ന​മു​ക്ക് ക​ടം മാ​ത്ര​മാ​ണ് കൈ​മു​ത​ൽ

കേ​ര​ള​ത്തി​ലെ ധ​ന​പ്ര​തി​സ​ന്ധി​യെ സം​ബ​ന്ധി​ച്ച് നി​ര​ന്ത​രം മു​ന്ന​റി​യി​പ്പ് ന​ൽ​കി​യ സാ​മ്പ​ത്തി​ക പ​ണ്ഡി​ത​നാ​ണ് ഡോ. ​ജോ​സ് സെ​ബാ​സ്റ്റ്യ​ൻ. ന​മ്മു​ടെ ധ​ന​മ​ന്ത്രി​മാ​രൊ​ക്കെ അ​ദ്ദേ​ഹ​ത്തി​ന്റെ വാ​ദ​ത്തെ പു​ച്ഛി​ച്ചുത​ള്ളു​ക​യാ​ണ് ചെ​യ്ത​ത്. പ​ക്ഷേ, ഇ​പ്പോ​ൾ കാ​ര്യ​ങ്ങ​ൾ അ​ങ്ങ​നെ​യ​െ​ല്ല​ന്ന്​ ധ​ന​മ​ന്ത്രി കെ.​എ​ൻ. ബാ​ല​േ​ഗാ​പാ​ലി​നെ​ങ്കി​ലും സ​മ്മ​തി​ക്കേ​ണ്ടി​ വ​ന്നി​രി​ക്കു​ന്നു. എ​ന്താ​ണ്​ ന​മ്മു​ടെ ധ​ന​പ്ര​തി​സ​ന്ധി? എ​ന്താ​ണ്​ ബ​ദ​ൽ?

കെ.​എ​ൻ. ബാ​ല​ഗോ​പാ​ൽ അ​വ​ത​രി​പ്പി​ച്ച 2023-24ലെ ​കേ​ര​ള ബ​ജ​റ്റ്​ കേ​ര​ള​സ​മൂ​ഹ​ത്തി​ലെ ആ​രെ​യും തൃ​പ്തി​പ്പെ​ടു​ത്തു​മെ​ന്നു തോ​ന്നു​ന്നി​ല്ല. ധ​ന​കാ​ര്യ സു​സ്ഥി​ര​ത​യി​ലേ​ക്ക് സം​സ്ഥാ​ന​ത്തെ ന​യി​ക്കാ​നു​ള്ള വ​ലി​യ ഒ​രു അ​വ​സ​രം ധ​ന​മ​ന്ത്രി ന​ഷ്ട​പ്പെ​ടു​ത്തി.

ല​ളി​ത​മാ​യ ഒ​രു കാ​ര്യം പ​റ​യാം. പാ​വ​പ്പെ​ട്ട​വ​രു​ടെ​യും പു​റ​മ്പോ​ക്കി​ൽ കി​ട​ക്കു​ന്ന​വ​രു​ടെ​യും പി​ച്ച​ച്ച​ട്ടി​യി​ൽ കൈ​യി​ട്ടു​വാ​രാ​ൻ ധി​റു​തി​കാ​ണി​ച്ച ധ​ന​മ​ന്ത്രി ക്ഷേ​മ​പെ​ൻ​ഷ​നു​ക​ൾ 100 രൂ​പ പോ​ക​ട്ടെ, 50 രൂ​പ​യെ​ങ്കി​ലും വ​ർ​ധി​പ്പി​ച്ചി​രു​ന്നു​വെ​ങ്കി​ൽ! അ​ങ്ങ​നെ വ​ർ​ധി​പ്പി​ക്കു​ന്ന തു​ക മു​ഴു​വ​നാ​യിത​ന്നെ വി​പ​ണി​യി​ലെ​ത്തി വ്യാ​പാ​ര-​ച​ര​ക്കു​ക​യ​റ്റ മേ​ഖ​ല​ക​ളെ ഉ​ത്തേ​ജി​പ്പി​ക്കു​മാ​യി​രു​ന്നു. ആ ​ചെ​ല​വി​ന്‍റെ പ​കു​തി​യെ​ങ്കി​ലും ച​ര​ക്കു​സേ​വ​ന നി​കു​തി​യി​ന​ത്തി​ൽ തി​രി​കെ വ​രു​മാ​യി​രു​ന്നു. സ​ർ​ക്കാ​ർ ഉ​ദ്യോ​ഗ​സ്ഥ​രു​ടെ​യും പെ​ൻ​ഷ​ൻ​കാ​രു​ടെ​യും ക്ഷാ​മ​ബ​ത്ത കു​ടി​ശ്ശി​ക കു​റെ​യെ​ങ്കി​ലും കൊ​ടു​ക്കു​ന്ന​ത​ല്ലേ തെ​ര​ഞ്ഞെ​ടു​പ്പ് ജ​യി​ക്കാ​ൻ ന​ല്ല​ത്.

ധ​ന​പ്ര​തി​സ​ന്ധി നേ​രി​ടു​ന്ന സം​സ്ഥാ​ന​ത്ത് ബ​ജ​റ്റി​ൽ പ്ര​ഖ്യാ​പി​ച്ച കാ​ര്യ​ങ്ങ​ള​ല്ലാ​തെ മ​റ്റൊ​രു വ​ഴി​യി​െ​ല്ല​ന്നാ​ണ്​ ധ​ന​മ​ന്ത്രി പ​റ​യു​ന്ന​ത്. ഇ​ന്ന​ത്തെ ധ​ന​കാ​ര്യ ഞെ​രു​ക്ക​ത്തി​ന്‍റെ അ​ടി​സ്ഥാ​ന ​കാ​ര​ണം 2021ലെ ​ശ​മ്പ​ള-​പെ​ൻ​ഷ​ൻ പ​രി​ഷ്ക​ര​ണ​മാ​ണെ​ന്ന വ​സ്തു​ത മ​റ​ച്ചു​വെ​ച്ചി​ട്ട് കാ​ര്യ​മി​ല്ല. 2020-21ൽ 46,671.14 ​കോ​ടി രൂ​പ​യാ​യി​രു​ന്ന ശ​മ്പ​ള-​പെ​ൻ​ഷ​ൻ ചെ​ല​വ് 2021-22 ആ​യ​പ്പോ​ൾ 71,523.97 കോ​ടി രൂ​പ​യാ​യി. അ​താ​യ​ത്, 53.25 ശ​ത​മാ​നം. എ​ങ്ങ​നെ​യും തു​ട​ർ​ഭ​ര​ണ​മെ​ന്ന ല​ക്ഷ്യം​വെ​ച്ച് സ​മൂ​ഹ​ത്തി​ലെ വെ​റും അ​ഞ്ചു ശ​ത​മാ​നം വ​രു​ന്ന സ​ർ​ക്കാ​ർ ഉ​ദ്യോ​ഗ​സ്ഥ​ർ​ക്കും പെ​ൻ​ഷ​ൻ​കാ​ർ​ക്കും വാ​രി​ക്കോ​രി ന​ൽ​കി. പ്ര​ള​യ​ത്തി​ന്‍റെ​യും കോ​വി​ഡ് മ​ഹാ​മാ​രി​യു​ടെ​യു​മൊ​ക്കെ കാ​ര​ണം പ​റ​ഞ്ഞ് ശ​മ്പ​ള-​പെ​ൻ​ഷ​ൻ പ​രി​ഷ്ക​ര​ണം നീ​ട്ടി​വെ​ക്കാ​മാ​യി​രു​ന്നു. അ​തി​നു മു​മ്പു​ള്ള ശ​മ്പ​ള ക​മീ​ഷ​നു​ക​ൾ പ​രി​ഷ്ക​ര​ണം 10 വ​ർ​ഷം കൂ​ടു​മ്പോ​ൾ മ​തി​യെ​ന്ന് ശി​പാ​ർ​ശ ചെ​യ്ത​തു​മാ​ണ്. ഈ ​സാ​ഹ​സം ഒ​ഴി​വാ​ക്കി​യി​രു​ന്നെ​ങ്കി​ൽ സം​സ്ഥാ​ന ഖ​ജ​നാ​വി​ൽ എ​ല്ലാ ആ​വ​ശ്യ​ങ്ങ​ൾ​ക്കു​മു​ള്ള വി​ഭ​വ​ങ്ങ​ൾ കാ​ണു​മാ​യി​രു​ന്നു.

ഈ ​സാ​ഹ​ച​ര്യ​ത്തി​ൽ ഒ​രു ധ​ന​മ​ന്ത്രി​യു​ടെ മു​ന്നി​ൽ അ​ധി​ക വി​ഭ​വ​സ​മാ​ഹ​ര​ണ​വും ചെ​ല​വുചു​രു​ക്ക​ലും മാ​ത്ര​മാ​ണ് വ​ഴി​യു​ള്ള​ത്. പ​ക്ഷേ, ഇ​വി​ടെ​യും ന​മ്മു​ടെ ധ​ന​മ​ന്ത്രി​ക്ക് ഭാ​ഗ്യ​ക്കേ​ട് സം​ഭ​വി​ച്ചു. അ​ദ്ദേ​ഹം ര​ണ്ടു ബ​ജ​റ്റു​ക​ളി​ൽ കാ​ര്യ​മാ​യ വി​ഭ​വ​സ​മാ​ഹ​ര​ണ ശ്ര​മ​ങ്ങ​ളൊ​ന്നും ന​ട​ത്താ​തെ ഈ ​ബ​ജ​റ്റി​ൽ കു​റെ മേ​ഖ​ല​ക​ളി​ൽ ഒ​ന്നി​ച്ച് നി​ര​ക്കു​ക​ൾ വ​ർ​ധി​പ്പി​ച്ചു. അ​വി​ടെ​യും പാ​വ​പ്പെ​ട്ട​വ​രെ​യും പു​റ​മ്പോ​ക്കി​ൽ കി​ട​ക്കു​ന്ന​വ​രെ​യും ഒ​ഴി​വാ​ക്കാ​മാ​യി​രു​ന്നു. അ​ത​ല്ല പ​ക്ഷേ സം​ഭ​വി​ച്ച​ത്. പെ​ട്രോ​ളി​യം ഉ​ൽ​പ​ന്ന​ങ്ങ​ളു​ടെ മേ​ലു​ള്ള ലി​റ്റ​റി​ന് ര​ണ്ടു​രൂ​പ സെ​സ് ത​ന്നെ എ​ടു​ക്കാം. പെ​ട്രോ​ളി​യം ഉ​ൽ​പ​ന്ന​ങ്ങ​ളു​ടെ വി​ല​വ​ർ​ധ​ന​ക്കെ​തി​രാ​യി എ​ന്തെ​ല്ലാം കോ​ലാ​ഹ​ല​ങ്ങ​ൾ ഉ​ണ്ടാ​ക്കി​യ​വ​രാ​ണ് ഈ ​ഭ​ര​ണ​ക്കാ​ർ. ഈ ​വ​ർ​ധ​ന മൊ​ത്ത​ത്തി​ലു​ള്ള വി​ല​വ​ർ​ധ​ന​യി​ലേ​ക്ക് ന​യി​ക്കു​മെ​ന്ന കാ​ര്യം അ​റി​യാ​ത്ത ആ​ള​ല്ല ഇ​ദ്ദേ​ഹം. എ​ന്നി​ട്ട് വി​ല​ക്ക​യ​റ്റം നേ​രി​ടാ​ൻ 2000 കോ​ടി രൂ​പ ബ​ജ​റ്റി​ൽ വ​ക​യി​രു​ത്തി​യി​രി​ക്കു​ന്നു. ഇ​തു​പോ​ലെ ഒ​രു ത​മാ​ശ അ​ടു​ത്ത കാ​ല​ത്തൊ​ന്നും ക​ണ്ടി​ട്ടി​ല്ല.

ധനമന്ത്രി കെ.​എ​ൻ. ബാ​ല​ഗോ​പാ​ൽ

ധ​ന​മ​ന്ത്രി​ക്ക് മ​റ്റെ​ന്ത് വ​ഴി​യാ​ണ് ഉ​ണ്ടാ​യി​രു​ന്ന​തെ​ന്ന ചോ​ദ്യ​മു​യ​രാം. വൈ​ദ്യു​തി ക​രം അ​ദ്ദേ​ഹം കൂ​ട്ടി​യി​ല്ലേ? ഇ​തൊ​ക്കെ മ​ധ്യ​വ​ർ​ഗ​ത്തെ​യും സ​മ്പ​ന്ന​രെ​യു​മ​ല്ലേ ബാ​ധി​ക്കു​ക. ശ​രി​യാ​ണ്. പ​ക്ഷേ, മ​ധ്യ​വ​ർ​ഗ​ത്തി​ൽ​നി​ന്നും സ​മ്പ​ന്ന​രി​ൽ​നി​ന്നും വി​ഭ​വ​സ​മാ​ഹ​ര​ണ​ത്തി​നു​ള്ള ന​ല്ലൊ​രു അ​വ​സ​രം അ​ദ്ദേ​ഹം പ്ര​യോ​ജ​ന​പ്പെ​ടു​ത്തി​യി​ല്ല. ആ​രോ​ഗ്യ-വി​ദ്യാ​ഭ്യാ​സ മേ​ഖ​ല​ക​ളി​ലെ ഫീ​സു​ക​ളാ​ണ് അ​ത്. 1970-71ൽ ​ഈ രം​ഗ​ത്തെ റ​വ​ന്യൂ ചെ​ല​വി​ന്‍റെ 5.55 ശ​ത​മാ​നം ഫീ​സു​ക​ളാ​യി സ​മാ​ഹ​രി​ച്ചി​രു​ന്നു.

2021-22 (RE) പ്ര​കാ​രം 51,583.64 കോ​ടി​യാ​ണ് റ​വ​ന്യൂ ചെ​ല​വ്. ഫീ​സാ​യി പി​രി​ക്കു​ന്ന​ത് 647.82 കോ​ടി രൂ​പ മാ​ത്രം. 1970-71ലെ ​നി​ര​ക്കു​ക​ളി​ൽ ഫീ​സു​ക​ൾ ചു​മ​ത്തി​യാ​ൽ 2862.89 കോ​ടി രൂ​പ സ​മാ​ഹ​രി​ക്കാ​മാ​യി​രു​ന്നു. ഇ​ത് ധ​ന​മ​ന്ത്രി കാ​ണാ​തെ പോ​യ​തൊ​ന്നു​മ​ല്ല. വി​ദ്യാ​ർ​ഥി സം​ഘ​ട​ന​ക​ളു​ടെ​യും മ​ധ്യ​വ​ർ​ഗ​ത്തി​ന്‍റെ​യും സ​മ്പ​ന്ന​രു​ടെ​യും എ​തി​ർ​പ്പ് മ​റി​ക​ട​ക്കാ​നു​ള്ള രാ​ഷ്ട്രീ​യ ഇ​ച്ഛാ​ശ​ക്തി അ​ദ്ദേ​ഹ​ത്തി​നും അ​ദ്ദേ​ഹ​ത്തി​ന്‍റെ മു​ന്ന​ണി​ക്കു​മി​ല്ല.

ധ​ന​മ​ന്ത്രി പ​ദ്ധ​തി​ക​ളെ​ക്കു​റി​ച്ച് ഒ​രു​പാ​ട് പ​റ​ഞ്ഞി​ട്ട് കാ​ര്യ​മി​ല്ല. കോ​ടി​ക​ളു​ടെ കു​ട്ട​നാ​ട്, വ​യ​നാ​ട്, ഇ​ടു​ക്കി പാ​ക്കേ​ജു​ക​ൾ ഇ​പ്പോ​ഴും തു​ട​രു​ക​യ​ല്ലേ? നാ​ളി​കേ​ര​ത്തി​നും റ​ബ​റി​നും വ​ക​യി​രു​ത്ത​ൽ വ​ർ​ധി​പ്പി​ച്ചി​ട്ടു​ണ്ട്. കു​ടി​യേ​റ്റ ക​ർ​ഷ​ക​ർ നേ​രി​ടു​ന്ന വ​ന്യ​മൃ​ഗ​ഭീ​ഷ​ണി നേ​രി​ടാ​നും പ​ദ്ധ​തി​ക​ളു​ണ്ട്. അ​വ​യൊ​ക്കെ ക​ട​ലാ​സി​ൽ അ​വ​സാ​നി​ക്കാ​തി​രു​ന്നെ​ങ്കി​ൽ എ​ന്ന് പ്രാ​ർ​ഥി​ക്കു​ക​യേ ര​ക്ഷ​യു​ള്ളൂ. ഒ​രു​ല​ക്ഷ​ത്തി​ൽ​പ​രം സൂ​ക്ഷ്മ ചെ​റു​കി​ട-​ഇ​ട​ത്ത​രം സം​രം​ഭ​ങ്ങ​ൾ നി​ല​വി​ൽ വ​ന്നു എ​ന്ന് കൊ​ട്ടി​ഗ്ഘോ​ഷി​ക്കു​ന്നു​ണ്ട്. അ​വ​യു​ടെ ശാ​ക്തീ​ക​ര​ണ​ത്തി​നാ​യി കാ​ര്യ​മാ​യ ഒ​രു ബ​ജ​റ്റ് വ​ക​യി​രു​ത്ത​ൽ ഉ​ണ്ടാ​യി​രു​ന്നെ​ങ്കി​ൽ ‘മേ​ക്ക് ഇ​ൻ കേ​ര​ള’ പ​ദ്ധ​തി​യി​ൽ 100 കോ​ടി ഉ​ണ്ട​ല്ലോ എ​ന്ന് ആ​ശ്വ​സി​ക്കാം. ധ​ന​പ്ര​തി​സ​ന്ധി ഇ​തു​പോ​ലെ തു​ട​രു​ക​യാ​ണെ​ങ്കി​ൽ ശ​മ്പ​ള​വും പെ​ൻ​ഷ​നും കൊ​ടു​ക്കു​ക എ​ന്ന മി​നി​മം പ​രി​പാ​ടി​യി​ൽ എ​ല്ലാം അ​വ​സാ​നി​ക്കും.

പ്ര​തി​സ​ന്ധി​യെ മ​റി​ക​ട​ക്ക​ൽ

ബ​ദ​ൽ നി​ർ​ദേ​ശ​ങ്ങ​ൾ മു​ന്നോ​ട്ടുവെ​ക്കാ​ൻ ബാ​ല​ഗോ​പാ​ൽ നി​ർ​ബ​ന്ധി​ത​നാ​ണ്. ക​ടം എ​ടു​ക്കാ​നു​ള്ള പ​രി​ധി നീ​ട്ടാ​ത്ത സാ​ഹ​ച​ര്യ​ത്തി​ൽ ചെ​ല​വുചു​രു​ക്കു​ക​യോ അ​ധി​ക വി​ഭ​വ​സ​മാ​ഹ​ര​ണ​മോ മാ​ത്ര​മേ പ​രി​ഹാ​രമു​ള്ളൂ. വെ​ള്ള​ക്ക​രം കൂ​ട്ടു​ക, തൊ​ഴി​ൽ നി​കു​തി വ​ർ​ധി​പ്പി​ക്കു​ക, കെ​ട്ടി​ട​നി​കു​തി വ​ർ​ധി​പ്പി​ക്കു​ക തു​ട​ങ്ങി​യ നി​ർ​ദേ​ശ​ങ്ങ​ൾ അ​ദ്ദേ​ഹം മു​ന്നോ​ട്ടുവെ​ച്ചു ക​ഴി​ഞ്ഞു. അ​തി​ന​പ്പു​റം ഈ ​ബ​ജ​റ്റി​ൽ മ​ധ്യ​വ​ർ​ഗ​ത്തെ​യും സ​മ്പ​ന്ന​രെ​യും കാ​ര്യ​മാ​യി തൊ​ടാ​ൻ അ​ദ്ദേ​ഹം ത​യാ​റാ​വു​ക​യി​ല്ല. ആ​രോ​ഗ്യ വി​ദ്യാ​ഭ്യാ​സ മേ​ഖ​ല​ക​ളി​ലെ ഫീ​സു​ക​ൾ ഉ​യ​ർ​ത്തു​ക, വൈ​ദ്യു​തി തീ​രു​വ വ​ർ​ധി​പ്പി​ക്കു​ക തു​ട​ങ്ങി​യ നി​ർ​ദേ​ശ​ങ്ങ​ൾ ബ​ജ​റ്റി​നുശേ​ഷം ജ​ന​ങ്ങ​ളു​ടെ പ്ര​തി​ക​ര​ണ​മ​റി​ഞ്ഞി​ട്ടാ​യി​രി​ക്കും വ​രു​ക. ഈ ​വി​ഭ​വ​സ​മാ​ഹ​ര​ണം കാ​ര്യ​മാ​യി പ്ര​തി​സ​ന്ധി പ​രി​ഹ​രി​ക്കു​ക​യി​ല്ല.

ഗു​ജ​റാ​ത്ത്, മ​ഹാ​രാ​ഷ്ട്ര തു​ട​ങ്ങി​യ സം​സ്ഥാ​ന​ങ്ങ​ളു​മാ​യി ത​ട്ടി​ച്ചുനോ​ക്കു​മ്പോ​ൾ കേ​ര​ള​ത്തി​ന്റെ വാ​യ്പാബാ​ധ്യ​ത കു​റ​വാ​ണെ​ന്ന് ബാ​ല​ഗോ​പാ​ൽ പ​റ​യു​ന്നു​ണ്ട്. എ​ന്നാ​ൽ, ഗു​ജ​റാ​ത്തും മ​ഹാ​രാ​ഷ്ട്ര​യു​മാ​യി ത​ട്ടി​ച്ചു​നോ​ക്കു​ന്ന​ത് ക​ട​ത്തി​ന്റെ കേ​വ​ല​ സം​ഖ്യ വെ​ച്ച​ല്ല. അ​ത്‌ ശാ​സ്ത്രീ​യമ​ല്ല. ആ​ളോ​ഹ​രി ക​ടം എ​ടു​ത്ത് താ​ര​ത​മ്യം​ചെ​യ്യ​ണം. അ​ല്ലെ​ങ്കി​ൽ ക​ടം ജി.​എ​സ്.​ഡി.​പി (GSDP)യു​ടെ ശ​ത​മാ​നം ആ​യി നോ​ക്ക​ണം. അ​ങ്ങ​നെ ചെ​യ്താ​ൽ കേ​ര​ള​ത്തി​ന്റെ ക​ടം കൂ​ടു​തലാ​ണെ​ന്നു കാ​ണാം.

മ​റ്റൊ​രു കാ​ര്യ​വു​മു​ണ്ട്‌. ജി.​എ​സ്.​ഡി.​പി​യു​ടെ ഉ​ള്ള​ട​ക്കം നോ​ക്ക​ണം. പു​റംവ​രു​മാ​നം പി​ന്തു​ണ​ക്കു​ന്ന ഉ​പ​ഭോ​ഗ​മാ​ണ് കേ​ര​ള​ത്തി​ന്റെ ജി.​എ​സ്.​ഡി.​പി​യു​ടെ 62 ശ​ത​മാ​നം. ഇ​ത് ബ​ലൂ​ൺപോ​ലെ വീ​ർ​ത്തി​രി​ക്കു​ന്നു എ​ന്നെ ഉ​ള്ളൂ. പു​റംവ​രു​മാ​നം കു​റ​യു​ന്ന ആ ​നി​മി​ഷം ന​മ്മു​ടെ ജി.​എ​സ്.​ഡി.​പി കു​റ​യും. കോ​വി​ഡ് മൂ​ലം ഗ​ൾ​ഫി​ൽ​നി​ന്നും ആ​ളു​ക​ൾ തി​രി​കെ വ​ന്ന 2020- 21 വ​ർ​ഷം ന​മ്മു​ടെ ജി.​എ​സ്.​ഡി.​പി വ​ള​ർ​ച്ച -9.1 ശ​ത​മാ​നം ആ​യി​രു​ന്നു. ഇ​ന്ത്യ​യി​ൽ ആ ​വ​ർ​ഷം ഏ​റ്റ​വും കു​റ​വ് വ​ള​ർ​ച്ച രേ​ഖ​പ്പെ​ടു​ത്തി​യ​ത് കേ​ര​ള​ത്തി​ലാ​ണ്. 2012 മു​ത​ൽ 2022 വ​രെ​യു​ള്ള 10 വ​ർ​ഷം ഏ​റ്റ​വും കു​റ​ഞ്ഞ ജി.​എ​സ്.​ഡി.​പി വ​ള​ർ​ച്ച രേ​ഖ​പ്പെ​ടു​ത്തി​യ സം​സ്ഥാ​നം കേ​ര​ള​മാ​ണെ​ന്ന് അ​ടു​ത്ത​കാ​ല​ത്തെ റി​സ​ർ​വ് ബാ​ങ്ക് ഓ​ഫ് ഇ​ന്ത്യ​യു​ടെ പ​ഠ​നം കാ​ണി​ക്കു​ന്നു. അ​ത്‌ സൂ​ചി​പ്പി​ക്കു​ന്ന​ത് ന​മ്മു​ടെ സ​മ്പ​ദ് വ്യ​വ​സ്ഥ​യു​ടെ ബ​ല​ഹീ​ന​ത​യാ​ണ്. ഗു​ജ​റാ​ത്ത്, മ​ഹാ​രാ​ഷ്ട്ര സം​സ്ഥാ​ന​ങ്ങ​ൾ വ്യ​വ​സാ​യി​ക​മാ​യി വി​ക​സി​ച്ച സം​സ്ഥാ​ന​ങ്ങ​ളാ​ണ്. അ​വ​ർ ക​ടം വാ​ങ്ങിക്കൂ​ട്ടു​ന്ന​തു​പോ​ലെ കേ​ര​ള​ത്തി​നാ​വി​ല്ല. ജി.​എ​സ്.​ടി വ​രു​മാ​നം വ​ള​രെ ഉ​യ​ർ​ന്ന നി​ര​ക്കി​ൽ വ​ർ​ധി​ക്കു​ന്ന സം​സ്ഥാ​ന​ങ്ങ​ളാ​ണ് അ​വ​രെ​ല്ലാം.

ഡോ. ​തോ​മ​സ് ഐ​സ​ക്

ക​ഴി​ഞ്ഞ അ​ഞ്ചു വ​ർ​ഷ​ക്കാ​ല​യ​ള​വി​ൽ റ​വ​ന്യൂ ക​മ്മി​യും ധ​ന​ക്ക​മ്മി​യും കു​റ​യു​ക​യാ​ണു​ണ്ടാ​യ​ത് എ​ന്ന ഡോ. ​തോ​മ​സ് ഐ​സ​ക്കി​ന്റെ വി​ല​യി​രു​ത്ത​ൽ ഒ​രു​പ​ക്ഷേ ശ​രി​യാ​യി​രി​ക്കാം. അ​തി​ന്റെ ക​ണ​ക്കു​ക​ൾ കൈ​യി​ൽ ഇ​ല്ല. ഇ​നി അ​ഥ​വാ ഡോ. ​ഐ​സ​ക് പ​റ​യു​ന്ന​തു​പോ​ലെ കു​റ​ഞ്ഞി​ട്ടു​ണ്ടെ​ങ്കി​ൽ അ​ത്‌ മെ​ച്ച​പ്പെ​ട്ട ധ​ന​കാ​ര്യ മാ​നേ​ജ്മെ​ന്റി​ന്റെ തെ​ളിവ​ല്ല. റ​വ​ന്യൂ ചെ​ല​വു​ക​ൾ (Revenue expenditure) എ​ന്നു​പ​റ​ഞ്ഞാ​ൽ ശ​മ്പ​ളം, പെ​ൻ​ഷ​ൻ, പ​ലി​ശ എ​ന്നി​വ കൊ​ടു​ക്ക​ൽ മാ​ത്രമല്ല. പൊ​തു​സേ​വ​ന​ങ്ങ​ൾ എ​ന്നു​പ​റ​ഞ്ഞാ​ൽ സ്കൂ​ളു​ക​ളി​ലും കോ​ള​ജു​ക​ളി​ലും അ​ധ്യാ​പ​ക​ർ ഉ​ണ്ടാ​യാ​ൽ മാ​ത്രം ആ​യി​ല്ല. അ​ല്ലെ​ങ്കി​ൽ സ​ർ​ക്കാ​ർ ആ​ശു​പ​ത്രി​ക​ളി​ലും മെ​ഡി​ക്ക​ൽ കോ​ള​ജു​ക​ളി​ലും ഡോ​ക്ട​ർ​മാ​രും പാ​രാമെ​ഡി​ക്ക​ൽ സ്റ്റാ​ഫും ഉ​ണ്ടാ​യാ​ൽ പോ​രാ. സ്കൂ​ളു​ക​ളി​ൽ ന​ല്ല കെ​ട്ടി​ട​ങ്ങ​ളും ല​ബോ​റ​ട്ട​റി​ക​ളും ആ​ധു​നി​ക അ​ധ്യ​യ​നസ​ങ്കേ​ത​ങ്ങ​ളും വേ​ണം. അ​തു​ണ്ടോ? എ​ത്ര​യോ സ്കൂ​ളു​ക​ളി​ൽ പെ​ൺ​കു​ട്ടി​ക​ൾ​ക്ക് മൂ​ത്ര​പ്പു​രയി​ല്ല. ആ​ർ​ട്സ് ആ​ൻ​ഡ് സ​യ​ൻ​സ് കോ​ള​ജു​ക​ളി​ൽ ആ​ധു​നി​ക കോ​ഴ്സു​കളി​ല്ല. ആ​ധു​നി​ക ല​ബോ​റ​ട്ട​റി​ക​ളും മ​റ്റു​മി​ല്ല. പ​ര​മ്പ​രാ​ഗ​ത കോ​ഴ്സു​ക​ൾ​ക്കു പ​ഠി​ക്കാ​ൻ കു​ട്ടി​ക​ളെ കി​ട്ടു​ന്നി​ല്ല.

സാ​മ്പ​ത്തി​ക​മു​ള്ള​വ​രൊ​ക്കെ മ​റ്റ് രാ​ജ്യ​ങ്ങ​ളി​ലേ​ക്ക് കു​ടി​യേ​റു​ക​യാ​ണ്. കു​ടി​യേ​റു​ന്ന​തി​ന്റെ കാ​ര​ണം ഇ​താ​ണ്. ഇ​തു​ത​ന്നെ​യാ​ണ് ആ​ശു​പ​ത്രി​ക​ളു​ടെ​യും സ്ഥി​തി. വ്യ​ക്തി​ക​ൾ സ്വ​ന്തം കൈ​യി​ൽ​നി​ന്നു ചെ​ല​വാ​ക്കു​ന്ന ആ​രോ​ഗ്യചെ​ല​വു​ക​ൾ ഏ​റ്റ​വും കൂ​ടു​ത​ലു​ള്ള സം​സ്ഥാ​ന​മാ​ണ് കേ​ര​ളം. സ്വ​കാ​ര്യ ആ​ശു​പ​ത്രി​ക​ൾ ത​ഴ​ച്ചു​വ​ള​രു​ന്ന​തി​ന്റെ കാ​ര​ണ​വും ഇ​താ​ണ്. എ​ന്നു​പ​റ​ഞ്ഞാ​ൽ വി​ഭ​വ​ദാ​രി​ദ്ര്യം മൂ​ലം ശ​മ്പ​ള​വും പെ​ൻ​ഷ​നും ഒ​ഴി​ച്ചു​ള്ള ചെ​ല​വു​ക​ൾ കു​റ​ച്ചു​വെ​ച്ചു റ​വ​ന്യൂ ക​മ്മി​യും ധ​ന​ക്ക​മ്മി​യും കു​റ​ക്കു​ക​യാ​ണ് ഉ​ണ്ടാ​യ​ത്. കാ​ര​ണം, ക​ട​മെ​ടു​ത്താ​ണ​ല്ലോ റ​വ​ന്യൂ ക​മ്മി പ​രി​ഹ​രി​ക്കു​ന്ന​ത്. അ​ത്‌ ഒ​രു പ​രി​ധി​ക്ക​പ്പു​റം പോ​കാ​ൻ ഒ​ക്കി​ല്ല​ല്ലോ. ഏ​തു മേ​ഖ​ല​യി​ലും പൊ​തു​സേ​വ​ന​ങ്ങ​ളു​ടെ ഗു​ണ​നി​ല​വാ​രം അ​ടി​ക്ക​ടി കു​റ​ഞ്ഞു​വ​രു​ക​യാ​ണ്. ക​മ്മി കു​റ​ഞ്ഞ​തി​നെ​ക്കു​റി​ച്ച് വീ​മ്പുപ​റ​യു​ന്ന​തി​ന്റെ പൊ​ള്ള​ത്ത​ര​മാ​ണി​ത്.

വ​രു​മാ​നം കൂ​ടു​ന്ന​തോ​ടെ ധ​ന​സ്ഥി​തി ഭ​ദ്ര​മാ​കാ​നു​ള്ള എ​ല്ലാ സാ​ധ്യ​ത​യു​മു​ണ്ട്​ എ​ന്നാ​ണ്​ തോ​മ​സ്​ ​െഎ​സ​ക്​ പ​റ​ഞ്ഞി​രു​ന്ന​ത്. വ​രു​മാ​നം കൂ​ട​ണ​മെ​ങ്കി​ൽ പൊ​തു​ചെ​ല​വു​ക​ളി​ൽ അ​ടി​സ്ഥാ​ന​പ​ര​മാ​യ പൊ​ളി​ച്ചെ​ഴു​ത്തു വേ​ണം. സാ​ധാ​ര​ണ ജ​ന​ങ്ങ​ളി​ൽ​നി​ന്ന് മ​ദ്യം, ലോ​ട്ട​റി, പെ​ട്രോ​ൾ എ​ന്നി​വ​യി​ലൂ​ടെ പി​ഴി​ഞ്ഞെ​ടു​ക്കു​ന്ന വി​ഭ​വ​ങ്ങ​ൾ പൊ​തുചെ​ല​വു​ക​ളു​ടെ രൂ​പ​ത്തി​ൽ അ​വ​രി​ലേ​ക്ക് തി​രി​കെ എ​ത്ത​ണം.

പൊ​തുചെ​ല​വു​ക​ൾ സ​മൂ​ലം പൊ​ളി​ച്ചെ​ഴു​തി സാ​ധാ​ര​ണ ജ​ന​ങ്ങ​ളു​ടെ ഉ​പ​ഭോ​ഗം വ​ർ​ധി​പ്പി​ക്കാ​തെ നി​കു​തി​വ​രു​മാ​നം വ​ർ​ധി​പ്പി​ക്കു​ക ഏ​റ​ക്കു​റെ അ​സാ​ധ്യ​മാ​ണ്. അ​തി​നാ​ണ് സാ​ർ​വ​ത്രി​ക പെ​ൻ​ഷ​ൻ എ​ന്ന ആ​ശ​യം മു​ന്നോ​ട്ടുവെ​ച്ച​ത്. വ​സ്തു​നി​കു​തി, തൊ​ഴി​ൽ​ക​രം, വെ​ള്ള​ക്ക​രം എ​ന്നി​വ​യി​ൽ ചെ​റി​യ വ​ർ​ധ​ന ധ​ന​മ​ന്ത്രി ഇ​പ്പോ​ഴേ പ്ര​ഖ്യാ​പി​ച്ചുക​ഴി​ഞ്ഞ​ല്ലോ. എ​ല്ലാ സ​ർ​ക്കാ​ർ സേ​വ​ന​ങ്ങ​ളു​ടെ​യും ഫീ​സു​ക​ൾ വ​ർ​ധി​പ്പി​ക്കാം. Electricity duty വ​ർ​ധി​പ്പി​ച്ചു മ​ധ്യ​വ​ർ​ഗ​ത്തി​ൽ​നി​ന്നും സ​മ്പ​ന്ന​രി​ൽ​നി​ന്നും കൂ​ടു​ത​ൽ വി​ഭ​വ​ങ്ങ​ൾ സ​മാ​ഹ​രി​ക്കാം. ആ​രോ​ഗ്യ വി​ദ്യാ​ഭ്യാ​സ മേ​ഖ​ല​ക​ളി​ലെ സ​ർ​ക്കാ​ർ സേ​വ​ന​ങ്ങ​ളു​ടെ റ​വ​ന്യൂ ചെ​ല​വി​ന്റെ 5.55 ശ​ത​മാ​നം ഫീ​സു​ക​ളാ​യി 1970ക​ളി​ൽ പി​രി​ച്ചി​രു​ന്നു. ഇ​ന്ന​ത് 1.23 ശ​ത​മാ​നമാ​യി കു​റ​ഞ്ഞു. അ​താ​യ​ത്, 2019 -20ൽ 43,152.02 ​കോ​ടി ചെ​ല​വാ​ക്കു​മ്പോ​ൾ ഫീ​സു​ക​ളാ​യി കി​ട്ടു​ന്ന​ റ​വ​ന്യൂ 530.79 കോ​ടി മാ​ത്രം. ഇ​ത് 10 ശ​ത​മാ​ന​മാ​യി വ​ർ​ധി​പ്പി​ച്ചാ​ൽ 4315 കോ​ടി ​സ​മാ​ഹ​രി​ക്കാം.

2021-22ലെ ​പു​തു​ക്കി​യ എ​സ്റ്റി​മേ​റ്റ് പ്ര​കാ​രം കേ​ര​ള​ത്തി​ന്റെ മൊ​ത്തം വ​രു​മാ​ന​ത്തി​ന്റെ 22.87 ശ​ത​മാ​നം പെ​ൻ​ഷ​നാ​യി പോ​വു​ക​യാ​ണ്. അ​താ​യ​ത്, ജ​ന​സം​ഖ്യ​യി​ലെ ര​ണ്ടു ശ​ത​മാ​നം പേ​ർ​ക്ക്- 22.87 ശ​ത​മാ​നം. 19 മു​ഖ്യ സം​സ്ഥാ​ന​ങ്ങ​ളു​ടെ ശ​രാ​ശ​രി 12.23 ശ​ത​മാ​നം ​മാ​ത്ര​മാ​ണ്.

ഭ​ര​ണ​ഘ​ട​ന​പ്ര​കാ​രം കേ​ന്ദ്ര​ത്തെ അ​പേ​ക്ഷി​ച്ച് സം​സ്​​ഥാ​ന​ങ്ങ​ൾ​ക്ക് വി​ഭ​വ​സ​മാ​ഹ​ര​ണ​ത്തി​നു​ള്ള അ​ധി​കാ​ര​ങ്ങ​ൾ കു​റ​വാ​ണ്. പ​ക്ഷേ, ല​ഭ്യ​മാ​യ അ​ധി​കാ​രം ഓ​രോ സം​സ്​​ഥാ​ന​ത്തെ​യും സ​മ്പ​ദ് വ്യ​വ​സ്​​ഥ​യു​ടെ സ​വി​ശേ​ഷ​ത​ക​ളും സാ​മൂ​ഹി​ക സാ​ഹ​ച​ര്യ​ങ്ങ​ളും ക​ണ​ക്കി​ലെ​ടു​ത്ത് വി​ഭ​വ​സ​മാ​ഹ​ര​ണം ന​ട​ത്താം. ഉ​ദാ​ഹ​ര​ണ​മാ​യി, ഖ​ന​ന​മേ​ഖ​ല ശ​ക്ത​മാ​യ സം​സ്​​ഥാ​ന​ങ്ങ​ൾ​ക്ക് ഖ​ന​ന​ത്തി​ൽ​നി​ന്നു​ള്ള റോ​യ​ൽ​റ്റി ഇ​ന​ത്തി​ൽ വ​ലി​യ​തോ​തി​ൽ വ​രു​മാ​നമു​ണ്ട്. വ്യ​വ​സാ​യി​ക​മാ​യി വി​ക​സി​ച്ച സം​സ്​​ഥാ​ന​ങ്ങ​ൾ​ക്ക് നി​കു​തി ഇ​ന​ത്തി​ലും നി​കു​തി​യി​ത​ര ഇ​ന​ത്തി​ലും കൂ​ടു​ത​ൽ വ​രു​മാ​നമു​ണ്ടാ​കും. കേ​ര​ളം​പോ​ലെ വ​ൻ​തോ​തി​ൽ പു​റം​വ​രു​മാ​നമു​ള്ള സം​സ്​​ഥാ​ന​ങ്ങ​ൾ​ക്ക് ഉ​പ​ഭോ​ഗ​ത്തി​ന്മേ​ലു​ള്ള നി​കു​തി​ക​ളാ​ണ് പ്ര​ധാ​ന േസ്രാ​ത​സ്സ്. 1972–73ൽ ​പ്ര​ധാ​ന സം​സ്​​ഥാ​ന​ങ്ങ​ളു​ടെ ഇ​ട​യി​ൽ ആ​ളോ​ഹ​രി ഉ​പ​ഭോ​ഗ​ത്തി​​ന്റെ കാ​ര്യ​ത്തി​ൽ കേ​ര​ള​ത്തി​​ന്റെ സ്​​ഥാ​നം എ​ട്ടാ​മ​താ​യി​രു​ന്നു. 1970ക​ളു​ടെ മ​ധ്യം മു​ത​ൽ ആ​രം​ഭി​ച്ച ഗ​ൾ​ഫ് പ​ണ​ത്തി​ന്റെ വ​ൻ​തോ​തി​ലു​ള്ള ഒ​ഴു​ക്ക് കേ​ര​ള​ത്തി​ലേ​ക്കു​ണ്ടാ​യ​പ്പോ​ൾ ഉ​പ​ഭോ​ഗ​നി​ല ഗ​ണ്യ​മാ​യി ഉ​യ​ർ​ന്നു. കേ​ര​ളം 1983ൽ ​മൂ​ന്നാം സ്​​ഥാ​ന​ത്തേ​ക്കും 1999 മു​ത​ൽ ഒ​ന്നാം സ്​​ഥാ​ന​ത്തേ​ക്കും ഉ​യ​ർ​ന്നു. ഏ​റ്റ​വും അ​വ​സാ​ന​ത്തെ സ​ർ​വേ ന​ട​ന്ന​ത് 2011–12ൽ ​ആ​യി​രു​ന്നു. അ​പ്പോ​ഴും കേ​ര​ളം ഒ​ന്നാം സ്​​ഥാ​ന​ത്താ​ണ്. ഇ​ത് കേ​ര​ളം ന​ട​ത്തി​യ വ​ൻ​കു​തി​പ്പാ​ണ്.

നി​കു​തി പി​രി​ക്കാ​നു​ള്ള സാ​ധ്യ​ത​ക​ളു​ടെ ഭാ​ഗ​ത്തു​നി​ന്നും നോ​ക്കു​മ്പോ​ൾ പ​രി​ഗ​ണി​ക്കേ​ണ്ട​ത് ഉ​പ​ഭോ​ഗ​ത്തി​​ന്റെ ഉ​ള്ള​ട​ക്ക​മാ​ണ്. കാ​ര​ണം, ഭ​ക്ഷ്യേ​ത​ര​വ​സ്​​തു​ക്ക​ൾ പൊ​തു​വെ​യും ആ​ഡം​ബ​ര​വ​സ്​​തു​ക്ക​ൾ പ്ര​ത്യേ​കി​ച്ചും ഉ​യ​ർ​ന്ന നി​ര​ക്കി​ൽ നി​കു​തി ചു​മ​ത്ത​പ്പെ​ടു​ന്ന​വ​യാ​ണ്. കേ​ര​ള​ത്തി​​ന്റെ ഉ​പ​ഭോ​ഗ​ത്തി​​ന്റെ പ്ര​ത്യേ​ക​ത ആ​ഡം​ബ​ര​വ​സ്​​തു​ക്ക​ളു​ടെ വ​ള​രെ ഉ​യ​ർ​ന്ന ഉ​പ​ഭോ​ഗ​മാ​ണ്. പ​ക്ഷേ, വി​ഭ​വ​സ​മാ​ഹ​ര​ണ​ത്തി​നു​ള്ള ശേ​ഷി​യി​ലു​ണ്ടാ​യ ഈ ​വ​ൻ​വ​ർ​ധ​ന യ​ഥാ​ർ​ഥ​ത്തി​ൽ സ​മാ​ഹ​രി​ക്കു​ന്ന വി​ഭ​വ​ങ്ങ​ളി​ൽ പ്ര​തി​ഫ​ലി​ച്ചി​ട്ടി​ല്ല. കേ​ര​ളം രൂ​പ​വ​ത്കൃ​ത​മാ​യ​തി​നുശേ​ഷ​മു​ള്ള ആ​ദ്യ പ​ത്തു​വ​ർ​ഷം അ​താ​യ​ത്, 1957 –58 മു​ത​ൽ 1966–67 വ​രെ​യു​ള്ള 10 വ​ർ​ഷം എ​ടു​ത്താ​ൽ ഇ​ന്ത്യ​യി​ലെ സം​സ്​​ഥാ​ന​ങ്ങ​ൾ മൊ​ത്തം സ​മാ​ഹ​രി​ച്ച ത​ന​തു വി​ഭ​വ​ങ്ങ​ളി​ൽ കേ​ര​ള​ത്തി​ന് 4.45 ഓ​ഹ​രി ഉ​ണ്ടാ​യി​രു​ന്നു. അ​വ​സാ​ന ക​ണ​ക്കു​ക​ൾ ല​ഭ്യ​മാ​യ 2019–20ൽ ​ഇ​ത് 4.34 ആ​യി കു​റ​യു​ക​യാ​ണ് ചെ​യ്ത​ത്.

ആ​ളോ​ഹ​രി ക​ടം

ആ​ളോ​ഹ​രി നി​കു​തി​യി​ൽ ഒ​ന്നാം സ്​​ഥാ​ന​ത്താ​യി​ട്ടും ന​മ്മ​ൾ റ​വ​ന്യൂ ക​മ്മി​യി​ൽ ഒ​ന്നാം സ്​​ഥാ​ന​ത്താ​ണ്. എ​ന്നു​പ​റ​ഞ്ഞാ​ൽ പി​രി​ക്കു​ന്ന നി​കു​തി ചെ​ല​വു​ക​ൾ​ക്ക് തി​ക​യു​ന്നി​ല്ല എ​ന്ന​ർ​ഥം. വേ​റൊ​രു ത​ര​ത്തി​ൽ പ​റ​ഞ്ഞാ​ൽ ആ​ളോ​ഹ​രി നി​കു​തി​ഭാ​രം ഇ​നി​യും വ​ള​രെ​യ​ധി​കം കൂ​ടി​യെ​ങ്കി​ൽ മാ​ത്ര​മേ ആ​ളോ​ഹ​രി ചെ​ല​വു​ക​ൾ​ക്ക് തി​ക​യു​ക​യു​ള്ളൂ. നി​കു​തി ന​ൽ​കാ​നു​ള്ള ആ​ളോ​ഹ​രി ശേ​ഷി​യി​ലും കേ​ര​ളം ഒ​ന്നാ​മ​താ​ണ്. ആ​ളോ​ഹ​രി ശേ​ഷി​ക്ക് ആ​നു​പാ​തി​ക​മാ​യി നി​കു​തി ന​ൽ​കു​ക​യാ​ണെ​ങ്കി​ൽ വി​ഭ​വ​ദാ​രി​ദ്യ്രം മൂ​ലം പൊ​തു​സേ​വ​ന​ങ്ങ​ളു​ടെ ഗു​ണ​നി​ല​വാ​രം താ​ഴ്ന്നു​പോ​കു​ന്ന​ത് ഒ​ഴി​വാ​ക്കാ​ൻ ക​ഴി​യും. നി​ല​വി​ൽ ക​ട​മെ​ടു​ത്ത് റ​വ​ന്യൂ ചെ​ല​വു​ക​ൾ ന​ട​ത്തു​ന്ന​ത് ഒ​ഴി​വാ​ക്കാ​നും ക​ഴി​യും.

ക​ട​മെ​ടു​പ്പും നി​കു​തി​പി​രി​വും ത​മ്മി​ൽ അ​ടി​സ്ഥാ​ന​പ​ര​മാ​യ വ്യ​ത്യാ​സ​മു​ണ്ട്. പി​രി​ച്ചെ​ടു​ക്കേ​ണ്ട, പി​രി​ക്കാ​വു​ന്ന​താ​യ നി​കു​തി പി​രി​ക്കാ​തെയി​രു​ന്നാ​ൽ അ​ത്‌ എ​ന്നേ​ക്കു​മാ​യി ന​ഷ്ട​പ്പെ​ടു​ക​യാ​ണ്. ഉ​പ​ഭോ​ഗ​ത്തി​ന്മേലു​ള്ള പ​രോ​ക്ഷ നി​കു​തി​ക​ളു​ടെ ദൂ​ഷ്യം ഇ​താ​ണ്. അ​തി​നു​പ​ക​രം ക​ട​മെ​ടു​ക്കു​ന്ന​ത് പ​ലി​ശ​യ​ട​ക്കം തി​രി​കെ കൊ​ടു​ക്ക​ണം. മൊ​ത്തം വ​രു​മാ​ന​ത്തി​ന്റെ 20 ശ​ത​മാ​നം പ​ലി​ശയാ​ണെ​ന്ന് ഓ​ർ​ക്ക​ണം. ഇ​തി​ന് മ​റ്റൊ​രു അ​പ​ക​ട​വും ഉ​ണ്ട്‌. നി​കു​തി​യി​ൽനി​ന്നു നി​യ​മാ​നു​സൃ​ത​മോ അ​ല്ലാ​തെ​യോ മാ​റി​നി​ൽ​ക്കാ​ൻ ഭാ​ഗ്യം സി​ദ്ധി​ച്ച​വ​ർ​ക്കാ​യി​രി​ക്കും പ​ല​പ്പോ​ഴും ക​ട​മെ​ടു​പ്പി​ന്റെ പ്ര​യോ​ജ​നം. ക​ട​മെ​ടു​ത്താ​ണ​ല്ലോ ഇ​പ്പോ​ൾ ശ​മ്പ​ള​വും പെ​ൻ​ഷ​നും കൊ​ടു​ത്തു​വ​രു​ന്ന​ത്. മ​ദ്യം, ലോ​ട്ട​റി, പെ​ട്രോ​ൾ തു​ട​ങ്ങി പി​രി​ക്കു​ന്ന നി​കു​തി​യു​ടെ ഭാ​ര​മാ​ക​ട്ടെ പാ​വ​പ്പെ​ട്ട​വ​രു​ടെ​യും പു​റ​മ്പോ​ക്കി​ൽ കി​ട​ക്കു​ന്ന​വ​രു​ടെ​യും മേ​ലാ​ണുതാ​നും പ​തി​ക്കു​ന്ന​ത്.

നി​കു​തി​പി​രി​വി​നു പ​ക​രം ക​ട​മെ​ടു​ക്കു​ന്ന​തി​ന്റെ മ​റ്റൊ​രു ദൂ​ഷ്യം നി​കു​തി കൊ​ടു​ത്തി​ല്ലെ​ങ്കി​ലും സ​ർ​ക്കാ​ർ കാ​ര്യ​ങ്ങ​ൾ ന​ട​ത്തി​ക്കോ​ളും എ​ന്ന ഒ​രു തെ​റ്റി​ദ്ധാ​ര​ണ സ​മൂ​ഹ​ത്തി​ൽ സൃ​ഷ്ടി​ക്ക​പ്പെ​ടും എ​ന്ന​താ​ണ്. ഇ​ത് പു​തി​യ നി​കു​തി​ക​ൾ ഏ​ർ​പ്പെ​ടു​ത്തു​ന്ന​തി​നും നി​ര​ക്കു​ക​ൾ വ​ർ​ധി​പ്പി​ക്കു​ന്ന​തി​നും എ​തി​രാ​യി വ്യാ​പ​ക​മാ​യി എ​തി​ർ​പ്പു​ണ്ടാ​ക്കും. കേ​ര​ള​ത്തി​ൽ സം​ഭ​വി​ച്ചു​കൊ​ണ്ടി​രി​ക്കു​ന്ന​ത് ഇ​താ​ണ്. സ​ന്ന​ദ്ധ​മാ​യ നി​കു​തി ന​ൽ​ക​ൽ സം​സ്കാ​രം ഒ​രു സ​മൂ​ഹം വ​ർ​ഷ​ങ്ങ​ൾ​കൊ​ണ്ട് പ​ടു​ത്തു​യ​ർ​ത്തു​ന്ന​താ​ണ്.

ലോ​ട്ട​റി​യി​ൽ​നി​ന്നു 559.64 കോ​ടി മാ​ത്ര​മാ​ണ് വ​രു​മാ​ന​മെ​ന്ന് ഡോ. ​തോ​മ​സ്​ ഐ​സ​ക്കും ധ​ന​മ​ന്ത്രി കെ.​എ​ൻ. ബാ​ല​ഗോ​പാ​ലും നി​യ​മ​സ​ഭ​യി​ലും പ​റ​ഞ്ഞി​രു​ന്നു. സാ​മ്പ​ത്തി​ക പ്ര​തി​സ​ന്ധി രൂ​ക്ഷ​മാ​യ​തോ​ടെ​യാ​ണ് ഇ​ത്ത​രം വി​ത​ണ്ഡ​വാ​ദ​ങ്ങ​ൾ ഉ​യ​രു​ന്ന​ത്. നാ​ളി​തു​വ​രെ ലോ​ട്ട​റി വി​റ്റു​കി​ട്ടു​ന്ന​ത് സം​സ്​​ഥാ​ന​ത്തി​​ന്റെ നി​കു​തി​യി​ത​ര വ​രു​മാ​ന​ത്തി​ന്റെ ഭാ​ഗ​മാ​യി​രു​ന്നു. ധ​ന​മ​ന്ത്രി നി​യ​മ​സ​ഭ​യു​ടെ മേ​ശ​പ്പു​റ​ത്തു​വെ​ച്ച ബ​ജ​റ്റ് ഇ​ൻ ബ്രീ​ഫ് 2022–23 എ​ന്ന ധ​ന​കാ​ര്യ​വ​കു​പ്പി​ന്റെ പ്ര​സി​ദ്ധീ​ക​ര​ണ​ത്തി​​ന്റെ എ–2 ​പേ​ജി​ൽ കൊ​ടു​ത്തി​ട്ടു​ള്ള ടേ​ബി​ൾ എ–2​ൽ ലോ​ട്ട​റി​യു​ടെ 2021–22ലെ ​വ​രു​മാ​നം 6974 കോ​ടി എ​ന്നാ​ണ് കൊ​ടു​ത്തി​ട്ടു​ള്ള​ത്. വാ​ദി​ച്ചുജ​യി​ക്കാ​ൻ വ​സ്​​തു​ത​ക​ളെ സൗ​ക​ര്യ​പൂ​ർ​വം വ​ള​ച്ചൊ​ടി​ക്കു​ന്ന​തി​​ന്റെ ഉ​ദാ​ഹ​ര​ണ​മാ​ണി​ത്.

ലോ​ട്ട​റി വി​റ്റു​കി​ട്ടു​ന്ന വ​രു​മാ​ന​ത്തി​ൽ​നി​ന്ന് പ​ര​സ്യ​ച്ചെ​ല​വ്, ഏ​ജ​ന്റു​മാ​രു​ടെ ക​മീ​ഷ​ൻ, സ​മ്മാ​നം എ​ന്നി​വ കു​റ​ച്ച് കി​ട്ടു​ന്ന​ത് 559.64 കോ​ടി​യാ​ണ് എ​ന്ന​ത് സ​ത്യ​മാ​ണ്. പ​ക്ഷേ, സ​ർ​ക്കാ​റി​ന്റെ വ​രു​മാ​ന​ത്തെ സം​ബ​ന്ധി​ച്ച ക​ണ​ക്കു​ക​ൾ സൂ​ക്ഷി​ക്കു​ന്ന അ​ക്കൗ​ണ്ടി​ങ് രീ​തി​യ​നു​സ​രി​ച്ച് വ​രു​മാ​ന​ത്തെ മൊ​ത്ത​മാ​യി എ​ടു​ക്കു​ക​യാ​ണ് ചെ​യ്യു​ന്ന​ത്. ആ ​വ​രു​മാ​നം നേ​ടാ​ൻ വേ​ണ്ടി​വ​രു​ന്ന ചെ​ല​വു​ക​ൾ കു​റ​ച്ച് അ​റ്റ​വ​രു​മാ​ന​മാ​യി അ​ല്ല രേ​ഖ​പ്പെ​ടു​ത്തു​ന്ന​ത് എ​ന്ന​ർ​ഥം. മു​ഴു​വ​ൻ സം​സ്​​ഥാ​ന​ങ്ങ​ളി​ലും പി​ന്തു​ട​രു​ന്ന രീ​തി​യാ​ണി​ത്. വ​രു​മാ​ന​ത്തി​ന് പ​ക​രം വ​ര​വും ചെ​ല​വും ക​ഴി​ച്ച് ലാ​ഭം എ​ത്ര​യാ​ണെ​ന്ന് ക​ണ​ക്കു​കൂ​ട്ടു​ന്ന സ്വ​കാ​ര്യ​വ്യ​ക്തി​യു​ടെ അ​ക്കൗ​ണ്ടി​ങ് രീ​തി​യ​ല്ല സ​ർ​ക്കാ​റു​ക​ൾ പി​ന്തു​ട​രു​ന്ന​ത്.

ഡോ. ​തോ​മ​സ്​ ഐ​സ​ക്കി​നും ധ​ന​മ​ന്ത്രി​ക്കും ഒ​ന്നും അ​റി​യാ​ത്ത​ത​ല്ല ഇ​ത്. ഗ​വ​ർ​ണ​ർ കേ​ര​ളം മ​ദ്യ​ത്തെ​യും ലോ​ട്ട​റി​യെ​യും ആ​ശ്ര​യി​ച്ചാ​ണ് പു​ല​ർ​ന്നു​പോ​കു​ന്ന​ത് എ​ന്ന് അ​ഭി​പ്രാ​യ​പ്പെ​ട്ട​താ​ണ് പ്ര​കോ​പ​നം. സ​ത്യ​ത്തി​ൽ ലോ​ട്ട​റി​യെ​ന്ന വ​രു​മാ​നം ഉ​ണ്ടാ​ക്കാ​നു​ള്ള ചെ​ല​വാ​ണ് പ​ര​സ്യ​വും ക​മീ​ഷ​നും സ​മ്മാ​ന​ങ്ങ​ളും. ലോ​ട്ട​റി വ​കു​പ്പി​ലെ ഉ​ദ്യോ​ഗ​സ്​​ഥ​രു​ടെ ശ​മ്പ​ള​വും പെ​ൻ​ഷ​നും മ​റ്റു ചെ​ല​വു​ക​ളും കൂ​ടി കു​റ​ച്ചാ​ൽ ഒ​രു​പ​ക്ഷേ വ​രു​മാ​നം​ത​ന്നെ കാ​ണു​ക​യി​ല്ല. എ​ല്ലാ നി​കു​തി​ക​ളു​ടെ​യും കാ​ര്യ​ത്തി​ൽ ഈ ​രീ​തി​യാ​ണ് പി​ന്തു​ട​രു​ന്ന​തെ​ങ്കി​ൽ കേ​ര​ള​ത്തി​​ന്റെ വ​രു​മാ​നം എ​ത്ര​മാ​ത്രം കു​റ​വാ​യി​രി​ക്കും?

കി​ഫ്​​ബി​യു​ടെ ത​ക​ർ​ച്ച

അ​തി​നി​ട​യി​ൽ പൊ​തു​സ​മൂ​ഹ​ത്തി​ൽ ചി​ല ചോ​ദ്യ​ങ്ങ​ൾ ഉ​യ​രു​ന്നു​ണ്ട്. കി​ഫ്ബി വി​ഭാ​വ​നം​ചെ​യ്ത 73,908 കോ​ടി​യു​ടെ 993 പ​ദ്ധ​തി​ക​ൾ ന​ട​പ്പാ​ക്കി​യെ​ങ്കി​ൽ കേ​ര​ള​ത്തി​ന്റെ വി​ക​സ​ന​ത്തി​ൽ വ​ലി​യ കു​തി​പ്പ് ഉ​ണ്ടാ​കു​മാ​യി​രു​ന്നി​ല്ലേ? കി​ഫ്ബി വാ​യ്പ​ക​ൾ സം​സ്​​ഥാ​ന​ത്തി​ന്റെ മൊ​ത്തം ക​ട​മെ​ടു​പ്പി​ന്റെ പ​രി​ധി​യി​ൽ കൊ​ണ്ടു​വ​ന്ന് കി​ഫ്ബി​യെ മ​നഃ​പൂ​ർ​വം പ​രാ​ജ​യ​പ്പെ​ടു​ത്തു​ക​യ​ല്ലേ കേ​ന്ദ്ര​സ​ർ​ക്കാ​ർ? എ​ന്നാ​ൽ, മ​റി​ച്ചാ​ണ്​ വ​സ്​​തു​ത.

2021 ജൂ​ണി​ൽ തോ​മ​സ് ഐ​സ​ക് പ​റ​ഞ്ഞ​ത് ര​ണ്ടുമൂ​ന്നു വ​ർ​ഷ​ത്തി​നു​ള്ളി​ൽ കേ​ര​ള​ത്തി​ന്റെ അ​ടി​സ്ഥാ​ന സൗ​ക​ര്യ​മേ​ഖ​ല അ​ടി​മു​ടി ന​വീ​ക​രി​ക്കും എ​ന്നാ​ണ്. അ​ടി​സ്ഥാ​ന സൗ​ക​ര്യ​ങ്ങ​ളെ സാ​മ്പ​ത്തി​ക അ​ടി​ത്ത​റ​യു​ടെ അ​ടി​മു​ടി​യു​ള്ള മാ​റ്റ​ത്തി​ലേ​ക്ക് പ​രി​വ​ർ​ത്ത​നം ചെ​യ്യും എ​ന്നും. എ​ന്നാ​ൽ, കി​ഫ്ബി നി​ൽ​ക്കാ​ൻ പോ​വു​ക​യാ​ണ്. ഡോ. ​ഐ​സ​ക്കി​ന്റെ മ​ല​ർപ്പൊ​ടി​ക്കാ​ര​ന്റെ സ്വ​പ്ന​മാ​യി ഇ​തൊ​ക്കെ. ചെ​റു​പ്പ​ക്കാ​ർ വ്യാ​പ​ക​മാ​യി പ​ല രാ​ജ്യ​ങ്ങ​ളി​ലേ​ക്കും തൊ​ഴി​ലും ജീ​വി​ത​വും തേ​ടി കു​ടി​യേ​റു​ക​യാ​ണ്. കേ​ര​ള​ത്തി​ൽ അ​വ​ർ​ക്ക് തൊ​ഴി​ൽ ന​ൽ​കാ​ൻ ക​ഴി​യു​ന്നി​ല്ല. ന​മ്മു​ടെ സ​ർ​വ​ക​ലാ​ശാ​ല​ക​ൾ​ക്കു കീ​ഴി​ലു​ള്ള കോ​ള​ജു​ക​ളി​ൽ പ​ല കോ​ഴ്സു​ക​ൾ​ക്കും സീ​റ്റ് ഒ​ഴി​ഞ്ഞു​കി​ട​ക്കു​ക​യാ​ണ്. വി​ദ്യാ​ർ​ഥി​ക​ൾ കേ​ര​ളം വി​ട്ടു​പോ​വു​ക​യാ​ണ്. അ​ൺ ഇ​ക്ക​​ണോ​മി​ക് സ്കൂ​ളു​ക​ൾ എ​ന്ന​പോ​ലെ അ​ൺ ഇ​ക്ക​ണോ​മി​ക് കോ​ള​ജു​ക​ൾ വ​രാ​ൻ ​പോ​വു​ക​യാ​ണ്. എം.​എ​സ്.​എം.​ഇ മേ​ഖ​ല​യി​ൽ കു​തി​പ്പു​ണ്ട്‌. ഒ​രു​ല​ക്ഷം സം​രം​ഭ​ങ്ങ​ൾ എ​ന്ന​തി​ൽ ഭൂ​രി​പ​ക്ഷ​വും ക​ച്ച​വ​ട​സ്ഥാ​പ​ന​ങ്ങ​ളാ​കാ​നാ​ണ് സാ​ധ്യ​ത. കു​റെ മാ​നു​ഫാ​ക്ച​റി​ങ് യൂ​നി​റ്റു​ക​ൾ ക​ണ്ടേ​ക്കാം. പ​ക്ഷേ, ഡോ. ​തോ​മ​സ് ഐ​സ​ക് പ​റ​യു​ന്ന സ്കി​ൽ​ഡ് മ​നു​ഷ്യാ​ധ്വാ​നം (skilled manpower) ഉ​പ​യോ​ഗ​പ്പെ​ടു​ത്താ​ൻ പ്രാ​പ്ത​മാ​യ ആ​ധു​നി​ക ചെ​റു​കി​ട-ഇ​ട​ത്ത​രം വ്യ​വ​സാ​യ​ങ്ങ​ൾ വ​ള​രെ കു​റ​വാ​ണ്. ഇ​തി​ന് ഉ​യ​ർ​ന്ന ഇ​ട​ത്ത​രം-വ​ൻ​കി​ട വ്യ​വ​സാ​യ​ങ്ങ​ൾ ഉ​ണ്ടെ​ങ്കി​ൽ മാ​ത്ര​മേ സാ​ധി​ക്കു​ക​യു​ള്ളൂ. കാ​ര​ണം, വ​ൻ വ്യ​വ​സാ​യ​ങ്ങ​ളു​ടെ ആ​ൻസി​ല​റി യൂ​നി​റ്റു​ക​ളാ​യാ​ണ് ഇ​ത്ത​രം വ്യ​വ​സാ​യ​ങ്ങ​ൾ നി​ല​നി​ൽ​ക്കു​ന്ന​ത്. അ​തി​നു​ള്ള സാ​ധ്യ​ത കേ​ര​ള​ത്തി​ൽ ​വ​ള​രെ ​കു​റ​വാ​ണ്.

കേ​ന്ദ്ര​സ​ർ​ക്കാ​റാ​ണ് കി​ഫ്ബി​യെ പ​രാ​ജ​യ​പ്പെ​ടു​ത്തു​ന്ന​ത് എ​ന്ന വാ​ദം വ​സ്​​തു​ത​ക​ൾ​ക്ക് നി​ര​ക്കു​ന്ന​ത​ല്ല. 2017 ജൂ​ലൈ മാ​സം ഡോ. ​ഐ​സ​ക് നി​യ​മ​സ​ഭ​യി​ൽ പ്ര​ഖ്യാ​പി​ച്ച​ത് 15,000 കോ​ടി​യു​ടെ പ​ദ്ധ​തി​ക​ൾ കി​ഫ്ബി ത​യാ​റാ​ക്കി​ക്ക​ഴി​ഞ്ഞു​വെ​ന്നും 2017, 2018 വ​ർ​ഷ​ങ്ങ​ളി​ൽ 25,000 കോ​ടി രൂ​പ​യു​ടെ കി​ഫ്ബി പ​ദ്ധ​തി​ക​ൾ മാ​ന്ദ്യ​വി​രു​ദ്ധ പാ​ക്കേ​ജാ​യി മാ​റും എ​ന്നൊ​ക്കെ​യാ​ണ്. പ​ക്ഷേ, 2022 ജൂ​ലൈ മാ​സ​ത്തി​ലെ ക​ണ​ക്കു​ക​ൾ​പ്ര​കാ​രം ക​ഴി​ഞ്ഞ ആ​റ​ര​വ​ർ​ഷ​ത്തി​നി​ടെ കി​ഫ്ബി ആ​കെ ചെ​ല​വ​ഴി​ച്ചി​രി​ക്കു​ന്ന​ത് 20,532 കോ​ടി രൂ​പ​യാ​ണ്. കി​ഫ്ബി​ക്ക് സ​മാ​ഹ​രി​ക്കാ​നാ​യ​ത് വെ​റും 3102 കോ​ടി രൂ​പ. ബാ​ക്കി​യൊ​ക്കെ കേ​ര​ള​സ​ർ​ക്കാ​റി​ന്റെ ബ​ജ​റ്റി​ലൂ​ടെ​യു​ള്ള സം​ഭാ​വ​ന​യാ​ണ്. കി​ഫ്ബി​യു​ടെ തി​രി​ച്ച​ട​വി​​ന്റെ പൂ​ർ​ണ ഉ​ത്ത​ര​വാ​ദി​ത്തം കേ​ര​ള​സ​ർ​ക്കാ​റി​നാ​യി​രി​ക്കും എ​ന്ന് ഇ​തു​മാ​യി ബ​ന്ധ​പ്പെ​ട്ട രേ​ഖ​ക​ൾ വ്യ​ക്ത​മാ​ക്കു​ന്നു​ണ്ട്.

കേ​ര​ള സ​ർ​ക്കാ​റി​ന്റെ മോ​ശ​മാ​യ ധ​ന​സ്​​ഥി​തി​യാ​ണ് യ​ഥാ​ർ​ഥ​ത്തി​ൽ കി​ഫ്ബി​യു​ടെ ക​ട​മെ​ടു​പ്പി​ന് ത​ട​സ്സം. റേ​റ്റി​ങ് ഏ​ജ​ൻ​സി​ക​ൾ കേ​ര​ളം ന​ൽ​കു​ന്ന റേ​റ്റി​ങ്ങി​നെ അ​ടി​സ്​​ഥാ​ന​പ്പെ​ടു​ത്തി​യാ​ണ് കി​ഫ്ബി​യി​ൽ നി​ക്ഷേ​പം വ​രു​ന്ന​ത്. എ​ന്നു​പ​റ​ഞ്ഞാ​ൽ കേ​ന്ദ്ര​സ​ർ​ക്കാ​ർ വാ​യ്പാ​പ​രി​ധി കൊ​ണ്ടു​വ​രു​ന്ന​തി​നു മു​മ്പു​ത​ന്നെ നി​ക്ഷേ​പ​ങ്ങ​ൾ ആ​ക​ർ​ഷി​ക്കു​ന്ന​തി​ൽ കി​ഫ്ബി പ​രാ​ജ​യ​പ്പെ​ട്ടി​രു​ന്നു. കി​ഫ്ബി​യു​ടെ മേ​ന്മ​യാ​യി കൊ​ട്ടി​ഗ്ഘോ​ഷി​ക്ക​പ്പെ​ട്ടി​രു​ന്ന​ത് കാ​ര്യ​ക്ഷ​മ​ത​യും വേ​ഗവു​മാ​യി​രു​ന്നു. പി.​ഡ​ബ്ല്യു.​ഡി​യി​ലെ ചു​വ​പ്പു​നാ​ട​യും അ​ഴി​മ​തി​യും ഒ​ഴി​വാ​ക്കി പ​ദ്ധ​തി​ക​ൾ വേ​ഗ​ത്തി​ൽ ഏ​റ്റെ​ടു​ക്കാ​നും പൂ​ർ​ത്തി​യാ​ക്കാ​നും കി​ഫ്ബി​ക്ക് ക​ഴി​യു​മെ​ന്നാ​യി​രു​ന്നു വാ​ദം. പ​ക്ഷേ, പൂ​ർ​ത്തി​യാ​യ സ്​​കൂ​ൾ കെ​ട്ടി​ട​ങ്ങ​ൾ, പാ​ല​ങ്ങ​ൾ എ​ന്നി​വ​യു​ടെ കാ​ര്യ​ത്തി​ലൊ​ക്കെ ഗു​ണ​നി​ല​വാ​രം സം​ബ​ന്ധി​ച്ച് നി​ര​വ​ധി പ​രാ​തി​ക​ൾ ഉ​യ​ർ​ന്നു​വ​ന്നു ക​ഴി​ഞ്ഞു. മ​ത്സ​രാ​ധി​ഷ്ഠി​ത ടെ​ൻ​ഡ​റി​ന് പ​ക​രം ഊ​രാ​ളു​ങ്ക​ൽ ലേ​ബ​ർ കോ​ൺ​ട്രാ​ക്ട് സൊ​സൈ​റ്റി​യെ പ​ണി ഏ​ൽ​പി​ക്കു​ന്ന​തു​കൊ​ണ്ട് ചെ​ല​വും കൂ​ടാ​ൻ സാ​ധ്യ​ത​യു​ണ്ട്.

ഒ​രു​ത​ര​ത്തി​ൽ കി​ഫ്ബി​യു​ടെ പ​രാ​ജ​യം ഉ​ർ​വ​ശീ​ശാ​പം ഉ​പ​കാ​രം എ​ന്ന​പോ​ലെ​യാ​ണ്. ഡോ. ​ഐ​സ​ക് അ​വ​കാ​ശ​പ്പെ​ട്ടി​രു​ന്ന​തു​പോ​ലെ 70,000 കോ​ടി രൂ​പ​യു​ടെ പ​ദ്ധ​തി​ക​ൾ ഏ​റ്റെ​ടു​ക്കു​ന്നു എ​ന്നി​രി​ക്ക​ട്ടെ. പ​ദ്ധ​തി​ച്ചെ​ല​വി​ന്റെ സിം​ഹ​ഭാ​ഗ​വും ഉ​യ​ർ​ന്ന പ​ലി​ശ​ക്കെ​ടു​ക്കു​ന്ന വാ​യ്പ​കൊ​ണ്ടാ​ണ​ല്ലോ നി​റ​വേ​റ്റു​ന്ന​ത്. ഭാ​വി​യി​ൽ വ​രു​മാ​നം സൃ​ഷ്​​ടി​ക്കു​ന്ന ആ​സ്​​തി​ക​ൾ കി​ഫ്ബി​യി​ൽ വ​ള​രെ കു​റ​വാ​ണ്. സം​സ്​​ഥാ​ന​ത്തി​​ന്റെ റ​വ​ന്യൂ വ​രു​മാ​ന​ത്തി​ൽ​നി​ന്നു​ള്ള​തും കേ​ന്ദ്രം അ​നു​വ​ദി​ക്കു​ന്ന വാ​യ്പ​യി​ൽ​നി​ന്നു​ള്ള​തും ഉ​പ​യോ​ഗി​ച്ച് പ​ണ്ട് നി​ർ​മി​ച്ചുവ​ന്നി​രു​ന്ന സ്​​കൂ​ൾകെ​ട്ടി​ട​ങ്ങ​ളും പാ​ല​ങ്ങ​ളും റോ​ഡു​ക​ളു​മൊ​ക്കെ​യാ​ണ് ഉ​യ​ർ​ന്ന പ​ലി​ശ​ക്കെ​ടു​ക്കു​ന്ന വാ​യ്പ​കൊ​ണ്ട് ന​ട​ത്തി​യെ​ടു​ക്കു​ന്ന​ത് എ​ന്നോ​ർ​ക്ക​ണം. കി​ഫ്ബി​യു​ടെ ഭീ​മ​മാ​യ തി​രി​ച്ച​ട​വ് ഒ​രു​പ​ക്ഷേ സം​സ്​​ഥാ​ന​ത്തെ സാ​മ്പ​ത്തി​ക ത​ക​ർ​ച്ച​യു​ടെ പ​ടു​കു​ഴി​യി​ലേ​ക്ക് വ​ലി​ച്ചെ​റി​ഞ്ഞേ​നേ.

ഇ​ന്ത്യ​യു​ടെ സം​സ്ഥാ​ന​ങ്ങ​ളു​ടെ ധ​ന​കാ​ര്യ​ത്തെ 2021-22ലെ ​പു​തു​ക്കി​യ എ​സ്റ്റി​മേ​റ്റി​ന്റെ അ​ടി​സ്ഥാ​ന​ത്തി​ൽ പ​ഠ​നം പു​റ​ത്തി​റ​ങ്ങി​യി​ട്ടു​ണ്ട്. ഈ ​പ​ഠ​ന​ത്തി​ൽ നി​തി ആ​യോ​ഗ് പ്ര​ധാ​ന സം​സ്ഥാ​ന​ങ്ങ​ളാ​യി പ​രി​ഗ​ണി​ക്കു​ന്ന 17 സം​സ്ഥാ​ന​ങ്ങ​ളി​ൽ കേ​ര​ളം എ​വി​ടെ​യാ​ണ് നി​ൽ​ക്കു​ന്ന​ത്? ശ​മ്പ​ള​ത്തി​നും പെ​ൻ​ഷ​നു​മാ​യി ഏ​റ്റ​വും കൂ​ടു​ത​ൽ ചെ​ല​വ​ഴി​ക്കു​ന്ന​ത് കേ​ര​ള​മാ​ണ്. 17 സം​സ്ഥാ​ന​ങ്ങ​ൾ മൊ​ത്തം വ​രു​മാ​ന​ത്തി​ന്റെ ശ​രാ​ശ​രി 40.63 ശ​ത​മാ​നം ശ​മ്പ​ള​ത്തി​നും പെ​ൻ​ഷ​നും വേ​ണ്ടി ചെ​ല​വ​ഴി​ക്കു​മ്പോ​ൾ കേ​ര​ളം 61.57 ശ​ത​മാ​ന​മാ​ണ് ചെ​ല​വാ​ക്കു​ന്ന​ത്. പെ​ൻ​ഷ​ന്റെ കാ​ര്യം മാ​ത്ര​മെ​ടു​ത്താ​ൽ കേ​ര​ള​ത്തി​ന്റേ​ത് 22.87 ശ​ത​മാ​ന​മാ​ണെ​ങ്കി​ൽ 17 സം​സ്ഥാ​ന​ങ്ങ​ളു​ടെ ശ​രാ​ശ​രി 12.22 ശ​ത​മാ​നം മാ​ത്ര​മാ​ണ്. പ​ലി​ശ​യു​ടെ കാ​ര്യ​ത്തി​ൽ മൊ​ത്തം വ​രു​മാ​ന​ത്തി​ന്റെ 18.76 ശ​ത​മാ​നം കേ​ര​ളം മാ​റ്റി​വെ​ക്കു​മ്പോ​ൾ 17 പ്ര​ധാ​ന സം​സ്ഥാ​ന​ങ്ങ​ളു​ടെ ശ​രാ​ശ​രി 14.58 ശ​ത​മാ​നം മാ​ത്ര​മാ​ണ്. ശ​മ്പ​ളം, പെ​ൻ​ഷ​ൻ, പ​ലി​ശ എ​ന്നി​വ ‘ഏ​റ്റു​പോ​യ’ ചെ​ല​വി​ന​ങ്ങ​ളാ​ണ്. എ​ന്നു പ​റ​ഞ്ഞാ​ൽ അ​വ​ക്ക് മാ​റ്റി​വെ​ച്ചുക​ഴി​ഞ്ഞ് ബാ​ക്കി​യു​ള്ള​തും ക​ടം കി​ട്ടു​ന്ന​തും ഉ​പ​യോ​ഗി​ച്ചാ​ണ് മ​റ്റു ചെ​ല​വു​ക​ൾ. കേ​ര​ളം ഈ ​മൂ​ന്ന് ഇ​ന​ങ്ങ​ൾ​ക്കു​മാ​യി മൊ​ത്തം വ​രു​മാ​ന​ത്തി​ന്റെ 80.33 ശ​ത​മാ​നം മാ​റ്റി​വെ​ക്കു​മ്പോ​ൾ 17 പ്ര​ധാ​ന സം​സ്ഥാ​ന​ങ്ങ​ളു​ടെ ശ​രാ​ശ​രി 55.21 ശ​ത​മാ​നം മാ​ത്ര​മാ​ണ്. എ​ന്നു പ​റ​ഞ്ഞാ​ൽ 100 രൂ​പ വ​രു​മാ​നം കി​ട്ടു​മ്പോ​ൾ 80.33 രൂപ മാ​റ്റി​വെ​ക്കേ​ണ്ടി​വ​രു​ന്നു. പി​ന്നെ ബാ​ക്കി​യു​ള്ള​ത് 19.67 മാ​ത്രം. നേ​രെ മ​റി​ച്ച് 17 സം​സ്ഥാ​ന​ങ്ങ​ൾ​ക്ക് 55.21 ക​ഴി​ച്ച് 44.79 ശ​ത​മാ​നം മ​റ്റ് ആ​വ​ശ്യ​ങ്ങ​ൾ​ക്ക് ല​ഭി​ക്കു​ന്നു. ക​ടം വാ​ങ്ങി അ​ത്യാ​വ​ശ്യം കാ​ര്യ​ങ്ങ​ൾ ന​ട​ത്തി​വ​ന്ന കേ​ര​ള​ത്തി​നാ​ണ് ക​ട​മെ​ടു​പ്പി​ലെ നി​യ​ന്ത്ര​ണം ബാ​ധി​ക്കു​ന്ന​ത് എ​ന്ന​ർ​ഥം. മ​റ്റു സം​സ്ഥാ​ന​ങ്ങ​ൾ​ക്കൊ​ക്കെ അ​ത്യാ​വ​ശ്യം കൈ​ക്കാ​ശ് ഉ​ണ്ട്‌. ന​മു​ക്ക് ക​ടം മാ​ത്ര​മാ​ണ് കൈ​മു​ത​ൽ.

♦

ഗു​ലാ​ത്തി ഇ​ൻ​സ്റ്റി​റ്റ്യൂ​ട്ട് ഫി​നാ​ൻ​സ് ആ​ൻ​ഡ് ടാ​ക്സേ​ഷ​നി​ലെ മു​ൻ ഫാ​ക്ക​ൽ​റ്റി അം​ഗ​മാ​ണ് ധ​ന​ത​ത്ത്വ​ശാ​സ്ത്ര വി​ദ​ഗ്​​ധ​നാ​യ ലേ​ഖ​ക​ൻ.