'അ​യാ​ളും ഞാ​നും ത​മ്മി​ല്‍'; പ്ര​താ​പ്​ പോ​ത്ത​നെ ന​ട​നും സം​വി​ധാ​യ​ക​നു​മാ​യ മധുപാൽ ഓർ​ക്കു​ന്നു

I think art, but especially in films, people are trying to confirm their own existences. -Jim Morrison (American singer Poet, Vocalist)

1971ല്‍ ​ഇ​രു​പ​ത്തി​യേ​ഴാ​മ​ത്തെ വ​യ​സ്സി​ല്‍ പ്ര​ശ​സ്തി​യു​ടെ ഉ​യ​ര​ങ്ങ​ളി​ല്‍ നി​ൽ​ക്കു​മ്പോ​ള്‍ അ​പ്ര​തീ​ക്ഷി​ത​മാ​യി മ​ര​ണ​ത്തി​ന്‍റെ ഇ​രു​ളി​ല്‍ മു​ങ്ങി​യാ​ഴ്ന്നു​പോ​യ അ​മേ​രി​ക്ക​യി​ല്‍ യു​വ​ജ​ന​ത​യു​ടെ ആ​രാ​ധ​നാ​പാ​ത്ര​വും പാ​ട്ടു​കാ​ര​നും എ​ഴു​ത്തു​കാ​ര​നു​മാ​യ ജിം ​മോ​റി​സ​ണി​ന്‍റെ ഉ​ദ്ധ​ര​ണി ത​ന്‍റെ മു​ഖ​പു​സ്ത​ക​ത്തി​ല്‍ എ​ഴു​തി​യി​ടു​മ്പോ​ള്‍ അ​യാ​ൾ ഓ​ര്‍ത്തി​രി​ക്കി​ല്ല, അ​ത് ത​ന്‍റെ അ​വ​സാ​ന​വാ​ക്കു​ക​ളാ​കു​മെ​ന്ന്. 43 വ​ര്‍ഷ​ത്തെ ച​ല​ച്ചി​ത്ര​ജീ​വി​ത​ത്തി​ല്‍ നി​ര​ന്ത​ര​മാ​യ ഇ​ട​വേ​ള​ക​ളി​ല്‍ ജീ​വി​ത​ത്തി​ന്‍റെ ഉ​യ​ര്‍ച്ച​യും താ​ഴ്ച​യും അ​നു​ഭ​വി​ച്ച് ഉ​ള്ളി​ല്‍ ഒ​രു ക​ട​ല്‍ ആ​ര്‍ത്ത​ല​ച്ച് ആ​ഞ്ഞ​ടി​ക്കു​മ്പോ​ഴും നി​ശ്ശ​ബ്ദ​മാ​യ ശാ​ന്ത​ത​യോ​ടെ അ​തി​നെ​യെ​ല്ലാം തി​ക​ച്ചും സാ​ധാ​ര​ണം എ​ന്ന​മ​ട്ടി​ല്‍ നേ​രി​ട്ട് ജീ​വി​തം അ​ത്ര​മേ​ല്‍ സ​ന്തോ​ഷ​വും സ​ങ്ക​ട​വും നി​റ​ഞ്ഞ​തെ​ന്ന് അ​യാ​ൾ പ​റ​ഞ്ഞി​രു​ന്നു. എ​ല്ലാം എ​ന്‍റെ തെ​റ്റു​ക​ള്‍ അ​ല്ലെ​ങ്കി​ല്‍ എ​നി​ക്ക് അ​റി​യാ​തെ പോ​യ​ത് എ​ന്ന​യാ​ള്‍ സൗ​ഹൃ​ദം സൂ​ക്ഷി​ച്ച് ഓ​ര്‍ത്തു​വെ​ച്ചി​രു​ന്നു. മു​മ്പൊ​രി​ക്ക​ല്‍ അ​ഭി​ന​യി​ച്ച പ​ത്മ​രാ​ജ​ന്‍റെ 'ന​വം​ബ​റി​ന്‍റെ ന​ഷ്ടം' എ​ന്ന സി​നി​മ​യി​ല്‍ It's really funny, വി​വാ​ഹം എ​നി​ക്ക് പ​റ​ഞ്ഞി​ട്ടി​ല്ലാ​ത്ത ഒ​രേ​ര്‍പ്പാ​ടാ​ണെ​ന്ന് എ​നി​ക്ക് പ​ണ്ടേ തോ​ന്നി​യി​രു​ന്നു, ഒ​ര​നു​ഭ​വം കൂ​ടി ആ​യ​പ്പോ​ള്‍ എ​ന്‍റെ തോ​ന്ന​ല്‍ ശ​രി​യാ​ണെ​ന്ന് എ​നി​ക്ക് ബോ​ധ്യ​പ്പെ​ട്ടു. നേ​രു പ​റ​ഞ്ഞാ​ല്‍ വീ​ണ്ടും ഈ ​കു​രു​ക്കി​ല്‍ ചാ​ടു​ന്ന​ത് I can't think about it എ​ന്ന വാ​ച​കം കാ​ല​ത്തി​നുമു​മ്പേ പ​റ​ഞ്ഞു​വെ​ച്ച​താ​യി​പ്പോ​യി. പ​ര​സ്പ​രം അ​റി​ഞ്ഞു​ള്ള ജീ​വി​ത​ത്തെ​ക്കു​റി​ച്ച് അ​യാ​ള്‍ കൃ​ത്യ​മാ​യി മ​ന​സ്സി​ലാ​ക്കി​യി​രു​ന്നു. മ​നു​ഷ്യ​മ​ന​സ്സി​ന്‍റെ ആ​ഴ​ങ്ങ​ളി​ലെ ഇ​രു​ളും അ​യാ​ള്‍ക്ക​റി​യാ​മാ​യി​രു​ന്നു. നേ​രി​ട്ടും അ​ല്ലാ​തെ​യും അ​റി​ഞ്ഞ കാ​ര്യ​ങ്ങ​ളി​ല്‍ ചി​ല​പ്പോ​ഴൊ​ക്കെ അ​യാ​ള്‍ വ്യാ​കു​ല​പ്പെ​ട്ടി​രു​ന്നു. ആ ​ഒ​രു നി​മി​ഷ​ത്തി​ന​പ്പു​റ​ത്തേ​ക്ക് അ​തെ​ല്ലാം അ​യാ​ള്‍ ശാ​ന്ത​മാ​യി അ​വ​ഗ​ണി​ച്ചി​രു​ന്നു. മ​ര​ണം ഒ​രു​നാ​ള്‍ ആ​രു​മ​റി​യാ​തെ ഒ​രു പു​ല​ര്‍കാ​ല വാ​ര്‍ത്ത​യാ​യി ആ​കാ​ശ​ത്തി​ലേ​ക്കു​യ​രു​മ്പോ​ഴും അ​യാ​ള്‍ ആ ​ശാ​ന്ത​മാ​യ മൗ​നം നി​റ​ച്ചി​രു​ന്നു.കമൽ ഹാസനൊപ്പം

മ​ല​യാ​ള സി​നി​മ​യി​ല്‍ മാ​റ്റ​ത്തി​ന്‍റെ​യും പു​തി​യ രം​ഗ​ഭം​ഗി​യു​ടെ​യും ഒ​രു കാ​ല​മാ​യി​രു​ന്നു എ​ഴു​പ​തു​ക​ളു​ടെ അ​വ​സാ​ന​വും എ​ണ്‍പ​തു​ക​ളു​ടെ ആ​ദ്യ​വും. ഈ ​കാ​ല​ത്താ​യി​രു​ന്നു അ​യാ​ള്‍ സി​നി​മ​യി​ലേ​ക്ക് ക​ട​ന്നു​വ​ന്ന​ത്. അ​യാ​ള​ഭി​ന​യി​ച്ചു തു​ട​ങ്ങി​യ സി​നി​മ​ക​ളി​ല്‍ 'ത​ക​ര'​യും 'അ​ഴി​യാ​ത്ത കോ​ല​ങ്ങ​ളും' ക​ണ്ടു​ക​ഴി​ഞ്ഞി​ട്ടാ​യി​രു​ന്നു അ​യാ​ളു​ടെ ആ​ദ്യ സി​നി​മ​യാ​യ 'ആ​ര​വം' ക​ണ്ട​ത്. ഈ ​ചി​ത്ര​ങ്ങ​ള്‍ കാ​ണു​മ്പോ​ള്‍ ഞാ​ന്‍ പ്രീ​ഡി​ഗ്രി ക്ലാ​സി​ലാ​യി​രു​ന്നു. 'ത​ക​ര'​ക്കും 'അ​ഴി​യാ​ത്ത കോ​ല​ങ്ങ​ളി'​ലെ ചെ​റു​വേ​ഷ​ത്തി​നു​മ​പ്പു​റം ഭ​ര​ത​ന്‍റെ 'ആ​ര​വ'​ത്തി​ലെ കൊ​ക്ക​ര​ക്കോ അ​ണ്ണ​നെ​ന്ന ക​ഥാ​പാ​ത്ര​മാ​ണ് മ​ന​സ്സി​ലേ​ക്ക് ആ​ദ്യം എ​ത്തു​ന്ന​ത്. ക​ണ്ട​ക്ട​റാ​യ ജ​നാ​ർ​ദ​ന​ന്‍റെ നെ​ഗ​റ്റി​വ് ഷെ​യ്ഡു​ള്ള ഒ​രു വേ​ഷം, മ​രു​തെ​ന്ന ആ​ദി​വാ​സി​യാ​യ നെ​ടു​മു​ടി വേ​ണു ചേ​ട്ട​ന്‍ ഒ​പ്പം ആ ​മ​ല​മ​ട​ക്കി​ല്‍ ചാ​യ​ക്ക​ട​ക്കാ​രി​യാ​യ കാ​വേ​രി എ​ന്ന പ്ര​മീ​ള​യു​ടെ വേ​ഷം -ഇ​വ​ര്‍ക്കൊ​പ്പം കൊ​ക്ക​ര​ക്കോ​യു​ടെ പൊ​ണ്ടാ​ട്ടി​യാ​യ ല​ളി​ത ചേ​ച്ചി​യും. ഏ​റെ ത​ഴ​ക്ക​മു​ള്ള അ​ഭി​നേ​താ​ക്ക​ള്‍ക്കൊ​പ്പം അ​യാ​ള്‍ ആ​ദ്യ​മാ​യി ദൃ​ശ്യ​ത്തി​ലേ​ക്ക് ന​ട​ന്നു​ക​യ​റി. അ​ങ്ക​ക്കോ​ഴി​ക​ളെ മ​ക്ക​ളെ​പ്പോ​ലെ ക​രു​തു​ന്ന ര​ണ്ട് ക​ക്ഷ​ങ്ങ​ളി​ലും അ​വ​യെ ചേ​ർ​ത്തു​പി​ടി​ച്ച് വ​രു​ന്ന ആ​ദ്യ​കാ​ഴ്ച ത​ന്നെ ഒ​രു പ്ര​ക​ട​ന​മാ​യി​രു​ന്നു. ഗ്രാ​മ​ത്തി​ലെ കു​ട്ടി​ക​ളു​ടെ ക​ളി​യാ​ക്ക​ലി​നു ന​ടു​വി​ല്‍ അ​വ​രെ ചീ​ത്ത​വി​ളി​ക്കു​ന്ന കൊ​ക്ക​ര​ക്കോ. അ​യാ​ളു​ടെ തേ​മ്പി​ത്തേ​മ്പി​യു​ള്ള ന​ട​ത്ത​വും മു​ഖ​ത്ത് മു​ട്ട​യേ​റ് കി​ട്ടി​യ​പ്പോ​ഴു​ണ്ടാ​യ ക​ര​ച്ചി​ലും കാ​വേ​രി അ​യാ​ളെ കൊ​ക്ക​ര​ക്കോ എ​ന്നു വി​ളി​ക്കു​മ്പോ​ഴു​ണ്ടാ​വു​ന്ന സ​ങ്ക​ട​വും ഒ​രു പു​തി​യ ന​ട​ന്‍റെ വ​ര​വ​റി​യി​ച്ചു. ഒ​രു ത​മി​ഴ് വ​ഴ​ക്കം. അ​ഭി​ന​യി​ച്ച നാ​ട​ക​ങ്ങ​ളും ആ ​കൂ​ട്ട​ത്തി​ലെ ഗ്രാ​മീ​ണ ജീ​വി​ത​ത്തി​ന്‍റെ തി​രി​ച്ച​റി​വും അ​യാ​ള്‍ അ​നു​ഭ​വി​പ്പി​ച്ചു. കോ​ഴി​പ്പോ​രി​ന്‍റെ യു​ദ്ധം ചെ​യ്ത് സ​മ്പാ​ദി​ച്ച പ​ണം പി​ണ​ങ്ങി​നി​ൽ​ക്കു​ന്ന പൊ​ണ്ടാ​ട്ടി​ക്ക് കൊ​ടു​ക്കു​മ്പോ​ഴു​മൊ​ക്കെ അ​യാ​ളു​ടെ അ​ഭി​ന​യ​രീ​തി​ക​ള്‍ ത​നി നാ​ട​ന്‍ പ​ക​ർ​ച്ച​ക​ളെ​ന്ന് അ​ട​യാ​ള​പ്പെ​ടു​ത്തു​ന്നു. ഈ ​മെ​യ് വ​ഴ​ക്കംത​ന്നെ​യാ​ണ് ഭ​ര​ത​ന്‍-​പ​ത്മ​രാ​ജ​ന്‍ കൂ​ട്ടു​കെ​ട്ടി​ലെ ത​ക​ര​യെ​ന്ന നാ​ട്ടു​മ്പു​റ ക​ഥാ​പാ​ത്ര​ത്തി​ലേ​ക്ക് അ​യാ​ളെ തി​ര​ഞ്ഞെ​ടു​ക്കാ​ന്‍ കാ​ര​ണ​മാ​വു​ന്ന​തും. 1979ല്‍ ​മ​ല​യാ​ള സി​നി​മ​യു​ടെ പു​തി​യ ഭാ​വു​ക​ത്വ​ത്തി​ന്‍റെ​യും രം​ഗ​ബോ​ധ​ത്തി​ന്‍റെ​യു​മെ​ല്ലാം കാ​ഴ്ച​യാ​യി​രു​ന്നു ത​ക​ര. ഈ ​ചി​ത്ര​ത്തി​ന്‍റെ യ​ഥാ​ത​ഥമാ​യ വി​ജ​യ​വും ക​ഥാ​പാ​ത്ര​ത്തി​ന്‍റെ വ​ലു​പ്പ​വും മ​ന​സ്സി​ലാ​വ​ണ​മെ​ങ്കി​ല്‍ വ​ര്‍ഷ​ങ്ങ​ള്‍ക്ക് ശേ​ഷം ഭ​ര​ത​ന്‍ ആ ​ചി​ത്രം ത​മി​ഴി​ല്‍ 'ആ​വാ​ര​മ്പൂ' എ​ന്ന പേ​രി​ല്‍ റീ​മേ​ക്ക് ചെ​യ്തു. മ​ല​യാ​ള​ത്തി​ല്‍ സു​ഭാ​ഷി​ണി തി​ര​സ്ക​രി​ച്ച ത​ക​ര ട്രെ​യി​നി​നു​ മു​ന്നി​ല്‍ ചാ​ടി ആ​ത്മ​ഹ​ത്യ ചെ​യ്യു​ന്ന ക​ഥാ​പാ​ത്ര​ത്തെ ത​മി​ഴ് സി​നി​മാ​പ്രേ​മി​ക​ളു​ടെ അ​ഭി​രു​ചി​ക്ക് അ​നു​സൃ​ത​മാ​യി ശു​ഭ​പ​ര്യ​വ​സാ​യി​യാ​യി അ​വ​ത​രി​പ്പി​ച്ചു എ​ന്ന​ത് മ​റ്റൊ​രു കാ​ര്യം.

മ​ല​യാ​ള​ത്തി​ല്‍ അ​ന്നി​റ​ങ്ങു​ന്ന സ​ക​ല സി​നി​മാ പ്ര​സി​ദ്ധീ​ക​ര​ണ​ങ്ങ​ളി​ലും ഭ​ര​ത​നും പ​ത്മ​രാ​ജ​നും ബാ​ലു​മ​ഹേ​ന്ദ്ര​ക്കും നെ​ടു​മു​ടി വേ​ണു​വി​നു​മൊ​പ്പം നി​ൽ​ക്കു​ന്ന അ​യാ​ളു​ടെ ചി​ത്ര​ങ്ങ​ളും വാ​ര്‍ത്ത​ക​ളും അ​പ്പോ​ഴേ​ക്കും ഏ​റെ കൗ​തു​ക​ത്തോ​ടെ വാ​യി​ച്ചു പ​ഠി​ച്ചി​രു​ന്നു. വാ​യ​ന​ശാ​ല​ക​ളി​ലെ പു​സ്ത​ക​ങ്ങ​ളി​ലും അ​ച്ഛ​ന്‍റെ കൊ​ട്ട​ക​യി​ലെ സി​നി​മ​ക​ളി​ലും ജീ​വി​തം ക​ണ്ട്, അ​നു​ഭ​വി​ച്ച് കൂ​ട്ടു​കാ​രോ​ട് ക​ഥ​പ​റ​ഞ്ഞു​ന​ട​ക്കു​ന്ന പ്രാ​യ​ത്തി​ല്‍ അ​തു​വ​രെ ക​ണ്ട പ്രേം ​ന​സീ​ര്‍, മ​ധു, ജ​യ​ന്‍, സു​കു​മാ​ര​ന്‍, വി​ന്‍സെ​ന്‍റ്, സു​ധീ​ര്‍ തു​ട​ങ്ങി​യ ന​ട​ന്മാ​രി​ല്‍നി​ന്നും ഒ​രു​പാ​ട് ഭി​ന്ന​മാ​യ ഒ​രാ​ളു​ടെ നാ​യ​ക​വേ​ഷം പി​ന്നീ​ട​ങ്ങോ​ട്ട് അ​ത്ഭു​ത​ത്തി​ന്‍റെ വാ​തി​ലു​ക​ള്‍ തു​റ​ക്കു​ക​യാ​യി​രു​ന്നു. 'ത​ക​ര'​യി​ലെ ത​ക​ര​യും 'ആ​ര​വ'​ത്തി​ലെ കൊ​ക്ക​ര​ക്കോ​യും ത​നി ഗ്രാ​മീ​ണ​വേ​ഷ​ങ്ങ​ള്‍. ഊ​ട്ടി​യി​ലെ ഇം​ഗ്ലീ​ഷ് സ്കൂ​ളി​ലും ന​ഗ​ര​ത്തി​ലെ കോ​ള​ജി​ലും പ​ഠി​ച്ച് ജീ​വി​ത​മ​റി​ഞ്ഞ ഒ​രു ചെ​റു​പ്പ​ക്കാ​ര​ന്‍ എ​ങ്ങ​നെ​യാ​ണ് ഇ​ത്ര​മാ​ത്രം ഗ്രാ​മീ​ണ​നാ​വു​ന്ന​തെ​ന്ന് അ​റി​യാ​നു​ള്ള കൊ​തി​യാ​യി​രു​ന്നു 79ല്‍ ​പാ​ല​ക്കാ​ട് ക​ല്ലേ​ക്കാ​ട് പൊ​ടി​പ്പാ​റ​യെ​ന്ന കു​ന്നി​ന്‍ച​രി​വി​ല്‍ 'ലോ​റി' എ​ന്ന ഭ​ര​ത​ന്‍ ചി​ത്ര​ത്തി​ന്‍റെ ചി​ത്രീ​ക​ര​ണം, നി​ര​വ​ധി​ദി​വ​സം കാ​ത്തു​നി​ന്ന് അ​യാ​ളെ​ന്ന വി​സ്മ​യം കാ​ണാ​നാ​ഗ്ര​ഹി​ച്ച​ത്. അ​വി​ടെ​യും അ​യാ​ള്‍ ലോ​റി​ത്താ​വ​ള​ങ്ങ​ളി​ല്‍ കാ​ണു​ന്ന ഒ​രു കി​ളി​യാ​യി ജീ​വി​ക്കു​ക​യാ​യി​രു​ന്നു. അ​ച്ഛ​നൊ​പ്പം പാ​ല​ക്കാ​ട് മാ​ര്‍ക്ക​റ്റി​ല്‍ പ​ല​ദി​വ​സ​ങ്ങ​ളി​ലും പോ​കു​ന്ന​തു​കൊ​ണ്ട്, അ​വി​ടെ ച​ര​ക്കി​റ​ക്കാ​നു​ള്ള ലോ​റി​ക​ള്‍ കാ​ത്തു​കെ​ട്ടി​ക്കി​ട​ക്കു​ന്ന​തി​നി​ട​യി​ല്‍ ജീ​വി​ക്കു​ന്ന ലോ​റി തൊ​ഴി​ലാ​ളി​ക​ളെ അ​ടു​ത്തുനി​ന്ന് കാ​ണു​ന്ന​തു​കൊ​ണ്ടും 'ലോ​റി'​യെ​ന്ന സി​നി​മ​യി​ലെ അ​യാ​ള്‍ക്ക് ആ ​കൂ​ട്ട​ത്തി​ല്‍നി​ന്നും ഒ​രു വ്യ​ത്യാ​സ​വും തോ​ന്നി​യി​രു​ന്നി​ല്ല. ക​ഥാ​പാ​ത്ര​മാ​വാ​നു​ള്ള ഒ​രു ക​രു​ത്തും ക​ഴി​വും അ​യാ​ള്‍ക്ക് ഉ​ണ്ടാ​യ​ത് പ​രി​ച​യ​പ്പെ​ടു​ന്ന​തും അ​റി​യു​ന്ന​തു​മാ​യ മ​നു​ഷ്യ​രെ മ​ന​സ്സി​ല്‍ സൂ​ക്ഷി​ക്കു​ന്ന​തു​​കൊ​ണ്ടു​ത​ന്നെ​യാ​ണെ​ന്ന് അ​യാ​ളു​മാ​യി പി​ന്നീ​ടി​ട​പെ​ട്ട​പ്പോ​ള്‍ ഞാ​ന്‍ തി​രി​ച്ച​റി​ഞ്ഞു. 'ലോ​റി'​യു​ടെ ചി​ത്രീ​ക​ര​ണ ഇ​ട​വേ​ള​ക​ളി​ല്‍ ഒ​റ്റ​ക്കി​രി​ക്കു​ന്ന അ​യാ​ളു​ടെ അ​ടു​ത്തു​ചെ​ന്ന് 'ത​ക​ര'​യും 'ആ​രോ​ഹ​ണ'​വും 'ആ​ര​വ'​വും 'അ​ഴി​യാ​ത്ത കോ​ല​ങ്ങ​ളും' ക​ണ്ടി​ട്ടു​ണ്ടെ​ന്നും അ​തു​വ​രെ ക​ണ്ട സി​നി​മ​ക​ളി​ലെ ഒ​രാ​ള​ല്ല അ​യാ​ളെ​ന്നും പ​റ​ഞ്ഞ​പ്പോ​ള്‍ ത​ക​ര​യു​ടെ അ​ത്ഭു​തം ക​ല​ര്‍ന്ന ക​ണ്ണു​ക​ള്‍ ഞാ​ന്‍ വീ​ണ്ടും ക​ണ്ടു. സി​നി​മ കാ​ണാ​നു​ള്ള എ​ന്‍റെ ആ​വേ​ശ​ത്തെ അ​ത്ര​മേ​ല്‍ സ​ന്തോ​ഷ​ത്തോ​ടെ ഞാ​ന്‍ അ​യാ​ള്‍ക്കു മു​ന്നി​ല്‍ നി​ര​ത്തു​ക​യാ​യി​രു​ന്നു. അ​ച്ഛ​നൊ​രു തി​യ​റ്റ​ര്‍ ഉ​ണ്ടാ​യ​തു​കൊ​ണ്ട് മാ​റി​മാ​റി​വ​രു​ന്ന സ​ക​ല ഭാ​ഷാ​ചി​ത്ര​ങ്ങ​ളും പ​ല​യാ​വ​ര്‍ത്തി കാ​ണു​ന്ന​തി​ന്‍റെ കാ​ര്യം പ​റ​യു​ക​യാ​യി​രു​ന്നു. ക​ഥ കേ​ള്‍ക്കാ​നും പ​റ​യാ​നു​മാ​യി അ​യാ​ള്‍ എ​നി​ക്ക​യാ​ളു​ടെ മേ​ല്‍വി​ലാ​സം എ​ന്‍റെ നോ​ട്ട്ബു​ക്കി​ല്‍ എ​ഴു​തി​ത്ത​ന്നു. കു​റെ​ക്കാ​ലം ഫോ​ട്ടോ​ക​ളും ക​ത്തു​ക​ളും വ​ന്നി​രു​ന്നു. ഒ​രു സ്നേ​ഹി​ത​ന്‍ മ​റ്റൊ​രു സ്നേ​ഹി​ത​നെ​ഴു​തു​ന്ന​തു​പോ​ലെ പ്രാ​യ​വ്യ​ത്യാ​സ​മി​ല്ലാ​ത്ത ക​ത്തു​ക​ള്‍ വ​ന്നു. ചാ​മ​ര​വും മൂ​ടു​പ​നി​യും വ​രു​മ​യി​ന്‍ നി​റം സി​വ​പ്പും, പ​ന്നീ​ര്‍പൂ​ക്ക​ളും ന​വം​ബ​റി​ന്‍റെ ന​ഷ്ട​വും വ​രെ​യും ആ ​ക​ത്തെ​ഴു​ത്തു​കാ​ലം തു​ട​ര്‍ന്നു. ക​ണ്ട ചി​ത്ര​ങ്ങ​ളി​ലെ ഇ​ഷ്ട​പ്പെ​ട്ട സീ​നു​ക​ള്‍ വ​രെ അ​ന്നൊ​ക്കെ എ​ഴു​തി. ഓ​രോ ക​ത്തി​നും മ​റു​കു​റി​പ്പെ​ത്തു​മെ​ന്ന വി​ശ്വാ​സം മ​നു​ഷ്യ​രി​ലു​ള്ള ഞാ​ന്‍ ക​ണ്ട സ​ത്യ​ത്തെ അ​ട​യാ​ള​പ്പെ​ടു​ത്തു​ന്ന​താ​യി​രു​ന്നു. ഒ​ര​ർ​ഥ​ത്തി​ല്‍ ഞാ​ന്‍ ച​ല​ച്ചി​ത്ര​ത്തി​ന്‍റെ ഭാ​ഗ​മാ​യ​പ്പോ​ള്‍ എ​നി​ക്ക് കി​ട്ടു​ന്ന ക​ത്തു​ക​ള്‍ക്കെ​ല്ലാം എ​ത്ര തി​ര​ക്കി​ലാ​ണെ​ങ്കി​ലും മ​റു​പ​ടി എ​ഴു​ത​ണ​മെ​ന്ന് ഞാ​ന്‍ പ​ഠി​ച്ച​ത് അ​യാ​ൾ എ​നി​ക്ക് അ​യ​ച്ച ക​ത്തു​ക​ളാ​യി​രു​ന്നു. സ്വാ​ർ​ഥ​ത​യി​ല്ലാ​തെ, ക​ല​ര്‍പ്പി​ല്ലാ​തെ മ​നു​ഷ്യ​രെ​യും സ​ക​ല​ജീ​വ​നെ​യും സ്നേ​ഹി​ക്കാ​മെ​ന്ന് അ​യാ​ള്‍ കാ​ണി​ച്ചു​ത​രുക​യാ​യി​രു​ന്നു. പ​ഴ​യകാ​ല​ങ്ങ​ളി​ല്‍ ഒ​രു ക​ത്തെ​ഴു​തി മ​റു​കു​റി​പ്പി​നാ​യി കാ​ത്തി​രി​ക്കു​മ്പോ​ള്‍ അ​ത് വ്യ​ർ​ഥ​മാ​വി​ല്ലെ​ന്ന് അ​യാ​ള്‍ ബോ​ധി​പ്പി​ക്കു​ക​യാ​യി​രു​ന്നു. അ​തു​കൊ​ണ്ടു​ത​ന്നെ മ​ര​ണ​ത്തി​നുമു​മ്പ് അ​യാ​ള്‍ എ​ഴു​തി​യ കു​റി​പ്പി​ല്‍ ബി​ല്ലു​ക​ള്‍ അ​ട​ച്ചു​തീ​ര​ലാ​ണ് ജീ​വി​ത​മെ​ന്നും ആ ​ജീ​വി​ത​ത്തി​ലെ ക​ലാ​പ്ര​വ​ര്‍ത്ത​ന​ങ്ങ​ളി​ല്‍ പ്ര​ത്യേ​കി​ച്ച് ച​ല​ച്ചി​ത്ര​മേ​ഖ​ല​യി​ല്‍ സ്വ​ന്തം നി​ല​നി​ൽ​പ് ഉ​റ​പ്പി​ക്കാ​നാ​ണ് ആ​ളു​ക​ള്‍ ശ്ര​മി​ക്കു​ന്ന​തെ​ന്നു​മാ​യി​രു​ന്നു അ​യാ​ള്‍ പ​ക​ര്‍ത്തി​യ​ത്. ജീ​വി​ത​ത്തി​ന്‍റെ അ​ത്ഭു​ത​ങ്ങ​ള്‍ കാ​ണു​ന്ന​തി​നും അ​റി​യു​ന്ന​തി​നും മു​ന്നെ ഒ​രു പാ​ട്ടു​കാ​ര​ന്‍ കു​റി​ച്ച ആ ​വ​രി​ക​ള്‍ പു​തി​യ കാ​ല​ത്തി​ന്‍റെ സ​ത്യ​ത്തി​ലേ​ക്ക് ചൂ​ണ്ടു​പ​ല​ക​യാ​യി തോ​ന്നു​ക​യും ചെ​യ്യു​ന്നു. ആ​ധു​നി​ക​ലോ​കം എ​ത്ര​മേ​ല്‍ സ്വ​ന്തം കാ​ര്യ​ങ്ങ​ള്‍ക്കാ​യി മാ​ത്രം പ​ക​ര്‍ത്ത​പ്പെ​ടു​ന്നു എ​ന്ന​യാ​ള്‍ക്ക് തോ​ന്നി​യി​രി​ക്കാം. സാം​സ്കാ​രി​ക പ്ര​വ​ര്‍ത്ത​ന​മേ​ഖ​ല​യി​ല്‍ ചെ​യ്യു​ന്ന​തും അ​റി​യു​ന്ന​തു​മൊ​ക്കെ സ്വാ​ർ​ഥ​മാ​യി ചി​ന്തി​ക്കു​ന്ന നി​മി​ഷ​ങ്ങ​ളു​ണ്ടെ​ന്ന തോ​ന്ന​ലാ​വാം ചി​ല​പ്പോ​ള്‍ ആ ​വ​രി​ക​ള്‍ പ​ക​ർ​ത്താ​ന്‍ അ​യാ​ളെ പ്രേ​രി​പ്പി​ച്ച​ത്.

Death is caused by swallowing small amounts of saliva over a long period of time

● George Carlin (Standup Comedian)

സാ​മ്പ്ര​ദാ​യി​ക നാ​യ​ക​ന്‍റെ സൗ​ന്ദ​ര്യ​മോ ശ​രീ​ര​ശ​ബ്ദ​മോ ഇ​ല്ലാ​ത്ത ഒ​രു സാ​ധാ​ര​ണ​ക്കാ​ര​നാ​യു​ള്ള അ​വ​ത​ര​ണ​മാ​യി​രു​ന്നു അ​യാ​ള്‍ പ​ല സി​നി​മ​ക​ളി​ലും കാ​ഴ്ച​വെ​ച്ച​ത്. പ്ര​ണ​യം​പോ​ലും അ​യാ​ള്‍ പ്ര​ക​ടി​പ്പി​ക്കു​ന്ന​ത് അ​പ്ര​തീ​ക്ഷി​ത​മാ​യ ഒ​രു ഞെ​ട്ട​ലേ​കി​യാ​ണ്. 'അ​ഴി​യാ​ത്ത കോ​ല​ങ്ങ​ള്‍' എ​ന്ന ആ​ദ്യ ത​മി​ഴ് ചി​ത്ര​ത്തി​ല്‍ നാ​ട്ടു​മ്പു​റ​ത്തേ​ക്ക് ജീ​ന്‍സി​ട്ട് അ​യാ​ള്‍ ക​ട​ന്നു​വ​രു​മ്പോ​ഴേ അ​വി​ടെ​യെ​ത്തു​ന്ന ഒ​രു അ​ന്യ​ഗ്ര​ഹ​ജീ​വി​യു​ടെ മ​ട്ട് അ​യാ​ളേ​കു​ന്നു​ണ്ട്. അ​ത് ശോ​ഭ അ​വ​ത​രി​പ്പി​ച്ച ഇ​ന്ദു​മ​തി എ​ന്ന ക​ഥാ​പാ​ത്ര​ത്തി​ലൂ​ടെ വ്യ​ക്തം. കാ​ര​ക്ട​റി​ന്‍റെ ഉ​ള്ള​റി​ഞ്ഞ് അ​യാ​ള്‍ സ​ഞ്ച​രി​ക്കാ​ന്‍ അ​ന്നേ തു​ട​ങ്ങി​യി​രു​ന്നു. 'ചാ​മ​ര'​ത്തി​ലേ​ക്കെ​ത്തു​മ്പോ​ള്‍ ഈ ​രീ​തി കു​റെ​ക്കൂ​ടി വ്യ​ക്ത​വും തീ​ക്ഷ്ണ​വും സ​ത്യ​വു​മാ​കു​ന്ന വ​ഴി​ക​ള്‍ ക​ണ്ടെ​ത്തു​ന്നു​ണ്ട്. പ്ര​ണ​യം തോ​ന്നി​യ കാ​മു​കി​യോ​ട് അ​വ​രെ കാ​ണു​ന്ന ഓ​രോ കാ​ഴ്ച​യും സ്വ​പ്ന​തു​ല്യ​മാ​യ അ​വ​സ്ഥ​ക​ളി​ലൂ​ടെ ക​ട​ന്ന് ഒ​ടു​വി​ല്‍ സ​ഞ്ച​രി​ച്ചെ​ത്തു​ന്ന വ​ഴി​യു​ടെ അ​വ​സാ​നം, അ​വ​സാ​നി​ക്കാ​ത്ത സ്നേ​ഹം നി​റ​ച്ച് അ​വ​ന്‍ അ​വ​ളെ​ന്നും ത​ന്‍റേ​താ​ക​ണ​മെ​ന്നും അ​വ​ളി​ല്ലാ​ത്ത ഒ​രു നി​മി​ഷം സ്വ​പ്നം കാ​ണാ​ന്‍പോ​ലു​മാ​കി​ല്ലെ​ന്നും പ​റ​യു​ന്നു. എ​ന്നാ​ല്‍, അ​വ​ള്‍ അ​വ​നോ​ട് അ​വ​ളൊ​രു അ​ധ്യാ​പി​ക​യാ​ണെ​ന്നും വേ​റൊ​രാ​ള്‍ക്കാ​യി അ​വ​ള്‍ ജീ​വി​ക്കു​ക​യാ​ണെ​ന്നും അ​വ​രു​ടെ വ​ഴി​ക​ള്‍ വേ​റെ​യാ​ണെ​ന്നും പ​റ​ഞ്ഞ് അ​വ​നെ ഒ​ഴി​വാ​ക്കാ​ന്‍ ശ്ര​മി​ക്കു​ന്നു. ദൂ​രെ അ​ക​ന്നു​നി​ന്ന് അ​വ​ള​വ​നെ നി​രു​ത്സാ​ഹ​പ്പെ​ടു​ത്തി. എ​ന്നാ​ല്‍, ഒ​രു​നി​മി​ഷ​ത്തെ മൗ​ന​ത്തി​നു​ശേ​ഷം അ​ക​ലെനി​ന്നു​കൊ​ണ്ടു​ത​ന്നെ സ​ക​ല​പ്ര​ണ​യ​വും ഉ​ള്ളി​ല്‍ ഒ​രു കൊ​ടു​ങ്കാ​റ്റു​പോ​ലെ ഒ​ളി​പ്പി​ച്ച് അ​വ​ന്‍ ഉ​ച്ച​ത്തി​ല്‍ പ​റ​ഞ്ഞു: സ്റ്റി​ല്‍ ഐ ​ല​വ് യൂ ​ടീ​ച്ച​ര്‍... കാ​മ്പ​സ് കാ​ല​ത്തെ ആ​ൺ​കു​ട്ടി​ക​ളു​ടെ പ്ര​ണ​യ​ത്തി​ന്‍റെ മ​റ്റൊ​രു മു​ഖ​മാ​യി​രു​ന്നു അ​യാ​ള്‍. ആ ​സ്റ്റി​ല്‍ എ​ന്ന വാ​ക്കി​ല്‍ പ്ര​ണ​യ​ത്തി​ന്‍റെ തി​ര​മാ​ല അ​ടി​ച്ചു​യ​ര്‍ന്നി​രു​ന്നു. അ​ധ്യാ​പി​ക​ക്കു പ്ര​ണ​യ​ലേ​ഖ​നം കൊ​ടു​ക്കു​ന്ന വി​നോ​ദ് എ​ന്ന വി​ദ്യാ​ർ​ഥി വ​ള​രെ വ​ലി​യൊ​രു വി​പ്ല​വ​വും അ​ന്നേ​വ​രെ നി​ല​നി​ന്നി​രു​ന്ന സ​ക​ല മാ​മൂ​ലു​ക​ളു​ടെ ലം​ഘ​ന​വു​മാ​യി​രു​ന്നു.

വെ​ള്ളി​ത്തി​ര​യി​ല്‍ വേ​റി​ട്ടൊ​രു മു​ഖം എ​ന്ന​ത് അ​യാ​ള്‍ക്ക് വെ​റു​മൊ​രു വി​ശേ​ഷ​ണം മാ​ത്ര​മാ​യി​രു​ന്നി​ല്ല. ച​ല​ന​ങ്ങ​ളി​ലും ശ​രീ​ര​ഭാ​ഷ​യി​ലും സം​ഭാ​ഷ​ണ​ത്തി​ലും മ​റ്റാ​രും കാ​ണാ​ത്ത എ​ന്തോ ഒ​ന്ന് അ​യാ​ള്‍ എ​പ്പോ​ഴും കാ​ത്തു​വെ​ക്കാ​റു​ണ്ട്. അ​ത് ഈ​യ​ടു​ത്തു ക​ണ്ട 'സി.​ബി.​ഐ 5 ദ ​ബ്രെ​യി​നാ'​യാ​ലും 'പൊ​ൻമ​ഗ​ള്‍ വ​ന്താ​ല്‍', 'ഉ​യ​രെ' ഒ​ക്കെ പ്രേ​ക്ഷ​ക​സ​മ​ക്ഷം ത​ന്‍റെ സ്ക്രീ​ന്‍ പ്ര​സ​ന്‍സ് വ​ള​രെ മ​നോ​ഹ​ര​മാ​യി അ​വ​ത​രി​പ്പി​ക്കു​ന്ന​തി​ല്‍ അ​യാ​ള്‍ക്ക് ഒ​രു പ്ര​ത്യേ​ക വൈ​ഭ​വംത​ന്നെ​യു​ണ്ട്. അ​തെ​ത്ര ചെ​റി​യ വേ​ഷ​മാ​ണെ​ങ്കി​ലും അ​യാ​ളെ ന​മ്മ​ള്‍ ഓ​ര്‍ക്കും. '22 ഫീ​മെ​യി​ല്‍ കോ​ട്ട​യം' എ​ന്ന സി​നി​മ​യി​ലെ ഹെ​ഗ്ഡെ എ​ന്ന വി​ല്ല​ന്‍ ക​ഥാ​പാ​ത്ര​ത്തി​ലൂ​ടെ അ​യാ​ള്‍ മ​ല​യാ​ള​ത്തി​ലേ​ക്ക് വീ​ണ്ടും വ​ന്നു. അ​ത് യ​ഥാ​ർ​ഥ​ത്തി​ല്‍ ഒ​രൊ​ന്നൊ​ന്ന​ര വ​ര​വാ​യി​രു​ന്നു. ആ ​വ​ര​വി​ന്‍റെ തു​ട​ര്‍ച്ച​യാ​യി​രു​ന്നു ലാ​ല്‍ജോ​സി​ന്‍റെ 'അ​യാ​ളും ഞാ​നും ത​മ്മി​ല്‍' എ​ന്ന ചി​ത്ര​ത്തി​ലെ ഡോ​ക്ട​ര്‍ സാ​മു​വ​ല്‍. ക്രൂ​ര​നാ​യ ഒ​രാ​ളി​ല്‍നി​ന്നും കാ​രു​ണ്യ​ത്തി​ന്‍റെ രൂ​പ​ത്തി​ലേ​ക്കു​ള്ള മാ​റ്റം അ​സാ​ധ്യ​മാ​യ ഒ​രു വി​വ​ര്‍ത്ത​ന​മാ​യി​രു​ന്നു. ത​ന്‍റെ മു​ന്‍ഗാ​മി​ക​ളാ​യ അ​ഭി​നേ​താ​ക്ക​ളു​ടെ ഒ​രു മാ​തൃ​ക​യും പി​ന്തു​ട​രാ​തെ ത​നി​ക്ക് മാ​ത്ര​മാ​യി ഒ​രു വ​ഴി തെ​ളി​യി​ക്കാ​ന്‍ അ​യാ​ള്‍ക്ക് ക​ഴി​ഞ്ഞി​ട്ടു​ണ്ട്. അ​യാ​ളു​ടെ ആ​രം​ഭ​ കാ​ല​ത്ത് അ​യാ​ള്‍ക്കൊ​പ്പം സ​ഞ്ച​രി​ച്ച ര​ഘു​വ​ര​നും ര​വീ​ന്ദ്ര​നും വി​ജ​യ് മേ​നോ​നു​മൊ​ക്കെ നി​ര്‍മി​ച്ച പ​ഥ​ങ്ങ​ള​ല്ല അ​യാ​ള്‍ സ്വ​ന്ത​മാ​ക്കി​യ​ത്. സ​ത്യ​മാ​യും അ​യാ​ള്‍ക്ക് ഒ​രു മു​ഖ​മേ ഉ​ണ്ടാ​യി​രു​ന്നു​ള്ളൂ. ക​ഥാ​പാ​ത്ര​ത്തി​ലേ​ക്ക് പ്ര​വേ​ശി​ച്ചു​ക​ഴി​ഞ്ഞാ​ല്‍ മാ​ത്ര​മാ​യി​രു​ന്നു അ​യാ​ള്‍ മാ​റി​യ​ത്. ചി​ല​പ്പോ​ഴൊ​ക്കെ തു​റ​ന്നുപ​റ​യു​മ്പോ​ള്‍ കാ​ണി​ച്ച ദേ​ഷ്യ​മോ ഉ​ച്ച​ത്തി​ലു​ള്ള സം​സാ​ര​മോ അ​യാ​ളെ ഒ​റ്റ​പ്പെ​ടു​ത്തി​യി​രു​ന്നു. എ​ന്നാ​ല്‍, മ​ന​സ്സി​ല​പ്പോ​ഴും അ​യാ​ള്‍ ക​ള​ങ്ക​മി​ല്ലാ​തെ പെ​രു​മാ​റി. ജീ​വി​ത​ത്തി​ല്‍ ശ​ത്രു​ക്ക​ളു​ണ്ടാ​യേ​ക്കാം. എ​ന്നാ​ല്‍, അ​തി​നു​മ​പ്പു​റം മി​ത്ര​ങ്ങ​ളെ കാ​ണാ​ന്‍ അ​യാ​ള്‍ ആ​ഗ്ര​ഹി​ച്ചി​രു​ന്നു. 'ത​ക​ര'​യി​ലെ അ​ഭി​ന​യ​ത്തി​ന് ഒ​രു ദേ​ശീ​യ പു​ര​സ്കാ​രം അ​യാ​ള്‍ക്ക് കി​ട്ടു​മെ​ന്ന് ഉ​റ​പ്പാ​യി​രു​ന്നു. എ​ന്നാ​ല്‍, അ​ത് എ​ങ്ങ​നെ​യോ ന​ഷ്ട​മാ​യി. പ​ക്ഷേ ആ​ദ്യ​മാ​യി സം​വി​ധാ​നം ചെ​യ്ത 'മീ​ണ്ടും ഒ​രു കാ​ത​ല്‍ ക​തൈ' എ​ന്ന ചി​ത്ര​ത്തി​ന് ആ ​വി​രു​ത് (പു​ര​സ്കാ​രം) ല​ഭി​ക്കു​ക​യും ചെ​യ്തു. ഒ​രു വ​ഴി അ​ട​യു​മ്പോ​ള്‍ നൂ​റുവ​ഴി തു​റ​ക്കു​മെ​ന്നും ചെ​യ്ത പ്ര​വൃ​ത്തി​ക​ളൊ​ക്കെ ച​രി​ത്ര​മാ​യി അ​ട​യാ​ള​പ്പെ​ടു​ത്തു​മെ​ന്നും അ​യാ​ള്‍ ഉ​റ​പ്പി​ച്ചി​രു​ന്നു.

പു​തി​യ​ കാ​ല​ത്ത് സി​നി​മ​ക​ള്‍ സം​വി​ധാ​നം ചെ​യ്യ​ണ​മെ​ന്ന് അ​യാ​ള്‍ അ​തി​യാ​യി ആ​ഗ്ര​ഹി​ച്ചി​രു​ന്നു. മ​ര​ണ​ത്തി​ന്‍റെ അ​വ​സാ​ന​നി​മി​ഷം​വ​രെ ആ ​സ്വ​പ്നം അ​യാ​ള്‍ ക​ണ്ടി​രി​ക്കും. അ​ങ്ങ​നെ​യൊ​ന്ന് സം​ഭ​വി​ക്കും എ​ന്നു​ത​ന്നെ​യാ​ണ് അ​യാ​ളു​മാ​യി ബ​ന്ധ​പ്പെ​ട്ട​വ​രും അ​യാ​ള്‍ ന​ൽ​കി​യ വാ​ക്കു​ക​ളി​ലും പ​റ​ഞ്ഞു​ത​ന്ന​ത്. കേ​ന്ദ്ര-​സം​സ്ഥാ​ന പു​ര​സ്കാ​ര​ങ്ങ​ള്‍ ഏ​റ്റു​വാ​ങ്ങി​യ​പ്പോ​ഴും ഇ​തൊ​ക്കെ എ​ന്‍റെ ചി​ത്ര​ങ്ങ​ള്‍ക്കാ​ണ് എ​ന്നു​പ​റ​യു​ന്ന നി​സ്സം​ഗ​നാ​യ ഒ​രു ക​ലാ​കാ​ര​നെ ഞാ​ന്‍ ക​ണ്ടി​രു​ന്നു. വാ​യി​ച്ച പു​സ്ത​ക​ങ്ങ​ളി​ലും ലോ​ക​പ​രി​ച​യ​ങ്ങ​ളി​ലും അ​യാ​ള്‍ ഒ​രു വി​ദ്യാ​ർ​ഥി​യെ​പ്പോ​ലെ കാ​ല​ത്തി​നു മു​ന്നെ സ​ഞ്ച​രി​ച്ചി​രു​ന്നു. അ​ക​ത്തേ​ക്കി​റ​ക്കു​ന്ന ഓ​രോ ത​രി നീ​രി​ലും മ​ര​ണ​ത്തി​ന്‍റെ അ​രി​കി​ലേ​ക്കു​ള്ള യാ​ത്ര​യാ​ണെ​ന്ന് അ​യാ​ള്‍ ഓ​ര്‍ത്തി​രു​ന്നു.

Multiplication is the name of the game and each generation plays the same.

'മീ​ണ്ടും ഒ​രു കാ​ത​ല്‍ ക​തൈ' ചെ​യ്യാ​നാ​യി അ​യാ​ള്‍ തെ​ലു​ങ്കി​ലും ത​മി​ഴി​ലും അ​ത്യ​ധ്വാ​നം ചെ​യ്തു എ​ന്ന് പ​റ​ഞ്ഞി​രു​ന്നു. മ​ന​സ്സി​ലു​ള്ള സം​ഗ​തി പു​റ​ത്തി​റ​ക്കാ​ന്‍ അ​താ​വ​ശ്യ​മാ​ണെ​ന്ന അ​യാ​ളു​ടെ ബോ​ധം തി​ക​ഞ്ഞ ഒ​രു ക​ലാ​കാ​ര​ന്‍റേ​താ​ണ്. അ​ത്ര​മേ​ല്‍ അ​യാ​ള്‍ സ്വ​യം സ​മ​ര്‍പ്പി​ച്ചി​രു​ന്നു. രാ​ധി​ക​യും അ​യാ​ളും ചേ​ര്‍ന്ന​ഭി​ന​യി​ച്ച് അം​ഗീ​ക​രി​പ്പി​ച്ച ആ ​ചി​ത്രം തി​ര​ശ്ശീ​ല​യി​ല്‍ എ​ത്തി​യ​പ്പോ​ള്‍ ഒ​രു ബു​ദ്ധി​ജീ​വി പ​ട്ടം കി​ട്ടി എ​ന്ന​യാ​ള്‍ ഒ​ട്ടൊ​രു ത​മാ​ശ​യാ​യി പ​റ​ഞ്ഞു. എ​ന്നാ​ല്‍, കാ​മ്പ​സ് പ്ര​ണ​യ​ത്തി​ന്‍റെ ക​ഥ​പ​റ​ഞ്ഞ സൂ​പ്പ​ര്‍ഹി​റ്റ് ആ​യ 'ഡെ​യ്സി'​യും മ​ല​യാ​ള​ത്തി​ന്‍റെ പ്രി​യ​ക​ഥാ​കാ​ര​ന്‍ എം.​ടി. വാ​സു​ദേ​വ​ന്‍ നാ​യ​രെ​ഴു​തി​യ 'ഋ​തു​ഭേ​ദം' എ​ന്ന തി​ര​ക്ക​ഥ​യും ത​മി​ഴി​ല്‍ എ​ക്കാ​ല​ത്തെ​യും ടെ​ക്നി​ക്ക​ല്‍ ഹി​റ്റാ​യ ക​മ​ൽ​ഹാ​സ​ന്‍ അ​ഭി​ന​യി​ച്ച 'ബോ​ണ്‍ ഐ​ഡ​ന്‍റി​റ്റി' എ​ന്ന ഹോ​ളി​വു​ഡ് സി​നി​മ വ​രു​ന്ന​തി​നു മു​മ്പേ പ​റ​ഞ്ഞ 'വെ​ട്രി​വി​ഴ​'യും നെ​പ്പോ​ളി​യ​നെ കേ​ന്ദ്ര​ക​ഥാ​പാ​ത്ര​മാ​യി അ​വ​ത​രി​പ്പി​ച്ച എ​ക്കാ​ല​ത്തെ​യും ഹി​റ്റാ​യ 'ശി​വ​ല​പ്പേ​രി പാ​ണ്ടി' എ​ന്ന ബ​യോ​പി​ക് ചി​ത്ര​വു​മ​ട​ക്കം പ​തി​മൂ​ന്നോ​ളം ചി​ത്ര​ങ്ങ​ള്‍ അ​യാ​ളു​ടെ മ​ന​സ്സ് കാ​ണി​ച്ചു​ത​ന്നു. എ​ന്നാ​ല്‍, ഇ​നി​യും എ​ത്ര​യോ ബാ​ക്കി അ​യാ​ള്‍ മ​ന​സ്സി​ല്‍ സൂ​ക്ഷി​ക്കു​ന്നു​ണ്ട് എ​ന്ന് അ​യാ​ളെ അ​ടു​ത്ത് പ​രി​ച​യ​മു​ള്ള​വ​ര്‍ക്ക് മു​ഴു​വ​നും അ​റി​യാം.

എ​ണ്‍പ​തു​ക​ളി​ലെ കാ​മ്പ​സു​ക​ളി​ല്‍ അ​യാ​ള്‍ പെ​ൺ​കു​ട്ടി​ക​ളു​ടെ പ്ര​ണ​യ​മാ​യി​രു​ന്നു എ​ന്നെ​നി​ക്ക​റി​യാം. അ​ക്കാ​ല​ത്തെ കാ​മു​ക​ന്മാ​ര്‍ കാ​മു​കി​മാ​ര്‍ക്ക് മീ​തെ ആ​ധി​പ​ത്യം സ്ഥാ​പി​ക്കു​ന്ന പ്ര​വ​ണ​ത ഉ​ള്ള​വ​രാ​യി​രു​ന്നു. അ​ത് നേ​രി​യ അ​ള​വി​ല്‍ ഇ​ന്ന​ത്തെ കാ​ല​ത്തും പ്ര​ക​ട​മാ​ണ്. എ​ന്നാ​ല്‍, പെ​ണ്‍കു​ട്ടി​ക​ള്‍ക്കൊ​പ്പം അ​വ​രോ​ട് പ്ര​ണ​യ​വും സ്നേ​ഹ​വും ചി​ല​പ്പോ​ൾ ക്ഷ​മ ചോ​ദി​ച്ചും കൂ​ടെനി​ൽ​ക്കു​ന്ന കാ​രു​ണ്യ​മു​ള്ള ഒ​രു കാ​മു​ക​നാ​യി അ​യാ​ളു​ടെ മു​ഖം അ​വ​ര്‍ ക​ണ്ടി​രു​ന്നു. അ​തു​കൊ​ണ്ടുത​ന്നെ അ​ക്കാ​ല​ത്തെ പ​ല പെ​ണ്‍കു​ട്ടി​ക​ളും ആ​ണു​ങ്ങ​ളു​ടെ പേ​ശീ​ബ​ല​ത്തെ​ക്കാ​ള്‍ കൂ​ടു​ത​ല്‍ ഇ​ഷ്ട​പ്പെ​ട്ട​ത് അ​വ​രോ​ടൊ​ട്ടി​നി​ൽ​ക്കു​ന്ന സ്ത്രൈ​ണ​ത നി​റ​ഞ്ഞ പു​രു​ഷ​ശ​രീ​ര​ങ്ങ​ളാ​യി​രു​ന്നു. അ​ത് അ​യാ​ള്‍ക്കു​ണ്ടാ​യി​രു​ന്നു. അ​യാ​ളെ, അ​യാ​ളു​ടെ ചാ​ടി​ച്ചാ​ടി​യു​ള്ള ന​ട​ത്ത​ത്തെ, ഊ​ര്‍ന്നി​റ​ങ്ങു​ന്ന മീ​ശ​യെ, സ്വ​ര്‍ണ​ഫ്രെ​യി​മു​ള്ള ക​ണ്ണ​ട​യെ, അ​ല​സ​മാ​യി വീ​ഴു​ന്ന മു​ടി​യി​ഴ​ക​ളെ, കൊ​ഞ്ചി​ക്കൊ​ഞ്ചി​യു​ള്ള വാ​ക്കു​ക​ളെ ഒ​ക്കെ പ്ര​ണ​യി​ച്ച പെ​ണ്‍കു​ട്ടി​ക​ളെ ഞാ​ന്‍ ക​ണ്ടി​രു​ന്നു. അ​തു​വ​രെ ക​ണ്ട കാ​മു​ക​ന്മാ​ര്‍ക്കൊ​ന്നും ഇ​ല്ലാ​ത്ത ഒ​രു​പാ​ട് അ​ന​ക്ക​ങ്ങ​ള്‍ അ​യാ​ളു​ടെ ക​ണ്ണു​ക​ള്‍ക്കു​ണ്ടാ​യി​രു​ന്നു. 'സി​ന്ദൂ​ര​സ​ന്ധ്യ​യ്ക്ക് മൗ​ന'​ത്തി​ലും 'ന​വം​ബ​റി​ന്‍റെ ന​ഷ്ട'​ത്തി​ലും 'ചാ​മ​ര'​ത്തി​ലും 'നെ​ഞ്ച​ത്തെ കി​ള്ളാ​തെ'​യി​ലും 'കൈ​കേ​യി'​ലും 'ഒ​ന്നു മു​ത​ല്‍ പൂ​ജ്യം വ​രെ'​യി​ലും അ​യാ​ള​നു​ഭ​വി​പ്പി​ച്ച പ്ര​ണ​യ​ത്തി​ന്‍റെ നി​മി​ഷ​ങ്ങ​ള്‍ മു​മ്പൊ​രു കാ​മു​ക​നും പ​റ​ഞ്ഞി​ട്ടി​ല്ലാ​ത്ത ഭാ​വ​ത്തി​ലാ​യ​തു​ത​ന്നെ​യാ​ണ് അ​തി​നു കാ​ര​ണം. മ​ര​ണം​വ​രെ ആ ​സ്നേ​ഹം അ​യാ​ള്‍ ന​ൽ​കി​യി​രു​ന്നു. ആ​രോ​ടും പ​രി​ഭ​വ​മി​ല്ലാ​തെ കി​ട്ടു​ന്ന​തെ​ന്തി​ലും ശാ​ന്തി ക​ണ്ടെ​ത്തി​യ ഒ​രു മ​നു​ഷ്യ​ന്‍.

എ​ന്‍റെ രാ​ഷ്ട്രീ​യ​നി​ല​പാ​ടു​ക​ള്‍ ഒ​ളി​ച്ചു​വെ​ക്കാ​ന്‍ എ​നി​ക്ക് താ​ൽ​പ​ര്യ​മി​ല്ല. അ​ങ്ങ​നെ തോ​ന്നു​ന്ന​വ​ര്‍ക്ക് എ​ന്നെ എ​ന്ത് ചെ​യ്യാ​നൊ​ക്കും. ചി​ല​പ്പോ​ള്‍ സി​നി​മ ഇ​ല്ലാ​താ​ക്കാ​ന്‍ പ​റ്റു​മാ​യി​രി​ക്കും. എ​ന്നാ​ലും എ​നി​ക്ക് എ​ന്നോ​ട് സ​ത്യ​സ​ന്ധ​മാ​യി ഇ​രി​ക്കാ​ന്‍ മാ​ത്ര​മേ ക​ഴി​യൂ. ഇ​തൊ​രു സ്റ്റേ​റ്റ്മെ​ന്‍റാ​ണ്. ജീ​വി​ത​ത്തി​ല്‍ നി​ല​പാ​ടു​ക​ളു​ള്ള ഒ​രാ​ള്‍ പ​റ​ഞ്ഞ​ത്. പ​റ​യു​ന്ന​തും പ്ര​വ​ര്‍ത്തി​ക്കു​ന്ന​തും ത​നി​ക്ക് മാ​ത്ര​മാ​യി മാ​റു​ന്ന ഒ​രു​കാ​ല​ത്ത് ചി​ല​യി​ട​ങ്ങ​ളി​ലെ​ങ്കി​ലും അ​യാ​ളെ​പ്പോ​ലെ ചി​ല​രു​ണ്ടാ​വു​ന്ന​തു ത​ന്നെ​യാ​ണ് ജീ​വി​തം ഒ​രു ക​ളി​യാ​യി മാ​റാ​ത്ത​ത്. ക​ളി​യ​റി​യു​ന്ന​വ​രു​ടെ ലോ​ക​മാ​ണി​ത്. സ​ക​ല​തി​ലും ഒ​റ്റ​ക്കു നി​ന്ന് നേ​ട്ടം കൊ​യ്യാ​നാ​ഗ്ര​ഹി​ക്കു​ന്ന​വ​ര്‍. എ​ന്നാ​ല്‍, അ​വ​ര്‍ക്കി​ട​യി​ല്‍ അ​ത​ത് കാ​ല​ത്തി​റ​ങ്ങു​ന്ന എ​ല്ലാ പു​സ്ത​ക​ങ്ങ​ള്‍ വാ​യി​ച്ചും സി​നി​മ​ക​ള്‍ ക​ണ്ടും പ​റ​യാ​ന്‍ ഇ​നി​യും ബാ​ക്കി​യു​ണ്ടെ​ന്ന് ഓ​ര്‍മി​പ്പി​ച്ച ഒ​രാ​ള്‍ ജീ​വി​ച്ചി​രു​ന്നു. പ​റ​ഞ്ഞ വാ​ക്കു​ക​ളും ചെ​യ്ത ക​ര്‍മ​ങ്ങ​ളു​മാ​യി അ​യാ​ള്‍ ജീ​വി​ക്കു​ക​ത​ന്നെ ചെ​യ്യും. അ​ല്ലെ​ങ്കി​ല്‍ അ​യാ​ള്‍ കാ​ണി​ച്ച വ​ഴി​ക​ളും അ​യാ​ളു​ടെ ക​ണ്ണി​ലെ വെ​ളി​ച്ച​വും ആ​ര്‍ക്കുവേ​ണ്ടി​യു​ള്ള​താ​ണെ​ന്ന് തി​രി​ച്ച​റി​യാ​തെ പോ​കി​ല്ല.