‘‘ഞ​ങ്ങ​ളു​ടേ​ത്​ രാ​ഷ്ട്രീ​യ പ്രാ​തി​നി​ധ്യ​ത്തി​നാ​യു​ള്ള ദ​ലി​ത് പോ​രാ​ട്ടം’’; കെ.കെ. സുരേഷ് സംസാരിക്കുന്നു

മ​ധ്യ​കേ​ര​ള​ത്തി​ൽ ദ​ലി​ത് വി​ഭാ​ഗ​ങ്ങ​ൾ​ക്കി​ട​യി​ൽനി​ന്നും ഉ​യ​ർ​ന്നു​വ​ന്ന ജ​ന​കീ​യ പ്ര​സ്ഥാ​ന​മാ​ണ്​ സി.​എ​സ്.​ഡി.​എ​സ്. അ​തി​ന്റെ സം​സ്‌​ഥാ​ന ​​പ്ര​സി​ഡ​ന്റും ദ​ലി​ത്-​ആ​ദി​വാ​സി സം​യു​ക്ത സ​മി​തി​യു​ടെ ചെ​യ​ർ​മാ​നു​മാ​യ കെ.​കെ. സു​രേ​ഷ് ദ​ലി​ത് സം​ഘ​ട​നാ പ്ര​വ​ർ​ത്ത​നങ്ങ​ളെ കു​റി​ച്ചും ഇ​ട​തു​പ​ക്ഷ പ്ര​സ്ഥാ​ന​ങ്ങ​ളു​ടെ ദ​ലി​ത് നി​ല​പാ​ടു​ക​ളെ കു​റി​ച്ചും ദ​ലി​ത് ആ​ദി​വാ​സി സം​യു​ക്ത സ​മി​തി​യു​ടെ പ്ര​വ​ർ​ത്ത​ന​ങ്ങ​ളെ കു​റി​ച്ചും സം​സാ​രി​ക്കു​ന്നു.

വി​നി​ൽ പോ​ൾ: സ​മ​കാ​ലി​ക കേ​ര​ള രാ​ഷ്ട്രീ​യ​ത്തി​ൽ ജാ​തി സം​ഘ​ട​ന​ക​ൾ​ക്ക് മു​മ്പു​ള്ള​തി​നേ​ക്കാ​ൾ കൂ​ടു​ത​ൽ ദൃ​ശ്യ​ത​യും പി​ന്തു​ണ​യും ഇ​ന്ന് ല​ഭി​ക്കു​ന്നു​ണ്ട്. ഈ ​കൂ​ട്ട​ത്തി​ൽ ക​ഴി​ഞ്ഞ കു​റ​ച്ചു​വ​ർ​ഷ​ങ്ങ​ളാ​യി മ​ധ്യ​കേ​ര​ള​ത്തി​ൽ ഏ​റ്റ​വും കൂ​ടു​ത​ൽ ജ​ന​പ​ങ്കാ​ളി​ത്തം ല​ഭി​ച്ച ദ​ലി​ത് സം​ഘ​ട​ന​യാ​ണ​ല്ലോ സി.​എ​സ്.​ഡി.​എ​സ് (ചേ​ര​മ സാം​ബ​വ ഡെ​വ​ല​പ്മെ​ന്റ് സൊ​സൈ​റ്റി). എ​ന്താ​യി​രു​ന്നു ഇ​തി​ന്റെ രൂ​പ​വ​ത്ക​ര​ണ​ത്തി​ന് പി​ന്നി​ലു​ണ്ടാ​യി​രു​ന്ന കാ​ര​ണ​ങ്ങ​ൾ?

സി.​എ​സ്.​ഡി.​എ​സ് വ​ള​രെ പെ​െ​ട്ട​ന്നു​ണ്ടാ​യ ഒ​രു സം​ഘ​ട​ന​യ​ല്ല. മ​റി​ച്ച്, പ്ര​സ്ഥാ​നം രൂ​പം​കൊ​ള്ളു​ന്ന​തി​ന് പി​ന്നി​ൽ ച​രി​ത്ര​പ​ര​മാ​യ ചി​ല കാ​ര​ണ​ങ്ങ​ൾ കൂ​ടി​യു​ണ്ടാ​യി​രു​ന്നു. കേ​ര​ള സം​സ്ഥാ​നം രൂ​പം​കൊ​ണ്ട​തി​നു​ശേ​ഷം ദ​ലി​ത​ർ എ​ല്ലാ​യി​ട​ങ്ങ​ളി​ലും വ​ഞ്ചി​ത​രാ​യി എ​ന്ന​താ​ണ് ഇ​തി​ൽ ഒ​ന്നാ​മ​ത്തെ കാ​ര​ണം. ഇ​ട​തു​പ​ക്ഷ​ത്തി​ന്റെ പൂ​ർ​ണ​മാ​യും പ​രാ​ജ​യ​പ്പെ​ട്ട ഭൂ​പ​രി​ഷ്‍ക​ര​ണ പ​ദ്ധ​തി​യും അ​തോ​ടൊ​പ്പം കേ​ര​ള​ത്തി​ലെ ദ​ലി​ത​രു​ടെ രാ​ഷ്ട്രീ​യ അ​നാ​ഥ​ത്വ​വു​മാ​ണ് ഇ​തി​ൽ എ​ടു​ത്തു​പ​റ​യേ​ണ്ട മ​റ്റ് ചി​ല വ​സ്തു​ത​ക​ൾ. പി​ന്നാ​ക്കാ​വ​സ്ഥ​യി​ൽ​നി​ന്ന് മോ​ച​ന​മു​ണ്ടാ​കാ​നും രാ​ഷ്ട്രീ​യ ആ​ധി​പ​ത്യ​ങ്ങ​ളെ പ്ര​തി​രോ​ധി​ക്കു​ന്ന​തി​നു​മാ​യി 1980ക​ൾ​ക്കു​ശേ​ഷം കൂ​ണു​ക​ൾ​പോ​ലെ നി​ര​വ​ധി സാ​മൂ​ഹി​ക പ്ര​സ്ഥാ​ന​ങ്ങ​ൾ ദ​ലി​ത​ർ​ക്കി​ട​യി​ൽ​നി​ന്ന് ഉ​യ​ർ​ന്നു​വ​ന്നെ​ങ്കി​ലും അ​വ​ക്കൊ​ന്നും​ത​ന്നെ പ്രാ​ദേ​ശി​ക മേ​ഖ​ല​ക​ൾ​ക്ക് അ​പ്പു​റം സ​ഞ്ച​രി​ക്കാ​ൻ സാ​ധി​ച്ചി​രു​ന്നി​ല്ല. എ​ന്നാ​ൽ, ആ ​കാ​ല​ത്ത് ക​ല്ല​റ സു​കു​മാ​ര​ൻ, പോ​ൾ ചി​റ​ക്ക​രോ​ട് എ​ന്നി​വ​രു​ടെ നേ​തൃ​ത്വം വ​ലി​യ പ്ര​തീ​ക്ഷ​ക​ൾ ന​ൽ​കി​യി​രു​ന്നു എ​ന്ന​ത് എ​ടു​ത്തു​പ​റ​യേ​ണ്ട സം​ഗ​തി​യാ​ണ്.

ഞാ​ൻ അ​ൽ​പ​കാ​ലം ക​ല്ല​റ സു​കു​മാ​ര​ൻ സാ​റി​ന്റെ ഒ​പ്പം പ്ര​വ​ർ​ത്തി​ച്ചി​രു​ന്നു. എ​ന്നാ​ൽ, കാ​ല​ക്ര​മേ​ണ ഈ ​പ്ര​സ്ഥാ​ന​ങ്ങ​ളെ​ല്ലാം ദ​ലി​ത​ർ​ക്കി​ട​യി​ൽ​ത​ന്നെ അ​പ്ര​സ​ക്ത​മാ​യി. രാ​ഷ്ട്രീ​യ പാ​ർ​ട്ടി​ക​ൾ ഇ​ത്ത​രം കീ​ഴാ​ള പ്ര​സ്ഥാ​ന​ങ്ങ​ളെ വ​ള​രാ​ൻ അ​നു​വ​ദി​ച്ചി​രു​ന്നി​ല്ല എ​ന്ന ഒ​രു മ​റു​വ​ശംകൂ​ടി സം​ഘ​ട​ന​ക​ളു​ടെ ത​ക​ർ​ച്ച​ക്ക് പി​ന്നി​ലു​ണ്ട്. ഇ​തി​നി​ട​യി​ൽ ദേ​ശീ​യ​ത​ല​ത്തി​ൽ ശ്ര​ദ്ധേ​യ​മാ​യ ബി.​എ​സ്.​പി കേ​ര​ള​ത്തി​ലേ​ക്ക് ക​ട​ന്നു​വ​രു​ക​യും അ​തി​നേ​ക്കാ​ൾ വേ​ഗ​ത്തി​ൽ അ​സ്ത​മി​ക്കു​ക​യുംചെ​യ്തു. അ​താ​യ​ത് കേ​ര​ള​ത്തി​ന്റെ രാ​ഷ്ട്രീ​യ ഭൂ​പ​ട​ത്തി​ൽ നാം ​കാ​ണു​ന്ന​ത് ഒ​രു സ്ഥാ​ന​മാ​ന​വും ല​ഭി​ക്കാ​തെ അ​ടി​മ​ക​ളാ​യി മു​ഖ്യ​ധാ​രാ രാ​ഷ്ട്രീ​യ പാ​ർ​ട്ടി​ക​ളി​ൽ പ്ര​വ​ർ​ത്തി​ക്കേ​ണ്ടിവ​രു​ന്ന പ​ട്ടി​ക​ജാ​തി​ക്കാ​രെ​യും രാ​ഷ്ട്രീ​യ-​സാ​മൂ​ഹി​ക ജീ​വി​ത​ത്തി​ൽ അ​ക​റ്റി​നി​ർ​ത്ത​പ്പെ​ട്ടി​രി​ക്കു​ന്ന ദ​ലി​ത് ക്രൈ​സ്ത​വ​രെ​യു​മാ​ണ്. പ​ല​യി​ട​ങ്ങ​ളി​ലും ദ​ലി​ത​ർ ആ​ക്ര​മി​ക്ക​പ്പെ​ടു​ന്നു – ആ​രും ചോ​ദി​ക്കാ​നും പ​റ​യാ​നു​മി​ല്ല, എ​ല്ലാ​യി​ട​ങ്ങ​ളി​ലും പൂ​ർ​ണ​മാ​യ അ​നാ​ഥ​ത്വം തു​ട​ങ്ങി നി​ര​വ​ധി കാ​ര​ണ​ങ്ങ​ളാ​ണ് സി.​എ​സ്.​ഡി.​എ​സ് എ​ന്ന പ്ര​സ്ഥാ​ന​ത്തി​ലേ​ക്ക് ജ​ന​ങ്ങ​ളെ കൊ​ണ്ടെ​ത്തി​ച്ച​ത്. ര​ണ്ടാ​മ​ത്തെ കാ​ര​ണം അ​ല്ലെ​ങ്കി​ൽ പ്ര​ധാ​ന കാ​ര​ണം 2013 മേ​യ് 26ന് ​എ​​െന്റ നാ​ടാ​യ വാ​ഴൂ​രി​ൽ മി​ഥു​ൻ എ​ന്ന ഒ​രു ദ​ലി​ത് ക്രി​സ്ത്യ​ൻ യു​വാ​വ് കൊ​ല​ചെ​യ്യ​പ്പെ​ട്ട​തു​മാ​യി ബ​ന്ധ​പ്പെ​ട്ടാ​ണ് കി​ട​ക്കു​ന്ന​ത്.

വാ​ഴൂ​ർ പ​ഞ്ചാ​യ​ത്ത് ദ​ലി​ത​ർ ഭൂ​രി​പ​ക്ഷ​മു​ള്ള ഒ​രു പ്ര​ദേ​ശ​മാ​യി​രു​ന്നു. രാ​ഷ്ട്രീ​യ പാ​ർ​ട്ടി​ക​ളു​ടെ സ​ഹാ​യ​മി​ല്ലാ​തെ ദ​ലി​ത​ർ പ​ഞ്ചാ​യ​ത്ത് അം​ഗ​ങ്ങ​ളാ​യി​ട്ടു​ണ്ട് ഇ​വി​ടെ. ഞാ​ൻ 1996 മു​ത​ൽ 15 വ​ർ​ഷം രാ​ഷ്ട്രീ​യ പി​ൻ​ബ​ല​മി​ല്ലാ​തെ വി​ജ​യി​ച്ച, ഇ​ല​ക്ഷ​നി​ൽ സ്വ​ത​ന്ത്ര​രാ​യി മ​ത്സ​രി​ച്ച അ​ഞ്ച് ദ​ലി​ത​ർ ര​ണ്ടാം സ്ഥാ​ന​ത്തെ​ത്തി​യ പ​ഞ്ചാ​യ​ത്ത് കൂ​ടി​യാ​ണ് വാ​ഴൂ​ർ. ഇ​ങ്ങ​നെ രാ​ഷ്ട്രീ​യ പ്ര​ബു​ദ്ധ​ത​യു​ള്ള ഒ​രു പ​ഞ്ചാ​യ​ത്തി​ൽ ഒ​രു ദ​ലി​ത​ൻ കൊ​ല്ല​പ്പെ​ട്ട​തും പൊ​ലീ​സ് ഈ ​കൊ​ല​പാ​ത​ക വി​ഷ​യ​ത്തി​ൽ നി​ശ്ശ​ബ്ദ​ത പാ​ലി​ച്ച​തു​മെ​ല്ലാം ഞ​ങ്ങ​ളെ ആ​കെ അ​സ്വ​സ്ഥ​രാ​ക്കി. വേ​ഗ​ത്തി​ൽ ഒ​രു ആ​ക്ഷ​ൻ കൗ​ൺ​സി​ൽ രൂ​പ​വ​ത്ക​രി​ക്കു​ക​യും ശ​ക്ത​മാ​യ സ​മ​ര​പ​രി​പാ​ടി​ക​ൾ ഞ​ങ്ങ​ൾ അ​വി​ടെ ന​ട​ത്തു​ക​യും ചെ​യ്തു. പാ​ർ​ട്ടി-​മ​ത വ്യ​ത്യാ​സ​മി​ല്ലാ​തെ പ​ഞ്ചാ​യ​ത്തി​ലെ ദ​ലി​ത​ർ ഒ​ന്ന​ട​ങ്കം ഇ​തി​ൽ പ​ങ്കെ​ടു​ത്തു. ഒ​രാ​ഴ്ച അ​വി​ട​ത്തെ ക​ട​ക​ൾ മു​ഴു​വ​ൻ അ​ട​പ്പി​ച്ചു, ഒ​റ്റ​യൊ​രാ​ളെ​യും ക​ട തു​റ​ക്കാ​ൻ അ​നു​വ​ദി​ച്ചി​ല്ല. പി​ന്നീ​ട് കൊ​ല​പാ​ത​കി​ക​ളെ അ​റ​സ്റ്റ് ചെ​യ്ത് റി​മാ​ൻ​ഡി​ലാ​ക്കി. ഈ ​സ​മ​ര​ത്തി​നു​ശേ​ഷം ഞ​ങ്ങ​ൾ ഒ​ന്ന​ട​ങ്കം തീ​രു​മാ​നി​ച്ചു, ഇ​ങ്ങ​നെ എ​ന്തെ​ങ്കി​ലും പ്ര​ശ്ന​ങ്ങ​ൾ ഉ​ണ്ടാ​കു​മ്പോ​ൾ മാ​ത്രം ന​മ്മ​ൾ ഐ​ക്യ​ത്തോ​ടെ നി​ന്നി​ട്ടു​ കാ​ര്യ​മി​ല്ല, ന​മ്മ​ൾ ഐ​ക്യ​ത്തോ​ടെ​നി​ന്നാ​ൽ ന​മു​ക്ക് പ്ര​ശ്ന​ങ്ങ​ൾ ഉ​ണ്ടാ​കി​ല്ല. അ​തു​കൊ​ണ്ട് ന​മ്മു​ടേ​താ​യ ഒ​രു സം​ഘ​ട​ന ആ​വ​ശ്യ​മാ​ണ്, ഇ​ത് കേ​വ​ല​മാ​യി വാ​ഴൂ​ർ പ​ഞ്ചാ​യ​ത്തി​ലെ മാ​ത്രം ഒ​റ്റ​പ്പെ​ട്ട വി​ഷ​യ​മ​ല്ല, ന​മ്മു​ടെ ആ​ളു​ക​ൾ എ​വി​ടെ​യെ​ല്ലാ​മു​ണ്ടോ അ​വി​ടെ​ല്ലാം അ​വ​ർ വി​വേ​ച​ന​വും സം​ഘ​ർ​ഷ​ങ്ങ​ളും നേ​രി​ടു​ന്നു​ണ്ട്, ഇ​നി അ​ത് തു​ട​രാ​ൻ പാ​ടി​ല്ല എ​ന്ന ഉ​റ​ച്ച ഒ​രു ല​ക്ഷ്യ​ത്തി​ലാ​ണ് സി.​എ​സ്.​ഡി.​എ​സ് പ്ര​സ്ഥാ​നം 2013 സെ​പ്റ്റം​ബ​ർ എ​ട്ടി​ന് രൂ​പ​വ​ത്ക​രി​ക്കു​ന്ന​ത്.

എ​ന്താ​ണ് സി.​എ​സ്.​ഡി.​എ​സി​ന്റെ ല​ക്ഷ്യ​മെ​ന്ന് വി​ശ​ദീ​ക​രി​ക്കു​മോ? അ​തോ​ടൊ​പ്പം പ്ര​സ്ഥാ​ന​ത്തി​ന്റെ പ്ര​വ​ർ​ത്ത​ന​രീ​തി, പോ​ഷ​ക സം​ഘ​ട​ന​ക​ൾ, ഇ​ത​ര പ്ര​വ​ർ​ത്ത​ന​ങ്ങ​ൾ തു​ട​ങ്ങി​യ​വ കൂ​ടി...

ബാ​ബാസാ​​േ​ഹ​ബ് അം​ബേ​ദ്ക​ർ വി​ഭാ​വ​ന​ചെ​യ്ത അ​ധി​കാ​ര ഇ​ട​ങ്ങ​ളി​ൽ ദ​ലി​ത​ർ​ക്ക് പ്രാ​തി​നി​ധ്യം ല​ഭി​ക്കു​ക എ​ന്ന​താ​ണ് സി.​എ​സ്.​ഡി.​എ​സ് ല​ക്ഷ്യംവെ​ക്കു​ന്ന​ത്. സ്വാ​ത​ന്ത്ര്യാ​ന​ന്ത​ര ഇ​ന്ത്യ​യി​ൽ ഞ​ങ്ങ​ൾ ദ​ലി​ത​ർ എ​ല്ലാ​വ​രും ഒ​രേ​പോ​ലെ ല​ക്ഷ്യ​മി​ടു​ന്ന ഒ​രു കാ​ര്യം​കൂ​ടി​യാ​ണ് മ​തി​യാ​യ പ്രാ​തി​നി​ധ്യം ല​ഭി​ക്കു​ക എ​ന്ന​ത്. കേ​ര​ള സം​സ്ഥാ​നം രൂ​പം​കൊ​ണ്ട​തി​നു​ശേ​ഷം ഈ ​ല​ക്ഷ്യ​വു​മാ​യി ദ​ലി​ത​ർ​ക്കി​ട​യി​ൽ​നി​ന്നും വ​ലി​യ ഒ​രു ധാ​ര ഉ​ണ്ടാ​യി​ട്ടു​ണ്ട്. അ​തി​ൽ ഏ​റ്റ​വും ജ​ന​കീ​യ പ​ങ്കാ​ളി​ത്ത​മു​ള്ള ഒ​രു പ്ര​സ്ഥാ​ന​മാ​ണ് സി.​എ​സ്.​ഡി.​എ​സ്. 2013ൽ​ത​ന്നെ പ്ര​സ്ഥാ​നം ഔ​ദ്യോ​ഗി​ക​മാ​യി ര​ജി​സ്റ്റ​ർ ചെ​യ്യു​ക​യും കോ​ട്ട​യം വാ​ഴൂ​രി​ൽ സ്വ​ന്ത​മാ​യി ഒ​രു ആ​സ്ഥാ​നമ​ന്ദി​രം പ്ര​വ​ർ​ത്ത​നം ആ​രം​ഭി​ക്കു​ക​യും ചെ​യ്തു. ഞ​ങ്ങ​ളു​ടെ പ്ര​സ്ഥാ​ന​ത്തി​ന്റെ അ​ടി​ത്ത​റ​യെ​ന്ന​ത് കു​ടും​ബ​മാ​ണ്, കു​ടും​ബ​ത്തി​ലെ എ​ല്ലാ​വ​രും ഇ​തി​ൽ അം​ഗ​ങ്ങ​ളാ​കു​ന്നു. പ്രാ​ദേ​ശി​ക മേ​ഖ​ല​ക​ളി​ൽ കു​ടും​ബ യൂ​നി​റ്റു​ക​ളും അ​വ​ക്കു മു​ക​ളി​ൽ പ​ഞ്ചാ​യ​ത്ത്, താ​ലൂ​ക്ക്, സം​സ്ഥാ​നം എ​ന്നി​ങ്ങ​നെ പ്ര​വ​ർ​ത്ത​ന/ തീ​രു​മാ​ന​ങ്ങ​ളെ സു​താ​ര്യ​മാ​യ ഘ​ട​ന​ക​ൾ വ​ഴി​യാ​ണ് പ്രാ​വ​ർ​ത്തി​ക​മാ​ക്കു​ന്ന​ത്. കു​ട്ടി​ക​ളു​ടെ​യും യു​വാ​ക്ക​ളു​ടെ​യും സ്ത്രീ​ക​ളു​ടെ​യും മാ​ത്ര​മാ​യ പോ​ഷ​ക സം​ഘ​ട​ന​ക​ളും ഞ​ങ്ങ​ൾ​ക്കു​ണ്ട്. സാ​മൂ​ഹി​ക പ്ര​വ​ർ​ത്ത​ന​ങ്ങ​ൾ, ആം​ബു​ല​ൻ​സ് സ​ർ​വി​സ് തു​ട​ങ്ങി ജാ​തി മ​ത ഭേ​ദ​മ​േ​ന്യ എ​ല്ലാ​വ​ർ​ക്കും പ്ര​യോ​ജ​ന​പ്പെ​ടു​ത്താ​ൻ ശ്ര​മി​ക്കു​ന്നു.

ബ​ഹു​ജ​ൻ സ​മാ​ജ്‌​വാ​ദി പാ​ർ​ട്ടി​യു​ടെ വി​ജ​യ​ത്തി​നു​ശേ​ഷം ഇ​ന്ത്യ​യി​ലെ​മ്പാ​ടും മു​ഖ്യ​ധാ​രാ രാ​ഷ്ട്രീ​യ പാ​ർ​ട്ടി​ക​ൾ​ക്ക് ദ​ലി​ത​രെ പ​രി​ഗ​ണി​ക്കേ​ണ്ടി​യും അ​വ​ർ​ക്കാ​യി പാ​ർ​ട്ടി​ക​ൾ​ക്കു​ള്ളി​ൽ ഔ​ദ്യോ​ഗി​ക പ​ട്ടി​ക​ജാ​തി പോ​ഷ​ക സം​ഘ​ട​ന​ക​ൾ ആ​രം​ഭി​ക്കേ​ണ്ടി​യും വ​ന്നി​ട്ടു​ണ്ട്. കേ​ര​ള​ത്തി​ൽ സി.​പി.​എം ഔ​ദ്യോ​ഗി​ക​മാ​യി ആ​രം​ഭി​ച്ച പ​ട്ടി​ക​ജാ​തി ക്ഷേ​മ സ​മി​തി (PKS) ഒ​രു വ​യ​സ്സി​ലേ​ക്ക് ക​ട​ക്കു​ന്ന​തി​ന് മു​മ്പാ​ണ് സി.​എ​സ്.​ഡി.​എ​സ് വ​ലി​യ ഒ​രു ജ​ന​സാ​ഗ​ര​ത്തെ അ​വ​ർ​ക്ക് മു​മ്പാ​കെ അ​ണി​നി​ര​ത്തി​യ​ത്. പി.​കെ.​എ​സി​നെ കു​റി​ച്ചും ദ​ലി​ത് പോ​ഷ​കസം​ഘ​ട​ന​ക​ളെ കു​റി​ച്ചും എ​ന്താ​ണ​ഭി​പ്രാ​യം?

ഭ​ര​ണ​ഘ​ട​ന​ക്ക് വി​രു​ദ്ധ​മാ​യ ജാ​തി വി​വേ​ച​ന​ത്തെ വേ​ണ്ട​രീ​തി​യി​ൽ മ​ന​സ്സി​ലാ​ക്കാ​തെ മ​ത അ​ടി​സ്ഥാ​ന​ത്തി​ൽ ഇ​ന്ത്യ​യി​ലെ ദ​ലി​ത​രെ വി​ഭ​ജി​ക്കു​ന്ന ഒ​രു പ​ദ്ധ​തി​യാ​യി​രു​ന്നു പ്ര​സി​ഡ​ൻ​ഷ്യ​ൽ ഓ​ർ​ഡ​റി​ലൂ​ടെ​യു​ള്ള പ​ട്ടി​ക ജാ​തി/ വ​ർ​ഗ നി​ർ​ണ​യം. കോ​ൺ​ഗ്ര​സാ​ണ് ഈ ​വ​ർ​ഗീ​യ ഹി​ന്ദു​ത്വ പ​ദ്ധ​തി ന​ട​പ്പാ​ക്കി​യ​ത്. ഈ ​മ​നു​സ്മൃ​തി​ബോ​ധ​ത്തി​ൽ​ത​ന്നെ​യാ​ണ് എ​ല്ലാ രാ​ഷ്ട്രീ​യ പാ​ർ​ട്ടി​ക​ളും അ​വ​രു​ടെ ദ​ലി​ത് സം​ഘ​ട​ന​ക​ൾ രൂ​പ​വ​ത്ക​രി​ച്ച​ത്. വ​ലി​യൊ​രു വി​ഭാ​ഗം ദ​ലി​ത​ർ ഈ ​പ​ട്ടി​ക​യി​ൽ​നി​ന്നും ഒ​ഴി​വാ​ക്ക​പ്പെ​ട്ടു. കേ​ര​ള​ത്തി​നെ സം​ബ​ന്ധി​ച്ച് ദ​ലി​ത് ഹി​ന്ദു​ക്ക​ളെ​പ്പോ​ലെ​ത​ന്നെ വ​ള​രെ പ്ര​ധാ​ന​പ്പെ​ട്ട ഒ​രു വി​ഭാ​ഗ​മാ​ണ് ദ​ലി​ത് ക്രൈ​സ്ത​വ​ർ. അ​ങ്ങ​നെ ഒ​രു വി​ഭാ​ഗ​ത്തി​നെ പ​രി​ഗ​ണി​ക്കാ​തെ ഹൈ​ന്ദ​വ ബോ​ധ​ത്തി​ൽ നി​ർ​വ​ചി​ക്ക​പ്പെ​ട്ട ദു​ർ​ബ​ല വി​ഭാ​ഗ​ങ്ങ​ൾ​ക്ക് മാ​ത്ര​മാ​യാ​ണ് പി.​കെ.​എ​സ് രൂ​പ​വ​ത്ക​രി​ച്ച​ത്. ദ​ലി​ത​രു​ടെ സാ​മൂ​ഹി​ക ലോ​ക​ത്തെ​ക്കു​റി​ച്ച് ഇ​ട​തു​പ​ക്ഷം തി​ക​ച്ചും അ​ജ്ഞ​രാ​ണ് എ​ന്ന​തി​ന്റെ പ്ര​ഖ്യാ​പ​ന​മാ​യാ​ണ് ഞാ​ൻ പി.​കെ.​എ​സി​നെ മ​ന​സ്സി​ലാ​ക്കു​ന്ന​ത്.

വ​ർ​ഗ​സ​മ​ര​വും രാ​ഷ്ട്രീ​യ​വും പ​റ​ഞ്ഞു​ന​ട​ന്ന​വ​രാ​ണ്, സ്വ​ത്വ​ബോ​ധ​ത്തെ പൂ​ർ​ണ​മാ​യി നി​ഷേ​ധി​ച്ച​വ​രാ​ണ് ‘പ​ള്ളി​ക്കു​ള്ളി​ൽ ഒ​രു കൊ​ച്ചു​പ​ള്ളി’ പ​ട്ടി​ക​ജാ​തി​ക്കാ​ർ​ക്കാ​യി നി​ർ​മി​ച്ചി​രി​ക്കു​ന്ന​ത്. ഉ​ള്ള​തു​ പ​റ​ഞ്ഞാ​ൽ പ​ട്ടി​ക​ജാ​തി​ക്കാ​ർ ര​ണ്ടാം ത​രം പാ​ർ​ട്ടി അം​ഗ​ങ്ങ​ളാ​യി മാ​റു​ക​യാ​യി​രു​ന്നു പി.​കെ.​എ​സി​ന്റെ വ​ര​വോ​ടു​കൂ​ടി. 2016ൽ ​ത​ല​സ്ഥാ​ന ന​ഗ​രി​യി​ൽ സി.​എ​സ്.​ഡി.​എ​സ് ശ​ക്ത​മാ​യ ഒ​രു പ്ര​ക​ട​നം കാ​ഴ്ച​വെ​ച്ച​തി​ന് പാ​ർ​ട്ടി​യു​ടെ കേ​ന്ദ്ര​ക​മ്മി​റ്റി തി​രു​വ​ന​ന്ത​പു​ര​ത്ത് കൂ​ടു​ക​യും പാ​ർ​ട്ടി ഒ​രു വ​ലി​യ സ​മ്മേ​ള​നം ന​ട​ത്തു​ക​യും അ​തി​നു​ശേ​ഷം പി.​കെ.​എ​സ് ശ​ക്തി​പ്പെ​ടു​ത്താ​നു​ള്ള ശ്ര​മ​ങ്ങ​ൾ പാ​ർ​ട്ടി ആ​രം​ഭി​ക്കു​ക​യും ചെ​യ്തു. എ​ന്താ​യാ​ലും ഞ​ങ്ങ​ൾ സി.​എ​സ്.​ഡി.​എ​സും മ​റ്റ് ദ​ലി​ത് സം​ഘ​ട​ന​ക​ളും സ​ജീ​വ​മാ​യ​തോ​ടു​കൂ​ടി​യാ​ണ് സി.​പി.​എ​മ്മി​ന്റെ ലോ​ക്ക​ൽ ക​മ്മി​റ്റി​യി​ൽ എ​ങ്കി​ലും ദ​ലി​ത​രെ അ​വ​ർ അം​ഗ​ങ്ങ​ളാ​യി എ​ടു​ത്തു​തു​ട​ങ്ങു​ന്ന​ത്. സ​മീ​പ സ​മ​യ​ത്ത് സി.​പി.​എ​മ്മി​ന്റെ ഗോ​വി​ന്ദ​ൻ മാ​ഷും സം​ഘ​വും ന​യി​ച്ച ജാ​ഥ​യി​ൽ പി.​കെ. ബി​ജു​വി​ന്റെ പേ​രും ചി​ത്ര​വും വ​രു​ന്ന​തി​നു കാ​ര​ണം ദ​ലി​ത​ർ സം​ഘ​ടി​ക്കു​ന്നു എ​ന്ന ഒ​റ്റ​ കാ​ര​ണ​ത്താ​ലാ​ണ്. മാ​ഷി​ന്റെ ജാ​ഥ​യു​മാ​യി ബ​ന്ധ​പ്പെ​ട്ടു ഒ​രു കാ​ര്യം കൂ​ടി പ​റ​യ​ട്ടെ, ബാ​ബാസാ​േഹ​ബ് അം​ബേ​ദ്ക​ർ ഉ​ൾ​പ്പെ​ടെ​യു​ള്ള​വ​ർ എ​തി​ർ​ത്ത​തും ദ​ലി​ത​രെ അ​പ​മാ​നി​ക്കു​ന്ന​തു​മാ​യ ഹ​രി​ജ​ൻ എ​ന്ന പ​ദം വി​ദ്യാ​സ​മ്പ​ന്ന​നാ​യ പി.​കെ. ബി​ജു ഇ​ന്നും ഉ​പ​യോ​ഗി​ക്കു​ന്നു, ബി​ജു​വി​ന്റെ നി​ല​വാ​രം എ​ന്താ​ണെ​ന്ന് കേ​ര​ള പൊ​തു​സ​മൂ​ഹം തി​രി​ച്ച​റി​ഞ്ഞു. അ​താ​യ​ത് ഞാ​ൻ പ​റ​ഞ്ഞു​വ​രു​ന്ന​ത് പി.​കെ.​എ​സ് ഈ 2023​ലും ഹ​രി​ജ​ൻ ചി​ന്ത​യി​ൽ കി​ട​ക്കു​ക​യാ​ണ്. ജ​ന്മി-​കു​ടി​യാ​ൻ മ​നഃ​സ്ഥി​തി​യു​ടെ നി​ർ​മാ​ണ​ശാ​ല​യാ​ണ് പി.​കെ.​എ​സ് എ​ന്ന​തി​ന് ഏ​റ്റ​വും ന​ല്ല തെ​ളി​വാ​ണ് പി.​കെ. ബി​ജു. പി.​കെ.​എ​സി​നു കേ​ര​ള പൊ​തു​സ​മൂ​ഹ​ത്തി​ന് മു​മ്പാ​കെ ധൈ​ര്യ​ത്തോ​ടെ നി​ർ​ത്തി കാ​ണി​ക്കാ​ൻ ശേ​ഷി​യു​ള്ള ഒ​രു നേ​താ​വു​ണ്ടോ? ഒ​രു നേ​താ​വി​നെ നി​ർ​മി​ക്കാ​ൻ ഈ 10 ​വ​ർ​ഷം​കൊ​ണ്ട് സി.​പി.​എ​മ്മി​ന് സാ​ധി​ച്ചോ? ഇ​നി കോ​ൺ​ഗ്ര​സി​ന്റെ കാ​ര്യം, അ​ത് ച​ർ​ച്ച ചെ​യ്യേ​ണ്ട ആ​വ​ശ്യ​മേ​യി​ല്ല എ​ന്നാ​ണ് എ​നി​ക്ക് തോ​ന്നു​ന്ന​ത്, അ​വ​ർ പൊ​തു​സ​മൂ​ഹ​ത്തി​ന്റെ ക​ണ്ണി​ൽ​പൊ​ടി​യി​ടാ​നാ​യി​പോ​ലും ദ​ലി​ത​രെ നേ​തൃ​ത്വ​ത്തി​ൽ കൊ​ണ്ടു​വ​രി​ല്ല. അ​വ​രെ ച​ർ​ച്ച​ക്ക് എ​ടു​ക്കേ​ണ്ട ഒ​രു കാ​ര്യ​വു​മി​ല്ല.

സി.​എ​സ്.​ഡി.​എ​സ് പ്ര​സ്ഥാ​ന​ത്തി​ന്റെ യോ​ഗ​ങ്ങ​ളി​ൽ ഏ​റ്റ​വും ശ്ര​ദ്ധേ​യ​മാ​യ കാ​ര്യം അ​തി​ലെ വ​ലി​യ ജ​ന​പ​ങ്കാ​ളി​ത്ത​മാ​ണ്. ഇ​ത്ര​മാ​ത്രം ജ​ന​ങ്ങ​ൾ ഇ​തി​നു പി​ന്നി​ൽ അ​ണി​നി​ര​ക്കു​ന്ന​തി​ന് പി​ന്നി​ലെ കാ​ര​ണം എ​ന്താ​ണ്? അ​താ​യ​ത് ദ​ലി​ത​രു​ടെ കൂ​ടി​വ​ര​വി​ന്‌ പി​ന്നി​ലെ രാ​ഷ്ട്രീ​യ കാ​ര​ണം എ​ന്താ​ണ്?

കേ​ര​ള​ത്തി​ലെ ദ​ലി​ത​രെ എ​ല്ലാ​വി​ധ രാ​ഷ്ട്രീ​യ പാ​ർ​ട്ടി​ക​ളും അ​യി​ത്തം ക​ൽ​പി​ച്ചു അ​ക​റ്റി​നി​ർ​ത്തി​യി​രി​ക്കു​ന്നു എ​ന്ന യാ​ഥാ​ർ​ഥ്യം ഒ​രുവി​ഭാ​ഗം ദ​ലി​ത​ർ തി​രി​ച്ച​റി​ഞ്ഞു എ​ന്ന​താ​ണ് ഈ ​ആ​ൾ​ക്കൂ​ട്ട​ത്തി​ന് പി​ന്നി​ലെ പ്ര​ധാ​ന കാ​ര​ണം. കേ​ര​ള​ത്തി​ലെ ഇ​ട​ത്-​വ​ല​ത് രാ​ഷ്ട്രീ​യ പാ​ർ​ട്ടി​ക​ൾ പ​ട്ടി​കജാ​തി സം​വ​ര​ണ സീ​റ്റി​ൽ അ​ല്ലാ​തെ ജ​ന​റ​ൽ സീ​റ്റു​ക​ളി​ൽ അ​താ​യ​ത് ഏ​തൊ​രു പാ​ർ​ട്ടി​ക്കും നൂ​റ് ശ​ത​മാ​നം ഉ​റ​പ്പു​ള്ള അ​വ​രു​ടെ കോ​ട്ട​ക​ളി​ൽ​പോ​ലും അ​വ​ർ പ​ട്ടി​ക​ജാ​തി​ക്കാ​രെ ഇ​ല​ക്ഷ​നി​ൽ മ​ത്സ​രി​പ്പി​ക്കാ​റി​ല്ല. സം​വ​ര​ണ സീ​റ്റു​ക​ളി​ൽ മാ​ത്രം പ​ട്ടി​ക ജാ​തി​ക്കാ​ർ മ​ത്സ​രി​ച്ചാ​ൽ മ​തി, പ​ട്ടി​ക ജാ​തി വ​കു​പ്പി​ൽ മാ​ത്രം പ​ട്ടി​ക ജാ​തി​ക്കാ​ര​ൻ മ​ന്ത്രി​യാ​യാ​ൽ മ​തി എ​ന്ന​താ​ണ് ഇ​വ​രു​ടെ നി​ല​പാ​ട്. ദ​ലി​ത് ഭൂ​രി​പ​ക്ഷ​മു​ള്ള നി​യ​മ​സ​ഭാ മ​ണ്ഡ​ല​ങ്ങ​ളി​ൽ​പോ​ലും അ​വ​ർ സ​വ​ർ​ണ സ​മു​ദാ​യ​ങ്ങ​ളെ മാ​ത്ര​മേ ഇ​ല​ക്ഷ​നി​ൽ നി​ർ​ത്താ​റു​ള്ളൂ. എ​ന്നാ​ൽ, മ​ധ്യ​കേ​ര​ള​ത്തി​ലെ ഈ​ഴ​വ ഭൂ​രി​പ​ക്ഷ​മു​ള്ള​യി​ട​ത്ത് അ​വ​ർ ഈ​ഴ​വ​രെ മാ​ത്ര​മേ ഇ​ല​ക്ഷ​നി​ൽ നി​ർ​ത്തു​ക​യു​ള്ളൂ.

കേ​ര​ള​ത്തി​ലെ ദ​ലി​ത് ക്രൈ​സ്ത​വ​രു​ടെ നി​യ​മ​സ​ഭാ പ്രാ​തി​നി​ധ്യം നോ​ക്കൂ, 1960-64 കാ​ല​യ​ള​വി​ൽ കോ​ൺ​ഗ്ര​സ് സീ​റ്റി​ൽ മ​ത്സ​രി​ച്ചു ജ​യി​ച്ച പി. ​ചാ​ക്കോ സാ​റി​നു​ശേ​ഷം ഒ​രു ദ​ലി​ത് ക്രി​സ്ത്യാ​നി​യും നി​യ​മ​സ​ഭ​യി​ൽ എ​ത്തി​യി​ട്ടി​ല്ല. സി.​പി.​എം ര​ണ്ടു മൂ​ന്ന് വ​ട്ടം ദ​ലി​ത് ക്രി​സ്ത്യാ​നി​ക​ളെ നി​ർ​ത്തു​ക​യു​ണ്ടാ​യി, ബി.​സി.​സി.​എ​ഫ് സ്ഥാ​പ​ക​നാ​യ വി.​ഡി. ജോ​ൺ സാ​ർ ഉ​ൾ​പ്പെ​ടെ​യു​ള്ള​വ​രെ തോ​ൽ​പി​ക്കു​ക​യാ​ണ് ചെ​യ്ത​ത്. ഇ​ത് ഞാ​ൻ ഉ​ണ്ടാ​ക്കി പ​റ​യു​ന്ന​ത​ല്ല, വി.​ഡി. ജോ​ൺ സാ​റി​ന്റെ ആ​ത്മ​ക​ഥ പ​രി​ശോ​ധി​ച്ചാ​ൽ ഇ​ത് വ്യ​ക്ത​മാ​കും. ഇ​പ്പോ​ഴ​ത്തെ പി​ണ​റാ​യി മ​ന്ത്രി​സ​ഭ​യു​ടെ തു​ട​ക്കസ​മ​യ​ത്ത് മ​ന്ത്രി​സ​ഭ​യി​ലെ അം​ഗ​ങ്ങ​ളു​ടെ ജാ​തി-​സ​മു​ദാ​യം തി​രി​ച്ചു​ള്ള ക​ണ​ക്കു​ക​ൾ പ​ല​രും പ്ര​സി​ദ്ധീ​ക​രി​ച്ച​ത് വി​നി​ലു​മൊ​ക്കെ വാ​യി​ച്ചി​ട്ടു​ണ്ട​ല്ലോ. അ​ക്ഷ​രാ​ർ​ഥ​ത്തി​ൽ കേ​ര​ള​ത്തി​ലെ ദ​ലി​ത​രെ ഇ​ട​തും വ​ല​തും ചേ​ർ​ന്ന് വ​ഞ്ചി​ക്കു​ക​യ​ല്ലാ​യി​രു​ന്നോ? ഇ​ട​തും വ​ല​തും കൂ​ടി ചേ​ർ​ന്ന് കേ​ര​ള​ നി​യ​മ​സ​ഭ​യെ​ന്നാ​ൽ നാ​യ​ന്മാ​രു​ടെ​യും ക്രി​സ്ത്യാ​നി​ക​ളു​ടെ​യും കു​ടും​ബ​വീ​ടാ​ക്കി തീ​ർ​ക്കു​ക​യ​ല്ലാ​യി​രു​ന്നോ? ഒ​രു ക​ണ​ക്ക് പ്ര​കാ​രം നാ​ളി​തു​വ​രെ 116 മ​ന്ത്രി​മാ​ർ നാ​യ​ന്മാ​രി​ൽ​നി​ന്നും 77 മ​ന്ത്രി​മാ​ർ മു​ന്നാ​ക്ക ക്രി​സ്ത്യാ​നി​ക​ളി​ൽ​നി​ന്നു​മാ​ണ് എ​ത്തി​യ​ത്. കേ​ര​ള​ത്തി​ൽ ഏ​റ്റ​വും ജ​ന​സം​ഖ്യ​യു​ള്ള ഈ​ഴ​വ​രി​ൽ​നി​ന്നും മു​സ്‍ലിം​ക​ളി​ൽ​നി​ന്നും മ​ന്ത്രി​മാ​രാ​യ​വ​രു​ടെ എ​ണ്ണം നാ​യ​ന്മാ​രു​ടെ പ​കു​തി​യേ കാ​ണു​ക​യു​ള്ളൂ. അ​പ്പോ​ൾ പി​ന്നെ ഞ​ങ്ങ​ൾ ദ​ലി​ത​രു​ടെ​യും പ​ട്ടി​ക ജാ​തി​ക്കാ​രു​ടെ​യും കാ​ര്യം പ​റ​യ​ണ്ട​ല്ലോ. ഞ​ങ്ങ​ൾ നേ​രി​ടു​ന്ന ഈ ​രാ​ഷ്ട്രീ​യ അ​വ​ഗ​ണ​ന​യാ​ണ് സി.​എ​സ്.​ഡി.​എ​സി​ന്റെ ജ​ന​പി​ന്തു​ണ​ക്ക് കാ​ര​ണം. മാ​ന്യ​മാ​യ രാ​ഷ്ട്രീ​യ പ്രാ​തി​നി​ധ്യം ല​ഭി​ക്കു​ന്ന​തി​നാ​യി ഒ​ത്തു​ചേ​രു​ന്ന ജ​ന​ങ്ങ​ളു​ടെ കൂ​ട്ട​ത്തി​നെ​യാ​ണ് നി​ങ്ങ​ൾ ഈ ​കാ​ണു​ന്ന​ത്.

പ​ട്ടി​ക​ജാ​തി​യി​ലെ പ്ര​ബ​ല ജാ​തി​ക​ളാ​യ പു​ല​യ​ർ, പ​റ​യ​ർ എ​ന്നീ വി​ഭാ​ഗ​ങ്ങ​ൾ മാ​ത്ര​മാ​യി സം​ഘ​ടി​ക്കു​ന്നു എ​ന്ന ഒ​രു വി​മ​ർ​ശ​നം സി.​എ​സ്.​ഡി.​എ​സി​നു നേ​ർ​ക്ക് പ​ല​രും ഉ​ന്ന​യി​ക്കാ​റു​ണ്ട​ല്ലോ? എ​ന്താ​ണ് അ​ത്ത​രം വി​മ​ർ​ശ​ന​ങ്ങ​ൾ​ക്കു​ള്ള താ​ങ്ക​ളു​ടെ മ​റു​പ​ടി?

ദ​ലി​ത്-​പ​ട്ടി​ക​ജാ​തി വി​ഭാ​ഗ​ങ്ങ​ളി​ൽ ജ​ന​സം​ഖ്യ ഏ​റ്റ​വു​മ​ധി​ക​മു​ള്ള ജാ​തി​ക​ൾ പു​ല​യ​രും പ​റ​യ​രു​മാ​ണ് അ​ഥ​വാ ചേ​ര​മ​രും സാം​ബ​വ​രു​മാ​ണ്, ഇ​വ​ർ​ക്കി​ട​യി​ൽ ഒ​രു ഐ​ക്യ​മു​ണ്ടാ​യാ​ൽ ക്ര​മേ​ണ മ​റ്റ് ജാ​തി വി​ഭാ​ഗ​ങ്ങ​ൾ​ക്കും ഈ ​ഐ​ക്യ​ത്തി​ലേ​ക്ക് പ്ര​വേ​ശി​ക്കാ​ൻ സാ​ധി​ക്കു​മെ​ന്ന പ്ര​തീ​ക്ഷ​യി​ലാ​ണ് ഞ​ങ്ങ​ൾ ചേ​ര​മ സാം​ബ​വ ഡെ​വ​ല​പ്മെ​ന്റ് സൊ​സൈ​റ്റി ആ​രം​ഭി​ച്ച​ത്. പ​ട്ടി​ക ജാ​തി-​ദ​ലി​ത് ക്രൈ​സ്ത​വ വി​ഭാ​ഗ​ങ്ങ​ളു​ടെ ഏ​തൊ​രു പ്ര​ശ്ന​ത്തി​ലും ഞ​ങ്ങ​ൾ ഇ​ട​പെ​ടു​ക​യും പി​ന്തു​ണ​യു​മാ​യി എ​ത്തു​ക​യും ചെ​യ്തി​ട്ടു​ണ്ട്. സം​ഘ​ട​ന​യു​ടെ പേ​രി​ൽ ര​ണ്ട് ജാ​തി വി​ഭാ​ഗ​ങ്ങ​ൾ ആ​ണെ​ങ്കി​ലും പ​ട്ടി​ക ജാ​തി-​ദ​ലി​ത് ക്രൈ​സ്ത​വ വി​ഭാ​ഗ​ങ്ങ​ളു​ടെ ഏ​തൊ​രു പ്ര​ശ്ന​ത്തി​ലും ഞ​ങ്ങ​ൾ ഇ​ട​പെ​ടു​ക​യും പി​ന്തു​ണ​യു​മാ​യി പ്ര​ത്യ​ക്ഷ​ത്തി​ൽ പ​ങ്കെ​ടു​ക്കു​ക​യും ചെ​യ്തി​ട്ടു​മു​ണ്ട്. ഈ ​വി​മ​ർ​ശ​ന​ത്തി​ന് ഒ​രു മ​റു​വ​ശം കൂ​ടി​യു​ണ്ട്. എ​ന്തു​കൊ​ണ്ട് ഈ ​ജ​നാ​ധി​പ​ത്യം നി​ല​നി​ൽ​ക്കു​ന്ന സം​സ്ഥാ​ന​ത്ത് ജാ​തി സം​ഘ​ട​ന​ക​ൾ രൂ​പ​വ​ത്ക​രി​ക്കേ​ണ്ടി വ​രു​ന്നു എ​ന്ന മ​റു​ചോ​ദ്യ​ത്തി​നു ഇ​വി​ട​ത്തെ രാ​ഷ്ട്രീ​യ​ക്കാ​ർ മ​റു​പ​ടി ന​ൽ​കേ​ണ്ട​താ​ണ്. കേ​ര​ള​ത്തി​ൽ എ​ൻ.​എ​സ്.​എ​സോ എ​സ്.​എ​ൻ.​ഡി.​പി​യോ ഇ​ങ്ങ​നെ ഒ​രു ചോ​ദ്യം നേ​രി​ടേ​ണ്ടി​വ​രു​ന്നി​ല്ല എ​ന്ന​തും ഈ ​ചോ​ദ്യം ഉ​ന്ന​യി​ക്കു​ന്ന​വ​ർ തി​രി​ച്ച​റി​യേ​ണ്ട​താ​ണ്. കേ​ര​ള​ത്തി​ൽ വി​ഭ​വ​ങ്ങ​ൾ വി​ത​ര​ണം ചെ​യ്യ​പ്പെ​ടു​ന്ന​ത് ജാ​തി​യു​ടെ​യും സ​മു​ദാ​യ​ത്തി​ന്റെ​യും പേ​രി​ലാ​ണ്, ആ ​വി​ഭ​വ വി​ത​ര​ണ​ത്തി​ൽ പ​ങ്കാ​ളി​ക​ളാ​കാ​ൻ ദ​ലി​ത​ർ ശ്ര​മി​ക്കു​ന്ന​തി​നെ​യാ​ണ് ഇ​വി​ടെ ജാ​തി​യാ​യി ചി​ല​ർ മു​ദ്ര​കു​ത്തു​ന്ന​ത് എ​ന്ന​താ​ണ് നാം ​മ​ന​സ്സി​ലാ​ക്കേ​ണ്ട​ത്.

സി.​എ​സ്.​ഡി.​എ​സി​നു കോ​ട്ട​യം, പ​ത്ത​നം​തി​ട്ട, ഇ​ടു​ക്കി എ​ന്നീ ജി​ല്ല​ക​ളി​ൽനി​ന്നാ​ണ​ല്ലോ ഏ​റ്റ​വു​മ​ധി​കം പ്ര​വ​ർ​ത്ത​ക​രു​ള്ള​ത്. ഇ​ല​ക്ഷ​നി​ൽ ഒ​രു നി​ർ​ണാ​യ​ക ശ​ക്തി എ​ന്ന നി​ല​യി​ലേ​ക്ക് നി​ങ്ങ​ൾ​ക്ക് മാ​റാ​ൻ സാ​ധി​ക്കു​ന്നു​ണ്ടോ? ഇ​ല​ക്ഷ​ൻ വി​ഷ​യ​ത്തി​ൽ ഇ​ട​ത്-​വ​ല​തു പ​ക്ഷ പാ​ർ​ട്ടി​ക​ൾ​ക്ക് നി​ങ്ങ​ളോ​ടു​ള്ള സ​മീ​പ​നം എ​ന്താ​ണ്?

തീ​ർ​ച്ച​യാ​യും കോ​ട്ട​യം, ആ​ല​പ്പു​ഴ, പ​ത്ത​നം​തി​ട്ട, ഇ​ടു​ക്കി ജി​ല്ല​ക​ളി​ലെ ചി​ല മ​ണ്ഡ​ല​ങ്ങ​ൾ, ഇ​പ്പോ​ൾ ഉ​ദാ​ഹ​ര​ണ​മാ​യി പ​റ​ഞ്ഞാ​ൽ പു​തു​പ്പ​ള്ളി, തി​രു​വ​ല്ല, കു​ട്ട​നാ​ട്, റാ​ന്നി, ക​ടു​ത്തു​രു​ത്തി, പൂ​ഞ്ഞാ​ർ, കാ​ഞ്ഞി​ര​പ്പ​ള്ളി തു​ട​ങ്ങി​യ മ​ണ്ഡ​ല​ങ്ങ​ളി​ൽ വി​ധി നി​ർ​ണ​യി​ക്കാ​ൻ ശേ​ഷി​യു​ള്ള വി​ഭാ​ഗ​മാ​ണ് ദ​ലി​ത​ർ. പ​ട്ടി​ക ജാ​തി​ക്കാ​രും ദ​ലി​ത് ക്രൈ​സ്ത​വ​രും ധാ​രാ​ള​മാ​യി താ​മ​സി​ക്കു​ന്ന ഈ ​മ​ണ്ഡ​ല​ങ്ങ​ളി​ൽ ഒ​രു പാ​ർ​ട്ടി​യും ദ​ലി​ത​രെ ഇ​ല​ക്ഷ​നി​ൽ പ​രി​ഗ​ണി​ക്കാ​റി​ല്ല. നാ​ളി​തു​വ​രെ ജ​ന​ങ്ങ​ൾ ഇ​തി​നെ​ക്കു​റി​ച്ചു ബോ​ധ​വാ​ന്മാ​രു​മ​ല്ലാ​യി​രു​ന്നു. എ​ന്നാ​ൽ, സി.​എ​സ്.​ഡി.​എ​സ് പ്ര​സ്ഥാ​നം സ​ജീ​വ​മാ​യ​തി​നു​ശേ​ഷം അ​ന്ത​രീ​ക്ഷം ആ​കെ ഒ​ന്നു മാ​റി​യി​ട്ടു​ണ്ട്. ബാ​ബാസാ​േ​ഹ​ബ് അം​ബേ​ദ്ക​ർ ത​ന്റെ ജ​ന​ത​യി​ൽ​നി​ന്നും ആ​ഗ്ര​ഹി​ച്ച നി​യ​മ​സ​ഭ​യി​ലെ പ്രാ​തി​നി​ധ്യ​മാ​ണ് ഞ​ങ്ങ​ളും ല​ക്ഷ്യ​മി​ടു​ന്ന​ത്.

ആ​ദ്യ സ​മ​യ​ങ്ങ​ളി​ൽ ഇ​ട​ത്-​വ​ല​ത് രാ​ഷ്ട്രീ​യ പാ​ർ​ട്ടി​ക​ൾ ഓ​ർ​ത്തത് ഞ​ങ്ങ​ളു​ടെ പ്ര​സ്ഥാ​ന​മെ​ന്ന​ത് ആ​യു​സ്സ് ഒ​ട്ടു​മി​ല്ലാ​ത്ത കേ​വ​ല​മാ​യ ഒ​രു ജാ​തി സം​ഘ​ട​ന​യാ​ണ് അ​ല്ലെ​ങ്കി​ൽ നാ​ട്ടി​ൻ​പു​റ​ത്തെ ഏ​താ​ണ്ട് ‘യു​വ​ര​ശ്മി’ ക്ല​ബ് എ​ന്നൊ​ക്കെ​പ്പ​റ​യു​ന്ന​പോ​ലെ ഏ​താ​ണ്ടൊ​രു പ​രി​പാ​ടി​യാ​ണെ​ന്നാണ്. ഞ​ങ്ങ​ളെ അ​വ​ർ ല​വ​ലേ​ശം പ​രി​ഗ​ണി​ച്ചി​രു​ന്നി​ല്ല, എ​ന്നാ​ൽ, ഇ​ന്ന് കാ​ര്യ​ങ്ങ​ൾ അ​ങ്ങ​െ​ന​യ​ല്ല. ഇ​നി വ​രു​ന്ന നി​യ​മ​സ​ഭ ഇ​ല​ക്ഷ​ൻ ഞ​ങ്ങ​ളെ സം​ബ​ന്ധി​ച്ചു വ​ള​രെ പ്ര​ധാ​ന​പ്പെ​ട്ട​തെ​ന്നാ​ണ് ഞാ​ൻ വി​ശ്വ​സി​ക്കു​ന്ന​ത്. ദ​ലി​ത​ർ​ക്ക് ഭൂ​രി​പ​ക്ഷ​മു​ള്ള നി​യ​മ​സ​ഭ മ​ണ്ഡ​ല​ങ്ങ​ളി​ൽ ഞ​ങ്ങ​ൾ അ​ന്വേ​ഷ​ണം ന​ട​ത്തു​ക​യും, അ​വി​ട​ത്തെ ദ​ലി​ത​രു​ടെ​യും ആ​ദി​വാ​സി​ക​ളു​ടെ​യും വോ​ട്ട് എ​ത്ര​യെ​ന്നു ഞ​ങ്ങ​ൾ കൃ​ത്യ​മാ​യി ക​ണ​ക്കെ​ടു​ക്കു​ക​യും അ​തി​ന​നു​സ​രി​ച്ചു​ള്ള ആ​സൂ​ത്ര​ണ​ങ്ങ​ൾ വി​ക​സി​പ്പി​ച്ചു​വ​രു​ക​യു​മാ​ണ്.

ശ​ബ​രി​മ​ല വി​ഷ​യ​ത്തി​നു​ശേ​ഷം ഇ​ട​തു സ​ർ​ക്കാ​ർ നി​ങ്ങ​ൾ ഉ​ൾ​പ്പെ​ടെ​യു​ള്ള പി​ന്നാ​ക്ക ജാ​തി​സം​ഘ​ട​ന​ക​ളോ​ട് ചേ​ർ​ന്നുനി​ന്നാ​ണ് പ്ര​വ​ർ​ത്തി​ക്കു​ന്ന​ത്. നി​യ​ന്ത്ര​ണ​ങ്ങ​ളോ​ടു​കൂ​ടി ന​ട​ത്തി​യ സ​ത്യ​പ്ര​തി​ജ്ഞാ ച​ട​ങ്ങി​ൽ താ​ങ്ക​ൾ ക്ഷ​ണി​ക്ക​പ്പെ​ട്ട ഒ​രു അ​തി​ഥി​യാ​യി​രു​ന്ന​ല്ലോ. നി​ങ്ങ​ളോ​ടും ഇ​ത​ര ജാ​തി സം​ഘ​ട​ന​ക​ളോ​ടു​മു​ള്ള ഇ​ട​തു​പ​ക്ഷ സ​മീ​പ​നം എ​ങ്ങ​നെ​യാ​ണ്?

1970ക​ളു​ടെ തു​ട​ക്ക​ത്തി​ൽ പി.​കെ. ചാ​ത്ത​ൻ മാ​സ്റ്റ​ർ ഇ​ട​തു​പ​ക്ഷ പി​ന്തു​ണ​യാ​ൽ സ്ഥാ​പി​ച്ച കേ​ര​ള പു​ല​യ​ർ മ​ഹാ​സ​ഭ​യ​ല്ലാ​തെ ഒ​രു ജാ​തി സം​ഘ​ട​ന​യും കേ​ര​ള​ത്തി​ൽ വ​ള​രാ​ൻ ഇ​ട​തു​പ​ക്ഷ പ്ര​സ്ഥാ​നം അ​നു​വ​ദി​ച്ചി​ട്ടി​ല്ല എ​ന്ന​ത് ഏ​വ​ർ​ക്കും അ​റി​വു​ള്ള കാ​ര്യ​മാ​ണ​ല്ലോ. കേ​ര​ള സം​സ്ഥാ​നം രൂ​പം​കൊ​ണ്ട​തി​നു​ശേ​ഷ​മു​ള്ള ച​രി​ത്രം പ​രി​ശോ​ധി​ച്ചാ​ൽ ഈ ​വെ​ട്ടി​നി​ര​ത്ത​ൽ കാ​ണാ​ൻ സാ​ധി​ക്കും. അ​താ​യ​ത് ഞാ​ൻ പ​റ​ഞ്ഞു​വ​രു​ന്ന​ത് നാ​യ​ർ, ഈ​ഴ​വ ജാ​തി​ക​ളു​ടെ ഒ​ഴി​കെ, വേ​റേ​തൊ​രു ജാ​തിസം​ഘ​ട​ന​യെ​യും ഇ​ട​തു​പ​ക്ഷം അം​ഗീ​ക​രി​ക്കു​ന്നി​ല്ല. എ​ന്നാ​ൽ, പി.​കെ.​എ​സ് രൂ​പ​വ​ത്ക​ര​ണ​ത്തോ​ടു​കൂ​ടി വ​ലി​യ ഒ​രു വൈ​രു​ധ്യ​ത്തി​ലേ​ക്ക് അ​ല്ലെ​ങ്കി​ൽ അ​വ​രു​ടെ പ്ര​ത്യ​യ​ശാ​സ്ത്ര​ത്തി​ന് വി​പ​രീ​ത​ദി​ശ​യി​ലാ​യി​പ്പോ​യി അ​വ​ർ. ആ​ദ്യ​ത്തെ കു​റെ വ​ർ​ഷ​ങ്ങ​ളി​ൽ സി.​എ​സ്.​ഡി.​എ​സി​നെ ത​ക​ർ​ത്ത് ത​രി​പ്പ​ണ​മാ​ക്കാ​നു​ള്ള ശ്ര​മ​ങ്ങ​ൾ സി.​പി.​എ​മ്മി​ന്റെ ഭാ​ഗ​ത്തു​നി​ന്നും ഉ​ണ്ടാ​യി​ട്ടു​ണ്ട്.

പ്ര​സ്ഥാ​നം രൂ​പം​കൊ​ള്ളു​ന്ന​തി​ന് കാ​ര​ണ​മാ​യ മി​ഥു​ൻ കൊ​ല​പാ​ത​ക​ത്തി​നു​ശേ​ഷം മി​ഥു​ന്റെ കു​ടും​ബ​ത്തെ സാ​മ്പ​ത്തി​ക​മാ​യി സ​ഹാ​യി​ക്കാ​നു​ള്ള ശ്ര​മ​ങ്ങ​ൾ ഞ​ങ്ങ​ൾ ന​ട​ത്തു​ക​യും ല​ഭി​ച്ച അ​ത്ര​യും തു​ക മി​ഥു​ന്റെ കു​ടും​ബ​ത്തി​ന് കൈ​മാ​റു​ക​യു​മു​ണ്ടാ​യി. എ​ന്നാ​ൽ, സി.​പി.​എ​മ്മി​ന്റെ നേ​തൃ​ത്വ​ത്തി​ൽ പ്ര​സ്ഥാ​ന​ത്തി​നു​മേ​ൽ സാ​മ്പ​ത്തി​ക ആ​രോ​പ​ണം പ്ര​ച​രി​പ്പി​ക്കു​ക​യും മി​ഥു​ന്റെ കു​ടും​ബ​ത്തെ സി.​പി.​എം ഏ​റ്റെ​ടു​ക്കു​ക​യും അ​വ​ർ​ക്ക് വീ​ട് നി​ർ​മി​ച്ച് ന​ൽ​കു​ക​യും ചെ​യ്തു. പാ​ർ​ട്ടി​യു​ടെ അ​ന്ന​ത്തെ സെ​ക്ര​ട്ട​റി സാ​ക്ഷാ​ൽ കോ​ടി​യേ​രി ബാ​ല​കൃ​ഷ്ണ​ൻ വാ​ഴൂ​ർ വ​രു​ക​യും വ​ലി​യ ഒ​രു യോ​ഗം സം​ഘ​ടി​പ്പി​ക്കു​ക​യും ചെ​യ്ത​തി​നു​ശേ​ഷ​മാ​ണ് അ​ദ്ദേ​ഹം താ​ക്കോ​ൽ​ദാ​ന ച​ട​ങ്ങ് ന​ട​ത്തി​യ​ത്. ഈ ​അ​വ​സ​ര​ത്തി​ൽ സി.​എ​സ്.​ഡി.​എ​സി​നെ ത​ക​ർ​ത്ത് ക​ള​യു​മെ​ന്ന് ഇ​പ്പോ​ഴ​ത്തെ ഒ​രു മ​ന്ത്രി പ​ര​സ്യ​മാ​യി പ്ര​ഖ്യാ​പി​ക്കു​ക​യും ചെ​യ്തു. അ​തേ​പോ​ലെ പ്രാ​ദേ​ശി​ക മേ​ഖ​ല​ക​ളി​ൽ നി​ര​വ​ധി ത​വ​ണ സി.​പി.​എ​മ്മു​മാ​യി വ​ഴ​ക്കു​ണ്ടാ​യി​ട്ടു​ണ്ട്. ത​ന്നെ​യു​മ​ല്ല ഇ​ട​തും വ​ല​തും കൂ​ടി ചേ​ർ​ന്ന് ഞ​ങ്ങ​ളു​ടെ പ്ര​സ്ഥാ​ന​ത്തി​ൽ പി​ള​ർ​പ്പു​ണ്ടെ​ന്നു വ​രു​ത്തി​ത്തീ​ർ​ക്കാ​ൻ ആ​ദ്യ​കാ​ല പ്ര​വ​ർ​ത്ത​ക​രെ സ്വാ​ധീ​നി​ക്കു​ക​യും അ​വ​രി​ൽ ചി​ല​രെ ഇ​തി​ൽ​നി​ന്ന് അ​ട​ർ​ത്തി​യെ​ടു​ക്കു​ക​യു​മു​ണ്ടാ​യി. മാ​ത്ര​മ​ല്ല, ഭ​ര​ണാ​ധി​കാ​രി​ക​ൾ പ്ര​സ്ഥാ​ന​ത്തി​ലെ നി​ര​വ​ധി​യാ​ളു​ക​ളെ ക്രി​മി​ന​ൽ കേ​സു​ക​ളി​ൽ ഉ​ൾ​പ്പെ​ടു​ത്തി വ്യാ​പ​ക​മാ​യി ഉ​പ​ദ്ര​വി​ച്ചി​ട്ടു​മു​ണ്ട്. ഇ​തി​നെ​യൊ​ക്കെ അ​തി​ജീ​വി​ച്ചാ​ണ് സി.​എ​സ്.​ഡി.​എ​സ് മു​ന്നോ​ട്ട് പോ​കു​ന്ന​ത്. വ​ലി​യ സം​ഘ​ർ​ഷ​ങ്ങ​ളു​ടെ ന​ടു​വി​ൽ ആ​ല​പ്പു​ഴ​യി​ൽ ഞ​ങ്ങ​ളു​ടെ വാ​ർ​ഷി​ക സ​മ്മേ​ള​നം ന​ട​ന്ന​ത് സി.​പി.​എ​മ്മി​നെ ഞ​ങ്ങ​ൾ അ​തി​ജീ​വി​ച്ചു എ​ന്ന​തി​ന്റെ പ്ര​ഖ്യാ​പ​ന​മാ​യി​രു​ന്നു. സ​ത്യം പ​റ​യാ​മ​ല്ലോ ഞാ​ൻ അ​ക്ഷ​രാ​ർ​ഥ​ത്തി​ൽ ഞെ​ട്ടി​പ്പോ​യി, അ​ത്ര​മാ​ത്രം ജ​ന​ങ്ങ​ളാ​ണ് ആ​ല​പ്പു​ഴ ബീ​ച്ചി​ലേ​ക്ക് ഒ​ഴു​കി​യെ​ത്തി​യ​ത്. ‘‘ഞാ​ൻ ഇ​വി​ടെ ര​ണ്ട് ക​ട​ലു​ക​ളാ​ണ് കാ​ണു​ന്ന​തെ​ന്ന്’’ ഷാ​നി​മോ​ൾ ഉ​സ്മാ​ൻ പ​റ​ഞ്ഞ​ത് ഞാ​ൻ ഇ​പ്പോ​ഴും ഓ​ർ​ക്കു​ന്നു. പി​ന്നീ​ട് സി.​പി.​എ​മ്മും ഞ​ങ്ങ​ളു​മാ​യി പ​റ​യ​ത്ത​ക്ക പ്ര​ശ്ന​ങ്ങ​ൾ ഒ​ന്നും ഉ​ണ്ടാ​യി​ട്ടി​ല്ല. അ​തേ​പോ​ലെ പി​ണ​റാ​യി സ​ർ​ക്കാ​ർ നേ​രി​ട്ട ഏ​റ്റ​വും വ​ലി​യ ഭീ​ഷ​ണി​യാ​യി​രു​ന്ന​ല്ലോ ശ​ബ​രി​മ​ല വി​ഷ​യം. എ​ൻ.​എ​സ്.​എ​സ് ഉ​ൾ​പ്പെ​ടെ​യു​ള്ള സ​വ​ർ​ണ വി​ഭാ​ഗ​ങ്ങ​ൾ ഇ​ട​തു​പ​ക്ഷ​ത്തി​ന്റെ നി​ല​പാ​ടി​നെ​തി​രെ ക​ടു​ത്ത വി​യോ​ജി​പ്പ് പ്ര​ക​ടി​പ്പി​ച്ച​പ്പോ​ൾ ഇ​ട​തു​പ​ക്ഷ​ത്തെ ര​ക്ഷി​ച്ച​ത് ഇ​വി​ട​ത്തെ പി​ന്നാ​ക്ക ജാ​തി സം​ഘ​ട​ന​ക​ൾ മാ​ത്ര​മാ​യി​രു​ന്നു. ഭ​ര​ണ​ഘ​ട​ന അ​ട്ടി​മ​റി​ക്ക​പ്പെ​ടു​ന്നു, ഭ​ര​ണ​ഘ​ട​ന സം​ര​ക്ഷി​ക്കു​ക എ​ന്നീ വി​ഷ​യ​ങ്ങ​ൾ ശ​ബ​രി​മ​ല​യി​ലെ സ്ത്രീ ​പ്ര​വേ​ശ​ന​വു​മാ​യി ബ​ന്ധ​പ്പെ​ട്ട് ഉ​യ​ർ​ന്നു​വ​ന്ന​തി​നാ​ലാ​ണ് ഞ​ങ്ങ​ൾ മു​ഖ്യ​മ​ന്ത്രി​ക്ക് പി​ന്തു​ണ പ്ര​ഖ്യാ​പി​ച്ച​ത്. എ​ന്താ​യാ​ലും ശ​ബ​രി​മ​ല വി​ഷ​യം വ​ന്ന​തോ​ടെ ഞ​ങ്ങ​ളും സി.​പി.​എ​മ്മും ത​മ്മി​ലു​ള്ള ബ​ന്ധം അ​ൽ​പം സൗ​ഹൃ​ദ​ത്തി​ലേ​ക്ക് പ്ര​വേ​ശി​ച്ചു. അ​തോ​ടൊ​പ്പം ന​വോ​ത്ഥാ​ന സ​മി​തി​യും മ​തി​ലി​ലു​മെ​ല്ലാം ഞ​ങ്ങ​ൾ പ​ങ്കെ​ടു​ക്കു​കയും ചെ​യ്തു. എ​ന്നാ​ൽ, ഇ​പ്പോ​ൾ ആ ​സ​മി​തി അ​ത്ര സ​ജീ​വ​മ​ല്ല.

അ​തേ, ആ ​വി​ഷ​യ​ത്തി​ലേ​ക്കാ​ണ് ഞാ​ൻ വ​രു​ന്ന​ത്. ജ​ന​സാ​ഗ​ര​ത്തെ സാ​ക്ഷി​യാ​ക്കി​യാ​ണ് താ​ങ്ക​ൾ ചെ​യ​ർ​മാ​നാ​യും പു​ന്ന​ല ശ്രീ​കു​മാ​ർ ജ​ന​റ​ൽ ക​ൺ​വീ​ന​റു​മാ​യ ദ​ലി​ത്-​ആ​ദി​വാ​സി സം​യു​ക്ത സ​മി​തി​യു​ടെ അ​വ​കാ​ശ പ്ര​ഖ്യാ​പ​നം കോ​ട്ട​യ​ത്തു വെ​ച്ച് ന​ട​ത്തി​യ​ത്. ദ​ലി​ത്-​ആ​ദി​വാ​സി സം​യു​ക്ത സ​മി​തി​യെ​ന്ന ആ​ശ​യം എ​ങ്ങ​നെ​യാ​ണ് ഉ​ണ്ടാ​യ​ത്? എ​ങ്ങ​നെ​യാ​ണ് രൂ​പം​കൊ​ള്ളു​ന്ന​ത്? ഇ​ട​തു​പ​ക്ഷ​ത്തി​ന്റെ ന​വോ​ത്ഥാ​ന സ​മി​തി​ക്ക് ഒ​രു ബ​ദ​ൽ ആ​ണോ?

മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ മേ​ൽ​നോ​ട്ട​ത്തി​ൽ സം​ഘ​ടി​ക്ക​പ്പെ​ട്ട ന​വോ​ത്ഥാ​ന സ​മി​തി കാ​ര്യ​മാ​യ കു​റെ പ്ര​വ​ർ​ത്ത​ന​ങ്ങ​ൾ ന​ട​ത്തു​ക​യു​ണ്ടാ​യി. എ​ന്നാ​ൽ, അ​ത് ക്ര​മേ​ണ ക​ടു​ത്ത ഇ​ട​തു​പ​ക്ഷ ആ​ശ​യ​ങ്ങ​ൾ ച​ർ​ച്ച​ചെ​യ്യു​ന്ന വേ​ദി​യാ​യും ഞ​ങ്ങ​ളെ എ​ല്ലാം പി.​കെ.​എ​സി​ലേ​ക്ക് സ്വാ​ഗ​തം ചെ​യ്യു​ന്ന ഒ​രു കൂ​ട്ടാ​യ്മ​യു​മാ​യി മാ​റി. പു​ന്ന​ല ശ്രീ​കു​മാ​ർ ആ​ദ്യം ന​വോ​ത്ഥാ​ന സ​മി​തി​യി​ൽനി​ന്ന് അ​ക​ലം പാ​ലി​ക്കു​ക​യും ക്ര​മേ​ണ നി​ര​വ​ധി സം​ഘ​ട​ന​ക​ൾ സ​മി​തി വി​ട്ട് പോ​കു​ക​യും ചെ​യ്തു. അ​ങ്ങ​നെ​യി​രി​ക്കെ ​പു​ന്ന​ല ശ്രീ​കു​മാ​ർ സി.​എ​സ്.​ഡി.​എ​സ് കേ​ന്ദ്ര ഓ​ഫി​സി​ൽ വ​രു​ക​യും കേ​ര​ള​ത്തി​ലെ പ​ട്ടി​ക ജാ​തി സം​ഘ​ട​ന​ക​ൾ സ്വ​ത​ന്ത്ര​മാ​യി പ്ര​വ​ർ​ത്ത​നം ന​ട​ത്തു​ന്ന സ​മ​യ​ത്തു​ത​ന്നെ രാ​ഷ്ട്രീ​യ ല​ക്ഷ്യ​ങ്ങ​ൾ​ക്കും അ​വ​കാ​ശ​ങ്ങ​ൾ​ക്കു​മാ​യി എ​ല്ലാ​വ​രും ഒ​രു​മി​ച്ചു​നി​ൽ​ക്ക​ണ​മെ​ന്ന ആ​ശ​യം അ​ദ്ദേ​ഹം മു​ന്നോ​ട്ടു​വെ​ക്കു​ക​യും ചെ​യ്തു. പി​ന്നീ​ട് ഞ​ങ്ങ​ൾ ത​മ്മി​ലു​ള്ള ച​ർ​ച്ച​ക​ളു​ടെ ഭാ​ഗ​മാ​യി ദ​ലി​ത്-​ആ​ദി​വാ​സി വി​ഭാ​ഗ​ങ്ങ​ൾ എ​ല്ലാ​വ​രും ഒ​രു​മി​ച്ചു​നി​ന്ന് പ്ര​വ​ർ​ത്തി​ക്ക​ണ​മെ​ന്നും ഈ ​ര​ണ്ടു വി​ഭാ​ഗ​ങ്ങ​ൾ ഒ​രേ​പോ​ലെ സ​ർ​ക്കാ​ർ സം​വി​ധാ​ന​ങ്ങ​ളി​ൽ​നി​ന്നും വി​വേ​ച​നം നേ​രി​ടു​ന്ന​വ​രാ​ണെ​ന്നും അ​വ​ർ എ​ല്ലാ​വ​രും ഒ​രു​മി​ച്ചാ​ൽ മാ​ത്ര​മേ ഇ​ത്ത​രം വി​ഷ​യ​ങ്ങ​ൾ​ക്ക് പ​രി​ഹാ​രം ഉ​ണ്ടാ​കൂ എ​ന്ന തീ​രു​മാ​ന​ത്തി​ലേ​ക്ക് ഞ​ങ്ങ​ൾ എ​ത്തി​ച്ചേ​രു​ക​യു​ണ്ടാ​യി.

സം​ഘ​ട​ന​ക​ൾ വ്യ​ത്യ​സ്ത നി​ല​ക​ളി​ലും ത​ല​ങ്ങ​ളി​ലും പ്ര​വ​ർ​ത്തി​ക്കു​മ്പോ​ൾ ദ​ലി​ത​രു​ടെ​യും ആ​ദി​വാ​സി​ക​ളു​ടെ​യും പൊ​തു​വാ​യ വി​ഷ​യ​ങ്ങ​ളി​ൽ നാ​മെ​ല്ലാം ഒ​ന്നി​ക്ക​ണം എ​ന്ന ഒ​രു മു​ദ്രാ​വാ​ക്യ​മാ​ണ് ഇ​തി​ൽ​നി​ന്നും രൂ​പ​പ്പെ​ട്ടു​വ​ന്ന​ത്. ക്ര​മേ​ണ ഈ ​ആ​ശ​യം ഇ​ത​ര സം​ഘ​ട​ന​ക​ളു​മാ​യി ആ​ലോ​ചി​ക്കു​ക​യും അ​വ​രെ​ല്ലാം ഈ ​ആ​ശ​യ​ത്തോ​ട് ചേ​ർ​ന്നു​നി​ൽ​ക്കാ​ൻ ആ​ഗ്ര​ഹം പ്ര​ക​ടി​പ്പി​ക്കു​ക​യും ചെ​യ്തു. അ​ങ്ങ​നെ ഭൂ​മി, തൊ​ഴി​ൽ, വി​ദ്യാ​ഭ്യാ​സം എ​ന്നീ മൂ​ന്ന് വി​ഷ​യ​ങ്ങ​ളെ കേ​ന്ദ്രീ​ക​രി​ച്ചു​ള്ള പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കാ​ൻ ഞ​ങ്ങ​ൾ തീ​രു​മാ​നി​ക്കു​ക​യു​ണ്ടാ​യി. ന​വോ​ത്ഥാ​ന സ​മി​തി ദ​ലി​ത​രു​ടെ​യും ആ​ദി​വാ​സി​ക​ളു​ടെ​യും അ​ടി​സ്ഥാ​ന പ്ര​ശ്‍ന​ങ്ങ​ളെ കു​റി​ച്ച് ബോ​ധ​വാ​ന്മാ​ര​ല്ല. നേ​താ​ക്ക​ളു​ടെ അ​നു​സ്മ​ര​ണം ന​ട​ത്തു​ക, സെ​മി​നാ​റു​ക​ൾ സം​ഘ​ടി​പ്പി​ക്കു​ക മാ​ത്ര​മ​ല്ല​ല്ലോ ദ​ലി​ത് പ്ര​വ​ർ​ത്ത​നം? ദ​ലി​ത​ർ നേ​രി​ടു​ന്ന ഭൂ​മിപ്ര​ശ്‌​ന​മൊ​ന്നും അ​വ​ർ​ക്ക് മ​ന​സ്സി​ലാ​കി​ല്ല. പി.​കെ.​എ​സും ഇ​തേ രീ​തി​യി​ൽ​ത​ന്നെ​യാ​ണ്. രൂ​പ​വ​ത്ക​ര​ണ​ത്തി​നു​ശേ​ഷം ഏ​താ​ണ്ട് 10 വ​ർ​ഷം ക​ഴി​ഞ്ഞ​പ്പോ​ഴാ​ണ് പി.​കെ.​എ​സ് എ​യ്ഡ​ഡ് കോ​ള​ജു​ക​ളി​ലെ സം​വ​ര​ണ വി​ഷ​യ​ത്തെ കു​റി​ച്ച് വാ ​തു​റ​ക്കു​ന്ന​ത്. കേ​ര​ള​ത്തി​ലെ ദ​ലി​ത്-​ആ​ദി​വാ​സി വി​ഭാ​ഗ​ങ്ങ​ളു​ടെ രാ​ഷ്ട്രീ​യ പ്രാ​തി​നി​ധ്യ​വും സാ​മൂ​ഹി​ക-​സാ​മ്പ​ത്തി​ക ഉ​ന്ന​മ​ന​വു​മാ​ണ് ഈ ​സം​യു​ക്ത സ​മി​തി ല​ക്ഷ്യ​മി​ടു​ന്ന​ത്. ഈ ​ഒ​രു കൂ​ട്ടാ​യ്മ​ക്ക് വ​ലി​യ സ്വീ​കാ​ര്യ​ത​യാ​ണ് ല​ഭി​ച്ച​ത് എ​ന്ന​തി​ന് ഏ​റ്റ​വും ന​ല്ല തെ​ളി​വാ​യി​രു​ന്നു കോ​ട്ട​യ​ത്തെ നെ​ഹ്‌​റു സ്റ്റേ​ഡി​യ​ത്തി​ൽ നി​റ​ഞ്ഞു​ക​വി​ഞ്ഞ ജ​ന​സാ​ഗ​രം.

ഭൂ​മി, തൊ​ഴി​ൽ, വി​ദ്യാ​ഭ്യാ​സം എ​ന്നി​വ ഏ​റ്റ​വും പ്ര​ധാ​ന​പ്പെ​ട്ട ആ​വ​ശ്യ​ങ്ങ​ൾ​ത​ന്നെ​യാ​ണ്, അം​ഗീ​ക​രി​ക്കു​ന്നു. പ​േ​ക്ഷ, കു​റെ​യ​ധി​കം കാ​ല​മാ​യി പ​ല ദ​ലി​ത് പ്ര​സ്ഥാ​ന​ങ്ങ​ളും ഈ ​ആ​വ​ശ്യം ഉ​ന്ന​യി​ച്ചി​ട്ടി​ല്ലേ? രാ​ഷ്ട്രീ​യ പ്രാ​തി​നി​ധ്യ​മ​ല്ലേ ദ​ലി​ത​ർ​ക്ക്, പ്ര​ത്യേ​കി​ച്ച് ആ​ദി​വാ​സി​ക​ൾ​ക്ക് ല​ഭി​ക്കേ​ണ്ട ഏ​റ്റ​വും പ്ര​ധാ​ന​പ്പെ​ട്ട ആ​വ​ശ്യം?

ഗോ​വി​ന്ദ​ൻ മാ​ഷി​ന്റെ ജാ​ഥ​യു​ടെ സ​മാ​പ​ന സ​മ്മേ​ള​ന പ്ര​സം​ഗം കേ​ട്ടി​രു​ന്നോ? അ​ദ്ദേ​ഹം കു​റെ ക​ണ​ക്കു​ക​ൾ പ​റ​യു​ക​യാ​ണ്, 3,42,000 പേ​ർ​ക്ക് സ്വ​ന്ത​മാ​യി ഭൂ​മി​യി​ല്ലെ​ന്നും 10,500 ഹെ​ക്ട​ർ ഭൂ​മി​യു​ണ്ടെ​ങ്കി​ൽ പ്ര​ശ്നം പ​രി​ഹ​രി​ക്കാ​മെ​ന്നും മൂ​ന്ന് സെ​ന്റ് എ​ങ്കി​ലും ആ​ളു​ക​ൾ​ക്ക് കൊ​ടു​ക്ക​ണ്ടേ എ​ന്നൊ​ക്കെ​യാ​ണ് മാ​ഷ് പ​റ​യു​ന്ന​ത്. അ​വ​ർ ഇ​ന്നും ആ ​മൂ​ന്ന് സെ​ന്റി​ൽത​ന്നെ ഇ​ങ്ങ​നെ കി​ട​ക്കു​ക​യാ​ണ്. പ​ട്ടി​ക​ജാ​തി-​വ​ർ​ഗ​ത്തി​ന് വെ​റും മൂ​ന്ന് സെ​ന്റ് ഭൂ​മി മ​തി​യെ​ന്നാ​ണ് അ​വ​ർ ഇ​ന്നും പ​റ​യു​ന്ന​ത്. ഇ​തേ ഇ​ട​തു​പ​ക്ഷ സ​ർ​ക്കാ​ർ വി​മാ​ന​ത്താ​വ​ള​ങ്ങ​ളു​ടെ​യും വി​ക​സ​ന​ത്തി​ന്റെ​യും പേ​രി​ൽ ഏ​ക്ക​ർ ക​ണ​ക്കി​ന് ഭൂ​മി കൊ​ടു​ക്കാ​ൻ ത​യാ​റാ​ണ്, എ​ന്നാ​ൽ ദ​ലി​ത​രു​ടെ​യും ആ​ദി​വാ​സി​ക​ളു​ടെ​യും കാ​ര്യം വ​രു​മ്പോ​ൾ മൂ​ന്ന് സെ​ന്റ് മാ​ത്ര​മേ പ്ര​ഖ്യാ​പി​ക്കൂ. അ​താ​യ​ത്, ഞാ​ൻ പ​റ​ഞ്ഞു​വ​രു​ന്ന​ത് വി​ക​സ​ന​ത്തി​ന്റെ പേ​ര് പ​റ​യു​മ്പോ​ൾ അ​ല്ലെ​ങ്കി​ൽ ഇ​വ​ർ പ​റ​യു​ന്ന കേ​ര​ള വി​ക​സ​ന മാ​തൃ​ക​ക്ക് ഭൂ​മി​യു​ണ്ട്. ഇ​വി​ട​ത്തെ പാ​വ​പ്പെ​ട്ട ദ​ലി​ത​നും ആ​ദി​വാ​സി​ക്കും കൊ​ടു​ക്കാ​ൻ മാ​ത്ര​മാ​ണ് ഭൂ​മി ഇ​ല്ലാ​ത്ത​ത്. ഞ​ങ്ങ​ൾ സം​യു​ക്ത സ​മി​തി​യി​ലൂ​ടെ ശ​ക്ത​മാ​യി മു​ന്നോ​ട്ടു​വെ​ച്ച ഭൂ​മി​യു​ടെ പ്ര​ശ്‌​നം ഇ​ത്ര​യും നാ​ൾ കേ​ര​ളം ഭ​രി​ച്ച സി.​പി.​എം സ​മ്മ​തി​ക്കു​ന്ന കാ​ഴ്ച​യാ​ണ് ഗോ​വി​ന്ദ​ൻ മാ​ഷി​ന്റെ പ്ര​സം​ഗ​ത്തി​ൽ നാം ​ക​ണ്ട​ത്.

ഭൂ​മി​യു​ടെ പ്ര​ശ്‌​ന​ത്തെ അ​വ​ർ​ക്ക് ത​ള്ളി​ക്ക​ള​യാ​ൻ പ​റ്റി​ല്ല എ​ന്ന​തി​ന് തെ​ളി​വാ​യി​ട്ടാ​ണ് ഞാ​ൻ മാ​ഷി​ന്റെ പ്ര​സം​ഗ​ത്തെ കാ​ണു​ന്ന​ത്. വി​നി​ലി​ന്റെ ചോ​ദ്യ​ത്തി​നോ​ടു​ള്ള വി​യോ​ജി​പ്പ് സൂ​ചി​പ്പി​ക്ക​ട്ടെ ഇ​നി. കേ​ര​ള​ത്തി​ൽ ജാ​തി സം​ഘ​ട​ന​ക​ൾ ഒ​ത്തൊ​രു​മ​യോ​ടെ ഇ​ത്ര​യും വ​ലി​യ ഒ​രു സ​മ്മേ​ള​നം ന​ട​ത്തി​യി​ട്ടു​ണ്ടോ? ഇ​ത്ര​യും ജ​ന​പ​ങ്കാ​ളി​ത്ത​മു​ള്ള ഒ​രു നീ​ക്കം കേ​ര​ളം ആ​ദ്യ​മാ​യി കാ​ണു​ക​യാ​ണ് എ​ന്ന​തി​ന് ത​ർ​ക്ക​മി​ല്ല. ര​ണ്ടാ​മ​ത്തെ വി​ഷ​യം എ​ന്താ​ണെ​ന്നു വെ​ച്ചാ​ൽ, ജാ​തി സം​ഘ​ട​ന​ക​ൾ ശ​ക്ത​മാ​യി ഭൂ​മി വി​ഷ​യ​ത്തി​ൽ ഇ​ട​പെ​ടു​ന്ന​ത് ഇ​ത് ആ​ദ്യ​മാ​യി​ട്ടാ​ണ്. രാ​ഷ്ട്രീ​യ പാ​ർ​ട്ടി​ക​ളെ പോ​ലെ ജാ​തി സം​ഘ​ട​ന​ക​ളും മി​ക്ക ഭൂ ​സ​മ​ര​ങ്ങ​ളി​ൽ​നി​ന്നും മാ​റി​നി​ൽ​ക്കു​ക​യാ​ണ് പ​തി​വ്. എ​ന്നാ​ൽ, ഇ​വി​ടെ കാ​ര്യ​ങ്ങ​ൾ നേ​രെ തി​രി​ച്ചാ​ണ് സം​ഭ​വി​ച്ച​ത്. ഞ​ങ്ങ​ൾ എ​ല്ലാ​വ​രും ഒ​രേ​പോ​ലെ ആ​വ​ശ്യ​പ്പെ​ടു​ന്ന​ത് ഭൂ​മി​യാ​ണ്. ഇ​നി രാ​ഷ്ട്രീ​യ പ്രാ​തി​നി​ധ്യ​ത്തെ സം​ബ​ന്ധി​ച്ചു പ​റ​ഞ്ഞാ​ൽ അ​തും വ​ള​രെ പ്ര​ധാ​ന​പ്പെ​ട്ട​തു​ത​ന്നെ​യാ​ണ് എ​ന്ന​തി​ന് ത​ർ​ക്ക​മി​ല്ല. ആ​ദി​വാ​സി​ക​ളു​ടെ കാ​ര്യം നോ​ക്ക്, കേ​ര​ള സം​സ്ഥാ​ന​ത്തി​ൽ നാ​ളി​തു​വ​രെ ഒ​രു ആ​ദി​വാ​സി മാ​ത്ര​മാ​ണ് മ​ന്ത്രി​യാ​യി​രി​ക്കു​ന്ന​ത്. അ​തി​ന്റെ സാ​ഹ​ച​ര്യം ന​മു​ക്ക് അ​റി​യാ​മ​ല്ലോ, സ്ത്രീ​ക​ൾ ഇ​ല്ലാ​തി​രു​ന്ന​പ്പോ​ൾ അ​വ​രെ ഉ​മ്മ​ൻ ചാ​ണ്ടി​ക്കും സം​ഘ​ത്തി​നും മ​ന്ത്രി​യാ​ക്കേ​ണ്ടി വ​ന്ന​താ​ണ​ല്ലോ. എ​ല്ലാ​വി​ധ ഇ​ല​ക്ഷ​നി​ലും പ​ട്ടി​ക​ജാ​തി-​വ​ർ​ഗ വി​ഭാ​ഗ​ങ്ങ​ളെ സം​വ​ര​ണ സീ​റ്റി​ൽ മാ​ത്ര​മ​ല്ലേ ഇ​വി​ട​ത്തെ രാ​ഷ്ട്രീ​യ പാ​ർ​ട്ടി​ക​ൾ മ​ത്സ​രി​പ്പി​ക്കു​ന്ന​ത്. അ​ധി​കാ​ര കേ​ന്ദ്ര​ങ്ങ​ളി​ൽ ഞ​ങ്ങ​ൾ​ക്ക് മാ​ന്യ​മാ​യ പ​രി​ഗ​ണ​ന ല​ഭി​ക്കു​ക എ​ന്ന​ത് മാ​ത്ര​മാ​ണ് ഞ​ങ്ങ​ളു​ടെ ആ​വ​ശ്യം.

സി.​എ​സ്.​ഡി.​എ​സ് ഇ​പ്പോ​ൾ ഏ​റ്റെ​ടു​ത്തി​രി​ക്കു​ന്ന വി​ഷ​യ​ങ്ങ​ൾ എ​ന്തെ​ല്ലാ​മാ​ണ്?

കേ​ര​ള​ത്തി​ലെ ദ​ലി​ത് ക്രൈ​സ്ത​വ​ർ​ക്ക് സം​സ്ഥാ​ന സ​ർ​ക്കാ​ർ പ്ര​ത്യേ​ക പ​രി​ര​ക്ഷ ന​ൽ​കു​ക എ​ന്ന ആ​വ​ശ്യ​ത്തി​നാ​യാ​ണ് ഞ​ങ്ങ​ൾ ഇ​പ്പോ​ൾ പ്ര​വ​ർ​ത്തി​ക്കു​ന്ന​ത്. ദ​ലി​ത് ക്രൈ​സ്ത​വ വി​ഷ​യ​ത്തി​ൽ വി​നി​ൽ ഉ​ൾ​പ്പെ​ടെ​യു​ള്ള ഗ​വേ​ഷ​ക​ർ വെ​ളി​യി​ൽ കൊ​ണ്ടു​വ​ന്ന ഞെ​ട്ടി​ക്കു​ന്ന വി​വേ​ച​ന​ത്തി​ന്റെ ഡേ​റ്റ ഇ​ന്ന് ന​മ്മു​ടെ മു​ന്നി​ലു​ണ്ട്. ദ​ലി​ത് ക്രൈ​സ്ത​വ​ർ​ക്ക് മാ​ത്ര​മാ​യി പ്ര​ഫ​ഷ​ന​ൽ വി​ദ്യാ​ഭ്യാ​സ മേ​ഖ​ല​യി​ൽ സം​വ​ര​ണം അ​നു​വ​ദി​ക്കു​ക, പ​രി​വ​ർ​ത്തി​ത ക്രൈ​സ്ത​വ ശി​പാ​ർ​ശി​ത വി​ഭാ​ഗ കോ​ർ​പ​റേ​ഷ​ൻ മാ​ന്യ​മാ​യ രീ​തി​യി​ൽ കാ​ല​ത്തി​ന് അ​നു​സ​രി​ച്ചു പ്ര​വ​ർ​ത്തി​ക്കു​ക എ​ന്നി​ങ്ങ​നെ​യു​ള്ള ആ​വ​ശ്യ​ങ്ങ​ളാ​ണ് സി.​എ​സ്.​ഡി.​എ​സ് ഉ​യ​ർ​ത്തി​യി​രി​ക്കു​ന്ന​ത്. നാ​ടാ​ർ ക്രി​സ്ത്യാ​നി​ക​ളു​മാ​യി ദ​ലി​ത് ക്രി​സ്ത്യാ​നി​ക​ൾ പ്ര​ഫ​ഷ​ന​ൽ വി​ദ്യാ​ഭ്യാ​സ മേ​ഖ​ല​യി​ൽ സം​വ​ര​ണം പ​ങ്കി​ടു​ന്ന​തി​നാ​ൽ പ്ര​ബ​ല​രാ​യ നാ​ടാ​ർ ക്രി​സ്ത്യാ​നി​ക്കു​ത​ന്നെ​യാ​ണ് എ​പ്പോ​ഴും കൂ​ടു​ത​ൽ സീ​റ്റു​ക​ൾ ല​ഭി​ക്കു​ന്ന​ത്. ഈ ​ഒ​രു അ​നീ​തി സ​ർ​ക്കാ​ർ ശ്ര​ദ്ധ​യി​ൽ​പെ​ടു​ത്തി​യി​ട്ടു​ണ്ട്. അ​താ​യ​ത് ഞ​ങ്ങ​ളു​ടെ ആ​വ​ശ്യ​ങ്ങ​ള​ട​ങ്ങു​ന്ന ഒ​രു പ്ര​ത്യേ​ക പാ​ക്കേ​ജ് ദ​ലി​ത് ക്രൈ​സ്ത​വ​ർ​ക്ക് മാ​ത്ര​മാ​യി സം​സ്ഥാ​ന സ​ർ​ക്കാ​ർ ന​ട​പ്പാ​ക്കു​ക എ​ന്ന​താ​ണ് സി.​എ​സ്.​ഡി.​എ​സ് ആ​വ​ശ്യ​പ്പെ​ടു​ന്ന​ത്. സം​സ്ഥാ​ന സ​ർ​ക്കാ​റി​ന്റെ പി.​എ​സ്.​സി റൊ​ട്ടേ​ഷ​ൻ ക്ര​മീ​ക​ര​ണ​ത്തെ​യും ഞ​ങ്ങ​ൾ പ്ര​ശ്ന​വ​ത്ക​രി​ക്കാ​ൻ ശ്ര​മി​ക്കു​ന്നു​ണ്ട്. തി​രു​വ​ന​ന്ത​പു​രം ജി​ല്ല​യി​ൽ മാ​ത്ര​മു​ള്ള എ​സ്.​ഐ.​യു.​സി നാ​ടാ​ർ മു​പ്പ​ത്തി​യെ​ട്ടാ​മ​ത്‌ ജോ​ലി​ക്ക് ക​യ​റ​ുമ്പോ​ൾ അ​വ​രു​ടെ ജ​ന​സം​ഖ്യ​യു​ടെ ഇ​ര​ട്ടി​യു​ള്ള​തും കേ​ര​ള​ത്തി​ൽ ഏ​റ്റ​വും മോ​ശ​മാ​യ അ​വ​സ്ഥ​യി​ൽ ജീ​വി​ക്കു​ന്ന ഒ​രു ആ​ദി​വാ​സി ജോ​ലി​ക്ക് ക​യ​റു​ന്ന​ത് നാ​ൽ​പ​ത്തി​യൊ​ന്നാ​മ​താ​ണ്, ദ​ലി​ത് ക്രി​സ്ത്യാ​നി ക​യ​റു​ന്ന​ത് നാ​ൽ​പ​ത്തി​യെ​ട്ടാ​മ​താ​ണ്. ഇ​ങ്ങ​നെ സ​ർ​ക്കാ​ർ സം​വി​ധാ​ന​ത്തി​ൽ ആ​ദി​വാ​സി​ക​ളും ദ​ലി​ത​രും നേ​രി​ടു​ന്ന പ്ര​ശ്ന​ങ്ങ​ളും, അ​തേ​പോ​ലെ എ​യ്ഡ​ഡ് മേ​ഖ​ല​യി​ലെ സം​വ​ര​ണം ന​ട​പ്പി​ലാ​ക്കു​ക തു​ട​ങ്ങി​യ​വ​യും ഞ​ങ്ങ​ളു​ടെ മു​ഖ്യ അ​ജ​ണ്ട​ക​ളാ​ണ്.