ജെ.​പി​ക്ക് പ​ങ്കി​ല്ലെ​ന്നും സി​ങ് പ​റ​ഞ്ഞു.

ക​ള്ള​ക്ക​ഥ പൊ​ളി​ഞ്ഞു, പ​ക്ഷേ, അ​തി​ന​കം 'ല​വ് ജി​ഹാ​ദ്' പ്ര​ചാ​ര​ണ​ങ്ങ​ൾ സ​മൂ​ഹമാ​ധ്യ​മ​ങ്ങ​ളി​ൽ പൊ​ടി​പൊ​ടി​ച്ചി​രു​ന്നു. എ​ല്ലാം കെ​ട്ടി​ച്ച​മ​ച്ച​താ​യി​രു​ന്നു എ​ന്ന് വി​ഷ​പ്ര​ചാ​ര​ണ​ത്തി​ൽ പ​​ങ്കെ​ടു​ത്ത എ​ത്ര പേ​ർ മ​ന​സ്സി​ലാ​ക്കി എ​ന്ന​റി​യി​ല്ല.

ഇ​നി, കേ​ര​ള​ത്തി​ൽ​നി​ന്ന് മ​റ്റൊ​രു ചേ​രു​വ കി​ട്ടു​ന്നു വ​ർ​ഗീ​യ പാ​ച​ക​ക്കാ​ർ​ക്ക്.

വി​ഷ​യം ശ്രീ​റാം വെ​ങ്കി​ട്ട​രാ​മ​നെ ആ​ല​പ്പു​ഴ ക​ല​ക്ട​റാ​ക്കി​യ​തും തു​ട​ർ​ന്നു​ള്ള സം​ഭ​വ​ങ്ങ​ളു​മാ​ണ്.

ക​ല​ക്ട​ർ നി​യ​മ​ന​ത്തി​നെ​തി​രെ വ്യാ​പ​ക പ്ര​തി​ഷേ​ധ​മു​ണ്ടാ​യ​ത് എ​ന്തു​കൊ​ണ്ടെ​ന്ന് കേ​ര​ള​ത്തി​ലു​ള്ള ന​മു​ക്ക​റി​യാം. മ​ദ്യ​പി​ച്ച് അ​മി​ത​വേ​ഗ​ത്തി​ൽ​വാ​ഹ​ന​മോ​ടി​ച്ച് മാ​ധ്യ​മ​പ്ര​വ​ർ​ത്ത​ക​ൻ കെ.​എം. ബ​ഷീ​റി​ന്റെ ദാ​രു​ണ മ​ര​ണ​ത്തി​നി​ട​യാ​ക്കി​യ​യാ​ളാ​ണ് ശ്രീ​റാം. ക്രി​മി​ന​ൽ കേ​സി​ലെ ഒ​ന്നാം പ്ര​തി മ​ജി​സ്ട്രേ​റ്റ് പ​ദ​വി​യി​ലെ​ത്തു​ന്ന​തി​ലെ നി​യ​മ​പ​ര​മാ​യ അ​നൗ​ചി​ത്യ​മ​ട​ക്കം ചൂ​ണ്ടി​ക്കാ​ട്ടി എ​തി​ർ​പ്പു​യ​ർ​ന്നു. പ​ത്ര​പ്ര​വ​ർ​ത്ത​ക​രും കേ​ര​ളസ​ർ​ക്കാ​റി​നെ അ​നു​കൂ​ലി​ച്ചു​വ​ന്ന സം​ഘ​ട​ന​ക​ളു​മ​ട​ക്കം പ്ര​തി​ഷേ​ധ​മു​യ​ർ​ത്തി.

ഒ​ടു​വി​ൽ സ​ർ​ക്കാ​റി​ന് ആ ​നി​യ​മ​നം റ​ദ്ദാ​ക്കേ​ണ്ടി​വ​ന്നു. പ​ക്ഷേ, വ​ർ​ഗീ​യ​പ്ര​ചാ​ര​ക​ർ​ക്ക് മ​റ്റൊ​രു അ​വ​സ​രം​കൂ​ടി ഇ​തി​ലൂ​ടെ കൈ​വ​ന്നു. സ​മൂ​ഹ​മാ​ധ്യ​മ​ങ്ങ​ളി​ൽ കു​റെ കു​റി​പ്പു​കാ​ർ ഇ​തി​നെ​യും വ​ർ​ഗീ​യ ധ്രു​വീ​ക​ര​ണ​ത്തി​ന് ഉ​പ​യോ​ഗി​ച്ചു​തു​ട​ങ്ങി​യി​രി​ക്കു​ന്നു. ചി​ല ഉ​ദാ​ഹ​ര​ണ​ങ്ങ​ൾ:

-സി.​പി.​എം ന​യി​ക്കു​ന്ന ഇ​ട​തു സ​ർ​ക്കാ​ർ ശ്രീ​റാം വെ​ങ്കി​ട്ട​രാ​മ​നെ ആ​ല​പ്പു​ഴ ക​ല​ക്ട​ർ സ്ഥാ​ന​ത്തു​നി​ന്ന് നീ​ക്കി. ജി​ഹാ​ദി​ക​ളു​ടെ സ​മ്മ​ർ​ദ​ത്തി​ന് സ​ർ​ക്കാ​ർ വ​ഴ​ങ്ങു​ക​യാ​യി​രു​ന്നു (Ex-Comrade).

-ശ്രീ​റാം വെ​ങ്കി​ട്ട​രാ​മ​നെ​തി​രെ പ്ര​തി​ഷേ​ധി​ക്കു​ന്ന വ​ൻ സം​ഘ​ത്തി​ന്റെ ദൃ​ശ്യം നോ​ക്കു​ക. ഒ​​രേ ഡി.​എ​ൻ.​എ​യു​ള്ള ആ​ളു​ക​ൾ തെ​രു​വു​ശൗ​ര്യം പ്ര​ക​ടി​പ്പി​ക്കു​ന്നു. പ​ത്തു​പ​തി​ന​ഞ്ച് വ​ർ​ഷം കൂ​ടി ക​ഴി​ഞ്ഞാ​ൽ ഇ​വ​രി​ങ്ങ​നെ എ​ല്ലാ​യി​ട​ത്തും കാ​ണി​ച്ചു​ക​ള​യും (Ritu).

-കേ​ര​ള​ത്തി​ലെ മു​സ്‍ലിം​ക​ൾ ശ്രീ​റാം വെ​ങ്കി​ട്ട​രാ​മ​നെ ജി​ല്ലാ ക​ല​ക്ട​റാ​ക്കി​യ​തി​ൽ പ്ര​തി​ഷേ​ധി​ക്കു​ന്നു. കേ​ര​ളം എ​ങ്ങോ​ട്ടാ​ണ് പോ​കു​ന്ന​ത്? (Mahesh).

-കേ​ര​ള​ത്തി​ലൊ​രി​ട​ത്ത് മു​സ്‍ലിം​ക​ൾ തെ​രു​വി​ൽ പ്ര​തി​ഷേ​ധി​ക്കു​ന്നു. ത​ങ്ങ​ളു​ടെ പു​തി​യ ക​ല​ക്ട​റാ​യി ഒ​രു ഹി​ന്ദു ബ്രാ​ഹ്മ​ണ​നെ നി​യ​മി​ച്ച​താ​ണ് പ്ര​തി​ഷേ​ധ​ത്തി​ന് കാ​ര​ണം (The Analyzer).

ഇ​ത്ത​രം പോ​സ്റ്റു​ക​ൾ​ക്ക് അ​വ​സ​രം ന​ൽ​കി എ​ന്ന​തും കേ​ര​ള സ​ർ​ക്കാ​റി​ന്റെ വീ​ഴ്ച. വ​സ്തു​ത​ക​ൾ​ക്ക​പ്പു​റ​ത്തേ​ക്ക് പ്ര​ചാ​ര​ണം ന​ട​ത്താ​ൻ വ​ട​ക്കേ ഇ​ന്ത്യ​ൻ ചാ​ന​ലു​ക​ൾ ഇ​തി​നെ ഉ​പ​യോ​ഗി​ച്ചാ​ലും അ​ത്ഭു​ത​മി​ല്ല.

വി​ല​ക്ക് വി​മ​ർ​ശ​ന​ങ്ങ​ൾ​ക്കു മാ​ത്രം

സ​മൂ​ഹമാ​ധ്യ​മ​ങ്ങ​ളി​ൽ വി​ദ്വേ​ഷപ്ര​ചാ​ര​ണം ക​ന​ക്കു​മ്പോ​ഴും സ​ർ​ക്കാ​റി​ന്റെ ശ്ര​ദ്ധ സ്വ​ന്തം പ്ര​തിച്ഛാ​യ​യി​ൽ മാ​ത്ര​മാ​ണോ?

ട്വി​റ്റ​ർ ക​മ്പ​നി​യു​ടെ പു​തി​യ സു​താ​ര്യ​താ റി​പ്പോ​ർ​ട്ട് പ​റ​യു​ന്ന​ത്, മാ​ധ്യ​മ​പ്ര​വ​ർ​ത്ത​ക​രു​ടെ ട്വീ​റ്റു​ക​ൾ ത​ട​യാ​നും എ​ടു​ത്തു​മാ​റ്റാ​നും ഏ​റ്റ​വും കൂ​ടു​ത​ൽ ആ​വ​ശ്യ​പ്പെ​ട്ട സ​ർ​ക്കാ​ർ ഇ​ന്ത്യ​യി​ലേ​താ​ണ് എ​ന്ന​ത്രെ. 2021ന്റെ ​അ​വ​സാ​ന പ​കു​തി​യി​ലെ അ​വ​സ്ഥ​യാ​ണി​ത്.

മൊ​ത്തം അ​ത്ത​രം ആ​വ​ശ്യ​ങ്ങ​ളി​ൽ മൂ​ന്നി​ലൊ​ന്ന് ഇ​ന്ത്യ​ൻ സ​ർ​ക്കാ​റി​ൽ​നി​ന്നാ​യി​രു​ന്നു. ഉ​ദ്യോ​ഗ​സ്ഥ​രു​ടെ അ​ധി​കാ​ര ദു​ർ​വി​നി​യോ​ഗം ആ​രോ​പി​ച്ച് ട്വി​റ്റ​ർ ക​മ്പ​നി ക​ർ​ണാ​ട​ക ഹൈ​കോ​ട​തി​യി​ൽ ഈ​യി​ടെ കേ​സ് കൊ​ടു​ത്തി​ട്ടു​ണ്ട്. അ​തി​ൽ ട്വി​റ്റ​ർ ചൂ​ണ്ടി​ക്കാ​ട്ടു​ന്ന ഒ​രു കാ​ര്യം ശ്ര​ദ്ധേ​യ​മാ​ണ്: സ​ർ​ക്കാ​ർ ത​ട​യാ​നാ​വ​ശ്യ​പ്പെ​ടു​ന്ന പോ​സ്റ്റു​ക​ൾ പ്ര​ധാ​ന​മാ​യും രാ​ഷ്ട്രീ​യ ഉ​ള്ള​ട​ക്ക​മു​ള്ള​വ​യാ​ണ്. പൗ​ര​ന്മാ​രു​ടെ അ​റി​യാ​നു​ള്ള അ​വ​കാ​ശ​ത്തി​ന്റെ ലം​ഘ​ന​മാ​കും ഇ​ത്ത​രം ഉ​ള്ള​ട​ക്കം നി​രോ​ധി​ക്കു​ന്ന​ത്.

വി​ദ്വേ​ഷ പ്ര​ചാ​ര​ണ​ങ്ങ​ൾ നി​ർ​ബാ​ധം ന​ട​ക്കു​മ്പോ​ൾ സ​ർ​ക്കാ​റി​ന് നി​രോ​ധി​ക്കാ​ൻ തോ​ന്നു​ന്ന​ത് രാ​ഷ്ട്രീ​യ വി​മ​ർ​ശ​ന​ങ്ങ​ളെ​യാ​ണെ​ന്ന് ചു​രു​ക്കം.