ഒ​രു മൊ​റാ​ഴ​ക്കാ​ര​ന്‍റെ മാ​ർ​ക്സി​സ്റ്റ് വ​ഴ​ക്ക​ങ്ങ​ൾ

സി.​പി.​എ​ം പോ​ളി​റ്റ്ബ്യൂ​റോ അം​ഗ​മാ​യും സം​സ്ഥാ​ന​ സെ​ക്ര​ട്ട​റി​യാ​യും ഒ​രു വ​ർ​ഷം പി​ന്നി​ടു​ന്ന പശ്ചാത്തലത്തിൽ എം.വി. ഗോ​വി​ന്ദ​ൻ മാ​ഷു​മാ​യി മുതിർന്ന മാധ്യമപ്രവർത്തകൻ പി.ടി. നാസർ നടത്തിയ ദീർഘസംഭാഷണം. കേരളത്തി​ന്റെ വർത്തമാന അവസ്​ഥകൾ, കമ്യൂണിസ്റ്റ്​ പാർട്ടിയുടെ പ്രവർത്തനം, സി.പി.എമ്മി​ന്റെ സാധ്യതകൾ, മുതലാളിത്തത്തി​ന്റെ പ്രതിസന്ധി, വെല്ലുവിളികൾ തുടങ്ങിയ വിവിധ വിഷയങ്ങളിലൂടെ നീങ്ങുന്ന സംഭാഷണത്തി​ന്റെ പൂർണരൂപം വായിക്കാം. 

1940 സെ​പ്റ്റം​ബർ 15. അ​ന്നാ​ണ് മ​ല​ബാ​റി​ന്‍റെ ചെ​മ്മാ​ന​ത്ത് ഇ​ടി​മി​ന്ന​ലു​ണ്ടാ​യ​ത്. മൊ​റാ​ഴ​യി​ലും ത​ല​ശ്ശേ​രി​യി​ലും നി​ല​മി​റ​ങ്ങി​ ഇ​ടി​വെ​ട്ടി. ബ്രി​ട്ടീ​ഷ് സ​ർ​ക്കാ​റി​ന്‍റെ മ​ർ​ദന​വാ​ഴ്ചക്കെ​തി​രെ പ്ര​തി​ഷേ​ധ​ദി​ന​മാ​യി ആ​ച​രി​ക്കാ​ൻ കെ.​പി.​സി.​സി ആ​ഹ്വാ​നംചെ​യ്ത ദി​വ​സ​മാ​യി​രു​ന്നു അ​ത്. ആ ​കെ.​പി.​സി.​സി​ക്കും ചു​വ​പ്പു​നി​റ​മാ​ണ്. 1938 ജ​നു​വ​രി 24ന് ​കെ.​പി.​സി.​സി തെ​ര​ഞ്ഞെ​ടു​പ്പു ക​ഴി​ഞ്ഞ​പ്പോ​ഴാ​ണ് ചു​വ​ന്നു​തു​ട​ങ്ങി​യ​ത്.

അ​തു​വരെയും മ​ല​ബാ​റി​ലെ കോ​ൺ​ഗ്ര​സ് ഗാ​ന്ധി​ഭ​ക്ത​രാ​യ കെ.​ കേ​ള​പ്പ​ൻ-കെ.​എ. ദാ​മോ​ദ​ര മേ​നോ​ൻ സം​ഘ​ത്തി​ന്‍റെ കൈ​പ്പി​ടി​യി​ൽ നി​ന്നി​രു​ന്ന​താ​ണ്. അ​വ​രെ ഞാറാ​ഴ്ച​ക്കോ​ൺ​ഗ്ര​സ് എ​ന്നു​വി​ളി​ച്ച് പ​രി​ഹ​സി​ച്ചി​രു​ന്ന മു​ഹ​മ്മ​ദ് അ​ബ്ദു​റ​ഹ്മാ​ൻ സാ​ഹി​ബ്, പ്ര​സി​ഡ​ന്റ് സ്ഥാ​ന​ത്തേ​ക്ക് മ​ത്സ​രി​ച്ചു. അ​ബ്ദു​റ​ഹ്മാ​ൻ സാ​ഹി​ബി​ന് ശ​ക്ത​മാ​യ അ​നു​യാ​യി​വൃ​ന്ദ​മു​ണ്ട്. അ​തി​ൽ അ​ധി​ക​വും ചെ​റു​പ്പ​ക്കാ​രു​മാ​ണ്. 1934-35 മു​ത​ൽ സി.​എ​സ്.​പി അ​ഥ​വാ കോ​ൺ​ഗ്ര​സ് സോ​ഷ്യ​ലി​സ്റ്റ് പാ​ർ​ട്ടി​യു​ടെ സാ​ന്നി​ധ്യ​വു​മുണ്ട് മ​ല​ബാ​റി​ൽ. അ​വ​ർ കോ​ൺ​ഗ്ര​സി​ന് അ​ക​ത്തു​ത​ന്നെ​യാ​ണു​ള്ള​ത്.

ഇ.​എം.​എ​സും പി.​ കൃ​ഷ്ണ​പി​ള്ള​യും കെ.​ ദാ​മോ​ദ​ര​നു​മൊ​ക്കെ ആ ​സം​ഘ​ത്തി​ലാ​ണ്. കെ.​പി.​സി.​സി തെ​ര​ഞ്ഞെ​ടു​പ്പു​ വ​ന്ന​പ്പോ​ൾ ഈ ​ര​ണ്ടു​ ടീ​മും സ​ഖ്യ​ത്തി​ലാ​യി. അ​ബ്ദു​റ​ഹ്മാ​ൻ സാ​ഹി​ബി​ന്‍റെ ഗ്രൂ​പ്പും ഇ.​എം.​എ​സി​ന്‍റെ ഗ്രൂ​പ്പും. ഈ ​കൂ​ട്ടു​കെ​ട്ടി​നെ മ​ക്ക-മോ​സ്കോ കൂ​ട്ടു​കെ​ട്ട് എ​ന്നാ​ണ് ഞാ​റാ​ഴ്ചക്കോ​ൺ​ഗ്ര​സു​കാ​ർ വി​ളി​ച്ച​ത്. 1938 ജ​നു​വ​രി 24നാ​യി​രു​ന്നു കെ.​പി.​സി.​സി തെ​ര​ഞ്ഞെ​ടു​പ്പ്. മ​ക്ക-​മോ​സ്കോ കൂ​ട്ടു​കെ​ട്ട് വി​ജ​യി​ച്ചു. അ​ബ്ദ​ുറ​ഹ്മാ​ന്‍ സാ​ഹി​ബ് പ്ര​സി​ഡ​ന്റും ഇ.​എം.​എ​സ് ജ​ന​റ​ൽ സെ​ക്ര​ട്ട​റി​യു​മാ​യി കെ.​പി.​സി.​സി നി​ല​വി​ൽവ​ന്നു. അ​പ്പോ​ഴും കോ​ൺ​ഗ്ര​സ് സോ​ഷ്യ​ലി​സ്റ്റ് പാ​ർ​ട്ടി കോ​ൺ​ഗ്ര​സി​ന് അ​ക​ത്തു​നി​ന്നു​കൊ​ണ്ട് പു​റ​ത്ത് പ്ര​വ​ർ​ത്തി​ക്കു​ന്നു​ണ്ട്. പി. ​കൃ​ഷ്ണ​പി​ള്ള ജ​ന​റ​ൽ സെ​ക്ര​ട്ട​റി​യാ​ണ്.

അ​ടു​ത്ത​വ​ർ​ഷം പി​ന്നെ​യും കെ.​പി.​സി.​സി തെ​ര​ഞ്ഞെ​ടു​പ്പു​ വ​ന്നു. അ​തേ മ​ത്സ​രം ആ​വ​ർ​ത്തി​ച്ചു. ഞാ​റാ​ഴ്ച​ക്കോ​ൺ​ഗ്ര​സും മ​ക്ക-മോസ്കോ കൂ​ട്ടു​കെ​ട്ടും ത​മ്മി​ൽ. ഇ​ത്ത​വ​ണ അ​ബ്ദു​റ​ഹ്മാ​ൻ സാ​ഹി​ബി​ന് മു​ന്ന​ത്തേ​ക്കാ​ൾ ഭൂ​രി​പ​ക്ഷ​മു​ണ്ടാ​യി. 19ന് ​എ​തി​രെ 82 വോ​ട്ടു​ നേ​ടി​യാ​ണ് വീ​ണ്ടും പ്ര​സി​ഡ​ന്റാ​യ​ത്. ഭാ​ര​വാ​ഹി​ക​ള​ധി​ക​വും കോ​ൺ​ഗ്രസ്‍ സോ​ഷ്യ​ലി​സ്റ്റ് പാ​ർ​ട്ടി​ക്കാ​രാ​ണ്. അ​വ​ർ പ​ല​ത​രം ബ​ഹു​ജ​ന​ സം​ഘ​ട​ന​ക​ൾ​ക്ക് രൂ​പം ന​ൽ​കു​ന്നു​ണ്ട്. വ​ള​ന്റിയ​ർ സം​ഘം, തൊ​ഴി​ലാ​ളി​ സം​ഘ​ട​ന, ക​ർ​ഷ​ക​സം​ഘ​ട​ന എ​ന്നി​ങ്ങ​നെ പ​ല​തും. ഇ​തി​​ന്റെ​യൊ​ക്കെ​പ്പേ​രി​ലും അ​ല്ലാ​തെ​യും സി.​എ​സ്.​പി​ക്കാ​ർ ത​കൃ​തി​യാ​യ പ​ല​ത​രം കൂ​ടി​യാ​ലോ​ച​ന​ക​ളും ഒ​രു​ക്ക​ങ്ങ​ളും ന​ട​ത്തു​ന്നു​ണ്ട്. ക്യാ​മ്പു​ക​ളും സ​മ്മേ​ള​ന​ങ്ങ​ളും ചേ​രു​ന്നു​ണ്ട്.

അ​വ​രു​ടെ ര​ഹ​സ്യ​വും​ പ​ര​സ്യ​വു​മാ​യ എ​ല്ലാ​ പ്ര​വ​ർ​ത്ത​ന​ങ്ങ​ളു​ടെയും സ​ഞ്ചി​ത​ഫ​ലം 1939 ഡി​സം​ബ​റി​ൽ പു​റ​ത്തു​വ​ന്നു. സി.​എ​സ്.​പി​യു​ടെ നേ​തൃ​ ക​ൺ​വെ​ൻ​ഷ​ൻ ത​ല​ശ്ശേ​രി​ക്ക​ടു​ത്ത പാ​റ​പ്പു​റ​ത്തു ചേ​ർ​ന്നു.

പാ​റ​പ്പു​റ​മെ​ന്നാ​ൽ പി​ണ​റാ​യി​ക്ക​ടു​ത്ത ഗ്രാ​മ​മാ​ണ്. താ​ൻ സെ​ക്ര​ട്ട​റി​യാ​യി നാ​ലം​ഗ​ങ്ങ​ളു​ള്ള ഒ​രു ക​മ്യൂ​ണി​സ്റ്റ് ഗ്രൂ​പ് ര​ണ്ടു​വ​ർ​ഷ​മാ​യി പ്ര​വ​ർ​ത്തി​ച്ചു​വ​രു​ന്നു​ണ്ടെ​ന്ന് പി.​ കൃ​ഷ്ണ​പി​ള്ള ആ ​യോ​ഗ​ത്തി​ൽ വെ​ളി​പ്പെ​ടു​ത്തി. ക്യാ​മ്പ് ക​ഴി​ഞ്ഞ് ര​ണ്ടാ​ഴ്ചക്കുശേ​ഷം പ​റ​ശ്ശി​നി​ക്ക​ട​വി​ൽ ചേ​ർ​ന്ന യോ​ഗ​ത്തി​ൽ​വെ​ച്ചാ​ണ് ക​മ്യൂ​ണി​സ്റ്റ് പാ​ർ​ട്ടി​യു​ടെ സം​സ്ഥാ​ന​ ക​മ്മി​റ്റി എ​ന്ന സം​ഘ​ട​നാ​രൂ​പം ഉ​ണ്ടാ​ക്കി​യ​ത്. എ​ങ്കി​ലും കെ.​പി.​സി.​സി അ​ങ്ങ​നെ​ത​ന്നെ നി​ല​നി​ർ​ത്ത​ണ​മെ​ന്നും ക​മ്യൂ​ണി​സ്റ്റു​കാ​രൊ​ക്കെ അ​തി​ന​ക​ത്ത് തു​ട​ര​ണ​മെ​ന്നും തീ​രു​മാ​ന​മു​ണ്ടാ​യി. 1940 ജ​നു​വ​രി 26ന് ​ചു​മ​രെ​ഴു​ത്തി​ലൂ​ടെ​യാ​ണ് ക​മ്യൂണി​സ്റ്റ് പാ​ർ​ട്ടി രൂ​പവത്ക​രി​ച്ച​ കാ​ര്യം ജ​ന​ങ്ങ​ളെ അ​റി​യി​ച്ച​ത്.

അ​ങ്ങ​നെ മു​ന്നോ​ട്ടു​പോ​കു​മ്പോ​ഴാ​ണ് 1940 സെ​പ്റ്റം​ബ​ർ 15 പ്ര​തി​ഷേ​ധ​ദി​ന​മാ​യി ആ​ച​രി​ക്കാ​ൻ കെ.​പി.​സി.​സി ആ​ഹ്വാ​നംചെ​യ്ത​ത്. കോ​ഴി​ക്കോ​ട്ടെ ചാ​ല​പ്പു​റ​ത്ത് യോ​ഗം​ ചേ​ർ​ന്നാ​ണ് കെ.​പി.​സി.​സി ഇ​ക്കാ​ര്യം അ​റി​യി​ച്ച​ത്. ഉ​ട​ൻ​ത​ന്നെ ജി​ല്ലാ​ ക​ല​ക്ട​ർ പ്ര​ക​ട​ന​ങ്ങ​ളും സ​മ്മേ​ള​ന​ങ്ങ​ളും നി​രോ​ധി​ച്ച​താ​യി പ്ര​ഖ്യാ​പി​ച്ചു. നി​രോ​ധ​നം ലം​ഘി​ച്ച് പ്ര​ക​ട​ന​ങ്ങ​ളും സ​മ്മേ​ള​ന​ങ്ങ​ളും ന​ട​ത്ത​ണ​മെ​ന്ന് കെ.​പി.​സി.​സി സെ​ക്ര​ട്ട​റി കെ.​ ദാ​മോ​ദ​ര​ൻ ആ​ഹ്വാ​നം ചെ​യ്തു. ആ​കെ ആ​വേ​ശ​മാ​യി.

ചി​റ​ക്ക​ൽ താ​ലൂ​ക്കി​ലെ പ്ര​തി​ഷേ​ധ​ സ​മ്മേ​ള​ന​ത്തോ​ടൊ​പ്പം ക​ർ​ഷ​ക​റാ​ലി​യും ന​ട​ത്തു​മെ​ന്ന് പ്ര​ഖ്യാ​പ​ന​മു​ണ്ടാ​യി. കീ​ച്ചേ​രി​യി​ലാ​ണ് സ​മ്മേ​ള​ന​ ന​ഗ​രി. ചു​റ്റു​മു​ള്ള ഗ്രാ​മ​ങ്ങ​ളി​ൽ​നി​ന്ന് ആ​ളു​ക​ൾ പ്ര​ക​ട​ന​മാ​യി കീ​ച്ചേ​രി​യി​ലേ​ക്ക് നീ​ങ്ങി. വ​ള​പ​ട്ട​ണം എ​സ്.​ഐ കു​ട്ടി​കൃ​ഷ്ണ മേ​നോ​നും സം​ഘ​വും അ​വി​ടെ​യെ​ത്തി സ​മ്മേ​ള​നം നി​രോ​ധി​ച്ച​താ​യി അ​റി​യി​ച്ചു. നേ​താ​ക്ക​ൾ കൂ​ടി​യാ​ലോ​ചി​ച്ച് സ​മ്മേ​ള​നം മൊ​റാ​ഴ​യി​ലേ​ക്ക് മാ​റ്റാ​ൻ തീ​രു​മാ​നി​ച്ചു. മൊ​റാ​ഴ​യി​ലെ അ​ഞ്ചാം​പീ​ടി​ക​യി​ൽ. ത​ളി​പ്പ​റ​മ്പ് പൊലീസ് സ്റ്റേ​ഷ​ന്‍റെ പ​രി​ധി​യി​ലാ​ണ് മൊ​റാ​ഴ. ജാ​ഥ​ക​ളെ​ല്ലാം അ​ങ്ങോ​ട്ട് തി​രി​ച്ചു​വി​ട്ടു.

കെ.​പി.​സി.​സി​യു​ടെ ആ​ഹ്വാ​നപ്ര​കാ​ര​മാ​ണ് സം​ഘ​ടി​പ്പി​ച്ച​തെ​ങ്കി​ലും ചെ​ങ്കൊ​ടി​യാ​ണ് എ​ങ്ങും​ പാ​റു​ന്ന​ത്. തൊ​ഴി​ലാ​ളി​ യൂ​നിയ​നും ക​ർ​ഷ​ക​സം​ഘ​ത്തി​നു​മൊ​ക്കെ ചെ​ങ്കൊ​ടി​യാ​ണു​ള്ള​ത്. വി​ഷ്ണു​ഭാ​ര​തീ​യ​നാ​ണ് പ്ര​തി​ഷേ​ധ​സ​മ്മേ​ള​ന​ത്തി​​ന്റെ അ​ധ്യ​ക്ഷ​ൻ. സ​മ്മേ​ള​നം തു​ട​ങ്ങാ​റാ​യ​പ്പോ​ഴേ​ക്ക് വ​ള​പ​ട്ട​ണം എ​സ്.​ഐ കു​ട്ടി​കൃ​ഷ്ണ​മേ​നോ​ൻ ത​ളി​പ്പ​റ​മ്പി​ലെ പൊലീസ് സം​ഘ​ത്തെയും​കൂ​ട്ടി മൊ​റാ​ഴ​യി​ലെ​ത്തി. നി​രോ​ധ​നാ​ജ്ഞ പ്ര​ഖ്യാ​പി​ച്ചി​രി​ക്കു​ക​യാ​ണെ​ന്നും എ​ല്ലാ​വ​രും പി​ര​ിഞ്ഞു​പോ​ക​ണ​മെ​ന്നും പൊലീസ് വി​ളി​ച്ചു​പ​റ​ഞ്ഞു. വി​ഷ്ണു​ഭാ​ര​തീ​യ​ൻ സ്റ്റേ​ജി​ൽ​ ക​യ​റി മ​റു​പ​ടി​ പ​റ​ഞ്ഞു: “യോ​ഗം അ​വ​സാ​നി​ച്ചാ​ൽ എ​ല്ലാ​വ​രും പി​രി​ഞ്ഞു​പോ​യി​ക്കോ​ളും.”​ അ​പ്പോ​ൾ മ​യ്യി​ൽ ക​യ​ര​ളം ഭാ​ഗ​ത്തു​നി​ന്നു​ള്ള വ​ലി​യൊ​രു ജാ​ഥ സ​മ്മേ​ള​ന​സ്ഥ​ല​ത്തേ​ക്ക് ക​ട​ന്നു​വ​രു​ന്നു​ണ്ടാ​യി​രു​ന്നു.

പൊലീസ് ആ ​ജാ​ഥ​ക്കു​നേ​രെ തി​രി​ഞ്ഞു. ജാ​ഥ​ ന​യി​ച്ചി​രു​ന്ന അ​റാ​ക്ക​ൽ കു​ഞ്ഞി​രാ​മ​നും കൂ​ടെ​യു​ള്ള​വ​രും പൊലീസി​നെ നേ​രി​ട്ടു. അ​ടി​യാ​യി. അ​ങ്ങോ​ട്ടു​മി​ങ്ങോ​ട്ടും അ​ടി. പൊലീസ് വെ​ടി​വെ​ച്ചു. ജ​ന​ക്കൂ​ട്ടം കൈയി​ൽ​കി​ട്ടി​യ വ​ടി​ക​ളു​മാ​യി പൊലീസു​കാ​രെ വ​ള​ഞ്ഞി​ട്ട് ത​ല്ലി. ക​ല്ലെ​ടു​ത്തെ​റി​ഞ്ഞു. സ​ബ്ഇ​ൻ​സ്പെ​ക്ട​ർ കൃ​ഷ്ണ​ൻ​കു​ട്ടി​ മേ​നോ​ൻ അ​വി​ടെ​ത്ത​ന്നെ മ​രി​ച്ചു​വീ​ണു. കോ​ൺ​സ്റ്റ​ബി​ൾ ഗോ​പാ​ല​ൻ ന​മ്പ്യാ​ർ ആ​ശു​പ​ത്രി​യി​ൽ​വെ​ച്ചും മ​രി​ച്ചു. ഇ​താ​ണ് മൊ​റാ​ഴ സം​ഭ​വം. അ​ന്ന് അ​തേ രം​ഗ​ങ്ങ​ളൊ​ക്കെ ത​ല​ശ്ശേ​രി​ ക​ട​പ്പു​റ​ത്തും അ​ര​ങ്ങേ​റി​യി​ട്ടു​ണ്ട്. അ​വി​ടെ ജ​വ​ഹ​ർ​ഘ​ട്ടി​ൽ വെ​ടി​വെ​പ്പു​ണ്ടാ​യി. അ​ബു​വെ​ന്ന അ​ധ്യാ​പ​ക​നും ചാ​ത്തു​കു​ട്ടി​യെ​ന്ന തൊ​ഴി​ലാ​ളി​യും ര​ക്ത​സാ​ക്ഷി​ക​ളാ​യി. കേ​ര​ള​ത്തി​ലെ ആ​ദ്യ​ത്തെ ക​മ്യൂ​ണി​സ്റ്റ് ര​ക്ത​സാ​ക്ഷി​ക​ൾ. അ​വ​രു​ടെ സ്മാ​ര​ക​സ്തൂ​പ​മാ​ണ് സി.​പി.​എം ധ​ർ​മ​ടം ഏ​രി​യ​ കമ്മി​റ്റി ഓ​ഫിസി​നു​ മു​ന്നി​ൽ ഇ​പ്പോ​ഴു​മു​ള്ള​ത്.

മൊ​റാ​ഴ സം​ഭ​വ​ത്തി​ൽ പ്ര​തി​ചേ​ർ​ത്താ​ണ് കെ.​പി.​ആ​ർ. ഗോ​പാ​ല​നെ തൂ​ക്കി​ക്കൊ​ല്ലാ​ൻ വി​ധി​ച്ച​ത്. ആ ​സം​ഭ​വ​ത്തോ​ടെ മൊ​റാ​ഴ എ​ന്ന ഗ്രാ​മം കേ​ര​ള​ത്തി​ന്‍റെ സ​മ​ര​ച​രി​ത്ര​ത്തി​ൽ എ​ന്നെ​ന്നേ​ക്കു​മാ​യി സ്ഥാ​നം​പി​ടി​ച്ചു. അ​തൊ​രു ക​മ്യൂ​ണി​സ്റ്റ് ഗ്രാ​മ​മാ​യി. നാ​ൾ​ക്കു​നാ​ൾ ചു​വ​ന്നു​വ​ന്നു. അ​മ്മ​മാ​ർ കു​ട്ടി​ക​ൾ​ക്ക് കെ.​പി.​ആ​ർ. ഗോ​പാ​ല​ന്റെയും വി​ഷ്ണു​ഭാ​ര​തീ​യ​ന്‍റേ​യും അ​റാ​ക്ക​ൽ കു​ഞ്ഞി​രാ​മ​ന്റെ​യും ക​ഥ​ പ​റ​ഞ്ഞു​കൊ​ടു​ത്തു. കാ​ല​മ​ങ്ങ​നെ ക​ഴി​ഞ്ഞു. പ​ത്തു​ പ​തി​മൂ​ന്ന് കൊ​ല്ലം ക​ഴി​ഞ്ഞ​പ്പോ​ൾ ആ ​ഗ്രാ​മ​ത്തി​ലെ മീ​ത്ത​ലെ​ വീ​ട്ടി​ൽ മാ​ധ​വി​ക്ക് ഒ​രാ​ൺ​കു​ട്ടി പി​റ​ന്നു. അ​വ​ന് ഗോ​വി​ന്ദ​ൻ എ​ന്നു പേ​രി​ട്ടു.

1953 ഏ​പ്രി​ൽ 23നാ​ണ് ഗോ​വി​ന്ദ​ന്‍റെ ജ​ന​നം. അ​ച്ഛ​ൻ കു​ഞ്ഞ​മ്പു ആ​ന്തൂ​ർ കോ​ട്ട​ല്ലൂ​ർ​ക്കാ​ര​നാ​ണ്. മാ​ധ​വി​യും കു​ഞ്ഞ​മ്പു​വും ക​ർ​ഷ​ക​ത്തെ​ാഴി​ലാ​ളി​ക​ളാ​ണ്. കു​ഞ്ഞ​മ്പു ചി​ല​പ്പോ​ൾ ഈ​ർ​ച്ച​പ്പ​ണി​ക്കും പോ​വും. വേ​റെ​യും മ​ക്ക​ളു​ണ്ട്. ജീ​വി​ത​ത്തി​ന്‍റെ ര​ണ്ട​റ്റ​വും കൂ​ട്ടി​മു​ട്ടി​ക്കാ​ൻ പാ​ടു​പെ​ടു​ക​യാ​ണ്. അ​തി​നാ​ൽ മാ​ധ​വി ഗോ​വി​ന്ദ​നെ അ​മ്മ​യു​ടെ വീ​ട്ടി​ലാ​ക്കി. അ​ത് മൊ​റാ​ഴ​യി​ലാ​ണ​ല്ലോ. അ​വി​ടെ അ​മ്മ​മ്മ​യു​ണ്ട്. അ​മ്മാ​വ​നു​ണ്ട്. അ​മ്മാ​വ​ൻ രാ​ഘ​വ​ൻ കമ്യൂണിസ്റ്റ് പാർട്ടി രൂ​പം​കൊ​ണ്ട കാ​ലം​മു​ത​ൽ പാ​ർ​ട്ടി​യം​ഗ​മാ​ണ്.

ഗോ​വി​ന്ദ​ൻ പ​ഠി​ച്ച​ത് വീ​ടി​നടു​ത്തു​ത​ന്നെ​യു​ള്ള മൊ​റാ​ഴ സെ​ൻ​ട്ര​ൽ യു.​പി സ്കൂളി​ലാ​ണ്. അ​തി​ന​ടു​ത്തു​ത​ന്നെ ന​ല്ലൊ​രു വാ​യ​ന​ശാ​ല​യു​മു​ണ്ട്. മൊ​റാ​ഴ ഗ്രാ​മീ​ണ വാ​യ​ന​ശാ​ല. പി​ന്നീ​ട് പ​ത്താം​ക്ലാ​സ് വ​രെ ക​ല്യാ​ശ്ശേ​രി ഹൈ​സ്കൂളി​ൽ പ​ഠി​ച്ചു. അ​തും​ ക​ഴി​ഞ്ഞ​പ്പോ​ൾ കോ​ഴി​ക്കോ​ട് ഫി​സി​ക്ക​ൽ എ​ജു​ക്കേ​ഷ​ൻ കോ​ള​ജി​ൽ ചേ​ർ​ന്നു. അ​വി​ടെ​നി​ന്നി​റ​ങ്ങി​യ​പ്പോ​ൾ പ​രി​യാ​ര​ത്തി​ന​ടു​ത്ത ഇ​രി​ങ്ങ​ൽ സ്കൂളി​ൽ ജോ​ലി​ക്കു​ ക​യ​റി. കാ​യി​കാ​ധ്യാ​പ​ക​നാ​ണ്. 75 രൂ​പ​യാ​ണ് ശ​മ്പ​ളം. അ​ന്ന് വ​യ​സ്സ് 19.

വാ​യ​ന​ശാ​ല​യി​ലെ വാ​യ​ന ഗോ​വി​ന്ദ​ന്‍റെ കാ​ഴ്ചപ്പാ​ടു​ക​ൾ​ക്ക് തെ​ളി​ച്ചം​ കൊ​ടു​ത്തി​രു​ന്നു. മൊ​റാ​ഴ യു.​പി സ്കൂളി​ൽ പ​ഠി​ക്കു​മ്പോ​ഴേ ബാ​ല​സം​ഘം രൂ​പവത്​ക​രി​ക്കാ​നൊ​ക്കെ മു​ൻ​കൈ​യെടു​ത്ത​ത് അ​തു​കൊ​ണ്ടാ​ണ​ല്ലോ. അ​മ്മാ​വ​ൻ പാ​ർ​ട്ടി​ക്കാ​ര​നാ​യ​തു​കൊ​ണ്ട് മൊ​റാ​ഴ​ ഭാ​ഗ​ത്തെ പാ​ർ​ട്ടി​യു​ടെ​യും ബ​ഹു​ജ​ന​ സം​ഘ​ട​ന​ക​ളു​ടെ​യു​മൊ​ക്കെ യോ​ഗ​ങ്ങ​ൾ മീ​ത്ത​ലെ​ വീ​ട്ടി​ലാ​ണ് ചേ​ർ​ന്നി​രു​ന്ന​ത്. അ​തു​വ​ഴി രാ​ഷ്ട്രീ​യ​ത്തി​ന്‍റെ പാ​ഠ​ങ്ങ​ളും​ പ​ഠി​ച്ചു. കാ​യി​കാ​ധ്യാ​പ​ക​നാ​യ​തോ​ടെ പാ​ർ​ട്ടി​ വ​ള​ന്റിയ​ർ​മാ​ർ​ക്ക് പ​രി​ശീ​ല​നം കൊ​ടു​ക്കാ​ൻ തു​ട​ങ്ങി. അ​തോ​ടൊ​പ്പം രാ​ഷ്ട്രീ​യ​ വി​ദ്യാ​ഭ്യാ​സം ല​ക്ഷ്യം​വെ​ച്ച് ക്ലാ​സു​ക​ളും എ​ടു​ത്തു​തു​ട​ങ്ങി.

കല്യാശ്ശേ​രി സ്കൂളി​ലെ പ​ഠ​നം​ക​ഴി​ഞ്ഞ് ഇ​റ​ങ്ങി​യ​പ്പോ​ൾ​തന്നെ പാ​ർ​ട്ടി​യു​ടെ ത​ളി​പ്പ​റ​മ്പ് ഏ​രിയ ​ക​മ്മ​ിറ്റി ഓ​ഫിസി​ൽ സ​ഹാ​യി​യാ​യി ചെ​ല്ലാ​ൻ നേ​താ​ക്ക​ൾ ആ​വ​ശ്യ​പ്പെ​ട്ടി​രു​ന്നു. അ​ത് അ​നു​സ​രി​ച്ചു. പി​ന്നീ​ട് ഇ​രി​ങ്ങ​ൽ സ്കൂളി​ൽ മാ​ഷാ​യ​പ്പോ​ൾ പോ​കു​മ്പോ​ഴും വ​രു​മ്പോ​ഴും പാ​ർ​ട്ടി​ ഓ​ഫിസി​ൽ ക​യ​റു​ക ശീ​ല​മാ​യി. അ​ങ്ങ​നെ​യ​ങ്ങ​നെ എം.​വി. ഗോ​വി​ന്ദ​ൻ കമ്യൂണിസ്റ്റാ​യി. ജൈ​വ​ കമ്യൂണിസ്റ്റ്. 1970ൽ ​പാ​ർ​ട്ടി​യം​ഗ​മാ​യി. ഒ​ഴ​ക്രോം, പ​ണ്ണേ​രി തു​ട​ങ്ങി​യ ബ്രാ​ഞ്ചു​ക​ളു​ടെ സെ​ക്ര​ട്ട​റി​യാ​യി. ആ​ന്തൂ​ർ ലോ​ക്ക​ൽ​ ക​മ്മി​റ്റി​യി​ൽ അം​ഗ​മാ​യി. മൊ​റാ​ഴ ബ്രാ​ഞ്ചി​ന്റെ​യോ ആ​ന്തൂ​ർ ലോ​ക്ക​ലി​​ന്റെ​യോ ത​ളി​പ്പ​റ​മ്പ് ഏ​രി​യ​യു​ടെ​യോ സെ​ക്ര​ട്ട​റി​യാ​യി​ട്ടി​ല്ല. പ​ക്ഷേ, ഏ​തെ​ങ്കി​ലു​മൊ​രു പാ​ർ​ട്ടി​ഘ​ട​കം ദു​ർ​ബ​ല​മാ​ണെ​ന്ന് ക​ണ്ടാ​ൽ സെ​ക്ര​ട്ട​റി​യാ​യി എം.​വി.​ ഗോ​വി​ന്ദ​ൻ മാ​ഷെ അ​യ​ക്കു​ന്ന പ​തി​വ് സി.​പി.​എ​മ്മി​ലു​ണ്ടാ​യി​രു​ന്നു. കാ​സ​ർ​കോ​ട്ട് ഏ​രി​യ​ സെ​ക്ര​ട്ട​റി​യാ​യി പ്ര​വ​ർ​ത്തി​ച്ച​തും എ​റ​ണാ​കു​ള​ത്ത് ജി​ല്ല സെ​ക്ര​ട്ട​റി​യാ​യി പ്ര​വ​ർ​ത്തി​ച്ച​തും അ​ങ്ങ​നെ​യാ​ണ്.

ഡി.​വൈ.​എ​ഫ്.​ഐ രൂ​പവത്​ക​രി​ക്കു​ന്ന​തി​നു മു​മ്പേ യു​വ​ജ​ന​സം​ഘ​ട​ന​യു​ടെ നേ​തൃ​നി​ര​യി​ലു​ണ്ട്. ആ​ദ്യ​രൂ​പം കെ.​എ​സ്.​വൈ.​എ​ഫാ​യി​രു​ന്നു. കേ​ര​ള​ സ്റ്റേ​റ്റ് യു​വ​ജ​ന ഫെ​ഡ​റേ​ഷ​ൻ. 1968ൽ ​വൈ.​എ​ഫി​ന്‍റെ രൂ​പവത്ക​ര​ണ​ സ​മ്മേ​ള​നം കോ​ഴി​ക്കോ​ട് ചേ​രു​മ്പോ​ൾ സ​ജീ​വ​മാ​യി അ​വി​ടെ​യു​ണ്ട്. അ​ടി​യ​ന്തരാ​വ​സ്ഥ​ക്കാ​ല​ത്ത് ജ​യി​ലി​ലു​ണ്ട്. 1979ൽ ​ഡി.​വൈ.എ​ഫ്.​ഐ രൂ​പവത്ക​രി​ക്കാ​ൻ ആ​ലോ​ചി​ക്കു​മ്പോ​ൾ അ​തി​നു​ള്ള പ്രി​പ​റേ​റ്റ​റി ക​മ്മ​ിറ്റി​യി​ലു​ണ്ട്. അ​ഖി​ലേ​ന്ത്യാ​ടി​സ്ഥാ​ന​ത്തി​ൽ ഡി.​വൈ.​എ​ഫ്.​ഐ രൂ​പം​കൊ​ണ്ട​പ്പോ​ൾ ആ​ദ്യ​ത്തെ സം​സ്ഥാ​ന​ ക​മ്മി​റ്റി​യു​ടെ പ്ര​സി​ഡ​ന്റായി പ്ര​വ​ർ​ത്തി​ച്ചി​ട്ടു​ണ്ട്.

അ​ങ്ങ​നെ​യ​ങ്ങ​നെ ആ​വോ​ളം അ​നു​ഭ​വ​സ​മ്പ​ത്തും സം​ഘാ​ട​ക​വൈ​ഭ​വ​വും രാ​ഷ്ട്രീ​യ​വ്യ​ക്ത​ത​യും ഉ​ള്ള​തു​കൊ​ണ്ടാ​ണ് ഇ​പ്പോ​ൾ സി.​പി.​എ​മ്മി​ന്‍റെ സം​സ്ഥാ​ന​ സെ​ക്ര​ട്ട​റി​ സ്ഥാ​ന​ത്ത് ഇ​രി​ക്കു​ന്ന​ത്. 2022 ആ​ഗ​സ്റ്റി​ൽ കോടി​യേ​രി ബാ​ല​കൃ​ഷ്ണ​ൻ രോ​ഗാ​വ​സ്ഥ​ കാ​ര​ണം സ്ഥാ​ന​മൊ​ഴി​ഞ്ഞ​പ്പോ​ൾ പാ​ർ​ട്ടി​ക്കു​ മു​ന്നി​ലു​ള്ള സ്വാ​ഭാ​വി​ക​ ബ​ദ​ൽ മ​റ്റാ​രു​മാ​യി​രു​ന്നി​ല്ല. 1998 സെ​പ്റ്റം​ബ​റി​ൽ ച​ട​യ​ൻ ഗോ​വി​ന്ദ​ൻ അ​ന്ത​രി​ച്ച​പ്പോ​ൾ, മ​ന്ത്രി​യാ​യി​രു​ന്ന പി​ണ​റാ​യി വി​ജ​യ​ൻ ആ ​സ്ഥാ​നം ഒ​ഴി​ഞ്ഞ് പാ​ർ​ട്ടി സെ​ക്ര​ട്ട​റി​യാ​യ രം​ഗം അ​തേ​പോ​ലെ ആ​വ​ർ​ത്തി​ക്കു​ക​യാ​യി​രു​ന്നു കോ​ടി​യേ​രി​ക്ക് പി​ന്നാ​ലെ എം.​വി. ഗോ​വി​ന്ദ​ൻ സി.​പി.​എം സെ​ക്ര​ട്ട​റി​യാ​യ​പ്പോ​ൾ.

2022 ആ​ഗ​സ്റ്റ് 28നാ​ണ് സി.​പി എം ​സം​സ്ഥാ​ന​ ക​മ്മി​റ്റി ഗോ​വി​ന്ദ​ൻ​ മാ​ഷെ സെ​ക്ര​ട്ട​റി​യാ​യി തെ​ര​ഞ്ഞെ​ടു​ത്ത​ത്. സെ​പ്റ്റം​ബ​ർ ര​ണ്ടി​ന് മ​ന്ത്രി​സ്ഥാ​നം രാ​ജി​വെ​ച്ച് പാ​ർ​ട്ടി​ സെ​ക്ര​ട്ട​റി​സ്ഥാ​നം ഏ​റ്റെ​ടു​ത്തു. കോടി​യേ​രി ബാ​ല​കൃ​ഷ്ണ​ൻ 2002 ഒ​ക്ടോ​ബ​ർ ഒ​ന്നി​ന് അ​ന്ത​രി​ച്ചു. അ​പ്പോ​ൾ പോ​ളി​റ്റ് ബ്യൂ​റോ​യിലു​ണ്ടാ​യ ഒ​ഴി​വി​ലേ​ക്ക് ആ ​മാ​സം 31ന് ​ഗോ​വി​ന്ദ​ൻ​ മാ​ഷെ തെ​ര​ഞ്ഞെ​ടു​ത്തു. സെ​ക്ര​ട്ട​റി​സ്ഥാ​ന​ത്തേ​ക്ക് വ​രു​മ്പോ​ൾ മാ​ധ്യ​മ​ങ്ങ​ളി​ലു​ള്ള​ത് സി.​പി.​എ​മ്മി​ന്‍റെ സൈ​ദ്ധാ​ന്തി​കാ​ധ്യാ​പ​ക​ൻ എ​ന്ന പ്ര​തി​ച്ഛാ​യ​യാ​ണ്. വ​ള​ന്റി​യ​ർ പ​രി​ശീ​ല​ക​നാ​യി തു​ട​ങ്ങി സൈ​ദ്ധാ​ന്തി​ക​നാ​യി വ​ള​ർ​ന്ന മാ​ഷ് ഇ​തി​നി​ടെ ദേ​ശാ​ഭി​മാ​നി​യു​ടെ​യും ‘മാ​ർ​ക്സി​സ്റ്റ് സം​വാ​ദ​’മെ​ന്ന സൈ​ദ്ധാ​ന്തി​ക പ്ര​സി​ദ്ധീ​ക​ര​ണ​ത്തി​ന്‍റെ​യും ചീ​ഫ് എ​ഡി​റ്റ​റാ​യി പ്ര​വ​ർ​ത്തി​ച്ചി​ട്ടു​ണ്ട്.

സി.​പി.​എ​മ്മി​ന്‍റെ പോ​ളി​റ്റ്ബ്യൂ​റോ അം​ഗ​മാ​യും സം​സ്ഥാ​ന​ സെ​ക്ര​ട്ട​റി​യാ​യും ഒ​രു വ​ർ​ഷം പി​ന്നി​ടു​മ്പോ​ൾ ‘മാ​ധ്യ​മം ആ​ഴ്ച​പ്പ​തി​പ്പ്’ ഗോ​വി​ന്ദ​ൻ മാ​ഷു​മാ​യി സം​സാ​രി​ക്കു​ന്നു. വി​ശ​ദ​മാ​യ ആ ​സം​ഭാ​ഷ​ണ​ത്തി​ന്‍റെ പൂ​ർ​ണ​രൂ​പമാണ്​ ചുവടെ:

ഇ​ന്ത്യ​യി​ലെ ഏ​റ്റ​വും​ ശ​ക്ത​മാ​യ കമ്യൂണിസ്റ്റ് പാ​ർ​ട്ടി​യു​ടെ ഏ​റ്റ​വും​ കരുത്തുള്ള ഘ​ട​ക​ത്തി​ന്‍റെ സെ​ക്ര​ട്ട​റി​യാ​ണ് മാ​ഷ്. ആ ​പ​ദ​വി​യി​ലേ​ക്ക് മാ​ഷ് വ​രു​ന്ന കാ​ല​മെ​ന്നു പ​റ​യു​ന്ന​ത് പ്ര​ധാ​ന​പ്പെ​ട്ട​താ​ണ്. രാ​ജ്യം പൊ​തു​വി​ലും കേ​ര​ള​സ​മൂ​ഹം സ​വി​ശേ​ഷി​ച്ചും നി​ര​വ​ധി പ്ര​ശ്ന​ങ്ങ​ളെ നേ​രി​ടു​ന്ന കാ​ല​മാ​ണ്. ഈ ​പ്ര​ശ്ന​ങ്ങ​ളെ മാ​ഷ് എ​ങ്ങ​നെ​യാ​ണ് വ​ർ​ഗീക​രി​ച്ചി​ട്ടു​ള്ള​ത്?

അ​ല്ല. ഇ​ത്പ്പം ഒ​റ്റ​പ്പെ​ട്ട ഒ​രു സം​ഭ​വൊ​ന്നു​മ​ല്ല. ന​മ്മ​ളി​തി​നെ കൃ​ത്യ​മാ​യി​ട്ട് അ​വ​ലോ​ക​നം ചെ​യ്യു​മ്പ​ഴ് ഇ​തൊ​രു തു​ട​ർ​ച്ച​യാ​ണ്. അ​താ​യ​ത്, ഇ​ന്ത്യ​ൻ സ​മ്പ​ദ് വ്യ​വ​സ്ഥ ഗു​രു​ത​ര​മാ​യ പ്ര​തി​സ​ന്ധി​യെ അ​ഭി​മു​ഖീ​ക​രി​ക്കു​ന്നു​ണ്ട്. അ​തി​ന് ര​ണ്ട് അ​ടി​സ്ഥാ​ന​ കാ​ര​ണ​ങ്ങ​ളാ​ണു​ള്ള​ത്. ഒ​ന്ന്, ഫ്യൂ​ഡ​ൽ സ​മൂ​ഹ​ത്തി​ന്‍റെ മേ​ലെ, അ​താ​യ​ത് ജീ​ർ​ണ​മാ​യ, അ​ന്ധ​വി​ശ്വാ​സ ജ​ടില​വും ശാ​സ്ത്ര​വി​രു​ദ്ധ​ത​യും ഉ​ൾ​പ്പെ​ടെ ഉ​ൾ​ക്കൊ​ള്ളു​ന്ന പ​ഴ​യ​കാ​ല ആ​ശ​യ​ങ്ങൾ, എ​ന്നു പ​റ​ഞ്ഞാ​ൽ മു​ത​ലാ​ളി​ത്ത​പൂ​ർ​വമാ​യ ആ​ശ​യ​ങ്ങ​ളു​ടെ ഒ​രു പ​ശ്ചാ​ത്ത​ല​ത്തി​ലാ​ണ് മു​ത​ലാ​ളി​ത്തം കെ​ട്ടി​പ്പൊ​ക്കി​യ​ത്.

എ​ന്നു​പ​റ​ഞ്ഞാ​ൽ, ലോ​ക​ത്ത് വി​ക​സി​ത​ രാ​ജ്യ​ങ്ങ​ളെ​യെ​ല്ലാം എ​ടു​ത്തു​ പ​രി​ശോ​ധി​ച്ചാ​ലും പൊ​തു​വേ ജ​നാ​ധി​പ​ത്യ​ രാ​ജ്യ​ങ്ങ​ളെ​യെ​ടു​ത്തു പ​രി​ശോ​ധി​ച്ചു​ നോ​ക്കി​യാ​ലും അ​വി​ടെ​യൊ​ക്കെ ബൂ​ർ​ഷ്വാ​സി​യു​ടെ നേ​തൃ​ത്വ​ത്തി​ൽ ജ​നാ​ധി​പ​ത്യ​ വി​പ്ല​വം ന​ട​ന്നി​ട്ടു​ണ്ട്. ബൂ​ർ​ഷ്വാ​സി​യു​ടെ നേ​തൃ​ത്വ​ത്തി​ൽ ജ​നാ​ധി​പ​ത്യ​ വി​പ്ല​വം ന​ട​ന്നി​ട്ടു​ണ്ട​ല്ലോ. അ​തു​കൊ​ണ്ടാ​ണ​ല്ലോ ബൂ​ർ​ഷ്വാ​ ജ​നാ​ധി​പ​ത്യ​വി​പ്ല​വം എ​ന്ന് പ​റ​യു​ന്ന​ത് ലോ​ക​ത്ത് എ​വി​ടെയും അ​ങ്ങ​നെ​യാ​ണ്. എ​ന്നാ​ലി​വി​ടെ ഈ ​ബൂ​ർ​ഷ്വാ ജ​നാ​ധി​പ​ത്യ​വി​പ്ല​വം ന​ട​ത്തീ​ല്ല. ന​ട​ന്നി​ല്ല. നാ​ൽ​പത്തേ​ഴ് ആ​ഗ​സ്റ്റ് 15ന് ​ന​മു​ക്ക് സ്വാ​ത​ന്ത്ര്യം കി​ട്ടി. സ്വാ​ത​ന്ത്ര്യം കി​ട്ടി​യ​പ്പോ​ൾ ജാ​തി​-ജ​ന്മി​-നാ​ടു​വാ​ഴി വ്യ​വ​സ്ഥ​യു​ടെ അ​വ​സ്ഥ​യാ​യി​രു​ന്നു. അ​ത് മാ​റ്റി​യി​ല്ല.

ജാ​തി, ജ​ന്മി, നാ​ടു​വാ​ഴി വ്യ​വ​സ്ഥ​യെ ഒ​രു​ത​ര​ത്തി​ലും പോ​റ​ലേ​ൽ​പി​ക്കാ​തെ​യാ​ണ് ഇ​ന്ത്യ​ക്ക് സ്വാ​ത​ന്ത്ര്യം കൈ​മാ​റി​യ​തി​ന് ശേ​ഷം ഇ​ന്ത്യ​ൻ​ ഭ​ര​ണ​കൂ​ടം, അ​ല്ല ഇ​ന്ത്യ​ൻ​ ഭ​ര​ണ​വ​ർ​ഗം നി​ല​പാ​ട് സ്വീ​ക​രി​ച്ച് മു​മ്പോ​ട്ടേ​ക്ക് പോ​യ​ത്. അ​തി​ന്‍റെ ഫ​ലം എ​ന്താ... മു​ത​ലാ​ളി​ത്ത വി​ക​സ​ന​പാ​ത​യാ​ണ് –അ​തി​ൽ ത​ർ​ക്ക​മി​ല്ല. ഈ ​മു​ത​ലാ​ളി​ത്തം കെ​ട്ടി​പ്പൊ​ക്കി​യ​ത് ഈ ​ഫ്യൂ​ഡ​ൽ ജീ​ർ​ണ​ത​യി​ലാ​ണ്.

അ​തി​ൽ ആ​ദ്യ​ഘ​ട്ട​ത്തി​ൽ ജ​വ​ഹ​ർ​ലാ​ൽ നെ​ഹ്റു ഉ​ൾ​പ്പെടെ​യു​ള്ള ആ​ളു​ക​ൾ ഭൗ​തി​ക​മാ​യ നി​ല​പാ​ട് സ്വീ​ക​രി​ച്ചി​രു​ന്നു, അ​താ​യ​ത് ബൂ​ർ​ഷ്വാ ​ജ​നാ​ധി​പ​ത്യ മു​ദ്രാ​വാ​ക്യ​ങ്ങ​ൾ പ​ല​തും മു​മ്പോ​ട്ടേ​ക്ക് വെ​ച്ചി​രു​ന്നു. പ​ക്ഷേ, അ​തൊ​ന്നും പ്രാ​വ​ർ​ത്തി​ക​മാ​കു​ന്ന നി​ല സ്വീ​ക​രി​ച്ചി​ല്ല. പ്ര​ത്യേ​കി​ച്ച്, കൃ​ഷി​ഭൂ​മി കൃ​ഷി​ക്കാ​ര​ന്, എ​ന്നു പ​റ​ഞ്ഞാ​ൽ ഭൂ​ബ​ന്ധ​ത്തി​ലു​ള്ള മൗ​ലി​ക​മാ​യ മാ​റ്റമാ​ണ് യ​ഥാ​ർ​ഥത്തി​ൽ ഇ​തി​ന്‍റെ അ​ടി​ത്ത​റ ത​ക​ർ​ക്കാ​നു​ള്ള ഒ​രു പ്ര​ധാ​ന​പ്പെ​ട്ട കാ​ര്യം. അ​ത് ന​ട​ന്ന​തേ​യി​ല്ല.

അ​ത് കേ​ര​ള​ത്തി​ലും ബം​ഗാ​ളി​ലും മാ​ത്ര​മാ​ണ​ല്ലോ ന​ട​ന്ന​ത്...

ബം​ഗാ​ളി​ൽ​ത​ന്നെ പൂ​ർ​ണ​മാ​യി​ട്ടി​ല്ല. കേ​ര​ള​ത്തി​ലാ​ണ് ന​ട​ന്ന​ത്. ജ​നാ​ധി​പ​ത്യ​ വി​പ്ല​വ​ത്തി​ന്‍റെ ഒ​രു ഭാ​ഗാ​ അത്. അ​ത് ന​ട​ന്നി​ല്ല. അ​ത് കേ​ര​ള​ത്തി​ലാ​ണ് ഒ​രു പ​രി​ധി​വ​രെ ന​ട​ന്ന​ത്. ഭൂ​ബ​ന്ധ​ത്തി​ൽ മൗ​ലി​ക​മാ​യ മാ​റ്റം ഇ​വി​ടെ ഉ​ണ്ടാ​യി​ട്ടു​ണ്ട്. ഭൂ​പ്ര​ഭു​ത്വം അ​വ​സാ​നി​ച്ചി​ട്ടി​ല്ല. ഭൂ​പ്ര​ഭു​ത്വ​ത്തി​ന്‍റെ അ​വ​ശി​ഷ്ട​ങ്ങ​ളു​ണ്ട്. പ​ക്ഷേ, ജ​ന്മി​ത്തം അ​വ​സാ​നി​പ്പി​ച്ചു. ജ​ന്മി​ത്തം അ​വ​സാ​നി​പ്പി​ക്കു​ന്ന നി​ല കേ​ര​ള​ത്തി​ലാ​ണ് ഫ​ല​പ്ര​ദ​മാ​യി​ട്ട് ന​ട​ന്ന​ത്. അ​പ്പോ ഞാ​ൻ പ​റ​ഞ്ഞു​വ​രു​ന്ന​ത് എ​ന്താ​ന്ന് പ​റ​ഞ്ഞാ​ൽ, ഇ​ന്ന​ത്തെ ഇ​ന്ത്യ​ൻ പ​ശ്ചാ​ത്ത​ല​ത്തി​ന്‍റെ മൗ​ലി​ക​മാ​യ പ്ര​ശ്ന​മൊ​ന്നും ഈ ​ജ​നാ​ധി​പ​ത്യ​വി​പ്ല​വ​ത്തി​ന്‍റെ ച​രി​ത്ര​പ​ര​മാ​യ ദൗ​ത്യം നി​ർ​വ​ഹി​ക്കാ​ൻ ക​ഴി​യാ​ത്ത ഭ​ര​ണ​വ​ർ​ഗം, മു​ത​ലാ​ളി​ത്ത വ​ള​ർ​ച്ച​ക്ക് ഈ ​അ​ടി​ത്ത​റ​യെ​യാ​ണ് ഉ​പ​യോ​ഗി​ച്ച​ത് എ​ന്നു​ള്ള​താ​ണ്. ഇ​താ​ണ് ഒ​രു പ്ര​ധാ​ന​പ്പെ​ട്ട ഘ​ട​കം.

ര​ണ്ടാ​മ​ത്തെ ഘ​ട​കം, ഈ ​രാ​ജ്യ​ത്തി​ന്‍റെ സ​മ്പ​ത്ത് മു​ഴു​വ​ൻ വ​ള​രെ ചു​രു​ക്കം​വ​രു​ന്ന ആ​ളു​ക​ളു​ടെ കൈ​ക​ളി​ലേ​ക്ക് എ​ത്തി​പ്പെ​ടു​ന്ന​താ​ണ്. കു​ത്ത​ക​വ​ത്കരി​ച്ചു. ഇ​ന്ത്യ​യി​ൽ 47 ശ​ത​മാ​ന​ത്തോ​ളം സ​മ്പ​ത്ത് ഒ​രു ശ​ത​മാ​ന​ത്തി​ന്‍റെ കൈയി​ലെ​ത്തി. 77 ശ​ത​മാ​ന​ത്തി​ല​ധി​കം സ​മ്പ​ത്ത് 10 ശ​ത​മാ​ന​ത്തി​ന്‍റെ കൈയിലെ​ത്തി. അ​പ്പോ, ഇ​വി​ടെ കാ​ണേ​ണ്ടു​ന്ന ഏ​റ്റ​വും പ്ര​ധാ​ന​പ്പെ​ട്ട ഒ​രു കാ​ര്യം, സ​മ്പ​ന്ന​ർ കൂ​ടു​ത​ൽ സ​മ്പ​ന്ന​രാ​കു​ന്നു, ദ​രി​ദ്ര​ർ കൂ​ടു​ത​ൽ ദ​രി​ദ്ര​രാ​കു​ന്നു എ​ന്നു​ള്ള മു​ത​ലാ​ളി​ത്ത സ​മ്പ​ദ് വ്യ​വ​സ്ഥ​യി​ലെ പ്ര​തി​സ​ന്ധി​യാ​ണ്. ഇ​തി​നെ​യാ​ണ് സാ​ധാ​ര​ണ മു​ത​ലാ​ളി​ത്ത​ കൊ​ഴ​പ്പം എ​ന്നുപ​റ​യു​ന്ന​ത്.

മു​ത​ലാ​ളി​ത്ത പ്ര​തി​സ​ന്ധി...

അ​തെ, മു​ത​ലാ​ളി​ത്ത പ്ര​തി​സ​ന്ധി എ​ന്നൊ​ക്കെ പ​റ​യു​ന്ന​ത്. ഈ ​പ്ര​തി​സ​ന്ധി അ​തി​ന്‍റെ തു​ട​ക്ക​ത്തി​ലാ​രം​ഭി​ച്ച​താ​ണ്. ഇ​തി​ന്‍റെ അ​വ​സാ​ന​ത്തി​ലേ അ​വ​സാ​നി​ക്കു​ക​യു​ള്ളൂ. ഇ​തി​ന്‍റെ​യ​ക​ത്ത്ന്ന് ഇ​പ്പോ അ​ദാ​നി​യെ​പ്പറ്റി​യും അം​ബാ​നി​യെ പ​റ്റി​യും വ്യ​ത്യ​സ്ത​മാ​യി​ട്ടൊ​ക്കെ ന​മ്മ​ള് പ​റ​യു​ന്നി​ല്ലേ. പ​ക്ഷേ, ഇ​തൊ​ക്കെ സൂ​ക്ഷ്മ​മാ​യി​ട്ട് പ​രി​ശോ​ധി​ച്ച് നോ​ക്കി​യാ​ൽ.., ജ​നാ​ധി​പ​ത്യ​വി​പ്ല​വം ന​ട​ത്തി​യി​രു​ന്നു​വെ​ങ്കി​ല് ലോ​ക​ത്തെ മു​ത​ലാ​ളി​ത്ത രാ​ജ്യ​ങ്ങ​ളി​ലെ​പ്പോ​ലെ ബൂ​ർ​ഷ്വാ​ സ​മ്പ​ദ് വ്യ​വ​സ്ഥ ശ​ക്തി​പ്പെ​ടു​ത്തു​ന്ന​തി​ന് വേ​ണ്ടി ഇ​വ​ർ​ക്ക് അ​തി​ന് മൂ​ല​ധ​നം കി​ട്ടു​മാ​യി​രു​ന്നു. എ​ന്നു പ​റ​ഞ്ഞാ​ൽ, ഭൂ​പ്ര​ഭു​വി​നെ​യും രാ​ജാ​വി​നെ​യും ച​ക്ര​വ​ർ​ത്തി​യെ​യും കൊ​ന്നാ​ൽ ശ​വം മാ​ത്ര​മ​ല്ല കി​ട്ടു​ക, ആ ​കാ​ലം​വ​രെ ഉ​ൽ​പാദി​പ്പി​ച്ച സ​മ്പ​ത്ത് മു​ഴു​വ​ൻ കൈ​ക്ക​ലാ​ക്കാ​നു​ള്ള സൗ​ക​ര്യ​മാ​ണ്. അ​തി​ന് ആ​ർ​ജിത​ മൂ​ല​ധ​നം എ​ന്നാ പ​റ​യു​ന്ന​ത്.

ഈ ​ആ​ർ​ജിത ​മൂ​ല​ധ​നം യ​ഥാ​ർ​ഥത്തി​ൽ ’47 ആ​ഗ​സ്റ്റ് 15ന് ​ദേ​ശീ​യ​ സ്വാ​ത​ന്ത്ര്യ​ത്തി​നുശേ​ഷം ഇ​വ​ർ​ക്ക് കി​ട്ടി​യി​ട്ടി​ല്ല. കി​ട്ടി​യോ, ഇ​ന്ത്യ​യി​ലെ ഏ​തെ​ങ്കി​ലും ബൂ​ർ​ഷ്വാ​സി​ക്ക്... ഈ ​പ​റ​യു​ന്ന ഏ​തെ​ങ്കി​ലും... ഇ​പ്പം ഇ​വി​ടെ ന​മ്മു​ടെ... ശ്രീ​പ​ത്മ​നാ​ഭ​സ്വാ​മി​ ക്ഷേ​ത്ര​ത്തി​ന്‍റെ അ​റ​ക​ളി​ലു​ള്ള​ത് ട്ര​ഷ​റി​യാ​ണ​ല്ലോ, രാ​ജ​വാ​ഴ്ച​യു​ടെ. അ​തൊ​ന്നും അ​വ​ർ​ക്ക് കി​ട്ടി​യി​ല്ല​ല്ലോ. ആ​ർ​ക്കും ബൂ​ർ​ഷ്വാ​സി​ക്കൊ​ന്നും കി​ട്ടി​യി​ല്ല​ല്ലോ. അ​ല്ലെ​ങ്കി മു​മ്പ​ത്... വി​പ്ല​വ​ത്തി​ന്‍റെ ഫ​ല​മാ​യാ​ണെ​ങ്കി​ല് അ​തെ​ല്ലാം ബൂ​ർ​ഷ്വാ​സി​യു​ടെ കൈയിൽ പോ​കു​മ​ല്ലോ. കോ​ടാ​നു​കോ​ടി സ​മ്പ​ത്ത് –ഞാ​നൊ​രു ഉ​ദാ​ഹ​ര​ണം പ​റ​ഞ്ഞ​ത് മാ​ത്ര​മാ​ണേ.

ഇ​ങ്ങ​നെ രാ​ജ്യ​ത്തി​ന്‍റെ സ​മ്പ​ത്ത് സ്വാ​യ​ത്ത​മാ​ക്കി​ക്കൊ​ണ്ടാ​ണ് മു​ത​ലാ​ളി​ത്തം ലോ​ക​ത്ത് എ​വി​ടേ​യും വ​ള​ർ​ന്ന​ത്. അ​താ​യ​ത് ക​പ്പ​ൽഛേ​ദം. ന​മ്മ​ള് ച​രി​ത്ര​ത്തി​​ന്റെ​ത​ന്നെ ഭാ​ഗ​മാ​യി​ട്ട് വ​രു​ക​യാ​ണ്... ക​പ്പ​ൽഛേ​ദം എ​ന്നു​പ​റ​ഞ്ഞാ​ൽ ക​പ്പ​ലു​ക​ൾ ത​ട്ടി​ക്കൊ​ണ്ടു​പോ​യി മൂ​ല​ധ​നം സ്വ​രൂ​പി​ക്കു​ക. ഇ​ങ്ങ​നെ ക​ട്ടി​റ്റാ​ണ്. ഇ​ങ്ങ​നെ ക​ട്ടു​വ​ള​ർ​ത്തി​യു​ണ്ടാ​ക്കു​ന്ന മൂ​ല​ധ​ന​ത്തി​നെ​യാ​ണ് സ​ഞ്ചി​ത​ മൂ​ല​ധ​നം എ​ന്നു പ​റ​യു​ന്ന​ത്. ഈ ​സ​ഞ്ചി​ത​ മൂ​ല​ധ​നം യ​ഥാ​ർ​ഥത്തി​ൽ ഇ​ന്ത്യ​ൻ ബൂ​ർ​ഷ്വാ​സി​ക്ക് അ​ന്ന് കി​ട്ടി​യി​രു​ന്നി​ല്ല. അ​തു​കൊ​ണ്ട് ലോ​ക​ത്തി​ലെ താ​ര​ത​മ്യേ​ന പി​ന്നി​ൽ​ നി​ൽ​ക്കു​ന്ന ബൂ​ർ​ഷ്വാ​സി​യാ​യി​രു​ന്നു ഇ​ന്ത്യ​ൻ ബൂ​ർ​ഷ്വാ​സി. ഒ​രു 55 കോ​ടി, 60 കോ​ടി അ​ത്ര​യേ അ​വ​ർ​ക്ക് ആ​സ്തി​യു​ണ്ടാ​യി​രു​ന്നു​ള്ളൂ.

ഇ​പ്പ​ഴ് ഈ ​സ​ഞ്ചി​ത​ മൂ​ല​ധ​നം ഇ​വ​ർ​ക്ക് കി​ട്ടി. ഇ​ന്ത്യ​ൻ ബൂ​ർ​ഷ്വാ​സി​ക്ക് സ​ഞ്ചി​ത​ മൂ​ല​ധ​നം കി​ട്ടി. അ​തെ​ങ്ങ​നെ​യാ... അ​താ​യ​ത്, ന​മ്മു​ടെ ഇ​ന്ത്യ​ൻ സ​മ്പ​ദ് വ്യ​വ​സ്ഥ​യു​ടെ ഒ​രു അ​വി​ഭാ​ജ്യ ഘ​ട​ക​മാ​യി​ട്ട് നെഹ്റുവി​യ​ൻ കാ​ല​ഘ​ട്ടം​ മു​ത​ൽ പൊ​തു​മേ​ഖ​ലാ സ്ഥാ​പ​ന​ങ്ങ​ളെ ശ​ക്തി​പ്പെ​ടു​ത്തി. അ​ത് ബ്രെ​ട്ട​ൻ​വു​ഡ് സ​മ്മേ​ള​ന​ത്തി​ന്‍റെ തു​ട​ർ​ച്ച​യാ​യി​ട്ടാ​ണ്, ബ്രെ​ട്ട​ൻ​വു​ഡ് സ​മ്മേ​ള​ന​ത്തി​ലാ​ണ് ന​മു​ക്ക​റി​യു​ന്ന​തു​പോ​ലെ ലോ​ക​ബാ​ങ്കും ഐ.​എം.​എ​ഫും രൂ​പ​പ്പെ​ട്ട​ത്. ആ ​സ​മ്മേ​ള​ന​ത്തോ​ടു​കൂ​ടി​യാ​ണ്...

ലോ​ക​വ്യാ​പ​ക​മാ​യി​ട്ട് അ​ന്ന് മാ​ന്ദ്യാ​ണ​ല്ലോ, ആ ​മാ​ന്ദ്യം പ​രി​ഹ​രി​ക്ക​ണം. ര​ണ്ടാം​ ലോ​ക​മ​ഹാ​യു​ദ്ധ​ത്തി​ന്‍റെ ഏ​താ​ണ്ട​വ​സാ​ന​മാ​ണ്. നാ​ൽപ​ത്ത​ഞ്ചി​ലാ​ണ്. ആ ​മാ​ന്ദ്യം പ​രി​ഹ​രി​ക്കാ​ൻ വേ​ണ്ടീ​ട്ട് എ​ന്തു​വേ​ണം... മാ​ന്ദ്യം പ​രി​ഹ​രി​ക്കാ​ൻ വേ​ണ്ടീ​ട്ട് പൊ​തു​മേ​ഖ​ലാ സ്ഥാ​പ​നം വേ​ണം. കാ​ര​ണം, ജ​ന​ങ്ങ​ളി​ലേ​ക്ക് പ​ണം എ​ത്തി​ക്ക​ണം. പ​ണം വെ​റു​തെ കൊ​ടു​ക്കാ​ൻ പ​റ്റി​ല്ല. അ​പ്പൊ, പൊ​തു​മേ​ഖ​ലാ സ്ഥാ​പ​ന​ങ്ങ​ളു​ണ്ടാ​ക്കു​ക, അ​വി​ടെ തൊ​ഴി​ലാ​ളി​ക​ളെ എ​ടു​ക്കു​ക, ജീ​വ​ന​ക്കാ​രെ എ​ടു​ക്കു​ക, അ​വ​ർ​ക്ക് ശ​മ്പ​ളം കൊ​ടു​ക്കു​ക. പ​ണം കൊ​ടു​ക്കു​ക. അ​പ്പോ ആ ​പ​ണം മാ​ർ​ക്ക​റ്റി​ലേ​ക്ക് വ​രും. മു​തലാ​ളി​ത്തം ശ​ക്തി​പ്പെ​ടും. ഇ​താ​ണ് തി​യ​റി. കെ​യ്ൻ​സി​ന്‍റെ തി​യ​റി​യാ​യി​രു​ന്നു. കെ​യി​ൻ​സാ​ണ​ല്ലോ ഈ ​തി​യ​റി അം​ഗീ​ക​രി​ച്ച​ത്.

ജോ​ൺ മെ​യ​്നാ​ർ​ഡ് കെ​യ്ൻ​സ്. ബ്രി​ട്ട​ൻ​കാ​ര​നാ​യ സാ​മ്പ​ത്തി​ക ശാ​സ്ത്ര​ജ്ഞ​ൻ...

അ​തെ. കെ​യ്ൻ​സ്. ആ ​കെ​യ്ൻ​സി​ന്‍റെ തി​യ​റി​ക്ക് ഇ​ന്ത്യ ന​ല്ല​പോ​ലെ വി​ധേ​യ​പ്പെ​ട്ടി​ട്ടു​ണ്ട്. സോ​ഷ്യ​ലി​സം എ​ന്നൊ​ക്കെ വെ​റു​തെ പ​റ​ഞ്ഞ​താ​ണ്. യ​ഥാ​ർ​ഥ​ത്തി​ൽ ഇ​താ സം​ഭ​വം.

? മി​ക്സ​ഡ് സ​മ്പ​ദ് വ്യ​വ​സ്ഥ എ​ന്നാ​ണ് പ​റ​ഞ്ഞ​തെ​ങ്കി​ലും...

മി​ക്സ​ഡ് സ​മ്പ​ദ് വ്യ​വ​സ്ഥ​യ​ല്ല. അ​തും വെ​റു​തെ പ​റ​യു​ന്ന്യാ​ണ്. മി​ക്സ​ഡ് സ​മ്പ​ദ് വ്യ​വ​സ്ഥ എ​ന്നൊ​ക്കെ ന​മ്മ​ൾ പാ​ഠ​പു​സ്ത​ക​ത്തി​ൽ പ​റ​യു​ന്ന്യാ​ണ്. യ​ഥാ​ർ​ഥ​ത്തി​ൽ മു​ത​ലാ​ളി​ത്ത വി​ക​സ​നമാണ്. മി​ക്സ​ഡ് സാ​മ്പ​ത്തി​ക​വ്യ​വ​സ്ഥ എ​ന്നൊ​ക്കെ ആ​ളെ​പ്പ​റ്റി​ക്കാ​ൻ പ​റ​ഞ്ഞ​താ​ണെ​ന്ന് ഇ​പ്പോ ന​മ്മ​ൾ​ക്ക് മ​ന​സ്സി​ലാ​യ​ല്ലോ. ഒ​രു മി​ക്സ​ഡ് സ​മ്പ​ദ് വ്യ​വ​സ്ഥ​യു​മി​ല്ല. മു​ത​ലാ​ളി​ത്ത വി​ക​സ​ന​പാ​ത​യാ​ണ് ഇ​വ​ർ അം​ഗീ​ക​രി​ച്ച​ത്. കു​ത്ത​ക​ മു​ത​ലാ​ളി​ത്ത​ത്തി​ന്‍റെ വ​ള​ർ​ച്ച​ക്ക് വേ​ണ്ടി​യി​ട്ടു​ള്ള നി​ല​പാ​ടാ​ണ് സ്വീ​ക​രി​ച്ച​ത്.

അ​ത് നെ​ഹ്റു മു​ത​ലേ ഇ​ങ്ങോ​ട്ട്. പിന്നീ​ട​ത് ശ​ക്തി​പ്പെ​ട്ടു​വ​ന്നു. ഇ​പ്പം എ​ന്താ പ്ര​ശ്ന​മെ​ന്ന്ച്ചാ​ല്... ആ​ഗോ​ള​വ​ത്ക​ര​ണ​ത്തി​ന്‍റെ ഭാ​ഗ​മാ​യി​ട്ട് ന​മ്മ​ളെ പൊ​തു​മേ​ഖ​ലാ സ്ഥാ​പ​ന​ങ്ങ​ളെ​ല്ലാം... ന​മ്മ​ള് സ്വ​രൂ​പി​ച്ച പ​ണ​മാ​ണ്. ന​മ്മു​ടെ രാ​ജ്യ​ത്തി​ന്‍റെ സ​മ്പ​ത്താ​ണ്. ആ ​സ​മ്പ​ത്ത് മു​ഴു​വ​ൻ ചു​ളു​വി​ല​ക്ക് കോ​ർ​പ​റേ​റ്റു​ക​ൾ​ക്ക് വി​റ്റു. ഷെ​യ​റും ക​മ്പനി​യും ഒ​ക്കെ വി​റ്റു. അ​ങ്ങ​നെ വി​റ്റ​പ്പം എ​ന്താ​ണ്ടാ​യെ... വി​റ്റ​പ്പോ ന​മ്മക്കാർക്കും വാ​ങ്ങാ​ൻ പ​റ്റൂ​ല​ല്ലോ. കോ​ർ​പ​റേ​റ്റു​ക​ളാ​ണ​ല്ലോ വാ​ങ്ങു​ന്ന​ത്. ആ ​വാ​ങ്ങു​ന്ന​തി​ന് ഒ​രു മു​ത​ലാ​ളീന്റെയും കൈയിലു​ള്ള കെ​ട്ടി​വെ​ച്ച പ​ണം ഉ​പ​യോ​ഗി​ച്ചി​ട്ടൊ​ന്നും വാ​ങ്ങി​യ​ത​ല്ല. വാ​ങ്ങി​യ​തു​ മു​ഴു​വ​ൻ ദേ​ശ​സാ​ൽ​കൃ​ത... ന​മ്മ​ളെ ബാങ്കി​ൽ​നി​ന്ന്, ദേ​ശ​സാ​ൽ​കൃ​ത ബാ​ങ്കി​ൽ​നി​ന്ന് പ​ണം വാ​ങ്ങി​യി​റ്റാ​ണ് ഇ​ത് മു​ഴു​വ​ൻ ഇ​വ​ര് വാ​ങ്ങി​യ​ത്. മ​ഹാ​ഭൂ​രി​പ​ക്ഷ​വും അ​ങ്ങ​നെ​യാ​യി​രു​ന്നു.

ഇ​പ്പോ ര​ണ്ടു​ കാ​ര്യം സം​ഭ​വി​ച്ചു. ഒ​ന്ന്, ഈ ​വാ​ങ്ങി​യ ക​ട​മൊ​ന്നും തി​രി​ച്ച​ട​ച്ചി​ല്ല. ര​ണ്ട്, ഈ ​സ​ഞ്ചി​ത​ മൂ​ല​ധ​ന​മാ​യ സ​മ്പ​ത്ത് മു​ഴു​വ​ൻ ഇ​വ​രു​ടെ കൈയിലെ​ത്തി. കോ​ർ​പ​റേ​റ്റു​ക​ളു​ടെ കൈയി​ലെ​ത്തി. അ​തി​ന് അ​വ​രു​ടെ കൈയിൽ​നി​ന്ന് ഒ​രു ന​യാ​പൈ​സ​യും ചെ​ല​വാ​യി​ട്ടി​ല്ല. അ​തു​കൊ​ണ്ടാ​ണ് ഞാ​ൻ അ​തി​നെ സ​ഞ്ചി​ത​ മൂ​ല​ധ​നം എ​ന്നു പ​റ​യു​ന്ന​ത്. ക​ട്ടു​പ​റ​ച്ച് ഉ​ണ്ടാ​ക്കി​യ മൂ​ല​ധ​നം എ​ന്നുപ​റ​യു​ന്ന​ത്, ഈ ​മൂ​ല​ധ​നം ഗ​വ​ൺ​മെ​ന്‍റ് എ​ന്തു​ചെ​യ്തു... ഗ​വ​ൺ​മെ​ന്‍റി​ന്‍റെ വ​ർ​ഗ​പ​ര​മാ​യ കാ​ഴ്ചപ്പാ​ട് വെ​ച്ചു​കൊ​ണ്ട് ഈ ​മു​ത​ലാ​ളി​മാ​ർ​ക്ക് എ​ല്ലാ സൗ​ജ​ന്യ​ങ്ങ​ളും കൊ​ടു​ത്തു. എ​ന്നി​ട്ട് ഏ​താ​ണ്ട് 20 ല​ക്ഷം​ കോ​ടി ഉ​റു​പ്പി​ക എ​ഴു​തി​ത്ത​ള്ളി.

ആ​ദ്യം 11.5 ല​ക്ഷ​വും പി​ന്നീ​ട് ഇ​പ്പോ 8.5 ല​ക്ഷ​വും ചേ​ർ​ന്ന് 20 ല​ക്ഷം​ കോ​ടി ഉ​റു​പ്പി​ക കി​ട്ടാ​ക്ക​ട​മാ​ക്കി എ​ഴു​തി​ത്ത​ള്ളി. ആ ​എ​ഴു​തി​ത്ത​ള്ളി​യ​തി​ന്‍റെ എ​ല്ലാ ആ​നു​കൂ​ല്യങ്ങ​ളും ല​ഭി​ച്ച​ത്... ന​മ്മ​ള് പാ​വ​പ്പെ​ട്ട തൊ​ഴി​ലാ​ളി​ക​ൾ​ക്കോ കൃ​ഷി​ക്കാ​ര​നോ എ​ട​ത്ത​ര​ക്കാ​ര​നോ അ​ല്ല. എ​ല്ലം കി​ട്ടി​യി​ട്ടു​ള്ള​ത് ഈ ​കോ​ർപ​റേ​റ്റു​ക​ൾ​ക്കാ. അ​പ്പം എ​ന്താ​യി... ലോ​ക​ത്തി​ലെ ഏ​റ്റ​വും വ​ലി​യ മു​ത​ലാ​ളി​യാ​യി​ട്ട് മ​ത്സ​രി​ക്കാ​ൻ അ​ദാ​നി​യെ പ്രാ​പ്ത​നാ​ക്കി.

ഇ​ത് വെ​റു​തെ ഉ​ൽ​പാ​ദ​ന വി​ത​ര​ണ ഘ​ട​ന​യു​ടെ ഭാ​ഗ​മാ​യി മി​ച്ച​മൂ​ല്യം ഉ​പ​യോ​ഗി​ച്ച് ഉ​ണ്ടാ​യ​ത​ല്ല. ആ ​മി​ച്ച​മൂ​ല്യത്തി​ന്‍റെ ഒ​പ്പം സ്വ​രൂ​പി​ച്ചു​വെ​ച്ചി​ട്ടു​ള്ള, ഞാ​ൻ നേ​ര​ത്തേ പ​റ​ഞ്ഞി​ട്ടു​ള്ള ന​മ്മു​ടെ രാ​ജ്യം സ്വ​രൂ​പി​ച്ചു​വെ​ച്ച, ബാ​ങ്കി​ലാ​യാ​ലും അ​തു​പോ​ലെ​ത്ത​ന്നെ ക​മ്പ​നി​യു​ടെ ഭാ​ഗ​മാ​യാ​ലു​മു​ള്ള ന​മ്മു​ടെ രാ​ജ്യ​ത്തി​ന്‍റെ പ​ണം... സ്റ്റേറ്റ് മു​ത​ലാ​ളി​ത്ത​മാ​ണ് യ​ഥാ​ർ​ഥ​ത്തി​ൽ ഈ ​പൊ​തു​മേ​ഖ​ലാ​ന്ന് പ​റ​യു​ന്ന​ത്. സ്റ്റേറ്റ് മു​ത​ലാ​ളി​ത്തം. ആ ​സ്റ്റേറ്റ് മു​ത​ലാ​ളി​ത്ത​ത്തി​ന്‍റെ ഭാ​ഗ​മാ​യി​ട്ടു​ള്ള ന​മ്മു​ടെ സ​മ്പ​ത്ത്, ഗ​വ​ൺ​മെ​ന്‍റി​ന്‍റെ, രാ​ജ്യ​ത്തി​ന്റേം സ​മ്പ​ത്തും ബാങ്കി​ന്‍റെ ഭാ​ഗ​മാ​യി​ട്ടു​ള്ള ന​മ്മു​ടെ രാ​ജ്യ​ത്തി​ന്‍റെ സ​മ്പ​ത്തും ര​ണ്ടും ഇ​വ​ർ ഉ​പ​യോ​ഗി​ച്ച്, യ​ഥാ​ർ​ഥ​ത്തി​ൽ സ​മ്പ​ന്ന​ത​യി​ൽ സ​മ്പ​ന്ന​ത നേ​ടാ​ൻ ഉ​ത​കു​ന്ന സാ​ഹ​ചര്യം വ​ന്ന​പ്പോ ഇ​വ​ർ​ക്ക് ലോ​ക​ത്തോ​ട്... ശ​രി​യാ​യാ​ലും തെ​റ്റാ​യാ​ലു​മൊ​ക്കെ...

ക​ള്ള​ക്ക​ണ​ക്കു​ക​ൾ ത​യാ​റാ​ക്കി​യ​തൊ​ക്കെ അ​ദാ​നി​യെ​പ്പ​റ്റി ഇ​പ്പോ വ​ന്ന​ല്ലോ. അ​ത​ല്ലാം ഇ​ല്ലെ​ങ്കി​ലും ലോ​ക​ത്തോ​ട് മ​ത്സ​രി​ക്കാ​ൻ ക​ഴി​യു​ന്ന മു​ത​ലാ​ളി​യാ​യി. ഒ​ന്നാം സ്ഥാ​ന​ത്ത് വ​ന്നി​ല്ലെ​ങ്കി​ല് ര​ണ്ടാം സ്ഥാ​ന​ത്തോ മൂ​ന്നാം സ്ഥാ​ന​ത്തോ അ​ദാ​നി മാ​ത്ര​മ​ല്ല, അം​ബാ​നി​യും വ​ന്നു. ഇ​വ​രെ​ല്ലാം ഇ​ങ്ങ​നെ വ​ന്ന​ത് സ​ത്യം​ പ​റ​ഞ്ഞാ​ൽ ഈ ​മു​ത​ലാ​ളി​ത്ത ​പ്ര​തി​സ​ന്ധി​യു​ടെ​ത​ന്നെ ആ​ഴം വ​ർ​ധി​പ്പി​ക്കു​ക​യാ​ണ് ചെ​യ്യു​ക.

ഇ​ന്ത്യ​യി​ലെ മു​ത​ലാ​ളി​ത്ത പ്ര​തി​സ​ന്ധി​യു​ടെ അ​ല്ലേ?

ഇ​ന്ത്യ​ൻ ​മു​തലാളി​ത്ത പ്ര​തി​സ​ന്ധി... ഇ​ന്ത്യ​യി​ൽ മാ​ത്ര​മ​ല്ല. ലോ​ക​ത്തു മു​ഴു​വ​ൻ പ്ര​തി​സ​ന്ധി​യു​ണ്ട്. മു​ത​ലാ​ളി​ത്ത പ്ര​തി​സ​ന്ധി​യാ​ണ്. ഇ​പ്പം അ​മേ​രി​ക്ക​യി​ലൊ​ക്കെ ബാങ്കു​ക​ളൊ​ക്കെ പൂ​ട്ടി​ക്കൊ​ണ്ടി​രി​ക്കു​ക​യ​ല്ലേ. റി​സ​ഷ​ന്‍റെ ഭാ​ഗാ​യി​ട്ട്. എ​ന്നു​പ​റ​ഞ്ഞാ​ൽ മാ​ന്ദ്യ​ത്തി​ന്‍റെ ഭാ​ഗ​മാ​യി​ട്ട് വ​ലി​യ പ്ര​ശ്ന​മാ​ണ് അ​വ​ർ അ​ഭി​മു​ഖീ​ക​രി​ക്കു​ന്ന​ത്. മു​ത​ലാ​ളി​ത്തം ഈ ​ത​ര​ത്തി​ലു​ള്ള ഒ​രു പ്ര​തി​സ​ന്ധി​യി​ലേ​ക്ക് പോ​കു​മെ​ന്ന​ത് വ​ള​രെ വ്യ​ക്ത​മാ​യി​ട്ടു​ള്ള കാ​ര്യ​മാ​ണ്. നി​യ​മ​മാ​ണ​ത്.

മാ​ർ​ക്സി​ന്‍റെ അ​ർ​ഥശാ​സ്ത്ര നി​യ​മ​മാ​ണ്...

അ​തെ, മാ​ർ​ക്സ് ത​ന്നെ അ​ത് വ്യ​ക്ത​മാ​യി​ട്ട് മൂ​ല​ധ​ന​ത്തി​ന്‍റ​ക​ത്ത് വി​ശ​ദീ​ക​രി​ച്ച​താ​ണ്, എ​ങ്ങ​നെ​യാ​ണ് കൊ​ഴ​പ്പ​മു​ണ്ടാ​വു​ക എ​ന്ന്. ഈ ​കൊ​ഴ​പ്പം പ​രി​ഹ​രി​ക്കാ​ൻ ഒ​റ്റ​വ​ഴി മാ​ത്രേ​യു​ള്ളൂ. അ​ത്... സാ​മൂ​ഹികമാ​യ ഉ​ൽ​പാ​ദ​ന​ത്തി​ലേ​ക്കും സാ​മൂ​ഹികമാ​യ വി​ത​ര​ണ​ത്തി​ലേ​ക്കും കാ​ര്യ​ങ്ങ​ൾ പോ​ക​ണം. ഇ​പ്പോ​ഴു​ള്ള​ത് ഉ​ൽ​പാ​ദ​നോ​പാ​ധി​ക​ളു​ടെ സ്വ​കാ​ര്യ ഉ​ട​മ​സ്ഥ​ത​യാ​ണ്. അ​ത് വെ​ച്ചിട്ടാണ് ഈ ​മൂ​ല​ധ​നം മു​ഴു​വ​ന്‍ കൊ​ള്ള​ചെ​യ്യു​ന്ന​ത്.

 രാ​ജ്യ​ത്തി​ന്‍റെ സ​മ്പ​ത്തും തൊ​ഴി​ലാ​ളി​ വ​ർ​ഗ​ത്തി​ന്‍റെ അ​ധ്വാ​ന​വും കൊ​ള്ള​ചെ​യ്യാ​ന​വ​ർ​ക്ക് സാ​ധി​ക്കു​ന്ന​ത്, ഈ ​സ​മ്പ​ത്ത് ഉ​പ​യോ​ഗി​ച്ചി​ട്ടാണ്, ഏ​ത്... ന​മ്മ​ളെ​ത​ന്നെ സ​മ്പ​ത്ത് ഉ​പ​യോ​ഗി​ച്ചി​ട്ടാ​ണ്. ഈ ​ആ​ർ​ജിത​ മൂ​ല​ധ​നം ഉ​ൾ​പ്പെ​ടെ ഉ​പ​യോ​ഗി​ച്ചി​ട്ടാ​ണ് ഇ​വ​ര് കൊ​ള്ള ചെ​യ്യു​ന്ന​ത്. ഈ ​കൊ​ള്ളക്ക് കു​റേ​ക്കാ​ലം തു​ട​രാ​ൻ പ​റ്റി​ല്ല.

അ​പ്പോ, സാ​മൂ​ഹിക​ജീ​വി​ത​ത്തി​​ന്റെ വ​ലി​യൊ​രു പ്ര​തി​സ​ന്ധി​യി​ലേ​ക്ക് പോ​കു​ന്ന​തി​ന്‍റെ അ​നു​ഭ​വം, ഒ​ന്ന് തൊ​ഴി​ലി​ല്ലാ​യ്മ, മ​റ്റൊ​ന്ന് പ​ട്ടി​ണി, ഇ​തെ​ല്ലാം ജ​നം അ​നു​ഭ​വി​ക്കു​മ്പോ​ഴാ​ണ് വ​ലി​യ വി​ക​സ​നം നേ​ടു​ന്നു എ​ന്നു പ​റ​യു​ന്ന​ത്. വി​ക​സ​നം ആ​രാ നേ​ടു​ന്ന​ത്. ഇ​ന്ത്യാ​ രാ​ജ്യ​ത്തെ വി​ക​സ​നം എ​ടു​ത്ത് പ​രി​ശോ​ധി​ച്ച് നോ​ക്കി​യാ​ലാ​രാ ഇ​ന്ത്യ​യി​ല് വി​ക​സി​ക്കു​ന്ന​ത്. വി​ക​സി​ക്കു​ന്ന​ത് സാ​ധാ​ര​ണ ജ​ന​ങ്ങ​ള​ല്ല. ഈ ​സാ​ധാ​ര​ണ ജ​ന​ങ്ങ​ളു​ടെ കൈയിൽ യ​ഥാ​ർ​ഥ​ത്തി​ൽ വ​ള​രെ ചു​രു​ക്കം സ​മ്പ​ത്ത് മാ​ത്ര​മേ​യു​ള്ളൂ. ഞാ​ൻ നേ​ര​ത്തേ പ​റ​ഞ്ഞി​ല്ലേ... 90 ശ​ത​മാ​നം ജ​ന​ത്തി​​ന്റെ കൈയിലാ​ണ്, എ​ത്ര​യു​ള്ള​ത്... 87 ശ​ത​മാ​നം ക​ഴി​ഞ്ഞ് ബാ​ക്കി 13 ശ​ത​മാ​ന​മാ​ണു​ള്ള​ത്.

അ​പ്പം അ​വി​ടെ പ​ട്ടി​ണി​യാ​ണ്, ദാ​രി​ദ്ര്യ​മാ​ണ്. തൊ​ഴി​ലി​ല്ലാ​യ്മ​യാ​ണ്. ക​യ​റി​ക്കിട​ക്കാ​ൻ വീ​ടി​ല്ല, ഭ​ക്ഷ​ണം ക​ഴി​ക്കാ​ൻ ഭ​ക്ഷ​ണ​മി​ല്ല. ദാ​രി​ദ്ര്യ​രേ​ഖ​ക്ക് താ​ഴെ എ​ന്നു​മാ​ത്രം പ​റ​ഞ്ഞാ​ൽ പോ​രാ. പ​ട്ടി​ണി​കി​ട​ക്കു​ന്ന ജ​ന​ത​യു​ടെ ശ​ത​മാ​നം 0.5 ശ​ത​മാ​ന​മാ​ണ് കേ​ര​ള​ത്തി​ല്. യു.​പി​യി​ലും മ​ധ്യ​പ്ര​ദേ​ശി​ലും രാ​ജ​സ്ഥാ​നി​ലു​മൊ​ക്കെ ഏ​താ​ണ്ട് 40 ആ​യി. നാ​ൽ​പ​തി​ന് താ​ഴെ​യെ​ത്തി നി​ക്കാണ്. ഇ​താ​ണ് സൂ​ചി​ക. സെ​ൻ​ട്ര​ൽ ഗ​വ​ൺ​മെ​ന്‍റ്ത​ന്നെ ത​യാ​റാ​ക്കു​ന്ന സൂ​ചി​ക​യി​ലെ ഏ​റ്റ​വും പ്ര​ധാ​ന​പ്പെ​ട്ടൊ​രു ക​ണ​ക്ക് അ​താ​ണ്. പ​ട്ടി​ണി കി​ട​ക്കു​ന്ന ഒ​രു​ ജ​ന​ത, വീ​ടി​ല്ലാ​ത്ത ഒ​രു ജ​ന​ത, തൊ​ഴി​ലി​ല്ലാ​ത്ത ഒ​രു ജ​ന​ത... ഇ​താ​ണ് ഇ​ന്ത്യ​യു​ടെ മു​ഖ​ചി​ത്രം.

അ​തി​നെ മി​നു​ക്കി​ക്കാ​ണി​ക്കാ​ൻ വേ​ണ്ടി​യി​ട്ടാ​ണ് ഞ​ങ്ങ​ൾ ഇ​ത്ര​ശ​ത​മാ​നം വ​ള​ർ​ച്ച നേ​ടു​ന്നു! ആ​റ് ശ​ത​മാ​നം ഏ​ഴു​ ശ​ത​മാ​നം 12 ശ​ത​മാ​നം വ​ള​ർ​ച്ച എ​ന്നൊ​ക്കെ ഇ​വ​ര് പ​റ​യു​ന്ന​ത്. മു​ഴു​വ​ൻ പെ​രു​പ്പി​ച്ച് കാ​ണി​ക്കു​ന്ന ക​ണ​ക്കാ​ണ് എ​ന്നു​മാ​ത്ര​മ​ല്ല എ​ന്‍റെ അ​ഭി​പ്രാ​യം. അ​ത്, ആ ​വ​ള​ർ​ച്ച ഈ ​പ​റ​യു​ന്ന അ​ദാ​നി​യു​ടെ​യും അം​ബാ​നി​യു​ടെ​യും വ​ള​ർ​ച്ച​യാ​ണ്. അ​ത് ഇ​ന്ത്യ​യു​ടെ വ​ള​ർ​ച്ച​യ​ല്ല. ഇ​ന്ത്യ​ൻ സ​മൂ​ഹ​ത്തി​ന്‍റെ വ​ള​ർ​ച്ച​യ​ല്ല. ഇ​ന്ത്യ​ൻ സ​മൂ​ഹ​ത്തി​ന്‍റെ ദു​ര​ന്ത​വും ഇ​ന്ത്യ​യി​ലെ കു​ത്ത​ക​ മു​ത​ലാ​ളി​ത്ത​ത്തി​ന്‍റെ വ​ള​ർ​ച്ച​യു​മാ​ണ്. ഇ​താ​ണ് വ​ള​ർ​ച്ച​യു​ടെ, ഇ​ന്ന​ത്തെ ഇ​ന്ത്യ​യു​ടെ, ഒ​രു ചി​ത്രം.

ഇ​വി​ടെ ന​മ്മ​ൾ എ​ന്തുചെ​യ്യും എ​ന്ന​താ​ണ്...

ഇ​തി​നെ അ​ഡ്ര​സ് ചെ​യ്യാ​ൻ ജ​നാ​ധി​പ​ത്യ​പ​ര​മാ​യ സം​വി​ധാ​നാ​യി​രു​ന്നു ഇ​ന്ത്യ​യി​ലെ ബൂ​ർ​ഷ്വാ രാ​ഷ്ട്രീ​യ പാ​ർ​ട്ടി​ക​ൾ. എ​ന്നു​പ​റ​ഞ്ഞാ​ൽ, ഞാ​ൻ വ​ള​രെ ആ​ഴ​ത്തി​ലാ​ണ് പ​റ​യു​ന്ന​ത്...

അ​തെ, അ​ടി​സ്ഥാ​ന​പ​ര​മാ​യി​ട്ടാ​ണ്.

എ​ന്നു​പ​റ​ഞ്ഞാ​ൽ, ഇ​ന്ത്യ​യി​ലെ ഭ​ര​ണ​വ​ർ​ഗം എ​ന്നു​പ​റ​ഞ്ഞാ​ൽ, ഞാ​ൻ നേ​ര​ത്തേ പ​റ​ഞ്ഞ​പോ​ലെ ഭൂ​പ്ര​ഭു​ത്വ​ത്തി​ന്‍റെ മേ​ലെ കെ​ട്ടി​വെ​ച്ച മു​ത​ലാ​ളി​ത്താ​ണ്. അ​ത് കു​ത്ത​ക​യാ​യി വ​ള​ർ​ന്നു. അ​വ​ർ​ക്കാ​ണെ​ങ്കി​ൽ ഭൂ​പ്ര​ഭു​ത്വ​വു​മാ​യി ബ​ന്ധ​മു​ണ്ട്. അ​ത​വ​ർ ഒ​ഴി​വാ​ക്കി​യി​ട്ടി​ല്ല. അ​വ​രാ​ണെ​ങ്കി​ൽ സ്ഥി​ര​മാ​യി സാ​മ്രാ​ജ്യ​ത്വ​വു​മാ​യി ബ​ന്ധ​പ്പെ​ട്ടു​കൊ​ണ്ടി​രി​ക്കു​ന്നു​മു​ണ്ട്. ഇ​ങ്ങ​നെ​യു​ള്ള ഒ​രു താ​ൽ​പ​ര്യ​സം​ര​ക്ഷ​ണ​ത്തി​ന്‍റെ ഉ​പ​ക​ര​ണ​മാ​ണ് ഈ ​ഭ​ര​ണ​കൂ​ടം. അ​താ​ണ് ഇ​ന്ത്യ​ൻ ഭ​ര​ണ​കൂ​ട​ത്തി​​ന്റെ പ്ര​ത്യേ​ക​ത.

ഞ​ങ്ങ​ളെ പാ​ർ​ട്ടി​യി​ൽ പ​റ​ഞ്ഞ​ത്, കൃ​ത്യാ​യി പ​റ​ഞ്ഞാ​ൽ മു​ത​ലാ​ളി​ത്ത വി​ക​സ​ന​പാ​ത അം​ഗീ​ക​രി​ക്കു​ന്ന​തും കു​ത്ത​ക​ മു​ത​ലാ​ളി​ത്ത​ത്തി​ന്‍റെ നേ​തൃ​ത്വ​ത്തി​ലു​ള്ള​തും, ബൂ​ർ​ഷ്വാ-ഭൂ​പ്ര​ഭു വ​ർ​ഗ ഭ​ര​ണ​ത്തി​ന്‍റെ, തീ​ർ​ച്ച​യാ​യി​ട്ടും സാ​മ്രാ​ജ്യ​ത്വ​വു​മാ​യി അ​ടി​ക്ക​ടി ബ​ന്ധ​പ്പെ​ട്ടു​കൊ​ണ്ടു​ള്ള ഒ​രു ഭ​ര​ണ​കൂ​ട​വ്യ​വ​സ്ഥ​യാ​ണ് ഇ​ന്ത്യ​യി​ൽ നി​ല​നി​ൽ​ക്കു​ന്ന​ത്.

ഇ​തി​ന്‍റെ ജ​നാ​ധി​പ​ത്യ​മു​ഖ​മാ​യി​രു​ന്നു ഈ ​കാ​ല​മ​ത്ര​യും പൊ​തു​വേ മു​ന്നോ​ട്ടേ​ക്ക് വെ​ച്ച​ത്. അ​തി​ൽ അ​പ​വാ​ദ​മെ​ന്ന രീ​തി​യി​ൽ അ​ടി​യ​ന്ത​രാ​വ​സ്ഥ​യും. എ​ന്നു​പ​റ​ഞ്ഞാ, ബൂ​ർ​ഷ്വാ​സി​ക്ക് അ​വ​രു​ടെ ഭ​ര​ണം നി​ല​നി​ർ​ത്താ​ൻ ആ​വാ​ത്ത സാ​ഹ​ച​ര്യം വ​രു​മ്പ​ഴ് ഈ ​പ​റ​ഞ്ഞ ജ​നാ​ധി​പ​ത്യ​മൊ​ന്നും അ​വ​ർ​ക്ക് ഒ​രു പ്ര​ധാ​ന​പ്പെ​ട്ട പ്ര​ശ്ന​ല്ല. അ​ത് ന​മ്മു​ടെ ഇ​ന്ത്യ​യു​ടെ ച​രി​ത്ര​ത്തി​ൽ​ത്ത​ന്നെ​യു​ണ്ട്. അ​ടി​യ​ന്തരാ​വ​സ്ഥ അ​തി​ന് ഏ​റ്റ​വും പ്ര​ധാ​ന​പ്പെ​ട്ട ഉ​ദാ​ഹ​ര​ണ​മാ​ണ്. ഇ​പ്പ​ഴെ​ന്താ സം​ഭ​വ​മെ​ന്നു പ​റ​ഞ്ഞാ​ൽ, അ​തി​ൽ​നി​ന്ന് വ്യ​ത്യ​സ്തമാ​യി ജ​നാ​ധി​പ​ത്യ, മ​ത​നി​ര​പേ​ക്ഷ, ഭ​ര​ണ​കൂ​ട, വ്യ​വ​സ്ഥ​യാ​കെ ത​കി​ടം​മ​റി​ക്കാ​നു​ള്ള പു​തി​യ നി​ല​പാ​ടു​ക​ൾ സ്വീ​ക​രി​ച്ചു​വ​രുക​യാ​ണ്.

അ​താ​ണി​പ്പോ പു​തി​യ​താ​യി, അ​തെ​ങ്ങ​നെ​യാ​ണ്... അ​ത് ജ​നാ​ധി​പ​ത്യ​പ​ര​മാ​യി​ട്ട​ല്ല. പി​ന്നെ​യോ, വ​ർ​ഗീ​യ​വത്​കരിക്ക​പ്പെ​ട്ട ഒ​രു പു​തി​യ സാ​ഹ​ച​ര്യം ഉ​പ​യോ​ഗി​ച്ചി​ട്ടാ​ണ്. വ​ർ​ഗീയ​വ​ത്കരി​ക്ക​പ്പെ​ട്ട പു​തി​യ സാ​ഹ​ച​ര്യം. ഇ​​േപ്പാ മ​ണി​പ്പൂ​ര് സം​ഭ​വം ന​ട​ന്നു. മ​ണി​പ്പൂ​ർ സം​ഭ​വ​ത്തി​നു പി​ന്നി​ലാ​രാ...

ഭ​രി​ക്കു​ന്ന പാ​ർ​ട്ടി​ ത​ന്നെ...

ആ​സൂ​ത്രി​ത​മാ​യി​ട്ട് സം​ഘ​ടി​പ്പി​ച്ച​താ​ണ്. നേ​ര​ത്തേ ഗു​ജ​റാ​ത്തി​ലും അ​തു​ത​ന്ന്യാ​ണ്. അ​വി​ടെ മു​സ്‍ലിം​ക​ൾ​ക്കെ​തി​രെ​യാ​യി​ട്ടാ​ണെ​ങ്കി​ൽ ഇ​വി​ടെ ക്രി​സ്ത്യാ​നി​ക്കെ​തി​രെ​യാ​യി​ട്ടാ​ണ്. ഞാ​നി​പ്പ​ഴെ​ന്‍റെ പ്ര​സം​ഗ​ത്തി​ലൊ​ക്കെ ചൂ​ണ്ടി​ക്കാ​ണി​ക്കു​ന്നു​ണ്ട്, ഇ​ന്ത്യ​യി​ലെ​വി​ടെ​യും ഇ​ത് സം​ഭ​വി​ക്കാം. എ​ന്തു​കൊ​ണ്ടാ... ഇ​ന്ത്യ​യി​ലെ​വി​ടെ​യും ഇ​ത് സാ​ധി​ക്കാ​നു​ള്ള ഭൗ​തി​ക​ സാ​ഹ​ച​ര്യമു​ണ്ട്. അ​ത് വേ​റെ​യൊ​ന്നു​മ​ല്ല, ഞാ​ൻ നേ​ര​ത്തേ പ​റ​ഞ്ഞ​താ​ണ്, ഇ​വി​ടെ ജീ​ർ​ണ​ത​യി​ലാ​ണ് ഇ​ന്ത്യ​ൻ​ സ​മൂ​ഹം മു​ങ്ങി​ക്കെ​ട​ക്കു​ന്ന​ത്.

അ​വി​ടെ അ​വ​ർ​ക്ക് എ​ല്ലാം ഉ​പ​യോ​ഗി​ക്കാം, ജാ​തി ഉ​പ​യോ​ഗി​ക്കാം, മ​തം ഉ​പ​യോ​ഗി​ക്കാം, വം​ശം ഉ​പ​യോ​ഗി​ക്കാം, ഭാ​ഷ ഉ​പ​യോ​ഗി​ക്കാം, ഇ​തൊ​ക്കെ ഉ​പ​യോ​ഗി​ക്കാം. ഇ​തൊ​ക്കെ ഉ​പ​യോ​ഗി​ക്കാ​നു​ള്ള ഭൗ​തി​ക​സാ​ഹ​ച​ര്യം ഇ​ന്ത്യ​യി​ലു​ണ്ട്. ഒ​രു സം​സ്ഥാ​നം ഒ​ഴി​യാ​തെ​യു​ണ്ട്. എ​ല്ലാ സം​സ്ഥാ​ന​ത്തി​ലു​മു​ണ്ട്. കേ​ര​ളാ​ണ്... അ​തി​ലേ​ക്ക് ഞാ​ൻ വ​രാം. ഇ​ത് പ​റ​ഞ്ഞ് അ​വ​സാ​നി​പ്പി​ച്ചി​ട്ട് ഞാ​ൻ അ​തി​ലേ​ക്ക് വ​രാം.

അ​പ്പൊ ഇ​ങ്ങ​നെ​യു​ള്ള ഒ​രു സാ​ഹ​ച​ര്യം. യ​ഥാ​ർ​ഥത്തി​ൽ ഭ​ര​ണ​ഘ​ട​ന​ക്ക് അ​വ​ർ എ​തി​രാ​ണ്. ഇ​പ്പോ സ​ന്ന്യാ​സി​വ​ര്യ​ന്മാ​രെ​ല്ലാം ചേ​ർ​ന്ന ഒ​രു സ​മ്മേ​ള​ന​ത്തി​ൽ​വെ​ച്ച് ഭ​ര​ണ​ഘ​ട​ന സം​ബ​ന്ധി​ച്ചു​ള്ള ഒ​രു ക​ര​ട് ത​യാ​റാ​ക്കാ​ൻ വേ​ണ്ടീ​ട്ട് ഒ​രു സെ​റ്റി​നെ ചു​മ​ത​ല​പ്പെ​ടു​ത്തി. അ​ത് വ​ന്ന​ല്ലോ. അ​വ​ര് പ​റ​ഞ്ഞു, എ​ന്താ​ണ്... ഇ​ന്ത്യ ഒ​രു ഹി​ന്ദു​രാ​ഷ്ട്ര​മാ​കും എ​ന്ന് പ്ര​ഖ്യാ​പി​ക്ക​ണം – അ​ത് ഭ​ര​ണ​ഘ​ട​ന​യ​നു​സ​രി​ച്ച് സാ​ധി​ക്കി​ല്ല – ഹി​ന്ദുരാ​ഷ്ട്ര​ത്തി​ൽ എ​ല്ലാ​വ​ർ​ക്കും ജീ​വി​ക്കാം. ഏ​ത്... മു​സ്‍ലിം​ക​ൾ​ക്കും ക്രി​സ്ത്യാ​നി​ക​ൾ​ക്കും പാ​ർ​സി​ക്കും സി​ഖിനു​മെ​ല്ലാം ജീ​വി​ക്കാം. പ​ക്ഷേ, അ​വ​ർ​ക്ക് വോ​ട്ട​വ​കാ​ശം ഉ​ണ്ടാ​കാ​ൻ പാ​ടി​ല്ല. അ​തോ​ടു​കൂ​ടി മ​ത​നി​ര​പേ​ക്ഷ​ത​യും ജ​നാ​ധി​പ​ത്യ​വും എ​ല്ലാം അ​ട്ടി​മ​റി​ക്ക​പ്പെ​ട്ടി​ല്ലേ. ഇ​താ​ണി​വ​രു​ടെ ഉ​ള്ളി​ൽ. എ​ന്നി​ട്ട് എ​ന്തു​വേ​ണം. മ​നു​സ്മൃ​തി ന​ട​പ്പാ​ക്ക​ണം. മ​നു​സ്മൃ​തി എ​ന്നാ​ൽ ചാ​തു​ർ​വ​ർ​ണ്യ​മാ​ണ്. ഇ​താ​ണ് ഇ​പ്പോ​ൾ ബി.​ജെ.​പി മു​ന്നോ​ട്ടേ​ക്ക് വെ​ക്കു​ന്ന, ആ​ർ.​എ​സ്.​എ​സ് മു​ന്നോ​ട്ടേ​ക്ക് വെ​ക്കു​ന്ന ഹി​ന്ദു​ത്വ അ​ജ​ണ്ട.

ഹി​ന്ദു എ​ന്നു​പ​റ​യു​ന്ന​ത്, വി​വേ​കാ​നന്ദ​ന്‍റെ ദാ​ർ​ശ​നി​ക​മാ​യ കാ​ഴ്ചപ്പാ​ട് വെ​ച്ചാ​ൽ, അ​വ​രു​ടെ ഹി​ന്ദു, അ​താ​യ​ത് വി​വേ​കാ​ന​ന്ദ​ന്‍റെ ഹി​ന്ദു, മ​ഹാ​ത്മാ​ഗാ​ന്ധി​യു​ടെ ഹി​ന്ദു എ​ന്നൊ​ക്കെ പ​റ​യു​ന്ന​ത് വൈ​വി​ധ്യ​ങ്ങ​ളു​ടെ ക​ല​വ​റ​യാ​യ ഇ​ന്ത്യ, അ​തി​ന്‍റെ ആ​ത്മാ​വ് എ​ന്നു​പ​റ​യു​ന്ന​ത് ഇ​തി​ന്‍റെ ഐ​ക്യ​മാ​ണ്. ഇ​താ​ണ് ഷികാ​ഗോ പ്ര​സം​ഗ​ത്തി​ല് സ​ഹോ​ദ​രി സ​ഹോ​ദ​ര​ന്മാ​രെ എ​ന്ന് അ​ഭി​സം​ബോ​ധ​ന ചെ​യ്തു​കൊ​ണ്ട് മൂ​പ്പ​ര് ഈ ​ഏ​റ്റ​വും പ്ര​ധാ​ന​പ്പെ​ട്ട ആ​ശ​യം മു​ന്നോ​ട്ടേ​ക്ക് വെ​ച്ച​ത്. വൈ​വി​ധ്യ​ങ്ങ​ളു​ടെ ക​രു​ത്ത്. അ​തി​ന്‍റെ ആ​ത്മാ​വാ​ണ് ഇ​ന്ത്യ. അ​താ​ണ് ഇ​ന്ത്യ​യു​ടെ ക​രു​ത്ത് എ​ന്ന്... വ​ള​രെ ദാ​ർ​ശ​നി​ക​നാ​യി​ട്ടു​ള്ള ഒ​രു സ​ന്യാ​സി​യാ​ണ​ല്ലോ വി​വേ​കാ​ന​ന്ദ​ൻ. അ​ദ്ദേ​ഹം പ​റ​ഞ്ഞ​ത് അ​താ​ണ്.

ഗാ​ന്ധി​യു​ടെ പ്രാ​ർ​ഥനാ സ​മ്മേ​ള​ന​ങ്ങ​ളി​ൽ അ​ദ്ദേ​ഹം മൂ​ന്ന് പു​സ്ത​കം അ​ദ്ദേ​ഹ​ത്തി​ന്‍റെ ഒ​പ്പം​ത​ന്നെ കൊ​ണ്ടു​പോ​യി. അ​ത് ഭ​ഗ​വ​ത്ഗീ​ത​യാ​ണ്, ഖു​ർആ​നാ​ണ്, അ​തു​പോ​ലെ​ത്ത​ന്നെ ബൈ​ബി​ളും. മ​ത​നി​ര​പേ​ക്ഷ​മാ​ണ്. അ​താ​ണ് ഗാ​ന്ധി​യെ കൊ​ന്ന​ത്. അ​തി​ന്‍റെ ഏ​റ്റ​വും പ്ര​ധാ​ന​പ്പെ​ട്ട ചാ​മ്പ്യ​നാ​രാ​ണ് എ​ന്ന് ചോ​ദി​ച്ചാ​ൽ ഒ​റ്റ വ്യ​ക്തി​യേ​യു​ള്ളൂ. അ​ത് മ​ഹാ​ത്മാ​ ഗാ​ന്ധി​യാ​ണ്. ആ ​മ​ഹാ​ത്മാ​ ഗാ​ന്ധി​യെ കൊ​ന്നു. അ​ത് ഹി​ന്ദു വ​ർ​ഗീ​യ​വാ​ദി​ക​ൾ ചെ​യ്ത​താ​ണ്.

ഈ​ശ്വ​ർ അ​ല്ലാ​ഹ് തേ​രേ നാം ​എ​ന്നാ​ണ​ല്ലോ അ​ദ്ദേ​ഹം ഉ​രു​വി​ട്ടി​രു​ന്ന​ത്...

അ​താ​യി​രു​ന്നു അ​ദ്ദേ​ഹം പ​റ​ഞ്ഞു​കൊ​ണ്ടി​രു​ന്ന​ത്. അ​ദ്ദേ​ഹം മ​ത​സൗ​ഹാ​ർദത്തി​ന് വേ​ണ്ടി​യി​ട്ടാ​ണ് നി​ല​കൊ​ണ്ട​ത്. സ്വാ​ത​ന്ത്ര്യ​ത്തി​നു ശേ​ഷ​വും അ​തു​ത​ന്നെ​യാ​ണ്. കോ​ൺ​ഗ്ര​സ് പി​രി​ച്ചു​വി​ട​ണം എ​ന്നൊ​ക്കെ പ​റ​ഞ്ഞ​ത് ഈ​യൊ​രു പ​ശ്ചാ​ത്ത​ല​ത്തി​ലാ​യി​രു​ന്നു അ​ദ്ദേ​ഹം.

അ​പ്പോ, ഒ​രു സ​മൂ​ഹം വ​ർ​ഗീയ​വ​ത്കരി​ച്ച് മു​മ്പോ​ട്ടേ​ക്ക് പോ​കാ​നു​ള്ള അ​ടി​ത്ത​റ ഇ​ന്ത്യ​യി​ലു​ള്ള​ത്. വ​ർ​ഗീ​യ​വ​ത്കരിക്കാനു​ള്ള ഒ​ര​ടി​ത്ത​റ, ഇ​ന്ത്യ​യി​ലു​ണ്ട്. അ​പ്പൊ​ഴി​പ്പോ പു​തി​യ മു​ദ്രാ​വാ​ക്യം വെ​ച്ചു. നേ​ര​ത്തേ പ​റ​ഞ്ഞു, മ​ത​നി​ര​പേ​ക്ഷ​ത വേ​ണ്ട, ജ​നാ​ധി​പ​ത്യം വേ​ണ്ട, പാ​ർ​ല​മെ​ന്‍റ​റി വ്യ​വ​സ്ഥ വേ​ണ്ട, ഭ​ര​ണ​ഘ​ട​ന വേ​ണ്ട. ഇ​തി​നെ​ല്ലാം പ​ക​രം, ഞാ​ൻ നേ​ര​ത്തേ​പ്പ​റ​ഞ്ഞ പു​തി​യ ഭ​ര​ണ​ഘ​ട​ന – ഹി​ന്ദു​രാ​ജ്യ​ത്തി​ന്‍റെ ഭ​ര​ണ​ഘ​ട​ന, ഫെ​ഡ​റ​ൽ സം​വി​ധാ​ന​ത്തി​ന്‍റെ അ​ന്ത്യം​കു​റി​ക്കു​ന്ന ഭ​ര​ണ​ഘ​ട​ന ഉ​ണ്ടാ​ക്കാ​നാ​ണ് അ​വ​ര് ഉ​ദ്ദേ​ശി​ക്കു​ന്ന​ത്.

സം​സ്ഥാ​ന​ങ്ങ​ള്, ഇ​ന്ന​ത്തെ​പ്പോ​ലെ സം​സ്ഥാ​ന​ങ്ങ​ള് വേ​ണ്ട. വേ​ണ​മെ​ങ്കി​ല് നൂ​റോ നൂ​റ്റ​മ്പതോ സം​സ്ഥാ​ന​ങ്ങ​ളാ​വാം. എ​ന്നു​പ​റ​ഞ്ഞാ​ൽ സം​സ്ഥാ​ന​ങ്ങ​ളി​ല്ലാ​തെ​യാ​വു​ക എ​ന്ന​താ​ണ് അ​തി​ന്‍റെ പ​ച്ച​മ​ല​യാ​ളം. കേ​ന്ദ്രീ​കൃ​ത​മാ​യ ഒ​രു സം​വി​ധാ​ന​ത്തി​ന്‍റെ കീ​ഴി​ൽ ഇ​തെ​ല്ലാം കൊ​ണ്ടുവ​രി​ക എ​ന്നു​ള്ള​താ​ണ്.

ഹി​ന്ദു​ത്വ എ​ന്നു പ​റ​യു​ന്ന​തി​ന്‍റെ അ​ർ​ഥം ഹി​ന്ദു എ​ന്ന​ല്ല. ന​മ്മ​ള് പ​ല​പ്പോ​ഴും തെ​റ്റി​ദ്ധ​രി​ക്കു​ന്ന ഒ​രു പ​ദ​മാ​ണ് ഹി​ന്ദു​ത്വ. ഹി​ന്ദു ഞാ​ൻ നേ​ര​ത്തേ പ​റ​ഞ്ഞ​താ​ണ്. വി​വേ​കാ​ന​ന്ദ​ന്‍റെ വൈ​വി​ധ്യം. എ​ല്ലാം അം​ഗീ​ക​രി​ച്ചു​കൊ​ണ്ടു​ള്ള, ഭാ​ഷ​യാ​യാ​ലും മ​ത​മാ​യാ​ലും ജാ​തി​യാ​യാ​ലും എ​ല്ലാ വി​ഭാ​ഗ​ത്തെ​യും ഒ​ത്തൊ​രു​മി​ച്ചു നി​ർ​ത്തു​ന്ന ഒ​രൈ​ക്യ​രൂ​പം. അ​താ​ണ് എ​ന്‍റെ നാ​ട്, എ​ന്‍റെ ദാ​ർ​ശ​നി​ക നി​ല​പാ​ട് എ​ന്ന് പ​ര​സ്യ​മാ​യി പ​റ​ഞ്ഞി​ട്ടു​ള്ള ആ​ളാ​ണ് വി​വേ​കാ​ന​ന്ദ​ൻ.

അ​പ്പൊ​പ്പി​ന്നെ എ​ന്താ പ്ര​ശ്ന​മെ​ന്നു​വെ​ച്ചാ​ല്, ഇ​പ്പോ ​ഇ​വി​ടൊ​രു ഹി​ന്ദു​ത്വ എ​ന്നു​പ​റ​യു​മ്പോ ഒ​രു​ മ​തം... അ​ത് ഹി​ന്ദു​ത്വ മാ​ത്ര​ല്ല ഞാ​ൻ പ​റ​യു​ന്ന​ത്, നി​ങ്ങ​ള് മു​സ്‍ലി​മാ​യാ​ലും ക്രി​സ്ത്യാ​നി​യാ​യാ​ലും എ​ല്ലാ​ർ​ക്കും ബാ​ധ​ക​മാ​യി​ട്ടു​ള്ള ഒ​രു പൊ​തു​നി​യ​മം ഞാ​മ്പ​റ​യാ ആ​ദ്യം. അ​താ​യ​ത് ഒ​രു മ​തം, അ​തി​ൽ ഒ​രു വി​ഭാ​ഗം - അ​ല്ലാ​ഞ്ഞാ ക​ൺ​ഫ്യൂ​ഷ​നു​ണ്ടാ​കാ​ൻ സാ​ധ്യ​ത​യു​ണ്ട്. അ​തു​കൊ​ണ്ടാ​ണ് ഞാ​ൻ ഇ​ങ്ങെ​ന്നെ പ​റ​യു​ന്ന​ത്.

ഒ​രു​ മ​തം, അ​തി​ൽ ഒ​രു വി​ഭാ​ഗം സം​ഘ​ടി​ത​രാ​വു​ക​യും... രാ​ഷ്ട്രീ​യ പ്ര​ക്രി​യ​യി​ലൂ​ടെ – മ​തം രാ​ഷ്ട്രീ​യ​ത്തി​ൽ ഇ​ട​പെ​ടാ​ൻ പാ​ടി​ല്ലെ​ന്ന​താ​ണ് ജ​നാ​ധി​പ​ത്യ​ സം​വി​ധാ​ന​ത്തി​ന്‍റെ ഒ​രു പ്ര​ധാ​ന​പ്പെ​ട്ട കാ​ര്യം. ഇ​വി​ടെ​യാ​ണ് ഞാ​ൻ പ​റ​യു​ന്ന​ത് – രാ​ഷ്ട്രീ​യ​പ്ര​ക്രി​യ​യി​ലൂ​ടെ ഭ​ര​ണ​ത്തി​ലും ഭ​ര​ണ​കൂ​ട​ത്തി​ന്‍റെ ത​ല​പ്പ​ത്തും എ​ത്തി​ച്ചേ​രു​ന്ന​തി​നു​ള്ള പ്ര​ക്രി​യ​യെ​യാ​ണ് വ​ർ​ഗീ​യ​ത എ​ന്നു പ​റ​യു​ന്ന​ത്. അ​തി​ൽ ഹി​ന്ദു എ​ന്നു പ​റ​യു​മ്പോ​ൾ ഹി​ന്ദു​ത്വ. അ​ത് വ​ർ​ഗീ​യം. ഹി​ന്ദു വ​ർ​ഗീയ​മ​ല്ല, ഹി​ന്ദു​ത്വ വ​ർ​ഗീ​യ​മാ​ണ്.

അ​പ്പോ ഒ​രു വ​ർ​ഗീ​യ​വാ​ദി​ക്കും യ​ഥാ​ർ​ഥ​ത്തി​ൽ വി​ശ്വാ​സ​മി​ല്ല. എ​ല്ലാ​വ​ർ​ക്കും ബാ​ധ​ക​മാ​യി​ട്ട് ​തന്നെ​യാ ഞാ​ൻ പ​റ​യു​ന്ന​ത്. ഒ​രു വ​ർ​ഗീയ​വാ​ദി​ക്കും വി​ശ്വാ​സ​മി​ല്ല, ഒ​രു വി​ശ്വാ​സി​യും വ​ർ​ഗീയ​വാ​ദി​യു​മ​ല്ല. ശ​രി​യാ​യ വി​ശ്വാ​സി​ക്ക് ഒ​രി​ക്ക​ലും വ​ർ​ഗീ​യ​വാ​ദി​യാ​കാ​ൻ ക​ഴി​യി​ല്ല. അ​പ്പോ, വി​ശ്വാ​സ​ത്തെ ഒ​രാ​യു​ധ​മാ​യി ഉ​പ​യോ​ഗി​ക്കു​ക​യാ​ണ് വ​ർ​ഗീ​യ​വാ​ദി ചെ​യ്യു​ന്ന​ത്. അ​വ​ന്‍റെ വ്യ​ക്തി​ജീ​വി​ത​ത്തി​ൽ അ​വ​ൻ വി​ശ്വാ​സി ആ​വാ​ൻ ഒ​രു സാ​ധ്യ​ത​യു​മി​ല്ല. വി​ശ്വാ​സ​ത്തെ​ത്ത​ന്നെ ഒ​രു​പ​ക​ര​ണ​മാ​യി​ട്ട് ഉ​പ​യോ​ഗി​ച്ചി​ട്ട് ഈ ​വ​ർ​ഗീയ​വാ​ദ നി​ല​പാ​ട് സ്വീ​ക​രി​ക്കാ​ൻ പ്രാ​പ്ത​മാ​ക്കു​ക​യാ​ണ്.

ഇ​തി​​ന്റെ ഏ​റ്റ​വും പ്ര​ധാ​ന​പ്പെ​ട്ട മൂ​ർ​ച്ച​യേ​റി​യി​ട്ടു​ള്ള അ​പ​ക​ട​മാ​ണ് ഇ​പ്പൊ ആ​ർ.എ​സ്.​എ​സ്–സം​ഘ്​പരി​വാ​ർ വി​ഭാ​ഗം പ​റ​യു​ന്ന ഹി​ന്ദു​ത്വ. ഈ ​ഹി​ന്ദു​ത്വ അ​ജ​ണ്ട 2025ൽ, ​നരേ​ന്ദ്ര​ മോ​ദി വീ​ണ്ടും അ​ധി​കാ​ര​ത്തി​ൽ...​ അ​ല്ലെ​ങ്കി​ൽ ബി.​ജെ.​പി വീ​ണ്ടും അ​ധി​കാ​ര​ത്തി​ൽ വ​രുക​യോ എ​ങ്ങ​നെ​യെ​ങ്കി​ലും തു​ട​രു​ക​യോ ചെ​യ്തി​ട്ടു​ണ്ടെ​ങ്കി​ൽ, 2025 എ​ന്നു​ പ​റ​യു​ന്ന​ത് ആ​ർ.​എ​സ്.​എ​സി​ന്‍റെ നൂ​റാം വാ​ർ​ഷി​ക​മാ​ണ്.

ആ ​നൂ​റാം വാ​ർ​ഷി​ക​ത്തി​ൽ അ​വ​ര് സ​ന്യാ​സിസ​മൂ​ഹം തീ​രു​മാ​നി​ച്ച, അ​വ​രെ​ക്കൊ​ണ്ട് സം​ഘ​ടി​പ്പി​ച്ച​ല്ലോ, അ​തി​ന്‍റെ ഹി​ന്ദു​രാ​ഷ്ട്ര പ്ര​ഖ്യാ​പ​ന​വും അ​തി​​ന്റെ ഭ​ര​ണ​ഘ​ട​നാ രൂ​പവത്ക​ര​ണ​വും ന​ട​ത്തും. ഇ​ത് ജ​നാ​ധി​പ​ത്യ​പ​ര​മാ​യ രീ​തി​യി​ൽ ന​ട​ത്താ​ൻ സാ​ധി​ക്കി​ല്ല. അ​പ്പൊ​പ്പി​ന്നെ ഒ​റ്റ വ​ഴി​യേ​യു​ള്ളൂ. അ​ത് ഫാ​ഷി​സ​ത്തി​ലേ​ക്കു​ള്ള യാ​ത്ര​യാ​ണ്. ഈ ​ഫാ​ഷിസ​ത്തി​ലേ​ക്കു​ള്ള യാ​ത്ര​യാ​ണ് ഇ​ന്ത്യ​ൻ സ​മൂ​ഹ​ത്തി​ന്‍റെ മു​മ്പി​ലെ ഇ​ന്ന​ത്തെ ഏ​റ്റ​വും വ​ലി​യ അ​പ​ക​ടം.

അ​തി​പ്പോ​ൾ 2024ലെ​ തെ​ര​ഞ്ഞെ​ടു​പ്പി​ൽ ജ​യി​ച്ചാ​ലും തോ​റ്റാ​ലും...

ജ​യി​ച്ചാ​ലും തോ​റ്റാ​ലും അ​തു​ണ്ടാ​കും. അ​തി​നു​വേ​ണ്ടി​യി​ട്ടാ​ണ് അ​വ​ര് നി​ൽ​ക്കു​ന്ന​ത്. അ​തി​ന് ഭ​യ​ങ്ക​ര​മാ​യ രീ​തി​യി​ലു​ള്ള സം​ഘ​ർ​ഷ​ങ്ങ​ളും ക​ലാ​പ​ങ്ങ​ളും അ​വ​ര് രൂ​പ​പ്പെ​ടു​ത്തും. ജ​യി​ച്ചാ​ല​വ​ര് ഔ​ദ്യോ​ഗി​ക​മാ​യി​ട്ട് പ്ര​ഖ്യാ​പി​ക്കും. അ​ല്ലെ​ങ്കി​ൽ ഔ​ദ്യേ​ാഗി​ക​മ​ല്ലാ​ണ്ട് പ്ര​ഖ്യാ​പി​ക്കും. അ​പ്പൊ ഇ​ത് ന​മു​ക്ക് വ​ള​രെ​വ​ള​രെ അ​പ​കട​ക​ര​മാ​യ ഒ​രു സാ​ധ്യ​ത​യാ​ണ്. ഇ​ന്ത്യ​ൻ സ​മൂ​ഹ​ത്തി​​ന്റെ ജ​നാ​ധി​പ​ത്യ സം​വി​ധാ​ന​ത്തി​ന് മ​ഹാ ഭീ​ഷ​ണി​യാ​ണ്. ഭ​ര​ണ​ഘ​ട​ന​യെ ന​ന്നാ​യി​ട്ട് എ​തി​ർ​ത്തു​പോ​ന്ന ഒ​രു പ്ര​സ്ഥാ​ന​മാ​ണ് സി.​പി.​എം. ഭ​ര​ണ​ഘ​ട​ന​യു​ടെ ഒ​രു​പാ​ട് ഉ​ള്ള​ട​ക്കം... കാ​ര​ണം ഇ​ത്ര​യും​കാ​ലം, 75 കൊ​ല്ലം ക​ഴി​ഞ്ഞി​ട്ടും ഭ​ര​ണ​ഘ​ട​ന അ​നു​ശാ​സി​ക്കു​ന്ന നി​ര​വ​ധി കാ​ര്യ​ങ്ങ​ൾ നേ​ടാ​ൻ ന​മു​ക്ക് സാ​ധി​ച്ചി​ട്ടി​ല്ല.

അ​തു​കൊ​ണ്ടാ​ണ​ല്ലോ ന​മ്മു​ടെ സം​വ​ര​ണം ഉ​ൾ​പ്പെടെ തു​ട​ർ​ന്നു​കൊ​ണ്ടു​പോ​വാ​ൻ നി​ർ​ബ​ന്ധി​ക്ക​പ്പെ​ടു​ന്ന​ത്. കാ​ര​ണം ഈ ​ജ​ന​ത മു​ന്നോ​ട്ടേ​ക്ക് വ​ന്നി​ല്ല. പ​ക്ഷേ, ഇ​ന്ന​ത്തെ പ​രി​ത​ഃസ്ഥി​തി​യി​ൽ ഈ ​ഭ​ര​ണ​ഘ​ട​ന​യെ​ങ്കി​ലും ഇ​ല്ലെ​ങ്കി​ൽ ന​മ്മു​ടെ ജ​നാ​ധി​പ​ത്യ സം​വി​ധാ​നം പൂ​ർ​ണ​മാ​യി​ട്ട് ഞാ​ൻ​ പ​റ​ഞ്ഞ ഫാ​ഷിസ​ത്തി​ലേ​ക്ക് പോ​കും. അ​തു​കൊ​ണ്ട് ഇ​ന്ന​ത്തെ ഇ​ന്ത്യ​ൻ പ​രി​ത​ഃസ്ഥി​തി​യി​ൽ ഈ ​ഭ​ര​ണ​ഘ​ട​ന സം​ര​ക്ഷി​ക്കു​ക, പാ​ർ​ലമെ​ന്‍റ​റി സം​വി​ധാ​നം സം​ര​ക്ഷി​ക്കു​ക, മ​ത​നി​ര​പേ​ക്ഷ​ത സം​ര​ക്ഷി​ക്കു​ക, എ​ന്നെ​ല്ലാ​മു​ള്ള​ത് വ​ള​രെ പ്ര​ധാ​ന​പ്പെ​ട്ട പൊ​തു​വാ​യ മു​ദ്രാ​വാ​ക്യ​മാ​യി​ട്ട് വ​രി​ക​യാ​ണ്. ഇ​ന്ത്യ​യി​ല്. ഒ​രു പൊ​തു​മു​ദ്രാ​വാ​ക്യ​മാ​യി​ട്ട് വ​ന്നി​ട്ടുണ്ട്. അ​തി​ന്‍റെ ഉ​ൽ​പന്ന​മാ​ണ് ‘ഇ​ൻ​ഡ്യ’.

മു​ന്ന​ണി അ​ല്ലേ...

അ​തെ, ‘ഇ​ൻ​ഡ്യാ’​ന്നു പ​റ​ഞ്ഞാ ‘ഇ​ൻ​ഡ്യാ’ മു​ന്ന​ണി. പ്ര​തി​പ​ക്ഷ​ത്ത് രൂ​പ​പ്പെ​ട്ടി​ട്ടു​ള്ള മു​ന്ന​ണി.

പ​ക്ഷേ, ആ ​മു​ന്ന​ണി​യി​ൽ സി.​പി.​എ​മ്മി​ന്‍റെ പ​ങ്കാ​ളി​ത്തം സം​ബ​ന്ധി​ച്ച് അ​വ്യ​ക്ത​ത​യു​ണ്ട​ല്ലോ...

ഒ​ര​വ്യ​ക്ത​ത​യു​മി​ല്ല. ആ ​മു​ന്ന​ണി​ക്ക് ഒ​രു സം​ഘ​ട​ന​യൊ​ന്നും ആ​വാ​ൻ പ​റ്റി​ല്ല. ആ ​ഒ​രു മു​ന്ന​ണീ​ന്ന് പ​റ​ഞ്ഞാ​ൽ കീ​ഴ്മേ​ൽ ബ​ന്ധ​മു​ള്ള, പൂ​ർ​ണ​മാ​യ അ​ർ​ഥ​ത്തി​ൽ, അ​ങ്ങ​നെ​ണ്ട​ല്ലോ... മേ​ലെ ഇ​രു​ന്നു തീ​രു​മാ​നി​ക്കു​ന്നു, താ​ഴെ ന​ട​പ്പി​ലാ​ക്കു​ന്നു, അ​ങ്ങ​നെ​യു​ള്ളൊ​രു സം​വി​ധാ​ന​ത്തി​ലേ​ക്കൊ​ന്നും പോ​കാ​ൻ സാ​ധി​ക്കു​ന്ന​ത​ല്ല എ​ന്ന് എ​ല്ലാ​വ​ർ​ക്കും അ​റി​യാം.

അ​ങ്ങ​നെ​യാ​ണെ​ങ്കി​ൽ മാ​ഷ് പ​റ​യു​ന്ന​ത്, ഇ​ത് അ​ടി​യ​ന്ത​രാ​വ​സ്ഥ​ക്കു ശേ​ഷം ജെ.പി ഉ​ണ്ടാ​ക്കി​യ മൂ​വ്മെ​ന്‍റ് പോ​ലെ മൂ​വ്മെ​ന്‍റാ​കാം എ​ന്നാ​ണോ?

മൂ​വ്മെ​ന്‍റ് പോ​ലെ​യാ​കാം. അ​ത്ര​യേ സാ​ധി​ക്കു​ക​യു​ള്ളൂ. അ​ല്ലാ​ണ്ട്... ഒാ​രോ സം​സ്ഥാ​ന​ത്തി​നും വ്യ​ത്യ​സ്​തത​യാ​ണ്. ഇ​ന്ത്യാ​ രാ​ജ്യ​ത്തി​ന്‍റെ പ്ര​ത്യേ​ക​ത​യ​താ​ണ്. ഈ ​വൈ​വി​ധ്യം അം​ഗീക​രി​ച്ചാ​ൽ മാ​ത്ര​മേ ഇ​തി​െ​ന്‍റ​യൊ​രു അ​ർ​ഥം മ​ന​സ്സി​ലാ​കു​ക​യു​ള്ളൂ. ഇ​ല്ലെ​ങ്കി​ൽ വെ​റു​തേ​യി​ങ്ങ​നെ പ​റ​ഞ്ഞു​കൊ​ണ്ടി​രി​ക്കു​ക മാ​ത്രേ​യു​ള്ളൂ. ഇ​പ്പോ സി.​പി.​എ​മ്മി​നെ​പ്പറ്റി അ​വ​ര് വി​മ​ർ​ശി​ക്കു​ന്ന​ത് ഞ​ങ്ങ​ൾ ക​മ്മി​റ്റി​യി​ലേ​ക്കി​ല്ല എ​ന്ന​താ​ണ്. ഞ​ങ്ങ​ൾ ക​മ്മി​റ്റി​യി​ൽ പോ​ണ്ട​തി​ല്ലാ എ​ന്നു തീ​രു​മാ​നി​ച്ചി​ട്ടു​ണ്ട്. പാ​ർ​ട്ടി സെ​ന്‍ട്ര​ൽ​ ക​മ്മി​റ്റി തീ​രു​മാ​നി​ച്ചു.

പി.​ബി തീ​രു​മാ​നി​ച്ചു. ക​മ്മി​റ്റി​യി​ൽ പോ​വു​ക എ​ന്നു​പ​റ​ഞ്ഞാ​ൽ അ​ർ​ഥ​മെ​ന്ത്ന്നാ... അ​തൊ​രു ഓ​ർ​ഗ​നൈ​സേ​ഷ​നാ​യി. ആ ​ഓ​ർ​ഗ​നൈ​സേ​ഷ​ന് വി​ധേ​യ​പ്പെ​ട്ടു​കൊ​ണ്ടു​മാ​ത്ര​മേ പി​ന്നെ പ്ര​വ​ർ​ത്തി​ക്കാ​ന്‍ ന​മു​ക്ക് സാ​ധി​ക്കു​ക​യു​ള്ളൂ. അ​ങ്ങ​നെ അ​തി​ന്‍റെ സ്വാ​ത​ന്ത്ര്യം ഉ​പേ​ക്ഷി​ക്കാ​ൻ ഞ​ങ്ങ​ൾ ത​യാ​റ​ല്ല. എ​ന്നാ​ൽ ഇ​ന്ന​ത്തെ, ഞാ​ൻ പ​റ​ഞ്ഞി​ല്ലേ, നേ​രത്തേ​പ​റ​ഞ്ഞി​ല്ലേ, വ​ള​രെ അ​പ​ക​ട​ക​ര​മാ​യ സാ​ഹ​ച​ര്യ​ത്തെ ന​മു​ക്ക് മു​റി​ച്ചു​ക​ട​ക്കാ​ൻ ഇ​ൻ​ഡ്യ അ​നി​വാ​ര്യ​മാ​ണ്. അ​തി​നെ വി​പു​ല​പ്പെ​ടു​ത്ത​ണം. ഈ ​പ​റ​യു​ന്ന 12 ആ​ള​ട​ങ്ങു​ന്ന ഒ​രു ക​മ്മി​റ്റിമാ​ത്ര​മൊ​ന്നു​മ​ല്ല ഉ​ദ്ദേ​ശി​ക്കു​ന്ന​ത്. ആ ​ക​മ്മി​റ്റി​യി​ൽ വ​ള​രെ പ്ര​ധാ​ന​പ്പെ​ട്ട ആ​ളു​ക​ളൊ​ന്നും ഇ​ല്ല​താ​നും. സൂ​ക്ഷ്മ​മാ​യി പ​രി​ശോ​ധി​ച്ചു​നോ​ക്കി​യാ​ൽ അ​റി​യാം ആ​രൊ​ക്കെ​യാ​ണ് എ​ന്ന്...

കെ.​സി. വേ​ണു​ഗോ​പാ​ല​ട​ക്ക​മു​ള്ള 14 ആ​ൾ​ക്കാ​രാ​ണ്...

മ​ധ്യ​പ്ര​ദേ​ശി​ൽ റാ​ലി ന​ട​ത്താ​ൻ തീ​രു​മാ​നി​ച്ചി​ട്ട്, കോ​ൺ​ഗ്ര​സു​കാ​ർ പ​റ​ഞ്ഞു, ഇ​വി​ടെ നി​ങ്ങ​ളു​ടെ റാ​ലി​യൊ​ന്നും വേ​ണ്ടാ എ​ന്ന്. അ​താ സം​ഭ​വം. അ​താ​യ​ത് ക​മ്മി​റ്റി രൂ​പവത്​ക​രി​ച്ച് ആ​ദ്യ​ത്തെ തീ​രു​മാ​നം മ​ധ്യ​പ്ര​ദേ​ശി​ൽ റാ​ലി ന​ട​ത്താ​നാ​യി​രു​ന്നു. ഭോ​പാ​ലി​ൽ. ഭോ​പാ​ൽ റാ​ലി കോ​ൺ​ഗ്ര​സ് വേ​ണ്ട എ​ന്ന് തീ​രു​മാ​നി​ച്ച​പ്പോ ആ ​റാ​ലി വേ​ണ്ടാ​ന്നു​ വെ​ച്ചു​ക​ഴി​ഞ്ഞു. അ​ത് സാ​ധി​ക്കി​ല്ല. സാ​ധി​ക്കു​ന്ന​ത​ല്ല. ഏ​കോ​പി​ത​മാ​യ രീ​തി​യി​ൽ ഒ​ര​ഭി​പ്രാ​യം രൂ​പ​പ്പെ​ടു​ത്തി​യി​ട്ട് മാ​ത്ര​മേ അ​തു സം​ബ​ന്ധി​ച്ച് ഇ​വി​ടെ എ​ന്തെ​ങ്കി​ലും ഒ​രു​ കാ​ര്യം തീ​രു​മാ​നി​ക്കാ​ൻ സാ​ധി​ക്കു​ക​യു​ള്ളൂ. ഒ​രു ഓ​ർ​ഗ​നൈ​സേ​ഷ​നെ​പ്പോ​ലെ ഞ​ങ്ങ​ളി​താ തീ​രു​മാ​നി​ച്ചി​രി​ക്കു​ന്നു, നി​ങ്ങ​ളി​ത് ന​ട​പ്പി​ലാ​ക്ക​ണം എ​ന്നു​പ​റ​ഞ്ഞാ​ൽ ആ​രു ന​ട​പ്പി​ലാ​ക്കാ​നാ! ന​ട​പ്പി​ലാ​കാ​ൻ പോ​കു​ന്നി​ല്ല.

അ​തു​കൊ​ണ്ട് ഇ​ൻ​ഡ്യ വി​പു​ല​പ്പെ​ടു​ത്ത​ണം. അ​ത്യാ​വ​ശ്യ​മാ​ണ്. എ​ന്നാ​ൽ, ഇ​ൻ​ഡ്യ കൈ​കാ​ര്യം ചെ​യ്യേ​ണ്ട​ത് എ​ങ്ങ​നെ​യാ​ണ്... ഞ​ങ്ങ​ള​തി​ന്‍റെ പ്രാ​യോ​ഗി​ക​മാ​യ രൂ​പം​പ​റ​ഞ്ഞു. ഒ​ാരോ സം​സ്ഥാ​ന​വും ഓ​രോ യൂ​നി​റ്റാ​യെ​ടു​ക്ക​ണം. ഇ​ന്ത്യ ഒ​രു യൂ​നി​റ്റാ​യി എ​ടു​ക്കാ​ൻ സാ​ധി​ക്കി​ല്ലാ​ന്ന് ഇ​ന്ത്യ​യെ​ പ​റ്റി എ​ന്തെ​ങ്കി​ലും എ​ബി​സി​ഡി അ​റി​യു​ന്ന ആ​ൾ​ക്ക് അ​റി​യാം. ഇ​ന്ത്യ ഒ​രു യൂ​നി​റ്റാ​യി എ​ടു​ത്തി​റ്റ് ഒ​രു മു​ന്ന​ണി കൈ​കാ​ര്യം ചെ​യ്യാ​ൻ സാ​ധി​ക്കി​ല്ല എ​ന്ന് ആ​ർ​ക്കാ​ അറി​യാ​ത്ത​ത്. എ​ന്നാ​ൽ, നി​ങ്ങ​ൾ​ക്ക് ഓ​രോ സം​സ്ഥാ​ന​വു​മെ​ടു​ക്കാം.

ആ ​സം​സ​്ഥാ​ന​ത്തി​ലെ ബി.​ജെ.പി ന​മു​ക്ക​റി​യാ​ലോ, ഇ​ന്ത്യ​യി​ല് ബി.​ജെ.​പി​ക്ക് 50 ശ​ത​മാ​ന​ത്തി​ല​ധി​കം വോ​ട്ടു​ള്ള ഒ​രു സം​സ്ഥാ​നേ​ള്ളൂ. ഗു​ജ​റാ​ത്ത്. ആ ​ഗു​ജ​റാ​ത്തി​ല​തി​ന് അ​വ​രെ പ്രാ​പ്ത​മാ​ക്കി​യ​ത് കോ​ൺ​ഗ്ര​സാ​ണ്. നി​ങ്ങ​ക്ക് വേ​ഗം മ​ന​സ്സി​ലാ​കു​മ​ല്ലോ. യ​ഥാ​ർ​ഥത്തി​ൽ ബി.​ജെ.​പി​ക്ക്... ഏ​റ്റ​വും​ വ​ലി​യ ക​ലാ​പം​ ന​ട​ന്ന നാ​ടാ​ത്. ആ ​ക​ലാ​പം ന​ട​ന്ന​ നാ​ട്ടി​ൽ അ​വ​ർ​ക്ക് സ്വ​ന്ത​മാ​യി ഭൂ​രി​പ​ക്ഷം കി​ട്ടാ​ൻ, അ​ല്ലെ​ങ്കി​ൽ 50 ശ​ത​മാ​ന​ത്തി​ല​ധി​കം വോ​ട്ടു​ള്ള ഒ​രു പാ​ർ​ട്ടി​യാ​യി വ​ള​രാ​ൻ സൗ​ക​ര്യ​പ്ര​ദ​മാ​യ സാ​ഹ​ച​ര്യം ഒ​രു​ക്കി​യ​ത് കോ​ൺ​ഗ്ര​സാ​ണ്.

കാ​ര​ണം, അ​വി​ടെ കോ​ൺ​ഗ്ര​സേ ഉ​ള്ളൂ. ഫ​ല​പ്ര​ദ​മാ​യി​ട്ട് പ്ര​വ​ർ​ത്തി​ക്കു​ന്ന പ്ര​തി​പ​ക്ഷം എ​ന്നു​ള്ള​ത് കോ​ൺ​ഗ്ര​സാ​യി​രു​ന്നു. ആ ​കോ​ൺ​ഗ്ര​സ് ദു​ർ​ബ​ല​മാ​യി. ആ ​ദു​ർ​ബ​ല​ത​യി​ൽനി​ന്നാ​ണ് ഇ​ന്ത്യ​യി​ൽ ഒ​രു സം​സ്ഥാ​ന​ത്ത് ബി.​ജെ.​പി 50 ശ​ത​മാ​ന​ത്തി​ല​ധി​കം വോ​ട്ട് സം​ഘ​ടി​പ്പി​ച്ച​ത്. ശ​രാ​ശ​രി 37 ശ​ത​മാ​നം വോ​ട്ടേ​യു​ള്ളൂ ബി.​ജെ.​പി​ക്ക്.

മാ​ഷേ, ആ ​ഘ​ട​ക​മു​ണ്ട​ല്ലോ, ഈ 50 ​ശ​ത​മാ​നം വോ​ട്ട് പി​ടി​ക്കു​ന്ന​തി​ൽനി​ന്ന് ഗു​ജ​റാ​ത്തി​ൽ ബി.​ജെ.​പി​യെ ത​ടു​ത്ത് നി​ർ​ത്തി​യി​രു​ന്ന, കോ​ൺ​ഗ്ര​സ് എ​ന്നു​ള്ള ആ ​ഒ​രു ഘ​ട​കം. കേ​ര​ള​ത്തി​ൽ ശ​രി​ക്ക് അ​ത് ചെ​യ്യു​ന്ന​ത് കോ​ൺ​ഗ്ര​സും സി.​പി.​എ​മ്മും ചേ​ർ​ന്നി​ട്ട​ല്ലേ?

കേ​ര​ള​ത്തി​ലേ​ക്ക് വ​രാം. ഞാ​ൻ ഇ​ന്ത്യ തീ​ർ​ന്നി​ട്ട് ഇ​ങ്ങോ​ട്ട് വ​രാം. അ​പ്പോ ഞാ​ൻ പ​റ​ഞ്ഞു​വ​രു​ന്ന​ത് എ​ന്താ​ന്ന് പ​റ​ഞ്ഞാ​ൽ 37 ശ​ത​മാ​നം മാ​ത്രേ ബി.​ജെ.​പി​ക്ക് സ്വാ​ധീ​ന​മു​ള്ളൂ, ആ​കെ മൊ​ത്തം. അ​പ്പൊ ഓ​രോ സം​സ്ഥാ​ന​ത്തി​ലും ബി.​ജെ.​പി​യെ തോ​ൽ​പ്പി​ക്കാ​ൻ സാ​ധി​ക്കു​ന്ന, ഓ​രോ മ​ണ്ഡ​ലം ഓ​രോ പാ​ർ​ട്ടി അ​ത് ഏ​താ​ണോ, ഏ​റ്റ​വും ഫ​ല​പ്ര​ദ​മാ​യി​ട്ട് ആ​ർ​ക്കാ​ണോ ഇ​ന്ന മ​ണ്ഡ​ല​ത്തി​ൽ ഇ​ന്ന സം​സ്ഥാ​ന​ത്ത് തോ​ൽ​പി​ക്കാ​നാ​കു​ക – അ​വ​ർ​ക്ക് അ​നു​കൂ​ല​മാ​യ നി​ല​പാ​ട് സ്വീ​ക​രി​ച്ച് മു​മ്പോ​ട്ടേ​ക്ക് പോ​യാ​ൽ കോ​ൺ​ഗ്ര​സും വ​രും.

അ​ത് ശ​രി​ക്ക് 1967ൽ ​ന​മ്മ​ള് പ​രീ​ക്ഷി​ച്ച​ത​ല്ലേ, ഏ​താ​ണ്ട് എ​ല്ലാ സം​സ്ഥാ​ന​ങ്ങ​ളി​ലും, പ​ല​ സം​സ്ഥാ​ന​ങ്ങ​ളി​ലും...

67ൽ ​അ​ങ്ങ​നെ​യാ​യി​രു​ന്നി​ല്ല. 67ൽ ​കോ​ൺ​ഗ്ര​സ് വി​രു​ദ്ധ ഗ​വ​ൺ​മെ​ന്‍റു​ക​ൾ രൂ​പ​പ്പെ​ട്ട് വ​രു​ന്നു​ണ്ട്. അ​ത് പ​ല സ്ഥ​ല​ത്തും പ​ല സം​സ്ഥാ​ന​ങ്ങ​ളി​ലു​മാ​ണ് വ​ന്ന​ത്. അ​ത് ഇ​തേ​പോ​ലെ​ത​ന്നെ​യാ​ണ്. അ​ത് ഇ​തി​ന്‍റെ ഒ​രു രൂ​പം​ത​ന്നെ​യാ​ണ്.

അ​ന്ന് ലോ​ഹ്യ​യൊ​ക്കെ മു​മ്പോ​ട്ടു വെ​ച്ചി​രു​ന്ന​ത്, ഓ​രോ സം​സ്ഥാ​ന​ങ്ങ​ളു​ടെയും രാ​ഷ്ട്രീ​യ​ നി​ല​പാ​ട് അ​വി​ട​വി​ടെ തീ​രു​മാ​നി​ക്ക​ണം എ​ന്ന ആ​ശ​യ​മാ​ണ​ല്ലോ?

അ​വി​ടെ​ തീ​രു​മാ​നി​ക്ക​ണം എ​ന്നാ​ണ്. അ​തേ സാ​ധി​ക്കു​ക​യു​ള്ളൂ. ഇ​ന്ത്യ​യെ മ​ന​സ്സി​ലാ​ക്കു​ന്ന ആ​ർ​ക്കും അ​തേ സ്വീ​ക​രി​ക്കാ​ൻ പ​റ്റു​ള്ളൂ. പൊ​തു​വാ​യ ദി​ശ നി​ർ​ണ​യി​ക്കാം. അ​തി​ന്‍റെ സൂ​ക്ഷ്മാം​ശ​ത്തി​ലേ​ക്ക് പോ​കു​മ്പ​ഴ് അ​ത​ത് സം​സ്ഥാ​ന​ത്തി​ലേ പ​റ്റു​ള്ളൂ. അ​താ​ണ് ഞാ​നീ പ​റ​ഞ്ഞ​ത്. എ​ങ്ങ​നെ​യാ അ​ത്... അ​തി​ന് അ​ടി​സ്ഥാ​ന​മു​ണ്ട്.

ബി.​ജെ.​പി​യെ തോ​ൽ​പിക്കാ​ൻ പ​റ്റു​ന്ന​ത് എ​വി​ട്യാ​ണോ ആ​രാ​ണോ അ​വ​ടെ ബി.​ജെ.​പി​ക്ക് എ​തി​രാ​യ, ബി.​ജെ.​പി വി​രു​ദ്ധ​വോ​ട്ട് ഛിന്ന​ഭി​ന്ന​മാ​വാ​തെ, ചെ​ത​റി​പ്പോ​വാ​തെ, പൂ​ർ​ണ​മാ​യി​ട്ടും, 37 ശ​ത​മാ​നം ക​ഴി​ഞ്ഞ് ബാ​ക്കി​വ​രു​ന്ന മു​ഴു​വ​ൻ വോ​ട്ടി​നെ​യും ഓ​രോ സം​സ്ഥാ​ന​ത്തി​ന്റെ​യും പ്ര​ത്യേ​ക​ത നോ​ക്കി ഏ​കോ​പി​പ്പിക്കാ​ൻ സാ​ധി​ച്ചാ​ൽ മാ​ത്രേ ഇ​ൻ​ഡ്യാ​ മു​ന്ന​ണി​ക്ക് ഈ ​പ​റ​യു​ന്ന ദൗ​ത്യം നി​ർ​വഹി​ക്കാ​ൻ സാ​ധി​ക്കു​ക​യു​ള്ളൂ.​ എ​ന്നു​പ​റ​ഞ്ഞാ​ൽ, ബി.​ജെ.​പി​യെ തോ​ൽ​പിക്കാ​ൻ സാ​ധി​ക്കു​ക​യു​ള്ളൂ.

അ​പ്പൊ അ​താ​രൊ​ക്കെ​യാ​ണ് എ​ന്ന് ഇ​പ്പോ ന​മ്മക്ക് പ​റ​യാ​ൻ സാ​ധി​ക്കി​ല്ല. ഇ​പ്പോ ​വ​ന്ന് ചേ​ർ​ന്ന​വ​ര് മാ​ത്ര​മ​ല്ല, പ​ത്തി​രു​പ​ത്തെ​ട്ട് പാ​ർ​ട്ടി ഇ​പ്പോ​ ചേ​ർ​ന്നി​ട്ടു​ണ്ട്. 28 പാ​ർ​ട്ടി മാ​ത്ര​മ​ല്ല. ഇ​നി​യി​തി​ന്‍റെ ഒ​പ്പ​ം വ​രാ​ൻ ഒ​രു​പാ​ട് പ​ാർ​ട്ടി... ഇ​തി​ന്‍റെ അ​വ​സാ​ന​ ഘ​ട്ട​മാ​കു​മ്പ​ഴേ​ക്ക്... ഈ ​അ​പ​ക​ടം തി​രി​ച്ച​റി​യു​ന്ന ഇ​ന്ത്യ​ൻ ജ​ന​ത ബി.​ജെ.​പി​യെ തോ​ൽ​പിക്കാ​നു​ള്ള ഒ​രു ക​രു​ത്താ​യി​ട്ട് മാ​റും. അ​തി​ന് അ​തി​ന്‍റെ ഒ​പ്പം​നി​ൽ​ക്കാ​ൻ ക​ഴി​യു​ന്ന ശ​ക്തി​ക​ൾ​ക്ക് ജ​യി​ക്കാ​ൻ സാ​ധി​ക്കും. ഇ​താ​ണ് ഇ​ന്ത്യ​യു​ടെ ഒ​രു പ​ഴ​യ ചി​ത്രം. ഇ​പ്പ​ഴും അ​ത​ന്ന്യാ​ണ്. ആ ​ചി​ത്ര​ത്തി​ലേ​ക്കേ പോ​കാ​ൻ സാ​ധി​ക്കൂ. അ​പ്പോ ഇ​ങ്ങ​നെ​യു​ള്ള ഒ​രു ദേ​ശീ​യ​ രാ​ഷ്ട്രീ​യ സാ​ഹ​ച​ര്യ​മാ​ണു​ള്ള​ത്. അ​തി​​ന്റെത​ന്നെ ഒ​രു ഭാ​ഗ​മാ​ണ​ല്ലോ കേ​ര​ളം.

(തുടരും)

(ചിത്രങ്ങൾ: പി. സന്ദീപ്​)