എഴുത്തുകുത്ത്

ന​രേ​ന്ദ്ര പ്ര​സാ​ദ് വെ​റു​മൊ​രു സി​നി​മാ ന​ട​ന​ല്ല

ര​വീ​ന്ദ്ര​ൻ രാ​വ​ണേ​ശ്വ​ര​ത്തി​ന്റെ 'കേ​ര​ള കേ​ന്ദ്ര​ സ​ർ​വ​ക​ലാ​ശാ​ല​യി​ൽ കാ​ര്യ​ങ്ങ​ൾ സു​താ​ര്യ​മാ​ണോ?' എ​ന്ന ലേ​ഖ​നം കേ​ന്ദ്ര​സ​ർ​വ​ക​ലാ​ശാ​ല​യി​ൽ അ​ര​ങ്ങേ​റു​ന്ന തീ​വ്ര​ഹി​ന്ദു​ത്വ താ​ൽ​പ​ര്യ​ങ്ങ​ളും അ​ധ്യാ​പ​ക നി​യ​മ​ന​ത്തി​ലെ പ​ക്ഷ​പാ​തി​ത്വ​വും വെ​ളി​വാ​ക്കുന്നു (​ല​ക്കം: 1284). എ​ന്നാ​ൽ, ലേ​ഖ​ന​ത്തി​ൽ ക​ട​ന്നു​കൂ​ടി​യ ചി​ല പി​ഴ​വു​ക​ൾ ചൂ​ണ്ടി​ക്കാ​ണി​ക്ക​ട്ടെ. 

1. പു​റം 29ൽ ​സൂ​ചി​പ്പി​ച്ചി​രി​ക്കു​ന്ന​ത് 'സ​ർ​വ​ക​ലാ​ശാ​ല അ​ധ്യാ​പ​ക​ൻ' എ​ന്ന​ത് പ്ര​ത്യേ​കം എ​ടു​ത്തുകാ​ണി​ക്ക​ണം. കാ​ര​ണം, വൈ​സ് ചാ​ൻ​സ​ല​റാ​കാ​നു​ള്ള പ്ര​ധാ​ന യോ​ഗ്യ​ത​യാ​ണ് 'സ​ർ​വ​ക​ലാ​ശാ​ല അ​ധ്യാ​പ​ക​ൻ' എ​ന്ന​ത്. കോ​ള​ജ് അ​ധ്യാ​പ​ക​നാ​ക​രു​ത്. ഇ​ത് ച​ട്ട​മാ​ണ്... എ​ന്നാ​ണ്. എ​ന്നാ​ൽ, 2018ലെ ​അ​ധ്യാ​പ​ക നി​യ​മ​ന​ത്തി​നുള്ള യു.​ജി.​സി ച​ട്ട​ങ്ങ​ൾ പ്ര​കാ​രം വൈ​സ് ചാ​ൻ​സ​ല​ർ ത​സ്തി​ക സ​ർ​വ​ക​ലാ​ശാ​ല പ്ര​ഫ​സ​ർ​മാ​ർ​ക്ക് മാ​ത്ര​മാ​യി പ​രി​മി​ത​പ്പെ​ടു​ത്തി​യി​ട്ടി​ല്ല. പ്ര​സ്തു​ത ഭാ​ഗം ഇ​പ്ര​കാ​ര​മാ​ണ്: "A person possessing the highest level of competence, integrity, morals and institutional commitment is to be appointed as Vice-Chancellor. The person to be appointed as a Vice-Chancellor should be a distinguished academician, with a minimum of ten years' of experience as Professor in a University or ten years' of experience in a reputed research and / or academic administrative organisation with proof of having demonstrated academic leadership." 

ഇ​ത്ത​ര​മൊ​രു പ​ശ്ചാ​ത്ത​ല​ത്തി​ൽ കൃ​ത്യ​മാ​യ യോ​ഗ്യ​ത നേ​ടി​യി​ട്ടു​ള്ള കോ​ള​ജ് അ​ധ്യാ​പ​ക​ർ​ക്കും വൈ​സ് ചാ​ൻ​സ​ല​ർ ത​സ്തി​ക​യി​ലേ​ക്ക് അ​പേ​ക്ഷി​ക്കു​ന്ന​തി​ന് നി​യ​മ​പ​ര​മാ​യി അ​വ​കാ​ശ​മു​ണ്ട്. ലേ​ഖ​ന​ത്തി​ൽ ഈ ​പി​ഴ​വ് ര​ണ്ടി​ട​ത്ത് ആ​വ​ർ​ത്തി​ച്ചി​രി​ക്കു​ന്ന​ത് ശ്ര​ദ്ധി​ക്കേ​ണ്ട വി​ഷ​യ​മാ​ണ്.

2. പു​റം 32ലു​ള്ള പ​രാ​മ​ർ​ശ​ത്തി​ലും പി​ഴ​വു​ണ്ട്. ''എം.ജി സ​ർ​വ​ക​ലാ​ശാ​ല​യി​ൽ ച​ല​ച്ചി​ത്ര​പ്ര​വ​ർ​ത്ത​ക​രെ​ നി​യ​മി​ക്കാ​റു​ണ്ട്. യു.​ആ​ർ. അ​ന​ന്ത​മൂ​ർ​ത്തി എം.​ജിയി​ൽ വൈ​സ് ചാ​ൻ​സ​ല​റാ​യി​രു​ന്ന കാ​ല​ത്ത് സ്കൂ​ൾ ഓ​ഫ് ലെ​റ്റേ​ഴ്സി​ൽ ന​ട​നും എ​ഴു​ത്തു​കാ​ര​നു​മാ​യ ന​രേ​ന്ദ്ര​ പ്ര​സാ​ദി​നെ എ​മി​ന​ന്റ് എ​ന്ന പ​രി​ഗ​ണ​ന​യി​ൽ പ്ര​ഫ​സ​റാ​യി നി​യ​മി​ച്ചി​രു​ന്നു...'' എ​ന്ന പ​രാ​മ​ർ​ശം തെ​റ്റി​ദ്ധാ​ര​ണജ​ന​ക​മാ​ണ്. 

ച​ല​ച്ചി​ത്ര​ന​ട​ൻ, നാ​ട​ക​കൃ​ത്ത്, നി​രൂ​പ​ക​ൻ തു​ട​ങ്ങി​യ നി​ര​വ​ധി മേ​ഖ​ല​ക​ളി​ൽ പ്രാ​ഗ​ല്ഭ്യം തെ​ളി​യി​ച്ചി​ട്ടു​ള്ള ന​രേ​ന്ദ്ര​ പ്ര​സാ​ദ്, കേ​ര​ള​ത്തി​ലെ നി​ര​വ​ധി സ​ർ​ക്കാ​ർ കോ​ള​ജു​ക​ളി​ൽ അ​ധ്യാ​പ​ക​നാ​യി സേ​വ​ന​മ​നു​ഷ്ഠി​ച്ച വ്യ​ക്തി​യാ​ണെ​ന്ന വ​സ്തു​ത ലേ​ഖ​ന​ത്തി​ൽ പ​രാ​മ​ർ​ശി​ക്ക​പ്പെ​ടാ​ത്ത​ത് നി​ർ​ഭാ​ഗ്യ​ക​ര​മാ​ണ്. ക​ല-​സാം​സ്കാ​രി​ക മേ​ഖ​ല​ക​ളി​ലെ സം​ഭാ​വ​ന​ക​ളെ മാ​ത്രം മു​ൻ​നി​ർ​ത്തി​യാ​ണ് സ്കൂ​ൾ ഓ​ഫ് ലെ​റ്റേ​ഴ്സി​ൽ അ​ദ്ദേ​ഹം നി​യ​മി​ത​നാ​യ​തെ​ന്നു​ള്ള ​ത​ര​ത്തി​ലേ​ക്ക് ലേ​ഖ​ന​ത്തി​ലെ സൂ​ച​ന​ക​ൾ നീ​ളു​മ്പോ​ൾ, അ​ദ്ദേ​ഹ​മേ​ർ​പ്പെ​ട്ട അ​ധ്യാ​പ​ക​വൃ​ത്തി വി​സ്മൃ​ത​മാ​കു​ന്നു. സാ​ങ്കേ​തി​ക​മാ​യി പ്ര​സ്തു​ത അ​ധ്യാ​പ​ക​വൃ​ത്തി​യു​ടെ പ​രി​ച​യ​ത്തി​ലാ​ണ് അ​ദ്ദേ​ഹം നി​യ​മി​ത​നാ​യ​തെ​ന്ന വ​സ്തു​ത ലേ​ഖ​ക​ൻ ഒ​ഴി​വാ​ക്കി​യെ​ന്ന​ത് ഗൗ​ര​വ​മു​ള്ള പി​ഴ​വ് ത​ന്നെ​യാ​ണ്. അ​ദ്ദേ​ഹ​ത്തെ​ക്കൂ​ടാ​തെ, സ്കൂ​ൾ ഓ​ഫ് ലെ​റ്റേ​ഴ്സി​ൽ അ​ധ്യാ​പ​ക​രാ​യി​രു​ന്ന ജി. ​ശ​ങ്ക​ര​പ്പി​ള്ള, ഡി. ​വി​ന​യ​ച​ന്ദ്ര​ൻ തു​ട​ങ്ങി​യ​വ​രു​ടെ ​ക​ല-​സാ​ഹി​ത്യ മേ​ഖ​ല​ക​ളി​ലെ സം​ഭാ​വ​ന​ക​ളെ മാ​ത്രം പ​രി​ഗ​ണി​ച്ച​ല്ല മ​റി​ച്ച്, മു​ൻ​കാ​ല​ങ്ങ​ളി​ൽ വി​വി​ധ ക​ലാ​ല​യ​ങ്ങ​ളി​ൽ അ​ധ്യാ​പ​ക​രാ​യി​രു​ന്നു​വെ​ന്ന​തി​നാ​ലാ​ണ് അ​വ​ർ സ്കൂ​ൾ ഓ​ഫ് ലെ​റ്റേ​ഴ്സി​ലെ നി​യ​മ​ന​ത്തി​ന് പ​രി​ഗ​ണി​ക്ക​പ്പെ​ട്ട​ത് എ​ന്ന​തും വി​സ്മ​രി​ച്ചുകൂ​ടാ.

ലേ​ഖ​ന​ത്തി​ലൂ​ടെ സം​ഭ​വി​ക്കാ​ൻ സാ​ധ്യ​ത​യു​ള്ള തെ​റ്റി​ദ്ധാ​ര​ണ നീ​ക്കേ​ണ്ട​ത് സ്കൂ​ൾ ഓ​ഫ് ലെ​റ്റേ​ഴ്സി​ലെ പൂ​ർവ​വി​ദ്യാ​ർ​ഥി​യെ​ന്ന നി​ല​യി​ൽ എ​ന്റെ ഉ​ത്ത​ര​വാ​ദി​ത്തമാ​ണെ​ന്ന് ക​രു​തു​ന്നു. ലേ​ഖ​ന​ത്തി​ലെ മ​റ്റ് ക​ണ്ടെ​ത്ത​ലു​ക​ൾ എ​ല്ലാം ഗൗ​ര​വ​മു​ള്ള​വ​യാ​ണ്. തി​ക​ഞ്ഞ അ​ന്വേ​ഷ​ണ​ബു​ദ്ധി​യോ​ടെ ലേ​ഖ​നം ത​യാ​റാ​ക്കി​യ ര​വീ​ന്ദ്ര​ൻ രാ​വ​ണേ​ശ്വ​ര​ത്തി​ന് ആ​ശം​സ​ക​ൾ.

ഡോ. ​അ​നി​റ്റ ഷാ​ജി, ഈ​രാ​റ്റു​പേ​ട്ട

കു​ലം​കു​ത്തി​ക​ളാ​യ 'തി​രു​ത്ത​ൽ​വാ​ദി​ക​ൾ'

രാ​ഹു​ൽ ഗാ​ന്ധി​യു​ടെ 'ഭാ​ര​ത് ജോ​ഡോ യാ​ത്ര'​യെ പ​രാ​മ​ർ​ശി​ച്ച് എ.​എ​സ്. സു​രേ​ഷ് കു​മാ​ർ എ​ഴു​തി​യ അ​വ​ലോ​ക​നം കോ​ൺ​ഗ്ര​സി​നെ ഒ​രു ആ​ത്മ​പ​രി​ശോ​ധ​ന​ക്ക് പ്രേ​രി​പ്പി​ക്കു​വാ​ൻ പ​ര്യാ​പ്ത​മാ​ണ് (ല​ക്കം: 1285). ഭാ​ര​ത് ജോ​ഡോ യാ​ത്ര രാ​ഹു​ലി​ന്റെ ആ​രോ​ഗ്യ പ​രി​പാ​ല​ന​ത്തി​ന് സ​ഹാ​യ​ക​ര​മാ​കും എ​ന്ന​തി​ല​പ്പു​റം ഒ​രു പ്ര​യോ​ജ​ന​വും കോ​ൺ​ഗ്ര​സി​ന് ല​ഭി​ക്കു​ക​യി​ല്ല. രാ​ഹു​ൽ ഒ​രു സെ​ലി​ബ്രി​റ്റി​യാ​ണ്. അ​ത്ത​ര​ക്കാ​രെ കാ​ണാ​ൻ ആ​ൾ​ക്കൂ​ട്ടം ഉ​ണ്ടാ​കു​മെ​ന്ന​ത് സ്വാ​ഭാ​വി​ക​മാ​ണ്. ആ​ൾ​ക്കൂട്ടം വോ​ട്ടാ​യി​മാ​റി​ക്കൊ​ള്ള​ണ​മെ​ന്നി​ല്ല.

അ​ശോ​ക് ഗെഹ് ലോ​ട്ട് പ്രാ​യോ​ഗി​ക ബു​ദ്ധി​യാ​ണ് പ്ര​ക​ടി​പ്പി​ച്ച​ത്. സോ​ണി​യ ​ഗാ​ന്ധി​യു​ടെ നി​ഴ​ലാ​യി, നെ​ഹ്റു കു​ടും​ബ​ത്തി​ന്റെ കാ​ര്യ​സ്ഥ​നാ​യി ജീ​വി​ക്കു​ന്ന​ത് ആ​ത്മ​ഹ​ത്യാ​പ​ര​മെ​ന്ന് തി​രി​ച്ച​റി​ഞ്ഞ ഗെ​ഹ് ലോ​ട്ടി​ന്റെ തീ​രു​മാ​നം അ​നു​മോ​ദ​നാ​ർ​ഹ​മാ​ണ്. 80 വ​യ​സ്സു​കാ​ര​നാ​യ മ​ല്ലി​കാ​ർ​ജു​ൻ ഖാ​ർ​ഗെ​യെ പ്ര​സി​ഡ​ന്റാ​ക്കി​യാ​ൽ നെ​ഹ്റു കു​ടും​ബ​ത്തി​ന് പി​ൻ​സീ​റ്റ് ഡ്രൈ​വ് എ​ളു​പ്പ​മാ​കും! ശ​ശി ത​രൂ​രി​നെ കോ​ൺ​ഗ്ര​സ് പ്ര​സി​ഡ​ന്റാ​ക്കി നെ​ഹ്റു കു​ടും​ബം മേ​ധാ​വി​ത്വം വി​ട്ടൊ​ഴി​ഞ്ഞ് നി​ൽ​ക്കു​ന്ന​താ​യി​രു​ന്നു അ​ഭി​കാ​മ്യം.

പാ​ർ​ട്ടി കാ​ല​ത്തി​നൊ​ത്ത് മാ​റാ​ൻ ത​യാ​റ​ല്ലാ​യെ​ന്ന​തി​ന്റെ വ്യ​ക്ത​മാ​യ സൂ​ച​ന​യാ​ണ് വ​യോ​ധി​ക​നാ​യ ഖാ​ർ​​​െഗ​യെ സ്ഥാ​നാ​ർ​ഥി​യാ​ക്കി​യ ക​ലാ​പ​രി​പാ​ടി. ശ​ശി ത​രൂ​രി​നെ പാ​ർ​ട്ടി പ്ര​സി​ഡ​ന്റാ​ക്കി പാ​ർ​ട്ടി​യെ സ്വ​യം തു​ഴ​യാ​ൻ അ​നു​വ​ദി​ച്ചാ​ൽ ഇ​ന്ത്യ​ൻ പാ​ർ​ല​മെ​ന്റി​ൽ ത​ൽ​ക്കാ​ലം ശ​ക്ത​മാ​യ പ്ര​തി​പ​ക്ഷ​മാ​യി നി​ല​കൊ​ള്ളാ​നെ​ങ്കി​ലും കോ​ൺ​ഗ്ര​സി​ന് സാ​ധ്യ​മാ​യേ​ക്കും.

കോ​ൺ​ഗ്ര​സ് പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ കൂ​ട്ട​ത്തി​ലു​ണ്ടാ​യി​രു​ന്ന ശ​ശി ത​രൂ​രി​നെ അ​വ​ഗ​ണി​ച്ച് ഖാ​ർ​ഗെ​ക്ക് പി​ന്തു​ണ പ്ര​ഖ്യാ​പി​ച്ച 'തി​രു​ത്ത​ൽ​വാ​ദി​ക​ൾ' വ​ലി​യ അ​വ​സ​ര​വാ​ദി​ക​ളും കു​ലം​കു​ത്തി​ക​ളു​മാ​ണെ​ന്ന് കാ​ലം തെ​ളി​യി​ക്കും.

വേ​ട്ട​ക്കാ​ര​നും ഇ​ര​യും 'ഭീ​ക​ര​ർ' ത​ന്നെ

തു​ഷാ​ർ നി​ർ​മ​ൽ സാ​ര​ഥി എ​ഴു​തി​യ 'നി​ങ്ങ​ൾ ഭ​ര​ണ​കൂ​ട ഭീ​ക​ര​ത​യു​ടെ മാ​പ്പു​സാ​ക്ഷി​ക​ളാ​വ​രു​ത്' എ​ന്ന ലേ​ഖ​നം വാ​യി​ച്ചു (ല​ക്കം: 1284).​ പോ​പു​ല​ർ ഫ്ര​ണ്ട് ഒ​രു ദു​ര​ന്ത​മാ​ണ്. നി​ര​വ​ധി ചെ​റു​പ്പ​ക്കാ​രാ​ണ് പോ​പു​ല​ർ ഫ്ര​ണ്ട് 'ഭീ​ക​ര​ത'​മൂ​ലം പ​ല​കാ​ല​ങ്ങ​ളി​ലാ​യി അ​റ​സ്റ്റ് ചെ​യ്യ​പ്പെ​ട്ട​ത്. ഭീ​ക​ര​ത എ​ന്നു​പ​റ​യു​മ്പോ​ൾ ഒ​രു വി​ഭാ​ഗ​ത്തെ കു​റ്റ​പ്പെ​ടു​ത്തി​ക്കൊ​ണ്ടോ മ​റു​വി​ഭാ​ഗ​ത്തെ ന്യാ​യീ​ക​രി​ച്ചു​കൊ​ണ്ടോ അ​ല്ല പ​റ​യു​ന്ന​ത്. വേ​ട്ട​യാ​ട​പ്പെ​ടു​ന്ന ഭ​ര​ണ​കൂ​ട ഭീ​ക​ര​ത​യെ​യും ഇ​ര​യാ​ക്ക​പ്പെ​ടു​ന്ന ഭീ​ക​ര​ത​യെ​യും ഒ​ന്നി​ച്ചാ​ണ് സൂ​ചി​പ്പി​ക്കു​ന്ന​ത്. ഇ​വി​ടെ വേ​ട്ട​യാ​ടു​ന്ന​ത് ഭ​ര​ണ​കൂ​ട ഭീ​ക​ര​ത​യാ​യ​തി​നാ​ൽ ഇ​ര​യാ​ക്ക​പ്പെ​ടു​ന്ന ഭീ​ക​ര​ത ന്യാ​യീ​ക​രി​ക്കാ​വു​ന്ന​ത​ല്ല. ര​ണ്ടും എ​തി​ർ​ക്ക​പ്പെ​ടേ​ണ്ട നി​രോ​ധി​ക്ക​പ്പെ​ടേ​ണ്ട ഭീ​ക​ര​ത ത​ന്നെ. പ​ക്ഷേ, ആ ​ഭീ​ക​ര​ത​ക​ളി​ലൊ​ന്നാ​ണ് ന​മ്മെ ഭ​രി​ക്കു​ന്ന​െ​ത​ന്ന യാ​ഥാ​ർ​ഥ്യ​മു​ണ്ട്.

ഭീ​ക​ര​ർ ഒ​രി​ക്ക​ലും ത​ങ്ങ​ൾ ഭീ​ക​ര​രാ​ണെ​ന്ന് സ​മ്മ​തി​ക്കു​ക​യി​ല്ല. അ​വ​ർ സ​മാ​ധാ​ന​ത്തി​ന്റെ വ​ക്താ​ക്ക​ളാ​യി അ​വ​കാ​ശ​ങ്ങ​ൾ​ക്കു​വേ​ണ്ടി പോ​രാ​ടു​ന്ന​വ​രാ​യി എ​ന്നും വാ​ദി​ക്കും. അ​വ​ർ ചെ​യ്യു​ന്ന മ​നു​ഷ്യവി​രു​ദ്ധ പ്ര​വ​ർ​ത്ത​ന​ങ്ങ​ളി​ൽ​നി​ന്നാ​ണ് അ​വ​രെ ഭീ​ക​ര​രാ​യി ലോ​കം മ​ന​സ്സി​ലാ​ക്കു​ന്ന​ത്. പ​ര​വി​ദ്വേ​ഷം എ​ല്ലാ ഭീ​ക​ര​ത​യു​ടെ​യും മു​ഖ​മു​ദ്ര​യാ​ണ്.

പോ​പു​ല​ർ ഫ്ര​ണ്ട് കാ​ര​ണം രാ​ജ്യ​ത്തി​നും കു​ടും​ബ​ത്തി​നും സ​മു​ദാ​യ​ത്തി​നും മു​ത​ൽ​ക്കൂ​ട്ടാ​വേ​ണ്ട യു​വ​ത്വ​മാ​ണ് അ​റ​സ്റ്റ് ചെ​യ്യ​പ്പെ​ട്ട​ത്. അ​വ​രെ ആ​ശ്ര​യി​ച്ച് ജീ​വി​ക്കു​ന്ന കു​റേ കു​ടും​ബ​ങ്ങ​ൾ നി​രാ​ലം​ബ​രാ​യി. വ​യോ​ധി​ക​രാ​യ മാ​താ​പി​താ​ക്ക​ൾ, സ്ത്രീ​ക​ൾ, കു​ട്ടി​ക​ൾ എ​ല്ലാ​വ​രു​ടെ​യും ജീ​വി​തം ത​ക​ർ​ന്നു എ​ന്നു​ത​ന്നെ പ​റ​യാം. ഒ​രു സ​മു​ദാ​യ​ത്തെ മു​ഴു​വ​ൻ സം​ശ​യ​ത്തി​ന്റെ നി​ഴ​ലി​ലാ​ക്കാ​നും ഇ​വ​ർ കാ​ര​ണ​മാ​യി.

പോ​പു​ല​ർ ഫ്ര​ണ്ട് മു​ഖ്യ​മ​ാ​യും മു​സ്‍ലിം​ക​ളു​ടെ അ​വ​കാ​ശ​ങ്ങ​ൾ നേ​ടി​യെ​ടു​ക്കാ​ൻ സം​ഘ​ടി​പ്പി​ക്ക​പ്പെ​ട്ട​താ​ണെ​ന്നാ​ണ് അ​വ​കാ​ശ​പ്പെ​ടാ​റു​ള്ള​ത്. അ​വ​ർ പ​ല​പ്പോ​ഴും മു​സ്‍ലിം ഇ​ത​ര ന്യൂ​ന​പ​ക്ഷ​ങ്ങ​ളെ കൂ​ട്ടു​പി​ടി​ക്കാ​ൻ ശ്ര​മി​ക്കു​ന്നു​ണ്ടെ​ങ്കി​ലും അ​വ​ർ​ക്ക​തി​ന് ക​ഴി​യാ​റി​ല്ല. അ​വ​രു​ടെ തീ​വ്ര നി​ല​പാ​ടു​ക​ൾ മു​സ്‍ലിം ഇ​ത​ര ന്യൂ​ന​പ​ക്ഷ​ങ്ങ​ളി​ൽ അ​വി​ശ്വാ​സ​മു​ണ്ടാ​ക്കു​ന്നു എ​ന്ന​താ​ണ് സ​ത്യം.

ഇ​സ്‍ലാ​മി​ന്റെ മു​ഖം ലോ​ക​ത്തി​ന്റെ മു​ന്നി​ൽ വി​കൃ​ത​മാ​ക്കാ​ൻ ക​ഠി​ന​മാ​യി ശ്ര​മി​ക്കു​ന്ന ആ​ഗോ​ള സം​ഘ​ട​ന​ക​ളി​ൽ​നി​ന്നും പ്ര​ചോ​ദന​മു​ൾ​ക്കൊ​ണ്ടാ​ണ് പോ​പു​ല​ർ ഫ്ര​ണ്ടും രൂ​പവത്ക​രി​ച്ച​ത്. നി​ല​വി​ൽ സം​ഘ്പ​രി​വാ​ർ ഭീ​ക​ര​ത​യെ നേ​രി​ടാ​ൻ സ​മാ​ന​മ​ന​സ്ക​രാ​യ മ​തേ​ത​ര വി​ഭാ​ഗ​ങ്ങ​ളോ​ട് സ​ഹ​ക​രി​ച്ച് പോ​രാ​ട​ലാ​ണ് ശ​രി​യാ​യ മാ​ർ​ഗം.

മ​തേ​ത​ര പാ​ർ​ട്ടി​ക​ൾ ചി​ല സ​മ​യ​ങ്ങ​ളി​ലെ​ടു​ക്കു​ന്ന മു​സ്‍ലിം ന്യൂ​ന​പ​ക്ഷ വി​രു​ദ്ധ നി​ല​പാ​ടു​ക​ൾ മു​സ്‍ലിം യു​വ​ത​യി​ൽ അ​ര​ക്ഷി​താ​വ​സ്ഥ ഉ​ണ്ടാ​ക്കി​യി​ട്ടു​ണ്ട്. ചി​ല സ​മ​യ​ങ്ങ​ളി​ൽ മ​തേ​ത​ര മു​ന്ന​ണി​ക​ൾ ഭൂ​രി​പ​ക്ഷ വ​ർ​ഗീ​യ​ത​ക്ക് ഗു​ണ​ക​ര​മാ​കു​ന്ന തീ​രു​മാ​ന​ങ്ങ​ളെ​ടു​ക്കാ​റു​ണ്ട്. അ​ധി​കാ​രം ല​ഭി​ക്കാ​നും താ​ൽ​ക്കാ​ലി​ക ലാ​ഭം നേ​ടാ​നും കൈ​ക്കൊ​ള്ളു​ന്ന ഇ​ത്ത​രം ന​ട​പ​ടി​ക​ൾ ഭൂ​രി​പ​ക്ഷ വ​ർ​ഗീ​യ​ത​ക്ക് വ​ളം​വെ​ക്ക​ലാ​ണ്. ഇ​തു​മൂ​ലം രാ​ജ്യ​ത്തെ മ​തേ​ത​ര ജ​നാ​ധി​പ​ത്യ​മെ​ന്ന മ​ഹ​ത്താ​യ ആ​ശ​യ​ത്തി​ന്റെ ത​ക​ർ​ച്ച​യാ​യി​രി​ക്കും സം​ഭ​വി​ക്കു​ക എ​ന്ന് ബ​ന്ധ​പ്പെ​ട്ട​വ​ർ മ​ന​സ്സി​ലാ​ക്കു​ന്ന​ത് ന​ന്ന്.

എ​ന്തു​ത​ന്നെ​യാ​യാ​ലും പോ​പു​ല​ർ ഫ്ര​ണ്ട് കൈ​ക്കൊ​ള്ളു​ന്ന തീ​വ്ര​നി​ല​പാ​ടു​ക​ൾ ഇ​സ്‍ലാ​മി​ക​മാ​യി ന്യാ​യീ​ക​രി​ക്കാ​നാ​വു​ന്ന​ത​ല്ല. ശ​ത്രു​വി​നെ​പ്പോ​ലെ ആ​വാ​നും ശ​ത്രു കൊ​ന്ന​തു​പോ​ലെ തി​രി​ച്ച​ടി​ക്കാ​നും ഇ​സ്‍ലാ​മി​ൽ ഒ​രു പ​ഴു​തു​മി​ല്ല. ക്ഷ​മി​ച്ചും സ​ഹി​ച്ചും ബൗ​ദ്ധി​ക​മാ​യി ഏ​റ്റു​മു​ട്ടി​യു​മാ​ണ് ലോ​ക​ത്ത് ഇ​സ്‍ലാം വ​ള​ർ​ന്ന​ത്. യു​ദ്ധ​ങ്ങ​ളി​ലൂ​ടെ​യ​ല്ല.

കെ.​എ. റ​ഹീം കു​ള​ത്തൂ​ർ

ഹി​മാ​ൻ​ശു കു​മാ​റി​ന് ഐ​ക്യ​ദാ​ർ​ഢ്യം പ്ര​ഖ്യാ​പി​ക്കാം

ആ​ദി​വാ​സി​ക​ളു​ടെ ഉ​ന്ന​മ​ന​ത്തി​നാ​യി ജീ​വി​തം ഉ​ഴി​ഞ്ഞുവെ​ച്ച ഹി​മാ​ൻ​ശു കു​മാ​റു​മാ​യി സു​ജ ഭാ​ര​തി ന​ട​ത്തി​യ സം​ഭാ​ഷ​ണം (ല​ക്കം: 1283) ഏ​റെ ആ​വേ​ശ​ത്തോ​ടെ​യാ​ണ് വാ​യി​ച്ച​ത്. മി​ന്നി വൈ​ദ് (Minnie Vaid) എ​ഴു​തി​യ 'A Doctor to Defend - The Binayak Sen Story' എ​ന്ന പു​സ്ത​കം 2011ൽ 'വ്യ​വ​സ്ഥി​തി​യു​ടെ ചി​കി​ത്സ​ക​ൻ - ബി​നാ​യ​ക് സെ​ന്നി​ന്റെ ക​ഥ' എ​ന്ന പേ​രി​ൽ മ​ല​യാ​ള​ത്തി​ലേ​ക്ക് വി​വ​ർ​ത്ത​നം ചെ​യ്യ​പ്പെ​ട്ടി​ട്ടു​ണ്ട്. അ​തി​ൽ ഹി​മാ​ൻ​ശു കു​മാ​ർ അ​ട​യാ​ള​പ്പെ​ടു​ത്ത​പ്പെ​ടു​ന്ന​ത് ഇ​ത്ത​ര​ത്തി​ലാ​ണ്. ''സൗ​മ്യ പ്ര​കൃ​ത​നാ​യ, വെ​ള്ള കു​ർ​ത്ത​യും പൈ​ജാ​മ​യും ധ​രി​ക്കു​ന്ന 45കാ​ര​നാ​ണ് ഹി​മാ​ൻ​ശു കു​മാ​ർ. സ്വ​യം നി​ഷേ​ധി​ച്ചാ​ലും ഇ​ഷ്ട​പ്പെ​ട്ടി​ല്ലെ​ങ്കി​ലും, ഇ​ന്ന് രാ​ജ്യ​ത്തെ മ​നു​ഷ്യാ​വ​കാ​ശ പ്ര​വ​ർ​ത്ത​ന​ങ്ങ​ളി​ലെ പു​തി​യ നേ​തൃ​ത്വവേ​ഷ​മാ​ണ് അ​ദ്ദേ​ഹം.''

നാം ​പ​തി​റ്റാ​ണ്ടു​ക​ളാ​യി പാ​ഠ​പു​സ്ത​ക​ങ്ങ​ളി​ൽ പ​ഠി​ച്ചുപോ​രു​ന്ന 1857 ലെ ​ഒ​ന്നാം സ്വാ​ത​ന്ത്ര്യ സ​മ​ര​ത്തി​ന് പ​തി​റ്റാ​ണ്ടു​ക​ൾ​ക്ക് മു​മ്പേ ബ്രി​ട്ടീ​ഷ് കോ​ള​നി വാ​ഴ്ച​ക്കെ​തി​രെ പോ​രാ​ടി വീ​ര​മൃ​ത്യു​വ​രി​ച്ച ആ​യി​ര​ക്ക​ണ​ക്കി​ന് ഗോ​ത്രവ​ർ​ഗ​ക്കാ​രു​ടെ പി​ന്മു​റ​ക്കാ​രാ​ണ് ഇ​ന്ന​ത്തെ ആ​ദി​വാ​സി ജ​ന​ത. കൊ​ളോ​ണി​യ​ൽ അ​ധി​നി​വേ​ശ​ത്തി​നെ​തി​രെ ഇ​ന്ത്യ​യി​ലെ ഗോ​ത്രജ​ന​ത ന​ട​ത്തി​യ ഐ​തി​ഹാ​സി​ക ചെ​റു​ത്തു​നി​ൽ​പുക​ളെ​യും പോ​രാ​ട്ട​ങ്ങ​ളെ​യും സ​മ്പൂ​ർ​ണമാ​യും പ​ടി​ക്കുപു​റ​ത്ത് നി​ർ​ത്തു​ക​യാ​യി​രു​ന്നു കൊ​ളോ​ണി​യ​ൽ ച​രി​ത്ര​കാ​ര​ന്മാ​രും ബൂ​ർ​ഷ്വാ ദേ​ശീ​യ​വാ​ദി ച​രി​ത്ര​കാ​ര​ന്മാ​രും ചെ​യ്ത​ത്. രാ​ജ്യം സ്വാ​ത​ന്ത്ര്യം നേ​ടി മു​ക്കാ​ൽ നൂ​റ്റാ​ണ്ട് പി​ന്നി​ട്ടി​ട്ടും, ഇ​ന്ത്യ​ൻ ദേ​ശീ​യ​ത​യു​ടെ ക​രു​ത്തു​റ്റ പ്ര​തീ​ക​മാ​യ ആ​ദി​വാ​സി​ക​ളെ നാം ​അ​ട​യാ​ള​പ്പെ​ടു​ത്തു​ക​യും ഗൗ​നി​ക്കു​ക​യും ചെ​യ്യു​ന്നി​ല്ല എ​ന്നു മാ​ത്ര​മ​ല്ല, അ​വ​രെ ഒ​ന്ന​ട​ങ്കം വം​ശ​ഹ​ത്യ​യി​ലേ​ക്ക് ന​യി​ക്കു​ന്ന ത​ര​ത്തി​ലു​ള്ള ന​യ​പ​രി​പാ​ടി​ക​ളാ​ണ് ഇ​ന്ന് കൊ​ണ്ടാ​ട​പ്പെ​ടു​ന്ന​ത്.

ഇ​ന്ത്യ​യി​ലെ ഗോ​ത്ര​വ​ർ​ഗ ജ​ന​ത​യു​ടെ ആ​രോ​ഗ്യ​സ്ഥി​തി​യെ​ക്കു​റി​ച്ച് പ​ഠി​ക്കാ​നാ​യി 2018 ആഗ​സ്റ്റ് 9ന് ​നി​യ​മി​ക്ക​പ്പെ​ട്ട 13 അം​ഗ ക​മ്മി​റ്റി​യു​ടെ റി​പ്പോ​ർ​ട്ട് ഈ​യി​ടെ കേ​ന്ദ്ര ഗ​വ​ൺ​മെ​ന്റ് സ​മ​ർ​പ്പി​ക്കു​ക​യു​ണ്ടാ​യി. ഗോ​ത്രജ​ന​ത​യു​ടെ ആ​രോ​ഗ്യസം​ബ​ന്ധി​യാ​യ സ​ക​ല​രം​ഗ​ത്തും അ​തി​ശോ​ച്യമാ​യ സ്ഥി​തി​യാ​ണ് ഈ ​സ​മി​തി ക​ണ്ടെ​ത്തി​യി​രി​ക്കു​ന്ന​ത്. ശി​ശു​ഹ​ത്യ​യി​ലും മാ​റാ​രോ​ഗ​ങ്ങ​ളി​ലും ആ​ദി​വാ​സി ജ​ന​ത മ​റ്റു​ള്ള​വ​രെ​ക്കാ​ൾ ഏ​റെ അ​വ​ശ​ത​യി​ലാ​ണെ​ന്ന് ക​ണ​ക്കു​ക​ൾ ചൂ​ണ്ടി​ക്കാ​ണി​ക്കു​ന്നു. കൂ​ടാ​തെ പ്രാ​ദേ​ശി​ക, സം​സ്ഥാ​ന, ദേ​ശീ​യ ത​ല​ത്തി​ൽ ഈ ​വി​ഭാ​ഗ​ങ്ങ​ൾ​ക്കുവേ​ണ്ടി ആ​വി​ഷ്ക​രി​ച്ച് ന​ട​പ്പാ​ക്കു​ന്ന പ​ദ്ധ​തി​ക​ളി​ൽ ഒരു​വി​ധ പ​ങ്കാ​ളി​ത്ത​വും ഇ​വ​ർ​ക്ക് ഇ​ന്നും ല​ഭി​ക്കു​ന്നി​ല്ല എ​ന്നും സ​മി​തി ക​ണ്ടെ​ത്തു​ക​യു​ണ്ടാ​യി. ഭ​ര​ണ​ഘ​ട​ന​യു​ടെ ശ​ക്ത​മാ​യ അ​ഞ്ചും ആ​റും ഷെ​ഡ്യൂ​ളു​ക​ളും 244, 275 എ​ന്നീ വ​കു​പ്പു​ക​ളും നി​ല​നി​ൽ​ക്കേ​യാ​ണ് ഇ​തൊ​ക്കെ സം​ഭ​വി​ക്കു​ന്ന​ത് എ​ന്നറി​യു​ക. രാ​ജ്യം ഏ​ത് ക​ക്ഷി ഭ​രി​ച്ചാ​ലും ആ​ദി​വാ​സി എ​ന്നും മു​ഖ്യ​ധാ​ര​യി​ൽനി​ന്നും റ​ദ്ദുചെ​യ്യ​പ്പെ​ടു​ന്നു. സ​ർ​ക്കാ​റുക​ളു​ടെ ഒ​ത്താ​ശ​യോ​ടെ ഇ​ന്ത്യ​യി​ലെ വ​നവി​ഭ​വ​ങ്ങ​ളി​ൽ പി​ടി​മു​റു​ക്കു​ന്ന കോ​ർ​പറേ​റ്റു​ക​ളോ​ട് പൊ​രു​താ​ൻ തി​ക​ച്ചും അ​ശ​ക്ത​രാ​യ ആ​ദി​വാ​സി​ക​ളെ സ​ഹാ​യി​ക്കാ​ൻ എ​ത്തു​ന്ന​വ​ർ ഇ​ന്ന് സ​ർ​ക്കാ​റി​ന്റെ ക​ണ്ണി​ൽ ഭീ​ക​ര​വാ​ദി​ക​ളാ​യും ന​ക്സ​ലൈ​റ്റു​ക​ളാ​യും അ​ർ​ബ​ൻ ന​ക്സ​ലൈ​റ്റു​ക​ളാ​യും മു​ദ്ര​കു​ത്ത​പ്പെ​ടു​ന്നു. അ​ർ​ബ​ൻ ന​ക്സ​ൽ എ​ന്ന ഭ​ര​ണ​കൂ​ട നി​ർ​മി​ത അ​പ​വാ​ദ​പ​ദം ചാ​ർ​ത്തി​ക്കൊ​ടു​ത്ത്, ഭ​ര​ണ​കൂ​ട​ത്തി​ന് യു.​എ.​പി.​എ നി​യ​മം ഉ​പ​യോ​ഗി​ച്ച് ഏ​ത് വ്യ​ക്തി​യെ​യും (അ​വ​ർ എ​ഴു​ത്തു​കാ​രാ​വാം, സാം​സ്കാ​രി​ക പ്ര​വ​ർ​ത്ത​ക​രാ​കാം, ആ​ദി​വാ​സി​ക​ളാ​കാം, ദ​ലി​ത​രാ​കാം) അ​റ​സ്റ്റ് ചെ​യ്യാ​നും തു​റ​ങ്കി​ല​ട​ക്കാ​നും അ​ധി​കാ​ര​മു​ണ്ട്.

ഇ​ന്ത്യ ഏ​റ്റ​വും കൂ​ടു​ത​ൽ കാ​ലം ഭ​രി​ച്ച കോ​ൺ​ഗ്ര​സും ഇ​പ്പോ​ൾ ഭ​രി​ച്ചു​കൊ​ണ്ടി​രി​ക്കു​ന്ന ബി.​ജെ.​പി​യു​മാ​ണ് 2005 ഏ​പ്രി​ലി​ൽ ഛത്തിസ്ഗ​ഢി​ൽ ന​ക്സ​ൽ വി​രു​ദ്ധ മു​ന്നേ​റ്റം എ​ന്ന ഉ​ദ്ദേ​ശ്യത്തോ​ടെ സൽ​വാജു​ദൂം തു​ട​ങ്ങു​ന്ന​ത്. എ​ന്നാ​ൽ, ഈ 'തീ​വ്ര​വാ​ദ വി​രു​ദ്ധ സേ​ന'യു​ടെ സ​ക​ല പ്ര​ഹ​ര​വും ഏ​റ്റു​വാ​ങ്ങി വ​നാ​ന്ത​ര​ങ്ങ​ളി​ൽ മ​രി​ച്ചുവീ​ണ​തും പ​ലാ​യ​ന​ത്തി​ന് വി​ധേ​യ​രാ​യ​തും നി​സ്സഹാ​യ​രാ​യ ആ​ദി​വാ​സി​ക​ളാ​ണെ​ന്ന​താ​ണ് സ​ത്യം. ചു​രു​ക്ക​ത്തി​ൽ, ഖ​ന​ന ആ​വ​ശ്യ​ത്തി​നാ​യി ഭൂ​മി ഒ​ഴി​പ്പി​ച്ചുകി​ട്ടാ​നു​ള്ള കോ​ർ​പറേ​റ്റ് വ്യ​വ​സാ​യി​ക​ളു​ടെ ഫ​ണ്ടു​ള്ള, അ​വ​ർ ന​യി​ക്കു​ന്ന വ​ൻ​തോ​ക്കു​ക​ളു​ടെ ഒ​രു മാ​ർ​ഗ​മാ​ണ് സ​ൽ​വാജുദൂം.

ആ​ദി​വാ​സി​ക​ളു​ടെ പോ​രാ​ട്ട​ത്തി​ന് പി​ന്തു​ണ​ക്കാ​ൻ ഇ​പ്പോ​ൾ ഒ​രു​പാ​ട് ആ​ൾ​ക്കാ​ർ ഒ​ന്നും അ​വ​ശേ​ഷി​ക്കു​ന്നി​ല്ല എ​ന്ന ഹി​മാ​ൻ​ശു കു​മാ​റി​ന്റെ വാ​ച​കം ന​മ്മെ നൊ​മ്പ​ര​പ്പെ​ടു​ത്തു​ന്നു. 2009ലെ ​ഗോ​മ്പാ​ഡ് സം​ഭ​വ​ത്തി​ൽ അ​റ​സ്റ്റ് / ജ​യി​ൽ​വാ​സ ഭീ​ഷ​ണി നേ​രി​ടു​ന്ന ഹി​മാ​ൻശു ​കു​മാ​ർ ഇ​തി​നെ​യൊ​ന്നും തെ​ല്ലും ഭ​യ​ക്കു​ന്നി​ല്ല എ​ന്ന് ഏ​ക​ദേ​ശം ഒ​രു വ്യാ​ഴ​വ​ട്ട​ക്കാ​ലം മു​മ്പേ ത​ന്നെ പ​റ​ഞ്ഞി​രി​ക്കു​ന്നു. ''ഒ​രു ആ​ക്ടി​വി​സ്റ്റി​നെ സം​ബ​ന്ധി​ച്ച് ഒ​ന്നോ ര​ണ്ടോ വ​ർ​ഷം ജ​യി​ലി​ൽ കി​ട​ക്കു​ന്ന​ത് വ​ലി​യ കാ​ര്യ​മൊ​ന്നു​മ​ല്ല. അ​ത് സ​ത്യ​ത്തി​ൽ പ്ര​തി​ഫ​ല​മാ​ണ്..! അ​റ​സ്റ്റ്, ത​ക​ർ​ക്ക​ൽ എ​ന്നി​ങ്ങ​നെ​യു​ള്ള സ​ർ​ക്കാ​റിന്റെ ഭാ​ഗ​ത്തു​നി​ന്നു​ള്ള നീ​ക്ക​ങ്ങ​ൾ ആ​ളു​ക​ളെ ഭ​യ​പ്പെ​ടു​ത്തി പി​ന്തി​രി​പ്പി​ക്കാ​നു​ള്ള​താ​ണ്. പ​ക്ഷേ അ​ത് ചി​ല​രി​ൽ ഫ​ല​വ​ത്താ​കി​ല്ല.''

സ​ർ​വം ത്യ​ജി​ച്ചു​കൊ​ണ്ട് ഇ​ന്ത്യ​ൻ സ​മൂ​ഹ​ത്തി​ലെ ഏ​റ്റ​വും പ​തി​ത​രാ​യ വി​ഭാ​ഗ​ങ്ങ​ൾ​ക്കുവേ​ണ്ടി​യു​ള്ള പോ​രാ​ട്ട​ത്തി​ൽ നി​ൽ​ക്കു​ന്ന ഹി​മാ​ൻ​ശു കു​മാ​റി​ന് ന​മു​ക്ക് ഐ​ക്യ​ദാ​ർ​ഢ്യം പ്ര​ഖ്യാ​പി​ക്കാം.

പി.ടി. വേ​ലാ​യു​ധ​ൻ ഇ​രി​ങ്ങ​ത്ത്