'നി​​ങ്ങ​​ൾ തി​​രു​​ത്തു​​ന്നി​​ല്ലെ​​ങ്കി​​ൽ നി​​ങ്ങ​​ൾ തി​​രു​​ത്ത​​പ്പെ​​ടും'; 'ആ​ൾ​ട്ട് ന്യൂ​സ്' സ​ഹ​സ്ഥാ​പ​ക​ൻ മു​ഹ​മ്മ​ദ് സു​ബൈറുമായുള്ള ദീർഘ സംഭാഷണം

ഇ​ന്ത്യ​യി​ലെ ഇ​സ്‍ലാ​മോ​ഫോ​ബി​യ​യും വി​ദ്വേ​ഷ കാ​മ്പ​യി​നും മാ​ധ്യ​മ​സ്വാ​ത​ന്ത്ര്യ​ത്തി​നെ​തി​രാ​യ ഭ​ര​ണ​കൂ​ട​ത്തി​ന്റെ ക​ട​ന്നു​ക​യ​റ്റ​വും അ​ന്താ​രാ​ഷ്ട്ര​ത​ല​ത്തി​ൽ ച​ർ​ച്ച​ക്കി​ട​യാ​ക്കി​യ സം​ഭ​വ​മാ​ണ്​ ബി.​ജെ.​പി വ​ക്താ​വ് നൂ​പു​ർ ശ​ർ​മ​യു​ടെ​യും ബി.​ജെ.​പി ഡ​ൽ​ഹി ഐ.​ടി സെ​ൽ ത​ല​വ​ൻ ന​വീ​ൻ ജി​ൻ​ഡാ​ലി​ന്റെ​യും പ്ര​വാ​ച​ക​നി​ന്ദ പ​രാ​മ​ർ​ശ​വും അ​തി​നെ തു​ട​ർ​ന്നു​ണ്ടാ​യ ന​ട​പ​ടി​ക​ളും. അ​ധി​ക​മാ​രും ച​ർ​ച്ച ചെ​യ്യാ​തെ പോ​വു​മാ​യി​രു​ന്ന ഒ​രു ചാ​ന​ൽ ച​ർ​ച്ച​യി​ലെ വി​വാ​ദ പ​രാ​മ​ർ​ശം ലോ​ക​ത്തി​നു​മു​ന്നി​ലേ​ക്ക് ഒ​രു ചോ​ദ്യ​മാ​യെ​റി​ഞ്ഞ​ത് 'ആ​ൾ​ട്ട് ന്യൂ​സ്' സ​ഹ​സ്ഥാ​പ​ക​ൻ മു​ഹ​മ്മ​ദ് സു​ബൈ​ർ എ​ന്ന 39കാ​ര​നാ​യി​രു​ന്നു.

ആ​ഗോ​ള​ത​ല​ത്തി​ലു​യ​ർ​ന്ന പ്ര​തി​ഷേ​ധ​ത്തി​ൽ മോ​ദി സ​ർ​ക്കാ​റി​ന് ലോ​ക​രാ​ഷ്ട്ര​ങ്ങ​ൾ​ക്കു മു​ന്നി​ൽ ല​ജ്ജി​ച്ച് ത​ല​കു​നി​ക്കേ​ണ്ടി​വ​ന്നു. വി​ഷ​യം ന​യ​ത​ന്ത്ര​ത​ല​ത്തി​ൽ​വ​രെ ച​ർ​ച്ച​യാ​യി. പ്ര​തി​ഷേ​ധം ത​ണു​പ്പി​ക്കാ​നെ​ങ്കി​ലും നൂ​പു​റി​നും ന​വീ​നു​മെ​തി​രെ പാ​ർ​ട്ടി​ത​ല​ത്തി​ൽ ബി.​ജെ​പി​ക്ക് ന​ട​പ​ടി​യെ​ടു​ക്കേ​ണ്ടി വ​ന്നു. പ​ക്ഷേ, വി​ര​ൽ​ചൂ​ണ്ടി​യ​യാ​ളെ തേ​ടി പൊ​ലീ​സെ​ത്തി. അ​റ​സ്റ്റും ജ​യി​ൽ​വാ​സ​വും കോ​ട​തി ന​ട​പ​ടി​യു​മൊ​ക്കെ​യു​ണ്ടാ​യി. ലോ​ക​ത്തി​ലെ ഏ​റ്റ​വും വ​ലി​യ ജ​നാ​ധി​പ​ത്യ​രാ​ജ്യ​മെ​ന്ന് ഊ​റ്റം​കൊ​ള്ളു​ന്ന ഇ​ന്ത്യ​യി​ൽ ജ​നാ​ധി​പ​ത്യ​ത്തി​ന്റെ നാ​ലാം തൂ​ണി​നെ ശി​ഥി​ല​മാ​ക്കാ​ൻ ഫാ​ഷി​സ്റ്റ് ഭ​ര​ണ​കൂ​ടം എ​ങ്ങ​നെ പ്ര​വ​ർ​ത്തി​ക്കു​ന്നു​വെ​ന്ന​തി​ന്റെ ഒ​ടു​വി​ല​ത്തെ ഉ​ദാ​ഹ​ര​ണ​ങ്ങ​ളി​ലൊ​ന്ന്. അ​ഭി​പ്രാ​യ സ്വാ​ത​ന്ത്ര്യം വേ​ണ​മെ​ന്ന് ജി-7 ​രാ​ജ്യ​ങ്ങ​ളോ​ടൊ​പ്പം പ്ര​ധാ​ന​മ​ന്ത്രി ന​രേ​ന്ദ്ര മോ​ദി ആ​വ​ശ്യ​പ്പെ​ട്ട അ​തേ ദി​വ​സ​മാ​യി​രു​ന്നു ഡ​ൽ​ഹി പൊ​ലീ​സ് മു​ഹ​മ്മ​ദ് സു​ബൈ​റി​ന്റെ അ​റ​സ്റ്റ് രേ​ഖ​പ്പെ​ടു​ത്തി​യ​ത്.

അ​റ​സ്റ്റി​നെ​തി​രെ ഐ​ക്യ​രാ​ഷ്ട്ര​സ​ഭ​യും ആം​ന​സ്റ്റി ഇ​ന്റ​ർ​നാ​ഷ​ന​ലു​മൊ​ക്കെ പ്ര​തി​ഷേ​ധി​ച്ചു. ഭ​ര​ണ​കൂ​ട​ത്തി​ന്റെ ശ​രി​കേ​ടു​ക​ൾ​ക്കും ഹി​ന്ദു​ത്വ സം​ഘ​ങ്ങ​ളു​ടെ വി​ദ്വേ​ഷ പ്ര​ചാ​ര​ണ​ങ്ങ​ൾ​ക്കു​മെ​തി​രെ വ​സ്തു​ത​ക​ളെ അ​ടി​സ്ഥാ​ന​മാ​ക്കി മാ​ത്രം വി​മ​ർ​ശ​ന​മു​ന്ന​യി​ച്ച മാ​ധ്യ​മ​പ്ര​വ​ർ​ത്ത​ക​ന്റെ ശ​ബ്ദം ഇ​ല്ലാ​താ​ക്കാ​നു​ള്ള മോ​ദി സ​ർ​ക്കാ​റി​ന്റെ ആ​സൂ​ത്രി​ത ശ്ര​മ​ത്തി​ന് സു​പ്രീം​കോ​ട​തി അ​നു​വ​ദി​ച്ച ജാ​മ്യ​ത്തോ​ടെ താ​ൽ​ക്കാ​ലി​ക വി​രാ​മ​മാ​യി​രി​ക്കു​ക​യാ​ണ്.

2018ലെ ​ട്വീ​റ്റി​ന്റെ പേ​രി​ൽ 2022ൽ ​സു​ബൈ​റി​നെ​തി​രെ കേ​സെ​ടു​ത്ത് ജ​യി​ലി​ല​ട​ക്കു​ക​യും പി​ന്നീ​ട് പ​ല കേ​സു​ക​ൾ​കൊ​ണ്ട് വ​രി​ഞ്ഞു​മു​റു​ക്കാ​ൻ ശ്ര​മി​ക്കു​ക​യും ചെ​യ്യു​ന്ന​തി​ലൂ​ടെ ഭ​ര​ണ​കൂ​ടം ന​ൽ​കു​ന്ന സ​ന്ദേ​ശം, 'നി​ങ്ങ​ൾ നി​ശ്ശ​ബ്ദ​രാ​യി​രി​ക്കു​ക' എ​ന്നാ​ണ്. എ​ന്നാ​ൽ, ഭ​ര​ണ​കൂ​ട​ത്തി​ന് വ​സ്തു​ത​ക​ളെ മ​റ​ച്ചു​പി​ടി​ക്കാ​നാ​വി​ല്ലെ​ന്നും സ​ത്യ​ത്തെ അ​ടി​ച്ച​മ​ർ​ത്താ​നാ​വി​ല്ലെ​ന്നും മു​ഹ​മ്മ​ദ് സു​ബൈ​ർ പ​റ​യു​ന്നു. സു​പ്രീം​കോ​ട​തി അ​നു​വ​ദി​ച്ച ജാ​മ്യ​ത്തി​ൽ ബം​ഗ​ളൂ​രു​വി​ലെ വീ​ട്ടി​ൽ തി​രി​ച്ചെ​ത്തി​യ മു​ഹ​മ്മ​മ​ദ് സു​ബൈ​ർ മാ​ധ്യ​മം വാ​ർ​ഷി​ക​പ്പ​തി​പ്പി​നോ​ട് സം​സാ​രി​ക്കു​ന്നു: ത​ന്റെ ജീ​വി​ത​ത്തി​ന്റെ ഗ​തി നി​ർ​ണ​യി​ച്ച ഭാ​ഗ​ധേ​യ​ങ്ങ​ളെ കു​റി​ച്ച്, ഫാ​ക്ട് ചെ​ക്ക​ർ എ​ന്ന നി​ല​യി​ലെ മാ​ധ്യ​മ​ജീ​വി​ത​ത്തെ​ക്കു​റി​ച്ച്...

മാ​​ധ്യ​​മ​​പ്ര​​വ​​ർ​​ത്ത​​ക​​നി​​ലേ​​ക്ക് മു​​ഹ​​മ്മ​​ദ് സു​​ബൈ​​ർ എ​​ത്തു​​ന്ന​​തി​​നു മു​​മ്പു​​ള്ള കാ​​ലം എ​​ങ്ങ​​നെ​​യാ​​യി​​രു​​ന്നു. കു​​ട്ടി​​ക്കാ​​ലം, പ​​ഠ​​ന​​കാ​​ലം?

ബാ​​പ്പ മു​​ഹ​​മ്മ​​ദ് റ​​ഫീ​​ഖ് ത​​മി​​ഴ്നാ​​ട് ഹൊ​​സൂ​​രി​​ന​​ടു​​ത്ത ത​​ളി സ്വ​​ദേ​​ശി​​യാ​​യ ക​​ർ​​ഷ​​ക​​നാ​​യി​​രു​​ന്നു; ഉ​​മ്മ ഇ​​ശ്റ​​ത്ത് ജ​​ഹാ​​ൻ ബം​​ഗ​​ളൂ​​രു​​വി​​ലെ ആ​​ർ.​​ടി ന​​ഗ​​ർ സ്വ​​ദേ​​ശി​​യും. പ്ര​​സ​​വ​​ത്തി​​ന് ഉ​​മ്മ​​യെ ബം​​ഗ​​ളൂ​​രു​​വി​​ലേ​​ക്ക് കൊ​​ണ്ടു​​വ​​രു​​ന്ന​​തി​​നാ​​ൽ ഞ​​ങ്ങ​​ൾ അ​​ഞ്ചു മ​​ക്ക​​ളും പി​​റ​​ന്ന​​ത് ബം​​ഗ​​ളൂ​​രു​​വി​​ലാ​​യി​​രു​​ന്നു. 1982 ഡി​​സം​​ബ​​റി​​ൽ മാ​​ർ​​ത്ത ഹോ​​സ്പി​​റ്റ​​ലി​​ലാ​​യി​​രു​​ന്നു എ​​ന്റെ ജ​​ന​​നം. പി​​ന്നീ​​ട് ഞ​​ങ്ങ​​ൾ ത​​ളി​​യി​​ലേ​​ക്ക് പോ​​യി. ഹൊ​​സൂ​​രി​​ൽ​​നി​​ന്ന് 30 കി​​ലോ​​മീ​​റ്റ​​ർ അ​​ക​​ലെ​​യാ​​യാ​ണ്​ ത​​ളി. വ​​ല്യു​​പ്പ​​യി​​ൽ​​നി​​ന്ന് ഭാ​​ഗ​​മാ​​യി കി​​ട്ടി​​യ കു​​റ​​ച്ചു​ ഭൂ​​മി​​യു​​ണ്ടാ​​യി​​രു​​ന്നു ബാ​​പ്പ​​ക്ക്. ത​​ക്കാ​​ളി​​യും മ​​റ്റു പ​​ച്ച​​ക്ക​​റി​​ക​​ളും മാ​​ങ്ങ​​യും മ​​റ്റു പ​​ഴ​​വ​​ർ​​ഗ​​ങ്ങ​​ളു​​ടെ​​യും കൃ​​ഷി​​യാ​​യി​​രു​​ന്നു കു​​ടും​​ബ​​വ​​രു​​മാ​​നം. പ​​ച്ച​​ക്ക​​റി​​ക​​ളും പ​​ഴ​​ങ്ങ​​ളും ബം​​ഗ​​ളൂ​​രു​​വി​​ൽ കൊ​​ണ്ടു​വ​​ന്നു വി​​റ്റ് ബാ​​പ്പ ഗ്രാ​​മ​​ത്തി​​ലേ​​ക്ക് മ​​ട​​ങ്ങും. ന​​ഗ​​ര​​ത്തി​​ൽ​​നി​​ന്ന് ത​​നി ക​​ർ​​ഷ​​ക​ഗ്രാ​​മ​​ത്തി​​ലേ​​ക്ക് മാ​​റി​​ത്താ​​മ​​സി​​ക്കു​​ന്ന​​തി​​ന്റെ ബു​​ദ്ധി​​മു​​ട്ട് ഉ​​മ്മ​​ക്കു​​ണ്ടാ​​യി​​രു​​ന്നു. ത​​ളി​​യി​​ൽ ന​​ല്ല സ്കൂ​​ളു​​ക​​ൾ അ​ക്കാ​​ല​​ത്തു​​ണ്ടാ​​യി​​രു​​ന്നി​​ല്ല. ക്രി​​സ്ത്യ​​ൻ മി​​ഷ​​ന​​റി​​ക്കു കീ​​ഴി​​ലെ ഹൊ​​സൂ​​രി​​ലെ എ​​സ്.​​ഡി.​​എ സ്കൂ​​ളി​​ലാ​​യി​​രു​​ന്നു എ​​ന്നെ​​യും അ​​നി​​യ​​ത്തി​​യെ​​യും ചേ​​ർ​​ത്ത​​ത്. രാ​​വി​​ലെ ആ​​റി​​ന് വീ​​ട്ടി​​ൽ​​നി​​ന്നി​​റ​​ങ്ങി ബ​​സി​​ൽ ക​​യ​​റി സ്കൂ​​ളി​​ലേ​​ക്കു പോ​​ക​​ണം. തി​​രി​​ച്ച് വീ​​ട്ടി​​ലെ​​ത്തു​​മ്പോ​​ഴേ​​ക്കും ആ​​റേ​​ഴു മ​​ണി​​യാ​​യി​​ട്ടു​​ണ്ടാ​​വും. അ​​ങ്ങോ​​ട്ടു​​മി​​ങ്ങോ​​ട്ടു​​മാ​​യി 60 കി​​ലോ​​മീ​​റ്റ​​ർ യാ​​ത്ര.

ഇ​​തോ​​ടെ, ബം​​ഗ​​ളൂ​​രു ന​​ഗ​​ര​​ത്തി​​ലേ​​ക്ക് താ​​മ​​സം മാ​​റ്റാ​​ൻ ഉ​​മ്മ ബാ​​പ്പ​​യെ നി​​ർ​​ബ​​ന്ധി​​ക്കാ​​ൻ തു​​ട​​ങ്ങി. ഞ​​ങ്ങ​​ൾ​​ക്ക് ന​​ല്ല വി​​ദ്യാ​​ഭ്യാ​​സം കി​​ട്ട​​ണ​​മെ​​ന്ന് ഉ​​മ്മ ആ​​ഗ്ര​​ഹി​​ച്ചു. എ​​ന്നാ​​ൽ, ത​​ളി​​യി​​ലെ കൃ​​ഷി​​യു​​പേ​​ക്ഷി​​ച്ച് ബം​​ഗ​​ളൂ​​രു​​വി​​ൽ ചെ​​ന്നാ​​ൽ മ​​റ്റൊ​​രു ജീ​​വി​​ത​​മാ​​ർ​​ഗം ക​​ണ്ടെ​​ത്തു​​ന്ന​​ത് പ്ര​​യാ​​സ​​ക​​ര​​മാ​​ണെ​​ന്ന നി​​ല​​പാ​​ടാ​​യി​​രു​​ന്നു ബാ​​പ്പ​​യു​​ടേ​​ത്. എ​​ന്നാ​​ൽ, കു​​ട്ടി​​ക​​ളു​​ടെ വി​​ദ്യാ​​ഭ്യാ​​സം തീ​​രു​​ന്ന​​തു​​വ​​രെ​​യെ​​ങ്കി​​ലും ബം​​ഗ​​ളൂ​​രു​​വി​​ൽ താ​​മ​​സി​​ക്ക​​ണ​​മെ​​ന്ന് ഉ​​മ്മ അ​​ഭ്യ​​ർ​​ഥി​​ച്ചു. ബാ​​പ്പ​​യെ ഇ​​ക്കാ​​ര്യം പ​​റ​​ഞ്ഞു ബോ​​ധ്യ​​പ്പെ​​ടു​​ത്തു​​ന്ന​​തി​​ൽ അ​​വ​​സാ​​നം ഉ​​മ്മ വി​​ജ​​യി​​ച്ചു. ഉ​​മ്മ ഞ​​ങ്ങ​​ളു​​ടെ ജീ​​വി​​ത​​ത്തി​​ൽ ചെ​​ലു​​ത്തി​​യ സ്വാ​​ധീ​​നം വാ​​ക്കു​​ക​​ൾ​​ക്ക​​തീ​ത​​മാ​​ണ്. അ​​ന്ന് ക​​ഠി​​ന​​മാ​​യ ആ ​​തീ​​രു​​മാ​​ന​​മെ​​ടു​​ത്തി​​ല്ലാ​​യി​​രു​​ന്നെ​​ങ്കി​​ൽ ഞ​​ങ്ങ​​ളു​​ടെ ജീ​​വി​​തം മ​​റ്റൊ​​ന്നാ​​യി മാ​​റു​​മാ​​യി​​രു​​ന്നു. ഞ​​ങ്ങ​​ൾ മ​​ക്ക​​ൾ അ​​ഞ്ചു​​പേ​​രി​​ൽ മൂ​​ന്നു പേ​​ർ എ​​ൻ​​ജി​​നീ​​യ​​ർ​​മാ​​രും ര​​ണ്ടു പേ​​ർ ഡോ​​ക്ട​​ർ​​മാ​​രു​​മാ​​ണ്. അ​​ൽ​​ഹം​​ദു​​ലി​​ല്ലാ​​ഹ് ! (ദൈ​​വ​​ത്തി​​ന് സ്തു​​തി) എ​​ല്ലാ​​വ​​രും സം​​തൃ​​പ്ത ജീ​​വി​​തം ന​​യി​​ക്കു​​ന്നു.

സുബൈറിനെ കോടതിയിൽ ഹാജരാക്കിയപ്പോൾ

ഉ​​മ്മ നി​​ങ്ങ​​ൾ​​ക്കാ​​യി ക​​ഷ്ട​​പ്പെ​​ട്ടെ​​ങ്കി​​ലും താ​​ങ്ക​​ൾ പ​​ഠി​​പ്പി​​ൽ ഇ​​ത്തി​​രി ഉ​​ഴ​​പ്പാ​​യി​​രു​​ന്നെ​​ന്നാ​​ണ് അ​​റി​​ഞ്ഞ​​ത്. അ​​ങ്ങ​​നെ​​യാ​​യി​​രു​​ന്നോ?

ഇ​​ത്തി​​രി​​യ​​ല്ല; ന​​ല്ലോ​​ണം ഉ​​ഴ​​പ്പാ​​യി​​രു​​ന്നു. ത​​ളി​​യി​​ലെ കൃ​​ഷി​ഭൂ​​മി കു​​റ​​ച്ചു വി​​റ്റ് ഞ​​ങ്ങ​​ൾ ബം​​ഗ​​ളൂ​​രു​​വി​​ൽ മു​​നി​​റെ​​ഡ്ഡി പാ​​ള​​യ​​യി​​ൽ വാ​​ട​​ക വീ​​ട്ടി​​ലേ​​ക്കാ​​ണ് മാ​​റി​​യ​​ത്. ഹൊ​​സൂ​​രി​​ലെ ഞ​​ങ്ങ​​ളു​​ടെ സ്കൂ​ൾ മാ​​നേ​​ജ്മെ​​ന്റി​​ന്റെ കീ​​ഴി​​ലെ ബെ​​ൻ​​സ​​ൻ ടൗ​​ൺ കോ​​ൾ​​സ്പാ​​ർ​​ക്കി​​ലെ സ്കൂ​​ളി​​ലാ​​യി​​രു​​ന്നു അ​​ഡ്മി​​ഷ​​ൻ കി​​ട്ടി​​യ​​ത്. ഞ​​ങ്ങ​​ളു​​ടെ അ​​വ​​സ്ഥ​​യ​​റി​​ഞ്ഞ് അ​​വ​​ർ സൗ​​ജ​​ന്യ​​മാ​​യാ​​ണ് സ്കൂ​​ളി​​ൽ ചേ​​ർ​​ത്ത​​ത്. ആ​​റാം ക്ലാ​​സ് മു​​ത​​ൽ പ​​ത്തു​​വ​​രെ ഇ​​വി​​ടെ​​യാ​​യി​​രു​​ന്നു. ത​​മി​​ഴ് മാ​​തൃ​​ഭാ​​ഷ​​യാ​​യി​​രു​​ന്ന എ​​നി​​ക്ക് ക​​ന്ന​​ട ബു​​ദ്ധി​​മു​​ട്ടാ​​യ​​തി​​നാ​​ൽ സ്റ്റേ​​റ്റ് സി​​ല​​ബ​​സ് ഒ​​ഴി​​വാ​​ക്കി ഐ.​​സി.​​എ​​സ്.​​ഇ സി​​ല​​ബ​​സി​​ലാ​​ണ് ചേ​​ർ​​ന്ന​​ത്. മൂ​​ത്തകു​​ട്ടി​​യാ​​യി​​രു​​ന്നെ​​ങ്കി​​ലും വീ​​ട്ടി​​ലെ സാ​​ഹ​​ച​​ര്യം ഗൗ​​ര​​വ​​​മാ​​യി മ​​ന​​സ്സി​​ലാ​​ക്കി​​യി​​രു​​ന്നി​​ല്ല. ക​​ളി​​പ്രാ​​യ​​മാ​​യി​​രു​​ന്നു. ക്രി​​ക്ക​​റ്റാ​​യി​​രു​​ന്നു പ്ര​​ധാ​​നം. ക​​ളി​​ക്കാ​​ൻ ആ​​രും എ​​ത്തി​​യി​​ല്ലെ​​ങ്കി​​ൽ കൂ​​ട്ടു​​കാ​​രെ വീ​​ട്ടി​​ൽ​​പോ​​യി വി​​ളി​​ച്ചു​​കൊ​​ണ്ടു​​വ​​ന്ന് ടീം ​​സെ​​റ്റാ​​ക്കി ക​​ളി​​ക്കും. ഒ​​രു ലോ​​ക്ക​​ൽ ക്യാ​​പ്റ്റ​​ന്റെ റോ​​ൾ.

ആ​​റാം ക്ലാ​​സി​​ൽ ഞാ​​ൻ തോ​​റ്റ​​പ്പോ​​ൾ പി​​ന്നീ​​ട് ഞാ​​നും അ​​നി​​യ​​ത്തി​​യും ഒ​​രേ ക്ലാ​​സി​​ലാ​​യി. എ​​ന്റെ അ​​ത്യാ​​വ​​ശ്യം വി​​കൃ​​തി​​ക​​ളൊ​​ക്കെ അ​​വ​​ൾ ക​​ണ്ടെ​​ത്തി വീ​​ട്ടി​​ല​​റി​​യി​​ച്ചു​​കൊ​​ണ്ടി​​രു​​ന്നു. പ​​ത്താം​​ക്ലാ​​സി​​ൽ ഒ​​ന്നും ര​​ണ്ടും ടേം ​​പ​​രീ​​ക്ഷ ക​​ഴി​​ഞ്ഞ​​പ്പോ​​ൾ ആ​​റോ ഏ​​ഴോ വി​​ഷ​​യ​​ത്തി​​ൽ ഞാ​​ൻ തോ​​റ്റു. മ​​ല​​യാ​​ളി​​യാ​​യ സു​​ജ ടീ​​ച്ച​​റാ​​യി​​രു​​ന്നു അ​​ന്ന് ക്ലാ​​സ് ടീ​​ച്ച​​ർ. ഇ​​ങ്ങ​​നെ പോ​​യാ​​ൽ നീ ​​ജ​​യി​​ക്കാ​​ൻ പോ​​വു​​ന്നി​​ല്ലെ​​ന്ന് എ​​ഴു​​തി​​വെ​​ച്ചോ​​ളാ​​ൻ ടീ​​ച്ച​​ർ ശാ​​സി​​ച്ചു. സ്കൂ​​ളി​​ലെ 100 ശ​​ത​​മാ​​നം ന​​ഷ്ട​​പ്പെ​​ടു​​ത്താ​​ൻ പോ​​കു​​ന്ന ഒ​​രു​​വ​​നാ​​യി എ​​ന്നെ മ​​റ്റു​​ള്ള​​വ​​രും ക​​ണ്ടു. വീ​​ട്ടി​​ൽ കാ​​ര്യ​​മാ​​യ ച​​ർ​​ച്ച​​യു​​ണ്ടാ​​യി. ബാ​​പ്പ എ​​ന്നെ വി​​ളി​​ച്ചി​​രു​​ത്തി വ​​ഴ​​ക്കു​​പ​​റ​​ഞ്ഞു. മൂ​​ത്ത​​മ​​ക​​നാ​​യ എ​​ന്നി​​ലാ​​ണ് കു​​ടും​​ബ​​ത്തി​​ന്റെ ആ​​കെ പ്ര​​തീ​​ക്ഷ​​യെ​​ന്ന് പ​​റ​​ഞ്ഞു. അ​​തെ​​ന്റെ മ​​ന​​സ്സി​​ൽ​​ത​​ട്ടി. പ​​ഠി​​ക്ക​​ണ​​മെ​​ന്ന ഉ​​ൾ​​വി​​ളി​​യു​​ണ്ടാ​​യ​​ത് അ​​പ്പോ​​ഴാ​​ണ്. ട്യൂ​​ഷ​​ന് പോ​​വാ​​ൻ തു​​ട​​ങ്ങി. എ​​ട്ടും ഒ​​മ്പ​​തും മ​​ണി​​ക്കൂ​​ർ ഞാ​​ൻ പ​​ഠി​​ക്കാ​​ൻ തു​​ട​​ങ്ങി. ഫൈ​​ന​​ൽ പ​​രീ​​ക്ഷ​​യി​​ൽ 56 ശ​​ത​​മാ​​നം മാ​​ർ​​ക്കാ​​ണ് ഞാ​​ൻ നേ​​ടി​​യ​​ത്. ക​​ണ​​ക്കി​​ൽ എ​​നി​​ക്ക് 72 മാ​​ർ​​ക്കാ​​യി​​രു​​ന്നു. എ​​ന്റെ സ്കൂ​​ൾ ജീ​​വി​​ത​​ത്തി​​ൽ അ​​തു​​വ​​രെ ഞാ​​ൻ 72 എ​​ന്നൊ​​രു മാ​​ർ​​ക്ക് ക​​ണ്ടി​​ട്ടു​​പോ​​ലു​​മു​​ണ്ടാ​​യി​​രു​​ന്നി​​ല്ല. എ​​ന്നെ​​ക്കാ​​ളേ​​റെ വീ​​ട്ടു​​കാ​​ർ​​ക്കാ​​യി​​രു​​ന്നു സ​​ന്തോ​​ഷം. അ​​ടു​​ത്ത ദി​​വ​​സം ഞാ​​ൻ സ്കൂ​​ളി​​ൽ​​പോ​​യി സു​​ജ ടീ​​ച്ച​​റെ ക​​ണ്ടു. ടീ​​ച്ച​​റു​​ടെ ക​​ണ്ണു​നി​​റ​​ഞ്ഞു. നി​​ന്നെ അ​​ന്ന് ശാ​​സി​​ച്ചി​​ല്ലാ​​യി​​രു​​ന്നെ​​ങ്കി​​ൽ പ​​ഠ​​നം നീ ​​ഗൗ​​ര​​വ​​മാ​​യി കാ​​ണി​​ല്ലാ​​യി​​രു​​ന്നെ​​ന്നും നി​​ന്നെ ഞാ​​ൻ ഓ​​ർ​​ക്കു​​മെ​​ന്നും ടീ​​ച്ച​​ർ വാ​ത്സ​​ല്യ​​ത്തോ​​ടെ പ​​റ​​ഞ്ഞു.

ലാ​​ൽ​​ബാ​​ഗി​​ലെ അ​​ൽ​അ​​മീ​​ൻ കോ​​ള​​ജി​​ൽ പ്രീ​​യൂ​​നി​​വേ​​ഴ്സി​​റ്റി പ​​ഠ​​ന​​ത്തി​​നു​ശേ​​ഷം 2001 ൽ ​​എം.​​എ​​സ്. രാ​​മ​​യ്യ ഇ​​ൻ​​സ്റ്റി​​റ്റ്യൂ​​ട്ടി​​ൽ ടെ​​ലി​​ക​​മ്യൂ​​ണി​​ക്കേ​​ഷ​​ന് ചേ​​ർ​​ന്നു. 2005ൽ ​​എ​​ൻ​​ജി​​നീ​​യ​​റി​​ങ് പ​​ഠ​​നം പൂ​​ർ​​ത്തി​​യാ​​ക്കി ഉ​​ന്ന​​ത​പ​​ഠ​​നം വേ​​ണ​​മെ​​ന്നു​​ണ്ടാ​​യി​​രു​​ന്നു. എ​​ന്നാ​​ൽ, വീ​​ട്ടി​​ലെ സാ​​ഹ​​ച​​ര്യം അ​​നു​​കൂ​​ല​​മാ​​യി​​രു​​ന്നി​​ല്ല. ത​​ളി​​യി​​ലെ ഭൂ​​മി ഏ​റ​​ക്കു​​റെ വി​​റ്റു​തീ​​ർ​​ന്നി​​രു​​ന്നു. സ​​ഹോ​​ദ​​ര​​ങ്ങ​​ളു​​ടെ വി​​ദ്യാ​​ഭ്യാ​​സ ചെ​​ല​​വ്, വീ​​ട്ടു​വാ​​ട​​ക തു​​ട​​ങ്ങി ബാ​​പ്പ​​ക്ക് ചെ​​ല​​വേ​​റെ​​യാ​​യി​​രു​​ന്നു. മൂ​​ത്ത സ​​ഹോ​​ദ​​ര​​നെ​​ന്ന നി​​ല​​ക്ക് എ​​നി​​ക്കും സ​​മ്മ​​ർ​​ദ​​മു​​ണ്ടാ​​യി​​രു​​ന്നു. പ​​ഠ​​നം ക​​ഴി​​ഞ്ഞ് ര​​ണ്ട​​ര വ​​ർ​​ഷ​​ത്തോ​​ളം എ​​യ​​ർ​​ടെ​​ലി​​ലും പി​​ന്നീ​​ട് 2007 മു​​ത​​ൽ ചെ​​ന്നൈ​​യി​​ൽ എ​​ച്ച്.​​സി.​​എ​​ൽ ക​​മ്പ​​നി​​ക്കു കീ​​ഴി​​ൽ സി​​സ്കോ ക​​മ്പ​​നി​​ക്കു​​വേ​​ണ്ടി ഒ​​രു വ​​ർ​​ഷ​​ക്കാ​​ല​​വും ജോ​​ലി ചെ​​യ്തു. 2008ലാ​​ണ് ബം​​ഗ​​ളൂ​​രു​​വി​​ൽ നോ​​കി​​യ ക​​മ്പ​​നി​​യി​​ൽ സോ​​ഫ്റ്റ്​​വെ​​യ​​ർ എ​​ൻ​​ജി​​നീ​​യ​​റാ​​യി ക​​യ​​റു​​ന്ന​​ത്. ഈ ​​പ്ര​​ഫ​​ഷ​​ൻ വി​​ടു​​ന്ന​​തു​​വ​​രെ 10 വ​​ർ​​ഷ​​ക്കാ​​ലം ഇ​​തേ ക​​മ്പ​​നി​​യി​​ലാ​​യി​​രു​​ന്നു.

സോ​​ഫ്റ്റ്​​വെ​​യ​​ർ എ​​ൻ​​ജി​​നീ​​യ​​ർ എ​​ന്ന നി​​ല​​യി​​ൽ ആ​​ഗോ​​ള ക​​മ്പ​​നി​​യി​​ൽ ന​​ല്ലൊ​​രു ജോ​​ലി, മി​​ക​​ച്ച ശ​​മ്പ​​ളം... ​ഒ​​രു ശ​​രാ​​ശ​​രി മ​​ധ്യ​​വ​​ർ​​ഗ​കു​​ടും​​ബ​​ത്തി​​ലെ അം​​ഗം എ​​ന്ന നി​​ല​​യി​​ൽ സം​​തൃ​​പ്ത​​മാ​​യ ജീ​​വി​​ത​സാ​​ഹ​​ച​​ര്യ​​മാ​​യി​​രു​​ന്നു താ​​ങ്ക​​ളു​​ടേ​​ത്. പി​​ന്നീ​​ട് എ​​ങ്ങ​​നെ​​യാ​​ണ് താ​​ങ്ക​​ൾ ആ​​ക്ടി​​വി​​സ​​ത്തി​​ലേ​​ക്കു വ​​രു​​ന്ന​​ത്?

തു​​ട​​ക്ക​​ത്തി​​ലൊ​​ന്നും ഞാ​​ൻ രാ​​ഷ്ട്രീ​​യ​​ത്തി​​ൽ ത​​ൽ​​പ​​ര​​നാ​​യി​​രു​​ന്നി​​ല്ല. ക്രി​​ക്ക​​റ്റ് എ​​നി​​ക്ക് പ്രി​​യ​​പ്പെ​​ട്ട​​താ​​യി​​രു​​ന്നു​​വെ​​ന്ന് സൂ​​ചി​​പ്പി​​ച്ച​​ല്ലോ. ക്രി​​ക്ക​​റ്റു​​മാ​​യി ബ​​ന്ധ​​പ്പെ​​ട്ട ചി​​ല ഫേ​​സ്ബു​​ക്ക് പേ​​ജു​​ക​​ൾ ഞാ​​ൻ ഫോ​​ളോ ചെ​​യ്തി​​രു​​ന്നു. 2011 കാ​​ല​​ത്താ​​യി​​രു​​ന്നു അ​​ത്. മ​​ത്സ​​ര​​ങ്ങ​​ൾ വി​​ശ​​ക​​ല​​നം ചെ​​യ്യ​​ലും ച​​ർ​​ച്ച​​യു​​മൊ​​ക്കെ​​യാ​​യി​​രു​​ന്നു അ​​തി​​ൽ പ്ര​​ധാ​​നം. അ​​ന്നൊ​​ന്നും എ​​ന്റെ മ​​ണ്ഡ​​ല​​ത്തി​​ലെ എം.​​എ​​ൽ.​​എ ആ​​രാ​​ണെ​​ന്നോ ക​​ർ​​ണാ​​ട​​ക​​യി​​ലെ മു​​ഖ്യ​​മ​​ന്ത്രി ആ​രാ​​ണെ​​ന്നോ അ​​റി​​യാ​​ൻ​​പോ​​ലു​​മു​​ള്ള രാ​​ഷ്ട്രീ​​യ പൊ​​തു​​വി​​ജ്ഞാ​​നം എ​​നി​​ക്കു​​ണ്ടാ​​യി​​രു​​ന്നി​​ല്ല. പി​​ന്നീ​​ട് ആ ​​ഫേ​​സ്ബു​​ക്ക് പേ​​ജു​​ക​​ളി​​ൽ ക​​റ​​ന്റ് അ​​ഫ​​യേ​​ഴ്സ് വ​​ന്നു​തു​​ട​​ങ്ങി. അ​​ണ്ണാ ഹ​​സാ​​രെ​​യു​​ടെ നേ​​തൃ​​ത്വ​​ത്തി​​ൽ ഡ​​ൽ​​ഹി ജ​ന്ത​​ർ​മ​​ന്ത​​റി​​ൽ ന​​ട​​ക്കു​​ന്ന ആ​​ന്റി ക​​റ​​പ്ഷ​​ൻ മൂ​​വ്മെ​​ന്റി​​നെ​ക്കു​​റി​​ച്ചും മ​​റ്റു​​മൊ​​ക്കെ ച​​ർ​​ച്ച​​യാ​​യി. രാ​​ജ്യ​​ത്ത് കൂ​​ടു​​ത​​ൽ ചെ​​റു​​പ്പ​​ക്കാ​​ർ അ​​ഴി​​മ​​തി​​യെ​ക്കു​​റി​​ച്ചും രാ​​ഷ്ട്രീ​​യ​​ത്തെ​ക്കു​​റി​​ച്ചും ച​​ർ​​ച്ച​ചെ​​യ്യു​​ക​​യും തെ​​രു​​വി​​ലി​​റ​​ങ്ങു​​ക​​യും ചെ​​യ്ത കാ​​ല​​മാ​​യി​​രു​​ന്നു അ​​ത്. ഞാ​​നും രാ​​ഷ്ട്രീ​​യ​​ത്തി​​ൽ ശ്ര​​ദ്ധി​​ക്കാ​​ൻ തു​​ട​​ങ്ങി. ഫേ​​സ്ബു​​ക്ക് ഗ്രൂ​​പ്പു​​ക​​ളി​​ൽ പ​​തി​​വാ​​യി ച​​ർ​​ച്ച​​യി​​ൽ പ​​ങ്കാ​​ളി​​യാ​​യി. ഫേ​​സ്ബു​​ക്ക് ഗ്രൂ​​പ്പു​​ക​​ളി​​ലെ അം​​ഗ​​ങ്ങ​​ളു​​മാ​​യെ​​ല്ലാം അ​​തു​​വ​​രെ ന​​ല്ല സൗ​​ഹൃ​​ദ​​ത്തി​​ലാ​​യി​​രു​​ന്നു.

എ​​ന്നാ​​ൽ, അ​​ണ്ണാ സ​​മ​​ര​​ത്തി​​നും കേ​​ന്ദ്ര​​ത്തി​​ലെ ഭ​​ര​​ണ​​മാ​​റ്റ​​ത്തി​​നും​ ശേ​​ഷം ഈ ​​പേ​​ജു​​ക​​ളു​​ടെ ഉ​​ള്ള​​ട​​ക്ക​​ത്തി​​ലും കാ​​ഴ്ച​​പ്പാ​​ടു​​ക​​ളി​​ലും കാ​​ര്യ​​മാ​​യ മാ​​റ്റം ഞാ​​ൻ ശ്ര​​ദ്ധി​​ച്ചു. 2014നു​​മു​​മ്പ് എ​​ന്തി​​നാ​​ണോ യു.​​പി.​​എ സ​​ർ​​ക്കാ​​റി​​നെ രൂ​​ക്ഷ​​മാ​​യി വി​​മ​​ർ​​ശി​​ച്ചി​​രു​​ന്ന​​ത് അ​​ക്കാ​​ര്യ​​ങ്ങ​​ളി​​ൽ എ​​ൻ.​​ഡി.​​എ സ​​ർ​​ക്കാ​​റി​​നെ അ​​ന്ധ​​മാ​​യി അ​​വ​​ർ പി​​ന്തു​​ണ​​ക്കു​​ന്ന​​ത് ക​​ണ്ടു. പ​​തി​യ​പ്പ​​തി​​യെ മു​​സ്‍ലിം വി​​രു​​ദ്ധ​​ത​​യും വി​​ദ്വേ​​ഷ​​വും ഈ ​​പേ​​ജു​​ക​​ളി​​ൽ പ്ര​​ത്യ​​ക്ഷ​​പ്പെ​​ടാ​​ൻ തു​​ട​​ങ്ങി. മു​​സ്‍ലിം​​ക​​ൾ​​ക്കെ​​തി​​രെ മാ​​ത്ര​​മ​​ല്ല, പ​​ട്ടി​​ക​ജാ​​തി-​​പ​​ട്ടി​​ക​വ​​ർ​​ഗ​​ക്കാ​​ർ​​ക്കും ക്രി​​സ്ത്യ​​ൻ സ​​മു​​ദാ​​യ​​ത്തി​​നു​​മെ​​തി​​രെ​​യും അ​​വ​​ർ ച​​ർ​​ച്ച​ചെ​​യ്തി​​രു​​ന്നു. അ​​പ്പോ​​ഴാ​​ണ് ഈ ​​ഫേ​​സ്ബു​​ക്ക് പേ​​ജു​​ക​​ൾ​​ക്കു പി​​ന്നി​​ലു​​ണ്ടാ​​യി​​രു​​ന്ന​​വ​​ർ മു​​ഴു​​വ​​ൻ മോ​​ദി​ഭ​​ക്ത​​രാ​​യി​​രു​​ന്നു​​വെ​​ന്ന് ഞാ​​ൻ തി​​രി​​ച്ച​​റി​​യു​​ന്ന​​ത്. വ​​ള​​രെ ആ​​സൂ​​ത്രി​​ത​​മാ​​യ നീ​​ക്ക​​മാ​​യി​​രു​​ന്നു അ​​ത്. ത​​ങ്ങ​​ളു​​ടെ അ​​ജ​​ണ്ട എ​​ന്താ​​ണ് എ​​ന്ന് 2014 വ​​രെ അ​​വ​​ർ വെ​​ളി​​പ്പെ​​ടു​​ത്തി​​യ​​തേ​​യി​​ല്ല. നോ​​ൺ പൊ​​ളി​​റ്റി​​ക്ക​​ലാ​​യ സം​​ഭ​​വ​​ങ്ങ​​ളി​​ൽ തു​​ട​​ങ്ങി സാ​​മൂ​ഹി​​ക പ്ര​​ശ്ന​​ങ്ങ​​ൾ ച​​ർ​​ച്ച​ചെ​​യ്ത് കൃ​​ത്യ​​മാ​​യി ഒ​​രു രാ​​ഷ്ട്രീ​​യ വി​​ചാ​​ര​​ത്തി​​ലേ​​ക്ക് എ​​ത്തി​​ക്കു​​ക​​യാ​​യി​​രു​​ന്നു. ഇ​​തെ​​ന്നെ വ​​ല്ലാ​​തെ അ​​സ്വ​​സ്ഥ​​പ്പെ​​ടു​​ത്തി. അ​​ങ്ങ​​നെ​​യാ​​ണ് 2014 ജൂ​​ണി​​ൽ, സ​​മ​​കാ​​ലി​​ക രാ​​ഷ്ട്രീ​​യം ച​​ർ​​ച്ച​​യാ​​വു​​ന്ന 'സു​​ബ്ര​​ഹ്മ​​ണ്യം സ്വാ​​മി' എ​​ന്ന ഫേ​​സ്ബു​​ക്ക് പേ​​ജ് 'സു ​​സു സ്വാ​​മി' എ​​ന്ന അ​​ക്കൗ​​ണ്ടി​​ൽ ഞാ​​ൻ തു​​ട​​ങ്ങു​​ന്ന​​ത്.

ആ ​​ഫേ​​സ്ബു​​ക്ക് പേ​​ജ് വ​​ൻ ഹി​​റ്റാ​​യി​​രു​​ന്നെ​​ങ്കി​​ലും ചി​​ല​​ർ​​ക്ക​​തൊ​​ട്ടും ദ​​ഹി​​ച്ചി​​രു​​ന്നി​​ല്ല. പേ​​ജി​​ന്റെ പേ​​രു​​ത​​ന്നെ മാ​​റ്റേ​​ണ്ടി​വ​​ന്നു അ​​ല്ലേ?

അ​​തെ. ബി.​​ജെ.​​പി നേ​​താ​​വാ​​യ സു​​ബ്ര​​ഹ്മ​​ണ്യ​​ൻ സ്വാ​​മി​​യു​​ടെ പേ​​രി​​നോ​​ട് സാ​​മ്യ​​മു​​ണ്ടാ​​യി​​രു​​ന്നു ആ ​​സ​​റ്റ​​യ​​ർ പേ​​ജി​​ന്. സു​​ബ്ര​​ഹ്മ​​ണ്യ​​ൻ എ​​ന്നാ​​യി​​രു​​ന്നു അ​​ദ്ദേ​​ഹ​​ത്തി​​ന്റെ ഔ​​ദ്യോ​​ഗി​​ക നാ​​മം. സു​​ബ്ര​​ഹ്മ​​ണ്യം എ​​ന്നാ​​ണ് ഞാ​​നി​​ട്ട പേ​​ര്. അ​​ങ്ങ​​നെ പേ​​രി​​ടാ​​ൻ കാ​​ര​​ണ​​വു​​മു​​ണ്ട്. ന്യുൂ​ന​​പ​​ക്ഷ​​ത്തി​​നും മു​​സ്‍ലിം​​ക​​ൾ​​ക്കു​​മെ​​തി​​രെ അ​​ദ്ദേ​​ഹം അ​​ന്ന് പോ​​സ്റ്റു​​ക​​ൾ ഇ​​ടു​​മാ​​യി​​രു​​ന്നു. ലോ​​ക​​ത്ത് ന​​ട​​ക്കു​​ന്ന എ​​ന്തി​​നെ​​യും ഹി​​ന്ദുയി​​സ​​വു​​മാ​​യി (പ്ര​​ത്യേ​​കി​​ച്ചും ബ്രാ​​ഹ്മ​​ണി​​സ​​വു​​മാ​​യി) ക​​ണ​​ക്ട് ചെ​​യ്യു​​ന്ന പോ​​സ്റ്റു​​ക​​ളും അ​​ദ്ദേ​​ഹം പ​​തി​​വാ​​യി ഇ​​ടു​​മാ​​യി​​രു​​ന്നു. ഉ​​ദാ​​ഹ​​ര​​ണ​​ത്തി​​ന്, റോ​​മി​​ലെ വ​​ത്തി​​ക്കാ​​ൻ സി​​റ്റി യ​​ഥാ​​ർ​​ഥ​​ത്തി​​ൽ വ​​ത്തി​​ക്കാ​​ൻ ക്ഷേ​​ത്ര​​മാ​​യി​​രു​​ന്നെ​​ന്ന് അ​​വ​​കാ​​ശ​​പ്പെ​​ട്ട് അ​​തി​​ലേ​​ക്ക് ക​​ണ​​ക്ട് ചെ​​യ്യു​​ന്ന കു​​റെ വാ​​ദ​​ങ്ങ​​ൾ ഉ​​ന്ന​​യി​​ച്ചു​​ള്ള പോ​​സ്റ്റും മു​​സ്‍ലിം​​ക​​ളു​​ടെ പു​​ണ്യ​കേ​​ന്ദ്ര​​മാ​​യ മ​​ക്ക​​യി​​ലെ ക​​അ്ബ എ​​ങ്ങ​​നെ ഹി​​ന്ദു​​യി​​സ​​വു​​മാ​​യി ബ​​ന്ധ​​പ്പെ​​ട്ടു​കി​​ട​​ക്കു​​ന്നു​​വെ​​ന്ന ത​​ര​​ത്തി​​ലു​​ള്ള പോ​​സ്റ്റു​​ക​​ൾ. ഞാ​​ൻ 'സു​​ബ്ര​​ഹ്മ​​ണ്യം സ്വാ​​മി' എ​​ന്ന പേ​​ജ് ആ​​രം​​ഭി​​ച്ച​​പ്പോ​​ൾ പ​​ല​​ർ​​ക്കും സു​​ബ്ര​​ഹ്മ​​ണ്യ​​ൻ സ്വാ​​മി​​യു​​ടെ ഔ​​ദ്യോ​​ഗി​​ക പേ​​ജും ഞാ​​ൻ ചെ​​യ്തി​​രു​​ന്ന സ​​റ്റ​​യ​​ർ പേ​​ജും ത​​മ്മി​​ൽ മാ​​റി​​പ്പോ​​യി​​രു​​ന്നു. ഉ​​ള്ള​​ട​​ക്കം ഏ​​റ​ക്കു​​റെ സ​​മാ​​ന​​മാ​​യി​​രു​​ന്നു എ​​ന്ന​​തി​​നാ​​ലാ​​യി​​രു​​ന്നു അ​​ത്. അ​​ദ്ദേ​​ഹം അ​​ബ​​ദ്ധ​​ങ്ങ​​ൾ എ​​ങ്ങ​​നെ​​യാ​​ണോ ഗൗ​​ര​​വ​​മാ​​യി പ​​റ​​ഞ്ഞി​​രു​​ന്ന​​ത് അ​​തി​​ന് സ​​മാ​​ന​​മാ​​യ കാ​​ര്യം അ​​തേ പ​​ദാ​​വ​​ലി​​ക​​ൾ ഉ​​പ​​യോ​​ഗി​​ച്ച് ത​​മാ​​ശ​രൂ​​പ​​ത്തി​​ൽ പ​​റ​​യു​​ക​​യാ​​ണ് ഞാ​​ൻ ചെ​​യ്തി​​രു​​ന്ന​​ത്. ഉ​​ദാ​​ഹ​​ര​​ണ​​ത്തി​​ന്, മൈ​​ക്ക​​ൽ ജാ​​ക്സ​​ൺ ത​​മി​​ഴ്നാ​​ട് ചെ​​ന്നൈ സ്വ​​ദേ​​ശി​​യാ​​ണെ​​ന്നും അ​​ദ്ദേ​​ഹ​​ത്തി​​ന്റെ പി​​താ​​വ് മി​​ഷ​​ന​​റി പ്ര​​വ​​ർ​​ത്ത​​ന​​ത്തി​​ന്റെ ഭാ​​ഗ​​മാ​​യി യു.​​എ​​സി​​ലെ​​ത്തി ഹി​​ന്ദു​​മ​​ത​​ത്തി​​ൽ​​നി​​ന്ന് ക്രി​​സ്ത്യ​​ൻ മ​​ത​​ത്തി​​ലേ​​ക്ക് പ​​രി​​വ​​ർ​​ത്ത​​നം ന​​ട​​ത്തു​​ക​​യാ​​യി​​രു​​ന്നെ​​ന്നും അ​​ദ്ദേ​​ഹം ത​​മി​​ഴ്നാ​​ട്ടി​​ലെ മി​​ക​​ച്ച ഗാ​​യ​​ക​​നാ​​യി​​രു​​ന്നെ​​ന്നും യു.​​എ​​സി​​ലെ​​ത്തി പി​​ന്നീ​​ട് പോ​​പ്പി​​ലേ​​ക്ക് മാ​​റു​​ക​​യാ​​യി​​രു​​ന്നെ​​ന്നു​​മു​​ള്ള മ​​ട്ടി​​ലൊ​​രു പോ​​സ്റ്റ് ഇ​​ട്ടി​​രു​​ന്നു. ഡാ​​വി​​ഞ്ചി​​യു​​ടെ പ്ര​​ശ​​സ്ത​​മാ​​യ മൊ​​ണാ​​ലി​​സ ചി​​ത്ര​​ത്തെ​ക്കു​​റി​​ച്ചും ര​​സ​​ക​​ര​​മാ​​യ പോ​​സ്റ്റ് ഇ​​ട്ടി​​രു​​ന്നു. മൊ​​ണാ​​ലി​​സ ത​​മി​​ഴ്നാ​​ട്ടു​​കാ​​രി​​യാ​​ണെ​​ന്നും അ​​വ​​രു​​ടെ പേ​​ര് മോ​​ന അ​​ലീ​​ഷ എ​​ന്നാ​​ണെ​​ന്നു​​മൊ​​ക്കെ​​യാ​​യി​​രു​​ന്നു അ​​ത്. ഇ​​ത്ത​​രം സ​​റ്റ​​യ​​ർ പോ​​സ്റ്റു​​ക​​ൾ ആ​​ളു​​ക​​ൾ ഇ​​ഷ്ട​​പ്പെ​​ടാ​​ൻ തു​​ട​​ങ്ങി. അ​​ടു​​ത്തി​​ടെ എ​​നി​​ക്കെ​​തി​​രാ​​യ കേ​​സു​​മാ​​യി ബ​​ന്ധ​​പ്പെ​​ട്ട് ഹാ​​ഥ​റ​​സി​​ൽ ചോ​​ദ്യം​ചെ​​യ്യ​​വെ, ഉ​​ന്ന​​ത പൊ​​ലീ​​സ് ഉ​​ദ്യോ​​ഗ​​സ്ഥ​​ൻ (പേ​​ര് വെ​​ളി​​പ്പെ​​ടു​​ത്തു​​ന്നി​​ല്ല) എ​​ന്നോ​​ട് പ​​റ​​ഞ്ഞ​​ത്, ഞാ​​ൻ സു ​​സു സ്വാ​​മി​​യു​​ടെ വ​​ലി​​യ ആ​​രാ​​ധ​​ക​​നാ​​യി​​രു​​ന്നു എ​​ന്നാ​​ണ്. നി​​ർ​​ഭാ​​ഗ്യ​​വ​​ശാ​​ൽ നി​​ങ്ങ​​ളെ ചോ​​ദ്യം​ചെ​​യ്യ​​ൽ എ​​ന്റെ ജോ​​ലി​​യു​​ടെ ഭാ​​ഗ​​മാ​​ണെ​​ന്നും അ​​ദ്ദേ​​ഹം പ​​റ​​ഞ്ഞു.

മൈ​​ക്ക​​ൽ ജാ​​ക്സ​​ൺ പോ​​സ്റ്റ് വ​​ന്ന 'സു​​ബ്ര​​ഹ്മ​​ണ്യം സ്വാ​​മി' പേ​​ജി​​ന്റെ സ്ക്രീ​​ൻ​​ഷോ​​ട്ട് ട്വീ​​റ്റ് ചെ​​യ്ത് സു​​ബ്ര​​ഹ്മ​​ണ്യ​​ൻ സ്വാ​​മി, ഇ​​ത് ത​​ന്റെ പേ​​ജ​​ല്ലെ​​ന്നും ഫേ​​സ്ബു​​ക്ക് ന​​ട​​പ​​ടി സ്വീ​​ക​​രി​​ക്ക​​ണ​​മെ​​ന്നും ആ​​വ​​ശ്യ​​പ്പെ​​ട്ടു. അ​​ല്ലാ​​ത്ത​പ​​ക്ഷം ഫേ​​സ്ബു​​ക്കി​​നെ​​തി​​രെ കേ​​സ് ന​​ൽ​​കു​​മെ​​ന്നും ഭീ​​ഷ​​ണി​​പ്പെ​​ടു​​ത്തി. ര​​ണ്ടു മൂ​​ന്നു ദി​​വ​​സ​​ത്തി​​ന​​കം ഫേ​​സ്ബു​​ക്ക് ന​​ട​​പ​​ടി സ്വീ​​ക​​രി​​ച്ചു. പ​​ക്ഷേ, അ​​ബ​​ദ്ധ​​ത്തി​​ൽ ഡി​​ലീ​​റ്റ് ചെ​​യ്ത​​ത് സു​​ബ്ര​​ഹ്മ​​ണ്യ​​ൻ സ്വാ​​മി​​യു​​ടെ ഔ​​ദ്യോ​​ഗി​​ക പേ​​ജാ​​യി​​രു​​ന്നു. ഇ​​ത് അ​​ന്ന് മാ​​ധ്യ​​മ​​ങ്ങ​​ളി​​ലൊ​​ക്കെ വാ​​ർ​​ത്ത​​യാ​​യി. ര​​ണ്ടു പേ​​ജും ഒ​​രു​​പോ​​ലെ​​യാ​​യി​​രു​​ന്ന​​തി​​നാ​​ൽ കൂ​​ടു​​ത​​ൽ വി​​ദ്വേ​​ഷ​​വും മ​​റ്റും അ​​ദ്ദേ​​ഹ​​ത്തി​​ന്റെ പേ​​ജി​​ന്റെ ഉ​​ള്ള​​ട​​ക്ക​​ത്തി​​ൽ ക​​ണ്ട​​തി​​നാ​​ൽ ആ​​ളു​​ക​​ൾ റി​​പ്പോ​​ർ​​ട്ട് ചെ​​യ്ത​​തി​​ന്റെ അ​​ടി​​സ്ഥാ​​ന​​ത്തി​​ലാ​​കും അ​​വ​​ർ ആ ​​പേ​​ജ് റീ​​മൂ​​വ് ചെ​​യ്ത​​തെ​​ന്നാ​​ണ് എ​​നി​​ക്കു​ തോ​​ന്നു​​ന്ന​​ത്. 2014 ഡി​​സം​​ബ​​റി​​ലാ​​യി​​രു​​ന്നു അ​​ത്.

ആ ​​സ​​മ​​യ​​ത്ത് എ​​നി​​ക്ക​​ൽ​​പം പേ​​ടി​​യു​​ണ്ടാ​​യി​​രു​​ന്നു. അ​​ദ്ദേ​​ഹം ഹൈ​​പ്രൊ​​ഫൈ​​ലു​​ള്ള നേ​​താ​​വാ​​ണ്. ഞാ​​നാ​​ണെ​​ങ്കി​​ലോ അ​​ധി​​ക​​മാ​​രു​​മാ​​യും നേ​​രി​​ട്ട് ബ​​ന്ധ​​മി​​ല്ലാ​​തെ ജോ​​ലി​​യും ജോ​​ലി​​ക്കി​​ട​​യി​​ലെ ഇ​​ത്ത​​രം പ്ര​​വ​​ർ​​ത്ത​​ന​​ങ്ങ​​ളു​​മാ​​യി ക​​ഴി​​യു​​ക​​യാ​​യി​​രു​​ന്നു. സു ​​സു സ്വാ​​മി എ​​ന്ന പേ​​ര് അ​​റി​​യ​​പ്പെ​​ട്ടി​​രു​​ന്നു എ​​ന്ന​​ല്ലാ​​തെ ഈ ​​പേ​​ജ് ഞാ​​നാ​​ണ് കൈ​​കാ​​ര്യം ചെ​​യ്യു​​ന്ന​​തെ​​ന്ന് ആ​​ർ​​ക്കു​​മ​​റി​​യി​​ല്ലാ​​യി​​രു​​ന്നു. 2018ൽ ​​മാ​​ത്ര​​മാ​​ണ് സു ​​സു സ്വാ​​മി​​യു​​ടെ യ​​ഥാ​​ർ​​ഥ ഐ​​ഡ​​ന്റി​​റ്റി വെ​​ളി​​പ്പെ​​ടു​​ത്തു​​ന്ന​​ത്. സു​​ബ്ര​​ഹ്മ​​ണ്യ​​ൻ സ്വാ​​മി​​യു​​ടെ പേ​​ജ് റി​​മൂ​​വ് ചെ​​യ്യ​​പ്പെ​​ട്ട സം​​ഭ​​വ​​ത്തി​​ന് ര​​ണ്ടു ദി​​വ​​സം ക​​ഴി​​ഞ്ഞ് ഫേ​​സ്ബു​​ക്ക് അ​​ധി​​കൃ​​ത​​ർ എ​​ന്നെ ബ​​ന്ധ​​പ്പെ​​ട്ടു. പോ​​ളി​​സി പ്ര​​കാ​​രം, പാ​​ര​​ഡി പേ​​ജു​​ക​​ൾ അ​​നു​​വ​​ദി​​ക്കാ​​റി​​ല്ലെ​​ന്നും നി​​ങ്ങ​​ൾ അ​​തേ പേ​​രാ​​ണ് ഉ​​പ​​യോ​​ഗി​​ക്കു​​ന്ന​​തെ​​ന്നും 'അ​​ൺ ഒ​​ഫീ​​ഷ്യ​​ൽ' പോ​​ലെ നി​​ങ്ങ​​ൾ​​ക്ക് മ​​റ്റെ​​ന്തെ​​ങ്കി​​ലും പേ​​രി​​ന്റെ കൂ​​ടെ ചേ​​ർ​​ത്തു​​കൂ​​ടെ​​യെ​​ന്നും അ​​വ​​ർ ചോ​​ദി​​ച്ചു. അ​​ങ്ങ​​നെ​​യാ​​ണ് 'സു​​ബ്ര​​ഹ്മ​​ണ്യം സ്വാ​​മി' പേ​​ജ് 'അ​​ൺ ഒ​​ഫീ​​ഷ്യ​​ൽ: സു​​ബ്ര​​ഹ്മ​​ണ്യം സ്വാ​​മി' എ​​ന്ന പേ​​ജാ​​യി മാ​​റു​​ന്ന​​ത്.

'അ​​ൺ ഒ​​ഫീ​​ഷ്യ​​ലാ'​​യു​​ള്ള ആ ​​തു​​ട​​ക്ക​​മാ​​ണോ മാ​​ധ്യ​​മ​പ്ര​​വ​​ർ​​ത്ത​​ന​​ത്തി​​ലേ​​ക്കെ​​ത്തി​​ച്ച​​ത്?

അ​​ങ്ങ​​നെ പ​​റ​​യാം. പേ​​രു​​മാ​​റ്റ​​ത്തി​​നു​ശേ​​ഷം എ​​നി​​ക്ക് ഫോ​​ളോ​​വേ​​ഴ്സ് കൂ​​ടി. 2016 ആ​​യ​​പ്പോ​​ഴേ​​ക്കും നാ​​ല​​ഞ്ചു ല​​ക്ഷം പേ​​ർ ആ ​​പേ​​ജി​​നെ പി​​ന്തു​​ട​​ർ​​ന്നി​​രു​​ന്നു. അ​​ന്ന് രാ​​ഷ്ട്രീ​​യ ഉ​​ള്ള​​ട​​ക്ക​​മു​​ള്ള പേ​​ജു​​ക​​ൾ​​ക്ക് അ​​ത്ര​​യും പി​​ന്തു​​ണ കി​​ട്ടു​​ന്ന​​ത് വ​​ലി​​യ കാ​​ര്യ​​മാ​​യി​​രു​​ന്നു. ദേ​​ശീ​​യ​ത​​ല​​ത്തി​​ൽ ഹി​​ന്ദി​​യി​​ലും ഇം​​ഗ്ലീ​​ഷി​​ലും ഞാ​​ൻ മാ​​ത്ര​​മാ​​യി​​രു​​ന്നു അ​​ത്ത​​ര​​മൊ​​രു പേ​​ജ് കൈ​​കാ​​ര്യം ചെ​​യ്തി​​രു​​ന്ന​​ത്. കേ​​ര​​ള​​ത്തി​​ൽ അ​​ന്ന് സ​​ജീ​​വ​​മാ​​യി​​രു​​ന്ന ഐ.​​സി.​​യു ഫേ​​സ്ബു​​ക്ക് പേ​​ജി​​ന്റെ അ​​ഡ്മി​​ന്മാ​​ർ ത​​ന്റെ ന​​ല്ല സു​​ഹൃ​​ത്തു​​ക്ക​​ളാ​​യി​​രു​​ന്നു. മ​​ല​​യാ​​ള​​ത്തി​​ൽ ഹി​​റ്റാ​​യ പ​​ല പോ​​സ്റ്റു​​ക​​ളും അ​​വ​​രു​​ടെ സ​​ഹാ​​യ​​ത്തോ​​ടെ ഹി​​ന്ദി​​യി​​ലേ​​ക്കും ഇം​​ഗ്ലീ​​ഷി​​ലേ​​ക്കും മൊ​​ഴി​​മാ​​റ്റി ഞാ​​ൻ ന​​ൽ​​കി​​യി​​ട്ടു​​ണ്ട്. കു​​റ​​ച്ചു​​കൂ​​ടി ആ​​സ്വാ​​ദ്യ​​ക​​ര​​മാ​​യ ത​​മാ​​ശ​​യാ​​ണ് മ​​ല​​യാ​​ള പോ​​സ്റ്റു​​ക​​ളി​​ലു​​ണ്ടാ​​യി​​രു​​ന്ന​​ത്. അ​​വ മൊ​​ഴി​​മാ​​റ്റി​​യ​​പ്പോ​​ൾ ആ​​ളു​​ക​​ൾ കൂ​​ടു​​ത​​ൽ ഇ​​ഷ്ട​​പ്പെ​​ട്ടു. നോ​​കി​​യ​​യി​​ൽ ഞാ​​ൻ ​പ്രോ​ജ​​ക്ട് മാ​​നേ​​ജ​​റാ​​യി​​രു​​ന്ന​​തി​​നാ​​ൽ ആ ​​സ​​മ​​യ​​ങ്ങ​​ളി​​ൽ ഇ​​ട​​ക്കൊ​​ക്കെ വി​​ദേ​​ശ​​യാ​​ത്ര പോ​​വു​​മാ​​യി​​രു​​ന്നു. മി​​ക്ക​​വാ​​റും ക​​മ്പ​​നി ആ​​സ്ഥാ​​ന​​മാ​​യ ജ​​പ്പാ​​നി​​ലേ​​ക്കാ​​യി​​രി​​ക്കും. ഔ​​ദ്യോ​​ഗി​​ക മീ​​റ്റി​​ങ് ക​​ഴി​​ഞ്ഞാ​​ൽ മ​​റ്റു സ​​മ​​യ​​ങ്ങ​​ളി​​ലൊ​​ക്കെ ഞാ​​ൻ ഫ്രീ​​യാ​​യി​​രു​​ന്ന​​തി​​നാ​​ൽ, ഫേ​​സ്ബു​​ക്കി​​ൽ സ​​ജീ​​വ​​മാ​​യി.

'ആ​​ൾ​​ട്ട് ന്യൂ​​സ്' ആ​​രം​​ഭി​​ക്കു​​ന്ന​​തി​​നു മു​​മ്പുത​​ന്നെ ഞാ​​നും പ്ര​​തീ​​ക് സി​​ൻ​​ഹ​​യും (ആ​​ൾ​​ട്ട് ന്യൂ​​സ് സ​​ഹ​​സ്ഥാ​​പ​​ക​​ൻ) ഫാ​​ക്ട് ചെ​​ക്കി​​ങ് (വ​​സ്തു​​ത പ​​രി​​ശോ​​ധ​​ന) പ്ര​​ക്രി​​യ ആ​​രം​​ഭി​​ച്ചി​​രു​​ന്നു. തെ​​റ്റാ​​യ​​തും വി​​ദ്വേ​​ഷ​​പ​​ര​​വു​​മാ​​യ വി​​വ​​ര​​ങ്ങ​​ൾ പ്ര​​ച​​രി​​പ്പി​​ക്ക​​പ്പെ​​ടു​​മ്പോ​​ൾ അ​​വ തി​​രു​​ത്ത​​പ്പെ​​ട​​ണ​​മെ​​ന്ന് ആ​​ഗ്ര​​ഹി​​ച്ചു. എ​​ന്റെ കൈ​​യി​​ൽ ടെ​​ക്നോ​​ള​​ജി​​യു​​ണ്ട്. ഇ​​തൊ​​ന്നു​​മി​​ല്ലാ​​ത്ത അ​​നേ​​കം ആ​​ളു​​ക​​ൾ സ​​ത്യ​​മെ​​ന്താ​​ണെ​​ന്ന് അ​​റി​​യാ​​തെ ക​​ഴി​​യു​​ക​​യാ​​ണ്. 2017 വ​​രെ ഫേ​​സ്ബു​​ക്ക് പേ​​ജ് വ​​ഴി ഇ​​ത്ത​​രം ഫാ​​ക്ട് ചെ​​ക്കി​​ങ് പ്ര​​വ​​ർ​​ത്ത​​ന​​ങ്ങ​​ൾ ന​​ട​​ത്തി​​യി​​ട്ടു​​ണ്ട്. 'ട്രൂ​​ത്ത് ഓ​​ഫ് ഗു​​ജ​​റാ​​ത്ത്' എ​​ന്നാ​​യി​​രു​​ന്നു പ്ര​​തീ​​ക് സി​​ൻ​​ഹ​​യു​​ടെ ഫേ​​സ്ബു​​ക്ക് പേ​​ജ്.

2014ൽ ​​ബി.​​ജെ.​​പി നേ​​താ​​വാ​​യി​​രു​​ന്ന അ​​ഖി​​ലേ​​ഷ് മി​​ശ്ര അ​​ഹ്മ​​ദാ​​ബാ​​ദി​​ലെ ബി.​​ആ​​ർ.​​ടി.​​എ​​സ് ബ​​സ് പാ​​ത​​യു​​ടേ​​തെ​​ന്ന പേ​​രി​​ൽ ഒ​​രു ചി​​ത്രം പോ​​സ്റ്റ് ചെ​​യ്തി​​രു​​ന്നു. ഗു​​ജ​​റാ​​ത്ത് വി​​ക​​സ​​ന​​ത്തി​​ന്റെ മു​​ഖം എ​​ന്ന രീ​​തി​​യി​​ലാ​​ണ് ആ ​​ചി​​ത്രം സ​​മൂ​​ഹ​​മാ​​ധ്യ​​മ​​ങ്ങ​​ളി​​ൽ വ​​ന്ന​​ത്. എ​​ന്നാ​​ൽ, ഈ ​​ചി​​ത്രം പ​​രി​​ശോ​​ധി​​ക്കു​​മ്പോ​​ൾ ബ​​സി​​ലോ സ​​മീ​​പ​​ത്തോ ഒ​​ന്നും ഗു​​ജ​​റാ​​ത്തി​​യി​​ൽ എ​​ഴു​​തി​​യ ഒ​​ന്നും ക​​ണ്ടെ​​ത്താ​​നാ​​യി​​ല്ല. മാ​​ത്ര​​വു​​മ​​ല്ല, ഡ്രൈ​​വ​​ർ മ​​റു​​വ​​ശ​​ത്താ​​യി​​രു​​ന്നു ഇ​​രു​​ന്നി​​രു​​ന്ന​​ത്. അ​​തോ​​ടെ, യ​​ഥാ​​ർ​​ഥ ചി​​ത്രം ക​​ണ്ടെ​​ത്താ​​നു​​ള്ള ശ്ര​​മ​​മാ​​യി. ഇ​​ന്ന് ഫാ​​ക്ട് ചെ​​ക്കി​​ങ്ങി​​ന് കൂ​​ടു​​ത​​ൽ ടൂ​​ളു​​ക​​ളു​​ണ്ട്. അ​​ന്ന​​ങ്ങ​​നെ​​യാ​​യി​​രു​​ന്നി​​ല്ല. കു​​റ​​ച്ചു പ്ര​​യാ​​സ​​മാ​​യി​​രു​​ന്നു ഒ​​റി​​ജി​​ന​​ൽ ചി​​ത്രം ക​​ണ്ടെ​​ത്തു​​ക എ​​ന്ന​​ത്. എ​​ന്നി​​ട്ടും ചൈ​​നീ​​സ് വെ​​ബ്സൈ​​റ്റി​​ൽ 2008ൽ ​​പ്ര​​സി​​ദ്ധീ​​ക​​രി​​ച്ചി​​രു​​ന്ന ആ ​​ചി​​ത്രം തേ​​ടി​​പ്പി​​ടി​​ച്ച് ഞാ​​ൻ പു​​റ​​ത്തു​​കൊ​​ണ്ടു​​വ​​ന്നു. എ​​ന്റെ പോ​​സ്റ്റ് ഷെ​​യ​​ർ ചെ​​യ്ത പ്ര​​തീ​​ക് ഇ​​താ​​ണ് ഗു​​ജ​​റാ​​ത്ത് വി​​ക​​സ​​ന​​ത്തി​​ന്റെ യ​​ഥാ​​ർ​​ഥ മു​​ഖം എ​​ന്ന് പോ​​സ്റ്റി​​ട്ടു. 2015ലാ​​ണ് പ്ര​​തീ​​കു​​മാ​​യി നേ​​രി​​ട്ട് ബ​​ന്ധ​​പ്പെ​​ടു​​ന്ന​​ത്. പ്ര​​തീ​​കി​​ന്റെ ഒ​​രു പോ​​സ്റ്റ് എ​​നി​​ക്കൊ​​രാ​​ൾ അ​​യ​​ച്ചു​​ത​​ന്ന​​ത് ഞാ​​ൻ ഷെ​​യ​​ർ ചെ​​യ്തി​​രു​​ന്നു. ആ ​​പോ​​സ്റ്റി​​ന് ക്രെ​​ഡി​​റ്റ് ലൈ​​ൻ ന​​ൽ​​കാ​​ത്ത​​തെ​​ന്താ​​ണെ​​ന്ന് ചോ​​ദി​​ച്ച് പ്ര​​തീ​​ക് എ​​ന്നെ ബ​​ന്ധ​​പ്പെ​​ട്ടു. സ​​ത്യ​​ത്തി​​ൽ എ​​നി​​ക്ക് ആ ​​പോ​​സ്റ്റ് കി​​ട്ടു​​മ്പോ​​ൾ അ​​തി​​ൽ ക്രെ​​ഡി​​റ്റ് ലൈ​​ൻ ന​​ൽ​​കി​​യ ഭാ​​ഗം ഇ​​ല്ലാ​​യി​​രു​​ന്നു. ഞാ​​ന​​ത് തി​​രു​​ത്തി പ്ര​​തീ​​കി​​ന്റെ ക്രെ​​ഡി​​റ്റ് ലൈ​​നോ​​ടെ വീ​​ണ്ടും പോ​​സ്റ്റ് ചെ​​യ്തു. പി​​ന്നീ​​ട് ഞ​​ങ്ങ​​ൾ ഊ​​ഷ്മ​​ള​​മാ​​യൊ​​രു ബ​​ന്ധം കാ​​ത്തു​​സൂ​​ക്ഷി​​ച്ചു. പ്രോ​​ജ​​ക്ട് മാ​​നേ​​ജ്മെ​​ന്റി​​ന്റെ ഭാ​​ഗ​​മാ​​യി ഇ​​ന്ത്യ​​യി​​ലെ വി​​വി​​ധ ന​​ഗ​​ര​​ങ്ങ​​ളി​​ൽ ഞാ​​ൻ യാ​​ത്ര​ചെ​​യ്തി​​രു​​ന്നു. അ​​ഹ്മ​​ദാ​​ബാ​​ദി​​ൽ പോ​​വു​​മ്പോ​​ൾ പ്ര​​തീ​​കി​​നെ കാ​​ണും.

2016ലാ​​ണ് ഗു​​ജ​​റാ​​ത്തി​​ലെ 'ഉ​​ന' സം​​ഭ​​വം അ​​ര​​ങ്ങേ​​റു​​ന്ന​​ത് (2016 ജൂ​​ലൈ 11നാ​​ണ് ഗു​​ജ​​റാ​​ത്തി​​ലെ ഉ​​ന​​യി​​ൽ ച​​ത്ത പ​​ശു​​വി​​ന്റെ തോ​​ലു​​രി​​ച്ചെ​​ന്ന് ആ​​രോ​​പി​​ച്ച് ദ​​ലി​​ത് യു​​വാ​​ക്ക​​ളെ തെ​​രു​​വി​​ൽ ന​​ഗ്ന​​രാ​​ക്കി മ​​ർ​​ദി​​ച്ച​​ത്. ഇ​​തേ തു​​ട​​ർ​​ന്നു​​ണ്ടാ​​യ ദ​​ലി​​ത് പ്ര​​ക്ഷോ​​ഭം ഗു​​ജ​​റാ​​ത്ത് മു​​ഴു​​വ​​ൻ ആ​​ളി​​പ്പ​​ട​​ർ​​ന്നി​​രു​​ന്നു). ജി​​ഗ്നേ​​ഷ് മേ​​വാ​​നി​​യു​​ടെ നേ​​തൃ​​ത്വ​​ത്തി​​ൽ അ​​ഹ്മ​​ദാ​​ബാ​​ദി​​ൽ​​നി​​ന്ന് ഉ​​ന​​യി​​ലേ​​ക്ക് ന​​ട​​ന്ന 10 ദി​​വ​​സ​​ത്തെ 'ഉ​​ന ച​​ലോ ' പ​​ദ​​യാ​​ത്ര അ​​ന്ന് മു​​ഴു​​വ​​നാ​​യും ഡോ​​ക്യു​​മെ​​ന്റ് ചെ​​യ്ത​​ത് എ​​ന്റെ​​യും പ്ര​​തീ​​കി​​ന്റെ​​യും എ​​ഫ്.​​ബി പേ​​ജു​​ക​​ളാ​​യി​​രു​​ന്നു. ഫോ​​ട്ടോ​​ക​​ളും ഇ​​മേ​​ജു​​ക​​ളും വാ​​ർ​​ത്ത​​ക​​ളും വി​​ഡി​​യോ​​ക​​ളും ഞ​​ങ്ങ​​ൾ ന​​ൽ​​കി. പ്ര​​തീ​​ക് പ​​ദ​​യാ​​ത്ര​​ക്ക​​ക​​ത്തു​​ണ്ടാ​​യി​​രു​​ന്നു. ഞാ​​ൻ പു​​റ​​ത്തും. അ​​വി​​ടെ​​യെ​​ന്താ​​ണ് സം​​ഭ​​വി​​ക്കു​​ന്ന​​തെ​​ന്ന് ജ​​ന​​ങ്ങ​​ൾ അ​​റി​​യ​​ണ​​മാ​​യി​​രു​​ന്നു. പ​​ദ​​യാ​​ത്ര​​യു​​ടെ ഏ​​ഴെ​​ട്ടു ദി​​വ​​സം വ​​രെ മു​​ഖ്യ​​ധാ​​രാ മാ​​ധ്യ​​മ​​ങ്ങ​​ൾ അ​​തി​​ന് കാ​​ര്യ​​മാ​​യ പ​​രി​​ഗ​​ണ​​ന ന​​ൽ​​കി​​യ​​തേ​​യി​​ല്ല. അ​​വ​​സാ​​ന ദി​​ന​​ത്തി​​ലാ​​ണ് മാ​​ധ്യ​​മ​​ങ്ങ​​ൾ കൂ​​ട്ട​​ത്തോ​​ടെ വ​​ന്ന​​ത്.

എ​​ങ്ങ​​നെ​​യാ​​യി​​രു​​ന്നു ആ​​ൾ​​ട്ട് ന്യൂ​​സി​​ന്റെ തു​​ട​​ക്കം?

ഉ​​ത്ത​​രം: ഉ​​ന പ​​ദ​​യാ​​ത്ര​​ക്കു​​ശേ​​ഷം 2016 അ​​വ​​സാ​​ന​​ത്തി​​ൽ എ​​ന്റെ ജോ​​ലി​​യു​​ടെ ഭാ​​ഗ​​മാ​​യി ഞാ​​ൻ അ​​ഹ്മ​​ദാ​​ബാ​​ദി​​ൽ ചെ​​ന്ന​​പ്പോ​​ൾ പ്ര​​തീ​​കു​​മാ​​യി ഗൗ​​ര​​വ​​മാ​​യി ആ​​ലോ​​ചി​​ച്ചു, എ​​ന്തു​​കൊ​​ണ്ട് സ്വ​​ന്ത​​മാ​​യൊ​​രു വെ​​ബ്സൈ​​റ്റ് തു​​ട​​ങ്ങി​​ക്കൂ​​ടാ എ​​ന്ന്. ഫേ​​സ്ബു​​ക്കി​​ൽ ര​​ണ്ടു​​പേ​​ർ​​ക്കും ന​​ല്ല റീ​​ച്ചു​​ണ്ട്. എ​​നി​​ക്ക് നാ​​ലോ അ​​ഞ്ചോ ല​​ക്ഷം ഫോ​​ളോ​​വേ​​ഴ്സും പ്ര​​തീ​​കി​​ന് ര​​ണ്ടോ മൂ​​ന്നോ ല​​ക്ഷം ഫോ​​ളോ​​വേ​​ഴ്സു​​മാ​​ണു​​ണ്ടാ​​യി​​രു​​ന്ന​​ത്. ഞ​​ങ്ങ​​ളു​​ടെ ചി​​ന്ത​​ക​​ളും ആ​​ശ​​യ​​ങ്ങ​​ളും സ​​മാ​​ന​​മാ​​ണ്. ഞ​​ങ്ങ​​ളെ പി​​ന്തു​​ട​​രു​​ന്ന​​വ​​രും സ​​മാ​​ന മ​​ന​​സ്ക​​രാ​​ണ്. ഫേ​​സ്ബു​​ക്ക് ചെ​​റി​​യൊ​​രു കു​​മി​​ള​​യാ​​ണ്. ഏ​​തു നി​​മി​​ഷം വേ​​ണ​​മെ​​ങ്കി​​ലും ആ ​​പേ​​ജു​​ക​​ൾ റി​​മൂ​​വ് ചെ​​യ്യ​​പ്പെ​​ടാം. അ​​ക്കൗ​​ണ്ട് നി​​ർ​​ത്ത​​ലാ​​ക്കാം. ഫേ​​സ്ബു​​ക്കി​​ൽ ഇ​​ല്ലാ​​ത്ത​​വ​​രി​​ലേ​​ക്കും ഫേ​​സ്ബു​​ക്കി​​ൽ ഫോ​​ളോ ചെ​​യ്യാ​​ത്ത​​വ​​രി​​ലേ​​ക്കും വെ​​ബ്സൈ​​റ്റ് വ​​ഴി ക​​ട​​ന്നു​​ചെ​​ല്ലാ​​നാ​​കും എ​​ന്നു​​കൂ​​ടി ഞ​​ങ്ങ​​ൾ ക​​ണ​​ക്കു​​കൂ​​ട്ടി. വി​​വ​​ര​​ങ്ങ​​ളു​​ടെ ഡോ​​ക്യു​​മെ​​ന്റേ​​ഷ​​നും വ​​ള​​രെ പ്ര​​ധാ​​ന​​മാ​​ണ്. യു.​​പി​​യി​​ൽ യോ​​ഗി ആ​​ദി​​ത്യ​​നാ​​ഥ് മു​​ഖ്യ​​മ​​ന്ത്രി​​യാ​​വു​​ന്ന​​തി​​ന് മു​​ന്നോ​​ടി​​യാ​​യി, അ​​ദ്ദേ​​ഹ​​ത്തി​​ന്റെ 2008ലെ​​യും 2009ലെ​​യു​​മൊ​​ക്കെ മു​​സ്‍ലിം​വി​​രു​​ദ്ധ വി​​ഡി​​യോ​​ക​​ൾ യൂ​​ട്യൂ​ബി​​ൽ​​നി​​ന്നും മ​​റ്റും നീ​​ക്കം​ചെ​​യ്യ​​പ്പെ​​ടു​​ന്നു​​ണ്ടാ​​യി​​രു​​ന്നു. വെ​​ബ്സൈ​​റ്റാ​​കു​​മ്പോ​​ൾ ഇ​​ത്ത​​രം ഡോ​​ക്യു​​മെ​​ന്റേ​​ഷ​​ൻ കൃ​​ത്യ​​മാ​​യി ന​​ട​​ക്കും. ഇ​​തെ​​ല്ലാം ഞ​​ങ്ങ​​ളു​​ടെ മ​​ന​​സ്സി​​ലു​​ണ്ടാ​​യി​​രു​​ന്നു. അ​​ങ്ങ​​നെ ഞ​​ങ്ങ​​ൾ 'ഇ-​​ഒ​​പീ​​നി​​യ​​ൻ​​സ്' എ​​ന്ന പേ​​രി​​ൽ വെ​​ബ്സൈ​​റ്റ് ആ​​രം​​ഭി​​ച്ചു. ഇ​​ത് അ​​ഭി​​പ്രാ​​യ​പ്ര​​ക​​ട​​ന​​ങ്ങ​​ളു​​ടെ വേ​​ദി​​കൂ​​ടി​​യാ​​യി​​രു​​ന്നു. എ​​ന്നാ​​ൽ, നേ​​ര​ത്തേ ഇ​​ട​​ക്കി​​ടെ ചെ​​യ്തി​​രു​​ന്ന ഫാ​​ക്ട് ചെ​​ക്കി​​ങ്ങാ​​ണ് കൂ​ടു​​ത​​ൽ ന​​ല്ല​​തെ​​ന്ന് ഞ​​ങ്ങ​​ൾ​​ക്കു തോ​​ന്നി. അ​​തി​​നാ​​യി മു​​ഴു​​വ​​ൻ​സ​​മ​​യ വേ​​ദി എ​​ന്ന നി​​ല​​യി​​ൽ 2017 ഫെ​​ബ്രു​​വ​​രി​​ൽ ഞ​​ങ്ങ​​ൾ 'ആ​​ൾ​​ട്ട് ന്യൂ​​സ്' എ​​ന്ന് വെ​​ബ്സൈ​​റ്റി​​നെ പു​​ന​​ർ​​നാ​​മ​​ക​​ര​​ണം ചെ​​യ്തു.

തു​​ട​​ക്ക​​ത്തി​​ൽ ഞാ​​നും പ്ര​​തീ​​കും ആ​​ഴ്ച​​യി​​ൽ ര​​ണ്ടും മൂ​​ന്നും ആ​​ർ​​ട്ടി​​ക്കി​​ളു​​ക​​ളാ​​ണ് ന​​ൽ​​കി​​യി​​രു​​ന്ന​​ത്. ഒ​​രു ദി​​വ​​സം ചു​​രു​​ങ്ങി​​യ​​ത് ഒ​​രു ആ​​ർ​​ട്ടി​​ക്കി​​ൾ എ​​ങ്കി​​ലും ന​​ൽ​​ക​​ണ​​മെ​​ന്ന് ഞ​​ങ്ങ​​ൾ തീ​​രു​​മാ​​നി​​ച്ചു. സോ​​ഫ്റ്റ്​​വെ​​യ​​ർ എ​​ൻ​​ജി​​നീ​​യ​​റാ​​യ പ്ര​​തീ​​ക് ജോ​​ലി രാ​​ജി​​വെ​​ച്ച് മു​​ഴു​​വ​​ൻ സ​​മ​​യം ഇ​​തി​​ലേ​​ക്കി​​റ​​ങ്ങി. മു​​ഴു​​വ​​ൻ​സ​​മ​​യ ആ​​ക്‍ടി​​വി​​സ​​മാ​​ണ് ത​​നി​​ക്കി​​ഷ്ട​​മെ​​ന്ന് പ്ര​​തീ​​ക് പ​​റ​​ഞ്ഞു. പ്ര​​തീ​​കി​​ന്റെ മാ​​താ​​പി​​താ​​ക്ക​​ൾ ആ​​ക്ടി​​വി​​സ്റ്റു​​ക​​ളാ​​യി​​രു​​ന്ന​​തി​​നാ​​ൽ ആ ​​തീ​​രു​​മാ​​നം അ​​ദ്ദേ​​ഹ​​ത്തെ സം​​ബ​​ന്ധി​​ച്ച് പ്ര​​യാ​​സ​​ക​​ര​​മാ​​യി​​രു​​ന്നി​​ല്ല. എ​​ന്നാ​​ൽ, എ​​നി​​ക്ക് രാ​​ജി​​വെ​​ക്കു​​ന്ന​​തി​​നു മു​​മ്പ് എ​​ന്റെ കു​​ടും​​ബ​​ത്തെ പ​​റ​​ഞ്ഞു ബോ​​ധ്യ​​പ്പെ​​ടു​​ത്തേ​​ണ്ട​​തു​​ണ്ടാ​​യി​​രു​​ന്നു. അ​​തു​​വ​​രെ ഞാ​​ൻ കാ​​ത്തി​​രു​​ന്നു. ഞ​​ങ്ങ​​ൾ​​ക്ക് വെ​​ബ്സൈ​​റ്റ് കൊ​​ണ്ടു​ന​​ട​​ക്കാ​​ൻ വേ​​റെ റി​​സോ​​ഴ്സ് ഒ​​ന്നു​​മു​​ണ്ടാ​​യി​​രു​​ന്നി​​ല്ല. ഫ​​ണ്ടി​​നാ​​യി പ്ര​​തീ​​ക് പ​​ല​​രെ​​യും സ​​മീ​​പി​​ച്ചു. ഒ​​ന്നും ന​​ട​​ന്നി​​ല്ല.

(മാധ്യമം ആഴ്ചപ്പതിപ്പിന്‍റെ ലക്കം 1282ൽ തുടരും)