പു​ല്ലാ​ങ്കു​ഴ​ലി​ലെ കു​ട​മാ​ളൂ​ർ ചി​ട്ട

ആ​സ്വാ​ദ​ക​ർ അ​ൽ​പം ഗൃ​ഹ​പാ​ഠം​ചെ​യ്ത് പ​ഠി​ച്ചി​ട്ടു വേ​ണം കേ​ൾ​ക്കാ​ൻ വ​രാ​നെ​ന്നും ക​ച്ചേ​രി സ​ദ​സ്സു​ക​ൾ വൃ​ദ്ധ​സ​ദ​ന​ങ്ങ​ൾ​ പോ​ലെ​യാ​ണെ​ന്നും വി​മ​ർ​ശ​നം ഉ​ന്ന​യി​ക്കു​ന്ന സം​ഗീ​ത​ജ്ഞ​നാ​ണ്​ കു​ട​മാ​ളൂ​ർ ജ​നാ​ർ​ദ​ന​ൻ. ത​​ന്റെ സം​ഗീ​ത​ത്തെ​യും ജീ​വി​ത​ത്തെ​യും കു​റി​ച്ച്​ സം​സാ​രി​ക്കു​ക​യാ​ണ്​ അ​ദ്ദേ​ഹം.

ക​ല്ലു​വ​ഴി​ച്ചി​ട്ട എ​ന്നൊ​ക്കെ പ​റ​യു​ന്ന​തു​പോ​ലെ ക​ഥ​ക​ളി​യി​ൽ ഇ​തി​ഹാ​സ തു​ല്യ​മാ​യ ഒ​രു ക​ഥ​ക​ളി അ​ധ്യാ​യ​ത്തി​​​ന്റെ പേ​രാ​ണ് കു​ട​മാ​ളൂ​ർ. ‘‘കു​ട​മാ​ളൂ​ർ സൈ​ര​ന്ധ്രി​യാ​യ്...’’ എ​ന്ന സി​നി​മാ ഗാ​ന​ത്തി​​​ന്റെ വ​രി​യി​ലൂ​ടെ സാ​ധാ​ര​ണ​ക്കാ​ര​റി​യു​ന്ന അ​തു​ല്യ ക​ഥ​ക​ളി ന​ട​ൻ കു​ട​മാ​ളൂ​ർ ക​രു​ണാ​ക​ര​ൻ നാ​യ​രു​ടെ നാ​ട്ടി​ൽ സം​ഗീ​തം പ​ക്ഷേ അ​ങ്ങ​നെ പ്രോ​ജ്ജ്വ​ലി​ച്ചി​ല്ല. കോ​ട്ട​യം ജി​ല്ല​യി​ലെ ഒ​രു മ​നോ​ഹ​ര ഗ്രാ​മ​ത്തി​​​ന്റെ പേ​രാ​ണ് കു​ട​മാ​ളൂ​ർ. കു​ട​മാ​ളൂ​ർ ക​രു​ണാ​ക​ര​ന് ഒ​രു ത​ല​മു​റ​ക്കുശേ​ഷം അ​തേ കു​ട​മാ​ളൂ​ർ മ​റ്റൊ​രു സം​ഗീ​ത സ​മ്പ്ര​ദാ​യ​ത്തി​​​ന്റെ പേ​രാ​യി മാ​റി​യി​രി​ക്കു​ന്നു. ഇ​ന്ന് കു​ട​മാ​ളൂ​ർ എ​ന്നു കേ​ട്ടാ​ൽ സം​ഗീ​താ​സ്വാ​ദ​ക​ർ​ക്ക് കു​ട​മാ​ളൂ​ർ ജ​നാ​ർ​ദ​ന​നാ​ണ്.

അ​ങ്ങ​നെ​യൊ​രു നാ​ടി​​​ന്റെ പ​ര്യാ​യ​പ​ദ​ത്തി​ലേ​ക്ക് ത​​​ന്റെ ക​ലാ​സ​പ​ര്യ​യു​ടെ വി​ശേ​ഷ​ണം ചേ​ർ​ത്തു​വെ​ക്കു​ന്ന ത​ര​ത്തി​ൽ കു​ട​മാ​ളൂ​രി​​​ന്റെ സം​ഗീ​തം ജ​ന​ഹൃ​ദ​യ​ങ്ങ​ളെ കീ​ഴ​ട​ക്കു​ന്നു. പാ​ട്ടു​പ​ഠ​ന​ത്തി​ൽ തു​ട​ങ്ങി ഒ​രു കൗ​തു​ക​ത്തി​ന് കി​ട്ടി​യ പു​ല്ലാ​ങ്കു​ഴ​ലി​ലൂ​ടെ ത​​​ന്റെ ഭാ​വ​പ്ര​പ​ഞ്ചം വ​ള​ർ​ത്തി ഇ​ന്ന് കേ​ര​ള​ത്തി​ലെ ഉ​ന്ന​ത​നാ​യ സം​ഗീ​ത​ജ്ഞ​നാ​യി കൂ​ട​മാ​ളൂ​ർ ജ​നാ​ർ​ദ​ന​ൻ. ചി​ന്ത​ക​ളി​ലും പ്ര​യോ​ഗ​ത്തി​ലും ഒ​രു​പോ​ലെ വൈ​വി​ധ്യം പു​ല​ർ​ത്തു​ക​യും രാ​ഗ​ഭാ​വ​ങ്ങ​ളു​ടെ അ​ഭൗ​മ​ത​ക​ളെ നി​ര​ന്ത​ര സാ​ധ​ന​യി​ലൂ​ടെ​യും അ​തി​രു കെ​ട്ടാ​ത്ത ഭാ​വ​ന​യു​ടെ സ്വാ​ത​ന്ത്ര്യ​ത്തി​ലേ​ക്ക് സ​ഞ്ച​രി​ക്കാ​ൻ വി​ടു​ക​യും​ ചെ​യ്ത്, അ​ദ്ദേ​ഹം ക​ണ്ടെ​ത്തി​യ മ​ല​നി​ര​ക​ളും മ​രു​ഭൂ​മി​ക​ളും തെ​ളി​നീ​രു​ക​ളും ക​ട​ൽ​ത്തീ​ര​ങ്ങ​ളും മു​ൾ​പ്പ​ട​ർ​പ്പു​ക​ളും നി​റ​ഞ്ഞ ഭാ​വ​പ്ര​കൃ​തി വൈ​വി​ധ്യം പു​ല്ലാ​ങ്കു​ഴ​ലി​​​ന്റെ സു​ഷി​ര​ങ്ങ​ളി​ൽ​കൂ​ടി ആ​ലാ​പ​ന​വ​ശ്യ​ത​യു​ടെ പെ​ർ​ഫെ​ക്ട് സൃ​ഷ്ടി​ക​ളാ​യാ​ണ് ആ​സ്വാ​ദ​ക​ർ​ക്ക് സ​മ്മാ​നി​ച്ചി​ട്ടു​ള്ള​ത്.

അ​ത് ഹൃ​ദ​യ​ത്തി​ലു​ൾ​ക്കൊ​ണ്ട ന​ല്ല സം​ഗീ​താ​സ്വാ​ദ​ക​ർ മാ​ത്ര​മ​ല്ല, ഒ​രു​പ​ക്ഷേ ആ​രാ​ണ് വാ​യി​ച്ച​തെ​ന്ന​റി​യാ​തെ മ​ന​സ്സി​നെ സ്പ​ർ​ശി​ച്ച ഒ​രു ഈ​ണ​ത്തി​​​ന്റെ തു​ണ്ട് റി​ങ് ടോ​ണാ​ക്കി സൂ​ക്ഷി​ച്ച ല​ക്ഷ​ക്ക​ണ​ക്കി​ന് ജ​ന​ങ്ങ​ളു​ടെ​യും മ​ന​സ്സി​ൽ ഒ​രു​പോ​ലെ സ്വാ​ധീ​നം​ചെ​ലു​ത്തി​യ സം​ഗീ​ത പ്ര​തി​ഭാ​സ​മാ​ണ് കു​ട​മാ​ളൂ​ർ ജ​നാ​ർ​ദ​ന​ൻ. അ​ദ്ദേ​ഹ​ത്തി​​​ന്റെ ഓ​രോ സം​ഗീ​ത വ്യാ​ഖ്യാ​ന​വും ആ​സ്വാ​ദ​ക​​​ന്റെ സ്വ​കാ​ര്യ​സ്വ​ത്തെ​ന്ന​പോ​ലെ ആ​ചാ​ര്യ സം​ഗീ​ത​ത്തി​​​ന്റെ വേ​റി​ട്ട പാ​ഠാ​വ​ലി​ക​ൾകൂ​ടി​യാ​കു​ന്നു. അ​ങ്ങ​നെ അ​വ മാ​സ്റ്റ​ർ പീ​സു​ക​ളു​മാ​കു​ന്നു.

താ​ങ്ക​ളു​ടെ ജ​ന്മ​നാ​ടാ​യ കു​ട​മാ​ളൂ​രി​നെ​ക്കു​റി​ച്ച് ഒ​ന്ന് പ​റ​ഞ്ഞു​കൊ​ണ്ട് ആ​രം​ഭി​ക്കാം. കു​ട​മാ​ളൂ​ർ എ​ന്ന ഗ്രാ​മം എ​ങ്ങ​നെ​യാ​യി​രു​ന്നു സം​ഗീ​ത​വ​ഴി​യി​ൽ സ്വാ​ധീ​നി​ച്ച​ത്?

പേ​രു​കൊ​ണ്ട് വ​ള​രെ ആ​ഢ്യ​ത്വ​മു​ള്ള ഒ​രു സ്ഥ​ല​മാ​ണ് കു​ട​മാ​ളൂ​ർ. എ​ന്നാ​ൽ, എ​ല്ലാ കാ​ര്യ​ത്തി​ലും അ​ങ്ങ​നെ ഉ​ണ്ടോ എ​ന്നു ചോ​ദി​ച്ചാ​ൽ ഇ​ല്ല എ​ന്നാ​ണ് ഉ​ത്ത​രം. ക​ഥ​ക​ളി​യു​ടെ പാ​ര​മ്പ​ര്യ​മാ​ണ് പ്ര​ധാ​ന​മാ​യും ഉ​ള്ള​ത്. എ​ന്നാ​ൽ, സം​ഗീ​ത​ത്തി​ന് അ​ങ്ങ​നെ പാ​ര​മ്പ​ര്യ​മൊ​ന്നു​മി​ല്ല. ഞ​ങ്ങ​ൾ പ​ക്ഷേ, അ​ടി​സ്ഥാ​ന​പ​ര​മാ​യി അ​വി​ട​ത്തു​കാ​ര​ല്ല. ഏ​ഴെ​ട്ടു ത​ല​മു​റ​ക​ൾ മു​മ്പ് ഞ​ങ്ങ​ളു​ടെ കു​ടും​ബം കും​ഭ​കോ​ണ​ത്താ​യി​രു​ന്നു. അ​വി​ടെ​നി​ന്ന് വൈ​ക്ക​ത്ത് വ​ന്ന​വ​രാ​ണ്. അ​ച്ഛ​ന്റെ കു​ടും​ബം അ​വി​ടെ​യാ​യി​രു​ന്നു. അ​ച്ഛ​ൻ ജോ​ലി​യു​ടെ ഭാ​ഗ​മാ​യി കു​ട​മാ​ളൂ​രി​ൽ വ​ന്ന​താ​ണ്. അ​വി​ടെ വ​ന്ന് സ്ഥ​ലം വാ​ങ്ങി വീ​ട് വെ​ച്ച​താ​ണ്. ഞാ​ൻ ജ​നി​ച്ച​ത് അ​വി​ടെ​ത്ത​ന്നെ. പ​ഴ​യ ചെ​മ്പ​ക​ശ്ശേ​രി രാ​ജ​വം​ശ​ത്തി​​​ന്റെ നാ​ടാ​യ​തി​നാ​ൽ ക്ഷേ​ത്ര​ക​ല​ക​ളോ​ടൊ​ക്കെ ന​ല്ല അ​ടു​പ്പം നാ​ട്ടു​കാ​ർ​ക്കു​ണ്ടാ​യി​രു​ന്നു.

അ​ച്ഛ​ൻ കൃ​ഷ്ണ​യ്യ​ർ അ​ധ്യാ​പ​ക​നാ​യി​രു​ന്നെ​ങ്കി​ലും ന​ല്ല സം​ഗീ​ത​ജ്ഞ​നാ​യി​രു​ന്നു. അ​ച്ഛ​ൻ ന​ന്നാ​യി വീ​ണ വാ​യി​ക്കും. ധാ​രാ​ളം സം​ഗീ​ത​ഗ്ര​ന്ഥ​ങ്ങ​ളു​മു​ണ്ടാ​യി​രു​ന്നു. അ​ച്ഛ​ൻ ത​ന്നെ​യാ​ണ് ആ​ദ്യ ഗു​രു. വൈ​ക്കം കി​ട്ടു ഭാ​ഗ​വ​ത​ർ എ​ന്ന​റി​യ​പ്പെ​ട്ടി​രു​ന്ന എ​​​ന്റെ മു​ത്ത​ച്ഛ​ൻ ജ​നാ​ർ​ദ​ന അ​യ്യ​ർ അ​റി​യ​പ്പെ​ടു​ന്ന സം​ഗീ​ത​ജ്ഞ​നാ​യി​രു​ന്നു. ഞാ​ൻ ശ​രി​ക്കും പാ​ട്ടാ​ണ് അ​ച്ഛ​ന്റെ അ​ടു​ത്തു​നി​ന്ന് പ​ഠി​ച്ച് തു​ട​ങ്ങു​ന്ന​ത്.

അ​തി​നി​ട​യി​ൽ ഒ​രി​ക്ക​ൽ ഉ​ത്സ​വ​പ്പ​റ​മ്പി​ൽ​നി​ന്ന് കി​ട്ടു​ന്ന ഫ്ലൂ​ട്ടി​ൽ​നി​ന്നാ​ണ് ആ​ദ്യം സ്വ​യം വാ​യി​ക്കാ​ൻ പ​ഠി​ച്ച​ത്. അ​തി​ൽ ജ്ഞാ​ന​മു​ണ്ടെ​ന്ന് തോ​ന്നി​യി​ട്ടാ​ണ് അ​ച്ഛ​ൻ ഒ​രു ന​ല്ല ഫ്ലൂ​ട്ട് വാ​ങ്ങി​ത്ത​ന്ന​ത്. ഇ​ന്ന​ത്തെ പോ​ലെ ഫ്ലൂ​ട്ട് വാ​ങ്ങാ​ൻ പ​റ്റി​യ ക​ട​ക​ൾ കേ​ര​ള​ത്തി​ൽ​ത​ന്നെ അ​ന്ന് അ​പൂ​ർ​വ​മാ​ണ്. അ​ച്ഛ​ൻത​ന്നെ​യാ​ണ് അ​തി​​​ന്റെ ഫി​ംഗറി​ങ്ങൊ​ക്കെ പ​റ​ഞ്ഞു​ത​ന്ന​ത്.

സ്കൂ​ൾ പ​ഠ​ന​കാ​ല​ത്തെ പെ​ർ​ഫോ​മ​ൻ​സ് ഒ​ക്കെ എ​ങ്ങ​നെ​യാ​യി​രു​ന്നു?

കു​ട​മാ​ളൂ​ർ ഗ​വ. സ്കൂ​ളി​ലാ​ണ് ഞാ​ൻ പ​ഠി​ച്ച​ത്. സ്കൂ​ളി​ൽ മ​ത്സ​ര​ങ്ങ​ൾ​ക്കൊ​ക്കെ പ​ങ്കെ​ടു​ക്കു​മാ​യി​രു​ന്നു. അ​ധ്യാ​പ​ക​രും നാ​ട്ടു​കാ​രു​മൊ​ക്കെ ന​ല്ല പ്രോ​ത്സാ​ഹ​ന​മാ​യി​രു​ന്നു അ​ന്ന് ത​ന്നി​രു​ന്ന​ത്. സം​സ്ഥാ​ന സ്കൂ​ൾ ക​ലോ​ത്സ​വ​ത്തി​ൽ ഞാ​നും ശ​ങ്ക​ര​ൻ ന​മ്പൂ​തി​രി​യു​മൊ​ക്കെ ഒ​രേ സ​മ​യ​ത്താ​ണ് മ​ത്സ​രി​ച്ച് സ​മ്മാ​നം നേ​ടി​യി​രു​ന്ന​ത്. അ​ന്ന് ചാ​ന​ലു​ക​ളൊ​ന്നും ഇ​ല്ല​ല്ലോ. പ​ത്ര​ത്തി​ൽ ഫോ​ട്ടോ വ​രി​ക എ​ന്ന​തൊ​ക്കെ വ​ലി​യ അം​ഗീ​കാ​ര​മാ​യി​രു​ന്നു.

മൂ​ന്നാം ക്ലാ​സി​ൽ പ​ഠി​ക്കു​മ്പോ​ൾ തി​രു​ന​ക്ക​ര ക്ഷേ​ത്ര​ത്തി​ലെ മ​ണ്ഡ​ല ചി​റ​പ്പ് മ​ഹോ​ത്സ​വ​ത്തോ​ട​നു​ബ​ന്ധി​ച്ചാ​ണ് ഞാ​ൻ ആ​ദ്യ​മാ​യി ഒ​രു വേ​ദി​യി​ൽ വാ​യി​ക്കു​ന്ന​ത്. അ​ര​മ​ണി​ക്കൂ​ർ പ​രി​പാ​ടി​യാ​യി​രു​ന്നു. എ​​​ന്റെ അ​ച്ഛ​ൻ ത​ന്നെ​യാ​യി​രു​ന്നു മൃ​ദം​ഗം വാ​യി​ച്ച​ത്. തു​ട​ർ​ന്നു​ള്ള വ​ർ​ഷ​ങ്ങ​ളി​ലും അ​വി​ടെ വാ​യി​ക്കാ​ൻ തു​ട​ങ്ങി. തു​ട​ർ​ന്ന് ഒ​രു മ​ണി​ക്കൂ​ർ പ്രോ​ഗ്രാ​മാ​യും ര​ണ്ട് മ​ണി​ക്കൂ​ർ പ്രോ​ഗ്രാ​മാ​യു​മൊ​ക്കെ അ​ത് വ​ള​ർ​ന്നു. ഒ​പ്പം ചു​റ്റു​മു​ള്ള പ്ര​ദേ​ശ​ങ്ങ​ളി​ൽ ധാ​രാ​ളം ക്ഷേ​ത്ര​ങ്ങ​ളി​ലും പ്രോ​ഗ്രാം കി​ട്ടി. അ​ങ്ങ​നെ​യൊ​​െക്ക വാ​യി​ച്ചു​വ​ന്നെ​ങ്കി​ലും എ​ല്ലാ​ത്ത​രം സം​ഗീ​ത​വും കേ​ൾ​ക്കു​ന്ന എ​​​ന്റെ സം​ഗീ​ത​സ​മ്പ്ര​ദാ​യം മ​റ്റൊ​രു​ത​ര​ത്തി​ൽ ഞാ​ൻ അ​റി​യാ​തെത​ന്നെ രൂ​പ​പ്പെ​ടു​ക​യാ​യി​രു​ന്നു.

അ​ന്ന് സ്വാ​ധീ​നി​ച്ച സം​ഗീ​ത​ജ്ഞ​ർ ആ​രൊ​ക്കെ​യാ​യി​രു​ന്നു?

ഫ്ലൂ​ട്ടി​ൽ അ​ങ്ങ​നെ എ​ടു​ത്തു​പ​റ​യാ​ൻ ആ​രു​മി​ല്ല. എ​ന്നാ​ൽ, വീ​ണ​വി​ദ്വാ​നാ​യ ചി​ട്ടി ബാ​ബു​വാ​ണ് അ​ക്കാ​ല​ത്തെ ഏ​റ്റ​വും അ​ത്ഭു​ത​ത്തോ​ടെ കേ​ട്ടി​രു​ന്ന സം​ഗീ​ത​ജ്ഞ​ൻ. അ​ദ്ദേ​ഹ​ത്തി​​​ന്റെ ലൈ​വ് ക​ച്ചേ​രി​ക​ൾ കേ​ട്ടി​രു​ന്നു. റേ​ഡി​യോ​യി​ലും അ​ദ്ദേ​ഹ​ത്തി​​​ന്റെ വാ​യ​ന കേ​ട്ടി​ട്ടു​ണ്ട്. അ​ങ്ങ​നെ അ​ദ്ദേ​ഹ​ത്തി​ന്റെ പേ​രും വീ​ണ​യും മ​ന​സ്സി​ൽ സ്വാ​ധീ​നി​ച്ചി​രു​ന്നു. അ​ങ്ങ​നെ​യി​രി​ക്കെ നേ​രി​ട്ട് കേ​ൾ​ക്കാ​ൻ അ​വ​സ​രം ല​ഭി​ച്ച​ത് വ​ല്ലാ​ത്ത ഒ​ര​നു​ഭ​വ​മാ​യി​രു​ന്നു.

സം​ഗീ​തം ഒ​രു മാ​ജി​ക്കാ​യി മു​ന്നി​ൽ അ​വ​ത​രി​പ്പി​ക്ക​പ്പെ​ടു​ക​യാ​യി​രു​ന്നു. മ​റ്റൊ​ന്നു​മ​റി​യാ​തെ അ​ക്ഷ​രാ​ർ​ഥ​ത്തി​ൽ വാ ​പൊ​ളി​ച്ച് ഇ​രു​ന്നു​പോ​യി. ഇ​ന്നും അ​ദ്ദേ​ഹ​ത്തി​​​ന്റെ ക​ച്ചേ​രി കേ​ൾ​ക്കു​മ്പോ​ൾ അ​ങ്ങ​നെ​യാ​ണ് തോ​ന്നു​ക. അ​തി​ൽ​നി​ന്നാ​ണ് ഉ​പ​ക​ര​ണ സം​ഗീ​ത​ത്തി​​​ന്റെ സാ​ധ്യ​ത​ക​ളെ കു​റി​ച്ച് ചി​ന്തി​ക്കാ​ൻ തു​ട​ങ്ങി​യ​ത്. ഒ​രു രാ​ഗം പാ​ടി കേ​ൾ​ക്കു​ന്ന​തും അ​ത് ഫ്ലൂ​ട്ടി​ൽ വാ​യി​ക്കു​ന്ന​തും വീ​ണ​യി​ൽ വാ​യി​ക്കു​ന്ന​തു​മൊ​ക്കെ തി​ക​ച്ചും വ്യ​ത്യ​സ്ത​മാ​യ അ​വ​സ്ഥ​ക​ളാ​ണ്, അ​നു​ഭ​വ​ങ്ങ​ളാ​ണ്.

അ​ച്ഛ​​​ന്റെ​യ​ടു​ത്ത് മാ​ത്ര​മാ​യി​രു​ന്നോ അ​ന്ന് പ​ഠി​ച്ചി​രു​ന്ന​ത്?

അ​ല്ല, ഒ​പ്പം ഇ​ള​യ​ച്ഛ​നാ​യ ശി​വ​രാ​മകൃ​ഷ്ണ അ​യ്യ​രു​ടെ​യ​ടു​ത്തും പ​ഠി​ച്ചി​രു​ന്നു. അ​റി​യ​പ്പെ​ടു​ന്ന പു​ല്ലാ​ങ്കു​ഴ​ൽ വി​ദ​ഗ്ധ​നാ​യ അ​ദ്ദേ​ഹം തി​രു​വ​ന​ന്ത​പു​ര​ത്താ​യി​രു​ന്നു താ​മ​സം. അ​ടു​ത്ത് ക​ച്ചേ​രി​ക​ൾ​ക്കൊ​ക്കെ വ​ന്നാ​ൽ വീ​ട്ടി​ൽ വ​രും. അ​പ്പോ​ൾ പ​ഠി​പ്പി​ക്കും. അ​ല്ലാ​തെ തി​രു​വ​ന​ന്ത​പു​ര​ത്തു പോ​യിനി​ന്നും പ​ഠി​ക്കു​മാ​യി​രു​ന്നു. അ​ദ്ദേ​ഹം പ്ര​ഫ​ഷ​ന​ലാ​യി​രു​ന്ന​തി​നാ​ൽ ധാ​രാ​ളം ടെ​ക്നി​ക്കു​ക​ൾ, അ​താ​യ​ത് ശ്രു​തി മെ​യി​ന്റ​യി​ൻ ചെ​യ്യാ​നും ടോ​ണ​ൽ ക്വാ​ളി​റ്റി നി​ല​നി​ർ​ത്താ​നു​മൊ​ക്കെ​യു​ള്ള ധാ​രാ​ളം കാ​ര്യ​ങ്ങ​ൾ അ​ദ്ദേ​ഹ​ത്തി​ൽ​നി​ന്ന് പ​ഠി​ക്കാ​ൻ ക​ഴി​ഞ്ഞി​ട്ടു​ണ്ട്.

ഒ​രു​പാ​ട് ആ​ളു​ക​ളു​ടെ​യ​ടു​ത്ത് പോ​യി പ​ഠി​ച്ചി​ട്ട​ല്ല എ​ന്നി​ലെ സം​ഗീ​തം രൂ​പ​പ്പെ​ട്ട​ത്. കൂ​ടു​ത​ലും സ്വ​യം പ​ഠ​ന​ങ്ങ​ളും അ​ന്വേ​ഷ​ണ​ങ്ങ​ളു​മാ​യി​രു​ന്നു. എ​ല്ലാം അ​ങ്ങ​നെ രൂ​പ​പ്പെ​ട്ടു എ​ന്ന് പ​റ​യു​ന്ന​താ​യി​രി​ക്കും ശ​രി. ധാ​രാ​ളം സം​ഗീ​ത​ജ്ഞ​രെ നേ​രി​ൽ കേ​ട്ട അ​നു​ഭ​വ​ജ്ഞാ​ന​മാ​ണ് അ​തി​​​ന്റെ മു​ത​ൽ​ക്കൂ​ട്ട്. സം​ഗീ​ത​ത്തോ​ടു​ള്ള ഭ്രാ​ന്ത​മാ​യ ഒ​ര​ഭി​നി​വേ​ശം. കേ​ൾ​വി​ത​ന്നെ നി​ര​ന്ത​ര​മാ​യ ഒ​രു സാ​ധ​ന​യാ​യി. വീ​ട്ടി​ൽ വ​ലി​യ സാ​മ്പ​ത്തി​ക സ്ഥി​തി​യൊ​ന്നു​മി​ല്ല. അ​ച്ഛ​ന്റെ ഏ​ക വ​രു​മാ​ന​മേ​യു​ള്ളൂ. അ​തു​കൊ​ണ്ട് വീ​ട്ടി​ൽ റേ​ഡി​യോപോ​ലും ഉ​ണ്ടാ​യി​രു​ന്നി​ല്ല. അ​ക്കാ​ല​ത്ത് ക​ർ​ണാ​ട​ക സം​ഗീ​തം കേ​ൾ​ക്കാ​ൻ റേ​ഡി​യോ വ​ലി​യ ഒ​രു​പാ​ധി​യാ​യി​രു​ന്നു. എ​ന്നാ​ൽ, വീ​ട്ടി​ലി​ല്ലാ​ത്ത​തി​നാ​ൽ മ​റ്റെ​വി​ടെ​യെ​ങ്കി​ലും ​െവ​ച്ചൊ​ക്കെ​യേ കേ​ൾ​ക്കാ​ൻ ക​ഴി​യു​മാ​യി​രു​ന്നു​ള്ളൂ.

പി​ന്നെ​യു​ള്ള ഏ​ക​മാ​ർ​ഗം നേ​രി​ൽ കേ​ൾ​ക്കു​ക എ​ന്ന​താ​യി​രു​ന്നു. അ​തി​നാ​യി എ​ല്ലാ അ​മ്പ​ല​ങ്ങ​ളി​ലും സം​ഗീ​ത​സ​ഭ​ക​ളി​ലു​മൊ​ക്കെ പോ​ക​ണം. ചെ​റു​പ്പം മു​ത​ലേ അ​ങ്ങ​നെ പാ​ട്ടു കേ​ൾ​ക്കാ​നാ​യി യാ​ത്ര ചെ​യ്തു തു​ട​ങ്ങി. ട്രെ​യി​നാ​യി​രു​ന്നു ആ​ശ്ര​യം. തൃ​ശൂ​ർ വ​ട​ക്കാ​ഞ്ചേ​രി വ​രെ​യും കോ​ട്ട​യ​ത്തു​നി​ന്ന് ചേ​ർ​ത്ത​ല വ​രെ​യും ര​ണ്ട് സീ​സ​ൺ ടി​ക്ക​റ്റു​ക​ൾ എ​ടു​ത്താ​യി​രു​ന്നു യാ​ത്ര. പ​ഠ​നം ക​ഴി​ഞ്ഞ് ട്രെ​യി​ൻ ക​യ​റി ക​ച്ചേ​രി കേ​ൾ​ക്കാ​ൻ പോ​യി ക​ഴി​ഞ്ഞാ​ൽ അ​ർ​ധ​രാ​ത്രി​ക്കും വെ​ളു​പ്പി​നു​മൊ​ക്കെ​യാ​ണ് മ​ട​ങ്ങി​വ​രു​ക. കോ​ട്ട​യം റെ​യി​ൽ​വേ സ്റ്റേ​ഷ​നി​ലി​റ​ങ്ങി ന​ട​ന്നാ​ണ് വീ​ട്ടി​ലേ​ക്ക് പോ​വു​ക. പ​ല​പ്പോ​ഴും രാ​ത്രി​യി​ൽ ബീ​റ്റ് പൊ​ലീ​സു​കാ​ർ പി​ടി​ച്ചു​നി​ർ​ത്തി​യി​ട്ടു​ണ്ട്. പി​ന്നീ​ട് സ്ഥി​ര​മാ​യി കാ​ണാ​ൻ തു​ട​ങ്ങി​യ​പ്പോ​ൾ അ​വ​ർ ക​ച്ചേ​രി​യു​ടെ വി​ശേ​ഷ​ങ്ങ​ൾ അ​ന്വേ​ഷി​ക്കാ​ൻ തു​ട​ങ്ങി.

ഇ​ങ്ങ​നെ കേ​ട്ട അ​നേ​കം ക​ച്ചേ​രി​ക​ളു​ടെ അ​നു​ഭ​വ​മാ​ണ് എ​​​ന്റെ സം​ഗീ​ത​സ്വ​ത്ത്. ഏ​ത് പു​തി​യ രാ​ഗം കേ​ട്ടാ​ലും അ​ത് അ​തു​പോ​ലെ ഒ​പ്പി​യെ​ടു​ക്കു​ന്ന ഒ​രു ശീ​ല​മു​ണ്ടാ​യി​രു​ന്നു. അ​ത് പി​ന്നീ​ട് ഫ്ലൂ​ട്ടി​ൽ പ്രാ​ക്ടീ​സ് ചെ​യ്യും. അ​ങ്ങ​നെ​യു​ണ്ടാ​യ രാ​ഗ​ബോ​ധം രാ​ഗ​ങ്ങ​ളി​ലേ​ക്ക് കൂ​ടു​ത​ൽ ഇ​റ​ങ്ങി​ച്ചെ​ല്ലാ​നും അ​തി​​ന്റെ അ​ന​ന്ത​വും അ​ഭൗ​മ​വു​മാ​യ സാ​ധ്യ​ത​ക​ളെ​പ്പ​റ്റി ചി​ന്തി​ക്കാ​നും പ്രേ​രി​പ്പി​ച്ചു. അ​ങ്ങ​നെ​യാ​ണ് സാ​മ്പ്ര​ദാ​യി​ക ക​ച്ചേ​രി​യി​ൽ​നി​ന്ന് വേ​റി​ട്ട് ചി​ന്തി​ക്കാ​ൻ എ​ന്നെ പ്രേ​രി​പ്പി​ച്ച​ത്.

അ​ന്ന​ത്തെ പ​ഠ​ന​രീ​തി​യും സാ​ധാ​ര​ണപോ​ലെ​യാ​യി​രു​ന്നോ?

പ​ഠ​ന​മൊ​ക്കെ സാ​ധാ​ര​ണരീ​തി​യി​ൽ ത​ന്നെ​യാ​യി​രു​ന്നു. ധാ​രാ​ളം വ​ർ​ണ​ങ്ങ​ളും കീ​ർ​ത്ത​ന​ങ്ങ​ളും പ​ഠി​ക്കു​ക എ​ന്നൊ​ക്കെ​യാ​യി​രു​ന്നു. അ​ച്ഛ​​​ന്റെ കൈ​യി​ൽ ത​മി​ഴി​ലു​ള്ള ഗ്ര​ന്ഥ​ങ്ങ​ളു​മാ​യി​രു​ന്നു. എ​നി​ക്ക് ത​മി​ഴ് വാ​യി​ക്കാ​ന​റി​യാ​വു​ന്ന​തു​കൊ​ണ്ട് അ​തൊ​ക്കെ അ​ച്ഛ​​​ന്റെ സ​ഹാ​യ​ത്തോ​ടെ വാ​യി​ച്ച് റ​ഫ​ർ ചെ​യ്യാ​ൻ ക​ഴി​ഞ്ഞു. അ​തി​ൽ​നി​ന്നൊ​ക്കെ കൂ​ടു​ത​ൽ വൈ​വി​ധ്യ​മാ​ർ​ന്ന രാ​ഗ​ങ്ങ​ളും കീ​ർ​ത്ത​ന​ങ്ങ​ളു​മൊ​ക്കെ മ​ന​സ്സി​ലാ​ക്കാ​ൻ ക​ഴി​ഞ്ഞു. ന​മ്മു​ടെ പൊ​തു​വാ​യ പ​ഠ​ന​രീ​തി എ​ങ്ങ​നെ​യെ​ന്നാ​ൽ കീ​ർ​ത്ത​ന​ങ്ങ​ൾ ചി​ട്ട​യോ​ടെ വാ​യി​ക്കു​ക, സാ​മ്പ്ര​ദാ​യി​ക​മാ​യി പ​ഠി​ക്കു​ക അ​ങ്ങ​നെ​യൊ​ക്കെ​യാ​യി​രു​ന്നു. എ​ന്നാ​ൽ, ഞാ​ൻ മ​നോ​ധ​ർ​മ സം​ഗീ​ത​ത്തി​നും സ്വ​ര​ങ്ങ​ളും രാ​ഗ​ങ്ങ​ളു​മൊ​ക്കെ കൂ​ടു​ത​ൽ വാ​യി​ക്കു​ന്ന​തി​ലും ശ്ര​ദ്ധ​കൊ​ടു​ത്തു. കീ​ർ​ത്ത​ന​ങ്ങ​ളു​ടെ സാ​മ്പ്ര​ദാ​യി​ക രീ​തി​യെ​ക്കാ​ൾ ഇ​തി​നാ​ണ് കൂ​ടു​ത​ൽ പ്രാ​ധാ​ന്യം വേ​ണ്ട​തെ​ന്നാ​ണ് എ​നി​ക്ക് തോ​ന്നി​യ​ത്.

കൂ​ടാ​തെ മ​നോ​ധ​ർ​മ​ത്തി​ലെ സ്വ​ര​ങ്ങ​ളു​ടെ വ്യാ​ക​ര​ണം അ​വ​ത​രി​പ്പി​ക്കു​ന്ന ഒ​രു പാ​ണ്ഡി​ത്യ​പ്ര​ക​ട​നം ഇ​തി​ലൂ​ടെ​യൊ​ക്കെ ക​ട​ന്നു​പോ​കേ​ണ്ട​താ​യി വ​ന്നി​ട്ടു​ണ്ട്. ഇ​തൊ​ക്കെ ക​ച്ചേ​രി​ക​ളി​ൽ പ​തി​യെ അ​വ​ത​രി​പ്പി​ക്കാ​നും തു​ട​ങ്ങി. ഇ​തൊ​ക്കെ ചെ​യ്യു​മ്പോ​ഴും മി​സി​ങ് ആ​യ ഒ​രു കാ​ര്യം എ​നി​ക്ക് തോ​ന്നി​യ​ത് മെ​ല​ഡി​യാ​ണ്. സ​ര​സ്വ​തി​യെ​യാ​ണ് കേ​ൾ​ക്കേ​ണ്ട​തെ​ങ്കി​ൽ വ​ര​വീ​ണ വാ​യി​ച്ചാ​ലും മ​തി​യ​ല്ലോ. കു​ട്ടി​ക​ൾ പ്രാ​ഥ​മി​ക​മാ​യി പ​ഠി​ക്കു​ന്ന കൃ​തി​യാ​യി​ട്ടാ​ണ് അ​തി​നെ ക​രു​തി​യി​ട്ടു​ള്ള​ത്. ആ ​രാ​ഗം എ​ങ്ങ​നെ വാ​യി​ക്കു​ന്നു എ​ന്ന​തി​ല​ല്ലേ കാ​ര്യം. ന​മ്മ​ൾ രാ​ഗ​മ​ല്ല കേ​ൾ​ക്കു​ന്ന​ത്, കീ​ർ​ത്ത​ന​മാ​ണ് എ​ന്ന​താ​ണ് നൂ​റ്റാ​ണ്ടു​ക​ളാ​യി തു​ട​രു​ന്ന രീ​തി. അ​തുത​ന്നെ തു​ട​രു​ന്ന​തി​ൽ വ​ലി​യ കാ​ര്യ​മി​ല്ല എ​ന്നെ​നി​ക്കും തോ​ന്നി. ഞാ​ൻ വാ​യി​ക്കു​ന്ന​ത് ഫ്ലൂ​ട്ടി​ലാ​ണ്, അ​ല്ലാ​തെ പാ​ടു​ക​യ​ല്ല. ഒ​രു രാ​ഗ​ത്തി​​​ന്റെ അ​ന​ന്ത​സാ​ധ്യ​ത​യെ കൊ​ണ്ടു​വ​രുക എ​ന്ന​താ​ണ് ഒ​ന്ന്, ര​ണ്ട് എ​ന്നി​ങ്ങ​നെ എ​ഴു​തി​വെ​ച്ച സം​ഗ​തി​ക​ൾ വാ​യി​ക്കു​ന്ന​തി​ലും വ​ലി​യ കാ​ര്യ​മാ​യി എ​നി​ക്ക് തോ​ന്നി​യ​ത്.

താ​ങ്ക​ൾ​ക്ക് ഇ​ത്ത​രം തോ​ന്ന​ലു​ക​ൾ ഉ​ണ്ടാ​യി​ത്തു​ട​ങ്ങി​യ​ത് കു​റെ മു​തി​ർ​ന്ന ശേ​ഷ​മാ​ണോ അ​തോ നേ​ര​ത്തേ മു​ത​ലേ ഉ​േ​ണ്ടാ?

ഞാ​ൻ ഒ​മ്പ​താം ക്ലാ​സി​ൽ പ​ഠി​ക്കു​ന്ന കാ​ല​ത്ത് ശ​ഹാ​ന രാ​ഗം ഒ​രു​വി​ധം ന​ന്നാ​യി​ത്ത​ന്നെ വാ​യി​ക്കു​മാ​യി​രു​ന്നു. എ​ന്നാ​ൽ, അ​തി​ൽ ഒ​രു കീ​ർ​ത്ത​നം​പോ​ലും അ​റി​യി​ല്ല. അ​തു​കൊ​ണ്ട് ഞാ​ൻ എ​ന്തെ​ങ്കി​ലും ഉ​ണ്ടാ​ക്കി വാ​യി​ക്ക​ട്ടെ എ​ന്ന് അ​ച്ഛ​നോ​ട് ചോ​ദി​ച്ചു. അ​തി​ന് നി​ന​ക്ക് കീ​ർ​ത്ത​ന​മൊ​ന്നും അ​റി​യി​ല്ല​ല്ലോ എ​ന്നാ​യി​രു​ന്നു അ​ച്ഛ​​​ന്റെ മ​റു​പ​ടി. വേ​റൊ​രാ​ൾ ഉ​ണ്ടാ​ക്കി​വെ​ച്ച​ത് കാ​ണാ​തെ പ​ഠി​ക്കാ​ത്ത​താ​ണോ എ​​​ന്റെ കു​റ്റം എ​ന്ന് ഞാ​ൻ അ​ന്നേ അ​ച്ഛ​നോ​ട് ചോ​ദി​ച്ചി​രു​ന്നു. അ​ച്ഛ​ൻ എ​തി​ർ​ത്തി​ല്ല. എ​ന്റെ രീ​തി​ക​ളോ​ടൊ​ന്നും അ​ച്ഛ​ന് വി​യോ​ജി​പ്പു​ണ്ടാ​യി​രു​ന്നി​ല്ല. എ​ന്നാ​ൽ, പാ​ര​മ്പ​ര്യം ഡോ​മി​നേ​റ്റ് ചെ​യ്യ​പ്പെ​ടു​ന്ന ഒ​രു സ​മൂ​ഹ​ത്തി​ൽ എ​​​ന്റെ ഭാ​വി അ​പ​ക​ട​ത്തി​ലാ​കു​മോ എ​ന്ന ഒ​രു ആ​ശ​ങ്ക മാ​ത്ര​മേ അ​ച്ഛ​നു​ണ്ടാ​യി​രു​ന്നു​ള്ളൂ.

എ​ല്ലാ രാ​ഗ​ത്തി​ലും ധാ​രാ​ളം കീ​ർ​ത്ത​ന​ങ്ങ​ളു​ണ്ട്. എ​ന്നാ​ൽ, ഫ്ലൂ​ട്ടി​നു​ വേ​ണ്ടി​യോ വീ​ണ​ക്കു വേ​ണ്ടി​യോ ഒ​രു കീ​ർ​ത്ത​നം ആ​രെ​ങ്കി​ലും സൃ​ഷ്ടി​ച്ചി​ട്ടു​ണ്ടോ? ശ്രീ​കൃ​ഷ്ണ​ൻ ഏ​താ​യാ​ലും വാ​യി​ച്ചി​ട്ടു​ള്ള​ത് ത്യാ​ഗ​രാ​ജ കീ​ർ​ത്ത​ന​മാ​യി​രി​ക്കി​ല്ല​ല്ലോ. കൃ​തി​ക​ൾ മാ​ത്രം വാ​യി​ക്കു​ന്ന​തു​കൊ​ണ്ട് ഒ​രു സം​ഗീ​തോ​പ​ക​ര​ണ​ത്തി​​​ന്റെ സാ​ധ്യ​ത​യും ചൂ​ഷ​ണം​ചെ​യ്യ​പ്പെ​ടു​ന്നി​ല്ല. അ​തി​ന് രാ​ഗ​ത്തി​ലേക്കും സ്വ​ര​ത്തി​ലേ​ക്കും ഇ​റ​ങ്ങി​ച്ചെ​ല്ലു​ക എ​ന്ന​തുത​ന്നെ​യാ​ണ് വേ​ണ്ട​ത്.

സാ​മ്പ്ര​ദാ​യി​ക ക​ച്ചേ​രി​യു​ടെ വി​മ​ർ​ശ​ക​നും വേ​റി​ട്ട വ​ഴി​യി​ലൂടെ സ​ഞ്ച​രി​ക്കു​ന്ന ആ​ളു​മാ​ണ് താ​ങ്ക​ൾ. ഇ​ത് ശ​ത്രു​ക്ക​ളെ ഉ​ണ്ടാ​ക്കി​യി​ട്ടു​ണ്ടോ?

അ​ങ്ങ​നെ ശ​ത്രു​ത എ​ന്ന് പ​റ​യാ​ൻ ക​ഴി​യി​ല്ല. പ​ല​ർ​ക്കും വി​ഷ​മ​മു​ണ്ടാ​ക്കി​യി​ട്ടു​ണ്ട്. ഇ​യാ​ൾ​ക്കി​തെ​ന്തു പ​റ്റി, ന​മ്മു​ടെ രീ​തി​യി​ൽ നി​ന്നൊ​ക്കെ മാ​റി പോ​വു​ക​യാ​ണ​ല്ലോ എ​ന്ന ചി​ന്ത. ഞാ​ൻ നി​രീ​ശ്വ​ര​വാ​ദി​യാ​ണെ​ന്ന് പ​റ​യു​ന്ന​വ​രു​ണ്ട്. എ​ന്നാ​ൽ അ​ത് ശ​രി​യ​ല്ല. ഞാ​ൻ ന​ല്ല ഈ​ശ്വ​ര വി​ശ്വാ​സി​യാ​ണ്. എ​ന്നാ​ൽ, ഭ​ക്തി മാ​ത്ര​മാ​ണ് സം​ഗീ​തം എ​ന്നെ​നി​ക്ക​ഭി​പ്രാ​യ​മി​ല്ല. എ​ല്ലാ​ത്ത​രം വി​കാ​ര​ങ്ങ​ളെ​യും ഉ​ൾ​ക്കൊ​ള്ളു​ന്ന​താ​ണ് സം​ഗീ​തം. അ​തി​​​ന്റെ അ​പാ​ര​മാ​യ സാ​ധ്യ​ത​ക​ളെ മാ​റ്റി​െ​വ​ച്ചി​ട്ട് ഭ​ക്തി മാ​ത്രം പാ​ട​ണം എ​ന്നു പ​റ​യു​ന്ന സ​മ്പ്ര​ദാ​യ​ത്തോ​ടാ​ണ് എ​നി​ക്ക് വി​യോ​ജി​പ്പ്.

കൊ​റോ​ണ​ക്കു ശേ​ഷ​വും സോ​ഷ്യ​ൽ മീ​ഡി​യ​യു​ടെ സ്വാ​ധീ​നം വ​ർ​ധി​ച്ച​തോ​ടെ​യും വ​ർ​ഷ​ങ്ങ​ളാ​യി ന​ട​ന്നി​രു​ന്ന പ​ല വേ​ദി​ക​ളും ഇ​ന്നി​ല്ലാ​താ​യി​രി​ക്കു​ന്നു. ഉ​ത്സ​വ​പ്പ​റ​മ്പു​ക​ളി​ലും പ​ഴ​യ​തുപോ​ലെ കാ​ണു​ന്നി​ല്ല?

ന​മ്മു​ടെ ക​ച്ചേ​രി സ​ദ​സ്സു​ക​ൾ വൃ​ദ്ധ​സ​ദ​ന​ങ്ങ​ളി​ലെ​പ്പോ​ലെ​യാ​യി​രി​ക്കു​ന്നു ഇ​ന്ന്. ചെ​റു​പ്പ​ക്കാ​രെ സ​ദ​സ്സി​ൽ ക​ണ്ടി​ട്ട് വ​ർ​ഷ​ങ്ങ​ളാ​യി. ഒ​രു പ​ണി​യു​മി​ല്ലാ​തെ വീ​ട്ടി​ലി​രി​ക്കു​ന്ന വൃ​ദ്ധ​ർ​ക്ക് കേ​ൾ​ക്കാ​നു​ള്ള ഒ​ന്നാ​യി ക​ച്ചേ​രി​ക​ൾ ഇ​ന്ന് മാ​റി​യി​രി​ക്കു​ന്നു. ഒ​രേ സ​മ്പ്ര​ദാ​യം​ത​ന്നെ തു​ട​ർ​ന്നു പോ​കു​ന്ന​തി​ലെ കു​ഴ​പ്പ​മാ​ണി​ത്.

ഫ്ലൂ​ട്ട് ത​മി​ഴി​ലോ മ​ല​യാ​ള​ത്തി​ലോ വാ​യി​ക്കാ​ൻ ക​ഴി​യു​മോ?

അ​തൊ​രു ഇ​ൻ​സ്ട്രു​മെ​ന്റാ​ണ്. ഭാ​ഷ​ക്ക​തീ​ത​മാ​ണ്. ഞാ​ൻ സം​ഗീ​തം പ​ഠി​ച്ച​തി​നൊ​പ്പം മ​റ്റു സ​ബ്ജ​ക്ടു​ക​ളും പ​ഠി​ച്ചി​ട്ടു​ണ്ട്. പു​സ്ത​ക​ങ്ങ​ൾ വാ​യി​ക്കാ​റു​ണ്ട്. അ​ങ്ങ​നെ​യാ​ണ് ഞാ​ൻ ഇ​ങ്ങ​നെ​യൊ​ക്കെ ചി​ന്തി​ക്കാ​ൻ തു​ട​ങ്ങി​യ​ത്. മു​ൻ​കാ​ല​ത്ത് നി​ർ​മി​ച്ച​തൊ​ക്കെ മ​ഹ​ത്ത​ര​ങ്ങ​ൾ ത​ന്നെ​യാ​ണ്. പ​ക്ഷേ, ന​മ്മ​ൾ അ​വി​ടെ​ത്ത​ന്നെ നി​ൽ​ക്കു​ന്ന​ത് എ​ന്തി​നാ​ണ്? അ​വി​ടം​കൊ​ണ്ട് നി​ർ​ത്താ​നാ​ണെ​ങ്കി​ൽ പി​ന്നീ​ട് ദീ​ക്ഷി​ത​രും സ്വാ​തി തി​രു​നാ​ളു​മൊ​ക്കെ ഉ​ണ്ടാ​കു​മാ​യി​രു​ന്നി​ല്ല​ല്ലോ. പി​ന്നെ​യും 200 കൊ​ല്ലം ക​ഴി​ഞ്ഞും ന​മ്മ​ൾ അ​തു​ത​ന്നെ ഫോ​ട്ടോ​സ്റ്റാ​റ്റ് പോ​ലെ പാ​ടി​ക്കൊ​ണ്ടേ​യി​രി​ക്കു​ന്നു. ന​മ്മ​ൾ ദൈ​വ​ത്തെ കാ​ണാ​ൻ പാ​ട്ടി​​​ന്റെ ലി​റി​ക്സി​നെ മാ​ത്രം ആ​ശ്ര​യി​ച്ചു​കൊ​ണ്ടേ​യി​രി​ക്കു​ന്നു.

എ​ന്നാ​ൽ, രാ​ഗ​ത്തി​​​ന്റെ ഭാ​ഷ മ​റ്റൊ​ന്നാ​ണ്. ഫ്ലൂ​ട്ടി​ന്റെ ഭാ​ഷ മ​റ്റൊ​ന്നാ​ണ്. രാ​ഗ​ത്തി​ൽ ചി​ട്ട​പ്പെ​ടു​ത്തു​മ്പോ​ൾ എ​ന്തി​നെ​ക്കു​റി​ച്ച് എ​ഴു​തി​യാ​ലും അ​തി​ൽ ആ ​രാ​ഗ​മു​ണ്ടാ​കും. ഒ​ന്നു​മ​ല്ലാ​തെ ദൈ​വ​ത്തെ പ​റ്റി മാ​ത്ര​മാ​ക​ണ​മെ​ന്നി​ല്ല. പ​ഴ​യ​കാ​ല​ത്ത് ന​മ്മു​ടെ സാ​മൂ​ഹി​കാ​വ​സ്ഥ വ​ള​രെ വ്യ​ത്യ​സ്ത​മാ​യി​രു​ന്നു. കൊ​ളോ​ണി​യ​ൽ ഭ​ര​ണ​ത്തി​ലൊ​ക്കെ ആ​യി​രു​ന്ന​ല്ലോ ന​മ്മ​ൾ. അ​ന്ന​ത്തെ അ​ര​ക്ഷി​താ​വ​സ്ഥ​യി​ലൊ​ക്കെ ഭ​ക്തി വ​ള​രെ ആ​ശ്വാ​സ​മാ​യി​രു​ന്നു. എ​ന്നാ​ൽ, കാ​ലം​മാ​റി. ഇ​തി​ലൊ​ക്കെ മാ​റ്റം​വ​രു​ത്തേ​ണ്ട​തു​ണ്ട്. പാ​ട്ടും ലി​റി​ക്സും മാ​ത്ര​മ​ല്ല​ല്ലോ സം​ഗീ​തം. ഒ​രു കീ​ർ​ത്ത​നം​പോ​ലും ഇ​ല്ലാ​ത്ത രാ​ഗ​ങ്ങ​ൾ എ​ത്ര​യോ ഉ​ണ്ട്. അ​വ​യൊ​ന്നും പാ​ടേ​ണ്ട എ​ന്നാ​ണോ? ന​മ്മ​ൾ സം​ഗീ​ത​ത്തെ​യ​ല്ല, സം​ഗീ​ത​ജ്ഞ​​രെ​യാ​ണ് പ്രോ​ത്സാ​ഹി​പ്പി​ക്കു​ന്ന​ത്. അ​തി​നോ​ട് എ​നി​ക്ക് യോ​ജി​പ്പി​ല്ല.

സം​ഗീ​ത​ത്തി​ൽ പ​ല​ത​രം ശൈ​ലി​ക​ളു​ണ്ട​ല്ലോ. ഇ​തി​ൽ ചി​ല ശൈ​ലി​ക​ൾ ഇ​ഷ്ട​പ്പെ​ടു​ന്ന​വ​ർ അ​ത് പി​ന്തു​ട​രു​ന്ന​വ​രു​ടെ ഒ​രു വ​ർ​ഗീ​ക​ര​ണം ഉ​ണ്ടാ​ക്കു​ക​യും മ​റ്റു​ള്ള​വ​രെ മോ​ശ​മാ​യി ചി​ത്രീ​ക​രി​ക്കു​ക​യു​മൊ​ക്കെ ചെ​യ്യു​ന്നു​ണ്ട്. ഇ​തൊ​ക്കെ വ്യ​ക്തി​ക​ൾ ത​മ്മി​ൽ ശ​ത്രു​ത​പോ​ലും സൃ​ഷ്ടി​ക്കു​ന്നു. ന​മ്മ​ളി​ങ്ങ​നെ ശൈ​ലി​ക​ളെ പി​ന്തു​ട​രേ​ണ്ട​തു​ണ്ടോ?

ശൈ​ലി എ​ന്ന​ത് കൈ​യ​ക്ഷ​രം​പോ​ലെ​യാ​ണ്. ഒ​രാ​ളു​ടെ ക​വി​ത ഞാ​ൻ എ​ടു​ത്തെ​ഴു​തു​മ്പോ​ൾ അ​ദ്ദേ​ഹ​ത്തി​ന്റെ കൈ​യ​ക്ഷ​ര​ത്തി​ൽ​ത​ന്നെ എ​ഴു​ത​ണം എ​ന്ന് വാ​ശി പി​ടി​ക്കു​ന്ന​തെ​ന്തി​നാ​ണ്. അ​തു​പോ​ലെ​യാ​ണ് ശൈ​ലി എ​ന്ന് പ​റ​യു​ന്ന​ത്. എ​ല്ലാ​വ​രും ഒ​രു ശൈ​ലി​യാ​ണ്. ഒ​രാ​ളെ പോ​ലെ​യ​ല്ല മ​റ്റൊ​രാ​ൾ പാ​ടു​ന്ന​ത്. എ​ല്ലാ​വ​രി​ലും ഒ​രു ശൈ​ലി​യു​ണ്ട്. പാ​ടു​ന്ന​തി​ലെ ക​ണ്ട​ന്റി​നെ​യ​ല്ലേ ന​മ്മ​ൾ ഉ​ൾ​ക്കൊ​ള്ളേ​ണ്ട​ത്. ന​മ്മ​ളെ​ന്തി​നാ​ണ് ശൈ​ലി​യെ സ്നേ​ഹി​ക്കു​ന്ന​ത്. സം​ഗീ​തം ദൈ​വി​ക​മാ​ണ് എ​ന്നു പ​റ​യു​ന്നു. ഏ​താ​ണ് ദൈ​വി​ക​മ​ല്ലാ​ത്ത​ത്. എ​ല്ലാ പ്ര​വൃ​ത്തി​ക​ളും എ​ല്ലാ സ​ർ​ഗാ​ത്മ​ക പ്ര​കി​യ​ക​ളും ദൈ​വി​ക​മാ​ണ്. ഏ​തെ​ങ്കി​ലും കീ​ർ​ത്ത​നം കേ​ട്ടാ​ൽ മാ​ത്ര​മേ ദൈ​വ​ത്തെ കാ​ണാ​ൻ ക​ഴി​യൂ എ​ന്നൊ​ക്കെ പ​റ​യു​ന്ന​ത് വി​ഡ്ഢി​ത്ത​മാ​ണ്.

കേ​ൾ​വി​ക്കാ​ർ​ക്കു​വേ​ണ്ടി​യാ​ണോ സം​ഗീ​ത​ത്തി​നു വേ​ണ്ടി​യാ​ണാ ഒ​രാ​ൾ പാ​ടേ​ണ്ട​ത്?

ചാ​ക്യാ​ർ ക​ളി​യാ​ക്കി​യ​പ്പോ​ൾ ഒ​റ്റ ദി​വ​സം​കൊ​ണ്ട് ഒ​രു ക​ലാ​രൂപം സൃ​ഷ്ടി​ച്ചെ​ടു​ത്ത കു​ഞ്ച​ൻ ന​മ്പ്യാ​രെ​പ്പോ​ലു​ള്ള പ്ര​തി​ഭ​ക​ളു​ടെ നാ​ടാ​ണ് ന​മ്മു​ടേ​ത്. തെ​ലു​ങ്ക​ൻ​മാ​രു​ടെ പാ​ട്ടു കേ​ട്ട് പി​ൻ​വ​ലി​യേ​ണ്ട​വ​ര​ല്ല മ​ല​യാ​ളി​ക​ൾ. ക​ല​യി​ലാ​യാ​ലും ഏ​ത് കാ​ര്യ​ത്തി​ലാ​യാ​ലും ഏ​റ്റ​വും മു​ന്നി​ൽ നി​ൽ​ക്കു​ന്ന​വ​രാ​ണ് മ​ല​യാ​ളി​ക​ൾ. ര​ണ്ട് വ​രി സ്വ​ന്ത​മാ​യി എ​ഴു​താ​ൻ ക​ഴി​യാ​ത്ത​വ​രാ​യി, അ​ല്ലെ​ങ്കി​ൽ അ​തി​നു​ള്ള ധൈ​ര്യ​മി​ല്ലാ​തെ തെ​ലു​ഗുവിലും ത​മി​ഴി​ലും ഉ​ള്ള​തൊ​ക്കെ കാ​ണാ​തെ പ​ഠി​ച്ച് എ​ന്തി​നാ​ണ് ന​മ്മ​ൾ ഇ​ങ്ങ​നെ ഫോ​ട്ടോ​സ്റ്റാ​റ്റ് മെ​ഷീ​​​ന്റെ പ​ണി ചെ​യ്യു​ന്ന​ത്.

അ​ഞ്ച് സം​സ്ഥാ​ന​ങ്ങ​ൾ​ക്കും ഒ​രു​പോ​ലെ അ​വ​കാ​ശ​പ്പെ​ട്ട​താ​ണ​ല്ലോ ക​ർ​ണാ​ട​ക സം​ഗീ​തം. ക​ർ​ണാ​ട​ക സം​ഗീ​ത​ത്തി​​​ന്റെ യ​ഥാ​ർ​ഥ അ​തോ​റി​റ്റി ഏ​തു ഭാ​ഷ​ക്കാ​രാ​ണ്?

അ​ങ്ങ​നെ​യാ​ർ​ക്കും അ​വ​കാ​ശ​പ്പെ​ടാ​ൻ ക​ഴി​യി​ല്ല. ഈ ​സം​ഗീ​തം പാ​ടു​ന്ന ആ​ർ​ക്കും അ​തി​​​ന്റെ അ​തോ​റി​റ്റി അ​വ​കാ​ശ​പ്പെ​ടാ​ൻ ക​ഴി​യും. ഞാ​നെ​​​ന്റെ ജീ​വി​ത​ത്തി​ൽ കേ​ട്ടി​ട്ടു​ള്ള ഏ​റ്റ​വും ന​ല്ല തോ​ടി രാ​ഗം ക​ഥ​ക​ളി സം​ഗീ​ത​ജ്ഞ​നാ​യ വെ​ൺ​മ​ണി ഹ​രി​ദാ​സ് പാ​ടി​യ​താ​ണ്. അ​തു​പോ​ലെ ഒ​ര​നു​ഭൂ​തി ത​രാ​ൻ ഒ​രു ചെ​ന്നൈ​ക്കാ​ര​നും ഒ​രു ആ​ന്ധ്ര​ക്കാ​ര​നും ക​ഴി​ഞ്ഞി​ട്ടി​ല്ല. ഞാ​ൻ സ്ഥ​ല​പ്പേ​രി​നെ​യ​ല്ല ഇ​ഷ്ട​പ്പെ​ടു​ന്ന​ത് സം​ഗീ​ത​ത്തെ​യാ​ണ്. ഒ​രി​ക്ക​ൽ തീ​ർ​ഥ​പാ​ദ മ​ണ്ഡ​പ​ത്തി​ൽ ​െവ​ച്ചാ​ണ് ഹ​രി​ദാ​സ് മാ​ഷി​​​ന്റെ തോ​ടി കേ​ട്ട​ത്. എ​ന്താ​ണെ​ന്ന് പ​റ​യാ​ൻ ക​ഴി​യി​ല്ല. ഞാ​ൻ വ​ല്ലാ​ത്തൊ​രു ലോ​ക​ത്താ​യി​പ്പോ​യി. അ​തി​ന്റെ അ​നു​ഭൂ​തി ഇ​ന്നും ഓ​ർ​ക്കു​ന്നു.

ഞാ​ൻ പ്രോ​ഗ്രാം ക​ഴി​ഞ്ഞ​പ്പോ​ൾ അ​ദ്ദേ​ഹ​ത്തി​​​ന്റെ അ​ടു​ത്തുചെ​ന്ന് ചോ​ദി​ച്ചു; മാ​ഷേ, ഞാ​ൻ വ​ല്ല​പ്പോ​ഴു​മൊ​ക്കെ വ​ര​ട്ടെ, എ​ന്തെ​ങ്കി​ലു​മൊ​ക്കെ പ​റ​ഞ്ഞു​ത​രു​മോ എ​ന്ന്. പ​ക്ഷേ, അ​ദ്ദേ​ഹം ഒ​ഴി​ഞ്ഞു​മാ​റി. അ​ദ്ദേ​ഹ​ത്തെ എ​നി​ക്ക് വ​ള​രെ മു​മ്പേത​ന്നെ അ​റി​യാം. അ​ദ്ദേ​ഹ​വും എ​മ്പ്രാ​ന്തി​രി​യും ചേ​ർ​ന്ന് ക​ഥ​ക​ളിപ്പദ ക​ച്ചേ​രി തു​ട​ങ്ങി​യ കാ​ലം​ മു​ത​ൽ കേ​ൾ​ക്കാ​റു​ണ്ട്. പ​ല​യി​ട​ത്തും എ​​​ന്റെ ക​ച്ചേ​രി ക​ഴി​ഞ്ഞ് അ​വ​രു​ടെ ക​ച്ചേ​രി​യു​ള്ള അ​വ​സ​ര​ങ്ങ​ളു​ണ്ടാ​യി​ട്ടു​ണ്ട്. അ​പ്പോ​ൾ ഞാ​ൻ വാ​യി​ക്കു​ന്ന​തു കേ​ൾ​ക്കാ​ൻ അ​വ​ർ മു​ന്നി​ൽ വ​ന്നി​രി​ക്കാ​റു​ണ്ടാ​യി​രു​ന്നു. ഒ​രി​ക്ക​ൽ ഞാ​ൻ ആ​ന​ന്ദ​ഭൈ​ര​വി വാ​യി​ക്കു​ന്ന​ത് കേ​ട്ട് എ​ന്നെ വ​ന്ന് അ​ഭി​ന​ന്ദി​ച്ചി​ട്ട് പ​റ​ഞ്ഞു; ഞ​ങ്ങ​ൾ ഇ​ന്ന് ഒ​രു ആ​ന​ന്ദ​ഭൈ​ര​വി പാ​ടു​ന്നു​ണ്ട്, അ​തുകൂ​ടി കേ​ട്ടി​ട്ടേ പോ​കാ​വൂ എ​ന്ന്. അ​തും ഇ​ന്നും ഓ​ർ​മ​യി​ലു​ണ്ട്. എ​ങ്ങ​നെ​യാ​ണ് ആ​ന​ന്ദം രാ​ഗ​ത്തി​ലൂ​ടെ അ​വ​ത​രി​പ്പി​ക്കേ​ണ്ട​തെ​ന്ന് അ​ന്നാ​ണ് മ​ന​സ്സി​ലാ​യ​ത്.

കേ​ര​ള​ത്തി​ൽ മാ​ത്രം ഒ​തുങ്ങി​നി​ൽ​ക്കു​ന്ന ക​ഥ​കളി സം​ഗീ​ത​ത്തി​ൽ ഇ​ങ്ങ​നെ​യൊ​രു ഭാ​വ​ത​ലം ഉ​രു​ത്തി​രി​യു​ന്ന​തി​​​ന്റെ ര​ഹ​സ്യം എ​ന്താ​ണെ​ന്നാ​ണ് മാ​ഷ് ക​രു​തു​ന്ന​ത്?

ഭാ​വം. അ​താ​ണ് പ്ര​ധാ​നം. ആ​ർ​ക്കും മ​ന​സ്സി​ലാ​കാ​ത്ത ഒ​ന്ന് അ​വ​ത​രി​പ്പി​ച്ച് പാ​ണ്ഡി​ത്യം പ്ര​ക​ടി​പ്പി​ക്കു​ന്ന​തി​​നേ​ക്കാ​ൾ വ​ലി​യ കാ​ര്യ​മാ​ണ് എ​ല്ലാ​വ​ർ​ക്കും മ​ന​സ്സി​ലാ​കു​ന്ന ഒ​രു കാ​ര്യം മ​റ്റാ​ർ​ക്കും ചെ​യ്യാ​ൻ ക​ഴി​യാ​ത്ത രീ​തി​യി​ൽ അ​വ​ത​രി​പ്പി​ക്കു​ന്ന​ത്. അ​തി​ലാ​ണ് ഒ​രു പെ​ർ​ഫോ​മ​റു​ടെ മ​ഹ​ത്ത്വം. ക​ല​യെ​ന്ന​ത് ഒ​രി​ട​ത്ത് ഒ​തു​ങ്ങി​നി​ൽ​ക്കു​ന്ന ഒ​ന്ന​ല്ല. അ​തി​​​ന്റെ മ​ണ്ഡ​ലം വി​ക​സി​ക്കു​ന്ന​തി​ന​നു​സ​രി​ച്ച് ക​ല​യു​ടെ മ​ഹ​ത്ത്വ​വും വ​ർ​ധി​ക്കു​ന്നു. ഒ​രു ക​ഥ​ക​ളി സം​ഗീ​ത​ജ്ഞ​ൻ മ​നു​ഷ്യ​ജീ​വി​ത​ത്തി​​​ന്റെ അ​നേ​കം വി​കാ​ര​ങ്ങ​ളി​ലൂ​ടെ​യാ​ണ് ക​ട​ന്നുപോ​കു​ന്ന​ത്.

എ​നി​ക്ക് മ​ല​യാ​ളി​ക​ളോ​ട് ത​ന്നെ​യാ​ണ് ബ​ഹു​മാ​നം. ന​മ്മു​ടെ കൈ​യി​ൽ എ​ന്തു​ണ്ടോ അ​ത് ന​ന്നാ​യി കൈ​കാ​ര്യം​ചെ​യ്യു​ക. അ​ല്ലാ​തെ, മ​റ്റു​ള്ള​വ​രെ പൊ​ക്കി​പ്പ​റ​ഞ്ഞ​തു​കൊ​ണ്ട് ന​മു​ക്കെ​ന്ത് കി​ട്ടാ​നാ​ണ്. ഇ​വി​ടെ എ​ത്ര​യോ പേ​ർ ത​ബ​ല പ​ഠി​ക്കു​ന്നു, ക​ഥ​ക് പ​ഠി​ക്കു​ന്നു. പ​ക്ഷേ, ഉ​ത്ത​രേ​ന്ത്യ​യി​ൽ​നി​ന്ന് ആ​രെ​ങ്കി​ലും ക​ഥ​ക​ളി പ​ഠി​ക്കു​ന്നു​ണ്ടോ?

ക​ഥ​ക​ളി സം​ഗീ​ത​ത്തി​ൽ ക​ർ​ണാ​ട​ക സം​ഗീ​ത​ത്തി​​​ന്റെ സ്വാ​ധീ​നം​ ത​ന്നെ​യ​ല്ലേ ഉ​ള്ള​ത്?

അ​തെ, ഞാ​ൻ കേ​ൾ​ക്കാ​ൻ തു​ട​ങ്ങി​യ കാ​ലം മു​ത​ൽ അ​ങ്ങ​നെ​യാ​ണ് തോ​ന്നി​യി​ട്ടു​ള്ള​ത്. എ​ന്നാ​ൽ, അ​വ​ർ​ക്ക് കൂ​ടു​ത​ലാ​യി അ​ത് പ്ര​ക​ടി​പ്പി​ക്കാ​ൻ ക​ഴി​യു​ന്ന​ത് ന​മ്മു​ടെ എ​ല്ലാ മാ​നു​ഷി​ക വി​കാ​ര​ങ്ങ​ളി​ലൂ​ടെ​യും അ​ത് ക​ട​ന്നു​പോ​കു​ന്ന​തു​കൊ​ണ്ടാ​ണ്. ന​മ്മു​ടെ ക​ച്ചേ​രി​ക​ളി​ൽ ഭ​ക്തി​യാ​ണ് എ​ല്ലാം എ​ന്നാ​ണ് ക​രു​തി​യി​രി​ക്കു​ന്ന​ത്.

ന​മ്മ​ൾ മ​ല​യാ​ളി​ക​ൾ​ക്ക് പൊ​തു​വെ മ​റ്റു​ള്ള​വ​രോ​ട് ഒ​രു വി​ധേ​യ​ത്വ​മു​ണ്ട്. ഇം​ഗ്ലീ​ഷ് ഭാ​ഷ​യോ​ടു​ള്ള ന​മ്മു​ടെ അ​മി​ത താ​ൽ​പ​ര്യ​മൊ​ക്കെ അ​ങ്ങ​നെ വ​ന്ന​താ​ണ്. ഇം​ഗ്ലീ​ഷു​കാ​രു​ടെ തൊ​ലി വെ​ളു​ത്തി​രി​ക്കു​ന്ന​തു​കൊ​ണ്ടാ​ണ് ന​മ്മ​ൾ​ക്ക് ആ ​ഭാ​ഷ​യോ​ട് ഇ​ത്ര അ​ഭി​നി​വേ​ശം വ​ന്ന​ത്.

ന​മ്മു​ടെ നി​ല​വി​ലു​ള്ള രീ​തി​യ​നു​സ​രി​ച്ച് ഉ​പ​ക​ര​ണ​സം​ഗീ​തം മെ​യി​ൻ പ്രോ​ഗ്രാ​മാ​യി അ​വ​ത​രി​പ്പി​ക്കു​മ്പോ​ഴും നി​ല​വി​ലെ വാ​യ്പാ​ട്ട് ക​ച്ചേ​രി സ​മ്പ്ര​ദാ​യം ത​ന്നെ​യാ​ണ് തു​ട​രു​ന്ന​ത്. ഇ​തി​ൽ കാ​ര്യ​മാ​യ മാ​റ്റം വ​രു​ത്തി​യ​ത് താ​ങ്ക​ളു​ടെ ഇ​ന്ന​വേ​റ്റി​വ് ആ​യ സീ​ഡി​ക​ളും ആ​ൽ​ബ​ങ്ങ​ളു​മാ​യി​രു​ന്നു...

വീ​ണ മീ​ട്ടി വാ​യി​ക്കു​ന്ന ഉ​പ​ക​ര​ണ​വും ഫ്ലൂ​ട്ട് ഊ​തി വാ​യി​ക്കു​ന്ന​തും വ​യ​ലി​ൻ ബോ ​കൊ​ണ്ട് വാ​യി​ക്കു​ന്ന​തു​മാ​ണ്. ഇ​തി​നെ​ല്ലാം ഒ​രേ പാ​ഠ്യ​പ​ദ്ധ​തി എ​ങ്ങ​നെ ശ​രി​യാ​കും. ന​മു​ക്ക് വാ​യ്പാ​ട്ടി​​​ന്റെ പാ​ഠ്യ​പ​ദ്ധ​തി​യേ ഉ​ള്ളൂ. അ​ത് എ​ല്ലാ​ത്തി​നും പ​റ​ഞ്ഞു​കൊ​ടു​ക്കു​ക​യാ​ണ്. ഇ​തൊ​ക്കെ മാ​റേ​ണ്ടി​യി​രി​ക്കു​ന്നു. കാ​ല​ത്തി​ന് മു​ന്നേ ന​ട​ന്ന വീ​ണ​യി​ലെ അ​ത്ഭു​ത​മാ​യ ചി​ട്ടി ബാ​ബു സാ​റി​​​ന്റെ ആ​ലാ​പ​ന​ത്തെ​ക്കുറി​ച്ച് ഒ​രു പാ​ട്ട​റി​യാ​വു​ന്ന വ്യ​ക്തി​യോ​ട് സം​സാ​രി​ച്ച​പ്പോ​ൾ അ​വ​ർ പ​റ​ഞ്ഞ​ത് അ​യാ​ൾ ഒ​രു പാ​ട് മീ​ട്ടി​വാ​യി​ക്കു​ന്നു എ​ന്നാ​ണ്.

എ​നി​ക്ക് ചി​രി​യാ​ണ് വ​ന്ന​ത്. ഞാ​ൻ ത​ർ​ക്കി​ക്കാ​ൻ നി​ന്നി​ല്ല. മീ​ട്ടി​വാ​യി​ക്കേ​ണ്ട ഉ​പ​ക​ര​ണ​മാ​യ വീ​ണ മീ​ട്ടി​യ​ല്ലാ​തെ പി​ന്നെ എ​ങ്ങ​നെ​യാ​ണ് വാ​യി​ക്കേ​ണ്ട​ത്. നീ​ന്തു​ന്ന ഒ​രാ​ൾ കൂ​ടു​ത​ൽ തു​ഴ​യു​ന്നു എ​ന്ന് പ​റ​യു​ന്ന​തു​പോ​ലെ​യാ​ണ​ത്. തു​ഴ​യാ​തെ അ​യാ​ൾ​ക്ക് നീ​ന്താ​ൻ ക​ഴി​യി​ല്ല​ല്ലോ. അ​തു​പോ​ലെ​യാ​ണ് വീ​ണ മീ​ട്ടു​ന്ന കാ​ര്യ​വും. മീ​ട്ടു​ന്ന വാ​ദ്യം മീ​ട്ടി​ത്ത​ന്നെ വാ​യി​ക്ക​ണം. അ​ത് സാ​ഹി​ത്യ​ത്തി​ൽ​നി​ന്ന് കൂ​ടു​ത​ലാ​യി അ​ക​ന്നുപോ​കു​ന്നു എ​ന്ന​താ​ണ് ന​മ്മു​ടെ ആ​സ്വാ​ദ​ക​രു​ടെ പ്ര​ശ്നം. പ​ണ്ട് പാ​ടി​വെ​ച്ച​പോ​ലെ ഇ​പ്പോ​ഴും പാ​ട​ണം എ​ന്നാ​ണ് അ​വ​ർ ശാ​ഠ്യം പി​ടി​ക്കു​ന്ന​ത്. ഇ​ത്ത​രം ശീ​ല​ങ്ങ​ളെ മാ​റ്റി​യെ​ടു​ക്കു​ക​യാ​ണ് വേ​ണ്ട​ത്.

കേ​ര​ള​ത്തി​ലെ പാ​ട്ടു​കാ​ർ മി​ക്ക​പ്പോ​ഴും സാ​ധാ​ര​ണ​ക്കാ​ർ​ക്ക​റി​യാ​വു​ന്ന പോ​പു​ല​ർ കീ​ർ​ത്ത​ന​ങ്ങ​ൾ പാ​ടി​യാ​ണ് ക​ച്ചേ​രി അ​വ​ത​രി​പ്പി​ക്കു​ന്ന​ത്. പു​തുത​ല​മു​റ​യി​ൽ പാ​ട്ട് പ​ഠി​ക്കു​ന്ന​വ​രും ഒ​ന്നും സീ​രി​യ​സാ​യി എ​ടു​ക്കു​ന്നി​ല്ല?

കോ​ഴി​ക്കോ​ട്ടു​നി​ന്ന് ഒ​രു പാ​ട്ടു​കാ​ര​ൻ, ക​ന്യാ​കു​മാ​രി​യി​ൽ​നി​ന്നൊ​രു മൃ​ദം​ഗ​കാ​ര​ൻ, കോ​ട്ട​യ​ത്തു​നി​ന്നൊ​രു വ​യ​ലി​നി​സ്റ്റ് എ​ന്നി​വ​ർ ചേ​ർ​ന്ന് എ​ന്തു സം​ഗീ​ത​മാ​ണ് നി​ങ്ങ​ൾ​ക്ക് ന​ൽ​കു​ന്ന​ത്. ഹം​സ​ധ്വ​നി പാ​ടു​ക​യാ​ണെ​ങ്കി​ൽ ‘‘വാ ​താ​പി’’ ആ​യി​രി​ക്കും, ആ​ഭേ​രി ആ​ണെ​ങ്കി​ൽ ‘‘ന​ഗു​മോ’’ ആ​യി​രി​ക്കും എ​ന്ന ബോ​ധ്യം ഇ​വ​ർ​ക്കു​ണ്ട്. അ​തു​കൊ​ണ്ടാ​ണ് അ​തി​വി​ടെ വി​ജ​യി​ക്കു​ന്ന​ത്. യ​ഥാ​ർ​ഥ​ത്തി​ൽ ഇ​വ​ർ ഒ​ന്നി​ച്ചുചേ​ർ​ന്നി​രു​ന്ന് പ്രാ​ക്ടീ​സ് ചെ​യ്തു​വേ​ണം പെ​ർ​ഫോം ചെ​യ്യാ​ൻ. അ​ല്ലാ​തെ ത​ട്ടി​ക്കൂ​ട്ടി ആ​സ്വാ​ദ​ക​രെ പ​റ്റി​ക്കു​ക​യ​ല്ല വേ​ണ്ട​ത്.

കൃ​ത്യ​മാ​യി പ്രാ​ക്ടീ​സ് ചെ​യ്യാ​തെ ഒ​രു ക​ലാ​രൂ​പ​വും ന​മ്മ​ൾ അ​വ​ത​രി​പ്പി​ക്കാ​റി​ല്ല. എ​ന്നാ​ൽ, സം​ഗീ​ത​ത്തി​​​ന്റെ കാ​ര്യ​ത്തി​ൽ അ​ങ്ങ​നെ​യ​ല്ല. മി​ക്ക​വാ​റും സ്ഥി​ര​മാ​യ പ​ക്ക​മേ​ളം. അ​തി​ൽ പാ​ടി ഒ​പ്പി​ക്കു​ക എ​ന്ന​തൊ​ക്കെ​യാ​ണ് രീ​തി. ന​മ്മു​ടെ സം​ഗീ​തം ഡി​മാ​ൻ​ഡ് ചെ​യ്യു​ന്ന ഉ​പ​ക​ര​ണ​ങ്ങ​ൾ വാ​യി​ക്കു​ക​യാ​ണ് വേ​ണ്ട​ത്. യ​ഥാ​ർ​ഥ​ത്തി​ൽ ന​മ്മു​ടെ ഭാ​വ​ന​യെ ഒ​രു വ​ട്ട​ത്തി​ലേ​ക്ക് പ​രി​മി​ത​പ്പെ​ടു​ത്തു​ക​യാ​ണ് ഇ​വ​ർ ചെ​യ്യു​ന്ന​ത്. ഒ​രു ക​ലാ​കാ​ര​​​ന്റെ ഭാ​വ​ന എ​ന്നാ​ണെ​ന്ന് ശീ​ലി​ച്ചാ​ലെ​ന്താ കേ​ൾ​വി​ക്കാ​ർ​ക്ക്?

പാ​ട്ടു​കാ​ര​ൻ കേ​ൾ​വി​ക്കാ​ർ​ക്കു വേ​ണ്ടി​യാ​ണോ പാ​ടേ​ണ്ട​ത് അ​തോ അ​യാ​ൾ​ക്കു വേ​ണ്ടി​യാ​ണോ പാ​ടേ​ണ്ട​ത് എ​ന്ന ചോ​ദ്യം പ​ല​പ്പോ​ഴും ഉ​ന്ന​യി​ക്ക​പ്പെ​ടു​ന്ന ഒ​ന്നാ​ണ്. എ​ന്തു പ​റ​യു​ന്നു?

കേ​ൾ​വി​ക്കാ​ർ ഹോം ​വ​ർ​ക്ക് ചെ​യ്തി​ട്ട് വ​ര​ണം എ​ന്നാ​ണ് എ​നി​ക്ക് പ​റ​യാ​നു​ള്ള​ത്. കാ​ര​ണം ന​മ്മ​ൾ സ്ഥി​ര​മാ​യി കേ​ൾ​ക്കു​ന്ന ഒ​ന്ന് പ്ര​തീ​ക്ഷി​ച്ച് വ​ര​രു​ത്. ന​മ്മ​ൾ പാ​ട്ടു​കാ​ര​നി​ൽ​നി​ന്ന് പു​തു​താ​യി എ​ന്തെ​ങ്കി​ലും കേ​ൾ​ക്കാ​ൻ ആ​ഗ്ര​ഹി​ച്ച് വ​ര​ണം. ചി​ല കൃ​തി​ക​ൾ വാ​യി​ക്കാ​നൊ​ക്കെ ആ​വ​ശ്യ​പ്പെ​ടു​ന്ന​ത​ല്ലാ​തെ ആ​രും ഒ​രു കാം​ബോ​ജി വാ​യി​ക്കൂ എ​ന്നോ ആ​ന​ന്ദ​ഭൈ​ര​വി വാ​യി​ക്കൂ എ​ന്നോ ആ​വ​ശ്യ​പ്പെ​ട്ടി​ട്ടി​ല്ല. അ​ങ്ങ​നെ​യൊ​രു സം​ഗീ​ത സം​സ്കാ​ര​മാ​ണ് ന​മ്മ​ൾ സൃ​ഷ്ടി​ച്ചെ​ടു​ക്കേ​ണ്ട​ത്. ഒ​രു സി​നി​മ​യി​ലെ പ​ല ത​ര​ത്തി​ലു​ള്ള ഇ​മോ​ഷ​ൻ​സി​ന​നു​സ​രി​ച്ച് പ​ശ്ചാ​ത്ത​ല സം​ഗീ​തം ഒ​രു​ക്കു​ന്നു​ണ്ട്. അ​തി​ന് ഒ​രു ലി​റി​ക്സും ഇ​ല്ല​ല്ലോ. അ​വ ന​മ്മ​ൾ ന​ന്നാ​യി ആ​സ്വ​ദി​ക്കു​ന്നി​ല്ലേ. വാ​താ​പി പാ​ടു​മ്പോ​ൾ അ​ത് ന​ന്നാ​യി എ​ന്ന് ന​മു​ക്ക് തോ​ന്നു​ന്ന​ത് അ​ത് ഹം​സ​ധ്വ​നി രാ​ഗ​മാ​യ​തു​കൊ​ണ്ടാ​ണ്.

ടി.​എം. കൃ​ഷ്ണ അ​ടു​ത്തി​ടെ സ​മാ​ന​മാ​യ ഒ​ര​ഭി​പ്രാ​യം പ​റ​യു​ക​യു​ണ്ടാ​യി. ‘‘സാ​ധിം​ച​നേ’’ എ​ന്ന കീ​ർ​ത്ത​നം ഉ​ദ്ധ​രി​ച്ച്, അ​ർ​ഥം നോ​ക്കി​യാ​ൽ അ​തി​ന്റെ മാ​ജി​ക്ക​ൽ പാ​റ്റേ​ൺ പാ​ടാ​നാ​യി​ല്ലെ​ന്ന്...?

അ​ദ്ദേ​ഹം എ​ന്താ​ണ് പ​റ​ഞ്ഞ​തെ​ന്ന്​ ഞാ​ൻ കേ​ട്ടി​ട്ടി​ല്ല. ലി​റി​ക്സി​നെ മാ​നി​ക്കേ​ണ്ട എ​ന്ന​ല്ല ഞാ​ൻ പ​റ​ഞ്ഞ​ത്. ലി​റി​ക്സി​നെ മാ​നി​ക്കു​ക ത​ന്നെ വേ​ണം. അ​ല്ലെ​ങ്കി​ൽ അ​ത് സൃ​ഷ്ടി​ച്ച ആ​ളോ​ടു​ള്ള നീ​തി​കേ​ടാ​യി​രി​ക്കും. പ​ക്ഷേ, അ​തി​ൽ എ​ഴു​ത്തു​കാ​ര​ൻ ക​ണ്ട ഭാ​വ​ന​ക്ക് അ​പ്പു​റ​ത്തേ​ക്ക് സ​ഞ്ച​രി​ക്കു​ന്ന വി​കാ​ര​ഭാ​വ​ങ്ങ​ളാ​ണ് കൊ​ണ്ടു​വ​രേ​ണ്ട​ത്. ‘‘താ​യേ യ​ശോ​ദ’’ എ​ന്ന കൃ​തിത​ന്നെ എ​ടു​ത്താ​ൽ പ്ര​പ​ഞ്ചം മു​ഴു​വ​ൻ നി​റ​ഞ്ഞുനി​ൽ​ക്കു​ന്ന പ​ര​ബ്ര​ഹ്മം നി​ന്നെ അ​മ്മേ എ​ന്നുവി​ളി​ക്കു​ന്നു. അ​തി​ന് നീ ​എ​ന്തു പു​ണ്യ​മാ​ണ് ജീ​വി​ത​ത്തി​ൽ ചെ​യ്ത​ത് എ​ന്നും ബ്ര​ഹ്മ​നും ഇ​ന്ദ്ര​നും ആ​രാ​ധി​ക്കു​ന്ന ദൈ​വ​ത്തെ നീ ​ഉ​ര​ലി​ൽ കെ​ട്ടി​യി​ടു​ന്നു, വ​ഴ​ക്ക് പ​റ​യു​ന്നു ഇ​തി​ന് നീ ​എ​ന്ത് പു​ണ്യ​മാ​ണ് ചെ​യ്ത​തെ​ന്നു​മാ​ണ്. അ​ത്യു​ദാ​ത്തമാ​യ ഒ​രു ഭാ​വ​ന​യാ​ണ​ത്. അ​ങ്ങ​നെ​യു​ള്ള ഭാ​ഗ​മൊ​ക്കെ വാ​യി​ക്കു​മ്പോ​ൾ അ​ങ്ങേ​യ​റ്റം വി​കാ​ര​ഭ​രി​ത​രാ​കും ന​മ്മ​ൾ.

മ​ഹാ​വി​ഷ്ണു​വി​നെ​ക്കാ​ൾ ഇ​വി​ടെ അ​മ്മ​മാ​ർ​ക്കും മ​റ്റും ഇ​ഷ്ടം ഉ​ണ്ണി​ക്ക​ണ്ണ​നെ​യാ​ണ്. അ​തി​ന് ‘‘രാ​ര​വേ​ണു ഗോ​പ​ബാ​ല’’ എ​ന്ന കൃ​തി പാ​ടി​യാ​ലും മ​തി. അ​തി​​​ന്റെ രാ​ഗ​ഭാ​വം ന​മ്മെ സ്പ​ർ​ശി​ക്കും. എ​​​ന്റെ മാ​ധ​വ​മു​ര​ളി എ​ന്ന സീ​ഡി​യി​ൽ ഞാ​ൻ ‘‘രാ​ര​വേ​ണു ഗോ​പ​ബാ​ല’’ വാ​യി​ച്ചി​ട്ടു​ണ്ട്. അ​തു വ​ള​രെ ന​ന്നാ​യി സ്വീ​ക​രി​ക്ക​പ്പെ​ട്ടു. ന​മ്മു​ടെ ബാ​ല​പാ​ഠ​ങ്ങ​ളി​ലൊ​ന്നാ​യി ക​ണ​ക്കാ​ക്ക​പ്പെ​ട്ടി​രി​ക്കു​ന്ന ആ ​കൃ​തി വാ​യി​ക്കാ​ൻ സാ​ധാ​ര​ണ ആ​രും ധൈ​ര്യ​പ്പെ​ടു​ക​യി​ല്ല. അ​ത് വാ​യി​ക്കാ​ൻ കാ​ര​ണം അ​തി​​​ന്റെ ലി​റി​ക്സി​നോ​ട് നീ​തിപു​ല​ർ​ത്താ​ൻ ത​ന്നെ​യാ​യി​രു​ന്നു.

‘‘വ​ര​വ വീ​ണാ മൃ​ദു​പാ​ണി’’ എ​ന്ന കു​ട്ടി​ക​ളെ പ​ഠി​പ്പി​ക്കു​ന്ന ഗീ​ത​ത്തി​​​ന്റെ സാ​ഹി​ത്യം ന​മ്മു​ടെ പാ​ട്ട് ക്ലാ​സു​ക​ളി​ൽ തെ​റ്റാ​യാ​ണ് പ​ഠി​പ്പി​ക്കു​ന്ന​ത്. ‘‘വ​ന​രു​ഹ ലോ​ച​ന റാ​ണി’’ എ​ന്ന ഭാ​ഗം കാ​ലാ​കാ​ല​ങ്ങ​ളാ​യി ‘‘വ​ന​രു​ഹ​ലോ... ച​ന​റാ​ണി’’ എ​ന്നാ​ണ് പ​ഠി​പ്പി​ക്കു​ന്ന​ത്. ‘‘സ​ര​സി​ജാ​സ​ന ജ​ന​നീ’’ എ​ന്ന​ത് സ​ര​സി​ജ... ‘‘സ​ന​ജ​ന​നീ എ​ന്നി​ങ്ങ​നെ​യാ​ണ് കു​ട്ടി​ക​ളെ പ​ഠി​പ്പി​ക്കു​ന്ന​ത്. അ​വി​ടെ പോ​ലും ന​മ്മ​ൾ സാ​ഹി​ത്യ​ത്തോ​ട് അ​ല്ലെ​ങ്കി​ൽ അ​തെ​ഴു​തി​യ ആ​ളി​ന്റെ ആ​ത്മാ​വി​നോ​ട് നീ​തിപു​ല​ർ​ത്തു​ന്നി​ല്ല. പ​ക്ഷേ, ഞാ​ൻ പ​റ​ഞ്ഞ​ത് രാ​ഗം ന​മു​ക്ക് കേ​ൾ​ക്ക​ണ്ടേ എ​ന്നാ​ണ്. ലി​റി​ക്സ് ഇ​ല്ലാ​തെ​യും രാ​ഗ​ത്തി​​​ന്റെ ഭാ​വം സൃ​ഷ്ടി​ക്കാ​ൻ ക​ഴി​യും. എ​ന്നാ​ൽ, അ​തേ​സ​മ​യം കീ​ർ​ത്ത​നം വാ​യി​ക്കു​മ്പോ​ൾ കീ​ർ​ത്ത​ന​ത്തോ​ട് പൂ​ർ​ണ​മാ​യും നീ​തി പു​ല​ർ​ത്തു​ക എ​ന്ന​താ​ണ്. ന​മ്മു​ടെ കു​ഴ​പ്പം ന​മ്മ​ൾ സം​ഗീ​ത​ത്തെ​ക്കാ​ൾ സ​മ്പ്ര​ദാ​യ​ത്തെ സ്നേ​ഹി​ക്കു​ന്നു എ​ന്ന​താ​ണ്.

ഏ​തു ത​ര​ത്തി​ലു​ള്ള വി​കാ​ര​വും പ്ര​ക​ടി​പ്പി​ക്കാ​ൻ ക​ഴി​യു​ന്ന ഒ​ന്നാ​ണ് ഭാ​ഷ. എ​ന്നാ​ൽ ഞാ​ൻ അ​തി​ൽ ഒ​രു കാ​ര്യം മാ​ത്ര​മേ പ​റ​യൂ എ​ന്ന് നി​ർ​ബ​ന്ധം​പി​ടി​ച്ചാ​ലോ, ആ ​ഭാ​ഷ​കൊ​ണ്ട് വ​ല്ല പ്ര​യോ​ജ​ന​വു​മു​ണ്ടോ? അ​തു​പോ​ലെ​യാ​ണ് രാ​ഗ​ത്തി​​​ന്റെ കാ​ര്യ​ത്തി​ലും. ആ ​രാ​ഗം​കൊ​ണ്ട് പ്ര​ക​ടി​പ്പി​ക്കാ​വു​ന്ന അ​സം​ഖ്യം വി​കാ​ര​ങ്ങ​ളു​ണ്ട്. അ​തി​നു​ള്ള സാ​ധ്യ​ത​ക​ളാ​ണ് ന​മ്മ​ൾ ചി​ല സ​മ്പ്ര​ദാ​യം പ​റ​ഞ്ഞ് ഇ​ല്ലാ​താ​ക്കു​ന്ന​ത്. ഭ​ക്തി എ​ല്ലാ കാ​ല​ത്തും എ​ല്ലാ​യി​ട​ത്തും ചെല​വ​ഴി​ക്കാ​ൻ പ​റ്റി​യ ഒ​ന്നാ​ണെ​ന്ന് ന​മു​ക്ക​റി​യാം.

ന​മ്മു​ടെ ക​ർ​ണാ​ട​ക സം​ഗീ​തം ജ​ന​ങ്ങ​ളി​ലേ​ക്ക് ഇ​റ​ങ്ങി​ച്ചെ​ല്ലു​ന്നി​ല്ല എ​ന്ന വി​മ​ർ​ശ​നം കാ​ലാ​കാ​ല​ങ്ങ​ളാ​യി ഉ​ണ്ട്..?

ഒ​രു ക്ലാ​സി​ക്ക​ൽ ക​ലാ​രൂ​പ​ത്തി​ന് അ​ങ്ങ​നെ അ​ധി​കം താ​ഴേ​ക്ക് ഇ​റ​ങ്ങി​ച്ചെ​ല്ലാ​ൻ ക​ഴി​യ​ണ​മെ​ന്നി​ല്ല. സം​ഗീ​ത​ത്തി​ന് ജ​ന​കീ​യ​മാ​യ മ​റ്റു ഭാ​വ​ങ്ങ​ളു​ണ്ട്. സി​നി​മാ ഗാ​ന​ങ്ങ​ളൊ​ക്കെ ആ ​വി​ഭാ​ഗ​ത്തി​ൽ​പെ​ടു​ന്ന​താ​ണ്. എ​ന്നാ​ൽ, ക്ലാ​സി​ക്ക​ൽ ഫോ​ർ​മാ​റ്റി​ൽ അ​തി​ന് ഒ​രു പ​രി​ധി​ക്ക​പ്പു​റം താ​ഴേ​ക്ക് ഇ​റ​ങ്ങി​ച്ചെ​ല്ലാ​ൻ ക​ഴി​യി​ല്ല. ആ​സ്വാ​ദ​ക​ർ ആ ​നി​ല​വാ​ര​ത്തി​ലേ​ക്ക് ഉ​യ​രാ​ൻ ശ്ര​മി​ക്കു​ക​യാ​ണ് വേ​ണ്ട​ത്. സം​ഗീ​തം ആ​ർ​ക്കും മ​ന​സ്സി​ലാ​ക്കാ​വു​ന്ന​തേ​യു​ള്ളൂ. ഫ്ലൂ​ട്ട് കേ​ൾ​ക്കു​മ്പോ​ൾ അ​തി​​​ന്റെ ഭാ​ഷ അ​റി​ഞ്ഞി​ട്ട​ല്ല ന​മ്മ​ൾ ആ​സ്വ​ദി​ക്കു​ന്ന​ത്. സി​നി​മ​യി​ലെ പ​ശ്ചാ​ത്ത​ല സം​ഗീ​ത​വും ന​മ്മ​ൾ ആ​സ്വ​ദി​ക്കു​ന്നി​ല്ലേ.

താ​ങ്ക​ളു​ടെ ആ​ൽ​ബ​ങ്ങ​ൾ എ​ല്ലാം​ത​ന്നെ വ​ള​രെ​യ​ധി​കം ജ​ന​പ്രി​യ​ങ്ങ​ളാ​ണ്. വ​ള​രെ വ്യ​ത​സ്ത​മാ​യ സം​ഗീ​താ​നു​ഭ​വ​മാ​ണ് അ​ത് സൃ​ഷ്ടി​ക്കു​ന്ന​ത്. ആ​ലാ​പ​ന​ത്തെ വേ​റി​ട്ട രീ​തി​യി​ൽ സ​മീ​പി​ച്ച​തു​കൊ​ണ്ടു മാ​ത്ര​മാ​ണ് അ​വ​യൊ​ക്കെ​യും ജ​ന​പ്രി​യ​ങ്ങ​ളാ​യ​ത്. അ​തൊ​ക്കെ കേ​ട്ടി​ട്ട് ജ​ന​ങ്ങ​ളു​ടെ പ്ര​തി​ക​ര​ണം എ​ങ്ങ​നെ​യാ​യി​രു​ന്നു എ​ന്ന് പ​റ​യാ​മോ?

അ​ത് ഞാ​ൻ പ​റ​യേ​ണ്ട കാ​ര്യ​മ​ല്ല​ല്ലോ. എ​ല്ലാ വി​ഭാ​ഗം ആ​ൾ​ക്കാ​രും അ​ത് കേ​ൾ​ക്കു​ന്നു​ണ്ട്. എ​​​ന്റെ ഫ്ലൂ​ട്ടാ​ണ് ഓ​പ​റേ​ഷ​ൻ തി​യ​റ്റ​റി​ൽ വെ​ച്ച് കേ​ൾ​ക്കു​ന്ന​തെ​ന്ന് ഒ​രു ഡോ​ക്ട​ർ പ​റ​ഞ്ഞി​ട്ടു​ണ്ട്. ചാ​ർ​ട്ടേ​ഡ് അ​ക്കൗ​ണ്ട​ന്റു​മാ​രും ബാ​ങ്ക് ഉ​ദ്യോ​ഗ​സ്ഥ​രു​മൊ​ക്കെ ധാ​രാ​ളം കേ​ൾ​ക്കു​ന്നു​ണ്ട്. എ​ന്നാ​ൽ എ​നി​ക്ക് തോ​ന്നു​ന്ന​ത് കൂ​ടു​ത​ലും കേ​ൾ​ക്കു​ന്ന​ത് സാ​ധാ​ര​ണ​ക്കാ​രാ​ണ്. ഒ​രി​ക്ക​ൽ ര​സ​ക​ര​മാ​യ ഒ​ര​നു​ഭ​വ​മു​ണ്ടാ​യി. ഞാ​ൻ ട്രെ​യി​നി​ൽ യാ​ത്ര ചെ​യ്യു​മ്പോ​ൾ ബെ​ർ​ത്ത് കി​ട്ടാ​നാ​യി ടി.​ടി​യോ​ട് സം​സാ​രി​ച്ചു​കൊ​ണ്ടി​രി​ക്കു​ക​യാ​യി​രു​ന്നു. ഞാ​ൻ ഒ​ന്നു​ര​ണ്ടു വ​ട്ടം ചോ​ദി​ച്ച​പ്പോ​ൾ അ​യാ​ൾ​ക്ക് ദേ​ഷ്യം വ​ന്നു. അ​വി​ടെ പോ​യി ഇ​രി​ക്കൂ, ഞാ​ൻ അ​റി​യി​ക്കാം എ​ന്ന് പ​റ​യു​മ്പോ​ൾ അ​യാ​ളു​ടെ ഫോ​ൺ റി​ങ് ചെ​യ്തു. ഞാ​ൻ വാ​യി​ച്ച​താ​ണ് ഫോ​ണി​ൽ കേ​ൾ​ക്കു​ന്ന​ത്. ഞാ​ൻ ഒ​ന്നും മി​ണ്ടാ​തെ സീ​റ്റി​ൽ പോ​യി ഇ​രു​ന്നു.

ധാ​രാ​ളം പേ​രു​ടെ റി​ങ് ടോ​ണാ​യി കേ​ൾ​ക്കു​ന്ന മോ​ഹ​ന​ത്തി​ലെ പീ​സ് സൃ​ഷ്ടി​ച്ച​ത് എ​ങ്ങ​നെ​യാ​യി​രു​ന്നു എ​ന്ന് പ​റ​യാ​മോ?

അ​ത് യ​ഥാ​ർ​ഥ​ത്തി​ൽ വ​ള​രെ പ​ണ്ട് ഞാ​ൻ ക​മ്പോ​സ് ചെ​യ്താ​ണ്. എ​നി​ക്ക് 19 വ​യ​സ്സു​ള്ള കാ​ല​ത്താ​ണ്. മ​ല​യാ​ള​ത്തി​ലെ ചി​ല വാ​ക്കു​ക​ൾ തി​രി​ച്ചു മ​റി​ച്ചും വാ​യി​ക്കു​ന്ന ഒ​രു രീ​തി​യു​ണ്ടാ​യി​രു​ന്നു ത​മാ​ശ​ക്ക്. മോ​രു ത​രു​മോ എ​ന്ന് എ​ഴു​തി കാ​ണി​ച്ചി​ട്ട് എ​​​ന്റെ​ചേ​ച്ചി തി​രി​ച്ച് വാ​യി​ക്കാ​ൻ പ​റ​ഞ്ഞ​പ്പോ​ഴാ​ണ് അ​തി​ൽ ഒ​രു കൗ​തു​കം തോ​ന്നി​യ​ത്. സ്വ​ര​ങ്ങ​ളെ ഇ​ങ്ങ​നെ തി​രി​ച്ചും മ​റി​ച്ചും വാ​യി​ച്ചാ​ലെ​ന്താ എ​ന്നു ചി​ന്തി​ച്ചു. അ​ങ്ങ​നെ ഉ​ണ്ടാ​ക്കി​യ​താ​ണ​ത്. അ​തി​ൽ മു​ഴു​വ​ൻ അ​ങ്ങ​നെ​യു​ള്ള സ്വ​ര​ങ്ങ​ളു​ടെ കോ​മ്പി​നേ​ഷ​നാ​ണ്. റി​ഫ്ല​ക്ഷ​ൻ​സ് എ​ന്നാ​ണ് അ​തി​ന് ന​ൽ​കി​യി​രി​ക്കു​ന്ന പേ​ര്.

സോ​ഷ്യ​ൽ മീ​ഡി​യ​യും യൂ​ട്യൂ​ബും മ​റ്റും വ്യാ​പ​ക​മാ​കു​ന്ന​തി​ന് വ​ർ​ഷ​ങ്ങ​ൾ മു​മ്പു​ത​ന്നെ സ​ർ ഇ​ൻ​വി​സ് മ​ൾ​ട്ടി​മീ​ഡി​യ​ക്കു വേ​ണ്ടി ചി​ല തീ​മു​ക​ൾ വെ​ച്ചു​ള്ള ആ​ൽ​ബ​ങ്ങ​ൾ ചെ​യ്തി​രു​ന്ന​ല്ലോ. ഒ​ട്ടേ​റെ ശ്ര​ദ്ധി​ക്ക​പ്പെ​ടു​ക​യും​ ചെ​യ്തു. ഇ​തി​നു​ള്ള പ്ര​ചോ​ദ​നം എ​ന്താ​യി​രു​ന്നു?

അ​ത് അ​വ​ർ ആ​വ​ശ്യ​പ്പെ​ട്ടി​ട്ട് ചെ​യ്ത​താ​ണ്. മൂ​ന്ന് ആ​ൽ​ബ​ങ്ങ​ളാ​ണ് അ​ത്ത​ര​ത്തി​ൽ ചെ​യ്ത​ത്. ധാ​രാ​ളം ആ​ളു​ക​ൾ അ​ത് കേ​ട്ടു. അ​തി​ൽ ‘വി​ര​ഹം’ എ​ന്ന ഒ​രു ആ​ൽ​ബമു​ണ്ടാ​യി​രു​ന്നു. വി​ര​ഹ​ത്തി​​​ന്റെ മൂ​ഡ് ഫ്ലൂ​ട്ടി​ലൂ​ടെ സൃ​ഷ്ടി​ക്കു​ക​യാ​യി​രു​ന്നു. അ​തു കേ​ട്ടി​ട്ട് ഒ​രു സു​ഹൃ​ത്ത് പ​റ​ഞ്ഞ​ത് അ​യാ​ളു​ടെ ഭാ​ര്യ അ​ത് പ്ലേ ​ചെ​യ്യാ​ൻ സ​മ്മ​തി​ക്കു​ന്നി​ല്ല എ​ന്നാ​ണ്. വ​ല്ലാ​ത്ത മൂ​ഡ് ഉ​ണ്ടാ​ക്കു​ന്നു അ​തെ​ന്നാ​ണ് അ​ദ്ദേ​ഹ​ത്തി​​​ന്റെ ഭാ​ര്യ പ​റ​ഞ്ഞ​ത്. അ​പ്പോ​ൾ ഞാ​ൻ പ​റ​ഞ്ഞു, അ​വ​രാ​ണ് യ​ഥാ​ർ​ഥ ആ​സ്വാ​ദ​ക.

‘കേ​ളി’, ‘കൈ​വ​ല്യ’ എ​ന്നി​വ​യാ​യി​രു​ന്നു മ​റ്റു ര​ണ്ട് ആ​ൽ​ബ​ങ്ങ​ൾ. ‘കൈ​വ​ല്യ’ ഒ​രു മെ​ഡി​റ്റേ​ഷ​ൻ മൂ​ഡി​ലാ​യി​രു​ന്നു. രാ​ഗ​ങ്ങ​ൾ​കൊ​ണ്ട് അ​ങ്ങ​നെ​യൊ​രു മൂ​ഡ് സൃ​ഷ്ടി​ക്കു​ക​യാ​യി​രു​ന്നു. രാ​ഗം ഒ​രു ഭാ​ഷ​യാ​ണ്. അ​തു​കൊ​ണ്ട് ഏ​തു വി​കാ​ര​ത്തി​ലും എ​ഴു​താ​ൻ ക​ഴി​യും. അ​താ​യി​രു​ന്നു എ​​​ന്റെ ആ​ദ്യ വ​ർ​ക്ക്. ഇ​പ്പോ​ൾ 20 വ​ർ​ഷം ക​ഴി​ഞ്ഞി​രി​ക്കു​ന്നു അ​തി​റ​ങ്ങി​യി​ട്ട്. ഇ​പ്പോ​ൾ യൂ​ട്യൂ​ബി​ലാ​ണ് കൂ​ടു​ത​ൽ ആ​ൽ​ബ​ങ്ങ​ളും ആ​സ്വ​ദി​ക്ക​െ​പ്പ​ടു​ന്ന​ത്. യൂ​ട്യൂ​ബി​ൽ ഞാ​നെ​ന്റെ സം​ഗീ​ത ചി​ന്ത​ക​ളും അ​നു​ഭ​വ​ങ്ങ​ളും ഇ​പ്പോ​ൾ പ​ങ്കു​വെ​ക്കു​ന്നു​ണ്ട്.