ന​ൻ​പ​ക​ൽ നേ​ര​ത്തെ ദാ​ർ​ശ​നി​ക പ്ര​ശ്ന​ങ്ങ​ൾ

ലി​​ജോ ജോ​​സ് പെ​​ല്ലി​​ശ്ശേ​​രി സം​വി​ധാ​നം​ ചെ​യ്​​ത ‘ന​ൻ​പ​ക​ൽ നേ​ര​ത്ത് മ​യ​ക്കം’ എ​ന്ന സി​നി​മ കാ​ണു​ന്നു. ആ ​കാ​ഴ്​​ച​യു​ടെ പ​ശ്ചാ​ത്ത​ല​ത്തി​ൽ മ​യ​ക്കം, സ്വ​പ്​​നം എ​ന്ന യാ​ഥാ​ർ​ഥ്യ​ങ്ങ​ളെ സാം​സ്​​കാ​രി​ക​വും സാ​മൂ​ഹി​ക​വു​മാ​യി പ​രി​ശോ​ധി​ക്കു​ന്നു. മ​യ​ക്ക​ത്തി​നും ഉ​ണ​ർ​ച്ച​ക്കു​മി​ട​യി​ൽ സം​സ്കാ​ര​വി​നി​മ​യ​ത്തി​ന്റെ അ​ദൃ​ശ്യ​മേ​ഖ​ല​ക​ൾ ക​ണ്ടെ​ത്താ​നാ​വു​മെ​ന്ന്​ ഇൗ ​സി​നി​മ ന​മ്മെ ഓ​ർ​മി​പ്പി​ക്കു​ന്നു​വെ​ന്ന്​ ലേ​ഖ​ക​ർ.

‘‘അ​സു​ഖ​ക​ര​മാ​യ സ്വ​പ്ന​ങ്ങ​ളി​ൽ​നി​ന്നും ഒ​രു പു​ല​ർ​ച്ചെ ഗ്ര​ഗോ​ർ സാം​സ ഉ​ണ​ർ​ന്ന​പ്പോ​ൾ അ​യാ​ൾ ഒ​രു ഭീ​ക​ര​പ്രാ​ണി​യാ​യി കി​ട​ക്ക​യി​ൽ രൂ​പാ​ന്ത​ര​പ്പെ​ട്ടു എ​ന്ന് ക​ണ്ടു.’’ ഒ​രു ഉ​റ​ക്കം ഉ​ണ​രു​മ്പോ​ൾ സം​ഭ​വി​ച്ചേ​ക്കാ​വു​ന്ന അ​വ​സ്ഥാ​ന്ത​ര​ങ്ങ​ൾ സൃ​ഷ്ടി​ക്കു​ന്ന വി​ഭ്ര​മ​ങ്ങ​ളെ​ക്കു​റി​ച്ചും ആ​കു​ല​ത​ക​ളെ​ക്കു​റി​ച്ചും സം​സാ​രി​ച്ച കൃ​തി​യാ​ണ് കാ​ഫ്ക​യു​ടെ ‘Metamorphosis’. സ്വ​ത്വ​ബോ​ധം അ​പ​ര​ബ​ന്ധ​ങ്ങ​ളു​മാ​യി എ​ങ്ങ​നെ ഇ​ണ​ങ്ങി​നി​ൽ​ക്കു​ന്നു എ​ന്ന് ശൂ​ന്യ​മാ​ക്കു​ന്ന ഏ​കാ​ന്ത അ​നു​ഭ​വ​ങ്ങ​ളി​ലൂ​ടെ കാ​ഫ്ക വ​ര​ച്ചു​കാ​ട്ടു​ന്നു. ഞാ​ൻ ആ​രാ​ണ്? എ​ന്ന പ്ര​ധാ​ന ചോ​ദ്യം ഉ​ത്ത​ര​ങ്ങ​ൾ തി​ര​യു​ന്ന ഇ​ത്ത​രം കാ​ഴ്ച​ക​ൾ ലോ​ക​സാ​ഹി​ത്യ​ത്തി​ലും സി​നി​മ​യി​ലും അ​നേ​ക​മു​ണ്ട്.

മ​യ​ക്ക​ത്തി​ന്റെ സാ​മൂ​ഹി​ക​ത

ഞാ​ൻ ആ​രാ​ണ്‌? എ​ന്ന ചോ​ദ്യ​ത്തി​ന് ‘‘നി​ങ്ങ​ൾ അ​ല്ലാ​ത്ത​താ​ണ് നി​ങ്ങ​ൾ’’ എ​ന്ന​നി​ല​ക്ക് ല​കാ​ൻ ഒ​രു​ത്ത​രം രൂ​പ​പ്പെ​ടു​ത്തു​ന്നു​ണ്ട്. നി​ങ്ങ​ൾ ഒ​രി​ക്ക​ലും 'നി​ങ്ങ​ൾ' മാ​ത്ര​മ​ല്ല. നി​ങ്ങ​ളി​ൽ അ​ധി​ക​മാ​യി എ​ന്തൊ​ക്കെ​യോ നി​ങ്ങ​ളി​ൽ ഉ​ണ്ട് എ​ന്ന് ല​കാ​ൻ ക​രു​തു​ന്നു (The Four Fundamental Concepts of Psychoanalysis). ഒ​രു വ്യ​ക്തി​യെ​ക്കാ​ൾ അ​ധി​ക​മാ​യും ഉ​പ​രി​യാ​യും ഉ​ള്ള​വ​യെ എ​ല്ലാം മ​റ​ച്ചു​പി​ടി​ക്കു​മ്പോ​ഴാ​ണ് പ​ല​ർ​ക്കും പ​ല​പ്പോ​ഴും സ്വൈ​ര​ജീ​വി​തം സാ​ധി​ക്കു​ന്ന​ത്. സ​മൂ​ഹ​ത്തി​ന്റെ കാ​ര്യ​വും ഇ​ങ്ങ​നെ​ത​ന്നെ​യാ​ണ്. അ​സ്വ​സ്ഥ​മാ​ക്കു​ന്ന നൈ​തി​ക​ത​യെ​യും പ്രാ​യോ​ഗി​ക​ത​യെ എ​തി​ർ​ക്കു​ന്ന ധാ​ർ​മി​ക​ത​യെ​യും ആ​ധി​ക്യ​ങ്ങ​ളാ​യി ക​ണ​ക്കാ​ക്കി മ​റ​ച്ചു​പി​ടി​ച്ചു​കൊ​ണ്ടാ​ണ് ന​മ്മു​ടെ ലോ​കം ച​ലി​ക്കു​ന്ന​ത്. ഇ​ങ്ങ​നെ ‘അ​ധി​കം’ ആ​യു​ള്ള​വ​യെ ഒ​ഴി​വാ​ക്കി​ക്കൊ​ണ്ടു​ള്ള പ്ര​ക​ട​ന​ങ്ങ​ളാ​ണ് പൊ​തു​വെ എ​ല്ലാ​വ​രും ഇ​ഷ്ട​പ്പെ​ടു​ന്ന​തും. ‘അ​ധി​ക’​ങ്ങ​ളെ മ​റ​ച്ചു​പി​ടി​ച്ചു​കൊ​ണ്ട്, അ​വ അ​വി​ടെ ഇ​ല്ലെ​ന്ന വി​ധ​മു​ള്ള നാ​ട്യ​ങ്ങ​ളെ​യാ​ണ് സ​മൂ​ഹം പ്രാ​യോ​ഗി​ക​ത എ​ന്ന് വി​ളി​ക്കു​ന്ന​ത്. നാം ​ഇ​ഷ്ട​പ്പെ​ടാ​ത്ത​വ​യെ​യും ന​മ്മു​ടെ ക്ര​മ​ങ്ങ​ളെ അ​ലോ​സ​ര​പ്പെ​ടു​ത്തു​ന്ന സാ​ന്നി​ധ്യ​ങ്ങ​ളെ​യും യാ​ഥാ​ർ​ഥ്യ​ങ്ങ​ളെ​യും 'അ​ധി​ക'​ങ്ങ​ളാ​യി നി​ർ​വ​ചി​ച്ചു മാ​റ്റി​നി​ർ​ത്തു​ക​യും മ​റ​ച്ചു​പി​ടി​ക്കു​ക​യും ചെ​യ്യു​മ്പോ​ൾ മാ​ത്ര​മാ​ണ് സാ​മൂ​ഹി​ക ക്ര​മം സാ​ധ്യ​മാ​കു​ന്ന​തെ​ന്നു നാം ​ക​രു​തു​ന്നു. എ​ന്നാ​ൽ, മ​റ​ച്ചു​പി​ടി​ച്ച​തു​കൊ​ണ്ടോ ശ്ര​ദ്ധ​തി​രി​ച്ച​തു​കൊ​ണ്ടോ ‘അ​ധി​കം’ എ​ന്ന് ക​രു​തു​ന്ന പ്ര​ശ്നം ഇ​ല്ലാ​തെ​യാ​കു​ന്നി​ല്ല, പ​രി​ഹ​രി​ക്ക​പ്പെ​ടു​ന്നി​ല്ല. ഒ​രു സാ​മൂ​ഹി​ക അ​ബോ​ധ​മാ​യി അ​ത് എ​പ്പോ​ഴും നി​ല​നി​ൽ​ക്കും. അ​വ​സ​രം ല​ഭി​ക്കു​മ്പോ​ഴെ​ല്ലാം അ​ത് സാ​ന്നി​ധ്യം അ​റി​യി​ക്കു​ക​യും വെ​ളി​പ്പെ​ടു​ക​യും ചെ​യ്യും. പ്ര​ശ്ന​ങ്ങ​ൾ എ​ന്ന് ക​രു​തു​ന്ന​വ​യെ അ​ഭി​മു​ഖീ​ക​രി​ച്ചു പ​രി​ഹ​രി​ക്കാ​തെ അ​വ​യെ അ​വ​ഗ​ണി​ക്കു​ന്ന​തി​ന്റെ അ​പ​ക​ടം സ​മൂ​ഹം ഇ​ങ്ങ​നെ അ​നു​ഭ​വി​ക്കും. ഈ ​ഗൗ​ര​വ​മേ​റി​യ യാ​ഥാ​ർ​ഥ്യ​ത്തി​ൽ​നി​ന്നു​മു​ള്ള ഗ​തി​മാ​റ്റ​ങ്ങ​ളും വ്യ​തി​ച​ല​ന​ങ്ങ​ളും മാ​ത്ര​മാ​യി ന​മ്മു​ടെ സാ​മൂ​ഹി​ക​ത​യും സാം​സ്കാ​രി​ക​ത​യും വി​ദ്യാ​ഭ്യാ​സ​വും എ​ല്ലാം അ​ധഃ​പ​തി​ച്ചി​രി​ക്കു​ന്നു. മ​റ​ഞ്ഞി​രി​ക്കു​ന്ന​താ​ണ് യാ​ഥാ​ർ​ഥ്യ​മെ​ന്നും അ​ത് ‘അ​ധി​കം’ അ​ല്ല മ​റി​ച്ച് ഉ​ണ്മ​യാ​ണെ​ന്നു​മു​ള്ള തി​രി​ച്ച​റി​വും പ്ര​വൃ​ത്തി​യും ഉ​ണ്ടാ​ക​ണം. ‘അ​ധി​ക’​ങ്ങ​ൾ എ​ന്ന് മു​ദ്ര​കു​ത്തി നാം ​ഒ​ഴി​പ്പി​ക്കു​വാ​നും ഒ​ളി​പ്പി​ക്കു​വാ​നും ശ്ര​മി​ക്കു​ന്ന​വ​യെ​ല്ലാം, അ​ൽ​പം നേ​ര​ത്തേ​ക്കു​പോ​ലും മ​ട​ങ്ങി​വ​ന്നാ​ൽ ഉ​ണ്ടാ​യേ​ക്കാ​വു​ന്ന പ്ര​ത്യാ​ഘാ​ത​ങ്ങ​ൾ വ​ലു​താ​ണ്. ‘അ​ധി​ക’​ങ്ങ​ളാ​യി നി​ർ​വ​ചി​ച്ച് ഒ​തു​ക്ക​പ്പെ​ടു​ന്ന​വ​യി​ലേ​ക്ക് മ​റ്റു പ​ല​തും​കൂ​ടെ കൂ​ട്ടം​കൂ​ടി ചേ​ർ​ന്നേ​ക്കാം എ​ന്ന അ​പ​ക​ട​സാ​ധ്യ​ത​യും ത​ള്ളി​ക്ക​ള​യാ​നാ​വി​ല്ല. ഇ​ത്ത​രം കൂ​ട്ടം​ചേ​ര​ലു​ക​ളെ ‘അ​ദൃ​ശ്യ​മാ​യ​വ​യു​ടെ പെ​രു​ക്ക സാ​ന്നി​ധ്യം’ (metonymies of presence) എ​ന്ന് ഹോമി കെ. ബാബയു​ടെ വാ​ക്കു​ക​ൾ ക​ട​മെ​ടു​ത്തു​കൊ​ണ്ടു വി​ശേ​ഷി​പ്പി​ക്കാം (The Location of Culture). മ​നഃ​പൂ​ർ​വ​മാ​യോ അ​ല്ലാ​തെ​യോ നാം ​ത​മ​സ്ക​രി​ക്കു​ന്ന​വ​യു​ടെ ഘ​നീ​ഭാ​വ​മാ​ണി​ത്. നാം ​അ​റി​യു​ന്നു എ​ന്ന് നാം ​തി​രി​ച്ച​റി​യാ​ത്ത അ​വ​സ്ഥ​യാ​ണി​ത് (unknown known) എ​ന്ന് സിസേക്ക് പ​റ​യും (Organs without Body). ന​മ്മു​ടെ അ​റി​വു​ക​ൾ സ്വ​യം തി​രി​ച്ച​റി​യാ​ത്ത പ്ര​ഹേ​ളി​ക. ല​ളി​ത​മാ​യി പ​റ​ഞ്ഞാ​ൽ അ​റി​വു​ക​ളെ കാ​ര്യ​മാ​യെ​ടു​ക്കു​വാ​ൻ തു​നി​യാ​തെ മു​ന്നോ​ട്ടു​പോ​കു​വാ​ൻ ശ്ര​മി​ക്കു​ന്ന​തി​ലെ അ​ബ​ദ്ധം. അ​റി​വു​ക​ളെ​ക്കു​റി​ച്ചു​ള്ള തി​രി​ച്ച​റി​വു​ക​ൾ ഇ​ല്ലാ​തെ​പോ​കു​ന്ന​ത് അ​പ​ക​ട​ക​ര​മാ​ണ്. ഇ​ത്ത​രം ഒ​രു അ​ബോ​ധ​ത്തെ​പ്പ​റ്റി സൂ​ച​ന​ക​ൾ ന​ൽ​കു​ന്ന സി​നി​മ​യാ​ണ് ‘ന​ൻ​പ​ക​ൽ നേ​ര​ത്ത് മ​യ​ക്കം’. അ​ബോ​ധ​ത്തി​ലെ അ​റി​വു​ക​ളാ​ണ് അ​തി​ന്റെ ഇ​തി​വൃ​ത്തം എ​ന്ന് പ​റ​യാം. അ​തേ​സ​മ​യം ബാ​ഹ്യ​മാ​യ ക​ഥാ​ത​ന്തു അ​വി​ടെ ഉ​ണ്ടു​താ​നും. വേ​ളാ​ങ്ക​ണ്ണി സ​ന്ദ​ർ​ശി​ച്ചു മ​ട​ങ്ങു​ന്ന ഒ​രു മ​ല​യാ​ളി കു​ടും​ബ​ത്തി​ന്റെ ബ​സ് യാ​ത്ര​ക്കി​ട​യി​ലെ അ​സാ​ധാ​ര​ണ സം​ഭ​വ​മാ​ണ് പ്ര​തി​പാ​ദ്യം. യാ​ത്ര​ക്കാ​ർ മ​യ​ക്ക​ത്തി​ലാ​ണ്. ബ​സ് ഒ​രു ചോ​ള​വ​യ​ലി​ന്റെ മ​ധ്യ​ത്തി​ലെ​ത്തു​മ്പോ​ൾ ജ​യിം​സ് വ​ണ്ടി നി​ർ​ത്താ​നാ​വ​ശ്യ​പ്പെ​ടു​ന്നു. ജ​യിം​സ് വ​യ​ൽ​വ​ര​മ്പി​ലൂ​ടെ ന​ട​ന്നു ന​ട​ന്ന് ഒ​രു ഗ്രാ​മ​ത്തി​ലെ വീ​ട്ടി​ലെ​ത്തി വേ​ഷം മാ​റി അ​വി​ട​ത്തെ അം​ഗ​ത്തെ​പ്പോ​ലെ പെ​രു​മാ​റു​ന്നു. ‘‘ഇ​തു യാ​ര്?’’ എ​ന്ന് അ​വ​രൊ​ക്കെ ആ​ശ്ച​ര്യ​പ്പെ​ടു​ന്നു​ണ്ട്. ജ​യിം​സാ​ക​ട്ടെ ആ ​വീ​ട്ടി​ലെ ന​ഷ്ട​പ്പെ​ട്ട മ​ക​നി​ലേ​ക്ക് (സു​ന്ദ​ര​ത്തി​ലേ​ക്ക്) പ്ര​വേ​ശി​ക്കു​ക​യാ​ണ്. ഒ​ന്നാം​ത​രം ത​മി​ഴ് സം​സാ​രി​ക്കു​ക​യും സു​ന്ദ​ര​ത്തി​ന്റെ ടൂ ​വീ​ല​ർ എ​ടു​ത്ത് ജോ​ലി​ക്കു പോ​വു​ക​യും ഒ​ക്കെ ചെ​യ്യു​ന്നു. വ​ള​രെ നേ​ര​മാ​യി​ട്ടും തി​രി​കെ എ​ത്താ​തി​രു​ന്ന ജ​യിം​സി​നെ തേ​ടി ഭാ​ര്യ​യും മ​ക​നു​മു​ൾ​പ്പെ​ട്ട സ​ഹ​യാ​ത്രി​ക​ർ അ​ന്വേ​ഷി​ച്ചു വ​രു​ന്നു​ണ്ട്. പ​ക്ഷേ ജ​യിം​സ് അ​വ​രെ തി​രി​ച്ച​റി​ഞ്ഞ​താ​യി​പ്പോ​ലും ഭാ​വി​ക്കു​ന്നി​ല്ല. എ​ന്നാ​ൽ, ഏ​താ​നും ദി​വ​സ​ങ്ങ​ൾ​ക്കു ശേ​ഷം മ​യ​ങ്ങി​യു​ണ​രു​ന്ന സു​ന്ദ​രം പ​ഴ​യ ജ​യിം​സാ​യി അ​വ​രോ​ടൊ​പ്പം മ​ട​ങ്ങു​ക​യും ചെ​യ്യു​ന്നു. ക​ഥ​യു​ടെ പ​രി​ണാ​മ​ത്തി​ലു​ള്ള കൗ​തു​ക​ത്തി​ലേ​ക്ക് ച​ല​ച്ചി​ത്ര​കാ​ര​ൻ പ്രേ​ക്ഷ​ക​ശ്ര​ദ്ധ ക്ഷ​ണി​ക്കു​ന്നി​ല്ല. അ​തേ​സ​മ​യം, ന​മ്മി​ൽ ഉ​ണ്ടെ​ന്നു നാം ​തി​രി​ച്ച​റി​യാ​തെ പോ​കു​ന്ന അ​റി​വു​ക​ൾ പ​ല​താ​ണെ​ന്നു സി​നി​മ പ​റ​ഞ്ഞു​വെ​ക്കു​ന്നു​ണ്ട്. ഇ​തൊ​രു ഫാ​ന്റ​സി മാ​ത്ര​മ​ല്ല, സാ​മൂ​ഹി​ക​ വി​മ​ർ​ശ​നംകൂ​ടി​യാ​ണെ​ന്ന് മ​ന​സ്സി​ലാ​ക്ക​ണം. അ​ദൃ​ശ്യ​മാ​യ​വ പെ​രു​കു​ന്ന ഇ​ട​മാ​ണ് ചി​ത്ര​ത്തി​ൽ മ​മ്മൂ​ട്ടി​യു​ടെ ക​ഥാ​പാ​ത്രം(​ങ്ങ​ൾ). ഒ​ന്നി​ന് പ​ക​രം മ​റ്റൊ​ന്ന് വ​രു​ന്ന​ത​ല്ല, മ​റി​ച്ചു ഒ​ന്നി​നോ​ടൊ​ന്ന്‌ ചേ​ർ​ന്ന് പെ​രു​കു​ന്ന കൂ​ട്ടം​ചേ​ര​ലാ​ണ് മെ​റ്റ​നി​മി. യ​ഥാ​ർ​ഥ​മാ​യ​ത് അ​വി​ടെ മ​റ​ഞ്ഞി​രി​ക്കും. അ​തു​കൊ​ണ്ടാ​ണ​തു മ​റ​ഞ്ഞി​രി​ക്കു​ന്ന​തി​ന്റെ സാ​ന്നി​ധ്യ​മാ​കു​ന്ന​ത്. ജെ​യിം​സും സു​ന്ദ​റും ഇ​ങ്ങ​നെ അ​സാ​ന്നി​ധ്യ​ങ്ങ​ളു​ടെ സാ​ന്നി​ധ്യ​മാ​യി​ത്തീ​രു​ന്നു. ജ​യിം​സി​ന്റെ തി​രി​ച്ച​റി​യാ​തെ​പോ​യ അ​റി​വാ​ണ് സു​ന്ദ​രം. അ​ഥ​വാ, ജ​യിം​സി​ന്റെ അ​ബോ​ധംത​ന്നെ​യാ​ണ് സു​ന്ദ​രം. ജ​യിം​സി​ന്റെ ഉ​ള്ളി​ലെ തി​രി​ച്ച​റി​യാ​തെ കി​ട​ന്ന അ​റി​വാ​ണ​ത്. അ​യാ​ളു​ടെ ആ​ധി​ക്യ​മാ​ണ് സു​ന്ദ​രം. അ​തു​കൊ​ണ്ടു​ത​ന്നെ അ​തി​നു സ്വീ​കാ​ര്യ​ത കു​റ​വാ​ണ്. ചി​ത്ര​ത്തി​ൽ സ്വീ​കാ​ര്യ​ത ആ​പേ​ക്ഷി​ക​മാ​ന​ത്തി​ലാ​ണ് പ്ര​ക​ട​മാ​യി​രി​ക്കു​ന്ന​ത്. സു​ന്ദ​ര​ത്തി​ന്റെ വീ​ട്ടു​കാ​രെ സം​ബ​ന്ധി​ച്ചി​ട​ത്തോ​ളം ജ​യിം​സി​ന്റെ സാ​ന്നി​ധ്യം അ​ഭാ​വ​ത്തി​ന്റെ പൂ​ര​ണ​മാ​ണ്. യ​ഥാ​ർ​ഥ സു​ന്ദ​ര​മ​ല്ല അ​തെ​ന്ന് അ​റി​ഞ്ഞു​കൊ​ണ്ടു​ത​ന്നെ അ​വ​ർ അ​യാ​ളെ ഉ​ൾ​ക്കൊ​ള്ളാ​ൻ ശ്ര​മി​ക്കു​ന്നു​ണ്ട്. സു​ന്ദ​ര​ത്തെ മ​ട​ക്കി ജ​യിം​സാ​ക്കി മാ​റ്റു​ന്ന​തി​നാ​ണ് സ​ഹ​യാ​ത്രി​ക​ർ ശ്ര​മി​ക്കു​ന്ന​ത്. നാം ​അം​ഗീ​ക​രി​ക്കാ​തെ പോ​കു​ന്ന അ​റി​വു​ക​ളു​ടെ മ​ട​ങ്ങി​വ​ര​വു​ക​ൾ സൃ​ഷ്ടി​ക്കു​ന്ന ദു​ര​ന്ത​ങ്ങ​ളാ​ണ് സി​നി​മ​യു​ടെ പ്ര​തി​പാ​ദ്യ വി​ഷ​യം. ഇ​വി​ടെ​യാ​ണ് സി​നി​മ​യു​ടെ സാ​മൂ​ഹി​ക പ്ര​സ​ക്തി മ​ന​സ്സി​ലാ​ക്കേ​ണ്ട​ത്.

ഭൂ​മി​യു​ടെ​യും വി​ഭ​വ​ങ്ങ​ളു​ടെ​യും ഉ​പ​യോ​ഗ​ത്തെ​ക്കു​റി​ച്ചു​ള്ള സൂ​ക്ഷ്മ​താ​വി​ചാ​ര​ങ്ങ​ൾ മു​മ്പു സൂ​ചി​പ്പി​ച്ച വി​ധ​ത്തി​ലു​ള്ള ഒ​രു​ത​രം ആ​ധി​ക്യ​മാ​ണ്. പ്ര​കൃ​തി​സം​ര​ക്ഷ​ണ​ത്തി​നു​ള്ള മു​റ​വി​ളി​ക​ളും സ​മ​ര​ങ്ങ​ളും അ​ങ്ങ​നെ ത​ന്നെ. ഇ​വ​യെ​ല്ലാം സാ​മൂ​ഹി​ക പു​രോ​ഗ​തി​ക്കും ജീ​വി​ത​നി​ല​വാ​ര​ത്തി​ന്റെ ഉ​യ​ർ​ച്ച​ക്കും പ്രാ​യോ​ഗി​ക ജീ​വി​ത​ത്തി​നും ത​ട​സ്സ​ങ്ങ​ളാ​ണെ​ന്നു വി​ചാ​രി​ക്കു​ന്ന​വ​ർ അ​നേ​ക​രു​ണ്ട്. സ്വീ​കാ​ര്യ​ത കു​റ​ഞ്ഞ ആ​ധി​ക്യ​ങ്ങ​ളാ​ണ​വ​യെ​ല്ലാം. എ​ന്നാ​ൽ, നാം ​അ​വ​ഗ​ണി​ക്കു​ക​യും അ​ധി​ക്ഷേ​പി​ക്കു​ക​യും ചെ​യ്ത സു​ര​ക്ഷാ​വി​ചാ​ര​ങ്ങ​ളും മു​റ​വി​ളി​ക​ളും സ​മ​ര​ങ്ങ​ളും മൂ​ല്യ​വി​ചാ​ര​ങ്ങ​ളു​മെ​ല്ലാം കേ​ര​ള​ത്തെ മു​ക്കി​ക്ക​ള​ഞ്ഞ പ്ര​ള​യ​ത്തി​ന്റെ സാ​ഹ​ച​ര്യ​ത്തി​ൽ കൂ​ട്ടം​ചേ​ർ​ന്ന് ചോ​ദ്യ​ശ​ര​ങ്ങ​ൾ ഉ​തി​ർ​ത്ത​ത് നാം ​മ​റ​ന്നു​പോ​ക​രു​ത്. നൈ​തി​ക-​ധാ​ർ​മി​ക ചി​ന്ത​ക​ളെ ആ​ധി​ക്യ​ങ്ങ​ളാ​യി ക​രു​തു​ന്ന ആ​പേ​ക്ഷി​ക​താ​വാ​ദ​ത്തി​ന്റെ പ്രാ​യോ​ഗി​ക​ത​ക്കാ​ണ് ഇ​ന്ന് വി​പ​ണ​ന​മൂ​ല്യം ഉ​ള്ള​ത്. ചി​ന്ത ഇ​വി​ടെ അ​പ്ര​സ​ക്ത​മാ​ണ്. ബോ​ധ്യ​ങ്ങ​ളും ബോ​ധ​വും ആ​ധി​ക്യ​ങ്ങ​ളാ​യി​ത്തീ​ർ​ന്നി​രി​ക്കു​ന്നു. അ​ബോ​ധ​ങ്ങ​ളി​ലേ​ക്കു നി​ഷ്‍കാ​സി​ത​മാ​കു​ന്ന അ​റി​വു​ക​ളാ​ണ​വ. എ​ന്നാ​ൽ, ഇ​ത്ത​ര​ത്തി​ൽ മ​റ​ഞ്ഞി​രി​ക്കു​ന്ന​താ​ണ് യാ​ഥാ​ർ​ഥ്യം എ​ന്ന തി​രി​ച്ച​റി​വു​ക​ളി​ലേ​ക്കു നാം ​എ​ത്തേ​ണ്ട​തു​ണ്ട് എ​ന്ന് സി​നി​മ ന​മ്മെ ഓ​ർ​മി​പ്പി​ക്കു​ന്നു. മ​റ​ഞ്ഞി​രു​ന്ന, അ​വ​ഗ​ണി​ക്ക​പ്പെ​ട്ട, തി​രി​ച്ച​റി​യാ​തി​രു​ന്ന അ​റി​വാ​യ സു​ന്ദ​രം മ​ട​ങ്ങി​വ​ന്നാ​ൽ സ​മൂ​ഹം എ​ങ്ങ​നെ പ്ര​തി​ക​രി​ക്കും എ​ന്ന​ത് ഒ​രു പ്ര​ശ്‍നം​ത​ന്നെ​യാ​ണ്. തി​രി​ച്ച​റി​യാ​ത്ത അ​റി​വു​ക​ളാ​ണ് ന​മ്മെ ബാ​ധി​ക്കു​ന്ന​വ എ​ന്ന് സി​നി​മ ഓ​ർ​മി​പ്പി​ക്കു​ന്നു. ഇ​ങ്ങ​നെ, വ​ക​വെ​ക്കാ​തെ, അ​വ​ഗ​ണി​ക്കു​ന്ന അ​റി​വു​ക​ൾ സ​മൂ​ഹ​ത്തി​ന് ഏ​ൽ​പിക്കു​ന്ന ആ​ഘാ​ത​ങ്ങ​ൾ വ​ലു​താ​ണ്. എ​ന്നാ​ൽ, സ​മൂ​ഹം ഇ​ന്നും ഇ​തു സം​ബ​ന്ധി​ച്ച് നി​രാ​സ​ത്തി​ലാ​ണ് (denial). അ​പ്രി​യ​മാ​യ​വ​യെ നി​ര​സി​ച്ച​തു​കൊ​ണ്ടു​മാ​ത്രം അ​വ ഇ​ല്ലാ​തെ​യാ​വു​ന്നി​ല്ല. ഫ്രോ​യി​ഡി​ന്റെ പ്ര​ശ​സ്ത​മാ​യ ‘കെ​റ്റി​ൽ യു​ക്തി’ (kettle logic) പോ​ലെ​യാ​ണ​ത്. ക​ടം വാ​ങ്ങി​യ ന​ല്ല പാ​ത്രം പൊ​ട്ട​ലു​ള്ള​താ​യി തി​രി​കെ ന​ൽ​കി​യ വ്യ​ക്തി​യെ അ​യാ​ളു​ടെ അ​യ​ൽ​ക്കാ​ര​ൻ ചോ​ദ്യം​ചെ​യ്യു​ക​യാ​ണ്. എ​ന്നാ​ൽ, അ​യാ​ൾ മൂ​ന്നു​ത​രം വാ​ദ​ങ്ങ​ൾ നി​ര​ത്തി ത​ന്നെ​ത്ത​ന്നെ ന്യാ​യീ​ക​രി​ക്കാ​ൻ ശ്ര​മി​ക്കു​ന്നു: 1) പാ​ത്രം പൊ​ട്ടാ​തെ​യാ​ണ് താ​ൻ തി​രി​കെ ന​ൽ​കി​യ​ത്. 2) ക​ടം വാ​ങ്ങു​മ്പോ​ഴേ പാ​ത്രം പൊ​ട്ടി​യി​രു​ന്നു. 3) താ​ൻ പാ​ത്രം ക​ടം വാ​ങ്ങി​യി​ട്ടേ​യി​ല്ല. ഇ​വി​ടെ ന്യാ​യീ​ക​ര​ണ​ങ്ങ​ൾ എ​ത്ര ബ​ല​മു​ള്ള​വ​യോ ഇ​ല്ലാ​ത്ത​വ​യോ ആ​യി​രു​ന്നാ​ലും പാ​ത്രം പൊ​ട്ടി​യി​ട്ടു​ണ്ടെ​ന്ന അ​വ​സ്ഥ​ക്ക് മാ​റ്റം വ​രു​ന്നി​ല്ല. പ​ക്ഷേ പ​ല​പ്പോ​ഴും വാ​ദ-​പ്ര​തി​വാ​ദ​ത്തി​ന്റെ ആ​ക​ർ​ഷ​ണീ​യ​ത​യി​ൽ യ​ഥാ​ർ​ഥ പ്ര​ശ്നം മ​റ​യ്ക്ക​പ്പെ​ടു​ന്നു. ചി​ന്തി​ക്കാ​തി​രി​ക്കു​ന്ന, ചി​ന്ത​ക​ൾ​ക്ക് വി​ധേ​യ​പ്പെ​ടാ​ത്ത അ​ത്ത​രം അ​ബോ​ധ ഇ​ട​ങ്ങ​ളാ​ണ് യ​ഥാ​ർ​ഥ​ത്തി​ൽ ഏ​റ്റ​വും പ്രാ​ധാ​ന്യ​മേ​റി​യ​വ. അ​ല​ക്ഷ്യ​മാ​ക്കു​ന്ന അ​റി​വു​ക​ളു​ടെ നി​രാ​സ​ത്തി​ൽ ജീ​വി​ക്കു​ന്ന സ​മൂ​ഹ​ത്തി​ന്റെ പ്ര​തി​നി​ധാ​ന​ങ്ങ​ൾ സി​നി​മ​യി​ൽ അ​നേ​ക​മു​ണ്ട്. സു​ന്ദ​രം എ​ങ്ങ​നെ വ​ന്നു എ​ന്ന​തി​നു​ള്ള അ​തി​വി​ശി​ഷ്ട​ങ്ങ​ളാ​യ അ​നേ​കം വ്യാ​ഖ്യാ​ന​ങ്ങ​ളും വി​ശ​ദീ​ക​ര​ണ​ങ്ങ​ളും സാ​ധ്യ​മാ​കു​മ്പോ​ഴും പ്ര​ധാ​ന പ്ര​ശ്നം അ​ത​ല്ലെ​ന്നു നാം ​മ​ന​സ്സി​ലാ​ക്ക​ണം. സു​ന്ദ​രം മ​ട​ങ്ങി വ​ന്നു എ​ന്ന​താ​ണ് യ​ഥാ​ർ​ഥ പ്ര​ശ്നം. ഇ​ത്ത​രം ചി​ല മ​ട​ങ്ങി​വ​ര​വു​ക​ൾ സാ​ധ്യ​മാ​ണ്. അ​ങ്ങ​നെ​യു​ള്ള അ​ബോ​ധ അ​റി​വു​ക​ളു​ടെ മ​ട​ങ്ങി​വ​ര​വു​ക​ളെ ന​മ്മു​ടെ സ​മൂ​ഹം എ​ങ്ങ​നെ കൈ​കാ​ര്യം ചെ​യ്യും എ​ന്ന​താ​ണ് സി​നി​മ​യു​ടെ ചോ​ദ്യം. സു​ന്ദ​ര​ത്തി​ന്റെ​യും ജ​യിം​സി​ന്റെ​യും കു​ടും​ബ​ത്തി​ന്റെ​യും നാ​ട്ടു​കാ​രു​ടെ​യും പ്ര​ശ്ന​ങ്ങ​ൾ നാം ​ജീ​വി​ക്കു​ന്ന കാ​ല​ഘ​ട്ട​ത്തി​ന്റെ ​കൂ​ടി പ്ര​ശ്ന​മാ​ണെ​ന്ന​താ​ണ് സി​നി​മ​യു​ടെ ബോ​ധ്യ​ത​ലം. എ​ന്നാ​ൽ, ബോ​ധ​പൂ​ർ​വ​മാ​യ അ​ജ്ഞ​ത അ​വ​യെ വെ​ളി​പ്പെ​ടാ​നോ ച​ർ​ച്ച ചെ​യ്യാ​നോ അ​നു​വ​ദി​ക്കു​ക​യി​ല്ല. ആ​ഭി​ജാ​ത്യം പ്ര​ശ്ന​വ​ത്ക​രി​ക്ക​പ്പെ​ടു​ന്ന സാ​ഹ​ച​ര്യ​ങ്ങ​ളി​ലെ​ല്ലാം പൂ​ർ​വ​ധാ​ര​ണ​ക​ളു​ടെ സം​ര​ക്ഷ​ണ​ത്തി​നാ​ണ് പ്ര​ശ്ന​പ​രി​ഹാ​ര​ത്തേ​ക്കാ​ൾ ഊ​ന്ന​ൽ ല​ഭി​ക്കു​ന്ന​ത്. യ​ഥാ​ർ​ഥ പ്ര​ശ്നം അ​പ​രി​ഹാ​ര്യ​മാ​യി തു​ട​രു​ക​യും ചെ​യ്യും. സി​നി​മ​യി​ലെ നാ​ട്ടു​കാ​രും തീ​ർ​ഥാ​ട​ക​രു​മെ​ല്ലാം ന​മ്മു​ടെ സ​മൂ​ഹ​ത്തി​ന്റെ പ​രി​ച്ഛേ​ദം ത​ന്നെ​യാ​ണ്.

മ​യ​ക്ക​ത്തി​ന്റെ പ്ര​ത്യ​യ​ശാ​സ്ത്രം

മ​യ​ക്കം ഒ​രു പ്ര​ത്യ​യ​ശാ​സ്ത്ര​മാ​ണ്. ഒ​രു ക​പ​ട​ബോ​ധം (false consciousness) എ​ന്ന് പ്ര​ത്യ​യ​ശാ​സ്ത്ര​ത്തെ നി​ർ​വ​ചി​ക്കു​ന്ന ധാ​ര​ണ​ക​ളി​ൽ, പ്ര​ബ​ല​മാ​യ അ​ധി​കാ​ര ഘ​ട​ന​ക​ളെ ന്യാ​യീ​ക​രി​ക്കു​ന്ന വ്യ​വ​ഹാ​ര​ങ്ങ​ളാ​ണ് അ​വ എ​ന്ന നി​ർ​വ​ച​ന​മു​ണ്ട്‌. യാ​ഥാ​ർ​ഥ്യ​ത്തെ മ​റ​യ്ക്കു​ന്ന വ്യ​വ​ഹാ​ര​മാ​ണ് അ​വി​ടെ പ്ര​ത്യ​യ​ശാ​സ്ത്രം. ഇ​ങ്ങ​നെ​യാ​ണ് മ​യ​ക്കം ഒ​രു പ്ര​ത്യ​യ​ശാ​സ്ത്രം ആ​യി​ത്തീ​രു​ന്ന​ത്. ബോ​ധം മ​റ​യു​ന്ന അ​വ​സ്ഥ മ​യ​ക്ക​ത്തി​ലു​ണ്ട്. അ​വി​ടെ അ​ബോ​ധം പ്ര​വ​ർ​ത്തി​ക്കു​ന്നു​ണ്ട് എ​ന്നും ഓ​ർ​ക്ക​ണം. സു​ന്ദ​രം ജ​യിം​സി​ന്റെ അ​ബോ​ധ​മാ​ണെ​ന്നു മു​മ്പ് സൂ​ചി​പ്പി​ച്ച​ല്ലോ. ജ​യിം​സി​ന്റെ ബോ​ധം മ​റ​യ്ക്കു​ന്ന മ​യ​ക്കം എ​ന്ന പ്ര​ത്യ​യ​ശാ​സ്ത്രം സു​ന്ദ​രം എ​ന്ന അ​ബോ​ധ​ത്തെ ഉ​ണ​ർ​ത്തു​ന്നു​വെ​ന്നു മാ​ത്ര​മ​ല്ല, അ​ത് ബോ​ധാ​ബോ​ധ​ങ്ങ​ളി​ലൂ​ന്നി​യ വ്യ​ക്തി​നി​ർ​ണ​യ​ങ്ങ​ളെ​ക്കൂ​ടി ഇ​ല്ലാ​തെ​യാ​ക്കു​ന്നു. ജ​യിം​സി​ന്റെ​യും സു​ന്ദ​ര​ത്തി​ന്റെ​യും വ്യ​ക്തി​നി​ർ​ണ​യ​ങ്ങ​ൾ സാ​ധ്യ​മാ​കു​ന്ന​ത് അ​വ​ര​വ​രു​ടെ ചി​ന്ത​ക​ളി​ലൂ​ടെ​യ​ല്ല, മ​റി​ച്ച് സാ​മൂ​ഹി​ക-​സാം​സ്കാ​രി​ക അം​ഗീ​കാ​ര​ങ്ങ​ളി​ലൂ​ടെ​യാ​ണെ​ന്നു വ​രു​ന്നു. ഇ​രു​കൂ​ട്ട​രു​ടെ​യും സ​മൂ​ഹ​ങ്ങ​ളി​ൽ​നി​ന്നും ഉ​ണ്ടാ​കു​ന്ന പ്ര​തി​ക​ര​ണ​ങ്ങ​ളി​ൽ​നി​ന്നും ഇ​ത് വ്യ​ക്ത​മാ​ണ്. സ്വ​യം നി​ർ​ണ​യ​ശേ​ഷി ന​ഷ്ട​മാ​കു​ന്ന മ​നു​ഷ്യ​നെ​യാ​ണ് സി​നി​മ ചി​ത്രീ​ക​രി​ക്കു​ന്ന​ത്. ‘‘ഞാ​ൻ ചി​ന്തി​ക്കു​ന്ന​തി​നാ​ൽ ഞാ​ൻ ആ​കു​ന്നു’’ എ​ന്ന വ്യ​ക്തി​ബോ​ധ സ​മ​വാ​ക്യം ഞാ​ൻ ചി​ന്തി​ക്കാ​ത്തി​ട​ത്തു ഞാ​നാ​കു​ന്നു എ​ന്ന​തി​ലേ​ക്ക് വ​ഴി​മാ​റു​ന്ന​താ​യി സി​നി​മ​യി​ൽ കാ​ണാം. മ​ന​സ്സി​ന്റെ വ്യ​വ​ഹാ​ര​ങ്ങ​ളാ​യ ചി​ന്ത​യും ബോ​ധ​വും അ​ബോ​ധ​വു​മെ​ല്ലാം കൈ​വി​ട​പ്പെ​ടു​ന്നു. ജ​യിം​സി​നെ​യും സു​ന്ദ​ര​ത്തി​നെ​യും നി​ർ​വ​ചി​ക്കു​ന്ന​ത് ചു​റ്റു​മു​ള്ള​വ​രാ​ണ്. കാ​ണാ​താ​യ (മ​റ​ഞ്ഞി​രി​ക്കു​ന്ന) സു​ന്ദ​രം ഒ​രു ബോ​ധ​വും ബോ​ധ്യ​വു​മാ​യി മ​ട​ങ്ങി​യെ​ത്തു​മ്പോ​ൾ, വെ​ളി​പ്പെ​ടു​മ്പോ​ൾ കു​ടും​ബം അ​യാ​ളെ സം​ശ​യ​ത്തോ​ടെ കാ​ണു​ന്നു. അ​യാ​ൾ അ​വ​ർ​ക്ക് പൂ​ർ​ണ​മാ​യി സ്വീ​കാ​ര്യ​നാ​കു​ന്നി​ല്ല. ശ​രീ​ര​വ്യ​തി​യാ​ന​മാ​ണ് കാ​ര​ണം. തെ​ളി​വാ​യ സു​ന്ദ​ര​ത്തി​ന്റെ ബോ​ധ​ത്തേ​ക്കാ​ൾ അ​യാ​ളു​ടെ മ​റ​ഞ്ഞി​രി​ക്കു​ന്ന ശ​രീ​ര​ത്തെ​യാ​ണ് അ​വ​ർ ആ​ഗ്ര​ഹി​ക്കു​ന്ന​തെ​ന്ന് തോ​ന്നും. ജ​യിം​സി​നെ സം​ബ​ന്ധി​ച്ചും അ​യാ​ളു​ടെ ശ​രീ​ര​ത്തി​ലാ​ണ് കു​ടും​ബ​ത്തി​ന്റെ താ​ൽ​പ​ര്യം എ​ന്ന് മ​ന​സ്സി​ലാ​ക്ക​ണം. സു​ന്ദ​രം ജ​യിം​സി​ന്റെ ദ്വ​ന്ദ്വം (double) ആ​ണെ​ന്ന് ഇ​വി​ടെ പ​റ​യേ​ണ്ടി​യി​രി​ക്കു​ന്നു. അ​ബോ​ധ സ്വ​ത്വ​ത്തി​ന്റെ പ്ര​ക്ഷേ​പ​ണ​മാ​ണ് ദ്വ​ന്ദ്വം എ​ന്ന് റാൾഫ് ടിം (Ralph Tymm) നി​രീ​ക്ഷി​ക്കു​ന്നു​ണ്ട് (Doubles in Literary Psychology). ബോ​ധം സു​ന്ദ​ര​ത്തി​ന്റേ​താ​ണെ​ങ്കി​ലും ജ​യിം​സി​ന് എ​ന്തോ സം​ഭ​വി​ച്ചു എ​ന്നാ​ണ് ആ​ളു​ക​ൾ ചി​ന്തി​ക്കു​ന്ന​ത്. അ​താ​യ​ത്, സു​ന്ദ​ര​ത്തി​ന്റെ ബോ​ധ​ത്തെ (ജ​യിം​സി​ന്റെ അ​ബോ​ധം) അ​വ​ർ അ​വ​ഗ​ണി​ക്കു​ക​യാ​ണ്. ജ​യിം​സി​ന്റെ ശ​രീ​രം ഉ​ള്ള​തി​നാ​ൽ അ​ത് അ​വ​ർ​ക്ക് ജ​യിം​സ് ത​ന്നെ​യാ​ണ്. അ​യാ​ൾ​ക്ക് എ​ന്തോ വി​ഭ്ര​മം വ​ന്നി​ട്ടു​ണ്ടെ​ന്ന് മാ​ത്രം അ​വ​ർ സ​മ്മ​തി​ക്കു​ന്നു. ഈ ​ര​ണ്ടു കു​ടും​ബ​ങ്ങ​ളി​ലും ഒ​രു​വി​ധ​ത്തി​ൽ ബോ​ധം/​ബോ​ധ്യം അ​വ​ഗ​ണി​ക്ക​പ്പെ​ടു​ന്നു. ചി​ന്ത​യ​ല്ല, ശ​രീ​ര​മാ​ണ് അ​വി​ടെ പ്ര​ധാ​നം. ക​ർ​തൃ​ത്വം മ​ന​സ്സി​ന​ല്ല, ശ​രീ​ര​ത്തി​നാ​ണ് ക​ൽ​പി​ക്ക​പ്പെ​ടു​ന്ന​തെ​ന്നു കാ​ണാം. ശ​രീ​രം ക​ർ​തൃ​ത്വ സ്ഥാ​ന​ത്തേ​ക്ക് ഉ​യ​രു​ക​യും ക​ർ​തൃ​ത്വ​ബോ​ധം മ​റ​യ്ക്ക​പ്പെ​ടു​ക​യും ചെ​യ്യു​ന്നു. സി​നി​മ വ്യ​ക്തി​ബോ​ധ​ത്തെ പ്ര​ശ്ന​വ​ത്ക​രി​ക്കു​മ്പോ​ൾ​ത​ന്നെ സ്വ​ത്വ​ബോ​ധ​ത്തെ നി​ഷ്പ്ര​ഭ​മാ​ക്കു​ന്ന സാ​മൂ​ഹി​ക-​രാ​ഷ്ട്രീ​യ ഘ​ട​ന​ക​ൾ​ക്കു നേ​രെ വി​മ​ർ​ശ​ന​വും ഉ​യ​ർ​ത്തു​ന്നു. ഒ​രു വ്യ​ക്തി അ​യാ​ളു​ടെ ബോ​ധ​മാ​ണോ ശ​രീ​ര​മാ​ണോ എ​ന്ന ചോ​ദ്യ​മാ​ണ് സി​നി​മ ചോ​ദി​ക്കു​ന്ന​ത്. തോമസ് മാൻന്റെ (Thomas Mann) ‘ദി ട്രാൻസ്പോസ്ഡ് ഹെഡ്സിനും (The Transposed Heads) ഗി​രീ​ഷ് ക​ർ​ണാ​ടി​ന്റെ ‘ഹ​യ​വ​ദ​ന​’ക്കും ആ​ധാ​ര​മാ​യി​രി​ക്കു​ന്ന​തും ഇ​തേ ചോ​ദ്യം​ത​ന്നെ​യാ​ണ്. കെ​ട്ടു​പി​ണ​ഞ്ഞ സ്വ​ത്വ​ബോ​ധ സ​ങ്കീ​ർ​ണ​ത​ക​ളെ​ക്കു​റി​ച്ചു സി​നി​മ ചി​ന്തി​ക്കു​ന്ന​ത് വേ​ളാ​ങ്ക​ണ്ണി തീ​ർ​ഥ​യാ​ത്ര​യു​ടെ പ​ശ്ചാ​ത്ത​ല​ത്തി​ലാ​ണെ​ന്നു​ള്ള​ത് ശ്ര​ദ്ധേ​യ​മാ​ണ്. മാ​താ​വി​ന്റെ പ​ലത​ര​ത്തി​ലു​ള്ള പ്ര​തി​മ​ക​ൾ വി​ൽ​പ​ന​ക്കു നി​ര​ത്തി​യി​രി​ക്കു​ന്ന​ത് സി​നി​മ​യു​ടെ തു​ട​ക്ക​ത്തി​ൽ കാ​ണാം. ഒ​രേ ബോ​ധ​ത്തി​ന്റെ പ​ല പ്ര​ത്യ​ക്ഷ​പ്പെ​ട​ലു​ക​ളി​ൽ ഒ​ന്നാ​ണ് വേ​ളാ​ങ്ക​ണ്ണി​യി​ലേ​ത്. വ​ന്ദി​ക്ക​പ്പെ​ടു​ന്ന വ്യ​ക്തി​യു​ടെ രൂ​പ​ങ്ങ​ൾ മാ​റു​മ്പോ​ഴും ബോ​ധ​ത്തെ അം​ഗീ​ക​രി​ക്കു​ന്ന ഭ​ക്ത​ർ​ക്ക്, അ​തേ രീ​തി​യി​ൽ ഒ​രു മ​നു​ഷ്യ​ന്റെ ബോ​ധാ​ബോ​ധ​ങ്ങ​ളെ അം​ഗീ​ക​രി​ക്കു​വാ​ൻ സാ​ധി​ക്കു​ന്നി​ല്ല. ഒ​രു നാ​ട​ക​ത്തി​ന്റെ പ​ശ്ചാ​ത്ത​ല​വും സി​നി​മ​യി​ലു​ണ്ട്. അ​വി​ടെ​യും പ​ല ക​ഥാ​പാ​ത്ര​ങ്ങ​ൾ​ക്ക് പി​ന്നി​ൽ ഒ​രു ബോ​ധം ത​ന്നെ​യാ​ണെ​ന്നോ​ർ​ക്ക​ണം. മ​ഹാ​പ്ര​സ്ഥാ​ന​ത്തെ ഓ​ർ​മി​പ്പി​ക്കും​വി​ധം ഒ​രു നാ​യു​ടെ സാ​ന്നി​ധ്യ​വും സി​നി​മ​യി​ലു​ണ്ട്. ധ​ർ​മ​ബോ​ധ​ത്തെ പ്ര​തി​നി​ധാ​നം​ചെ​യ്യു​ന്ന, മ​ഹാ​പ്ര​സ്ഥാ​ന​ത്തി​ലെ നാ​യ് ത​ന്നെ​യാ​വും സി​നി​മ​യി​ലും എ​ന്ന് ചി​ല പ്രേ​ക്ഷ​ക​രെ​ങ്കി​ലും ക​രു​താ​നി​ട​യു​ണ്ട്. അ​ങ്ങ​നെ നോ​ക്കു​മ്പോ​ൾ ബോ​ധാ​ബോ​ധ​ങ്ങ​ളു​ടെ പ്രാ​ധാ​ന്യം വീ​ണ്ടും അ​നു​സ്മ​രി​ക്ക​പ്പെ​ടു​ക​യാ​ണ്. സു​ന്ദ​രം വീ​ണ്ടും ജ​യിം​സാ​യി മ​ട​ങ്ങു​മ്പോ​ൾ ബ​സി​നു പി​ന്നാ​ലെ ഓ​ടു​ന്ന നാ​യെ വ​ള​ർ​ത്തു​നാ​യു​ടെ സ്നേ​ഹ​പ്ര​ക​ട​ന​മാ​യി കാ​ണു​ന്ന​തി​നും ഒ​രു ത​ട​സ്സ​വു​മി​ല്ല. മ​നു​ഷ്യ​നോ​ടൊ​പ്പം അ​തി​പ്രാ​ചീ​ന കാ​ല​ത്തു​ത​ന്നെ ച​ങ്ങാ​ത്തം​കൂ​ടി​യ വ​ന്യ​മൃ​ഗം എ​ന്ന നി​ല​യി​ൽ നാ​യു​ടെ സാ​ന്നി​ധ്യ​ത്തി​ന് ആ​ദി​മ​ഭാ​വ​ന​യു​മാ​യി ബ​ന്ധ​പ്പെ​ട്ട മ​റ്റൊ​രു പ്ര​തീ​ക​ത​ല​വു​മു​ണ്ട്. മ​ല​യാ​ള​ത്തി​ന്റെ പ്രാ​ക്ത​ന​ഘ​ട്ടം ത​മി​ഴി​നോ​ട് കൂ​ടു​ത​ൽ അ​ടു​പ്പ​മു​ള്ള​താ​ണ്. മൂ​ല​ദ്രാ​വി​ഡ കു​ടും​ബ​ത്തി​ൽ​നി​ന്നും അ​വ​സാ​ന​മാ​ണ് മ​ല​യാ​ളം പി​രി​ഞ്ഞ​ത്. ഭാ​ഷ​യു​മാ​യി ബ​ന്ധ​പ്പെ​ട്ട ഈ ​ആ​നു​വം​ശി​ക​ബോ​ധ്യ​ത്തി​ന്റെ അ​ടി​സ്ഥാ​ന​ത്തി​ലും ആ ​രം​ഗം വി​ശ​ക​ല​നം ചെ​യ്യാ​വു​ന്ന​താ​ണ്. ദേ​ശ​സ്വ​ത്വ​വും ഭാ​ഷാ​സ്വ​ത്വ​വും പ​രി​ഗ​ണി​ക്കാ​തെ സു​ന്ദ​ര​ത്തി​ലേ​ക്കു​ള്ള ജ​യിം​സി​ന്റെ പ​രി​വൃ​ത്തി​യെ പൂ​ർ​ണ​മാ​യി മ​ന​സ്സി​ലാ​ക്കാ​നാ​വി​ല്ല.

‘അ​ധി​ക​ങ്ങ​ൾ’, ‘ആ​ധി​ക്യ​ങ്ങ​ൾ’ എ​ന്നി​ങ്ങ​നെ സ​മൂ​ഹം നി​ർ​ണ​യി​ച്ചി​ട്ടു​ള്ള ഘ​ട​ക​ങ്ങ​ളു​ടെ മ​ട​ങ്ങി​വ​ര​വി​ന്റെ സാ​ധ്യ​ത​ക​ളെ​യും അ​ന​ന്ത​ര ഫ​ല​ത്തെ​യും മ​ത-​സാം​സ്കാ​രി​ക പ​ശ്ചാ​ത്ത​ല​ത്തി​ൽ ദാ​ർ​ശ​നി​ക​മാ​യി പ്ര​ശ്ന​വ​ത്ക​രി​ക്കു​ന്നു​ണ്ട് ‘ന​ൻ​പ​ക​ൽ നേ​ര​ത്ത് മ​യ​ക്കം’. മ​യ​ക്ക​ത്തി​ന് ഒ​രു രാ​ഷ്ട്രീ​യ​മു​ണ്ട്. മ​റ​യ്ക്കു​വാ​നും ഉ​ണ​ർ​ത്തു​വാ​നും സാ​ധി​ക്കു​ന്ന​താ​ണ​ത്. ഇ​ത്ത​ര​ത്തി​ലു​ള്ള സാ​മൂ​ഹി​ക​ഭാ​ഷ്യം സി​നി​മ​ക്കു​ണ്ട്. ഒ​രു മ​യ​ക്ക​ത്തി​നൊ​ടു​വി​ൽ സു​ന്ദ​ര​വും ജ​യിം​സും ഉ​ണ​രു​ന്ന കാ​ഴ്ച മ​ല​യാ​ളി​യു​ടെ മ​റ​ഞ്ഞി​രി​ക്കു​ന്ന പ​ല സാ​മൂ​ഹി​ക-​സാം​സ്കാ​രി​ക-​രാ​ഷ്ട്രീ​യ മ​യ​ക്ക​ങ്ങ​ളി​ലേ​ക്കു വി​ര​ൽ ചൂ​ണ്ടു​ന്നു. ആ ​മ​യ​ക്ക​ങ്ങ​ളി​ൽ സൗ​ക​ര്യ​പൂ​ർ​വം മ​റ​ച്ചു​വെ​ക്കാ​ൻ ശ്ര​മി​ച്ച പ​ല സാ​മൂ​ഹി​ക-​സാം​സ്കാ​രി​ക-​പ്ര​കൃ​തി-​വി​ശ്വാ​സ വി​രു​ദ്ധ​ത​ക​ൾ ന​മ്മു​ടെ വാ​ർ​ത്ത​ക​ളി​ൽ നി​റ​ഞ്ഞു​നി​ൽ​ക്കു​ന്ന നാ​ളു​ക​ളാ​ണി​ത്. ന​മ്മു​ടെ മ​യ​ക്ക​ങ്ങ​ൾ ഉ​ണ​ർ​ത്തി​വി​ടു​ന്ന​ത് എ​ന്തി​നെ​യെ​ല്ലാ​മാ​ണെ​ന്നു നാം ​ചി​ന്തി​ക്കേ​ണ്ടി​യി​രി​ക്കു​ന്നു. സു​ന്ദ​ര​മാ​യി​ത്തീ​ർ​ന്ന ജ​യിം​സ് മ​റ്റൊ​രു മ​യ​ക്ക​ത്തി​ലൂ​ടെ ജ​യിം​സാ​യി പ​രി​വ​ർ​ത്തി​ച്ച അ​ത്ര എ​ളു​പ്പ​ത്തി​ൽ ന​മ്മു​ടെ മ​യ​ക്ക​ങ്ങ​ൾ സ​മൂ​ഹ​ത്തി​ൽ ഉ​ണ​ർ​ത്തി​വി​ടു​ന്ന​വ​യെ എ​ല്ലാം തി​രി​ച്ചു പി​ടി​ക്കു​വാ​ൻ സാ​ധ്യ​മാ​യേ​ക്കി​ല്ല. തൊ​ഴി​ലു​മാ​യി ബ​ന്ധ​പ്പെ​ട്ട ദു​ര​ഭി​മാ​ന​ങ്ങ​ൾ വ​രെ അ​വി​ടെ നി​യാ​മ​ക​മാ​ണ്. പാ​ൽ വി​ൽ​പ​ന​ക്കാ​ര​നാ​വാ​നും താ​ഴ്ത്ത​പ്പെ​ട്ട​വ​രു​ടെ കൂ​ട്ട​ങ്ങ​ളി​ൽ ഇ​ട​പ​ഴ​കാ​നും വെ​ള്ള​മു​ണ്ട് ധ​രി​ക്കു​ന്ന മ​ല​യാ​ളി ജ​യിം​സി​നു ബു​ദ്ധി​മു​ട്ടാ​ണെ​ങ്കി​ൽ ക​ള്ളി​മു​ണ്ടു​ടു​ക്കു​ന്ന സു​ന്ദ​ര​ത്തി​ന് അ​ത് അ​നാ​യാ​സം ക​ഴി​യും. ഇ​ത് സി​നി​മ മു​ന്നോ​ട്ടുവെ​ക്കു​ന്ന പ്ര​ധാ​ന പ്ര​ശ്ന​പ​രി​സ​ര​മാ​ണ്. ‘ചു​രു​ളി​’യി​ലെ ത​ടി​പ്പാ​ല​ത്തി​ന്റെ സ്ഥാ​ന​മാ​ണ് സു​ന്ദ​ര​ത്തി​ന്റെ വ​സ്ത്ര​ത്തി​ന് ഈ ​സി​നി​മ​യി​ലു​ള്ള​ത്. ‘ചു​രു​ളി​’യി​ൽ ത​ടി​പ്പാ​ലം ക​ട​ക്കു​ന്ന​തോ​ടെ​യാ​ണ് ജൈ​വ​പ്ര​കൃ​തി പു​റ​ത്തു​വ​രു​ന്ന​ത്. ‘ന​ൻ​പ​ക​ൽ നേ​ര​ത്ത് മ​യ​ക്ക’​ത്തി​ൽ ക​ള്ളി​മു​ണ്ടു​ടു​ക്കു​മ്പോ​ഴാ​ണ് ജ​യിം​സി​ന്റെ സ്വ​ത്വ​പ​രി​വൃ​ത്തി ആ​രം​ഭി​ക്കു​ന്ന​ത്.

മ​യ​ക്കം: ഭാ​ഷ, വം​ശീ​യ​ത

ഭാ​ഷ​യും വം​ശീ​യ​ത​യു​മൊ​ക്കെ ച​രി​ത്രാ​ഖ്യാ​ന​മാ​കു​മ്പോ​ൾ അ​ത് അ​ക്കാ​ദ​മി​ക് വ്യ​വ​ഹാ​ര​മാ​യി ഒ​തു​ങ്ങി​പ്പോ​കാ​റു​ണ്ട്. എ​ന്നാ​ൽ ച​ല​ച്ചി​ത്രാ​ഖ്യാ​ന​മാ​കു​മ്പോ​ൾ അ​ത് അ​റി​വി​നെ കൂ​ടു​ത​ൽ ജ​ന​കീ​യ​മാ​ക്കു​ന്നു. ‘ന​ൻ​പ​ക​ൽ നേ​ര​ത്ത് മ​യ​ക്ക’​ത്തി​ൽ മ​യ​ക്കം അ​ത്ത​ര​ത്തി​ലു​ള്ള ഇ​ട​പെ​ട​ലാ​ണ് നി​ർ​വ​ഹി​ക്കു​ന്ന​ത്. മു​ഖ്യ​ക​ഥാ​പാ​ത്ര​മാ​യ ജ​യിം​സി​ന്റെ മ​യ​ക്ക​വും ഉ​ണ​ർ​ച്ച​യു​മെ​ല്ലാം പ്രാ​തി​നി​ധ്യ​സ്വ​രൂ​പ​ത്തി​ൽ ഉ​ൾ​ക്കൊ​ള്ളാ​ൻ പ്രേ​ക്ഷ​ക​നെ പ്രേ​രി​പ്പി​ക്കു​ന്ന ത​ര​ത്തി​ൽ ദേ​ശ​സ്വ​ത്വ​പ​ര​മാ​യ ദൃ​ശ്യ​സൂ​ച​ന​ക​ൾ സി​നി​മ​യി​ൽ സ​മൃ​ദ്ധ​മാ​യു​ണ്ട്. സി​നി​മ​യു​ടെ പ്രാ​രം​ഭ​ത്തി​ൽ മ​ല​യാ​ള​ത്തെ​യും ത​മി​ഴി​നെ​യും ച​രി​ത്ര​പ​ര​മാ​യി പ​രി​ച​യ​പ്പെ​ടു​ത്തു​ന്ന വ​രി​ക​ൾ സ്ക്രീ​നി​ൽ കാ​ണാം. പ്രേ​ക്ഷ​ക​നു​മാ​യു​ള്ള ച​ല​ച്ചി​ത്ര​കാ​ര​ന്റെ സം​വാ​ദം തു​ട​ങ്ങു​ക​യാ​ണ​വി​ടെ. കേ​ര​ള​ത്തി​ലെ ഭാ​ഷ മ​ല​യാ​ള​വും ത​മി​ഴ്നാ​ട്ടി​ലേ​ത് ത​മി​ഴും ആ​ണെ​ന്ന് പ​ര​സ്യ​പ്പെ​ടു​ത്തു​ന്ന​തി​ലെ ഔ​ചി​ത്യം സാം​സ്കാ​രി​ക സ്വ​ത്വ​വു​മാ​യി ബ​ന്ധ​പ്പെ​ട്ട​താ​ണ്. അ​ല്ലാ​തെ വി​വ​ര​പ്ര​സ്താ​വ​ന​യു​ടെ നി​ല അ​തി​നി​ല്ല.

ഔവര്‍ ലേഡി ഓഫ്‌ ഹെല്‍ത്ത്‌ ബസലിക്ക, വേളാങ്കണ്ണി

ക​ഥ​യു​ടെ തു​ട​ക്ക​ത്തി​ൽ ത​മി​ഴ് പേ​ശു​ക​ളാ​ൽ മു​ഖ​രി​ത​മാ​യ വേ​ളാ​ങ്ക​ണ്ണി​യാ​ണ് അ​വ​ത​രി​പ്പി​ക്ക​പ്പെ​ടു​ന്ന​ത്. ഏ​താ​നും ഷോ​ട്ടു​ക​ൾ​കൊ​ണ്ടു​ത​ന്നെ ദേ​ശ​ത്ത​നി​മ​യു​ടെ ദൃ​ശ്യാ​വി​ഷ്കാ​രം നി​ർ​വ​ഹി​ക്ക​പ്പെ​ടു​ന്നു​ണ്ട്. ഉ​റ​ങ്ങു​ന്ന​വ​രെ വി​ളി​ച്ചു​ണ​ർ​ത്തു​ന്ന രം​ഗ​വും അ​തോ​ടൊ​പ്പം ശ്ര​ദ്ധേ​യ​മാ​കു​ന്നു. മൂ​വാ​റ്റു​പു​ഴ​ക്കാ​രാ​ണ് വേ​ളാ​ങ്ക​ണ്ണി കാ​ണാ​നെ​ത്തി​യ മ​ല​യാ​ളി​ക്കൂ​ട്ട​മെ​ന്ന് ഒ​റ്റ ഡ​യ​ലോ​ഗി​ലൂ​ടെ പ്രേ​ക്ഷ​ക​നെ ബോ​ധ്യ​പ്പെ​ടു​ത്താ​നും ച​ല​ച്ചി​ത്ര​കാ​ര​ൻ മ​റ​ന്നി​ല്ല. ച​ങ്ങ​നാ​ശ്ശേ​രി​ക്കാ​രു​ടെ സ്വ​ഭാ​വ​വും പ​ണ്ടൊ​രു യാ​ത്ര​ക്കി​ട​യി​ൽ തൃ​പ്ര​യാ​റി​ൽ​വെ​ച്ചു​ണ്ടാ​യ ത​മാ​ശ​യും എ​ല്ലാം സം​ഭാ​ഷ​ണ​ത്തി​ലൂ​ടെ സൂ​ചി​ത​മാ​കു​ന്നു​ണ്ട്. അ​ല്ലാ​തെ കേ​ര​ളം സ്ഥ​ല​പ​ര​മാ​യി സി​നി​മ​യി​ൽ നേ​രി​ട്ട് ക​ട​ന്നു​വ​രു​ന്നി​ല്ല. വേ​ളാ​ങ്ക​ണ്ണി​യി​ൽ​നി​ന്നു​ള്ള അ​വ​രു​ടെ മ​ട​ക്ക​യാ​ത്ര​യി​ൽ ബ​സി​ൽ ത​മി​ഴ് പാ​ട്ടു മു​ഴ​ങ്ങു​മ്പോ​ൾ മ​ല​യാ​ളം പാ​ട്ട് വെ​ക്കാ​ൻ ആ​വ​ശ്യ​പ്പെ​ടു​ന്ന ജ​യിം​സി​ന്റെ സ്വ​ത്വ​പ​ര​മാ​യ പ​രി​വൃ​ത്തി മ​യ​ക്ക​ത്തി​നും ഉ​ണ​ർ​ച്ച​ക്കു​മി​ട​യി​ലെ അ​സാ​ധാ​ര​ണ​ത്വ​മാ​ണെ​ങ്കി​ലും അ​ത് അ​വ​ത​രി​പ്പി​ച്ചി​രി​ക്കു​ന്ന​ത് തി​ക​ഞ്ഞ സ്വാ​ഭാ​വി​ക പ​രി​ണ​തി​യു​ടെ മ​ട്ടി​ലാ​ണ്. സാ​ധാ​ര​ണ ലി​ജോ ചി​ത്ര​ങ്ങ​ളി​ൽ ഭൂ​പ്ര​കൃ​തി ക​ഥാ​പാ​ത്രം​പോ​ലെ പ്ര​ധാ​ന​പ്പെ​ട്ട​താ​ണെ​ങ്കി​ൽ ഈ ​സി​നി​മ​യി​ൽ മ​നു​ഷ്യ​പ്ര​കൃ​തി കേ​ന്ദ്ര​മാ​കു​ന്നു. മ​നു​ഷ്യ​മു​ഖ​ങ്ങ​ൾ നി​ര​വ​ധി പ്രാ​വ​ശ്യം ക്ലോ​സ്അ​പ് ഷോ​ട്ടു​ക​ളി​ലൂ​ടെ അ​വ​ത​രി​പ്പി​ക്കു​ന്നു എ​ന്ന​താ​ണ് ഈ ​ചി​ത്ര​ത്തി​ന്റെ പ്ര​ത്യേ​ക​ത. തു​ട​ക്ക​ത്തി​ൽ ഒ​രു മു​ഖ​ത്തു​നി​ന്നും മ​റ്റൊ​രു മു​ഖ​ത്തേ​ക്കാ​ണ് കാ​മ​റ​യു​ടെ സ​ഞ്ചാ​രം. മ​ല​യാ​ളി​യു​ടെ വം​ശ​സ്മൃ​തി​യി​ൽ ത​മി​ഴ് സ്വ​ത്വം തെ​ളി​ഞ്ഞു​വ​രു​ന്ന​തി​ന്റെ ദൃ​ശ്യ​പാ​ഠ​മാ​ണ് മ​ല​യാ​ളി പ്രേ​ക്ഷ​ക​ന് ഈ ​ദൃ​ശ്യ​ഖ​ണ്ഡ​ങ്ങ​ളി​ലൂ​ടെ ന​ൽ​കു​ന്ന​ത്.

ത​മി​ഴ​ക​ത്തി​ന്റെ സാം​സ്കാ​രി​ക മു​ദ്ര​ക​ൾ പ​ങ്കി​ടു​ന്ന ധാ​രാ​ളം മ​ല​യാ​ള സി​നി​മ​ക​ളു​ണ്ട്. തു​ളു-ക​ന്ന​ട സം​സ്കാ​ര​ത്തെ സ്വാം​ശീ​ക​രി​ക്കു​ന്ന ചി​ത്ര​ങ്ങ​ളെ​ക്കാ​ളും എ​ണ്ണ​ത്തി​ൽ കൂ​ടു​ത​ൽ അ​വ​യാ​ണ്. ‘സ​ന്ദേ​ശം’, ‘മേ​ലേ​പ്പ​റ​മ്പി​ൽ ആ​ൺ​വീ​ട്’, ‘ഒ​രു യാ​ത്രാ​മൊ​ഴി’, ‘മ​ല​യാ​ളി മാ​മ​നു വ​ണ​ക്കം’, ‘ക​റു​ത്ത പ​ക്ഷി​ക​ൾ’, ‘നാ​ടോ​ടി​ക്കാ​റ്റ്’, ‘മ​ദ്രാ​സ് മെ​യി​ൽ’ തു​ട​ങ്ങി​യ​വ അ​വ​യി​ൽ ചി​ല​തു മാ​ത്ര​മാ​ണ്. ക​ഥാ​പ​രി​സ​ര​ത്തി​ന്റെ ഭാ​ഗ​മാ​യും സം​സ്കാ​ര​സ​ങ്ക​ല​ന​ത്തി​ന്റെ ഭാ​ഗ​മാ​യും എ​ല്ലാം പ​ല​ത​ര​ത്തി​ലാ​ണ് ഇ​ത്ത​രം പ്രാ​തി​നി​ധ്യ​ങ്ങ​ൾ സി​നി​മ​ക​ളി​ൽ കാ​ണു​ന്ന​തെ​ങ്കി​ലും ‘ന​ൻ​പ​ക​ൽ നേ​ര​ത്ത് മ​യ​ക്കം’ എ​ന്ന ചി​ത്ര​ത്തി​ലാ​ണ് വം​ശ​സ്മൃ​തി​യു​ടെ സ്വ​പ്നാ​ട​ന​സ​ദൃ​ശ​മാ​യ ദൃ​ശ്യാ​വി​ഷ്കാ​രം എ​ന്ന​നി​ല​യി​ൽ ത​മി​ഴി​ന്റെ പ്രാ​തി​നി​ധ്യം ശ​ക്ത​മാ​യി നി​ല​കൊ​ള്ളു​ന്ന​ത്. ജ​യിം​സ് വേ​ഷം മാ​റി മ​ട​ങ്ങു​മ്പോ​ൾ സു​ന്ദ​ര​ത്തി​ന്റെ അ​മ്മ​യു​ടെ ക​ണ്ണി​ൽ​നി​ന്നും ഉ​തി​രു​ന്ന ക​ണ്ണു​നീ​രി​ന് ദ്വി​മാ​ന സ്വ​ഭാ​വ​മു​ണ്ട്. അ​ത് പു​ത്ര​ന​ഷ്ട​ത്തി​ന്റെ മാ​തൃ​വി​ലാ​പം മാ​ത്ര​മ​ല്ല. മൊ​ഴി​വ​ഴി​പി​രി​യ​ലി​ൽ ദ്രാ​വി​ഡ​മാ​താ​വി​നു​ണ്ടാ​കു​ന്ന ന​ഷ്ട​ബോ​ധം നി​റ​ഞ്ഞ പ്ര​തി​ക​ര​ണം​കൂ​ടി​യാ​ണ്. ദേ​ശ​സ്വ​ത്വ​വും ഭാ​ഷാ​സ്വ​ത്വ​വും അ​ത്ര​മാ​ത്രം തീ​വ്ര​മാ​യി ജ​യിം​സി​ൽ പ​ക​ര​പ്പെ​ടു​ന്നു​ണ്ട്.

മ​യ​ക്കം: പ്ര​ക​ട​നം, പ്ര​ക​ട​ന​പ​ര​ത

‘ന​ൻ​പ​ക​ൽ നേ​ര​ത്ത് മ​യ​ക്ക’​ത്തെ സി​നി​മ​ക്കു​ള്ളി​ലെ നാ​ട​കം എ​ന്നു വി​ശേ​ഷി​പ്പി​ക്കാ​ൻ പ്രേ​ര​ക​മാ​കു​ന്ന ത​ര​ത്തി​ലു​ള്ള പ്ര​ക​ട​ന​പ​ര​ത ഒ​രു വ​ശ​ത്തു പ​രി​ഗ​ണി​ക്കു​മ്പോ​ഴും നാ​ട​കം ഏ​താ​ണ്? ജീ​വി​തം ഏ​താ​ണ്? എ​ന്ന സ​ന്ദി​ഗ്ധ​ത ച​ല​ച്ചി​ത്ര​കാ​ര​ൻ സ​ജീ​വ​മാ​ക്കി നി​ർ​ത്തു​ന്നു​ണ്ട്. ജ​യിം​സി​ന്റെ വേ​ഷം​മാ​റ​ലി​ൽ തു​ട​ങ്ങു​ന്ന​താ​ണോ നാ​ട​കം അ​തോ വേ​ഷ​പ്പ​ക​ർ​ച്ച​ക്കു വെ​ളി​യി​ലു​ള്ള​താ​ണോ നാ​ട​കം എ​ന്ന പ​ര്യാ​ലോ​ച​ന സം​ഗ​ത​മാ​കു​ന്ന ത​ര​ത്തി​ൽ സ്റ്റേ​ജി​നെ വി​ശാ​ല​മാ​ക്കു​ക​യാ​ണ് ച​ല​ച്ചി​ത്ര​കാ​ര​ൻ എ​ന്നും പ​റ​യാം. പ​ശ്ചാ​ത്ത​ല​ങ്ങ​ളെ അ​ൽ​പ​നേ​ര​ത്തേ​ക്ക് ഫ്രീ​സ് ചെ​യ്ത് നാ​ട​ക​പ്ര​തീ​തി സൃ​ഷ്ടി​ക്കു​ന്ന സ​മീ​പ​നം ഈ ​ചി​ത്ര​ത്തി​ൽ പ​ല​യി​ട​ത്തും കാ​ണാം. നാ​ട​ക​ത്തി​ലെ തി​ര​ശ്ശീ​ല​യെ​യാ​ണ് അ​ത് പ​ല​പ്പോ​ഴും അ​നു​സ്മ​രി​പ്പി​ക്കു​ന്ന​ത്. സാ​ധാ​ര​ണ​യാ​യി ച​ല​ച്ചി​ത്ര​കാ​ല​ത്തെ​യും പ്രേ​ക്ഷ​ക​ന്റെ അ​നു​ഭ​വ​കാ​ല​ത്തെ​യും ത​മ്മി​ൽ പൊ​രു​ത്ത​പ്പെ​ടു​ത്തു​ക ഏ​തൊ​രു ച​ല​ച്ചി​ത്ര​കാ​ര​നും വെ​ല്ലു​വി​ളി​യാ​ണ്. സി​നി​മ​ക​ളി​ൽ ബാ​ഹ്യ​സം​ഗീ​തം പ​ല​പ്പോ​ഴും അ​തി​നു​ള്ള ഉ​പാ​ധി​യാ​ണ്. എ​ന്നാ​ൽ, ഈ ​സി​നി​മ​യി​ൽ അ​ത് സാ​ധ്യ​മാ​യി​രി​ക്കു​ന്ന​ത് നാ​ട​ക​ത്തി​ന്റെ ചി​ല ഘ​ട​ക​ങ്ങ​ൾ സ്വാം​ശീ​ക​രി​ച്ചു​കൊ​ണ്ടാ​ണ്. ജ​യിം​സി​ൽ അ​തി​ദ്രു​ത വ്യ​തി​യാ​ന​മാ​ണ് സം​ഭ​വി​ക്കു​ന്ന​ത്. നാ​ട​ക​ത്തി​ൽ വേ​ഷം മാ​റു​ന്ന അ​നാ​യാ​സ​ത​യാ​ണ് അ​തി​ന്റെ മു​ഖ​മു​ദ്ര. അ​തി​ഭൗ​തി​ക​മാ​യി ഒ​ന്നും ആ​രോ​പി​ക്കാ​തെ ത​ന്നെ ഈ ​മാ​റ്റം പ്രേ​ക്ഷ​ക​ന് ഉ​ൾ​ക്കൊ​ള്ളാ​ൻ ക​ഴി​യു​ന്നു എ​ന്ന​ത് അ​വ​ത​ര​ണ​കാ​ല​ത്തെ​യും യ​ഥാ​ർ​ഥ കാ​ല​ത്തെ​യും ഇ​ട​ർ​ച്ച​യി​ല്ലാ​തെ ഇ​ണ​ക്കു​ന്ന സ​വി​ശേ​ഷ ച​ല​ച്ചി​ത്ര​ഭാ​ഷ​യു​ടെ ഫ​ല​മാ​ണ്. റി​യാ​ലി​റ്റി​യും ഫാ​ന്റ​സി​യും സ​മ്മ​ർ​ദ​ര​ഹി​ത​മാ​യും അ​തേ​സ​മ​യം ന​ർ​മ​ഭാ​വ​ന​യോ​ടെ​യും ല​യി​പ്പി​ക്കു​ന്ന​തി​ൽ അ​നി​ത​ര​സാ​ധാ​ര​ണ​മാ​യ ഐ​ക്യം തി​ര​ക്ക​ഥാ​കൃ​ത്തും സം​വി​ധാ​യ​ക​നും അ​ഭി​നേ​താ​ക്ക​ളും എ​ല്ലാം പു​ല​ർ​ത്തി​യി​ട്ടു​ണ്ട്. വീ​ക്ഷ​ണ​കോ​ണു​ക​ളു​ടെ ബ​ഹു​ത്വം​പോ​ലും പ്രേ​ക്ഷ​ക​നു​മാ​യി സ​മ​ര​സ​പ്പെ​ടു​ന്ന ത​ര​ത്തി​ലു​ള്ള നാ​ട​കീ​യാ​നു​ഭ​വ​വും ഈ ​സി​നി​മ​യു​ടെ പ്ര​ത്യേ​ക​ത​യാ​ണ്. നാ​ട​കീ​യാ​നു​ഭ​വം ഇ​വി​ടെ സി​നി​മ എ​ന്ന മാ​ധ്യ​മ​ത്തെ ല​ഘൂ​ക​രി​ക്കു​ക​യ​ല്ല മ​റി​ച്ച് ഒ​രു സി​നി​മാ​റ്റി​ക് ടൂ​ൾ ആ​യി അ​ത് ഈ ​ചി​ത്ര​ത്തി​ൽ പ്ര​വ​ർ​ത്തി​ക്കു​ന്നു.

ബ​സി​ലു​ണ്ടാ​യി​രു​ന്ന സ​ഹ​യാ​ത്രി​ക​രു​ടെ വീ​ക്ഷ​ണ​വും സു​ന്ദ​ര​ത്തി​ന്റെ വീ​ക്ഷ​ണ​വും സു​ന്ദ​ര​ത്തി​ന്റെ ബ​ന്ധു​ക്ക​ളു​ടെ വീ​ക്ഷ​ണ​വും പ്രേ​ക്ഷ​ക​ന്റെ വീ​ക്ഷ​ണ​വും നാ​ട്ടു​കാ​രു​ടെ പ്ര​തി​ക​ര​ണ​വും എ​ല്ലാം സ​ന്തു​ലി​ത​മാ​കു​ന്ന ത​ര​ത്തി​ലു​ള്ള ദൃ​ശ്യാ​ഖ്യാ​ന​മാ​ണ് എ​ന്ന​ത് ഈ ​ചി​ത്ര​ത്തി​ന്റെ പ്ര​ധാ​ന സ​വി​ശേ​ഷ​ത​യാ​ണ്. ഈ ​ദൃ​ശ്യാ​ഖ്യാ​ന​ത്തി​ന്റെ സാം​സ്കാ​രി​ക മൂ​ല്യം മു​മ്പു സൂ​ചി​പ്പി​ച്ച ത​ര​ത്തി​ലു​ള്ള സം​സ്കാ​ര​സ​മ​ന്വ​യ മാ​തൃ​ക​യു​മാ​യി ബ​ന്ധ​പ്പെ​ട്ട​താ​ണ്. ആ​ര്യ​ഭാ​ഷ​ക​ളി​ൽ ദ്രാ​വി​ഡ​സ്വാ​ധീ​ന​വും ദ്രാ​വി​ഡ​ഭാ​ഷ​ക​ളി​ൽ ആ​ര്യ​ഭാ​ഷാ സ്വാ​ധീ​ന​വും എ​ല്ലാം ഭാ​ഷാ​ശാ​സ്ത്ര പ​ഠ​ന​ങ്ങ​ളി​ൽ മു​ഖ്യ​വി​ഷ​യ​മാ​ണ്. ദേ​ശീ​യ​ത​യെ ഏ​ക​ശി​ലാ​രൂ​പ​മാ​ക്കാ​ൻ രാ​ഷ്ട്രീ​യ​നേ​തൃ​ത്വം താ​ൽ​പ​ര്യ​പ്പെ​ടു​ന്ന സ​മ​കാ​ലി​ക രാ​ഷ്ട്രീ​യ സാ​ഹ​ച​ര്യ​ത്തി​ൽ ഇ​ത്ത​ര​ത്തി​ലു​ള്ള പ്ര​മേ​യ​ങ്ങ​ൾ​ക്ക് വ​ലി​യ പ്രാ​ധാ​ന്യ​മു​ണ്ട്. ബോ​ധ​പൂ​ർ​വ​മാ​യ ഒ​ട്ടേ​റെ മ​റ​ച്ചു​വെ​ക്ക​ലു​ക​ളാ​ണ് പ​രി​ഷ്കൃ​ത​രെ​ന്ന് അ​ഭി​മാ​നി​ക്കു​ന്ന​വ​രു​ടെ ച​രി​ത്ര​മെ​ന്ന് ഓ​ർ​മി​പ്പി​ക്കാ​ൻ ഈ ​സി​നി​മ​ക്ക് അ​നാ​യാ​സം ക​ഴി​യു​ന്നു​ണ്ട്. ജ​യിം​സി​ന്റെ ത​മി​ഴാ​ഭി​മു​ഖ്യം ബോ​ധ​പൂ​ർ​വം സം​ഭ​വി​ക്കു​ന്ന​ത​ല്ലെ​ന്ന് സി​നി​മ​യി​ൽ സൂ​ച​ന​യു​ണ്ട്. ബ​സി​ൽ ത​മി​ഴ് പാ​ട്ട് വെ​ക്കു​മ്പോ​ൾ അ​ത് നി​ർ​ത്താ​നാ​വ​ശ്യ​പ്പെ​ടു​ക​യും മ​ല​യാ​ളം പാ​ട്ട് വെ​ക്കാ​ൻ താ​ൽ​പ​ര്യ​പ്പെ​ടു​ക​യും ചെ​യ്യു​ന്ന രം​ഗം ഇ​വി​ടെ​യും പ്ര​സ​ക്ത​മാ​ണ്. ജ​ന​ന​മ​ര​ണ​ങ്ങ​ളു​മാ​യി ഉ​റ​ക്ക​ത്തെ​യും ഉ​ണ​ർ​ച്ച​യെ​യും സാ​ധ​ർ​മ്യ​പ്പെ​ടു​ത്തു​ന്ന തി​രു​ക്കു​റ​ൾ പ​രാ​മ​ർ​ശ​വും സി​നി​മ​യി​ൽ സൂ​ചി​ത​മാ​കു​ന്നു​ണ്ട്. അ​മൂ​ർ​ത്ത​മാ​യ ആ​ശ​യ​ങ്ങ​ൾ നി​മി​ഷ​നേ​രം​കൊ​ണ്ട് നി​ര​വ​ധി ഫ്രെ​യി​മു​ക​ൾ മി​ന്നി​മ​റ​യു​ന്ന ഒ​രു മാ​ധ്യ​മ​ത്തി​ലൂ​ടെ ആ​വി​ഷ്ക​രി​ക്കു​ക ദു​ഷ്ക​ര​മാ​ണ്. എ​ങ്കി​ലും മ​ര​ണ​ത്തി​ന്റെ​യും ഉ​യി​ർ​പ്പി​ന്റെ​യും പ്ര​തീ​തി പ്രേ​ക്ഷ​ക​നി​ൽ ഉ​ണ്ടാ​ക്കു​ന്ന ത​ര​ത്തി​ലു​ള്ള ചി​ല നി​ശ്ശ​ബ്ദ​വി​നി​മ​യ​ങ്ങ​ളും സി​നി​മ​യി​ലു​ണ്ട്. ജ​യിം​സി​ന്റെ പ​ര​കാ​യ​പ്ര​വേ​ശ​ന​ത്തി​ന്റെ ര​ണ്ട​റ്റ​ങ്ങ​ളി​ലും നി​ശ്ശ​ബ്ദ​ത​യാ​ണ് എ​ടു​ത്തു​പ​റ​യാ​വു​ന്ന സാ​ഹ​ച​ര്യം. അ​ല്ലാ​തെ കെ​ട്ടു​റ​പ്പു​ള്ള ക​ഥ​യു​ടെ സ​ഹാ​യ​ത്താ​ല​ല്ല അ​വി​ടെ കാ​ഴ്ച​ക​ൾ ക്ര​മീ​ക​രി​ക്ക​പ്പെ​ട്ടി​രി​ക്കു​ന്ന​ത്. അ​വി​ട​ത്തെ അ​സം​ബ​ന്ധ​മാ​ണ് വാ​സ്ത​വ​ത്തി​ൽ മേ​ൽ​പ​റ​ഞ്ഞ അ​മൂ​ർ​ത്ത ആ​ശ​യ​ങ്ങ​ളെ സ​ന്നി​വേ​ശി​പ്പി​ക്കാ​നു​ള്ള സാ​ധ്യ​ത​യൊ​രു​ക്കി​യി​രി​ക്കു​ന്ന​ത് എ​ന്നും നി​രീ​ക്ഷി​ക്കാ​വു​ന്ന​താ​ണ്. ജ​യിം​സി​നെ അ​ന്വേ​ഷി​ച്ചു​ള്ള യാ​ത്ര​ക​ൾ സ്വ​പ്ന​ത്തി​ലെ യാ​ത്ര​ക​ളു​ടെ ആ​യ​ങ്ങ​ളി​ലാ​ണ് ചി​ട്ട​പ്പെ​ടു​ത്തി​യി​രി​ക്കു​ന്ന​ത്. കൈ​യെ​ത്തും ദൂ​ര​ത്തു​നി​ന്ന് കൈ​വി​ട്ടു​പോ​കു​ന്ന​ത് ഉ​ദാ​ഹ​ര​ണ​മാ​ണ്. താ​ര​ത​മ്യേ​ന വേ​ഗ​ത കു​റ​ഞ്ഞ വാ​ഹ​ന​മാ​യ സൈ​ക്കി​ളി​ലു​ള്ള അ​ന്വേ​ഷ​ണ​വും ശ്ര​ദ്ധേ​യ​മാ​ണ്. അ​നാ​യാ​സം സാ​ധ്യ​മാ​കു​ന്ന​ത് അ​സാ​ധ്യ​മാ​കു​ന്ന​തും അ​സാ​ധ്യ​മാ​യ​ത് എ​ളു​പ്പം സാ​ധി​ക്കു​ന്ന​തു​മെ​ല്ലാം സ്വ​പ്ന​ത്തി​ലെ ക്രി​യ​ക​ളു​ടെ പ്ര​ത്യേ​ക​ത​യാ​ണ്. ‘ന​ൻ​പ​ക​ൽ നേ​ര​ത്ത് മ​യ​ക്കം’ അ​തു​കൊ​ണ്ട് ആ​രു​ടെ​യോ സ്വ​പ്ന​വും ആ​കാം.

ഒ​രു മ​യ​ക്ക​ത്തി​നും ഉ​ണ​ർ​ച്ച​ക്കു​മി​ട​യി​ൽ സം​സ്കാ​ര​വി​നി​മ​യ​ത്തി​ന്റെ അ​ദൃ​ശ്യ​മേ​ഖ​ല​ക​ൾ ക​ണ്ടെ​ത്താ​നാ​വു​മെ​ന്നും ഈ ​ചി​ത്രം ന​മ്മെ ഓ​ർ​മി​പ്പി​ക്കു​ന്നു. ത​മി​ഴും മ​ല​യാ​ള​വും ഇ​വി​ടെ ഒ​രു മാ​തൃ​ക മാ​ത്ര​മാ​ണ്. മ​യ​ക്ക​മാ​ണ് ഇ​വി​ട​ത്തെ സാ​ർ​വ​ലൗ​കി​ക പ്ര​തി​ഭാ​സം. മ​ല​യാ​ള​ത്തി​ൽ മ​യ​ങ്ങു​ന്ന ത​മി​ഴ് എ​ന്ന ആ​ശ​യ​ത്തോ​ടൊ​പ്പം​ത​ന്നെ സ്വ​ത്വ​ത്തി​ന്റെ രാ​ഷ്ട്രീ​യ​ത്തി​നും ഇ​വി​ടെ ച​ല​ച്ചി​ത്ര​ഭാ​ഷ്യം ന​ൽ​ക​പ്പെ​ട്ടി​രി​ക്കു​ന്നു. വ​ർ​ണാ​ധി​ഷ്ഠി​ത​മാ​യ വ​ർ​ഗീ​ക​ര​ണ​ങ്ങ​ൾ ലോ​ക​ച​രി​ത്ര​ത്തി​ന്റെ ഭാ​ഗ​മാ​ണ്. അ​തി​നു​ള്ള സാം​സ്കാ​രി​ക ശ​സ്ത്ര​ക്രി​യ​ക്ക് മ​യ​ക്കം അ​നി​വാ​ര്യ​മാ​ണ്. ജ​യിം​സി​ന്റെ പ്ര​ശ്നം പ​രി​ഹ​രി​ക്കാ​ൻ മെ​ഡി​ക്ക​ൽ സ്റ്റോ​റി​നെ ആ​ശ്ര​യി​ക്കു​ന്ന ന​ഴ്സി​ങ് വി​ദ്യാ​ർ​ഥി​യെ സി​നി​മ​യി​ൽ അ​വ​ത​രി​പ്പി​ക്കു​ന്നു​മു​ണ്ട്. മ​യ​ക്കം അ​ങ്ങ​നെ നോ​ക്കു​മ്പോ​ൾ ചി​കി​ത്സ​യു​ടെ ഭാ​ഗം​കൂ​ടി​യാ​ണ്. സു​ന്ദ​ര​ത്തി​ന്റെ അ​മ്മ​യു​ടെ അ​ന്ധ​ത​ക്കു​പോ​ലും വ​ർ​ണാ​തീ​ത​മാ​യ ഉ​ൾ​ക്കൊ​ള്ള​ലു​ക​ളു​ടെ പ്രാ​തി​നി​ധ്യ​മു​ണ്ട്. അ​ഭാ​വ​ങ്ങ​ളു​ടെ പൂ​രി​പ്പി​ക്ക​ലു​ക​ൾ ന​മ്മു​ടെ സ​മൂ​ഹ​ത്തി​ൽ മ​റ്റൊ​രു ത​ര​ത്തി​ൽ സാ​ധ്യ​മാ​ണെ​ന്ന സൂ​ച​ന​യും സി​നി​മ​യു​ടെ ബ​ഹു​പാ​ഠ​ങ്ങ​ളി​ലൊ​ന്നാ​ണെ​ന്ന് സു​ന്ദ​ര​ത്തി​ന്റെ ഗാ​ർ​ഹി​ക പ​ശ്ചാ​ത്ത​ലം മു​ൻ​നി​ർ​ത്തി പ​റ​യാം. സു​ന്ദ​രം ആ​യി​ത്തീ​ർ​ന്ന ജ​യിം​സ് വീ​ട്ടു​സാ​മാ​ന​ങ്ങ​ളു​മാ​യെ​ത്തു​ന്ന​തും അ​ച്ഛ​ന് പ​ണം ന​ൽ​കു​ന്ന​തും അ​മ്മ​ക്ക് മു​റു​ക്കാ​ൻ കൊ​ടു​ക്കു​ന്ന​തും ശ്ര​ദ്ധി​ച്ചാ​ൽ അ​ത് മ​ന​സ്സി​ലാ​കും. സു​ന്ദ​ര​ത്തി​ന്റെ സൗ​ഹൃ​ദ​ക്കൂ​ട്ട​ങ്ങ​ളി​ലും ജ​യിം​സി​ന്റെ സാ​ന്നി​ധ്യം ആ​ഹ്ലാ​ദ​പ്ര​ദ​മാ​ണ്. രോ​ഗാ​തു​ര​മാ​യ സാ​മൂ​ഹി​ക​ബോ​ധ​ത്തി​നു​ള്ള ചി​കി​ത്സ കൂ​ടി​യാ​ണ് ‘ന​ൻ​പ​ക​ൽ നേ​ര​ത്ത് മ​യ​ക്കം’. മ​യ​ക്കം എ​ന്ന പ്ര​തി​ഭാ​സ​ത്തെ സാ​മൂ​ഹി​ക രാ​ഷ്ട്രീ​യ ദാ​ർ​ശ​നി​ക മാ​ന​ങ്ങ​ളു​ള്ള ഒ​ട്ടേ​റെ ജാ​ഗ്ര​ത​ക​ളി​ലേ​ക്ക് പ​രി​വ​ർ​ത്തി​പ്പി​ക്കു​ന്ന ക​ലാ​പൂ​ർ​ണ​ത​യെ​ന്ന് ഈ ​സി​നി​മ​യെ വി​ശേ​ഷി​പ്പി​ക്കാം.