‘ചി​ല ജോ​ലി​ക​ൾ ഇ​ല്ലാ​താ​യേ​ക്കാം​; എ​ന്നാ​ൽ പു​തി​യ സാ​ധ്യ​ത വ​രും’

നി​ർ​മി​ത​ബു​ദ്ധി ഉ​പ​യോ​ഗി​ച്ച്​ പ്ര​വ​ർ​ത്തി​ക്കു​ന്ന ചാ​റ്റ്​​ജി​പി​ടി പൂ​ർ​ണ​തോ​തി​ൽ പ്ര​വ​ർ​ത്ത​നസ​ജ്ജ​മാ​യാ​ൽ എ​ന്ത് സം​ഭ​വി​ക്കു​മെ​ന്ന ചോ​ദ്യം എ​ല്ലാ​വ​രി​ലു​മു​ണ്ട്. തൊ​ഴി​ൽ ന​ഷ്​​ട​പ്പെ​ടു​മെ​ന്ന ആ​ശ​ങ്ക​യാ​ണ്​ അ​തി​ൽ പ്ര​ധാ​നം. അ​തി​നെ​ക്കു​റി​ച്ച്​ ചാ​റ്റ്​​ജി​പി​ടി​ ത​ന്നെ എ​ന്തു​പ​റ​യു​ന്നു​വെ​ന്ന്​ നോ​ക്കാം.

മൊ​ഴി​മാ​റ്റം: ബാ​സി​ൽ ഇ​സ്​​ലാം

നമു​ക്ക്​ ചോ​ദ്യ​ങ്ങ​ൾ ഉ​ന്ന​യി​ക്കാ​നു​ള്ള സം​വി​ധാ​നം​കൂ​ടി​യാ​ണ്​ ചാ​റ്റ്​​ജി​പി​ടി. പൂ​ർ​ണ​സ​ജ്ജ​മാ​കാ​ത്ത ചാ​റ്റ്​​ജി​പി​ടി​യി​ൽ ന​മു​ക്ക്​ ചെ​യ്യാ​വു​ന്ന​തും ചോ​ദ്യ​ങ്ങ​ൾ ഉ​ന്ന​യി​ക്കു​ക​ത​ന്നെ. നി​ർ​മി​ത​ബു​ദ്ധി തൊ​ഴി​ൽ ന​ഷ്​​ട​മു​ണ്ടാ​ക്കു​മോ? എ​ന്താ​ണ്​ തൊ​ഴി​ൽമേ​ഖ​ല​യി​ൽ ഇ​നി സം​ഭ​വി​ക്കു​ക? ചാ​റ്റ്​​ജി​പി​ടി ന​ൽ​കു​ന്ന ഉ​ത്ത​ര​ങ്ങ​ൾ വാ​യി​ക്കാം.

നി​ർ​മി​ത​ബു​ദ്ധി (എ.​ഐ) മ​നു​ഷ്യ​രി​ൽ വ​ലി​യ അ​ള​വി​ലു​ള്ള തൊ​ഴി​ൽ​ന​ഷ്ട​ത്തി​ലേ​ക്ക് ന​യി​ക്കു​മോ?

പ​ല വ്യ​വ​സാ​യ​ങ്ങ​ളി​ലും മേ​ഖ​ല​ക​ളി​ലും എ.​ഐ സാ​ങ്കേ​തി​ക​വി​ദ്യ​യും യ​ന്ത്ര​വ​ത്ക​ര​ണ​വും ന​ട​പ്പാ​ക്കു​ന്ന​ത് തൊ​ഴി​ൽ വി​പ​ണി​യെ​യും ജോ​ലി​സാ​ധ്യ​ത​ക​ളെ​യും ബാ​ധി​ക്കു​മെ​ന്ന​ത് ശ​രി​യാ​ണ്.

പ്ര​ത്യേ​ക ജോ​ലി​ക​ൾ യ​ന്ത്ര​വ​ത്ക​രി​ക്കാ​നും അ​തി​ന്റെ കാ​ര്യ​ക്ഷ​മ​ത വ​ർ​ധി​പ്പി​ക്കാ​നും എ.​ഐ​ക്ക് ക​ഴി​യു​മെ​ന്നി​രി​ക്കെ, നി​ർ​മി​ത​ബു​ദ്ധി സൃ​ഷ്ടി​ക്ക​ൽ, അ​റ്റ​കു​റ്റ​പ്പ​ണി, ന​ട​ത്തി​പ്പ് എ​ന്നീ മേ​ഖ​ല​ക​ളി​ൽ ഒ​രു​പാ​ട് തൊ​ഴി​ൽ​സാ​ധ്യ​ത​ക​ൾ സൃ​ഷ്ടി​ക്കാ​ൻ ക​ഴി​യും. ഒ​പ്പം, മ​നു​ഷ്യ​ന്റെ കാ​ര്യ​ക്ഷ​മ​ത മെ​ച്ച​പ്പെ​ടു​ത്താ​നും സ​ർ​ഗാ​ത്മ​ക​ത​യും പ്ര​ശ്ന​പ​രി​ഹാ​ര​ശേ​ഷി​യും ആ​വ​ശ്യ​മാ​യ കൂ​ടു​ത​ൽ മൂ​ല്യ​വ​ത്താ​യ പ്ര​വൃ​ത്തി​ക​ളി​ൽ ശ്ര​ദ്ധ​കേ​ന്ദ്രീ​ക​രി​ക്കാ​നും ജോ​ലി​ക്കാ​രെ അ​ത് പ്രാ​പ്ത​രാ​ക്കു​ന്നു​ണ്ട്. തൊ​ഴി​ലു​ക​ളി​ൽ എ.​ഐ ബാ​ധി​ക്കു​ന്ന​തി​ന്റെ തോ​ത് പ്ര​ദേ​ശ​ത്തി​നും വ്യ​വ​സാ​യ​ത്തി​നും ജോ​ലി​ക്കും അ​നു​സ​രി​ച്ച് വ്യ​ത്യാ​സ​പ്പെ​ടു​മെ​ന്ന​ കാ​ര്യം പ്ര​ധാ​ന​മാ​ണ്. യ​ന്ത്ര​വ​ത്ക​രി​ക്ക​പ്പെ​ടാ​ൻ ചി​ല ജോ​ലി​ക​ൾ​ക്ക് മ​റ്റു​ള്ള​വ​യെ​ക്കാ​ൾ സാ​ധ്യ​ത കൂ​ടു​ത​ലാ​ണ്. മൊ​ത്ത​ത്തി​ൽ, സ​ങ്കീ​ർ​ണ​വും ബ​ഹു​മു​ഖ​വു​മാ​യ ഫ​ല​ങ്ങ​ളാ​ണ് എ.​ഐ തൊ​ഴി​ൽ​മേ​ഖ​ല​യി​ൽ സൃ​ഷ്ടി​ക്കാ​ൻ പോ​കു​ന്ന​ത്. അ​തി​ന്റെ ഭാ​വി​യെ​ക്കു​റി​ച്ച് കൃ​ത്യ​മാ​യ പ്ര​വ​ച​ന​ങ്ങ​ൾ ന​ൽ​കു​ക ഈ​യ​വ​സ​ര​ത്തി​ൽ ബു​ദ്ധി​മു​ട്ടാ​ണ്. അ​തി​നെ​യെ​ല്ലാം മു​ൻ​കൂ​ട്ടി​ക്ക​ണ്ട് ആ​വ​ശ്യ​മാ​യ ന​ട​പ​ടി സ്വീ​ക​രി​ക്കു​ക എ​ന്ന​താ​ണ് ഇ​പ്പോ​ൾ പ്ര​ധാ​നം.

ഏ​തൊ​ക്കെ വ്യ​വ​സാ​യ​ങ്ങ​ളെ​യാ​ണ് ഈ ​മാ​റ്റം നേ​രി​ട്ട് ബാ​ധി​ക്കു​ക?

എ.​ഐ​യു​ടെ​യും യ​ന്ത്ര​വ​ത്ക​ര​ണ​ത്തി​ന്റെ​യും ക​ട​ന്നു​വ​ര​വ് ഇ​പ്പോ​ൾ​ത​ന്നെ പ​ല മേ​ഖ​ല​ക​ളെ​യും ബാ​ധി​ച്ചു​ക​ഴി​ഞ്ഞി​ട്ടു​ണ്ട്; ഭാ​വി​യി​ൽ അ​ത് തു​ട​രാ​നേ ഇ​നി സാ​ധ്യ​ത​യു​ള്ളൂ. അ​വ​യി​ൽ ചി​ല മേ​ഖ​ല​ക​ൾ ഇ​വ​യെ​ല്ലാ​മാ​ണ്:

1. ഉ​ൽ​പാ​ദ​നം: ഓ​ട്ടോ​മേ​ഷ​നും റോ​ബോ​ട്ടി​ക്സും ഉ​ൽ​പാ​ദ​ന മേ​ഖ​ല​ക​ളി​ൽ ദ​ശ​ക​ങ്ങ​ളാ​യി ഉ​പ​യോ​ഗ​ത്തി​ലു​ണ്ട്. ഇ​പ്പോ​ൾ നി​ർ​മാ​ണ പ്ര​ക്രി​യ​ക​ളെ മെ​ച്ച​പ്പെ​ടു​ത്താ​നും ക​ഴി​വു​റ്റ​താ​ക്കാ​നും ഈ ​മേ​ഖ​ല​യി​ൽ എ.​ഐ വ്യാ​പ​ക​മാ​യി സ്വീ​ക​രി​ച്ചു​വ​രു​ന്നു.

2. ഗ​താ​ഗ​തം: സ്വ​യം നി​യ​ന്ത്രി​ക്കു​ന്ന വാ​ഹ​ന​ങ്ങ​ളും ഡ്രോ​ണു​ക​ളും ഗ​താ​ഗ​ത മേ​ഖ​ല​യി​ൽ വ​ലി​യ ച​ല​ന​ങ്ങ​ൾ സൃ​ഷ്ടി​ച്ചു​ക​ഴി​ഞ്ഞു. അ​തി​നി കൂ​ടു​ത​ൽ നി​ല​വാ​ര​മു​ള്ള​തും വ്യാ​പ​ക​വു​മാ​യി​ത്തീ​രാ​നാ​ണ് സാ​ധ്യ​ത.

3. ചി​ല്ല​റ​വ്യാ​പാ​രം, ഇ-​കോ​മേ​ഴ്സ്: വൈ​യ​ക്തി​ക അ​ടി​സ്ഥാ​ന​ത്തി​ലു​ള്ള തി​ര​ഞ്ഞെ​ടു​പ്പു​ക​ൾ, ചാ​റ്റ്ബോ​ട്ടു​ക​ൾ, വെ​ർ​ച്വ​ൽ സ​ഹാ​യി​ക​ൾ എ​ന്നി​വ​യി​ലൂ​ടെ ഉ​പ​ഭോ​ക്തൃ അ​നു​ഭ​വ​ത്തെ ന​ന്നാ​ക്കാ​ൻ നി​ർ​മി​ത​ബു​ദ്ധി​യെ ഉ​പ​യോ​ഗി​ക്കു​ന്ന​തി​നൊ​പ്പം ച​ര​ക്കു​ക​ളു​ടെ നി​യ​ന്ത്ര​ണം, വി​ത​ര​ണ ശൃം​ഖ​ല​യു​ടെ ന​വീ​ക​ര​ണം, വെ​ട്ടി​പ്പു​ക​ൾ ക​ണ്ടെ​ത്തു​ക എ​ന്നീ ആ​വ​ശ്യ​ങ്ങ​ൾ​ക്കും അ​വ ഉ​പ​യോ​ഗി​ച്ചു​വ​രു​ന്നു.

4. സാ​മ്പ​ത്തി​ക വി​നി​മ​യം: വെ​ട്ടി​പ്പു​ത​ട്ടി​പ്പു​ക​ൾ ക​ണ്ടു​പി​ടി​ക്കു​ക, വാ​യ്പാ ക​ണ​ക്കു​ക​ൾ സൂ​ക്ഷി​ക്കു​ക, നി​ക്ഷേ​പ​ങ്ങ​ളു​ടെ വി​ശ​ക​ല​നം എ​ന്നീ ആ​വ​ശ്യ​ങ്ങ​ൾ​ക്കാ​ണ് ഈ ​മേ​ഖ​ല​യി​ൽ എ.​ഐ ഉ​പ​യോ​ഗി​ക്കു​ന്ന​ത്.

5. ആ​രോ​ഗ്യ സം​ര​ക്ഷ​ണം: ആ​രോ​ഗ്യ പ​രി​ശോ​ധ​ന​ക​ളും മ​രു​ന്ന് വി​ക​സി​പ്പി​ക്കു​ന്ന​തും ശു​ശ്രൂ​ഷ ആ​സൂ​ത്ര​ണം ചെ​യ്യു​ന്ന​തും മെ​ച്ച​പ്പെ​ടു​ത്തു​ന്ന​തി​നും ഭ​ര​ണ​പ​ര​മാ​യ പ്ര​വൃ​ത്തി​ക​ൾ സു​ഗ​മ​മാ​ക്കു​ന്ന​തി​നും എ.​ഐ ഉ​പ​യോ​ഗ​പ്പെ​ടു​ത്തു​ന്നു​ണ്ട്.

എ.​ഐ​യും ഓ​ട്ടോ​മേ​ഷ​നും സ്വാ​ധീ​നി​ച്ച ഏ​താ​നും ചി​ല വ്യ​വ​സാ​യ മേ​ഖ​ല​ക​ളെ​യാ​ണ് ഇ​വി​ടെ പ​രാ​മ​ർ​ശി​ച്ച​ത്. എ.​ഐ​യു​ടെ സ്വാ​ധീ​നം നി​ശ്ചി​ത സാ​ഹ​ച​ര്യ​വും ആ​വ​ശ്യ​വും അ​നു​സ​രി​ച്ച് മാ​റു​മെ​ന്ന​ത് പ്ര​ത്യേ​കം ശ്ര​ദ്ധി​ക്ക​ണം.

ഈ ​മേ​ഖ​ല​ക​ളി​ൽ തൊ​ഴി​ൽ ചെ​യ്യു​ന്ന വ​ലി​യൊ​രു വി​ഭാ​ഗം തൊ​ഴി​ലാ​ളി​ക​ൾ​ക്ക് എ​ന്താ​ണ് അ​പ്പോ​ൾ സം​ഭ​വി​ക്കു​ക?

ചി​ല സാ​ഹ​ച​ര്യ​ങ്ങ​ളി​ൽ, നി​ർ​മി​ത​ബു​ദ്ധി​യെ സ്വീ​ക​രി​ക്കു​ന്ന​തോ യ​ന്ത്ര​വ​ത്ക​ര​ണ​മോ ചി​ല ജോ​ലി​ക​ൾ ഇ​ല്ലാ​താ​ക്കി​യേ​ക്കാം. പ്ര​ത്യേ​കി​ച്ചും, യ​ന്ത്ര​വ​ത്ക​രി​ക്കാ​ൻ ക​ഴി​യു​ന്ന ആ​വ​ർ​ത്തി​ത പ്ര​വൃ​ത്തി​ക​ൾ. ഉ​ദാ​ഹ​ര​ണ​ത്തി​ന്: നി​ർ​മാ​ണ മേ​ഖ​ല​യി​ലേ​ക്ക് റോ​ബോ​ട്ടു​ക​ൾ ക​ട​ന്നു​വ​ന്ന​തോ​ടെ കാ​യി​കാ​ധ്വാ​നം ആ​വ​ശ്യ​മാ​യ ത​ര​ത്തി​ലു​ള്ള ജോ​ലി​ക​ൾ കു​റ​ഞ്ഞു.

എ​ന്നാ​ൽ, എ.​ഐ​യു​ടെ ക​ട​ന്നു​വ​ര​വ് പു​തി​യ തൊ​ഴി​ൽ​സാ​ധ്യ​ത​ക​ളും കൊ​ണ്ടു​വ​രു​ന്നു​ണ്ട് എ​ന്ന​ത് മ​റ​ന്നു​കൂ​ടാ. മാ​ത്ര​വു​മ​ല്ല, ഓ​ട്ടോ​മേ​ഷ​ൻ തൊ​ഴി​ലാ​ളി​ക​ളു​ടെ കാ​ര്യ​ക്ഷ​മ​ത മെ​ച്ച​പ്പെ​ടു​ത്തു​ക​യും സ​ർ​ഗാ​ത്മ​ക​ത​യും പ്ര​ശ്ന​പ​രി​ഹാ​ര​ശേ​ഷി​യും ആ​വ​ശ്യ​മാ​യ കൂ​ടു​ത​ൽ മൂ​ല്യ​വ​ത്താ​യ പ്ര​വൃ​ത്തി​ക​ളി​ൽ ശ്ര​ദ്ധ​കേ​ന്ദ്രീ​ക​രി​ക്കാ​ൻ പ്രാ​പ്ത​രാ​ക്കു​ക​യും ചെ​യ്യു​ന്നു​ണ്ട്. ഇ​ത് പു​തി​യ വൈ​ദ​ഗ്ധ്യ​ങ്ങ​ളു​ടെ വി​കാ​സ​ത്തി​ലേ​ക്കും തൊ​ഴി​ൽ സാ​ധ്യ​ത​ക​ളി​ലേ​ക്കും വ​ഴി​തു​റ​ക്കു​ന്നു.

തൊ​ഴി​ൽ​ര​ഹി​ത​രാ​ക്ക​പ്പെ​ടു​ന്ന​വ​രെ ഉ​ൾ​ക്കൊ​ള്ളു​ന്ന പു​തി​യ തൊ​ഴി​ൽ സാ​ധ്യ​ത​ക​ൾ ഉ​ണ്ടാ​കു​മെ​ന്നാ​ണോ പ​റ​യു​ന്ന​ത്?

അ​തേ. നി​ർ​മി​ത​ബു​ദ്ധി ന​ട​പ്പാ​ക്ക​ലും തു​ട​ർ​ന്നു​ള്ള ഓ​ട്ടോ​മേ​ഷ​നും ആ​ദ്യ​ഘ​ട്ട​ത്തി​ൽ ചി​ല തൊ​ഴി​ലു​ക​ളെ ഇ​ല്ലാ​താ​ക്കി​യേ​ക്കാം. അ​പ്പോ​ഴും അ​തി​ന് മ​നു​ഷ്യ തൊ​ഴി​ലാ​ളി​ക​ൾ​ക്കാ​യി പു​തി​യ ജോ​ലി​ക​ൾ സൃ​ഷ്ടി​ക്കാ​ൻ സാ​ധി​ക്കും. പ്ര​ത്യേ​കി​ച്ചും, നി​ർ​മി​ത​ബു​ദ്ധി ഘ​ട​ന​ക​ളു​ടെ സൃ​ഷ്ടി​പ്പും അ​റ്റ​കു​റ്റ​പ്പ​ണി​ക​ളും പ്രാ​യോ​ഗി​ക​വ​ത്ക​ര​ണ​വു​മാ​യി ബ​ന്ധ​പ്പെ​ട്ട ഇ​ട​ങ്ങ​ളി​ലാ​വും അ​തു​ണ്ടാ​വു​ക.

ഉ​ദാ​ഹ​ര​ണ​ത്തി​ന്, നി​ർ​മി​ത​ബു​ദ്ധി വി​ക​സി​പ്പി​ക്കു​ന്ന​തി​ന് ഡേ​റ്റ അ​നാ​ലി​സി​സ്, മെ​ഷീ​ൻ ലേ​ണി​ങ്, പ്രോ​ഗ്രാ​മി​ങ് തു​ട​ങ്ങി പ​ല​ത​രം സാ​ങ്കേ​തി​ക പ​രി​ജ്ഞാ​നം ആ​വ​ശ്യ​മാ​ണ്. ഇ​തെ​ല്ലാം ഏ​റെ ആ​വ​ശ്യ​മു​ള്ള സാ​ഹ​ച​ര്യ​മാ​ണ് ഇ​പ്പോ​ൾ ഉ​ണ്ടാ​യി​രി​ക്കു​ന്ന​ത്. നി​ർ​മി​ത​ബു​ദ്ധി​യു​ടെ വ​ള​ർ​ച്ച ഇ​ത്ത​ര​ത്തി​ലു​ള്ള ക​ഴി​വു​ക​ളു​ള്ള​വ​ർ​ക്ക് തൊ​ഴി​ല​വ​സ​ര​ങ്ങ​ൾ വ​ർ​ധി​പ്പി​ക്കു​ക​യേ​യു​ള്ളൂ.

കൂ​ടാ​തെ സി​സ്റ്റം ഡി​സൈ​ൻ, ടെ​ക്നി​ക്ക​ൽ സ​പ്പോ​ർ​ട്ട്, ക്വാ​ളി​റ്റി അ​ഷ്വ​റ​ൻ​സ് എ​ന്നീ മേ​ഖ​ല​ക​ളി​ലും തൊ​ഴി​ല​വ​സ​ര​ങ്ങ​ൾ ഏ​റെ​യു​ണ്ടാ​വും. നി​ർ​മി​ത​ബു​ദ്ധി സം​വി​ധാ​ന​ങ്ങ​ളു​ടെ ഫ​ല​പ്ര​ദ​മാ​യ ന​ട​പ്പാ​ക്ക​ലി​നും ന​ട​ത്തി​പ്പി​നും ഈ ​ജോ​ലി​ക​ൾ അ​നി​വാ​ര്യ​മാ​ണ്.

ത​ങ്ങ​ളു​ടെ വ്യ​വ​സാ​യ​ത്തി​ൽ എ.​ഐ​കൊ​ണ്ട് ഉ​ണ്ടാ​കു​ന്ന മാ​റ്റ​ങ്ങ​ളെ​ക്കു​റി​ച്ച് തൊ​ഴി​ലാ​ളി​ക​ൾ സ​ദാ ബോ​ധ​വാ​ന്മാ​രാ​യി​രി​ക്കേ​ണ്ട​തു​ണ്ട്. അ​തി​ലൂ​ടെ മാ​റു​ന്ന വി​പ​ണി​ക്ക് അ​നു​യോ​ജ്യ​മാ​യ പു​തി​യ വൈ​ദ​ഗ്ധ്യ​ങ്ങ​ളും അ​റി​വു​ക​ളും പ​രി​ശീ​ലി​ച്ചെ​ടു​ക്കേ​ണ്ട​തും ആ​വ​ശ്യ​മാ​ണ്.

എ​ന്നാ​ൽ, ഈ ​വൈ​ദ​ഗ്ധ്യ​ങ്ങ​ൾ നേ​ടി​യ​തു​കൊ​ണ്ടു​മാ​ത്രം സു​സ്ഥി​ര​മാ​യ ഒ​രു തൊ​ഴി​ല​വ​സ​രം ഉ​റ​പ്പാ​ക്കാ​ൻ ക​ഴി​യി​ല്ല​ല്ലോ. വൈ​കാ​തെ​ത​ന്നെ അ​വ​യെ​ല്ലാം ചെ​യ്യാ​ൻ മെ​ഷീ​നു​ക​ൾ പ്രാ​പ്ത​രാ​വി​ല്ലേ?

എ.​ഐ​യും ഒാ​ട്ടോ​മേ​ഷ​നും പു​രോ​ഗ​മി​ക്കു​ന്ന​തി​ന​നു​സ​രി​ച്ച് നി​ല​വി​ൽ മ​നു​ഷ്യാ​ധ്വാ​നം ആ​വ​ശ്യ​മാ​യ ജോ​ലി ചെ​യ്യാ​ൻ യ​ന്ത്ര​ങ്ങ​ൾ പ്രാ​പ്ത​മാ​വു​മെ​ന്ന​ത് ശ​രി​യാ​ണ്. എ​ങ്കി​ലും തൊ​ഴി​ല​വ​സ​രം പൂ​ർ​ണ​മാ​യി ഇ​ല്ലാ​താ​കാ​ൻ ഇ​ത് കാ​ര​ണ​മാ​വി​ല്ല.

ആ​ദ്യ​മാ​യി, പു​തി​യ എ.​ഐ സാ​ങ്കേ​തി​ക​വി​ദ്യ​ക​ൾ വി​ക​സി​പ്പി​ക്കു​ക​യും ന​ട​പ്പാ​ക്കു​ക​യും ചെ​യ്യു​ന്ന​തി​ന​നു​സ​രി​ച്ച് അ​വ​ക്ക് ആ​വ​ശ്യ​മാ​യ ഗ​വേ​ഷ​ണ​വും നി​ർ​മാ​ണ​വും അ​റ്റ​കു​റ്റ​പ്പ​ണി​ക​ളും ന​ട​ത്തേ​ണ്ട​തു​ണ്ട്. ഇ​തി​നാ​യി സ​ങ്കീ​ർ​ണ​മാ​യ എ.​ഐ സം​വി​ധാ​ന​ങ്ങ​ൾ രൂ​പ​ക​ൽ​പ​ന ചെ​യ്യാ​നും ത​ക​രാ​റു​ക​ൾ പ​രി​ഹ​രി​ക്കാ​നും വൈ​ദ​ഗ്ധ്യ​മു​ള്ള തൊ​ഴി​ലാ​ളി​ക​ളെ ആ​വ​ശ്യ​മാ​ണ്.

ര​ണ്ടാ​മ​താ​യി, പ്ര​ത്യേ​ക പ്ര​വൃ​ത്തി​ക​ൾ നി​ർ​വ​ഹി​ക്കു​ന്ന​തി​ൽ യ​ന്ത്ര​ങ്ങ​ൾ കൂ​ടു​ത​ൽ ക​ഴി​വ് തെ​ളി​യി​ച്ചാ​ലും മ​നു​ഷ്യ​ർ​ക്ക് മാ​ത്രം ക​ഴി​യു​ന്ന ചി​ല കാ​ര്യ​ങ്ങ​ളു​ണ്ട്. സ​ർ​ഗാ​ത്മ​ക​ത, സ​ഹാ​നു​ഭൂ​തി, വൈ​കാ​രി​ക ധി​ഷ​ണ എ​ന്നീ മാ​നു​ഷി​ക ഗു​ണ​ങ്ങ​ൾ ഉ​ദാ​ഹ​ര​ണം. ഇ​തൊ​ക്കെ ആ​വ​ശ്യ​മാ​യ മേ​ഖ​ല​ക​ളി​ൽ ആ ​ഡി​മാ​ൻ​ഡ് നി​ല​നി​ൽ​ക്കു​ക​യേ ഉ​ള്ളൂ.

അ​വ​സാ​ന​മാ​യി, നി​ർ​മി​ത​ബു​ദ്ധി​യു​ടെ തൊ​ഴി​ൽ​വി​പ​ണി​യി​ലു​ള്ള ആ​ഘാ​തം അ​ത്യ​ന്താ​പേ​ക്ഷി​ത​മ​ല്ലെ​ന്ന് തി​രി​ച്ച​റി​യേ​ണ്ട​തു​ണ്ട്. അ​ത് പ്രാ​ഥ​മി​ക​മാ​യും മ​നു​ഷ്യ​രു​ടെ പ​ക്ക​ൽ​നി​ന്നു​ള്ള തീ​രു​മാ​ന​വും ന​യ​രൂ​പ​വ​ത്ക​ര​ണ​വു​മാ​യി ബ​ന്ധ​പ്പെ​ട്ട കാ​ര്യ​മാ​ണ്.

ഭ​ര​ണ​കൂ​ട​ങ്ങ​ളും വ്യ​വ​സാ​യ സ്ഥാ​പ​ന​ങ്ങ​ളും ഇ​നി പു​തി​യ തൊ​ഴി​ൽ വൈ​ദ​ഗ്ധ്യ​ങ്ങ​ൾ വി​ക​സി​പ്പി​ക്കാ​നും പു​തി​യ ജോ​ലി​ക​ളി​ലേ​ക്ക് മാ​റാ​നും തൊ​ഴി​ലാ​ളി​ക​ളെ സ​ഹാ​യി​ക്കും​വി​ധ​മു​ള്ള പ​രി​ശീ​ല​ന പ​രി​പാ​ടി​ക​ളി​ലും വി​ദ്യാ​ഭ്യാ​സ​ത്തി​ലും നി​ക്ഷേ​പ​മി​റ​ക്കേ​ണ്ട​തു​ണ്ട്. അ​ങ്ങ​നെ തൊ​ഴി​ൽ വി​പ​ണി​യി​ൽ എ.​ഐ സൃ​ഷ്ടി​ക്കാ​ൻ സാ​ധ്യ​ത​യു​ള്ള പ്ര​ത്യാ​ഘാ​ത​ങ്ങ​ളെ ഒ​ഴി​വാ​ക്കു​ന്ന​തി​നു​ള്ള ന​ട​പ​ടി​ക​ളാ​ണ് അ​വ​ർ സ്വീ​ക​രി​ക്കേ​ണ്ട​ത്.

വൈ​ദ​ഗ്ധ്യം ആ​വ​ശ്യ​മി​ല്ലാ​ത്ത ആ​വ​ർ​ത്തി​ത തൊ​ഴി​ലു​ക​ളോ?

വൈ​ദ​ഗ്ധ്യം ആ​വ​ശ്യ​മി​ല്ലാ​ത്ത, സാ​ധാ​ര​ണ ജോ​ലി​ക​ൾ മ​റ്റു​ള്ള​വ​യെ​ക്കാ​ൾ വേ​ഗ​ത്തി​ൽ യ​ന്ത്ര​വ​ത്ക​രി​ക്ക​പ്പെ​ടാ​ൻ സാ​ധ്യ​ത​യു​ണ്ട്. സ്ഥി​ര​മാ​യ​തും ആ​വ​ർ​ത്തി​ത​വു​മാ​യ അ​സം​ബ്ലി ലൈ​ൻ വ​ർ​ക്ക്, ഡേ​റ്റ എ​ൻ​ട്രി​പോ​ലു​ള്ള ജോ​ലി​ക​ൾ യ​ന്ത്ര​ങ്ങ​ളും നി​ർ​മി​ത​ബു​ദ്ധി സം​വി​ധാ​ന​ങ്ങ​ളും ഉ​പ​യോ​ഗി​ച്ച് യ​ന്ത്ര​വ​ത്ക​രി​ക്കാ​ൻ ക​ഴി​യും.

എ​ന്നാ​ൽ, വൈ​ദ​ഗ്ധ്യ​മാ​വ​ശ്യ​മി​ല്ലാ​ത്ത എ​ല്ലാ ജോ​ലി​ക​ളും യ​ന്ത്ര​വ​ത്ക​രി​ക്ക​പ്പെ​ട​ണ​മെ​ന്നി​ല്ല. ക്ലീ​നി​ങ്, ക​സ്റ്റ​മ​ർ സ​ർ​വി​സ് പോ​ലു​ള്ള ചി​ല​തി​ൽ മ​നു​ഷ്യ​സ്പ​ർ​ശ​മോ തീ​രു​മാ​ന​ങ്ങ​ളോ ആ​വ​ശ്യ​മാ​യി വ​രും. മാ​ത്ര​വു​മ​ല്ല, ചി​ല ജോ​ലി​ക​ൾ വൈ​ദ​ഗ്ധ്യം ആ​വ​ശ്യ​മു​ള്ള​താ​യി ക​ണ​ക്കാ​ക്ക​പ്പെ​ടു​ന്നി​ല്ലെ​ങ്കി​ലും അ​വ​ക്ക് മാ​റു​ന്ന തൊ​ഴി​ൽ വി​പ​ണി​യു​മാ​യി ഒ​ത്തു​പോ​കാ​ൻ പ​രി​ശീ​ല​ന​വും നി​പു​ണ​ത വി​ക​സ​ന​വും ആ​വ​ശ്യ​മാ​യി​വ​രും.

പു​തി​യ വൈ​ദ​ഗ്ധ്യ​ങ്ങ​ൾ വി​ക​സി​പ്പി​ക്കു​ന്ന​തി​ലൂ​ടെ​യും പു​തി​യ അ​വ​സ​ര​ങ്ങ​ളോ​ട് തു​റ​ന്ന മ​നോ​ഭാ​വം പു​ല​ർ​ത്തി​ക്കൊ​ണ്ടും മാ​റു​ന്ന തൊ​ഴി​ൽവി​പ​ണി​യി​ലേ​ക്ക് തൊ​ഴി​ലാ​ളി​ക​ൾ​ക്ക് ത​യാ​റെ​ടു​ക്കാം. അ​തി​നാ​വ​ശ്യ​മാ​യ പ​രി​ശീ​ല​ന പ​രി​പാ​ടി​ക​ളി​ൽ നി​ക്ഷേ​പി​ച്ചു​കൊ​ണ്ട് ന​യ​രൂ​പ​ക​ർ​ത്താ​ക്ക​ൾ​ക്ക് അ​വ​രെ പി​ന്തു​ണ​ക്കു​ക​യും ചെ​യ്യാം.

ക​ണ്ട​ന്റ് ഡെ​വ​ല​പ്മെ​ന്റ് മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​വ​ർ​ക്ക് എ​ന്തു​സം​ഭ​വി​ക്കും?

ഈ ​മേ​ഖ​ല​യി​ലെ എ.​ഐ​ മൂ​ല​മു​ള്ള മാ​റ്റ​ങ്ങ​ൾ സ​മ്മി​ശ്ര​മാ​യി​രി​ക്കാ​നാ​ണ് സാ​ധ്യ​ത.

ഒ​രുവ​ശ​ത്ത്, ഡേ​റ്റ അ​നാ​ലി​സി​സ്, ക​ണ്ട​ന്റ് ക്യൂ​റേ​ഷ​ൻ, ക​ണ്ട​ന്റ് ഡി​സ്ട്രി​ബ്യൂ​ഷ​ൻ തു​ട​ങ്ങി​യ ക​ണ്ട​ന്റ് ഡെ​വ​ല​പ്മെ​ന്റി​ന്റെ ചി​ല വ​ശ​ങ്ങ​ളെ സു​സം​ഘ​ടി​ത​മാ​ക്കു​ന്ന​തി​ൽ സ​ഹാ​യി​ക്കാ​ൻ നി​ർ​മി​ത​ബു​ദ്ധി​ക്ക് ക​ഴി​യും. ഉ​ദാ​ഹ​ര​ണ​ത്തി​ന്, വ​ലി​യ ഡേ​റ്റ​ സെ​റ്റു​ക​ളെ വി​ശ​ക​ല​നംചെ​യ്ത് അ​തി​ലെ ട്രെ​ൻ​ഡു​ക​ളും അ​തു​ ന​ൽ​കു​ന്ന സൂ​ച​ന​ക​ളും തി​രി​ച്ച​റി​യാ​നും എ.​ഐ​ക്ക് ക​ഴി​യും. അ​ല്ലെ​ങ്കി​ൽ, ഉ​പ​യോ​ക്താ​ക്ക​ളു​ടെ സ്വ​ഭാ​വ​വും മു​ൻ​ഗ​ണ​ന​ക​ളും മ​ന​സ്സി​ലാ​ക്കി അ​നു​യോ​ജ്യ​മാ​യ ക​ണ്ട​ന്റു​ക​ൾ നി​ർ​ദേ​ശി​ക്കാ​നും അ​വ​ക്ക് ക​ഴി​യും. ഇ​തൊ​ക്കെ​യും കൂ​ടു​ത​ൽ കാ​ര്യ​ക്ഷ​മ​മാ​യി പ്ര​വ​ർ​ത്തി​ക്കാ​നും കൂ​ടു​ത​ൽ വി​ശാ​ല​മാ​യ പ്രേ​ക്ഷ​ക​രി​ലേ​ക്ക് എ​ത്താ​നും ക​ണ്ട​ന്റ് ഡെ​വ​ല​പ​ർ​മാ​രെ സ​ഹാ​യി​ക്കു​ന്നു.

മ​റ്റൊ​രു​വ​ശ​ത്ത് സ​ർ​ഗാ​ത്മ​ക​ത, ക​ഥ​പ​റ​ച്ചി​ൽ, വൈ​കാ​രി​ക ബ​ന്ധം എ​ന്നി​ങ്ങ​നെ​യു​ള്ള ഘ​ട​ക​ങ്ങ​ൾ മ​നു​ഷ്യ​ർ​ക്ക് മാ​ത്ര​മാ​യു​ള്ള അ​തു​ല്യ ക​ഴി​വു​ക​ളാ​ണ്. അ​വ ഈ ​മേ​ഖ​ല​യു​ടെ കേ​ന്ദ്ര​സ്ഥാ​ന​ത്ത് തു​ട​രു​മെ​ന്ന് മാ​ത്ര​മ​ല്ല, നി​ർ​മി​ത​ബു​ദ്ധി​ക്ക് അ​വ അ​നു​ക​രി​ക്കു​ക ബു​ദ്ധി​മു​ട്ടേ​റി​യ കാ​ര്യ​വു​മാ​വും. അ​തി​നാ​ൽ നി​ർ​മി​ത​ബു​ദ്ധി​യും ഓ​ട്ടോ​മേ​ഷ​നും മ​നു​ഷ്യ ക​ണ്ട​ന്റ് ഡെ​വ​ല​പ​ർ​മാ​ർ​ക്ക് പൂ​ര​ക​മാ​യി നി​ല​നി​ൽ​ക്കു​ക​യും, മ​നു​ഷ്യ സ​ർ​ഗാ​ത്മ​ക​ത​യും നി​ർ​ണ​യാ​ധി​കാ​ര​വും കേ​ന്ദ്ര​സ്ഥാ​ന​ത്ത് നി​ല​നി​ൽ​ക്കു​ക​യും ചെ​യ്യു​ന്ന അ​വ​സ്ഥ​യി​ലാ​യി​രി​ക്കും ഈ ​മേ​ഖ​ല മു​ന്നോ​ട്ടു പോ​വുക.

തൊ​ഴി​ല​വ​സ​ര​ങ്ങ​ളു​ടെ കാ​ര്യ​ത്തി​ൽ, നി​ർ​മി​ത​ബു​ദ്ധി​യും യ​ന്ത്ര​വ​ത്ക​ര​ണ​വും ഈ ​മേ​ഖ​ല​യി​ൽ ന​ട​പ്പാ​ക്കു​ന്ന​ത് ഡേ​റ്റ അ​നാ​ലി​സി​സ്, എ.​ഐ ഇം​പ്ലി​മെ​ന്റേ​ഷ​ൻ, ക​ണ്ട​ന്റ് ഡി​സ്ട്രി​ബ്യൂ​ഷ​ൻ എ​ന്നീ മേ​ഖ​ല​ക​ളി​ൽ വൈ​ദ​ഗ്ധ്യ​മു​ള്ള തൊ​ഴി​ലാ​ളി​ക​ൾ​ക്ക് പു​തി​യ അ​വ​സ​ര​ങ്ങ​ൾ സൃ​ഷ്ടി​ച്ചേ​ക്കാം. എ​ങ്കി​ലും, ക​ണ്ട​ന്റ് പ്രൊ​ഡ​ക്ഷ​ൻ, ട്രാ​ൻ​സ്ക്രി​പ്ഷ​ൻ പോ​ലു​ള്ള ജോ​ലി​ക​ൾ യ​ന്ത്ര​വ​ത്ക​രി​ക്ക​പ്പെ​ടു​ക​യോ തു​ച്ഛ​മാ​യ വേ​ത​ന​വ്യ​വ​സ്ഥ​യി​ൽ പു​റം​ക​രാ​റാ​യി ന​ൽ​കു​ക​യോ ചെ​യ്തേ​ക്കാം.

♦